السلام عليكم ..



حيالله شباب منتديات بريدة ستي .. اعضاء وعضوات ..
تماسيح وشباصات .. احياءً منهم واموات ..

اعود اليكم بعد رحلة على الشاطئ الشرقي مع جدتي موضي .. وذلك بعد ان نشبت بحلقي ..
تقول ابشوف هالبحر اللي يقولون انه مالح وغدار ..
وبعدين ودي اسبح بالبحر بس خايفتن من البرد ..


اخذناااااااااااااه ورحنا للشرقية .. ولاوقفنا الا على شاطئ نصف القمر .. ( الهااااااف مون )

عاااااد حنا مانبيه تسبح وقلناه له .. ياميمتي توهم يعبونوه البلدية مابعد امتلى ..
ماتشوفينه مايغطي الا الرجلين ..

قالت ماعليكم من .. مالكم دخلن بي ..
وترى ان ماتركتون اسبح .. والله لاأحرمكم من الميراااااااااث :i125..
بلاااااااااااكم ماتدرون انهم من اول يسمونن الفقمة .. من كثر مااسبح ..:D

اقول لاتخلينا يالميراث .. الله يستمعتس يقول انتس تقسمين ايجارات برج الملكة مع الوليد ..
كل اللي عندتس شنطة هالحديد وحتى البسطة اللي به (دين )


وحنا قاعدين على الشاطئ والا هي تمر من عندنا .. لابستن ثلااااااااث بجامات وفوقهن المايوه :113:..
وتبي تروح تطب بالبحر .. وتنادية امي وتقوله ياخزياااااه وشلون تطبين وهالعالم تناظرتس ..
قالت ماعليتس من انثبري بس اللي يسمعتس يقول اني طابتن مصلوخة :113:..


المهم قمنا وعبينا له ( الطشت ) وقلنا له تعالي هنا اجل ..
وحطيناه بالبركس ( بالمظلة ) وقعدت تطااافش بوه ..


بعد ماطيحة اللي برااااااااااسه وسبحت وطافشت بهاك الطشت ..
طلعت وقعدت عندنا وشافت البحر ماتحرك .. قالت وراهم ماعبوه .. يمكن الدينموا خربان ..
عاااااااااااااااد هي جلست وشغلت الراداااااااااااااار على هالنااااااااااااااس اللي جالسين على الشاااااااطي ..


وهي تتفرج وتطيح عينه على عائلة وقفت بجنبا .. واتسلط علهم ..

ماشاء الله شكلهم معاريس هذولا مامعهم بزاااااااااااااااارين ..
الا والله دوتس الشغالة نزلت شايلتن معه بزر ..

ناااااااااه سلة هالزمزميات اللي معهم .. والله ماتقولين الا سلة اختي مزنة اللي تسد اخذته من الصانع ..

هاللحين وراه هي واقفتن عند البحر .. والرجل والشغالة هم اللي ينزلون العفش ..

ياويلي دوك كرشته اثره حاااااااامل .. واويلي وش هالدبشة .. اوقفي اوقفي لاتطيحين بالبحر ويطيح ولدتس ..

دوك دوك وش يسوون:eek: .. قاعدن يدحا اثمه بالأكل اقول مير نفرتن تبرزخ جلدك ..
وهي مقطعتن ايديه وراه ماتاااااااااكل هي جعله للمر ..
ياميمتي ماعلينا منهم .. الهي عنهم اتركيهم .. حنا جايين نستانس والا نبلش بالناااااااااااااس ..


عاااااد بذمك دوك وش مسوين بالشغالة ..
ياويلي قاعدتن تحت السيارة وجادعين له الأكل يادافع البلى .. تقول بسة:D ..

وين يبون قااااااموا .. دوكم دوكم ركبت هي بالسيارة والرجال والشغالة ينفضون الفرشة ويضفون العفش .. الله اعلم ان هذا ( شهره ) زاااااد بطنه نااااااازل صاريتن تقول كنغر ..:D


ياميمتي اغدينا نمشي حنا بعد .. اكلنا البرد وانتي اكلتي هالعااااالم ..


وحنا نضف عفشنا وقف عندنا الرجال اللي كان جنبنا وقال ..
يالبي خوذو برطم هالعجوز ناسيته عندنا .. من جلسنا وهي جادعتن خشته علينا ..



