تفكير شبابنا
 

السلام عليكم
موضوعي نكته شوي
الي هو (عرض المواتر)

اللحين الشباب الله يوفقهم ويزوجهم يشترون سيارات بعدين يركب جنوك ويغبر ويضلل وعلى قولة الشباب يشقله من ورا طيب هذي مو قصيتنا
القضيه هي انهم يعرض الموتر بالشارع لوقت طويل عادي يوقف السياره يوم او اكثر ويجلس ببيتهمة طيب ليش انت شاريه علشان توقفه
اعطيك امثله وتاكد بنفسك من كلامي
كل الاتي
1-شارع القناة
2-محطة المسار الي بالصفراء
3-المواقف الي مقابل العثيم مول
4-المواقف الي عند مطاعم الفخريه عاد هذا الموقع بدون تعليق
5-المواقف الي مقابل المحكمه قبل اكسترا على يسار


انا مااستهتر ولا اضحك لاني العام كنت اسوي كذا لاكن مو معقول
لاني سمعة قصه جيب يقف بشارع القناة حول بيتا يقول واحد من العيال انه يوقفه يومين ويروح
يقعد بيتهم لعن ابو دارك شاري جيب 120 الف اخرته تحلته بالشارع وتروح بيتكم

شباب انا ماغلط ولا ابي ازعل احد
بس ابي تعليقكم

اخوك احمد

للتواصل
A22M22L22@HOTMAIL.COM

حبيبي أغلب الشباب خاصة صاحب الجيوب الربع والهلكسات يوقفون في الشوارع العامة حتي في الحواري وأنت
عارف هذا الشئ وبعدين اصحاب الجيوب الربع يحط رقم الجوال على القزاز الأمامة والخلفية والله أستهتار وين ولي أمره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يااخي خلوهم يستانسون وش وراهم لاهم ولاغم
مشكور

قبل كم يوم كان فيه سراء طوييييييييييل هايلوكسات بشارع القناة ..

الصراحة كل مامريت ضحكت لي شوي على الطاير ..

بعضهن قعدن يوم يوم ونص وبعضهن ماتحركن يومين أو ثلاثة ..

أحمدوا ربكم على القعل مايعرفون قدر السيارة

الله يهديهم

اشكركم شباب على تفاعلكم معنا
اخوكم احمد

اقتباس:

لاني سمعة قصه جيب يقف بشارع القناة حول بيتا يقول واحد من العيال انه يوقفه يومين ويروح يقعد بيتهم

معقوووووووووووله!!!!!!!:i125:i125:i125

اذا وصل تفكيرهم للمستوى هذا ،، فالله يخلف علينا ............

طيب سؤال : اذا كان قصده ان الناس يشوفون سيارته فليش مايركبها ويخلص مشاويره ويخلي الناس يشوفونها وهي تمشي!!!!!

صدق ان اصحاب العقول في راحه

شكرااااا لك

الذي اعرفه ان البريداويه اكثر انواع الشباب ذكاء وحرص ومرجله فكيف تحولت الامور الى هذا الحال 0

اقوول انتم اللي ما بكم عقوول لاننا بلشنا بكم ان رحنا ندوور قلتو وشوله الدوران وان رحنا نفحط قلتو وشوله التفحيط عاد وقفنا سياراتنا وتقولون وشوله توقفه طبعا انا عن نفسي اوقف سيارتي بشارع القناه لكن اوقفه يوم الاربعاء لانه ما عندي شغل ولو كان عندي شغل احسن اروح مع اخوياي علشان نسولف او اي يوم القى نفسي اني ما احتج السياره واهلي ما عندهم اشغال اوقفه بالقناه لكن تقولون انكم ما بكم عقل لا هذي اخطيتو به لانه وش عندنا فااااااااااااااااضيين لا تقول رح اقرا قران مع احترامي الشديد اكييد انهم مهب رايحين يقروون دور احد لكن وش تبيه يسوي ؟؟؟؟؟؟؟؟؟؟؟؟؟

واشكرك اختي منوووول على التفكير السليم اهنييك والله من قلبي .........

تقبل مروري .............

ياأخي الصارم هل تتوقع أنكم حليتوا مشاكل للأمة ؟

لا بلاش السوأل هذا !

هل تتوقع أنكم حليتوا مشاكلكم الخاصة وهل هذي السعادة التي حصلتم عليها من الدنيا ؟

ممكن ليش يوقفون سيارتهم هناك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا اخي مليار خللك من هالكلام الغير منطقي ....

طيب انا بسالك هل حليت مشكله الامه يوم دخلت منتدى بريده ستي ؟؟؟؟؟؟؟؟ شفت سؤالي البايخ هذا ترى سؤالك مثله بالضبط ؟؟؟؟؟؟؟

تقبل مروري واتمنى اني ما اكون ثقلت عليك ز...........زز

أخوي الصارم مابعد التفحيط والتطعيس الا الموت وإذا كان كذلك (فهل تظنون أنكم يامعشر الشباب رخيصين علينا ؟ ) لتموتوا ونحن ننظر إليكم وغالب من يفحطون يكون لهم مأرب وهي لا تخلوا أن تكون (سماع للأغاني ، السكر وأستعمال المخدرات أجلاً أم عاجلا ، لا يفحطون الا ولهم مقاصد معروفة) واقول ياأخوان انظروا إلى شباب الرافضة ماذا يفعلون وما يقومون به من تشييع ودعوات لتشيع على حساب أهل السنة )
أخوي الصارم أنت تقول :وأنت لما دخلت لمنتدى بريدة ستي حليت هموم الأمة ؟ سوألك وجيه جدا.
أنا دخلت لهذا المنتدى وقلت لك ولأمثالك لالا تفحطوا (ولا تلقوا بأيديكم إلى التهلكه) أنتفعوا بوقتكم في الدنيا والأخرة فأن كد العبد في الدنيا يطلب الرزق الحلال عبادة . قدموا لكم أعمال لأخرتكم .

وأنت تنافح عن نفسك تقول دعونا نفحط (ولسان حالك يقول: دعونا نكون قريبين إلى الموت والأنتحار لكي نجرب المغامرة والرعب ) دعونا نهدر الأوقات لكي نتمتع في الحياة .. والله أننا مسئولين عن الوقت والمال والصحة يوم القيامة ..أين ضيعناها (وما أريد الا البلاغ) أسئل الله العظيم أن يهديك ويهدي شباب المسلمين، وارجو أن تكون أستفدت لا مللت من ما قلت فإن أكره شيء لنفس النصح .

.
صحيح ، كذلك أمام مكدونالدز

الاكثريه هي جيوب ربع و هايلكسات [ دعدعه ]

أستغرب من هذا التفكير اسمحوا لي بإن اقول انه تفكير همجي

:)