بريدة ستي - طلبتكم .. ابي اتعلم الطبخ من يآخذ اجري .. سي يو

بريدة ستي (http://www.buraydahcity.net/vb/index.php)

- نسمات برية و جولات سياحية (http://www.buraydahcity.net/vb/forumdisplay.php?f=61)

- - طلبتكم .. ابي اتعلم الطبخ من يآخذ اجري .. سي يو (http://www.buraydahcity.net/vb/showthread.php?t=113081)

مدحت شوقي بريده

11-05-2008 04:32 AM

طلبتكم .. ابي اتعلم الطبخ من يآخذ اجري .. سي يو

السلاااااااام عليكم ..

هلا بشباب بريدة ستي .. وشباب النسمات البرية ..

اعلمكم بعد .. والله ياقرنااااااااس من حبك للبر ..
اذا جاك ولد شكلك تبي تسميه ( طنب )
واذا بنت تبي تسميه ( عزبة ) عزبة احمد مجرشي ..

الصراحة ياشباب اني ابي فزعتكم ..
انا رجااااااال كثير السفر .. امي تسمين ابن بطوطة ..
وذبحتن اكلاااااااااااات المطااااااعم .. واللي ياإني احس إن المعدة يابسة ..
من كثر القشقشة ..
عااااااااد ومن زين اكل هالمطاااااااعم .. ثوم وبهارات هندية عاطستن عليهن هنديه مزكومة ..
يالله لك الحمد ولك الشكر ..

والا ماشاء الله هالعمال اللي ياكلون اللي هم يصلحون ..
تسبودهم مثل اللساتك .. مايضرهم شي ..

والصرااااااحة اني قررت أنا وياي انكم تعلمونن الطبخ ..

ابي اتعلم وشلون اطبخ الرز .. والمكرونه .. والزيتون ..

لإني ماعرف الا آكل بس .. يجدع قدامي الأكل همن ( ارعى ) بالهناء والعافية ..

من يسوي بي خير .. ويحط لنا طرق التعليم البدائية ..
همن على شوي شوي الين اتعلم ..

وارفقوا علينا تراي من طلااب الليلية ..

يالله ياعيال فزعتكم ..

سي يو ..

مليار

11-05-2008 04:53 AM

شف أن أبخلص معك وبعلمك الشاهي وأن شفتك بعد مخلص علمتك وشلون تجيب الفاكهة من الثلاجة .

مدحت شوقي بريده

11-05-2008 05:08 AM

مليار ..

ياحبيلك يابعد معاليق ركبتي انت ..

والله اني صااادق ودي اعرف اطبخ .. اقل شي اذا رحت والا جيت اقدر ادبر روحيتي ..
اغلسن بطوننا من هالمطاعم ..

وحتى اذا طلعت بر ماأصير بس انا اللي اغسل المواااعين ..
ماعمري طلعت للبر الا يمسكونن المواعين ..

يقولون لي انت يالتفخ مامنك نفع .. عليك غسل المواعين ..

ياويلي تشوفن تقل شغالة ورى الهيلوكس اغسل بالصحون والقدور ..

علموووووووووووون ..

سي يو ..

مليار

11-05-2008 05:30 AM

أخف أني أتذرى بك عنك (يعني الدعوى حول أبعضه ) لا أنا لقالوا لي شل ذا ولا نزل ذا يجين ملع بثوبي من الهم . وعميلك عجاز لا والخير واجد جذبت ولد أختي وهو أصغر من أبوين ، بدينا لرحنا جميع كزينا بعضنا .
لا ومرة طالع بالحالي أحتري العيال يجون باللسيب ، قلت اللحين لو أنزل الدافور ، وشب وعبي أبريق ماء وشب على الشاهي ، أمر أقف فجأة قلت أبنفسي واري أكزز روحي أعناد والله لأقعد وقعدت أمار أنام ما قمت الا يوم جوا العيال أمار يقومونن .