[GLINT]ياناس ياعالم اللي يطلع للبر والا يروح للبحر .. لايبلش بالناس ..
وينتبه لنفسه ولعياله وللي معه .. ويترك الناااااااااااس ..[/GLINT]

سي يو ..

..........................

معاني الكلمات :

تركتون : هذا بزر يقول دركسون ..


( الشرااااااااااافة ) :

الشرافة لغة :
حسحس شعر ركبتي اذا صار شي قدامك ورحت وانت ماتدري وشو ..

وفي معجم اصول العرب في هرج الكرب ..
يقول العالم المصري : حماده نفسي اجيلك ..
ان الشرافة .. هي الشر.......افة .. ويعني ذلك ان معناها .. آفة الشر ..


دوك دوك :هذي دعااااااية شمبوا عام 1215 هـ ومعناه ) افرك )
وافرك بمعنى انحااااااااااااش ..


وسلاام ائليكم ..

هههههههههه

يا مدحت .... المرة الجاية أبروح معك البحر ..... وعلى فكرة شكلك نسيت أن توضح كلمة ( وش هالدبشة ) ...

في كتاب معاني الكلمات الذي لا يزال تكمله تأليفه .... :)

تحياتي لك ....

هههههههههههههههههههههه تنتفت تسبدي


يامهبووووووووووووووووول انت يا مدحتوه

تسلم موضوووووووع جمييييييييييييييييييييييل

رجل الثلج ..

هلا بيك .. قسم اني ثولثت من الوناااااسة يوم شفت ردك ..
معقولة رجل الثلج يرد علي .. وامعتصماه وامعتصماه ..
<<((== هجت بوه هالثور .. وش دخل وامعتصمااااااااااه فرقيعن جدي ..

يابعدي انت .. جدتي يوم نقوله نبي نروح للشرقية قالت مامعي جواز ..
خلونا نروح للدمام ..
ياويلي تحسب الشرقية خارج السعودية ..


ومشكور يالبي ..


سي يو ..

..
لو أخذتوا معكم إرواق اللي ارتفاعه متر
وخليتوا الفتحه لم جهة البحر
كان جدتك اخذت راحته ومدت رجلينه وانشغلت عن الخلق
(لاتشوف ولاتنشاف)
واللي به شرافة بينقهر
..

المشاركة الأساسية كتبها مدحت شوقي بريده (المشاركة 904383) الجني العبد .. هلا بالبي ابو آآآآآدم .. اعوذ بكلمات الله التامات من شر ماخلق .. 3 مرات .. اعوذ بكلمات الله التامة من كل شيطان وهامة ومن كل عين لامة .. 3 مرات .. دزو دزو دزو .. خمسة وخميسة .. اولاه عين خير لاتقعد تنحته هاللحين .. يالبي جدتي يوم تلبس الثلااااااااث بجامات .. تقول خايفت ياصل جسمي الماء .. وان توي لاطستن روحي بفقس .. من قوة هالبرد اللي داخلن مع اباااااااطي .. عاااااااااااد هالبجامات لو تشمهن كان تنصرع يالبي .. اول وحدة لابسته يوم دخل الشتاء .. همن يوم جانا البرد اللي قبل شهر لبسة الثانية فوق الأوله .. والثالثة لبسته يوم بغت تسبح .. يالبي جدتي موضي اللي تلبسه ماتفصخة الا اذا طلع الشتاء .. يابعدي انت يابو آدم .. سي يو ..

هليب وبين اغره ..


اجل تبي سمك .. يابعدي تولم بس ..
يالبي انا شريت سنااااارة .. ومعه الحبل حقه ..

يوم شافت جدتي موضي الحبل والابرة حقت السنارة ..
قالت من هاللي جايبن هالمكرة وهالابرة ..
لانصير كاشتين بخياطة معنا ..

:D:D:D

مير هالمكرة البيضاء تنفع لسراويل هالتفخ:059: ولدي صالح ..
هاللي كل ماخطت سراويلوه يتقطعن ..

اما خيوط هالمكرة .. لو يدخل معه تجوري ويلفزه بوسط سرواله ماانقطعن الخيوط ..

:D

يعني يالبي لاتهوجس ولاتفل حجرك .. ماهنا سمك ..

سي يو ..

:D

ميغا ..

