أحجار بعضها فوق بعض
 

أحجار بعضها فوق بعض :d. عنوان خيااااااااال.



صبحكم الله بالخيرات والمسرات واليمن والبركات.

بصراحة أول مرة أحط موضوع هنا بقسم التصوير الضوئي :d.
على طاري التصوير الضوئي وش معناة هالاسم!
فيه أحد ممكن يفيدني بهالموضوع!


مالكم بالطويلة اللي ماله سنع، أنا مرتن من المرات قلت بنفسي ليش ياحبيلك ماتجرب التصوير (طبعاً أقصد روحي يوم قلت ياحبيلك، ومانيب أقصدكم :d)، قلت يمكن أصير أحسن من عمر الصمعاني وإلا أبوعاصم التويجري وإلا غيرهم من المصورين المحترفين :d، تم شحط المذكورين آنفاً.
وعاد ذاك اليوم كشتنا بأم حزم، وأمسك كاميرا واحدن من الشباب الله يخليه لأمه وأخوه وأبوه ويخليه لنا جميعاً وقلت له عن إذنك بروح أصوّر وبجرّب حظي مع التصوير الضوئي :d، ماقصر ووافق وعطان الكاميرا حقته.
عاد رقيت فوق جبل كان حولنا وصوّرت لكم هالصورة اللي كله أحجار بعضها فوق بعض، وخلف الأحجار تقع الكثبان الذهبية التي تغريك بجمالها الخلاب :d.


وهاكم الصورة:

http://www.buraydahcity.org/aboreem/images/abureem.jpg


عفواً لا أقبل النقد السلبي ولا أقبل التهزيء ولا أقبل مرئياتكم عن الصورة، أبي الدعوى كلها شحط في شحط:d، يعني اللي يشوف الصورة يقولي إن الصورة أحسن شيء بالعالم :d.

شكراً لكم جميعاً.
والوعد إن شاء الله بعد سنة.

الصورة . .


أحسن شيء بالعالم :)

ياعيني على الصورة .. :)

إبدااااع ..

لكن لو مخلي المساحة أكبر من فوق وتحت ... كان ممكن أحلى .. :)

مهبوله يابوريم ..

الله الله الله الله الله الله الله الله
أيه ده ،، لك شو هيدا ـ، يقطع شيطااااااانك ..
يا مجرم <==== طبعا ً تقال على سبيل المدح :)

الصورة رووووعة ، و أعجبتن الزاوية مع الخلفية ، و إن كانت هذي هي أول صورة ! فأنا أرفع العلم الأبيض و أعلن الإستسلام <=== وش رايك أعرف أشحط ؟؟

أما الكلام عن المعالجة فكلام آخر ، و حاجه تااااااااانيه خالص ، مع أني أشك إنك أنت اللي معالج الصورة بس تبقى دللللللللللللللللللللللللللللللللللللللللللللللللل لللللللللع


أبو ريم ،
الله يرزقن كثر ما جلست أتأمل بالصورة .. !!

بايخة ! :(

خطير والله يابو ريم ! :p

بناءاً على طلبكم الكريم الذي ينص على شحطكم فلقد صدر التالي :

:09:

الصوره قمه في الروعه .. :)

أنت أحسن مصور بالدنيا .. :)

أعلن إعتزالي عن هذا القسم نظراً لتواجدك أيها القوي المبدع الأحسن أحد .. :)



:113:

روعه يابو ريم .. :d

ينقل لــ عدسات مبتدئة :d:d



أبو ريم ـــ وش نوع الكاميرا اللي مصور به
نبي الإعدادات يا خطير أنت ، ونبي وضعية جلوسك وانت تصور
صورتك لوحة فنية عالمية ماتكررت
إبداع جنون ضرب من الخيال ,, ماشاء الله ماشاء الله
غطيت على سوق أبوصمعاني ,, إذا هذي بداياتك فاسمح لي أقولك يا أبوريم
أنك مبدع مبدع والإبداع هو أنت .. أتوقع لك مستقبل مشرق وزاهر في عالم التصوير ,,
واصل دربك يا الغالي ,, !
المصور الفوتغرافي / الصباخ ــ لاتتأخر علينا بجديدك :)


:d:d
:017:

محاوله لرد الاعتبار....:d:d

الصراحة الصوره مميزه..