A N A S

11-05-2008 05:05 PM

مليار عليه الشاهي أنا علي الأندومي .

تحياتي لك

الصباخ

11-05-2008 05:57 PM

أبوإبراهيم وراه ماتعلم علينا بالطلعة .! :d

وخل أبولجين يعلمك الطبخ :d.

جيدا	11-05-2008 06:15 PM

أهلا وسهلا ..

انا راح أعلمك اليوم طبخ الأندومي .. :)

تابع معي ياحلو .. :044:

1- أفرغ محتويات الأندومي في ( كوبين من الماء ) من الماء المغلي , وحركيه / وحركه , ببطء لمدة ثلاث دقائق .. :)

2 - أضف إليه البهارات :

أ : التوابل ..
ب : الزيت النباتي ( النخيل )
جـ : مسحوق الفلفل الأحمر وحركه قليلاً ..

3 - الطبق الآن جاهز لأكله أو تقديمه ساخناً .. :024::024:

الشيف / جيدا .. :044:

متى تعزمنا عاد ؟ http://www.bintnet.com/club/images/smilies/smile.jpg

:113:

معليش أبو ابراهيم , طبت بيدي كيسة اندومي أمر انقله لك .. ولا مالي خلق الأندومي .. :113:

G M C

11-05-2008 06:18 PM

أعزمنا وتعلم علينا

:)

طالب طب

11-05-2008 06:20 PM

اقتباس:

ابي اتعلم وشلون اطبخ الرز .. والمكرونه .. والزيتون ..

أبد أنا جاهز ..

أبعلمك وشلون يطبخ الزيتون ..:d

سوآلف حرف

11-05-2008 06:49 PM

مكرونه بالجبنه
المقــادير:

مكرونه أي نوع ترغبين به
صدور دجاج
خضار مشكله
بصله متوسطه قليل من الثوم
ملح _بهارات مشكله _مكعب ماجي _ملح
ذره _سجق -فطر_فلفل رومي
قشطه_ جبن سائل_ جبن تشيدر حجم كبير_ ملعقتين مايونيز

****

الطريـقه:

تسلق المكرونه مع الماجي وتصفى وتترك جانبا

يحمر البصل مع الثوم ثم يضاف إليه شرائح او قطع الدجاج ويتبل بالبهارت والملح ويترك حتى
تشعرين بنضج الدجاج بعدها نضع الخضار وباقي المقادير

نضع القشطه والجبن السائل والمايونيز (إذاكانت علبة قشطه يكون الجبن نص كأس)
ويقلب الجميع وتوضع معها

المكرونه وتقلب ثم نضع الجميع في بايركس ويبشر عليها جبنة التشيدر وتدخل الفرن بعد تحميته
من أسفل حتى تذوب الجبنه فقط

هني وعافية

سوآلف حرف

11-05-2008 06:52 PM

كبسة سعودية

المقادير
كيلو لحم غنم مقطع قطع كبيرة
حبتا بصل حجم وسط مفرومتان
4 فصوص ثوم مفرومة
4 حبات بندورة (طماطم) مقطعة
ملعقتان كبيرتان من معجون (صلصة) البندورة
ملعقتان كبيرتان من السمن
ثلاثة أكواب أرز أمريكي مسلوق لمدة 7 دقائق
بهارات، بهار حلو مطحون، بهار حريف مطحون، قرفة مطحونة، كبش قرنفل مطحون، جوزة الطيب، هال، كمون، 3 حبات مستكة
للزينة
صنوبرمقلي ومحمّر، لوز مقشر مقلي، فستق حلبي مقلي

طريقة التحضير
ضعي السمن في قدر على النار ثم أضيفي البصل والثوم وقلّبي المزيج لمدة دقيقتين
أضيفي اللحم والبهارات وقلّبي المزيج
أضيفي معجون البندورة وحركي الخليط ثم البندورة المقطعة فالماء ثم اغمري المزيج بالماء
عند الغليان ضعي الخليط في صينية وغطيه بالأرز دون تحريك وضعي فوقه ورقة المنيوم
ضعي الصينية في فرن محمى مسبقاً لمدة 45 دقيقة أو أكثر حتى نضوج اللحم
اسكبي الكبسة في وعاء التقديم وزينيها بالمكسرات المقلية
صحتين وعافية

