كيف تــــــــــجرءت وقالتــــــــــهــا
 

بــــــــســم الله الرحـــــــمن الرحيم طبعا بدخل بالموضوع مباشرة لان مايتحمل مقدماات وغيرها كثير من الناس تكون ماتبالي في كلامهاااا وياكثر كلامها حتى :oo مفيد وغير مفيد مع غالبية الكلام الفاضي بلا معنى تماماا المهم انا من النوع اللي اكرة كثير الكلام وياما ناس تلومني على هذاا :confused: مع اني اقول خير الكلام ماقل ودل وانا اللحين حاسة كثرت في الكلام يالعجبي وماعلينا الموضوع ومافية انو فية بنت معرفتي فيهاا قليلة لكن كنت كل ماشفتها اقول هذي متى تسكت :) و في الفترة يلي فاتت كان الجو غبار وفي بداية نزول الغباار كنا بالجامعة ومع البنات وموجودة البنت هذي تتوقعون من قد سخافتها واستهتارها ايش قالت لمن قالت وحدة من البنات انو الجو بداية الصباح كان حلو وفجئة تبدل للغبار هذا يعني فرق قامت البنت هذي وبكل سرعة قالت ومدري كيف تجرءت تقول ( الله غبي ) واستغفر الله على ماقالت لكنها وقت ماتفاجئت من ردة فعلنا عليها قامت تخربط وترقع بالكلام عن ماقالت وانا مااقول غير الخوف مو منا الخوف من السامع العليم سبحانة يعني كان بودي انصحهاا لكن للحين كلمتها في بالي مااقدر انساها متفاجئة كيف تجرءت :mad: والله يهديها ويهدينا جميعااا واتمنى من البعض منكم يفيدني ايش ممكن اقولهاا او ايش رئيكم تحديداا في انو انا اخطيت بعد مااسكت . ولكم مني خالص الشكر

آختي ,,,


هناك آناس لايحاسبون لأي كلمه تخرج


وبإذن الله آن هذه الفتاة قالت هذا الكلام بلا قصد ومثل مايقولون زلة لسان

فأنصحيها بوزن لسانها

ولاتحسسينها آنها تعتقد آعتقادات خاطئه

هي اكيد لم تقلها كاعتقاد لكن ردة فعل سريعة منها, طبعا ليس عذراً لها لان هذا الامر خطير حقيقة,,
فلو قمت بنصحها انت واعتقد انه يجب عليك ذلك او على الاقل على الاتي كن موجودات في تلك اللحظة لكان امر جميل,
وكما قال اخي ثلاثي الابعاد لو ذكرتيها بذلك الحديث في نفس الوقت لكان امر جميل ايضاً,,
عسى ربي يهديها ويهدي كل مسلم ومسلمة,,

دمت بخير..

اخوي سكر خشن شاكرة لك مرورك لكن هيا مايعتبر عذر لها انو مو معتقدة فيها حتى ولو كان البنت مو صغيرة المفروض منها تقيس كلامها قبل تقولة وانا وقتها مااقدرت انصحها مع اني بعدها متندمة لية ماانصحتها لكن فكرة حلوة انو اعطيلها كتاب او شريط اعتقد احسن من النصح وبينفعها اكثر لكن ايش ممكن يكون الكتاب او الشريط وارجع اقول جزاك الله خير على المساعدة .

اخوي ثلاثي الابعاد صحيح والله صدقت الحديث هذا كان راح يكفيهاا لكن غاب عن الباال ومشكور على التذكير.

مجردامل

نصيحتي لكي ابتعدي عنها كثيرا

وارسلي من يناصحها .

انا شااطر اخوي شاكرة لك واكيد اهم شي اني بحاول اذكرها بوزن لسانها .

حتى آنت تحتاج لوزن للسانك

صاافي النية شاكرة لك مرورك ورئيك ونصيحتك وياعسى ربي يهدينا اجمعين .

