|
جــدتـي مــوضــي وداااااااار التحفيظ .. سي يو ..
السلام عليكم .. يالله يارب ياكريم .. إنك تحفظ موضوعي .. اللهم احفظه من النقل .. اللهم احفظه من الحذف .. اللهم احفظه من التقفيل .. آمــيــن .. هلا و سهلا بأعضاء وعضوات ومشرفين ومشرفات بريدة ستي .. عااااااااشت ايامكم يابعد كل من لي انتم .. انتم <<((== هذا خكري يقول .. إنطم .. ياي .. انا عندي لكم اليوم ثلااااااااااث وقفات .. وقفات إنما أيه .. تحكي عن ناااااااااااااااس هم صفوة المجتمع .. عن ناس حياتهم كلهم بالقرآن .. وشعارهم ( بالقرآن نحيا ) .. ((( الوقفة الأولى ))) الصراااااااااحة إننا نحمدالله بالسعودية على وجود حلقات تحفيظ القرآن .. والدور النسائية للتحفيظ .. صحيح إننا بالسعودية دولة الدين واغنى دولة .. بس الحكومة مادريت عنه .. لإنه قااااااااائمة على تبرعات أهل الخير .. ولكن لو تخصص له نص ميزانية الرائاسة العامة لرعاية الشباب .. كاااااااااااااان اتوقع ان كل شباب وبنات المملكة يحفظون القرآن .. خاصة اذا عرفنا إن دور وحلقات التحفيظ اغلبها للشباب والشابات .. وهذي تدخل تحت نطاق رعاااية لشباب .. وهذي الرعاية الصحيحية .. الا اذا شباب التحفيظ يعتبرون من شباب موزمبيق .. او غير معترف بهم .. فهذا شأنه شأن آخر .. ولو شفنا الرياض فيه ثلاث اندية كبار .. تصرف عليهم لايقل عن 500 مليون ريال .. يعني لو قسمت على دور وحلقات التحفيظ .. كان تخرج سنوياً الاف الحفاااااااااااظ .. ((( الوقفة الثانية ))) مالنا بالطويلة .. إن هي الا اماني .. الصرااااحة إن دور التحفيظ يقوم عليهن بناااااااات يعتبرن النخبة من بنات المملكة .. تحية لبنات الدور .. :074::074::074::074::074::074::074::074::074::074: :074::074: :074::074::074::074::074::074::074::074::074::074: :074::074: :074::074::mad::074::074::074::074::d:074::074::07 4::074::074: ( تشوفون هاللي فوق اللي منقهر ولا يصفق . هذا علماني ) والثاني اللي هاجن كشرته هذا الله يخلف هدر .. وجاين مع ابوه ) انا ابقولكم سالفة جدتي موضي .. يوم هي بدار للتحفيظ .. اجلسوا اجلسوا كلكم .. جدتي موضي عجوز يافعة في ريعااااااااااان الشيخوخه وطنت برااااااااسه تدخل بوحدة من دور التحفيظ والصراحة إن له أربع سنين ماتعدت القاااااااااارعة وصايرتن ياداااااااااافع البلى هي المحقق كونن بهالدار .. يعني إذا بدت الدراسة وجت وحدة جديدة على طول تستلمه وبااااااااقي الحريم فااااااااااغراة الافواه .. أنتي من يقااااااااال لكم .. ومن هي هااااااااااللي معتس .. ومنين أنتم .. إيه ياحليلكم .. بدرية الصاااااااااالح اللي مع ولد عمتنا علي البراااااااااااهيم وش تقربلكم .. يعني ماتخلية الين تطبع عنه برنت .. وماعمره رجعت لحااااااااااااله كل يوم قاشتن له عجوز صايرتن ضفاف الضايع .. هذي أم الفلااااااااااان نبي نوديه معنا . عياله صيفوا .. ورجله عنده الدورية حقت الحارة .. عاااااااااااد اقوله .. يمه موضي .. وش أخبار الدار .. عسى المدرسات حليللااااااااات .. تقولي .. ياوليدي .. حنا يدرسننا ثنتين .. الأولى هيله .. وش حليله هالأبلى .. كلش ولا هاك المنزوعة ام لسان ابلى فاطمة .. يادافع البلى ياطول لسانه .. ولا به رحمة .. تصدق انه خلتن أسمع قل هو الله أحد كله مرة واحدة أنقطع نفسي .. هذيك وش حليله هيلة تقسمه لي ثلاث أقسام كل يوم شوي وهاك العصلا المنزوعة وااو بس .. مير رحنا وشكيناه مانبيه .. تصدق انه تسمع لنا غيب ماتسمع لنا نظر .. وشلون تسمع نظر:d .. يمه التسميع للغيب :d .. لا .. أذا دخلت بسم الله علينا قالت أنتن حافظات .. مير نورة العلي ماتخليه له .. تقوله لا قدور .. ايه حافظاااااااات .. همن تسمع لنا غيب .. وإلا الحبيبه هيلة تسمع لنا نظر نفتح المصحف ولا تقول شي .. عاااااد ياحليله جدتي موضي .. إذا صار عندهم حفل أو طبق خيري أنواع الوناسة .. هالعجوز تحضر من الظهر ولا تخلي ولا وحدة من عائلتنا الا تعزمه .. وإذا جابوا لهن دااااااااااااعية .. ترجع جدتي والإيماااااااان ( فل ) والله ياجابوا لنا اليوم وحدة .. ماشاء الله عليه .. يازين حتسيه .. قالت حتسي كثير بس كله زين .. ونصحت هالحريم .. والله إننا كلنا صيحنا .. مهيب مثل اللي جت الاسبوع الماضي .. ماندري وش تقول تقل تحتسي على روحه .. وكل شوي وين ولدي وين ولدي .. تقل ماأحد عنده ولد بهالدنيا الا هي .. ( هنا تتدخل خالتي .. وتقوله أيهن يمه ) وتقوله جدتي موضي .. هذيك اللي اقولتس تشبه لهيلة المحمد .. به منه .. والله إنه اول مادخلت إني اقول .. هو .. هذي هيلة .. زاد أخبره هيلة المحمد .. دورية عند العروس والطق الرقص .. وإلا بالتحفيظ والدين ماله سنع .. ((( الوقفة الثالثة ))) الى الأخوة والأخوات مدرسي ومدرساااات الحلقات .. والى البقية الباااقية من أبنائنا وبناتنا .. لوالدينا وعجائزنا حق علينا .. ونعلم أن الكثير منهم لايتقن القرأة ولا الكتابة .. اخواني الافاااااااضل .. لو جلس بعضنا مع هولاء .. وطلب منهم قرأة شي من محفوظاتهم .. لوجد العجب العاجب في الاغلااااااااااط وخاصة في الفاتحة .. من كسر او ضم يغير من معاني الآيات .. او أكل بعض الحروف او زيادات عفوية تغير من المعاني ايضاً .. لو جلسانا معهم .. وسمعنا لهم .. وصححنا أخطائهم .. بل وزدنا من حفظهم .. فإن فيه الخير الكثير لنا ولهم .. إذا ماعلمنا أن كبار السن يتمنون هذا الشي .. ولانقف عند والدينا فقط .. بل حتى عماتنا وخالاتنا .. وأيضاً لاننسى شيباننا مع مافيهم من ( البزعة ) ولكن لنصبر عليهم .. ونحتسب الأجر والمثوبة عند الله .. وسلااااااام ائليكم .. سي يو .. |
رائع أبوإبراهيم، إيصال المعلومة بأسهل طريق.