سوآلف حرف

11-05-2008 06:53 PM

الكســبة

المقادير :

2 كلغ من لحم الضأن كتف او موزات مقطع الى قطع كبيرة ً
4 أكواب من الأرز الطويل الحبة
2/1 كلغ من الجزر مقشر ومفروم فرماً ناعماً
حبة من الفليفة الخضراء مزالة بذورها ومفرومة فرماً ناعماً .
2/1 كلغ من حبوب البازيلاء
1 كلغ من الطماطم الحمراء مقشرة ومفرومة
1 كلغ من البصل مفرومة فرماً ناعماً
كوز من الثوم مقشر ومهروس
2/1 ملعقة شاي من الزعفران المطحون
4/1 ملعقة طعام من حب الهال
2/1 ملعقة شاي من القرفة المطحون
2/1 ملعقة شاي من البهار الحلو المطحون
ملعقة طعام من الملح حسب الرغبة
سمن للقلي
لوز وصنوبر مقليان للتزيين
كمية من الزبيب للتزيين

طريقة التحضير

غلفي اللحم بالسمن ثم اسلقيه على النار مدة ساعتين مع إضافة الماء كلما نقصت 40 دقيقة في طنجرة الضغط او حتى ينضج احتفظي بالمرق
نقي الأرز وانقعيه مدة 15 دقيقة واغسليه جيداً ثم أعيدي تصفيته
ضعي القليل من السمن في قدر وقلبي على نار معتدله جميع المقادير باستثناء الأرز واللحم ثم اطهي على نار هادئة حتى تذبل حوالي 10 دقائق
أضيفي الأرز على المزيج واقليه لمدة 4 دقائق على نار معتدلة أضيفي مرق اللحم لتغمر الأرز بمقدار 5 سنتم وغطي القدر واتركيها على نار هادئة مدة 30 دقيقة او حتى ينضج الأرز
إسكبي خليط الأرز في طبق التقديم وزينيه باللحم واللوز والصنوبر والزبيب

صلصلة الكبسة

المقادير

كوبان من مرق اللحم
بصلة كبيرة مقشرة ومفرومة فرماً ناعماً
حبتان كبيرتان من الطماطم مقشرتان ومفرومتان
فصان كبيران من الثوم مقشران مهروسان
ملعقة طعام من صلصة الطماطم المكثفة أو حسب الرغبة
ملعقتان طعام من السمن
4/1 كوب من الكرفس المفروم
ملعقة شاي من الملح حسب الرغبة
ملعقة شاي من القرفة المطحونة .

طريقة التحضير

اقلي البصل والثوم والطماطم بالسمن اضيفي الطماطم والملح والقرفة ومرق اللحم
اتركي المزيج على نار معتدلة حتى يتكثف قليلا ثم اضيفي اليه الكرفس
قدمي هذه الصلصة الى جانب طبق الكبسة

عوافي عليكم

أبـو العبـــاس

11-05-2008 07:27 PM

أجل يا مدحت تبي تعلّم الطبخ ..

شكلنا نبي نبارك بالمولود قريبًا !!!!!! > فضحه ..

رجعنا للعزوبية !!

قال وشو قال سفر !! > على غيرنا ..

تحياتي

الوحيد المجهول

11-05-2008 08:39 PM

يا حبيلك يابو براهيم :d

وش تبي بس <===انقاله طباخ :d

اليوم ابا اعطيك صنية الخضار :d

وباتسر حلا يا حلا :113:

الخضار ..

