|
يكفي واسطات يا أهل بريدة يكفي ظلم حراااااام عليكم !!!!
الــــواســـطــه كم أكره هذه الكلمه ومايبط كبدي إلا اللي يقولون" الأقربون أولى بالمعروف " وإلا " اللي مابه خيرن لأهله مابه خيرن للناس " هذي القاعده ياحبيب أمك تقولها إذا صار من حلالك وإلأ من مالك مب إذا صرت مسؤول والدولة أستأمنتك على عمل أنك تجيب القرايب عندك تقل ببيت أبوك وتخلي الأكفاء .!!!! وكله كوم واللي يدعون الدين كوم ثاني " يقولك الشفاعة الحسنه " مانختلف الشفاعة الحسنة في مكانها مب تفضل شخص عامي على شخص أكفأ منه علميا لمجرد أنه قريب !!!. يعني يجوز الظلم عشان الشفاعه ؟؟!! أم المسأله أتباع هوى ؟!!! لكن ما أقول إلا حسبي الله على اللي ظلمني الله لا يوفقه دنيا وآخره كتبت هالكلام من القهر اللي فيني :eek5 خاطرهـ : مظلووووووم :eek5 |
ما نفعو لااقاربهم ولا غير اقاربهم؟؟؟
مصالحهم اهم شي كلن يدور علي مصيلحته وبس الا من رحم ربي ؟؟ الله يسر امور شبابنا تعلمو وتدربو وفعلو الاسباب وتركو نيام عاله علي اهاليهم سنوات بانتظار نصيبهم من الحياه العمليه والاستقرار (الدعاء لهم بالتييسير) |
اقتباس:
لكن أقول نصيحة يا أخي والله لو تشتغل بسوق الخضرة ولا تذل نفسك لأحد .. أنه أحسن لك .. تحياتي لك والله يوفقك ... |
اقتباس:
حلو حلو ابو ربا توجيه سليم .... وأنا مؤيد لكــ |
اقتباس:
مانختلف ياجمراوي سواء كانت الواسطه لأقاربه أو كانت لمصلحته وعلشان يكون له فضل على المتوسط له في كلا الحالتين يعتبر ظلم تقبل الله دعائك يالغالي شاكر لك مرورك يالغلا :) |
اقتباس:
نعم ماقلته صحيح لكن الردى مب مني أنا ولله الحمد مؤهل أكثر من اللي تقدم معي بواااااااجد ومع ذلك فُضل علي والسبب لأنه قريبه الله لايوفقه لابدنياه ولا بآخرته " الظلم ظلمات يوم القيامه " اقتباس:
لا يا أخي هذا مب منطق أبداً أجل ليه أدرس لمدة 17 سنه عشان اشتغل بسوق الخضرة كان من أول مادرست ودخلت السوق على قولتك يعني كأنك تقول بإختصار اللي مامعه واسطه نهايته سوق الخضرة والله عجيب أمركم يالبريداويه!!! |
اقتباس:
لا والله اسمحلي مب خوش رايي بحياتي كلها مابعت ولا شريت ومرة وحدة سوق الخضرة ؟!!! ياحسافة دراستي كل هالسنين لكن سهام الليل لاتخطي ولكن لها أمدٌ وللأمد إنقضاءُ شكرا لمرورك يالغلا |
اخوي الاسطورة وش بك يابريدة ياهل بريدة ادري انو ضايق صدرك بس ماباليد حيلة وترى هالواو بكل مكان للأسف..
ويمكن خيره انك ماقبلت ماتدري وش الخيره فيه .. لكن لا تتحسف على شي ماضي ولا تيأس والوظيفة ماوقفت على قطاع او اثنين او جامعة او جامعتين .. استمر فأنت صبرت 17 سنة بس ابذل شوي مجهود ولا تيأأأأأس .. وان شاء الله ربي بيسخر لك احسن وأجمل وأرفع من اللي قدمتك عليهم عاجلاً غير آجلاً |
.