اخوي بندر النقيداان اتقبل نصيحتك وبكل رحابة لكن لاحظ اني انا حدثك بيلي سمعتة مو لفرااغ لكن انا حاسة بتئنيب الضمير لسكوتي عنها وطلبت رئي الكل في اني ايش ممكن اقدر اعمل في الموقف هذاا واخيراا شاكرة لك .

من فرسان بريدة والله كلامك هذا حتى فكرت فية لكن يضل فيهاا التردد عموماا جزيت خيراا على نصيحتك.

اعتقد انك صدقت في انها قليلة دين وغير ملتزمة والله يهديها ويهدينا جميع وشاكرة لك مرورك اخوي .

هدانا الله وإياها للحق

هلا والله بحبيبتي المهرة نورتيني بتواجدك بالموضوع وانا ان شااء الله مقررة بانصحها بطريقة غير مبااشرة ;) وبالتوفيق للجميع .

نــجـدية اسعدني مرورك ومقاطعتك المفيدة ورئيك وصل اكيييد .

امييييييييييييييين ياارب ولك بالغ وجزيل الشكر .

اكيد خانه التعبير وماكنت تقصد لو كانت تقصد كن ماتعلثمت وبدت ترقع ...

والله يهديه..

بريداوية اتمنى والله انها كان خانها التعبير لان الكلمة مو سهلة لكن يبقى فيهاا كل الخطء والله يهديها والجميع وشاكرة لك اختي .

اخوي كاسبر اذا جينا لصراحة انت صادق في الي قلتة بعد ملاحظتي لها وتصرفاتها اكثر حسيت مافيني اقدر انصحها لانها نفس ماقلت انت والله اعلم بالنهاية مافي غير اني اطلب لها ولنا جميع الهداية .

مع احترامي للجميع . . . أخالفكم الرأي . . .

البنت قالت الكلمة ليس من إعتقاداً . . . على مايبدوا من الرواية . . .


لأنها أصلاً ثرثارة ولا تبالي في كلامها . . .


حتى كما ذكرتي أنها تلعثمت في كلامها بعد مانطقت . . . يعني لو تنبه على قلة الثرثرة شوي . . لأنه يؤدي إلى

مالا تحمد عقباه .

اخوي ابو فهد معليش حتى ولو كاانت الثرثرة ماتوصل فيها حتى لدرجة وحتى لو مو اعتقااد قالتها ايش الفايدة نفس الكلمة قالتها باعتقاد او بدون فيها كل الاثم اتصور والله اعلم .

وأنتي للأسف غبية عندما تنقلين مثل هذا الكلام ..

مثل هذا الكلام لا ينقل ولا يقال ولا حتى يكتب ..

يعني بالله عليك كيف تقدرين تكتبين هذه الحروف الكفرية...

أختي استغفري الله وتوبي ..

وإذا سمعتي مثل هذا الكلام مرة أخرى أعطيها كف أو أبصقي على وجهها .. وكفى الله المؤمنين القتال .

وعليكم السلام اخوي كل هذي الكلمة بكبرة وتقول ورانا علية واذا كذا دايما بيخونها التعبير فامشكلة صراحة واذا في مرة ثانية لاسمح الله بجيب وحدة خبوبية تشيل كل الاذنين مع اللساان حتى تستأدب بالقوة :mad:

اخوي مشكور على الالفاظ هذي لكن اعتقد بينت سبب نقلي لهذا الكلام وواضح حتى لكن استغفر الله في كل وقت والحمد لله على نعمة العقل لاني اشوفها ناقصة عند البعض :) وبعدين كلامك الاخير هذا مو اسلوب معاملة وشكراا .

مدرج الم ... :( مع انها الامل فرق عنهاا لكن يالله نمشيهاا وعن كلامك توضح القصد اكيد واتمنى منها ماتعيدها ويكون في مرة ثاانية لاني ممكن وقتها اعمل اي حااجة فيهاا .