أولاً : قطع الخضار مكعبات (اللي تبي من أنواع الخضار أنا حطيت جزر وبطاطس وباذنجان) :

http://www.swahl.com/up/m127/swahlcom_b802e.jpg

:d

ثانياً : اغطسهن بالقلاية :

http://www.swahl.com/up/m127/swahlcom_278c1.jpg

ثالثاً : إكشن بصل وحط الخضار المقلي عليه ونص كأس ماء وشوي ذرة والفلفل الأخضر البارد والبهارات ..
وإخلطهن جميع وخلهن شوي على النار لين ينشف الماء :

http://www.swahl.com/up/m127/swahlcom_57e60.jpg

رابعاً : حط الخضار بصينية وإخلط علبة جبن سائل وعلبة قشطة أو إذا كان كثير إدبلهن وصبهن على الخضار ودخله الفرن وحمره من فوق على الخفيف :

http://www.swahl.com/up/m127/swahlcom_d6f48.jpg

خامساً : طلعه وحطيه بصحن وكولوه مع الخبز وبالهناء والعافية

http://www.swahl.com/up/m128/swahlcom_4f689.jpg

:d:d:d

تم اللطش بسلام دون اكتشاف من سامي بريده :113:

لمدحت وحدهُ :d

إذا بغيتشي كثير تعال لحالك :d

هنيــــــــــــا

وبالاخص

هنـــــا

:d

@ The Sad @

11-05-2008 11:33 PM

.. يابني يامدحت
دبرنا بطلعة فوق راس النفود ونعلمك كبسة الكاتم ..
.. وش قلت يااحمد شوقي

تميم نجد

12-05-2008 09:52 PM

أبو إبراهيم ..

أشوف بعض الشباصات بدن { ينزرقن } إيقالهن فاهمات بالطبخooo1

نبي نسوي لنا جدول كل جمعة ليلة الخميس نطلع وعلى واحد يطبخ لمن تتعلم ..

أماه

وبعدين تعالو وش عندك تستهزى بالطيور يابو :confused:

ترى الشنبات بالقسم واجد انتبه .
خابر لك مطيره كل ليلة بالجراد يابو ..

احح معين الهواء يابو

المستشار

13-05-2008 01:14 AM

أغديك مستخير ..

مدحت شوقي بريده

13-05-2008 04:29 PM

اقتباس:

المشاركة الأساسية كتبها مليار (المشاركة 991977)

مليار ..
ههههههههههههههههههههه ..
يابعدي ت ..

يالبي انا ودي اصلح او ازين شي .. بس دبشة الله يخلف ..
اول ماياصلون .. أنزل وآخذ مركاتي واقعد عليه وأناظرهم ..
احسن شي بالبر وأنت تناظر اخويااااك وهم بقمة نشااطهم ..
واذا خلصوا اخذت هالمركااااااااااااة وحطيته بجنبي ..
ودلة القهوة والفنجاااااااال .. وخذ ياهمق .. :d:d:d

يالبي ماتعلمت على القرامة والسناعة من حيني خكري ..
من اول امي تلطسن بنيفيا .. وإذا صدتن عنه لهطته واكلته ..
الين غدت مصاريني نااعمة و شعري ناااعم ..
يرفرف مع الهواء ..

مشكور يالبي ويابعد معاليق تسلوتي انت ..

سي يو ..

مدحت شوقي بريده

13-05-2008 04:33 PM

اقتباس:

المشاركة الأساسية كتبها بريدة city (المشاركة 992337)

مليار عليه الشاهي أنا علي الأندومي .

تحياتي لك

بريدة ستي ..

هلا بيك يالاندومي ..
الاندومي هذي مكرونة مسويه رجيم ..

عااااااد تخيل شباب كاشتين وطابخين اندومي ..
تحلف انهم راضعين من شغالاااااااااااااات ..

والله ياأنا ابتخيل خبوبية بالبر وتحط لهم اندومي بعد ..
يناظرونك ويقولون .. انت مارن على حلاااااااااق وجايبن من عنده شعر ( تركي )
وش هاللي انت طابخن لنا ..