شكرا لك

اقول لاتصدق

باتسر طالع ومصور لي الدنيا كله وحاطهن لنا

شكراً شكراً لكم جميعاً على شحطاتكم الحلوة :d.
وأشكركم فرداً فرداً وشخصاً شخصاً وعضواً عضواً.
كل واحد بإسمه.










وأنت أحسن واحد بالعالم يا عجمان.
أقول ياخي وينك من زمان عنك!
وراك مختفي!
سلامات! عسى ماشر!
زين إني حطيت هالموضوع وشفنا لك رد ياخلفاتهم :d.
ياحبيلك بس.
لا تقطع بنا.













شكراً ليك ياأسد.
أقول تراي داري إن الصورة مووووووت :d.

بعدين أنت لو تشوف الصورة الأصلية ماكان قلت لو كافيه مساحة فوق وتحت.
والله ياهي كبيرة الصورة الأصلية :d.
شكراً شكراً لك.
ولن تراع لن تراع.














أهلاً الفتاة الحنونه.
الحمدلله على سلامتك، وماتشوفين شر، يقولون إنك كنتِ بالمستشفى!

شكراً لك، ولا تنتظرين إبداعي تراي ماعندي إلا الدجة.
بعدين ماعندي إلا هالصورة وصورة ثانية أشين من هالصورة :d.


شكراً لكِ مرةً أخرى.














أنت المهبول :d.
أهلاً حبيبي وصديقي ورفيق دربي، وراعي الدستن اللي تقل حوض، تف تف ماشاء الله تبارك الله.
أهلاً بك.

وشكراً على حسن تواجدك ومرحباً بك مرةً أخرى.

هلا هلا هلا هلا هلا بالزين كله، هلا بالأطخم المزيون، هلا بأحسن واحد بالعالم، هلا بالمصور المحترف والمهندس القدير والموظف المثالي.
هلا بخلفاتهم كلهم هلا بأبومحمد.
شف تراي ماقلت اسمك من ضمن المحترفين لأنك إنسان فوق العالم أنت إنسان ثاني وعالم آخر وشيء ثاني.
أنت غير الناس، والناس غيرك.
أنت ليس أنت وإنما أنت أنت.
أنت هو أنت ولا تنسى أنك أنت أنت.
أهلا بأبومحمد وقصمن إني أوجعن بطني من الضحك على هرجك اللي شطحتن بوه :d.
بعدين ماقلت لي كم جلست تتأمل بهذه الصورة الخلابة التي صورتها بيدي المحترفتين القويتين :d!

بعدين ياخي لا تحرجن لأني مصوّر هالصورة :d! أحس إني أنحرجت من شحطاتك:p.
بس خل عنك لو تشوف الصورة الأصلية وقبل المعالجة كان تصطرن وتخقلن وتطردن من بيتك :d.

وشف بعدين أنا ماقلت إني معالج الصورة، أنا قلت إني أنا اللي مصور الصورة وأنا اللي مختار الزاوية الخلابة هذي :d.

وهـ بس ياملحي :p.


أقول ياخلفهم وش أخبار شطوبك!
للحين عندك هالمشكلة!

:d



شكراً شكراً شكراً كثيراً أبومحمد وأحبك الله الذي أحببتني فيه.













أنت البايخ يابايخ :d.













أنت الخطير ياخطير :d.

بعدين وراك قلت بايخ بعدين قلت خطير :d.
وش هالإزدواجية في الشخصية والتقلب في الآراء والتخبط في الأفكار!
ماودك تركد على رأي معين :d.


حسيت إني بذبحك :d.


شكراً حبيبي أبوفارس اللي جاء عند باب بيتنا قبل مايرجع لبريدة ولا دخل عندي :d، أنت والشين التكروني الجني.













وش تبي يالموظف!
أقول رح لوظيفتك واشتغل تراي منسدح طول الصبح بفراشي :d.
أنت تقوم من الصبح وتشقى وتشتغل وأنا أتبطح بفراشي تحت المكيف يالله من فضلك :d.



بس خل عنك والله ياهي فكرة رائعة ورائدة في مجال التسويق الإعلاني وهي فكرة الجلاكسي المايع، أقول ماودك نجيب كت كات بس أحسن!
خابرن إنك تحب الكت كات اللي صار غالي :d.

