|
هل تقبل الزواج من ممرضه؟؟؟؟
سألني احد الشباب اثناء اجتماعنا وقال لي :-
هل تقبل الزواج من ممرضه .. ؟ !! فـ قلت له وما المانع ان تزوجت من ممرضه ؟ !! فـ قال لي : الممرضه تمسك مناوبات في الليل وشغلها فيه اختلاط مع الرجال مثلا مثلا على الأقل مع الدكاترة .., فـ قلت : لا حياء اخي ... انت هل ترضى ان يكشف احد الدكاتره على امك او اختكـ او احد من اهلك ..؟ قال : يا اخي لا ارضى ولكن :- ليه معدل العنوسة بين الممرضات مرتفعة ؟؟ وليش الممرضة محل شكوك من الناس ؟؟؟ هذا ماجعلني اطرح الموضوع لكم احبتي .., سواء للجنسين الذكور او الأناث لأبداء الرأي هل تقبل الزواج من ممرضه ..؟ ولماذا ..؟ وانتي ايتهاا الفتاه ماهو موقفكـ من جراء تلك القضيه ..؟ تحياتي .., |
هل تقبل الزواج من ممرضه ..؟ ولماذا ..؟ بالنسبة لي لا !! عزيزي التمريض مهنة شريفة ومطلوبة !! مع انني احترم جميع تلك الممرضات اللاتي يخدمن المرضى وتلطفهن معهم ! الا انني لا اقبل بها كزوجة !! اعتقد مكان العمل ! وساعات العمل ! سبب في عدم قبولي بها !! شكرا ليك |
اقتباس:
|
انا اعتقد انه اهم شي ان تكون الزوجة قادرة على آداء مسؤولياتها تجاه زوجها وابناءها وبيتها
سواء كانت دكتوره او ممرضة او معلمة الخ... طيب الله اوقاتكم |
لا أجد مشكله في زواج الممرضه كونها طيبه وصالحه وقادرةُ على تحمل مسؤلياتها فالتمريض يختلف في شتى أقسامه ,, فمثلاً ممرضه في مستوصف الحي ,, لا وجود بالإختلاط جميل أن كنا لا ننكر أن مهنتها شريفه وبالمقابل محال أن يتزوجها الآخرون فبهذا التفكير يزيد المشكله وتزداد العنوسه. ليست المشكله في مجال العمل بل المشكله في صلاح المرأهـ فكم زوجه لا تخرج من بيتها وهي إمراءةُ فاسقه ,, وبالمقابل تجد من تجول في أسياب المستشفى بمهنتها ولكنها أطيب وأكثر صلاحاً , دمتم بخير ,, وشكراً للكاتب على الموضوع الرائع ,, |
بالنسبه لي ماعندي مانع اذا كانت الثانيه:d
|
إسمحوا لي أن أطرح لكم هاهنا نظرة أخي في هذا الموضوع ,,, فهو رافض تماماً لهذه الفكرة ،، معللاً ذلك بأنه يريد إذا عاد من العمل أن يجد في إستقباله زوجة تنتظره ،، لا أن يعود من العمل وعندما يغُط في نوم عميق ،، يسمع صوت الباب يُفتح وإذا بزوجته المصون قد عادت من عملها ,, هذه وجهة نظره ,, وأنا أوافقه عليها ...... موضوعك رااااااااااااائع..... استمررررررررررررررررررررررررررر:rolleyes: |
حتى لو كانت الممرضه صالحه الزوج مايرتاح ان زوجته تختلط او تصير بمكان فيه اختلاط |
والله ابجاوب جواب يمكن ما يعجب الكثيرين منكم ... احمد ربك اللي تقبل فيك الممرضة وش عليه شايف نفسك انت واياه حتى لو كان عملها 8 ساعات وين عايشين ليه شكوك وهموم والخربطة هذي لو انها تشتغل بكازينوا كان قبلنا كلامك انت واياه و للمعلومية انا يمكن ما ازوج بنتي لطبيب لكن ازوج ولدي لطبيبه
|
هلا بالبياتي .. البلى مهوب بالاختلااااااااااط وبس .. البلى بطبيعة العمل ياناااااااس .. كلن منا دخل مستوصفات ومستشفيات وحتى مستوصف الحي .. وشاف الممرضة وشلون تمسك ايده وكيف تحط المحلول .. وكيف تتلطف معه .. والأدهى من هذا كله انه في بعض الحالااااااااااااات تتعامل الممرضة مع عورة المريض .. ولن ننسى ايام التأهيل وأيام الدراسة اما بالمعاهد الصحية او الكليات الصحية والتطبيق .. واللي في حينها نزع الحياء منهن .. وهذا مشاهد في المستشفيات الجامعية .. اذا هاااااااااك الساعة حطوا مستشفيات ومراكز متخصصة للنساء .. ذيك الحزة يفكر الواااااحد .. سي يو .. |