الله يكرم النعمة يالبي .. اندووووووووومي ..

لايالبي هونا مانبي شي ..

سي يو ..

مدحت شوقي بريده

13-05-2008 04:38 PM

اقتباس:

المشاركة الأساسية كتبها الصباخ (المشاركة 992379)

أبوإبراهيم وراه ماتعلم علينا بالطلعة .! :d

وخل أبولجين يعلمك الطبخ :d.

الصبااااااخ ..
دوك من اللي يحتسي هاللحين .. الشيف زياد ..

اللي يسمعك يقول هذا من حبه للطبخ مسمينه اهله .. كشنه ..
وانت يالبي ماتفرق بين الكتشب والصلصة ..

تعال بس صف معي عند ابو رجلين ويعلمنا جميع ..

سي يو ..

مدحت شوقي بريده

13-05-2008 04:44 PM

جيدا ..

هلا بمشرفنا السيد ( جيدو مايك ) ..

يالبي انت ماذبحك الا الاندومي ..
ماغير عصااااااااقيل وشوية راس ..

يادافع البلا مصارينك تقول شفاط عصير سنتوب ..

خل عنك الاندومي .. وشف لك شي ينفعك ويوسع مصارينك ..

ولعلك تصف مع الصباخ وراي هنا .. الين يجي الشيف فادي ابو رجلين ..
ويعلمنا من هالطبخات اللي تخليك تلحس كوعك من زينه ..

سي يو ..

الخفاش

13-05-2008 06:28 PM

اقتباس:

انا راح أعلمك اليوم طبخ الأندومي ..

لا أحد يقرب الشغله ذي
هذي لعبت قاهر الروس
لمنه حاف لك الاندومي بالكاتم وخلاه تستس له ربع ساعه تاكل اصابعك من طعمه :d

تبين أعلم وش لون تطبخ الذبيحه ولا ما تبي :)
يقولون أن المطاعم تحط مع الماء فلاش على شان على طول ينجض:S

: 12

abo suliman

13-05-2008 07:34 PM

ههههههههههههههههههههههههههههههههههههه
أبو براهيم ... ويطبخ ..
شكلك مبطي ماسمعت أمعائك الغليظة وهن يطلقن صرخات الإستغاثة http://www.up.00op.com/data/visitors...2070426459.gif
عاد والله من زين شغل التكتكة .. أوالله أخاف تحط مع الكشنة .. موز http://www.up.00op.com/data/visitors...2070426459.gif هلااااااااااااااابيك .. رز بنكهة الموز المكشن :)

عاد اللي يقرأ هرجي . يقول أبو آدم سمير http://www.up.00op.com/data/visitors...2070426459.gif على هالطبخات ..

مير أستخر .. وخلك على لوزين http://www.up.00op.com/data/visitors...2070426459.gif

وحيد الخلان

13-05-2008 08:19 PM

ابوابراهيم إذا تبي رايي :d
دزابل اطايب وانقل طبخاتهم .. لعل وعسى يسلك معك شي :098:

قرناس

13-05-2008 08:36 PM

عاد يا أبوابراهيم جسمك مفصل للطبخ بس يبيلك
بدلة بيضاء ومداسيس
وأهلا بيكم في أطايب مع الشيف مدحت ,,

نحتري نثريك يا أبوابراهيم الأسبوع الجاي ان شاء الله
كثر الحبحر وتمشي أمورك :)

مدحت شوقي بريده

13-05-2008 09:30 PM

.
.

قنـــ القلوب ـــاص
عـضـو

هلا بيك يالبي ..
تبين اعزمك .. <<((== تبين .. هذا ولد ( تبن :d ) ..

يالبي انا يوم من الايام بزعت وطبخت ( بيض مقلي )
حطيت الزيت على النار وقعدت احتريه يحتمي .. علشان اكب البيض عليه ..
وجيت عند النت ..

