((عاجل)) وجود شطب في شمال بريدة قد يؤدي الى زلزال ساعدوني بأرائكم
 

انا من سكان حي من شمال بريدة طلعت من البيت لصلاة العصر وفجأة شفت قدامي شطب بالأرض كأنه بيت نمل مالقيت له بالي لكن مشيت خطوات والشطب بدأ تزود فتحته وامتدت مسافته مو بهينه رفعت عيوني ابي أشوف نهايته لكن للأسف عقدت حواجبي وماني مصدق اللي قاعد اشوفه المهم مشيت تقريباً مسافة10 متر والشطب نفس مقاسه الأول والى الحين متوقع بيت نمل كبير لين مشيت 150 متر وهو يزود وينقص وانتهى بي المطاف عند شارع 15 قلت الحين أتأكد من وسواسي اذا كان بيت نمل فهو بيوقف واذا كان شطب فهو بيمتد داخل الشارع وفعلاً مشيت لقيت الشارع منقسم قسمين بخط مستقيم موازي للي بالأرض مشيت مسافة تقريباً 200 متر وهو على هالحالة وبالمقابل بالجهة الثانية نفس الشطب بس مو مثل الجهة الأولى اخف شوي طبعاً انا قبل 3 اسابيع في عطلة العيد طلعت رحلة مع شباب لحايل ومرينا قرية من قرى حائل اسمها ( طابه ) وهذي القرية خُسف فيها ويوم دري الملك فهد الله يرحمه عام 1415 هـ أمر بأن يخرجوا من هالقرية وأخلى المسؤولية وأمر ألا ينام فيها أحد وعطى كل واحد أرض سكنيةفي مخطط بعيد عن القرية وقرض في خلال مدة قصيرة والقرية خالية مافيها إلا مزارع المهم سبحان الله القرية هذي مثل القرى الثانية اللي تكون موزاية للطريق العام اللي نعرف لكن هذي بدأت تنزل شيئاً فشيئاً والحين اللي يجيها وهو مع الطريق يشك إن فيه حفرة عميقة لكن يوم ينزل تدريجي يلقى قرية طامنة جداً والبيوت بمكانها لكن اللي يتأمل يشوف أرضها طبقات متدرجة يعني مثل مبنى ( وزارة الداخلية ) بالعكس يعني كل شوي ينزل متر عن اللي قبله واللي يتجول داخل الديرة يشوف شطب كبير جداً وفي كل مكان حتى انك اذا حلت حصاة بداخلها تسمع صداها وهي تهوي لين يختفي صوتها وهذا يأكد لك عمقها من الداخل وهو اللي خلاني انتبه للأرض من جيت من الرحلة طبعاً وعلى حسب ماسمعت انه مو بس هالمكان فيه أماكن بمنطقة القصيم وبالجبال تحديداً بدأ يظهر فيها بعض الصدع خاصة هالسنة عسى الله يديم علينا الأمن ويكفينا شر الزلازل والبراكين
___________
أرجو التكرم بإفادتي هل الموضوع خطير ولأي الجهات أخبر هل هي البلدية أو وزارة الصحة وإلا أي جهة تكفون اللي يعرف لايبخل علي وإلا أسكت بس هذا شئ ماينسكت عليه خاصة إنه قدام بيتنا مباشرة .

وين بالظبط؟؟؟؟

لو تكون صوره يكون اوضح

لو تكون صوره يكون اوضح

الله يكتب الي فيه الخير

هل فيه منزل للبيع هناك لعل يجينا منحه بدلها وقرض قريب


الله يلطف بنا وأن يعاملنا بماهو اهله ولايعاملنا بما نحن أهله هو أهل التقوى واهل المغفرة

من علامات الفتن في الأرض عندما يظهر المسخ ......وشرب الخمر .....(معنى الحديث) ........
الله يححفظنا يارب .

وين بالظبط؟؟؟؟ لو تكون صوره يكون اوضح :oo :eek:

اطمانكم بان هذه الشقوق انشاء الله لا تسبب أي زلازل او حتى هزات ..
وتحدث بسب توالي الحرارة الشديدة والبرد الشديد .. وخصوصاً ان المنطقة
لم تواجه برد مثل برد هاليومين ..

والمسألة عادية .. الا إذا كان الشطب له حفرة عميقة فهاذا شيء ثاني ..

وغديه انشاء الله ماله حفرة .
وأرجوا المزيد من الشرح والتفصيل.