اقتباس:
محمد حسن بشــــــــــــــــــــــــــــــــــــــــــــــوي ش ماهقيت انك تقبل بها وانت ماقبلت بوجهات نظر الاخرين !! وتفرض على ابنك ان يتزوج بكيفك قمة الدكتاتوريه اخوي محمد حسن شكرا ليك |
أهم شيء في نظري هو : ـ مكان عملها هل هو مكان خاص بالنساء "مستقل" ـ دينها ـ التربية وليت أخي الكريم طرحت سؤال هل تتزوجين ممرض يختلط بالممرضات:confused: لاجل يكون هناك انصاف للطرفين مشكور أخي غريب الذات |
الشكر لجميع من شارك وادلى بدلوه ولا تعلمون كم احزنني حالنا وموقفنا من مهنة التمريض حيث تدور حولها الشكوك والحيره والتردد مع العلم إنها من أشرف الوظائف في نظري . ولكن حلنا مؤسف ففي امريكا وكندا تحضى مهنة التمريض والدفاع المدني بالدرجة الاولى بالأحترام لدى تلك المجتمعات. فمدام هذا حالنا ونظرتنا فاطريق أمامنا طويل حتى نرحل عن عالمنا العالم الثالث, فوالله ان مما يحز في النفس ان لدينا طاقات نسائيه هائله وكبيره ولكن العرف والعادات العينه تقتلها في مهدها. لكم تحياتي غريب الذات |
كنت لا أرى بأس وكنت ادافع عنهن لكون طبيعة عملهن شريفة لكن!! بعد مواقف حصلت لي وشاهدتها بأم عيني بعدها اعترض وبشدة ولايعني ذلك التعميم لكن هناك فئة شوّهت الصورة على الأخريات .. |
انا مااقبل بزوج ممرض
شلون الرجل راح يقبل بممرضه نوووووو اخوي لو يقول اخطبي لي ممرضه اول من يعارضه انااااااااا ومثل ماقال مدحت احيانا يكون التمريض على العورة |
أي أختلاط وأي خرابيط....أعذروني بس إنتوا تضحكوا ع نفسكم بهذا العذر.. أجــل لا تخلوا زوجاتكم ولا خواتكم أو بناتكم
يروحن السوق ولا حتى المستشفى ترى فيه إختلاط.!!!!! ترى البنت المحترمه هي إللي تفرض ع الناس يحترموها أستغرب من البعض اللي يرد بدون تفكير وعدم إحترام رأي الآخرين ، إحنا رفضنا الزواج من ممرضة لكن ما رفضنا مهنة التمريض بالعكس وجود ممرضات نساء في المستشفيات أمر ضروري لتهتم بالمرضى النساء أفضل من الفلبينيـات الغير مسلمات ،,, ولكن تبقى مسئلة الزواج حرية شخصية فالبعض لا يرغب بالزواج من معلمة رغم عدم إختلاطها مع الرجال والبعض يرغب بأي فتاة والاصابع ما هي وحدة,والمحترمة ما يعبيها عملها حتى لو كان بين مليون رجال هي وجهات نظر ولا يعني من يرفض يكون متخلف فكل رجل حر في إختيار زوجته سواء ممرضة أو عاملة أو سيدة أعمال أو ربة منزل وأتمنى أن يكون النقاش عقلاني ويحترم الكل وجهات نظر الأخرين وينظروا لمسئلة الرفض من كل النواحي __________________ |
أخي الكريم بالنسبة لي أرى أن مهنة التمريض عموماً مهنة انسانية شريفة قبل أن تكون وظيفية 0 فالممرضة تختلف باختلاف موقعها فإن كانت في مكان غير مختلط كمستشفى نسائي وقسم مستقل نهائياً فلا مانع عندي ( عساك تخبر لي ) إذا رضيت هي بأن تكون0000000 0 قبل النزول ماذا تتوقعون ؟؟؟ 0 0 0 0 0 صبراً صبراً 00 0 لاتستعجلوا 00 0 0 0 0 0 هل توقعتوا لأخبركم ؟؟؟ 0 0 0 0 0 0 0 الثانية (( يمنع تعليق المسفهل )) |