وخمس دقايق واشوف الدخان ..
والقى الزيت قابعن ناااااااااااار ..
وأجيك والبس الكمامة وطاقية الدفاع المدني .. تقول الجندي مناحي من مركز الدفاع المدني برفحاء ..

وأخذ موية وأكبه على النار ابيه تطفى ..
وكل ماكبيت موية الناااار تزيد ..
قلت لاهين .. الدعوا مهيب حريقة .. الله اعلم ان البيضة اللي انا حطيت به جن ..
وأطفي الغاز .. وأقعد شوي وتطفى النار ..

يوم دخلت المطبخ والقى السقف كله تقول خد تكرونية اسود ..
والطقم الصيني اللي من يوم شريناه ماغير مصفوف بالدولاب .. طايرن اسوووود ..
والله النشبة عاااااااااااد وش يفكنا من بنت ( ... ) ..

واروح واجيب اللي واغسله علشان يخف ..

وعقبه اخذت علقة ..

همن حرمت ادخل المطبخ ..

سي يو ..

مدحت شوقي بريده

13-05-2008 09:59 PM

.
.

طالب طب
عـضـو

والله ياإسمك يالبي احس انه فله ..
طالب .. طب ..
هذا مدرس يعلم الطلااااااب السبااااااحة ..
:d:d:d

يالبي انت تبي تعلمن وشلون اطبخ الزيتون ..
هذا سهل يابعدي .. قشره وإجدعه بالقدر وقضينا ..
<<((== تدري انه هاجتن بوه هالهدر ..

مشكور يالبي ..

سي يو ..

مستكة

14-05-2008 12:30 AM

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&

7
7

7

شف يامدحت يابعدي أنا منظغط ألحين ,,,

مير خل أفرغ لك والله لا أخليك مثل الدب عمو أيمن اللي يجي بالمجد ,,
بس رح يالله يمديك تفصل طاقية شيفة , ومريلة طبخ ,,

بعدين أنا مادري عن جسمك أنت نحيل ولا عصل
<<== هالقفـش يحسبهن يختلفن:d

وقبل ماتسجل عندي بالدورة ,, لازم تصير موافق للشروط وتنط المصارحة الشخصية ,,,.

وهذا الشروط ,,,ويقولون يابعد حيي,, من تشرط وأخره نور,, <<== إيقاله علوم نشاما:d

1/ معك شهادة خامس ليلي :d

2/ تعرف تلبق الموتر ونبي نعطيك ديـنـّـا نبيك تديور فيها عند اشارة المحكمة,,,

5/ تدل ســوق الخضرة

3/ لاتحرص على الســروال واحرص على الكحة لأن فيه اختبار مهم <<== وراه عسكرية:045: >>> لا والله يامدحت حنا المطبخ حقنا مافيه أمان ويمكن يصير به حريقه وتعرف ماودنا نخسرك ملابس داخلية <<== قلب الموجة:d

4/ أهــم شي بالاختبار ,,, إنه يصيرن خدودك كبار وكل ما كبرن خدودك و صغرن عيونك ,,,, صار فيه احتمال تسجل ,,

وحطك ملفك ويصير خيررررررر ,,,:d

بمنيلااااااه يابعد مشيقات خدودي أنت ,,

,,

مدحت شوقي بريده

14-05-2008 03:31 AM

.

.

ح ـــلوهـــ بطلته

الف شكر اختي الفاضلة ..
اهم شي الصرااااااااحة الكبسة ..
لإننا يالسعوديين الواحد بنا صايرتن المعدة يادافع البلى تقول ( شراب العائلة )
تنمط مع كثرة الأكل .. كل ماتحطه به تأخذه .. ماتعودت تقول لا ..

عااااادي الواحد يبلع همن يغدي تقول فقمة مايقوي يتحرك .. يزحف زحف ..
وإذا بغى يمشي يناقز تقول بطريق ..

شكراً لكي على إثرائك الموضوع ..

وسلام ائليكم ..

سي يو ..

..<الساحر>..

