|
متى اخر مره جلست فيها مع اختك ؟؟؟
السلام عليكم ورحمة الله وبركاته
---------------------------------------------------------- متى آخر مره جلست مع أختك او اخيك سألتهم عن أخبارهم مايحدث معهم في المدرسة مع العائلة هل تعاني من مشكلة هل وهل وهل ............... أسئلة كثيرة قد تجد إجابتها ولكن عندما تكون جالساً مع أختك او اخيك !! ولكن .... هل سألت نفسك .. ماهي ردت فعلها لو جربت ودعوتهم أو أعطيتهم جزء من وقتك مالأ ثر الذي سيتركه في قلبها .. ؟ فجميعنا يعلم أن الأخت او الاخ تحب أن يكون لهما أخ ترى منه الاهتمام والعطف والحنان فماذا لو أفرحت قلب أختك بدعوة إلى مطعم أو جلست وتجاذبت معها أطراف الحديث ، فأنت تحكي لها قصة وهي تحكي لك ... ولو اخيك تطلع معاه للتسوق او الاصحاب . اخوك اولى من اصحابك واولى بوقتك ليه . يمكن تقول .. مشغول ماني فاضي لها والله لو كان واحد من الشباب وأعطاك رنة وكلمك بعد وعزمك على كوفي شوب رحت له تركض أما أختك منت فاضي اخوك مرة ثانية إذا ماكنت فاضي لهم مثل ماتقول .. فمن الذي سيفضى لها؟؟ أتريدها أن تبحث عن رجل آخر غيرك.. ؟؟؟ ولو بحثت ستجد !!! نعم ستجد تلك الذئاب التي ستعطيها مالم تجده عندك فلتحاولوا جميعا أن تعطوا أخواتكم شيئاً من وقتكم فهن يستحـقـن أم لا ؟ وأنتن يا بنات ما سيكون إحساسكن عندما تجدن لفتة اهتمام كهذه من إخوانكن؟ . . . . . . . . . . . . . . . . . . . . . . . . . انتظر ردودكم |
رائع تولي قضية اصبحنا نفتقدها !! شكرا لك على الطرح الرائع وساكتفي بمتابعة الردود |
اقتباس:
اقتباس:
اقتباس:
على العموم مشكورة على الموضوع الرائع |
شاكره لك مرورك (((ام جحا))) بارك الله فيك |
توولي الحلوه,,,قولي وش اخر الاخبار اللي جابتها لك زوجتك عن إختك(كثيييييير إخوان مايسمعون الا لحش زوجاتهم بخواتهم)لا ويصدقون بعد(اخوي يقول لامي مادريت ان قلب(...) طيب الابعد ماتزوجت) علما إن عمره فوق الاربعين,,,,, وانا عمري بالعشرين ,,,برايك من شوه صورتي قدامه؟؟؟؟؟؟؟؟؟؟؟؟؟؟
|
والله من ناحية أني أسأله عن أخباره بالمدرسه ماعندي مشكله بس أخذه للمطعم بشرط يكون على حسابه ماعندي مانع بس خواتي كثار لو نروح نسبب زحمه بالمطعم عشان كذا يمدحون البيت
|
موضوع جميل وفعلا يجب علينا ان نراجع انفسنا مع اخواتنا . اخيرا اتمنى الا تكون الردود وانا اولهم كالشخص الذي صرخ في وجهه ابناءه وقال: اخرصوا .... دعوني اكتب مقالا عن حقوق الابناء. |
سؤال يبيله جلسه خاصه له حتى يفتفته حته حته حيث اننا مقصرون كثيرا بهذا الجانب ولم نعطه حقه من العناية والاهتمام ولكن نأمل ان نراجع انفسنا ونعمل على تغيير الواقع والحال التي نحن بها |
اشكرك اخي علئ هذا الموضوع ....
