|
حينما انقلبت مدارس بناتنا ساحات لعرض البضائع !!
بسم الله الرحمن الرحيم ادلف الى موضوعي بقصة : جلست مع اخواتي-وهن معلمات- اشاطرهن اطراف الحديث على ابريق الزنجبل بوجود الوالد-حفظه الله- وبينما نحن كذلك اذ بإحداهن تقول:فاتكن اليوم:confused: !! بالطبع اطرقت سمعي لاسمع ماهو هذا الشئ الذي فات باقي اخواتي ولم يعلمنه !! واذ بها تبدأ حديثها عن ام . . . . . التي طلبت منها المعلمات احضار افطار لهن :044:، فعندما قدمت فإذا معها خمسة صناديق بلاستكيه مليئه بورق العنب !! لتبعيها على المعلمات بجانب الحنيني وقرص عقيل !! سمعتها وضحكت: اهذه هي مدارسنا وهذه معلماتنا !! تساؤل برئ: كيف يسمح بإذخال مثل هذه البضائع الى المدارس :re؟؟ وكيف تكون غرف المعلمات ساحات لعرض البضائع والبيع والشراء ؟؟ |
الله يرحم الحاااااااال بكل محل صاروا يتاجرون..
بعذرهم من الغلا اللي ذبحهم.. اما المدارس والله يالمعلمات انهن اشد من تسذاتا.. |
بريداوية ام الهبال وهذا الذي اكدته اخواتي بعد هذا بل قالن ان هناك بضائع تطلب من الرياض وتحضر لتباع في المدارس طبعاً هذا غير الخلطات والغطاوي والطرح العجيبه والعطور وكل شئ. فياليت من اوصل هذا لمدير التربية والتعليم للبنات بالقصيم |
طيب ! ! !
اين المشكلة ؟ لا تقولي انه سوف يؤثر على العملية التربوية ووووووووووووووووووالتعليمية . |
.
. ابن السعودية . . يقول الله عز وجل( وَمِن شَرِّ حَاسِدٍ إِذَا حَسَدَ ) صدق الله العظيم . . الامر عادي جدابشرط ألا يخل بالعمل التربوي ولا يعيق عملهن فما المانع وأنت قاعد تحسد أختك وهذا وهي اختك أجل لو بنات الناس ..الله يهديك يارب وصفي قلبك وخله أبيض مثل الثلج تحياتي الدافئة لك أخي أبن السعوديه ولاتزعل من الحق :) . . |
اقتباس:
اهلا بالدكتور: المشكلة ليست بالعملية التربوية والتعليمية فهذه قد اغتيلت منذ عقود ، ولكن حفظاً للذوق العام ، فتخيل طالبه تدخل على معلمتها تريد ان تسألها واذا بها تقلب بالطرحات ولا تنقي ورق العنب ايهن الزين ولا تبخبخ من هالعطور وتكاسر وهالبنت المسكينة قاعدتن تقلب دفتره تحتري المعلمة تنتهي متقضية <==تحلف انك بقبة رشيد . |
المشكلة ان البنات اذا ارسبن قالوا هن السبب !! واذا ما حضرن المتطلبات منهن في مادة التدبير لم يراعن المعلمات ذلك الغلا !! شكرا ابن السعودية على هذه الموضوع وبانتظارات ما يتحفنا بها الاعضاء على هذا الموضوع !! شكرا ليك |
اقتباس:
هلا والله بمحمد الكويتي كما ذكرت للدكتور ان العملية التربوية وخلافه هذه مغتاله من عقود في مدارسنا ، ولكن فقط احتراماً للذوق العام ، وكما هو المثال الذي ضربته للدكتور ، بالاضافة الى انك الظاهر مافهمت الموضوع كله او انه انا ماعرفت اعبر <== كالعادة:D ولكن لاصارت الوحده تبي تطقطق وتتاجر فالوشاح فاتحن ابوابه وقبة رشيد فاتحتن ارصفتها مهب بالمدارس ، لا والمشكلة انها ستتطور وسيأتي من بعدي من يتكلم فيها . |
اقتباس:
هلا بك ثلاثي الابعاد اعيد واكرر ان العملية التربوية في مدارسنا مغتالة من عقود ، لكن ان تنقلب مدارسنا لبيع وشراء هذه المشكلة لا وبعض المعلمات تشتغل مندوب مبيعات بالمدرسة لك التقدير وبالانتظار |
مافيها شي !!!!!
((عادي يترزقون الله وماضروا احد)) |
اقتباس:
هلا بك انسان اكثر وهذه المشكلة اننا نقول عادي خلهم يترزقون الله ، وكان هذا منطلقهم وهذا رأيهم فليسمحوا للبنات بإحضار بضائعهن وعرضها على الطالبات والتسويق لها !! لا احد يفهم انه حسد لا لا لا المقصود انه ليس هذا مكانه |
صدق ظاهره تعطي .. عدم احترام الحرم التعليمي ..