وهـ بس ياملحك ياأبوعلي، أقول وينك أمس وراك ماجيت!
لا تقعد تعلث بشيء ماله سنع، خل نشوفك المرة الجاية، زين!


شكراً شكراً أبوعلي.
شكراً ليك.

ابدااااااع ابدااااااع انت بوريم


والله تستاهل الصورة المتميزه

أبو ريمـ ..

شو هيدا الإبدااااع ..

ما بعرف شؤول صراحةً ..

تِسْلَم يدّينكـ يا سِيْدي ..

تمـ الحِفِز ..

:d

أتعبت من بعدك ..

هذا وأنت من أرباب المقعرات ..!


:113:

يآالله . . . .
ماهذا الإبداع !!
تمتلك حس فنيا ً و ذوقا ً رائعا ً
صورة معبرة ,, زاوية جميلة ,, توقيت دقيق,, دقة متناهية ,, ألوان و لا أروع . . .
وقفت أمامها متسائلاً ,, أحقا ً هذه صورهـ ,, كلا ليست كباقي الصور !!
شيء ما يميزها ,, أعدت النظر إليها كثيرا ً و تأملتها طويلا ً فوجدت أنها ضربا ً من جنون
لـكـن !
هناك سؤال جدير بالطرح . . .
هل هذه الصورهـ إلتقطت بكمره تمتلك مواصفات عالية و لا يمتلكها الا القليل من المصورين في العالم
أم أن جمال الصورهـ كان بتأثير من التقطها و لم يكن للكمره نصيب :09:

إن الصورة أحسن شيء بالعالم

:d


مادامه منك فأنت والصورة أحسن أحد ..

أهلاً جيداً، أهلاً بالمزيون الأطخم اللي رازّن صورته بالماسنجر :d.

شف يابعدي أنا داري إن الصورة أحسن صورة بالعالم :d، وداري إني غطيت على صورك البايخة السخيفة :d <=== بجيح :d.
بس لا تتحطم يابني وعليك بالجد والإجتهاد، فليس كل محاولة تستطيع النجاح بعدها، عليك بالمحاولة ثم المحاولة ثم المحاولة، ثم ستجد النجاح بإذن الله.

شكراً لمرورك وأشكرك بعنف على أريحيتك، وأهلاً بك.














وثاق أنت الوع :d.
بعدين اللي أعرفه إن وثاق اسم بنت، هو أنت بنت!
:d.

شكراً ليك يا أخت وثاق :d.














أجمل الغلاء.
شكراً لكِ وشكراً على تشجيعك.
والجايات إن شاء الله أحسن وأحسن :d.


شكراً مرةً أخرى.













أنت المهبووووووووووووووووووووووول ماشاء الله تبارك الله.
شكراً إبراهيم اليوسف الزين الأطخم المزيون.
شكراً ليك ياحبي الأول والأخير، والصغير والكبير :d.

أهلاً أباسليمان، أهلاً بالأستاز قرناس.
أهلاً بيك.
تصدق عاد إن الكاميرا اللي معي مصنعة خصيصاً للمحترفين أمثالي :d، وهي مايصنع منه إلا ثلاث حبات بالسنة، ثنتين يجن عندي ووحدة تروح لسنغافورة فيه مصوّر هناك مثلي محترف :d.
أما بالنسبة لوضعية الجلوس فكنت منسدح على بطني ورافعن رجلي اليمين ومميلن رجلي اليسار إلى تحت علشان أقدر آخذ وضع التوازن والزاوية الحرة التي أخذت فيها هذه الصورة.
طبعاً الزاوية جلست ساعتين وثلث علشان أتوازن مع هالزاوية الاحترافية :d.
أبوسليمان إذا تبين أصوّرك وأخليك مزيون فترى ماعندي مشكلة :d، تخبر أنت إن الشيون اللي زيك لازم يحاولون يحسنون من صورتهم علشان كذا يكثرون من الصور اللي لهم علشان يطلعون زينين :d.
هع هع هع
أقول ياخلفاتهم تراي رقيت أثل وهمن رقيت النفود من قوة الشحطات اللي أنت شحطتن به :d.
وهـ بس ياحبيلك ياخلفاتهم.













أهلاً ابتسامة التحدي.
الأروع مرورك.
شكراً لكِ.













