شف وش قالي الضابط
 

يوم قمت الصبح لقيت قزازه سيارتي مكسورة لكن ما لاحظت شي مسروق . وانا بالسوق يوم جيت أحط مقاضي بالشنطه مالقيت الاستبنه وشنطه العدة دريت إن الي كسر القزازه هو الي سرقهم . قلت لاحول ولا قوه إلا بالله . ورحت أدور استبنه لكني لاحظت إن جميع محلات الكفرات يدورن انها مسروقة قلت لواحد منهم وش دراك انها مسروقة قال جميع هانوع من السيارات مسروقة استبنتهم . سيارتي فورد 2006. الصراحة زعلت وقلت يعني معقولة مافيه وحد بلغ . المهم رحت للشرطة ابلغ. دخلت على الضابط وانا زعلان لقيت عنده خبر إن جميع هالنوع من السيارات معرضه لسرقه الاستبنه . قلت له طيب مادام عندكم خبر ليش ماتحطون فخ لهم وتوقفون سيارة فورد وتراقبونها . قال مايحتاج شفهم عندي بالتوقيف وكل يوم نمسك مجموعه . قلت ياساتر كل يوم تمسكون مجموعه ولا انتهوا قال لا حنا نمسكهم من هنا والقاضي يطلعهم .
لا حول ولاقوه الا بالله. اللهم ارزقنا بحلالك عن حرامك

حسبي الله على الحرامية

من واقع رصد وليس مجرد كلام إنشائي؛ القضاة يتحملون ومع شديد الأسف إنتشار الجريمة في بلادنا بسبب ضعف أحكامهم رغم ثبوت الإدانة

اخوي وين في الرياض او القصيم لأن اكثر سرقات الأستبنه في الرياض

من أمن العقوبة أساء الأدب

ومرة في الزلفي شخص بلغ عن سرقة الظابط قال أذا جبناه (الحرامي) تتنازل:i121

يعني ما عندك أحد

نعم في الرياض

هذي تؤثر حتى على عمل الشرطه

...

لا والخافي اعظم
لاكن الله يصلح الاحوال

طيب وش فيها استبنة فورد

والله ماادري بس فيه بعض السيارات لها استبنه احس من الفورد .انا ودي اعرف السبب