سامي بريدة .. تبي ممرضة بمركزنساااااائي متخصص انا معك .. دور لي معك يالبي .. هج عن اللي تضربك ابرة عضل .. وكأنه تضرب عنز .. وتمسح وحالته حاله .. ووووووووووووين حنا بوه .. ومابي اوصف لأني ادري تبي تهج بي .. همن نقعد نبلش فرقعين جدي .. يالبي لو تشوف هالممرضااااات وهن يتمايعن ويتمازحن مع زملاااااااااااااااائهن الممرضين .. كان تقول مانبي مستشفيات بسبب هالمهزلة .. سي يو .. |
هلا بحبيبي مدحتنا والله إنك صادق تصدق شفت الهوايل يوم كنت أراجع بوالدتي رحمها الله في مستشفى الملك فيصل الله لا يوريّك لا حياء و لادين بكل بجاحة تبز عيونها عليك ولسان حالها تقول (( وش دخلك بنا )) علاقة بريئة شريفة ترى مو اسمها شريفة انتبه !!!!!!! إلا على طاري مدحت وش أخبار(( سند )) عساه ابّيض شوي ؟؟؟؟؟ تراي منذ مبطي ما شفته هل فيه جديد عندكم أو الدعوى مهب التي تريد انتبه يجوز الكوتيل باللغة للضرورة !!!!!!! |
عاااااااااااد بذمك .. تعرس على وحدة منهن هذولي .. والله لو يقولون هي تعطيك مهر .. وشلون تقبل بوحدة لك بالبيت وبرى البيت لغيرك .. سي يو .. |
http://www.t7leeh.com/mnwa/mnwa5.gif
http://www.t7leeh.com/tr7eb/tr7eb5.gif http://www.t7leeh.com/fwa9l/fwa9l9.gif ياجماعة الخيــر انا ادور على الثانيه ..... من يخبرلي طبيبه او ممرضه فقولو لهم ان العضو معنا هنا والمتسمي بالمواطن ماعنده مانع من الزواج ... http://www.t7leeh.com/fwa9l/fwa9l9.gif ... قلبه خضر |
اقتباس:
أحمد ربي على قبولها بي !! ؟؟ :D عزيزي عملها هو المحك في تحديد قبول الزوج بها من غيره .. صحيح أن عملها من الأعمال الشريفة ولكن : يبقى أن الاختلاط فيما بين الجنسين يضع الزوج في تيهان ما كانت تمارس عملها .. هواجس الذهن وخواطره تدور في فلك الشيطان لتسبح في ذهن الزوج يصوغها الشيطان ليخرب البيوت بسبب عمل شريف .. لكن كثير هم القائلون قليل هم الفاعلون .. تحياتي .. :) |
لحظه ..!!
ليه كل هالنظره للمرضه من الغلط اننا نعمم موقف حصلنا من احداهن نقول بانهن جميعا هكذا فيه بنات داخلات حب للمهنه مولاي غرض ثاني ......... صححوا نظرتكم .......... والله كثير من البنات يبون يدخلون بس من هالنظره مترددات ........ اتمنى تغيرون هالفكر ... |
اقتباس:
|
اقتباس:
|
اتركوهن بحالهن
حاطين دوبكم دوب العاملات بالمجال الصحي قال ايه.. قال اختلاط قال لاتتزوجون بهن بس لاتقذفونهن في احد الردود وقاحه يقول..لك بالبيت ولغيرك برا اتق الله يااخي كيف تقول عنهن كذا الصلاح بالقلب لااختلاط ولاغيره ولو بحلف ان هـ الممرضه اللي تتهمونها اشرف واطهر مليون مره من خواتكم وبناتكم اللي مايطلعن من البيت كثييييييير تطرحون مثل هـ المواضيع وقلتها قبل واقولها الحين اللي اصلا ملتزمه ومتربيه ببيئه متدينه تلاقيها متستره وماأثر عليها مجال عملها ومستحيل يأثر انا شفتهن بعيني بمستشفى بريده متسترات ومحتشمات ووشفتهن بالجامعي بالرياض طبعا فيه اللي كاشفه لكن مو عملها اللي اجبرها..لا لانها هي متربيه ببيئه متفتحه ... طبعا هذي وجهة نظركم... لانكم متربين ببيئه منغلقه بعيده كل البعد عن الدين والا لو كنتو ملتزمين صدق وتخافون الله ماقلتو هـ الكلام عنهن لمجرد انهن ممرضات |
أنا لن أتزوج ممرضة ..!
