|
تــعــالــوا طــالــبــوا مــعــي بالــغــاء مــواد الـــديــن مــن الابــتــدائــي
السلام عليكم ورحمة الله وبركاته بسم الله الرحمن الرحيم << ودي احس اني رسمي وابهرج لغه عربيه وعجزت تصدقون كتبت الموضوع الف مره بس عجزت اهضمه كل ما كتبت احس اني رافعن منصوب او ناصبن مرفوع على العموم هذي مهب مشكلتي مشكله المناهج اللي فللوا روسنا ولا استفدنا شي المهم نرجع لمحور حديثنا اللي هو مناهج الدين بالابتدائي !! صراحه تحتاج الى اعادة نظر الطريقه الصحيحه لتعليم الدين بالابتدائي هي (الثقافه الاسلاميه) ويكون تعليمهم بالاشياء اليوميه والضروريه للحياه واللي بيستفيد منه الحين بالله عليكم واحد بثالث ابتدائي شلون تدرسونه الشرك الاكبر والاصغر والفرق بينهن و و و واذا صار بثاني متوسط يأخذ صفة الوضوء << شوفوا التناقض اللي عمره 9 سنين يدرس الشرك الاكبر والاصغر مع الادله و و واللي عمره 14 يعطونه صفة الوضوء على العموم هذا غيض من فيض ولا عجب انه عندنا بالجامعه ناس بمستويات متقدمه وباقسام مهمه لايعرف دليل للمشيئه الخاصه ولا المشيئة العامه وايضاً طالب باولى متوسط لايعرف الاذكار اليوميه !!! هل فيه شي اهم من الاذكار اليوميه يدرس بالابتدائي واخذ مكانه !! ## الــــزبــــدهـ ## هل نلقي اللوم على الطالب كالعاده ام ان للمناهج دور في ذلك !! تحيتي تـــوتـــي 19 / 2 / 2008 وتم اضافه بعض التعديلات في 20 / 2 / 2008 هذا اول موضوع لي عندكم ارجو ان تقبلوني كعضو لديكم وان لم يكن فكضيف تحيتي همسه // اتوقع انه بيجي احد يقول الاطفال السابقين حفظوا القرآن فرق بين اطفالنا والاطفال السابقين اطفالنا تربيته جاية من الشغاله والدشوش و و الشي الاهم ان السابقين يتلقون العلم من العلماء الاكفاء !! مهب من واحد متخرج لغه عربيه او تربيه بدنيه ويدرسهم توحيد والله اني اذكر يوم اني بثاني ابتدائي اللي يدرسن توحيد مدرس البدنيه !! :oo شلون تطالبوننا اننا نصير مثلهم وهم يتلقون العلم على ايدين مشايخ وحنا حتى خريجي الشريعه الاسلاميه مايدرسوننا !! اختم بقصه حقيقيه مع احد التابعين الظاهر كان عمره 9 سنوات وبصلاة الفجر الامام قرأ ايه عن الموت او النار لا اذكر القصه جيداً لكن عندما كررها الامام مرتين وبخشوع انصرع الطفل ومات !!! انا ابي واحد عمره 90 بالوقت هذا عنده قوة الايمان اللي بالطفل ذا ســـــــلام |
أحسنت في هذا النقد البناء أخي هذا الموضوع طالما تناقشت أنا وبعض ألاصدقاء فيه وكانوا معارضين لي بشده حتى إن بعضهم وهو أكثرهم تخلفاً عندما يراني يقول جائكم مفكر ألأمه بأسلوب ساخر فأقول له في نفسي هنيئناً لك في عقلك. أخي الموضوع يحتاج الى وقفه صادقه من رجال التربيه والفكر الأسلامي فهذا دورهم وهذه مسؤليتهم. أكرر شكري لك وإلى الأمام. لك تحياتي غريب الذات |
ماعليش أخوي أنا لا أوافقك في هذا الرأي اقتباس:
|
أوافق الأخ توتي في رأيه ويجب إعادة النظر جيداَ في المناهج تقبلوا مروري ............... |