يعني ممكن يتبادلن هلاشياء خارج المدرسه .... بس بسبب الاستهتار اخذوا راحتهن اتمنى القضاء على هذه الظاهره ............. |
خلو هالحريم يترزقن الله من وراء هالمدرسات
ين المضره مافيه شي يضر والا المسيره التعلميه راح تتوقف ------------ اغلبه متوقف بسبب تغيب كثير من المدرسات بسبب الحمل والاولده او بسبب ضروف عائله واغلب المناهج متاخره جت على البيع وشراء |
والله فعلاً ظاهرة ماتليق . . . تلقاهن بيع وحماس . . ويتركن البنات بمصائبهن اللي تحصل في المدارس
|
برايي اعتقد انه مافيه اي مخالفة,,
كل الشكر لك اخي,, دمت بخير.. |
اقتباس:
بلامي نونا هلا بك : كلام حلو . |
اقتباس:
اخت رجال هلا بك : مثل ماقلت قبل العملية التربوية وخلافها مغتالة منذ عقود ، لكن كما قلنا لابد من احترام الحرم التعليمي واماكن الرزق مهب بالمدارس . اجل الى الجلابيات والقمصان وسلال الزمزميات يباعن ، يا ناس مهب معقوله تمتلئ المدارس دلالات . |
اقتباس:
ابو فهد بريدة هلا بك : مثل ماقلت ظاهره لاتليق بالمدارس ، وبهذا تروح مصايب البنات وتضيع عشان الجلابيات وورق العنب وخلافه . |
اقتباس:
صافي النية هلا بك : ولك من اسمك نصيب ، المخالفة ليس بأصل البيع والشراء ، ولكن بمكان البيع والشراء ، يعني تخيل معي بيع وشراء بوسط المحكمة ولا بوسط الامارة !! ما ادري بس احس انه فشيييييله ولا مهب منظر حضاري . |
ظاهرة عــــــــــــــــــادية وش فيها ؟؟؟ متطلبات نسائية من اغراض وغيرها وش رايك اذا المساعدة تبيع ملابس اطفال انا اشوف ان الامر عادي بس اذا تحدت حدود المعقووول مايسكت عنها زي هالسالفة ماادري انتم سامعينها ولا ...لا مدرسات يتقاطن ويشرن حاشي ولا غنم يزبحه لهن القصاب ويوصله للمدرسة اخر الدوام كل وحدة تاخذ قطته قصدي نصيبه هذي الي صدق تفشل عموما مديرة المدرسة ماسكتت عليهن حذرتهن كم مرة وصارلهن مشكلهفي النهايه اما بالنسبة للحريم الي يصلحون اطعمه ويبيعون في المدرسة ..هذولي اكثرهن يكدن على بيوت وترزقن الله والمدرسات فرصة لهن يرتاحن ويخزنن بالفريزر |
اقتباس:
مجموعة مشاعر هلا بك : والله كلام حلو ، اجل متفقين وكل وحده تاخذ كرتونه اللي به اللحمة ، والمدرسة تفاوح ريحة اللحم ، اللهم لاشماتة . |
. .ماشفت شئ بعد ... مرت عمي مدرسه تحكي لنا الهوايل انهم كل يوم يجبون اشكال والوان والمشكله يجيبون اشياء مالها داعي ولاهمهم احد انا اقول ان المفروض يمنعون هالاشياء هم جاين يشتغلون ويدرسون ولا جاين لسوق يبيعون ويشترون اقتباس:
وحتى لو ما اثر بالعمليه التربويه والتعلميه مهما كان هذا مكان عمل مو تجاره . |
اقتباس:
سويت جيرل هلا بك : جميل جمع مثل هالقصص عندنا بالموضوع ، يعني خلونا نجمع بعض هالسواليف . |
بس يا اخوان هي جايه درس وتشتغل ولا جايه تبيع....
اللي يبي يبيع يدور مكان ثاني.... بعدين مو كل وحده تبيع يعني محتاجه... انا اعرف وحده تبيع بمدرسه وعندها محل جلابيات وانوااع الغلا ولاتحسبونه ارخص من السووق بالعكس انوااع الاستغلااال.... ومن قال انه مايأثر على المسيره التعليميه... تلاقي هالمدرسه معجبتها قطعه من البضاعه... وتشرح الدرس بسررعه على شان ماطير هالقطعه... وتشكراتي |
اقتباس:
هلا وغلا ومشكور على هالاضافة الرائعة ، وننتظر من الباقي يضيفون لنا من هالمواقف والقصص ، يعني بالله عليكم فاتحه محل جلابيات ! ! ، لا واللي يزيد الطين بله ان المسألة تصير مزابى ومناغر وكل واحده تقول ابصير انا احسنهن . |
| الساعة الآن +4: 02:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.