15-05-2008 10:11 AM

اقتباس:

المشاركة الأساسية كتبها مدحت شوقي بريده (المشاركة 995834)

.

.

ح ـــلوهـــ بطلته

مدحت عاد تقل شرابه العائلة؟؟

سامي بريدة

15-05-2008 03:44 PM

هلا مدحتوه 000
وش تبي بالطبخ والنفخ 000
إيقالك بير طر وابن طبوبة
خلك عنك 000 لا تقطع رزق هالبنقالية والسورية والتركية
تراهم 000 مـــــــــــــــــــــــــــــساكين مرة 00!!!!!!!!
وبعدين ما نويت تسوي رجيم
يكفي انتفاخ ترى يبي يجي يوم
أهلك وانت مقفي يحسبونك جاي
ولا وأنت جاي يحسبونك مقفي
شوري عليك ترى ان تعلمت بلشت
عندي لك فكرة
خل المدام دايم على يمينك وما تقصر إن شاء الله

~{ الوسـامـ ..

16-05-2008 07:47 AM

عااااد لا اوصيك خل اللي بياكلون من اكلك يحللون كلهم والله يرحمهم ويغفر لهم مقدماً:d

مدحت شوقي بريده

16-05-2008 11:05 AM

اقتباس:

المشاركة الأساسية كتبها أبـو العبـــاس (المشاركة 992559)

هلا بالبي ابو العباااااااااااااس ..
والله ياعليك اسم يالبي إنه خياااااااال ..

أحس من إسمك .. إنك تلبس عمامة وحاطن قلم ورى إذنك ..
ولاتحتسي الا باللغة العربية ..
اين انت ياسليمان .. اغرب عن وجهي ..
ثكلتك امك يافتى ..

تقول قاعدن تظغط إزرة ( باب سلاااااااااام )

اقول يالبي ..
وش دعوا مولود يالبي .. والله لو إني مآخذن أرنب ..

كل مافي الأمر ياأيها الفتى .. <<((== ابو المدحت ..
إني ابي اتعلم الطبخ .. علشان اذا جيت لبريدة لحالي .. ماأقعد اناقز من مطعم لمطعم ..
تقول بس ( قطو ) ..

اكلف ماعلي يالبي اتك المريلة .. والبس الطاقية .. واغدي الشيف مدحت ..
واحوف لك الغداء وابربس لي شوي .. وأتغدى او اتعشى ..

ومشكور يالبي ..

سي يو ..

عمر اليحيى

16-05-2008 04:03 PM

اقتباس:

يحمر البصل مع الثوم ثم يضاف إليه شرائح او قطع الدجاج ويتبل بالبهارت والملح ويترك حتى
تشعرين بنضج الدجاج بعدها نضع الخضار وباقي المقادير

اقتباس:

ضعي السمن في قدر على النار ثم أضيفي البصل والثوم وقلّبي المزيج لمدة دقيقتين
أضيفي اللحم والبهارات وقلّبي المزيج
أضيفي معجون البندورة وحركي الخليط ثم البندورة المقطعة فالماء ثم اغمري المزيج بالماء
عند الغليان ضعي الخليط في صينية وغطيه بالأرز دون تحريك وضعي فوقه ورقة المنيوم
ضعي الصينية في فرن محمى مسبقاً لمدة 45 دقيقة أو أكثر حتى نضوج اللحم
اسكبي الكبسة في وعاء التقديم وزينيها بالمكسرات المقلية
صحتين وعافية

اقتباس:

غلفي اللحم بالسمن ثم اسلقيه على النار مدة ساعتين مع إضافة الماء كلما نقصت 40 دقيقة في طنجرة الضغط او حتى ينضج احتفظي بالمرق
نقي الأرز وانقعيه مدة 15 دقيقة واغسليه جيداً ثم أعيدي تصفيته
ضعي القليل من السمن في قدر وقلبي على نار معتدله جميع المقادير باستثناء الأرز واللحم ثم اطهي على نار هادئة حتى تذبل حوالي 10 دقائق
أضيفي الأرز على المزيج واقليه لمدة 4 دقائق على نار معتدلة أضيفي مرق اللحم لتغمر الأرز بمقدار 5 سنتم وغطي القدر واتركيها على نار هادئة مدة 30 دقيقة او حتى ينضج الأرز
إسكبي خليط الأرز في طبق التقديم و