انا مانكر فضل اخواني علي ... الله يخليهم لي ويطول باعمارهم ... لكن سالفة ان اخواني بيسالون عن ادشياء عميقه او مشكلات لا اتوقع هذا بسبب الرسميه بيننا ... لكن الله يخلي لي اخواني علئ اي حااااااااااااااااااال ...............ز * ثلجه فوشيه * |
اتحفتمونا ب ارائكم ... شاكره لكم مروركم...;):d |
موضوع جيد ويجب التقارب في الأفكار وإيجاد الحلول السريعة لجميع افراد العائلية جميعاً بنات وأولاد |
.... تخيلي اخوي يجلس معي ويسألني وش محتاجه وش فيك ضايق صدرك :eek5(( مو حب فيني شرافه ولقافه))) انا راضيه بس يسأل يحسسني انه اخوي مو اي واحد ... ((تصدقون مره اخوي سألني كم عمرك وبأي سنه تدرسين)))؟؟؟؟:i121
.......... اخوي مايدري اجل من هو الي يدري؟؟؟؟؟:( يعزمني على العشاء في مطعم؟؟؟ ((( مستحيل... ماعندنا بنات تروح للمطاعم...// انا اعزمه بس يقعد معي ويسولف؟؟؟:eek5 اذا ناداني عرفت انه يبغى حاجه؟؟؟ ((( اغسلي ملابس الكوره......:eek5 الله يهديهم...: 12 |
بالعكس اخواني ماشاالله عليهم كم مره نتعشى مطاعم ونروح نتمشى جميع فله اخواني يشكون لي كل شي ياحبيلهم بس لي واحد اصغرمني بسنه انا وياه انواع الفله تمشي ودوران جميع اعزمه ويعزمني :41
|
اي عني مااقول غير الله يعين هذي مستحيلة غير بقدرة قاادر :08:
|
من كثر مايشوفونها معي يحسبونه المدام .. الله يديم المحبة
|
اقتباس:
|
والله عن نفسي أخوي نوعاً ما حنيّن اذا عصب وصج ولج يرجع بعد دقيقتين يقول تبين شي قبل أطلع اجيب لك موكا وانا جاي >> ترا هذا اققققققققققققققققققققصى شي اقاله بيرضين اذا كنت زعله نقعد مع بعض اذا ابوي عزمنا على مطعم يعني كل العائلة ما افكر نكون انا وياه بس طالعين لمطعم >> عاد بالله وش راح يسولف لي حافظه سواليفه ... الفريق الفلاني اشتروا اللاعب الفلاني وهذولا اخذوا الكاس وذولاك غيروا بدلتهم وفلان <لاعب> ماراح يلعب بالمباراة لأنه مصاب والمدرب ذاك غببببي الله ياخذه >> وخوووووووووووووووووذي من هالسوالف اللي يتفقع مخي اذا سمعته مع انه كبير مب بزر واكبر مني بس يلقا غيري يسولف معه والقا انا غيره """"""""""""""""""""""""" تقبلي مروري مع خالص الود ... أختك / رزان |
جيتــي على الجرح ياتولي :eek5 |
الحمدلله انا اجلس معهن غالبا اخر العصر لانهن يجتمعن للقهوة ثم اجلس معهن ونتجاذب في ما بيننا اطراف الحديث عن أي شيء ونجلس كثيرا بعد تناول العشاء اما باقي الاوقات فهن يصبحن مشغولات او انا اخرج لشغل لي,,
اما عن دعوتهن للمطعم فالوالدة لاترضى بذلك والا هو شيء جميل,,, عسى ربي يهدي كل قاسي على اخواته واخوته,,, كل الشكر لك اختي على الطرح الجميل,,, دمت بخير.. |
موضوووع راااااااااااااااااااااااااائــع ،،
يااليت كل الشبااااااااااب زيي :) امس طاالع اناا وخواااتي نتعشى صدقاا صدقااا مااجمل تلك اللحظااات اللي يجتمع فيهااا الاخ مع اخته يتباادلون اطرااف الحديث الجد منهاا والمزح يكسروون الروتين بتغيير المكآن فصدقوووني عن تجربة وليست بالقصيرة تغيير المكآن يضيف اجواااء على الجلسة تصنع لك شخصية غريبة تستغرب ان اللي امااامك انهاا اختك غير المطاااعم الآن جلسااات الكوفي روووعـــــــــة جداا جداا تضيف نكهة لذيذة < < يحس انه يشرب كوفي :) عمومااااا قيل ساابقااا اللي ماافيه خير بآهله ماافيه خير للناااس فالله الله بآهلكم :) |
موضوع غاااااااية في الأهمية ..