أو أي مرأة تعمل في ساحة يتواجد فيها رجال .. |
اقول وبالله التوفيق بنات المسلمين فيهن خير بس الظروف حدتهن على الاختلاط ولو فينا خير كنا حرصنا على فتح مستشفيات خاصة بالنساء وما كان الاختلاط بس حنا داسين روسنا بالتراب ولا نطالب المسؤلين بهذ والآن نلوم بناتنا المصونات ادعو معي ان يشرح الله صدور ولاتنا لأن يفتحوا مثل هذه المشتشفيات الخاصة بالنساء لتكون سترا لنسائنا وممرصاتنا وطبيباتنا
|
تعبتــ أشتاق ردك مثل وجهك ....... الا وش قصة اختيارك لأسم معرفك وتوقيعك |
لا لا , وراااااااااااااه قضن البنات , والحمد لله الممرضة تاخذ ممرض أو طبيب مثله غير الاثنين هي لاتفكر
لأن الممرضة منزوع منها الحياء وأكثر الشباب شكاك , وبعدين أغلب الممرضات تعرضن لتجارب مخزية سواءا برضاهن أو لا ,, من تكوين علاقات واختلاء ومياعة وسخافة وقلة ادب تصل أحيانا للحرام بسبب نزوة أو اندفاع , الزواج ياجماعة مهوب لعبة يحتاج إلى دفع كل الشبه حتى يستمر حتى أسألوا الدكتور فيل :) خصوصا إذا ماعلمنا أن أغلب الممرضات صغيرات بالسن يعني منتهيات الله يستر عليهن عموما اللهم أغننا بحلالك عن حرامك |
اقتباس:
أنت تناقض نفسك بنفسك .. ترد على نفسك بنفسك .. قلت لا تقذفوهن .. وقذفت أخوات بعض من في المنتدى على حد قولك .. أتمنى ألا تنتقم بطريقة غبية .. ثمّ ما معنى مجتمع منغلق .. لا يوجد مايسمى مجتمع منغلق .. يوجد مجتمع يحافظ على ثوابت الدين .. مجتمع يصون بناته عن أن تمسها يد لا يجوز لها المساس .. قبل أن أختم .. تدعي أنك تدافع عن تعميم الحكم .. وأنت تعمم على المجتمع الذي نحن فيه بأنه منغلق .. شر البلية ما يضحك .. ;) |
اقتباس:
اللي مايطول العنب..............................>> |
اقتباس:
شكرا على مدحك :D وهذي وجهة نظري .. وكلن له وجهة نظر .. او يعني ان لم تكن معي فاأنت ضدي .. :confused: وبيئة عمل الممرضة معروفة وواضحة .. والشمس ماتغطى بغربااااااااااااااال .. واظن ماهو ان لحالي اللي قال هالكلااااااااااااام .. سي يو .. |
التمريض مهنه شريفه مثلها مثل غيرها ....... واذا رفضها شريحه من المجتمع وخاصه _الرجال_
فهناك الكثير من الواعـــــــــــين اللي يفتخرون فيها ..... ولا يمانعون من الارتباط بممرضـــــــــــــة لكل ممرضه اقول: وفقك الله ..... فماتقدمينه لمجتمعك ليس يسيرا..... ووالله انني ارتاح راحه بالغه اذا راجعت مستشفى ورأيت ممرضات سعوديات....... لاتبالي بكلام (فلان او علان)... لان المجتمع فيه اصناف واشكال غريبه ولو اتبعنا رضاهم لما خطونا خطوه نحو الامام.......مهنتك شريفه ولن يخيبك الله ابدا مادامت نيتك صافيه.... شكرا لكاتب الموضوع ........ واهنئك اخي على تفكيرك الراقي وعقلك المتفتح ....... تقبل مروري |
السلام عليكم ياجماعة الخيــر اتقـو الله باللي تكتبون يعني اذا الموضوع مو عاجبك لا ترد وتجرح وتقول كلام ماله داعي وفي كل مكان عمل فيه الطيب وفيه الردي البعض لا تختلط في عملها لكنها تختلط بالاسواق وغيرها طالبو بمستشفيات نسائية واقسام نسائية احسن من مواضيع ماتعود علينا بفايده واحسنو النيـة ياحبيلكم جميعاً |