أخوي الاسطووورة .. والله كلامك سليم ميه بالميه ... صحيح الواسطة فيها ظلم لناس آخرين ... لكن اعتبر هالحركة احد الموعقات في حياتك ... فهل ستقول خلاص ماني بدارس ولا ني مشتغل .. ( وقفوا في طريقي ) لا بالطبع ... ليكن لديك روح التحدي لمواجهة الحياة فالحياة بلا شك صعبة جدا .. لا يقف أحد في طريقك ... حاول ايجاد طريق آخر .. يعني بالعربي مهب لازم جامعة .. ولتعلم انا الشهادة ليست هي كل المستقبل .. والله إني أقولها وأنا متأكد من كلامي .. فكم واحد ما معه شهادة ولا يعرف يقرأ ولا يكتب ... ومايقدر يحك راسه من الأشغال ... وتلقى السيارات عند الباب ..!! وأقرب مثال ... (( الـراجـحـي )) حفظه الله ورعاية ونفع به الاسلام والمسلمين .. طلّع روحه بروحه .. وترى الحياة يبيلها صبر وأنا أخوك ... .. اصبر اصبر .. ويفرجها الله لك ... والله إن تنفتح عليك الدنيا وأنت ما تدري .. وستذكر كلامي ..!!! وأخيرا ... لاشك بان الدعاء امر مطلوب للتوفيق بالدنيا والآخرة ...!! ادع الله ولا تنسى تدعي لي معك يا عزيزي ..:d تقبل تحياتي .... محبكـ :. . |
عوداً حميداً .. :p
|
الظلم ظلمات يوم القيامه يا من تدعي الواسطه والاقربون اولى بالمعروف
|
مانختلف ياجمراوي
سواء كانت الواسطه لأقاربه أو كانت لمصلحته وعلشان يكون له فضل على المتوسط له في كلا الحالتين يعتبر ظلم تقبل الله دعائك يالغالي شاكر لك مرورك يالغلا |
المسلم مأمور بان يشفع لاخيه الا في حد من الحدود على ان لا يأخذ نصيب من هو احق منه والشفاعة المحموده مطلوبه وهذا رسول الله صلى الله عليه وسلم شفع عند المرأة التى كرهت زوجها بان تعود له فرفضت طالما ان الامر لها 0
|
يمكن يكون اهل بريدة ارحم من بعض القبائل بالتعصب لجماعتهم
|
الآسسطورة مجتمع القصيم يغلب عليه المصلحه يعني قد مااتعطين اعطيك وللآسسـف مصااالح ومووعيب بسس لآتجعل الخدمة او الشفااعة بمقااابل واحيااناا يكوون فيه قرااابه كلاامك اعجبن فيه اتزااان وعين العقل لكن مووو عندناااا تحصله في الدووول المتغدمه :)
وحـلـووة الوااسسـطـة اذاا مااتجاااوزت الآكفآء او الآثنين معاااا وضد المحسسوبيااات اللي فيهاا وقااحه يعني عيني عينك تقدم الوظيفة او اي كااانت للي اقل مؤهلآت وفيه فرق شاااسع بين الآثنين الله يكوون بعووونك والخيرة فيماا اختاارهـ الله ولآتنسى الدعاااء ودعااء المظلووم مستجاااب @ |
حبيبي
كلامك مايختف عليه ثنين واقعي 100% إلى من رحم ربي ذكرتني بموضوع مر علي قبل فترة وهو بعنوان (كيف تعرف انك في دولة عربية) وذكروا الواسطة وكان من ضمن الموضوع اقتباس:
اقتباس:
إذا بدك تعرف انك بدولة عربية تفضل هنا http://www.buraydahcity.net/vb/showt...09#post1001709 محبك/أبو فهد |
اقتباس:
مشكور يازحل على هالتحفيز والكلام الحلو لاحرمك الله الأجر محبك : الأسطورة |
اقتباس:
الذيب والله العظيم أن كلماتك خففت عني شيء كثير فعلا كثير من الأمور كنت ناسيها وذكرتني فيها جزاك الله ألف خيرر :) محبك : الأسطورة |
اقتباس:
مرحباً بزميل الغالي " جيدا " شكراً لوفائك وهذا من طيبك ولطفك وحسن معدنك يابن الأجواد :) |
اقتباس:
" ولا تحسبن الله غافلاً عما يعمل الظالمون " شكرا لمرورك يابو أحمد |
اقتباس:
قص ولصق عجاز يازيزو تكتب !!! :d |
اقتباس:
للأسف يا المطاول كثير من الناس والقهر من اللي يدعون الدين وأنا أحد ضحايهم يحرفون مفهوم " الشفاعة الحسنة " على هواهم تخيل معي يبي يشفع شفاعة حسنة على قولته على حساب ناس أحق بالوظيفة من اللي يبي يتوسط له وإذا ناقشته قال شفاعة حسنة !!! "الدين لابغوه على هواهم خلوه على اللي يبون " |
اقتباس:
كلن به حقه ياقصيمي سواء من اخواننا الأعراب أو من القصمان أو غيرهم لكن اللي أشوفه ببريدة أكثر أنك مايمكن تمشي شغلك بسرعه إلا بالواسطه وما يقدر أحد ينكر هالشي |
اقتباس:
مرحباً بك سكر خشن :) أنا معك يالغالي في كل كلمة قلتها الواسطه داء وأتمنى أن نجد الدواء لهذا المرض الفتاك الذي أصاب المجتمع وحرم أناساً كثر من وظائف كانوا أحق بها شكراً لإطرائك وشكرا لمرورك الأكثر من رائع :) |
اقتباس:
مرحباً بك أخوي ابوفهد أتمنى أن تكون في خير حال:) اقتباس:
وهذا هو سبب تخلف الشعوب العربية لأن المناصب ما جتهم عن كفاءة بل بالواسطة إن الشعوب الغربية تعدل في تقسيم الوظائف وهذا ماجعلها تصل إلى درجات عالية في المستوى الصناعي والعلمي وفي شتى المجالات هم يطبقون تعاليم الإسلام وهم غير مسلمين ونحن مسلمون ولانطبق تعاليم ديينا الحنيف ... كل الشكر لك يابوفهد على مرورك الرائع كروعتك أخوك الأسطورة |
لاحول ولاقوة الابالله لاتيأس يالأسطوره وخلي هالشي دافع لك وتأكد ان الله مع العبد مادامه اخلص النيه وتوكل عليه واعلم بان الارزاق بيد الله وماادراك لعلها الخيره فاكثرمن الاستغفار فهومفتاح الرزق انشاءالله (اللهم وفق اخي بالله الاسطوره واشرح صدره واكتب له الخيره في كل اموره والمسلمين اجمعين اللهم امين)
|
ياراجل الواسطة ما تنتهيش مرة ارتاح شوي لاتحرق أعصابك ثم يجيك الضغط والسكر والشاي كمان الله ياحسرة للي ماله واسطة اليوم لا تفكر تمشي الا بواسطة ويقول الاول اللي مالهوش واسطة زي النخلة الماسطة شكرا ليك |
| الساعة الآن +4: 12:56 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.