ممكن سلف هالأسلوب ! :d ياحبيلك بس. |
اقتباس:
هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هههههههههههههههههههههههههههههههههههه هــــه >>>>> أنقطع نفسي :d ياحبيلك يأبو براهيم .. أسلوب شيق , وإيصال فكرة بطريقة رائعة .. كل الودات أنت ووقفاتك :) |
,‘ مـوضـوعٌ وفِّـقـت بـه أيـهـا الـمبـارك . .‘ كمـا هي مواضيـعك دومـاً .,’ و وصـلـت الـرسالة كمـا أردتهـا أن تصـل . .~ ,‘ |
ماشاء الله عليك والله يابوابراهيم اني استانس لاشفت لك موضوع...... لاتصدق باتسر مالي الساحة مواضيع:) اقول منين لك هالهرج هولاه سلفن لو شوي منه الصراحة ماقصرت وصلت الفكرة بشكل جيد انا فطست من الضحك على اللي ماصفق .... حلوة علماني والله يستاهل التمييز هولاه لو أنا مشرف تسان تثبيت ومميز وكل شي.............. ياويلي من المسفهل رحت في خبر كان... بس توسطلي مدحتوه |
دائماً رااائع أبو إبراهيم , وموضوع الصراحة إنه مهمل من الكثير إلا مارحم ربي , اللهم اجعل القرآن شفيعاً لنا يوم القيامة , آمين . |
جزاك الله خير على الموضوع الرائع
|
/// اممممممممم , صدقت أبو إبراهيم .. لو صرف نصف , لا بل ربع , ما يصرف على رعاية الشباب على حلقات التحفيظ , لعمّ الخير , وكثُر أهله ! أتمنى أن يكون هذا الموضوع موضع عناية , من المسؤولين ... /// محبّ قلمك الساحر : حبّة . :) |
موضوع جميل جدا
اوصلت المعلومه بطريقة لبقه جميلة رائعه منك انت ايها الرائع بوركت ابا ابراهيم |
قسم بالله ارد عليك من اعماق قلبي يا مدحت واقول لك
ألف ألف تحية إجلال وإكبار على الموضوع المفيد والرائع بس يا سواليف جدتك موضي صحت من الضحك ولا ننسى سالفة اللي يصفقون إلا العلماني ههههههههههههههههههه هههههههههههههههههه مدحت الله يخليك لنا وبس :d :d :d :d :d |
رائع ومتألق جدا أبوإبراهيم... عانقت السحاب بموضوعك الهادف الشيق المسلي فلك مني كل الود والتقدير محبك العتيق... |
اقتباس:
الصباااااخ .. يالبي كل مانطقت اسمك .. ( اص باخ ) احس انه واحدن يسكت بزر .. الصراااحة إن تشريفك للموضوع وساام اعتز به يالبي .. صح حنا قاعدين نرفع لبعض :d .. اقول واحبيلك بعد .. سي يو .. |
اقتباس:
تبيهم بتجهيز حفلات الأعتزالات خذ أما حفلات تخريج حفاظ القرآن الله يخلف بس :oo على جهود المحسنين :eek5 باركـ الله فيكـ أخي أبو ابراهيم وجعل ماكتبته أناملكـ في موازين حسناتكـ :) |
الله يجزاك خير يامدحت موضوع فيه من الفكاهه والنصح وأن شأالله يكون بميزانك . على طاري الفكاهه أنا أمي أدرست بمحو الأمية ويوم أنجحت لثانية عيت تروح لثانية ، قلنا له وراك ماتروحين لثانية ؟ قالت هوه أروح لثانية
وأم علي إلى الحين بلأولى مامعه أحد ، والثانية به خمس حريم ، لا أبجسره ووسع صدره . وفعلن عادة معه السنة . شكررا أخوي مدحت. |
اقتباس:
هلا بالبي الجني العبد .. انت الرائع يابعد معاليق ركبة جدتي موضي .. ولو منتب سهل .. ماأوجعك ضرس العقل يوم قلت ( شيق ) شيق .. <<((== هذا حلاااق تركي يقول شيك .. وشكراً لك ياللبي .. سي يو .. |
اقتباس:
عزف الجنون .. والشكر موصول لكي ايتها المباركة .. بس عندي ملاااااحظة على ردك .. ترى النقط اللي تحطين اذا ماتفطنين لهن يطيرن .. شوفي هذي اول وحدة طارت .. اقتباس:
اقتباس:
وشكراً على مرورك الكريم .. سي يو .. |
اقتباس:
الدعساوي608 يالبي انت اجل تبي ختم التميز .. عسى بس مايحذف والا ينقل :d .. اقول يالبي ماتلااااحظ انه اول مرة علمااااااااااني مايستانس على قرار من صالح المرأة .. تشوف العالم مستانسة .. الا هو قاطب الجبهة .. لإن الموضوع يخدم المرأة ويخليه تتمسك بدينه مايبونه .. يبونه تجدع هالعباة والغطوة واتمصلخ .. وتزاحمك عند كل إشارة .. وتضيع دينه ومستقبله .. مشكور يالبي .. سي يو .. |
أبو إبراهيم لقد حاكيت الواقع ... ومتشكر أوي أوي على هالإبداع أما مدرسين الحلقات لو يعطون أهلهم بس شوي من الوقت اللي يعطون طلابهم كان يطلعون إكه اذكر جدي الله يرحمه إذا مرينا من عند ملعب وأنواره مولعه قال لو قروش هالكهرب اللي يدهر يعطونه حقين الحلقات تسان يكفيهم 20 سنه ولو ناظرت للواقع ولا كلامه صحيح ألحين كم ملعب يدهرن كبوسه و كم كبس يدهر وكم مرة تضاعف الفاتورة وكم مبلغ لشط علشان هالكهرب ... لكن ما أقول إلا ماقال الأول ياقلب لاتحزن |
جزاك الله خير وبارك فيك
|
احسنت وجزاك الله خيرا .