.. أهلا بك أخي الكريم .. و لدي تحفظ على طريقة التعبير لديك .. أولا : مسألة التوحيد و الشرك الأكبر و الشرك الأصغر و معرفة ذلك من أهم الضروريات التي ينبغي أن تكون هي الأساس الأول في بناء الطفل ، في شتى المؤسسات ، و من أهمها الأسرة ، و المدرسة ، و ذلك منذ السنوات الأولى .. و لهذا جاء في الصحيحين عن معاذ بن جبل - رضي الله عنه - قال : " كنت رديف النبي صلي الله عليه وسلم علي حمار ٍِ ، فقال لي : يا معاذ ، أتدري ما حق الله علي العباد ؟ وما حق العباد علي الله ؟ قلت: الله ورسوله أعلم. قال : حق الله علي العباد :أن يعبدوه ولا يشركوا به شيئا ًَ ، وحق العباد على الله : أن لا يعذب من لا يشرك به شيئا ًَ. قلت : يا رسول الله ، أفلا أبشر الناس ؟ قال : لا تبشرهم فيتكلوا " . و سيرة الرسول صلى الله عليه و سلم مليئة بالإشارات الإيمانية ، و اللمحات التربوية التي يوجهها لهؤلاء الصغار ، و كذلك كان سريان حب الجهاد و طلب الجنة و الفرار من النار راسخ في قلوبهم .. و اليوم نرى ذلك كله لا يكاد يرى من أبناء هذا الجيل ، إلا النوادر منهم و الله المستعان ، بحكم ظروف الزمن و أحوال الحياة العامة ، و كثيرة الشواغل و الصوارف عن هذا الشيء .. و لكن لا بد من بيان الحقائق مهما كان الأمر ، فالله تعالى خلق الناس من أجل التوحيد فكان لزاماً علينا بيانه ، و بيان ما يُنافيه .. و أما مسألة الموت فهي قضية حقيقة لا مناص منها ، و أنا مؤيد في أن كثرة طرق هذا الموضوع في المراحل الأولى من العمر ليس مناسباً ، و لكن لا نقول بإلغاء هذا الأمر ، و لكن تأجيله هو الأنسب و الأقرب .. و لكن لا بد أن يكون لدى الطفل نبذة ولو مختصرة عن هذا الأمر .. أخيراً .. إذا لم نغرس العقيدة و القيم في الطفل من طريق آمن و منهجي حسب الشريعة ، فإن هناك مؤثرات الأخرى ستغرس له عقيدة و قيما بحسب توجهاتها ، و كم من طفل تربى على أيد خائنة ، فخرّب و أفسد نفسه و غيره .. و الله الموفق .. شكراً لك . |
كل المناهج تحتاج اعاده صياغة
من بدينا ندرس ما درسنا شي من وراه فايده كل دروسهم تمجيد للدولة من الجغرافيا الى المطالعة |
هلا والله بكم لي عوده للرد على كل واحد منكم لكن تراي ما اقصد حذف المقرر الديني من الابتدائي الموضوع بس كذا ماله دخل بالمضمون انا قصدي تغيير المناهج لشي افضل فمثلاً من الاساسيات للاطفال ان يعرفوا ان الكذب حرآآمـ وان سماع الاغاني هو الاخر حرآآمـ اما باقي الاشياء فمن المفترض ان تأتيهم بصورة مبسطه ومطوله مهب بدرس واحد يدرسونهم الشرك الاكبر مع صوره مع ادلته المفترض ان يتم تعليمهم معنى الشرك بموضوع مستقل وبعدها يتم تعليمهم صور الشرك وبعدها الادله ابيك لو سمحت تسال اي طالب بالصف الرابع تقول له وش معنى التبرك !! وش وش يقول لك هذا قصدي يعني بدال مايدرس بالصف الثالث عشرين موضوع مع الادله والصور يدرس عشره بتركيز ويخرج منها بثمرة وفائده احسن من عشرين موضوع وعند التقويم يقول له المدرس احفظوا صفحه 15 وصفحة 46 بكرا ابسالكم عنه واحط الدرجات !! ارجوا ان يتضح قصدي |
اقتباس:
هلا والله بك يا مفكر الامه :41 << يبي يغثه خخخـ فعلاً انا اتوقع انه من الردود اللي تبي تجي يبي يجين واحد مثل خوياك فعلاً الموضوع يحتاج وقفه لكن من يسمع |
أشكركـ اخي على نقدكــ الرائـــع ..
