كل من نقل جواله الى موبايلي او الغى ذلك الجوال نهائي لو منذ زمن بعيد
 

عندما نقلت رقمي من الجوال الى موبايلي تذكرت ان كل رقم استخرجه من الجوال يأخذون علي رسوم مقدم قلت ليش ما اتصل واخذ حقي منهم اتصلت على الجوال وقلت كم لي عندكم قالوا 120 قلت ممتاز كيف اخذها قلوا ليش اما تحولها على خط هاتف او نت
ان فرح بديت ابحث عن ارقامي العشره القديمة وارقام اخواني والمحصله اكثر من 1570ريال قلت الحرميه ساكتين ودهم ما احد يسأل والله لو لهم شيء عليك والله ان يشغلونك

لذلك نبه اي شخص كان له رقم جوال ولو قديم ان يتصل ممكن يكون لك 40 او 80 او 100او 120 ريال ولكم تحياتي

لكن انا سأراجعهم واخذ فلوسي( يابس)

طيب انا عندي رقم جوال قديم دافع فيه 3500 ريال ( الله لايوفقهم) اول ما جاء الجوال المهم انه منقطع منذو سنتين وعليه 4000 ريال هههههه هل يعطوني والا خليني على وجهي احسن..

حرام مايجوز هذي حقوق المسلمين لازم تسددها
اما كذا فتدخل تحت حكم السرقـــــــة .. حتى ولو كانوا هم غير أمناء فهذا لا يبرر تصرفك

:41

تصدقون والله العظيم ان الجوال الى الحين وانا ناقل رقمي الى موبايلي يرسلون لرقمي رسالة عزيزي العميل تم اصدار فتورتكم بمبلغ وقدره

عد انا تضايقت قلت قهر اثاريهم يتخرصون فتوره ويرسلونها لي وانا ياغفلين لكم الله ثم امر الصراف واقطع لهم من الراتب ما لكم بالطواله

معطت التلفون وزهمت عليهم وانا زعل قالي الموظف انت سددت قل انا ابسدد بخشتك هالحين انا ناقل خطي منذو مبطي لكن المشكله اني توي اكتشف لعبكم ولا عمركم ترسلون لي قل اسفين

الهاتف الثابت نصب في نصب
اخر النصب اشترك ب 99 بالشهر واتصل على كيفك على جميع المناطق السعوديه


الصدق لك ثلاث ساعات فقط بعدين يبدأ الخرف

888
88
8

ايه والله انه صاتز.. :)

:eek: :eek: :eek:

الله يعجل بشركة " زين " يمدحونها . . . أو انه ما بالفار فار طاهر ؟ ؟ ؟

ما بالفار فار طاهر....

يا اخوان انا عندي واحد من الشباب الله يهدينا وياه من نوع اللي يحسب كل شئ على ماله
المهم وكان عادة تنزل فاتورة جواله من 300 إلى 340 بالكثير
الشاهد في أحد الفواتير جاءت بحدود 530 ريال يعني زادت الفاتورة 200 ريال تقريبا عن العادة
خوينا انجن جنونه وشلون وكيف وعلى اي اساس بدأ الرجال يزبد ويرعد منقهر
الأخ راح ذهب للإتصالات وطلب تفاصيل المكالمات وجلس يحسب كل مكالمه بالهلالات :d
اكتشف أن حساب قيمة الفاتورة فعلاً فيه خطأ في الحساب و قد زادت عن قيمتها 180 ريال تقريباً المهم طلع للإتصالات وجلس يوريهم الحساب وكيف حصل هذا الاتصالات ألغت الفاتورة ونزلوله فاتورة صحيحة بمبلغ 357 ريال واعتذرت عن الخلل
والله العظيم نقلاً عن خوينا يقسم بالآيمان المغلظه ان هذا اللي حصل بينه وبينهم !
والله المستعان

انا اكلمك كان عندي 4 ارقام بإسمي وكنت امتلك 5300 نقطة في برنامج قطاف المهم
تفاجأت مرة بمجموع النقاط فقط 300 نقطة اتصلت عليهم وسألتهم عن السبب في تقليص نقاطي
قالوا بكل بلاده ان نقاطك مارر عليهم سنة ولذا قد قطعت عليك
يا ولد عدل بدل ليش ما جاني تنبيه ليه ما اخبرتوني برساله المهم وانا اسكر السماعة في وجهه معصب للآخر وعارف اني خلاص مالي حيله ..