ابو عراااااااااااااااااده .. انا عندي الحل .. تدري وشو .. بكرا .. كل واحد يروح لأقرب مستشفى .. ويجي يقول لنا وش اللي شافه بالمستشفى واللي يصير بغرف الممرضين وعند المرضى .. وبعده احكموا .. سي يو .. |
اقتباس:
ثاني سالفة معرفي وتوقيعي شئ يخصني انا بس مالك شغل فيه انت ونيتك السودا |
وانا باقولك يامدحت رح للسوق وشف وش اللي يصير
وشف النت وشف اللي يصير واسال عن كليات البنات واسمع البلاوي اللي فيها بكل مكان فيه الزين والشين لكن الحل بطرح حلول موب بشي ثاني ياخوي |
اقتباس:
بوريهم شين القذف وقوته بحسسهم يعني الممرضه اللي تقرا هالموضوع والردود واللي اخته ممرضه مايتضايقون من هالكلام وانتم تصفونه بابشع شئ وتتهمونها باخلاقه او حلال عليكم تقذفون هالمسكينه وبناتكم المصونات تجزعون اقتباس:
فيه فرق بين المحافظ والمنغلق المحافظ تبع الدين فقط والحلال والحرام مو العيب والسلم والاعراف معنى منغلق اي له عادات وتقاليد لاتمت للدين بصله مثل قولة عيب لشئ مو حرام لكن العادات والتقاليد تحتم هالشئ انتم منغلقين يعني انتم ماتستوعبون ان البنت تشتغل بالمجال الطبي واللي تشتغل هالشغله معناته انها فاسده ومنعدمة الاخلاق .. مثل ما اباءنا زمان مااستوعبو سالفة دراسة البنت والحين شوف لما تفتح المجتمع واستوعب مافي بنت مادخلت المدرسه وتعلمت وتلاقي الشاب الحين مايبي يرتبط الا بمتعلمه ومعها شهاده فهمت قصدي ... استوعبت معنى منغلق؟؟؟؟ وانا هنا ماعممت بالمجتمع ككل قلت انتم رافضين الفكره لانكم بمجتمع منغلق اي اللي رافض الفكره هو واهله واللي حوله منغلقين فقط وتربى على هالشئ مو المجتمع ككل اي مو بريده عامه والا انا بريداويه وماافكر نفس تفكيركم حتى لو سايرتكم |
.. صعبة جدا أن أقبل بها .. حتى ولو كانت من أشد النساء صلاحا . لأمور - أن النساء ضعيفات .. والنفس أيضا ضعيفة .. والشيطان حريص - فكيف سيكون حالها عندما ترى (عورة) رجل أجمل بكثيرمني .. وهل سيزداد الحب بيني وبينها . - لا أريد أن أكون على أعصابي ليل نهار .. هل تغير حبها ؟! هل ما زالت كعادتها ؟! هل رغبت عني ؟! - الآن مشاكل كثيرة وهن لا يختلطن برجال فما بالك إذا اختلطن . وأما عملها ومكانتها فمعروف مكانة هذه الوظائف .. .. ولك جزيل شكري .. |
اقتباس:
الظاااهر انك داااخل مستشفى المنيه حبيبي وين عااايش انت وش تقصد اللي يصير بغرفة الممرضين ؟ ؟ ؟ صحيح فلبينووو ممكن في بعض المستشفياات لكن سعوديين وسعودياااات ممرضين او اطبااء او اخصاائيين اشرف واطهر واسمى بكثيير من تفكير وعقلياااات بعض الحااقدين والمتسلطين ورجاااااائي الشديد لمن لديه تحفظ على اي مهنه او عمل ينتقد بحدود الاحترااام بعيداا عن اللمز والسب المغلف لآنه بالنهاااية كتآبتك او لآ بتسآل عنه وثاانياااا بتروح لسلة المحذوفااات لذااالك اتمنى قليلا من الآدب اقتباس:
لآتشتم ولآتقدح واعرف طريقك للنصح مو تجي هنااا وتهآيط وتحرق دمك على غير سنع . . |
بالنسبه لي ماعندي مانع اذا كانت الثانيه:d
|
هل تقبل الزواج من ممرضه .. ؟ !!