|
الله وأكبر أبو ابراهيم موضوع ميه ميه انتى نفر موسلم فيرييي قوووود كله كلام انتى يكتب كويس سسيي يووو تيييقققاااا . |
اقتباس:
آآآآآآآآآه يالقهر والله إنك جبته ياخي والله ملايين تروح علشان لاعب جب كم هدف |
مشكور اخوي كلا مك صحيح نشوف منهم كثير من الاخطاء لكن لازم نصبرعليهم وما نجيهم بالتعليم مره وحده لان بعضهم يعصب عليك لاقعدة تعلمه يقول انا اصغر بزرانك والا يسكتك ويضيعه بسالفه والبعض والله يفرح مثلا عندك جدتي تفرح يابعدي هي وجدي شوي ويلاحقن نعاله ومعذورين يستحون ان الاصغرمنهم يعلمهم لكن مثل الدور احسن لهم مشكور للمره الثانيه تقبل مروري |
هلا مدحت شوقي
صياغة موفقه وكالمعتاد من استاذنا مدحت يميل الي الفكاهة لتضيف الي المضمون جمالا!! ولكن لي تعليق لكل وقفه الاولى : لا نريد حفظه لكتاب الله بكثر ما نريد ملتزمون بتطبيق كتاب الله فاذا قرانا قوله تعالى : ((ولا يسخر قوما من قوم عسى ان يكونوا خيرا منهم ولا نساء من نساء عسى ان يكن خيرا منهن ...)) ان نلتزم بهذا . ثانيا : لعلى قيام الجمعيات الخيرية سببا في نجاح دور التحفيظ في جميع مناطق المملكة لما تلاقيه تلك الدور من اهتمام ومتابعة من اهل الخير والقائمين عليها وعليك بمقارنة طلاب تحفيظ القران في دور التحفيظ الخيرية وطلاب التحفيظ في المدارس الحكومية . ثالثا : فتح الابواب التطوعية والاحتساب لاهل الخير . رابعا : اتفق معك في تقصيررعاية الشباب والتي اهتمت بالجانب الرياضي فقط وبالاخص كورة القدم على حساب باقي الانشطه ففي معنى الحديث " علموا اولادكم الرماية والسباحة وركوب الخيل " خامسا : اتفق معك اننا بحاجة الي مراكز لدراسة وتدبر القران وعلومه اكثر من مراكز لتحفيظ القران . دمت بخير |
الله يكتب لك الأجر يابوبراهيم ..