:bad:bad:bad:bad:bad:bad
يا حراميه بتعملو فينا كذاء ليه
والله انكم صادقين انا ساكنه برى السعوديه اجي ازور اهلي بالسنه شهر ولا اروح لاى مسدد 1000 ريال سعودي بس عشان وينكم متى بتجون هذاني جايه وياغافلين لكم الله
اخسسسسسس على الحراميه

^
من الجمهورية العربية اييييييه ده :)

اخس عليك انشاءاالله تجرب اللي اجربه
ويجعل فاتورتك 2000 وااكيد عشان ماتقدر تقول ماكلمت شلون صارت 2000
يقولون ك مكلم الهند 10ساعات تقول عاد انت كيف انا مااعرف ااحد بالهند واثرك نايم وضاغط مادريت
مبروك عليك انشاءاالله الفاتوره القادمه

السلام عليكم
انا الاسبوع الي فات سددت 500ريال
اللحين اشغلون حدك اللاتماني خلاص ومادري كيف وصلت في اسبوع
وانا كل شهري مايغلق حد االلاتماني
لاكن مايضيع شي
وشكرا

قبل امس جت الفاتوره وناضرت فيها الرسائل التبادليه 5 رسائل 90 ريال يوم دقيت عليهم وقلت وشي الرسائل التبادلية قالوا حقت القنوات والمسابقات قلت اصلاً ماعندي قنوات قالوا انسويلك طلب ومن باكر دقوا علي وقالوا انه فيه خطأ 90 رايال هذي اللي دريت به والخافي اعضم بس ما الغو الفاتوره سوو خصم من الفاتوره اللي بعد

Mobily وبس.

أنا أمس حولت جوالي إلى موبايلي، قسم بالله إنه شركة تستحق الإحترام، تخيلوا معي خدمة العملاء يردون في أقل من عشر ثواني، مع العلم إن عدد عملائهم وصل الشهر الماضي 11 مليون عميل.
والاتصالات السعودية إذا اتصلت على خدمة العملاء أحسن الأوقات انتظر 5 دقائق، وعلثتهم في جميع الأوقات بأنه ضغط.
يعني تدق بأي وقت راح يقولون لك إنه ضغط اتصالات، مع العلم إن عدد عملائهم 17 مليون عميل.


يعني الفرق بسيط بينهم :).



موبايلي وبس، وياحبيل موبايلي.

^
^

ستبدي لك الايام ما كنت جاهلا *** ويأتيك بالأخبار ما لم تزود

I Love Mobily For ever

مهوب الحين يخدمونن بعيونهم ويحطونن فوق روسهم، ويقولون إذا اتصلت عليهم: أهلاً عزيزي العميل.
خذ لك هالموقف: اتصلت مرة من المرات على خدمة العملاء، طبعاً يقولي أهلاً عزيزي العميل، وهذا مافيه أمل الاتصالات السعودية تسويه، المهم هو لازم يتأكد من اسم العميل علشان يشيك عليه هونفسه اللي طالع له، المهم قلت له اسمي، وهو يشرح لي اللي أنا أبيه، غلط بالاسم حقي وصححت له الاسم، والله إنه اعتذر اعتذار كأنه غلطن علي غلط فظيع.
ياخي هذي شركة محترمة مهيب شركة الحرامية الاتصالات السعودية حقتكم.



موبايلي أحبك للأبد.

مشكور اخوي على التنبيه ,,,

اخوي الصباخ,,

تعامل خدمة العملاء في موبايلي حلوة بصراحة لكن ردهم الآلي أفشل ما في الوجود,لانه مرة كنت متصل عليهم واتجول في خدماتهم ولعله فجأة وبدون سابق انذار قال لي لقد تم اشتراكك في خدمة رنان مقابل عشرين ريال اشتراك واربع ريال الظاهر رسوم شهري...وانا ما ضغطت شي..ع العموم اتصلت عليهم وقالوا نبين لك بكرا دقيت عليهم بكرا وقالوا انك انت اللي مختار قلت والله الفشل بردكم الألي هو اللي اختار لي مو انا....عاد ما اتسفدت شي:(

شكرا لك يا صاحب الموضوع على التنبيه اعتذر منك بالخروج عن الموضوع لكن احببت قول هذا لاني منقهر الى الان,,

دمتم بخير..

مهما كان، تبقى موبايلي أحسن من الاتصالات.
لا أحد يحاول يقنعن :d.

الصباخ ههههههههه ماسكة معك موبايلي

عموما احس ان سوا افضل شي وموبايلي لو تروح لشمال بريدة مافيه ارسال

والسبب ابراجهم عموما الامل بالله ثم بشركة زين والله اعلم .

موبايلي ..

والله من ردى الأبراج بعد..

تقل قطيّة ..

والله من مرة ومرة خمدت الأبراج بالجوال بدون ماأدري ..

الإتصالات وبس والباقي خس ..

هذا أول الآن غير أنا من مستخدمين موبايلي من أول ما تأسست .


أول أنا معك في بيتكم ما فيه أبراج الآن مرررررره ممتازه .


واللي يقول غير هذا الكلام قله الوعد طريق الرياض


تغطية موبايلي في طريق الرياض أفضل من الإتصالات .


تحياتي لكم

يارجال موبايلي تغطيته أحسن من الجوال، وخدمتهم أروع.

تخيل معي الظهر اليوم وأنا أتغدى اتصلوا علي خدمة العملاء، وسألون ليش أنا اتصل لي كم يوم عليهم.!
قلت لهم السبب.! قالي طيب هل عندك مشكلة .!
قلت له سلامتك وأنتم بصراحة أحسن من الاتصالات :d.



ياحبيله موبايلي.

أيه والله يا حبيلهم .


I love you Mobily :024:



تحياتي لكم

يا كثر النصب