عجبا والله اليست مسلمة عفيفه ماهو العيب الذي يشاهده الجميع على الممرضة فقط لأنها في مكان أختلاط اليست الأسواق أختلاط والمطاعم أختلاط اليس هناك من يترك زوجته أو أبنته لوحدها بالمجمعات التجارية وبالمستشفيات ؟ هل الشرع حرم عمل الممرضة هـنــا الـسـؤال من يستطيع أن يقدم فتوى بهذا الخصوص فـ قلت له وما المانع ان تزوجت من ممرضه ؟ !! فـ قال لي : الممرضه تمسك مناوبات في الليل وشغلها فيه اختلاط مع الرجال مثلا مثلا على الأقل مع الدكاترة .., الجميع يعرف المنطقة الوحيدة بالمملكة تجد الممرضة والدكتورة السعودية غير متحجبة بستثناء نسبة بسيطة جدا .. أما باقي المناطق ترى العكس محتشمة بالزى الأسلامي . أما بخصوص المناوبة آخر الليل الذي نشاهده بإن عملها يكون بالقسم النسائي فقط .. فـ قلت : لا حياء اخي ... انت هل ترضى ان يكشف احد الدكاتره على امك او اختكـ او احد من اهلك ..؟ نعم لا مانع لدي بوجودي أو وجود أخي أو ولدي قال : يا اخي لا ارضى ولكن :- ليه معدل العنوسة بين الممرضات مرتفعة ؟؟ وليش الممرضة محل شكوك من الناس ؟؟؟ هههه معدل العنوسة حتي عند المدرسات أكثر ؟ اما ليش الممرضة محل شكوك بوجهة نظري كلن يرى الناس بعين طبعه من يمشي بطريق الرذيلة يرى جميع الناس على شكلته . وبالتوفيق للجميع هذا ماجعلني اطرح الموضوع لكم احبتي .., سواء للجنسين الذكور او الأناث لأبداء الرأي هل تقبل الزواج من ممرضه ..؟ ولماذا ..؟ وانتي ايتهاا الفتاه ماهو موقفكـ من جراء تلك القضيه ..؟ تحياتي ..,[/QUOTE] |
اقبل ومافيه اي مانع
|
الشكر لكل من شارك وأدلى بدلوه في هذا الموضوع ولكل من قل أدبه في رده أيضاً. والى كل ممرضه اقول والله إني لأفخر بكن وبأمثالكن حينما أراهن يرتدين الزي ألأبيض ولا يخذلكن المتجهمون فإن كل نجم محارب ولكل ناعق اتباع. وبنسبه الى موضوع العنوسه فإن الممرضه تحتل اقل نسبه للعنوسه (والله أعلم). لكم تحياتي غريب الذات |
اقتباس:
|
ليس لدي مانع من الزواج بها طالما متحشمه واخلاق...
شكرا, |
الطب مهنة جيدة ولكن يعيبه الاختلاط الاضطراري يعني اجباري تتكلمين كثير مع الرجال الاجانب ايام الدراسة
وقد تحصل الخلوة احيانا والشيطان ثالثهما . وانا ارى كثير من الممرضات والدكتورات مايستحن ولايخافن الله في مسألة غض البصر مع الرجال الاجانب تلاقيه يتكلم وعيونها بعيونه اي شرف واي احتشام وهذا طبيعة العمل .. انا اوافق ان اخوي ياخذ ممرضة بحالة وحدة اذا صار مكان الدراسة خالي من الرجال الاجانب وكذالك مكان العمل . لايجي احد يقول هذاهن يختلطن بالاسواق او غيره لان الاسواق الاختلاط موب اجباري الوحده تشتري حاجتها وتمشي .. فيه شي اجباري تختلط بالرجال وتتكلم معهم كثير واغلب وقتها معهم .. الله من القصص اللي صارت في هذه المهنه من حب وغيره .. مثل مهنة الطب ... ولااعتقد ان فيه وحده تخاف الله تروح تدخل طب الا اذا كان مافيه رجال اجانب .. |
| الساعة الآن +4: 04:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.