|
كفو والله كفو
مأعرف أرد لكم ما اقول إلا الله يوفقك ويكفيك شر الحساااااااااااااد والمتربصين والكلام سليم 100% ويا حبنا لك وكثر لي من هالمواضيع |
هههههههههههه ابو ابراهيم أمووووووووووووووووهـ على راسك موضوع شيق ورائـــع خصوصا أنه وقفات وقفات وعبارات رائـــعات تحتاج منا تأملات بوركت وبورك في وقفاتك وفي جهودك ومجهودك |
, NT][/COLOR][/CENTER][/SIZE], ’ ’ , , اخي ابو ابراهيم<<-قطِّه.. اولاااه جدك منهوبووه تدرس ليت من سير عليه وأخذ من علوومه .:) مير هالعلماني يومنِّك شفتووه تسن كزيتوووه للدار ويسمع من اللي تسنه هيلة المحمد تسن يطلع والإيمان فوول<<-مابوش عدس :113: جزيت خيرن على هالموزوع القوناااان اخي ابو ابراهيم :d[/FO |
اقتباس:
رزق علااااااااام .. <<((== تحس انه دكتور سوري .. هلا بالبي عرق لزاااااااام .. شكراً لك يالبي .. وياليت هالشباب يهتمون بهالشيبان .. مهوب لازم يطلعون بهم رحلة .. <<((== تخيل يطلع بشايب برحلة .. لايالبي اهم شي يسمعون لهم .. ويسمعون منهم .. ولو عن طريق غير مباشر .. تقدمه امام لك يوم وتلزم عليه .. وتخليه يقراء وتكشف قرأته .. او حركه من الحركتات حقات الشباب .. ومشكور يالبي .. سي يو .. |
مـاشـاءالله آستاذي ..‘ آسلوب مميز وفريـد .. حآولت إيصال الفكرة بشكل بسيـط .. آشكرك آستاذي ..,‘! كـل تقديري .., :) |
موضوع جامع بين الفكاههـ والفائدهـ ,, بوركتـ ,, |
اقتباس:
نور بريده .. والشكر موصول لك على مرورك الكريم .. سي يو .. |
ماشاء الله موضوع جميل وصلت الفكره بورك فيك |
اقتباس:
حبة فستق .. هلا بالدواوير كلهم .. :d يابعدي لو أخذنا الفرق بين اللااااعب والحاااااافظ .. طبعاً في الغالبية .. لوجدنا إن المجتمع يستفيد من الشاب الحافظ للقرآن .. اكثر من الشاب اللاعب .. اللي يجيب قول أو بطولة وتنتهي وخلاااااااااااااااااص .. وأما الحافظ .. فهو اللي تستفيد منه البلااااد والعباد .. ويُحفظ أبناء المسلمين القرآن .. ويؤم المسلمين في صلواتهم .. وينشر الخير ويكون مصدر للعلم والمبادئ والقيم التي استقائها من القرآن الكريم .. ومن يتربى تحت يديه من الناشئة فهم خير خلف لخير سلف .. أما اللاعب كم سنة همن تغيب شمسه .. والا يمسكونوه مكرفون ويقعد يهمق ويحلل مباراة .. تحليل سقيم بفائدة معدومة للبلااااااااد والعبااااااااد .. ومشكور يالبي .. سي يو .. |
الله يجزاكـ خير أبو أبراهيمـ ..
وش صار على موضوعكـ السابق إلى الحين يتنقل بين تهنئة وتعزية :113: |
الله يسعد قلبك أخوي مدحت .. يمكن كثيرة النص من رعاية الكورة مهوب الشباب و بعدين لو راح النص تسن هاللي منقهر وما صفق و غيره :mad: هذا يهج أثمه ثم دبر من يخيطه .. أو أفضل من ذلك يخصص لها ميزانية كما الباقيات .. ثم إن شاء الله الجمعية توسع شغلها و تصير أكثر من تحفيظ للقرآن يعني يصير فيه تفسير و حديث و غيره نسأل الله أن ييسر ذلك |
كلام جميل جدا وايصال فكرة بطريقة اجمل ..! بارك الله فيــــكــ ..! : ) |
مـاشاء الله تبــارك الله وفقك الله وسدد الله خطـاك |
طريقة ايصال الفكرة جميله جدا شكرا ابا إبراهيم |
,
مشكور عزيزي أبو إبراهيم , لك وافر الشكر , |
،