اول شي يالبي ( ميغا ) هذا اسمك .. والا واحدن يلعب ولدوه :D..
ميغا .. ميغا .. ودينوه ودحليلوه .. :D:D:D




يابعدي انت .. تبي تروح معنا ..
يالبي والله ان تنزكم وينسد خشمك من هالريحة ..

يابعدي رااعي الشقة اول ماطلعنا قالي :
انت يالحبيب وش هالريحة ..
لاتصيرون فاتحين محل عطارة بالشقة ..
اقول يالبي يازين ريحة العجز بعد .. وه بس ودك تجرعهن جرع ..


واجل تبي معنى ( وش هالدبشة ) ..
ابشر يابعد معاليق براطم سئيدة ..

وش : يعني خشه بس باالمصري ..
الهاء : ظرف مستتر تقديره لعل ..
الد : يعني اتغبى ..
بشة : يالبي هذي عيارة نورة السليمان بنت خالي صالح ..
والبشة من فصيلة البط ..

ومشكور يالبي ..

سي يو ..

حبة فستق ..

ياحبيلك يابعد معاليق شوشتي انت ..
يالبي نص الشعب السعودي شروفين .. ذكوراُ وإناثاُ صغاراً وكبارا ..
شباباً وبناتاً جماداً ونباتاً حماساً وإباءً زرعاً وسماداً ..
<<((== حدوه هالدبشة ترى هجت بوه الله يخلف على اميمتوه ..

اقتباس:

زيُّك يَتَبَيْجَحُون ويَقْعُدُون يناظرون اللي ذهب واللي عاد

اجل انا بجيح ..

ولو الظاهر انك تبين ارجدك بطراق اخلي سعابيلك ترشق على خدودك ..
انت وخدودك هالوارمات هاللي تقول كليجا يهالتفخ ..:D:D:D


ياحبيلك بعد ياحبة فستق .. الشرافة سعة صدر وونااااسة ..
أحيان تمل من اللي معك .. ماغير غازن خشك بخشته ..
همن تلتفت منا والا منا .. واتفرج على هالخلق يالبي ..

بعدين انت ماتدري ان الشرافة من الثقافة ..
يالبي ناظر هالناس وتثقف ..

تراك ماولدت عالم ومعلوم وتعلم العلوم يالدب الواروم الموروم ..

<<((== وراه سلط عليه هالصعيدي .. :D:D:D


ومشكور يالبي ..

سي يو ..

هلا بالبي ولد القصيم ..

يابعدي انت الله يسلمك ويخليك لعين ترجفك يالبي ..
ترى ترجفك مثل ترجيك ماهنا بعد .. بس يالبي الفرق ان الرجفة تحس به .. :D:D:D

بعدين يالبي انت تدري ان ( ترجيك ) مهيب زينه يوم انك تزعل هاللحين ..
<<((== ياويلي ماقال شي :D ..

ترجيك .. يعني .. ( ترجـــيك ) هذا شايب يقول ترج ايدك :D ..
واانت وش تبي بزود الرجة وانت من حينك يادافع البلى مرجوج ..

( ترج ) هذا بنقالي يقول ( درج ) :d

<<((== وراه هاللحين متولج هالمسيكين ..
( خوذوا الكيبورد منه ماواله ياقف عن هالهمق هالدبشة )

شكراً كثير شكراً يالبي ياولد القصيم ..


سي يو ..

المشاركة الأساسية كتبها مدحت شوقي بريده (المشاركة 917530) هلا بالبي ولد القصيم .. يابعدي انت الله يسلمك ويخليك لعين ترجفك يالبي .. ترى ترجفك مثل ترجيك ماهنا بعد .. بس يالبي الفرق ان الرجفة تحس به .. :D:D:D بعدين يالبي انت تدري ان ( ترجيك ) مهيب زينه يوم انك تزعل هاللحين .. <<((== ياويلي ماقال شي :D .. ترجيك .. يعني .. ( ترجـــيك ) هذا شايب يقول ترج ايدك :D .. واانت وش تبي بزود الرجة وانت من حينك يادافع البلى مرجوج .. ( ترج ) هذا بنقالي يقول ( درج ) :d <<((== وراه هاللحين متولج هالمسيكين .. ( خوذوا الكيبورد منه ماواله ياقف عن هالهمق هالدبشة ) شكراً كثير شكراً يالبي ياولد القصيم .. سي يو ..