يلت يكون في الصورة او تحديد الموقع

ياااااااااااااهوه ارفق علينا ما تعودنا على الامور هذي: 12:eek:
يمكن بك نوم مااااششفت زين يارب :eek5:i125
الله يسترررررررررررر يارب

مشكورين ع المرور ومن ناحية كلامك ( رئيس التميز ) فقد يكون صحيح
لأن السنة الماضي مرينا بموجة حر شديدة يمكن تكون القشرة
الأرضية تأثرت منها أو الله العالم والصورة هذي صورتها
مع إن أكثر الشطب واطيته السيارات ومندفن لكن
اللي قدرت صورته واعذروني كان عندي
إختبار وماشفت ردودكم
[IMG]httphttp://www.buraydahcity.org/buraydah...1200249348.jpg://[/IMG]

( ليس من رأى كمن سمع ) .. هذي الصورة الثانية
http://www.buraydahcity.org/buraydah...1200256156.jpg

زلزاال

هههههههههه
يوووووه ;)
يوه يووووووه:029: ههههههههه

ههههههههههه

والله بتلت اضحك :091::091::091:
:D:D

هذا يابو الشباب
من كثر الحفريات الي عندكم
يعني لاتستغرب اذا طلعت من البيت ماتلقا سوركم

شكل الشطب براسك... هع هع هع هع

صحيح الكلام وتحديداً حول الراشديات... وانا شفت شطب مهنا كبرهـ ... هناك واتضح انه حفريات....ويمكن يكون,, زلزال.... كل شيء جائز...


والله الحافظ

لا ان شألله مافيه اي خوف بس هاذى احتمال يكون
نفس المكان اللي انت شفت فيه الشطب تحته بير او قبو اوخزان او بياره
.....مره زي كذى حصل معي كنت اتمشي في مكان فيه بيوت طين فجأه بغيت اطيح في حفره
الحفره هاذي ماكانت موجوده يوم اجي لوكانت موجوده كان حطيت بالي بس بعد ما مشيت فوقها انخفست
بس فكن الله منها وعديت منها بسلام

..الله الله ...بكريم الشطوب....حق الكعوب...:d

نعم لو تكون فيه صوره كان افضل ..


وزلزال مره وحده .. ههههههههههههه

حلوه زلزال هههههههههههههههههههههههههههههههههه
وين عايشين يابو الشباب والله لو أنا منك كا ما نزلت الصوره هههههههههههههههههه
يابو الشباب صرت مسخره
أبقولك شي تراى بيتنا بالحوش به مثل هاشطب تتوقع أنه زلزال هههههه

سبحان الله ياحبكم يااهل بريده للأستهتار عيب عليكم الاسلوب هذا

ذكرتني بالبلدية ..
أعتقد شكل بلدية مايستغرب منهم

أن شاء الله ما فيه ألا خير

ممكن يكون من الحفريات

لويكون بصورة كان اوضح

الحين بنقل لكم خبر ماهو مني عشان ترتاحون من صحيفة الجزيرة .....
رياض الخبراء - حسن الدهيمان
http://www.buraydahcity.org/buraydah...1200936741.jpg
تخوف أهالي محافظة رياض الخبراء من ظهور تشققات وتصدعات أرضية بين المتوسطة والقصيرة في المنتزه البري الوحيد للمحافظة (أم الحلم) بالقرب من طريق محمد السويلم وبعدة أماكن متفرقة يقطنه العديد من مربي المواشي والبدو الرحل وتحدث أحد المهتمين بتربية المواشي في نفس الموقع (أبو سالم): إن التشققات أصبحت أكبر وبشكل واضح وبخط كبير ومستقيم نوعاً ما وأثارت نوعاً من المخاوف بين البادية وأهالي المنطقة وناشد الجهات المختصة بالوقوف على المكان لتطمين أو تحذير الأهالي من الاقتراب من الموقع وكما فكر أبو سالم بالانتقال من الموقع حفاظاً على ممتلكاته والخوف من وقوع انهيارات وتصدعات أكثر لا قدر الله. وتمت مخاطبة المديرية العامة للمياه بمنطقة القصيم بهذا الموضوع وفي خطاب توضيحي تلقته (الجزيرة) عن الموضوع من مدير عام المياه بمنطقة القصيم المهندس عبدالكريم محمد الفوزان أنه تم تكوين لجنة والوقوف على التشققات المذكورة وتم الرفع عنها لمقام الإمارة وأوضح مصدر جيولوجي رفيع المستوى أن المشكلة تتعلق بالقشرة الصخرية إلى تغطي المياه الجوفية وأنها نتاج من استنزاف المياه الجوفية واستخدامها استخداماً جائراً في المنطقة المحيطة.:102:

الله يلطف بنا

شكراً على مروركم