، حبيبي . . أبو إبراهيم :) ما يمكن ترتب زيارة للأعضاء المتميزين بالمنتدى وأنا أحدهم :d . . . تقشنا بباص وتودينا لجدتك موضي :cool:. . . وش رايك . . يا شباب اللي يأيد يقول :41 ، ، |
.. فعلاً الحلقات تمر بمراحل حرجة ، ولو توقف دعم المحسنين لماتت هذه الحلقات ، خصوصاً إحجام كثير من الناس عن التبرع كما في السابق .. بسبب نجاح الهجمة على هذه المحاضن الإيمانية المباركة .. شكراً يا أستاذ .. |
اقتباس:
ماتبي رضاعة وإلا مصاصة علشان تسكت! تبلش بالبزران اللي زي هالأشكال. |
اسمحلي أقولك أنت شنب ستة متر << طبعآ هذا الشنب له سالفة تصلحلك |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه
بارك الله في جدتك أنا من المنظمات لركب الملتحقات بدور التحفيظ المسائية والله أننا نموووت على هالعجز >> قصدي االأمهات يسولفوون ويوزعن حلاو ويمطخون هالبزارين وينصحوون ويسمعون حفظهم لنا ويعزمننا على فطورهن كل أثنين والله اني فقدتهن يوم قضت الدوور تقبل مروري |
وبخصوص الدعم المادي الدار الي أدرس به الدعم الماااادي جيييييييييييييييييييييييييد جدا
والداعميييين للدار يتجاوزعددهم 23 داعم غير القائميييييين عليه وبصراااااحة أهل الخير مايقصروووون ودعو الكلاب تنبح فلا توجد أذان تصغي لها |
اقتباس:
رفيق دب المبدعين .. والله اني ودي اشوف شدوقك وانت تقول ( لبقه ) احس انهن يتورمن همن ينفشن بسرعة .. مشكور يالبي انت اللي رائع .. ولك شكري وأحترامي .. سي يو .. |
اقتباس:
هلا بالبي غاااااااااااارق .. يابعدي انتي تسلم يالغالي .. يابعدي انت .. اجل تحية اجلاال وإكبار .. انا يالبي ابآخذ ( إكبار ) .. وابخلي ( إجلال ) لجدتي موضي تعرف علشان الصلاة .. ياويلي جلال الصلاة حقه منشق .. مرة من المراة سجدت بسرعة .. ونشب الجلال بركبتة وإنشق . . عاااااااد تدري يالبي متى المرة تسرع بالصلااااة .. بس اذا رن التليفون .. اما لو يعلق البيت .. اكلف ماعليه تصفق او تطق برجله .. بس التليفون لايالبي .. خطر تقطع الصلاااااة .. مشكور يابعدي انت .. سي يو .. |
اقتباس:
غير طيمااااااار .. هلا والله وغلا .. هلا بريحة العليم والجوف :d .. عاشت ايامك يالبي انت والسحااااااااب .. زين يالبي اللي وصلنا للسحاب .. اشو اللي ماااااااعانقت (الربزة :d ) الله من زين الريحة عااااااد .. عاااااااااد نبي نشوفك يالبي .. سي يو .. |
اقتباس:
هلا بالبي الخفااااااش .. يابعدي انت .. والله ان عندنا ناس فطرتهم منتكسة .. وألا بدال مايدفعون 9.000.000 تسهة ملااااااايين ريال على لاعب .. كلن يبنون به تسع دور تحفيظ .. بس قلوبهم مقفلة .. ومشكور يالبي .. سي يو .. |
اقتباس:
هلا بالبي ملياااااااااار .. عااااااااااشت ايااااامه .. اجل تبي تقعد مع ام علي .. :d اقول يالبي انتبهوا لجدك .. لاتصير تحب ام علي .. يقولون الاعجااااب منتشر بمدارس البنات .. :d عااااااااااد تدري يالبي إن ودهن يحفظن القرآن ويدرسن .. بس ترى لو تسأله قالت .. ولاتنسى نصيبك من الدنيا ( يعني السواليف لازم ) سي يو .. |
اقتباس:
النبرااااااس الشمااااااااالي .. عاااااشت ايامك انت وجدك .. اقول يالبي .. ماتقول لجدك يجي يخطب جدتي .. ونصير انا وإياك اخوان بالجدان .. :d <<((== ولو ياشينوه اذا هجت بوه هالثور .. والله ياهوا ماعندك احد .. :d يابعدي زين اللي يخلون لهم الأنوار والمكيفات بعد العصر مفتوحات .. بعض المرات ايتسلط عليهم مؤذن من هالشيبان .. تحلف انهم قاعدين عنده بالبيت .. صكوا هذا وأفتحوا هذا .. وطفوا اللمبااااااااااااات .. واللي يقهر إن عياله ضافينهم ياويلي بهالحلقة .. مشكور يالبي ويابعد ماعليق شدوق جدتي الحمر .. <<((== يوريكن انهن حمر اغديك تخطبه لجدك .. سي يو .. |
اقتباس:
ابو العبدي .. الله يسلمك يالبي ويخليك ويخلي لك العبدي .. تشرفت بحضورك .. وتعطرت صفحتي بمرورك .. اقتباس:
ابو المجدد .. حضورك وساااااام شرف اعتز فيه .. وتواجدك هنا .. فخراً أتغنى به .. شكراً لك .. سي يو .. |
إبدااااااااااااااااااااااااااع
|
اقتباس:
شعيب المهااااش .. هاللحين يالبي وانت تناظر الشاشة شنبي ينغز خدودك .. وتجي تقول ( انتي ) تخيل عااااااد اصير بنت .. والله يالبي إن آخذ جائزة قوقل للعوانس .. ترى قوقل على وزن نوبل .. عاااااد تدري إن إسم نوبل هذا اصله من هوشة بين بريطاني وسعودي .. واحد يقول صح والثاني يقول خطاء .. البريطاني يقول نو .. والسعودي يقول بل .. عاد جت دورية وبه عسكريين .. واحد إسمه وجورج والثاني مناحي .. مناحي فزع للسعودي وجورج فزع للبريطاني .. وصارت هوشة تسبيرة بالحيل .. وجاء الظابط .. وقالهم فرقعين ماي ماذر .. بليز نو هوشة .. صار الظابط بريطاني بس امه من عرعر .. وهم يتهاوشون .. كانت وحدة حااامل واقفتن اتفرج عليهم .. من قوة الهوشة ولدت ياويلي .. عااااااد قالت ابسميه نو بل .. وصار مشهور هالنوبل .. :d مشكور يابعدي انت .. سي يو .. |
اقتباس:
:d .. تسلم و الله يابوبرهوووم .. :) .. |
مشكور اخوي مدحت انت عندك اسلوب المزح والطرطعة وماشاء الله عليك توصل الموضوع بطريقة جهنمية
والله يزيدك -احييك على هذا الاسوب الرائع الشيق المهبول |
مشكور على موضوعك
|
ههههههههههههههههه
جزاك الله خيرا اخي مدحت وهذي هي الحقيقة ... |
مـاشاء الله أخوي ماتعبت بتوصيل الفكرة ../
أهنئك لسمو أهدافكـ وسهولة اسلوبك .. جزاك الله خير .. اقتباس:
:113: :113: :113: |
اقتباس:
حلم الأبر .. يابعدي انت .. لإن اللاعبين اذا جاب الواحد منهم الهدف هز البشوت هز .. لإن الشيطان يؤزهم أزا يالبي .. لكن لو يجيهم واحد حافظ القرآن ويقعد يقراء عندهم .. كان قاموا يتحككون تقول بهم جرب .. مشكور يالبي ياحبر الألم .. سي يو .. |
اقتباس:
الخيالة بنت المذنب .. العجز اهون من الشياااااااااااااااب .. العجز ياحبيلهن .. يستانسن على اللي يصحح لهن .. أما الشايب .. يادافع البلى .. يقعد يقراء وإذا صححت لوه الغلط .. ناظرك همن ( تغر :d ) وكمل القراية .. يعني ترى مابوه احد يحتسي :d .. اللي يشوفوه يقول عبدالباسط عبدالصمد .. وهي والله هاجتن بوه هالشايب .. بس اللي يبي يصبر عليهم ياحظه بالأجر .. سي يو .. |
صدى المنتدى .. عااااااشت ايامك يالبي .. اقتباس:
اقتباس:
العمل والتخلق بالقرآن هو المطلوب .. ولعل حافظ القرآن دائماً ماتجده قريب الى العمل به .. ويبقى حافظ القرآن ومطبقة هو من حاز على درجة الكمال .. ولكن يبقى حافظ القرآن أفضل من حاااافظ الأماكن وفوق هام السحب .. ومشكور يالبي .. سي يو .. |