اقتباس:

زينيه

باللحم واللوز والصنوبر والزبيب

اقتباس:

اقلي البصل والثوم والطماطم بالسمن اضيفي الطماطم والملح والقرفة ومرق اللحم
اتركي المزيج على نار معتدلة حتى يتكثف قليلا ثم اضيفي اليه الكرفس
قدمي هذه الصلصة الى جانب طبق الكبسة

فهمتي ولا الى الان تدربيه كالعادة :113:

اجل مدحت مايعرف يطبخ تعال لمي اعلمك النثرية على اصولة <<<< بدا بدعي

وبعدين اذا طبخت فزعه خل ابوريم يصور الطبخه تكفى يابو ابراهيم

خل نضحك ولو مره :113:

:dمبطين ماسمعنا صوتك بالجوال:d

المعذب

16-05-2008 10:10 PM

انا ابعلمك بيض العيون

تحمي المقلاااا ء وتفقش فيه بيضتين على طول مع شوى ملح

(<*أبولجين*>)

17-05-2008 02:19 AM

عسى مهب انت اللي يسأل ؟

:) :) :)

ابولجين

الصقلاوي

24-05-2008 03:01 AM

.

غريبة..!!!!!

أول مره أشوف دريبية مايعرف يطبخ

بالعادة مايحوف النثر غيرهم

أنا أشك بالموضوع

.

هايلكس بريداوي

08-06-2008 03:28 PM

انا يسمونن بالولاية الشيف مرزي ابي اعلمك وشلون تطبخ الحليب بالشاهي:
المقادير :حليب وشاهي
الطريقة:اطبخهن

عاد الله الله بالعزايم

أبو رُبـــــى

11-06-2008 03:03 PM

أنا والله ما أعرف إلا أطبخ لحمة ذيب وإلا غيره ما أعرف ... اسمحولي ... مهب عاقل ....:077:

الـدعساوي

11-06-2008 03:40 PM

مدحت

شف انا ودي اخدمك بس ابي احد يخدمن.... هجبه الكيبورد:113:

شف تبي تتعلم الطبخ بسيطة الحل عندي

شف اذا دخلت الوالدة للمطبخ قله ابسبع معتس

وشف لاتقول اني بناظرتس وانتي تطبخين لانه فشيلة.

شف سبع واخلس عينك وشي اخلس مير

وشف الطريقة وتتعلم

يوم يومين ثلاثة شهر شهرين سنة ويمكن ماتتعلم ... شي طبيعي منك:113:

تدري وراه لانه اول يوم تبي تلحق يا مغرفة ولا صفرية:071:

عادي تحمل اي شي اهم شي اصبر

حكمة بالطبخ تقول

من صبر طبخ..... انواع الجعف

جاري توهيق ابوابراهيم:113:

اذا تعلمت لاتنسانا وادعلي.... تراوه علمه الطبخ

العنزي

18-06-2008 02:34 PM

بشر يامدحت باشا عسااااااااااااااااك طبخت الزيتون ..

قاهر الروس

18-06-2008 04:37 PM

.
.

الطبخ هذا أكبر من مستوانا .. خذوا أجرنا بالأشياء البسيطة .. شاهي قهوة شي على الماشي .. أمّا الطبخ والنفخ هذا يبي لنا إجازة كاملة ؛؛؛

وعندي اقتراح للي يبي يتعود يطبخ لنا .. لا يطبخ إلا لناس هاجتن بهم بطونهم من الجوع .. حتى ما يعيبون طبخك

.
.

الساعة الآن +4: 04:46 PM.