عسى الله ان ينفع بكــ .. لـكــن ما أعرفه أن دروس الإبتدائي تعاد لهم بالمتوسط بتفصيل اكثــر ولكي يكون عندهـ خلفيه عن الدرور في المرحاه المتوسطه لأنـكــ لو لاحـظــت أن دروس الإبـتــدائـــي هي نفسها دروس المرحله المتوسط شاكر لـكــ إهتمامكـ وعسا الله ان ينفع بــكــ .. تحياتــي .. |
اقتباس:
ابشرك بالثانويه فيه موضوع لصفة الوضوء لوترجع وتتأكد لوجدته ايضاً تحيتي لك |
اقتباس:
ع العموم فعلاً يجب اعادة النظر جيداً في المناهج |
اقتباس:
مع مرور الوقت ستعرف من هو توتي وكيف يعبر لاني اتوقع ان طريقه تعبيري كبيرة جداً ويصعب عليكم فهمه << بدا يدعدع خخخخـ لا امزح ادري اني نفسيه على خفيف ولا اعرف اعبر ولا اعرف اوصل المعلومه ولا اعرف احط مواضيع وانت مهب اول واحد تقوله بس الشكوى لله يوم يوزعون التعبير انا ماحضرت واخذت منه شي بس الزبده حطيته بسؤال انت شكلك ماقريت الموضوع انت رديت علي من العنوان فقط لاغير انا لا اطالب بالالغاء هذا فقط عنوان علشان تدخل انت وغيرك الموضوع لوقلت تعالوا نتناقش بمنهج الدين بالابتدائي اجزم ان عدد الزوار يبي يصير بس 11 ويبي يروح للصفحه الثانيه لكن انت شف المضمون واترك عنك العنوان اتمنى ان تقرأ الموضوع جيداً ومعك كاس شاهي لانه فيه اشياء من بين السطور يجب عليك استخراجها لفهم الموضوع تحيتي |
الصمصام اقتباس:
ولهذا انا قلت بعد اقتباس:
قلت لك هناك اشياء بين السطور وكل ماتوقعته انا قد جاء الي حتى بالهمسه جاء واحد يرد علي حرفيا بما تخوفت منه على العموم هل تربية معاذ بن جبل زي تربية عيالنا واخواننا !! لدى عيالنا واخواننا اناس يتلقون منهم العلم كـ (الرسول صلى الله عليه وسلم , وابو بكر وعمر و و و ) زي ماقلت لك مدرس البدنيه هو من درسنا التوحيد بثاني ابتدائي اتمنى انك فهمت الحين لاني حتى انا احس ان طريقة التعبير لدي صعبة الفهم لدى البعض تحيتي |
.. أخي المبارك .. بلى قرأته ثلاث مرات بتمعن و لهذا قلتُ بعد ذكر الأصل الذي كان عليه السلف : اقتباس:
شكراً لك أخي الفاضل .. |
اخي (توتي ماغيرهـ) ماأروع موضوعك ومقدمتــك وتعبيــرك وهمســك واوافقــك من الألف إلى اليــاء فعــلأً نحتاج لتغيير للمــواد بكاملــها وليــس بمواد الديـــن فقــط |
اقتباس:
صدز اننا دخلنا وطلعنا من المدارس ولا استفدنا ولا حرف منهن بس كل شي عملي استفدنا منه يعني صفة الوضوء طبقناها بنفس الحصه وحفظناها للابد تخيل لو انه في كل يوم صباحا يلزم الطلاب بقراءة الاذكار اليوميه بدل من النشيد الوطني اليس افضل لهم دينا ودنيا !! حياة واخرة !! |
اقتباس:
لكن ليش مايكون التركيز اكثر على المواضيع فمثلاً بدل مايكون كتاب الفقه 100 صفحه و 40 موضوع بالمتوسطه واذا جاء الاختبار دخل عليهم المدرس وقال شوفوا السطر الثالث من صفحة 44 والسطر الاول من صفحه 36 و ....... هذولي هن اللي يبي يجن لكم بالاختبار ليش مايكون المنهج من 40 صفحه و15 موضوع ويدرس بتركيز وتوسع حتى نكون على اطلاع بكل جوانب الموضوع |
اقووول ما تبي تووووووووووووووووووووووووووت حبيب ألبي
|
براطم الحاشي انت وخشتك لاتقلد << حمق خخخخخـ |
بسم الله الرحمن الرحيم
أخي: توتي ما غيره السلام عليكم ورحمة الله وبركاته أنت طرحت موضوع مطروح على أجندة المسؤولين في التربية والتعليم .. وللمعلومية أظنهم شغالين ويغيروا ويبدلوا .. لكن بدون فاعلية .. وأظنك إنك تطلب التغيير الفاعل في المناهج .. وهذا الأمر الكل يطالب فيه .. أسمع كثير من المقيمين يمتدحوا المناهج في السعودية .. ولكنهم يشكون من المدرسين .. والمسألة التربوية والتعليمية لا يتحكم فيها المناهج فقط .. فالكل يعلم أنها مسألة معقدة يشترك فيها كثير من الأطراف: المنهج ـ المدرس ـ المدير ـ البيت ـ المجتمع ككل وبالنسبة لما ذكرت من أنهم يعلموه بالصف الأول الشرك .. والمتوسط صفة الوضوء كمثال فما أظن أن فيه تناقض .. فالأمران مطلوبان سواء تعميق العقيدة في نفس الطفل أو تعليمه كيفية أداء العبادات ولكن المطلوب هو الطريقة والأسلوب التي تعرض فيها هذه المواضيع سواء في الكتاب كمنهج أو من المدرس الذي يدرس المادة .. والمؤسف أن غالبية الطلاب الآن يدرسون من أجل الامتحان لا من أجل طلب العلم ، فما أن ينقضي الامتحان إلا وتجده فارغاً من كل شيء سبق وأن درسه .. والكلام في هذا الموضوع يطول .. مرة أخرى شكراً لك أخي العزيز على طرحك على هذا الموضوع .. |
شكراً لك من رد ولي عودة قريباً
|
اقتباس:
هلا بك اخوي فعلا انت قلته الامور اختلفت الآن والمشاغل زادت والعقليات ايضاً تنوعت علشان كل هالاسباب اللي ذكرته انا فضلت عدم مقارنتنا بالاولين السابقين انا معك ان التوحيد مهم لكن انا ضربت هذا كمثال فقط احد الاخوه ذكرني بشي اخذينه بالمتوسطه الا وهو بنت لبون والحقه و و و الحين لو تمسك 3000 شاب سعودي يدرسون بالثانويه وتقول لهم وشي زكاة 470 راس من الابل ماراح يجاوب عليك ولا 3 منهم تدري ليش لان الموضوع القي عليهم بحصه واحده ودفعه واحده والمدرس قبل الاختبار النهائي حدد لهم المطلوب من المنهج لكثرته وحفظوه واختبروا وخلاص هذا اللي اقصد انا ودي كل شي ناخذ نطلع عارفينه بالله عليك وش يستفيد طالب المتوسطه من بنت لبون وحقه و و و ذولي المفترض يدرسن بالثانويه لان العقل يكون اوسع للادراك والفهم تحيتي العطرهـ توتي ماغيرهـ |
| الساعة الآن +4: 07:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.