اقتباس:
آمين ومن يقول يالبي .. شرفتنا يابعدي .. ريحة ملح .. :d اقتباس:
غريب وبين أهله .. تسلم يالبي .. والف شكر على مرورك الكريم .. لاعدمناااااااااااك .. سي يو .. اقتباس:
وحيد المعنى .. وش يقربلك شاعر المعنى .. مشكور يالبي والجميل هو تواجدك هنا .. سي يو .. |
اقتباس:
اقتباس:
بريداويه ام الهبال .. [/CENTER]اقتباس:
أما هالعلماني زين اذا حفظ الفاتحة .. لو هي عليه كان قال احفظوا سارعي للمجد والعليا .. وشكراً لكي .. سي يو .. |
اقتباس:
حنايا القلب .. والشكر موصول لكي .. وكل التحايا والتقدير على حضورك الكريم .. سي يو .. اقتباس:
جبر الخواااااطر .. شكراً على مرورك الكريم .. سي يو .. |
اقتباس:
حلوه بطلته .. شكراً لكي على مرورك الكريم .. سي يو .. طالب طب .. حياااااااك يالبي .. يابعدي موضوعي هذاك ماخلى منتدى الا وطبه .. مابقي الا منتدى رمضانيات .. وابشرك حط الرحال بمنتدى المشرفين .. وشكراً على حرصك على الشؤال على أخوانك الضعوف .. سي يو .. اليراااع الأبيض .. يالبي هالعلماااااااااانيين لو بإيديهم .. كان حولوا دور التحفيظ لمرااااااااقص .. وبدال مايدرسون القرآن يقلبونه موسيقى .. بدل ماتدخل الوحده ومعه مصحف .. تجيك اللي معه بيانوا .. والا كمنجة .. الا اللي تبي تصير طقاقة .. تجيب معه طيران .. وأتمنى إننا نلقى بيوم من الأيام مؤسسة او رئاسة لتحفيظ القرآن وتدعم بميزانية عااااامة كباقي المؤسسات الحكومية الأخرى .. سي يو .. |
مشكور يا مدحت والله سواليفك تونس الواحد وأنا قاعد أقرأ تقل قاعد مع عجيز عاد تخيلت جدتي إذا دخلت التحفيظ وش يبي يصير شكله وهي تقرأ على الأبله تلقاه قاعده تهز الراس مثل حقين مكه:re لا وغير كذا الأبله معه مصطعه للي ما يحفظ زين ...:102: وغير كذا تعطيهم واجب أو مسابقة .. همن تجي جدتي للبيت وتنسدح على بطنه وتحل المسابقة .. وجوائز المسابقة ( حنا + مره + ثوب روز ___ روز ولا جهينه ــــ :d:d:d:dههههههه ) يا رب تحفظ عجايزنا من كل شر ومكروه .... |
مشكورررررررررررررررررررررر
|
اقتباس:
بسمة تحدي .. شكراً لكي على حضورك الكريم .. ( جميل ) و ( أجمل ) هذولا عيال .. سعيد أحمد قم واقف .. سي يو .. اقتباس:
نورة 11 كل الشكر والتقدير على مرورك الكريم .. سي يو .. اقتباس:
ابراهيم اليوسف .. انت الجميلة جداً يالبي .. تسلم يابعدي على حضورك المميز دائماً .. سي يو .. |
اقتباس:
عبدالسلااااااااام .. الله يحيك يالبي .. والشكر موصول لك يابعدي .. سي يو .. اقتباس:
ضرااااار .. ياهلا والله بيك يالبي .. الا وش رأيك اجيبه لكم كل واحد احطه عندهم يومين .. ترى اكلف ماعليه تلقط نعيالاته وتدعسهن حدر ابااااااااطه .. وتشيل جلااااااااال صلاااااااته .. وشنطة علااااااااجه .. وإتوسد المصلى وتنسدح بالحوش .. تصدق احيان ادخل بسرعة للبيت واشوفه منسدحة وانسى إنه جدتي موضي .. احسب جدي حاطن مطب بالحوش .. مشكور يالبي .. ويابعد معاليق شطوبي انت .. سي يو .. |
| الساعة الآن +4: 10:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.