وأنا أستغرب من الشخص اللي يظن أن علاج المشكلة مستحيييييييلاً .. بالعكس .. الموضوع يحتاج فقط لمن يكسر الحاجز أولاً .. ثم بعد ذلك أبشروا بالخير .. وعندي نقطتان أريد أن أعقب بهما : 1 / بعض الناس يظن أنه لابد من الغوص إلى أعماق العلاقات الحميمية .. وإذا لم يحصل ذلك .. فالعلاقة تكون جافة غاية الجفاااااف .. يعني إما أبيض أو أسود .. وهذا خطأ ... إذا لم نتمكن من تحصيل اللون الأبيض .. فاللون الرمادي أفضل من اللون الأسود القاتم .. وشيئاً فشيئاً ستتحسن العلاقات الأخوية بين الجنسين .. أو حتى بين الجنس الواحد .. 2/ دائماً ما تشير أيدي الاتهام في هذا الموضوع إلى الأخ الجاف الذي لا يعطي لأخواته من وقته ومشاعره شيئاً .. وننسى أن الأخت تتحمل أيضاً جزءً كبيراً من القصور في هذا الموضوع .. كم تعامل الأخت أخاها بجفاء وغلظة تجعله من جراء ذلك بعيد المشاعر عن أخته .. أخواتي العزيزات .. إخوانكم الشباب غاية في المشاعر الدافئة .. لكن قد يعلوها الغبار فيفقدها بريقها ولمعانها .. ما عليك أختي إلاَّ أن تنفضي الغبار عن هذه المشاعر .. وبعدها سينهمر عليك سيل المشاعر الدافئة .. واحترزي حينها لا تغرقك أمواجها .. أخوكم / سليم سلامه |
تعطرت صفحاتي ب أرائكم لكم جزيل الشكر |
يــاسعـد اللي ماعنده اخـوان كبار :113: الله يخلي لي ابوي سلمـتِ توولي :) |
وش الحياة بدونهن ؟
هن ملح الحياة مع الوالدة ., وجلست قهوة معهن نشتريها بالملايين .. أما عن المطاعم والسفر فحدث ولاحرج مافيه مكان إلا سافرت بهن لزيارته .. بس بيني أوبينك بدن يطمعن شوي ! موضوع أكثر من رائع |
تصدق عاد، اليوم الظهر قاعدن مع خواتي :cool:.
وحبيتهن وسولفت عليهن وعطيتهن حلاوة وبسكوت وريال بعد. |
أثرت أشجان بقولك أختك
وفقك الله على هذا التنبيه |
فعلاً التقصير في حق الأسرة أمر يجب الأنغفل عنه ... شاكرة لك هذا الموضوع... |
اقتباس:
يالصباخ فاجئت الاعضاء بالكرم اللا منستغرب منكـ:013: |
موضوع رائع بكل حق الشباب وبعض الآباء مقصرين في إشباع عواطف وغرائز البنت لو كان الأمر باليد كان قلت كل واحد يجرب نفسه بنت عشان يعرف وش تبي ولو كل أب وأخ طبق مع بنته أو أخته العلاقة والصداقة لسلمنا من كثيرا من العلاقات الغلط |
مشكووووووووووووور ياتوولي
هذا الموضوع كثير مانغفل عنه تقبل مروري |
موضوع بالصميم .. :)
الكثير من الشباب يغفل عن امور اخواته .. لا يلقي لهن بالا , مسأله الخروج بهن الى المطعم يظن كثير من الشباب انها عيب وليست من الامور المتعارفه عليها ..!! وخصوصاً عند شباب بريدة والقصيم عموماً .. والمطاعم يندر وجود قسم للعايلات في منطقه القصيم .. وقليل جداً من يقول اذهب باخواتي الى المطعم وناكل سوا , والعكس صحيح عندما يطلب منه صديقه ليشاركه العشاء بمطعم لذهب مسرعاً ولم يرد له طلباً .. !! الله المستعان ع الحال , اشكرك اختي ع طرحك المتميز .. :) دمت بود , |
لهم حق كبير . . فلو تمت مقارنة مع الأصحاب لوضحت الصورة
|
حقهن علينا كبير ..
اللهم بلغنا إسعادهن .. |
.
يــــاااااااااااحــسـررررره كــلن لاهــي بعــيالــه اخرمره جلس معي قبل خمس سنوات تقريباً ومتى يتذكــرون ان عندهــم أخت لاجــت الحــاجه وماصار عندهـم احـد دقو وقالو بكـرا القهـوه والفطور علينـا جهزيهــم بدري فـــااااااهمــه :eek5 . |
شـــــــــــــــــــاكره لكم المرور ....وأثابكم الله |
| الساعة الآن +4: 06:00 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.