يوووووووه وش تبي يالشين ياللي انهزمت بمسابقة شاعر السواليف :d.
أقول ياحبيلك لا تحفظ الصورة في مجلد عدسة الأعضاء المحترفين، لأني بصراحة ما أنزل روحي للمحترفين، أنا عبقري زماني :d.
لا تخلينا ياحبيلك.

شكراً ليك أستاز خفاش.













تصدق كل ماشفت اسمك ياعذب إحساس، إني أحسبك بنت!
مدري ليش!

أقول ماودك بس تغيّر اسمك علشان ما أتلخبط :d.

شكراً ليك ياعذب الإحساس.

أقول يالدعساوي ياخي هد ولا تسرع وأنت تكتب أحس إنك تركض وأنت تكتب :d.
شف ياخلفاتهم هي الفكرة مهيب بالكاميرا، الفكرة وأنا أخوك باللي ماسكن الكاميرا وحركاته الاحترافية التي تنم عن ذكاء خارق للعادة :d.
شف يابعدي أنا كل مانزّلت صورة إن شاء الله أبقول لك علشان تشحطن بسرعة :d.


شكراً يالدعساوي شكراً ليك.
















أنت الجميل ياجميل أقصد يا إبراهيم.
شكراً ليك.

^^

^^

^^

^^

وع :113:
الاخوان على الشيلة يمدحونك وانت من جنبه

يا احسن مصور بالعالم :cool:

اوووووووووووووووووووووووووخ على الصورة يابو ريم

انا من الحين مار اح ارفع الكاميرا وشخصكم الكريم يصور <<<< لاتصدق :113:

ياخي تصدق وانا جالس اشوف الصورة افكر فيه ...؟؟؟!!









المقعرات لابسهن وانت تصور ...؟!! :113:

^^
ارجو الاجابة على السؤال بكل شفافيه

ياخلفهم يابو ريم

ممكن اعدات الكاميرا ...؟؟ <<<< والي بلش ابو ريم :113:

المعاجلة من ...؟؟!!

بداية رائعة والقادم بإذن الله أجمل :)

وااااااااااااااوك :S
الشيخ زياد وطاح بالتصوير .. :oo
ياشين ررروح هناك لا أزحلق عليك انت ومقعراتك !! :096:

قعدن تصفف لي حصى وتصورهن تقل ماتسد شفنا حصى ؟ :(
اعنبوبليسك ديارنا كله حصى بحصى وين تبي تصور لنا حصى !
وين اعيونك أنت !!

شكل المقعرات تقلب لك الأشياء ، شكلك تشوف الحصى قواقع ولا مرجان ولا لآلئ !! :024:
أخبر الناس يصورون ورد ولا حدايق ولا خيول ولا شئ حلو .. ماخبرنا ان الحصى يصورن !! اوبتششششششششششش

لا عمرك تعود له أولاهـ تطب هالقسم وابوصي النحيف التويجري ياقف لك عند بوابة التصوير هو ووحيد القرن وهنّك عتّب على القسم ! :089:

قال ايش قال أحجار بعضها فوق بعض !!


أنا اشك انك كاتبن الموضوع عشان تقول اني طالعن بام حزم ! :09:

أنت الإبداااااااع والإبداع أنت يارفيق درب المبدعين.
بالله عليك كل ماجيت تدخل للمنتدى تكتب: رفيق درب المبدعين، والله ياهي طويلة :d.
شكراً ليك على الشحطة الحلوة.
شكراً جزيلاً.















أهلاً بطالب الطب النجيب، أقول يابعدي كم باقي لك علشان تتخرج :d!
أحس باقي لك خمس سنوات :d.
وااااااااوك والله ياهي كسل، أنا إن شاء الله باقي سنة وأتخرج وإن شاء الله على طول أتوظف وأعرس وأجلس بالوظيفة أربع سنوات همن أنت تتخرج :d.
والله ياهي كسل :d.
الله يعينك بس.
شكراً لك ولأريحيتك.















أهلاً بالعصل القميل.
وش رأيك بالصورة!
تحس إني أحسن واحد بالعالم :d.
أقول ماعطيتن مرئياتك وآرائك على الصورة، شف تراي أقبله بس منك أنت!
لأني أحس إنك إنسان فاهم :d.
يعني الباقين كيف الحال :d!


شكراً ليك أبوتج، وخل نشوفك المرة الجاية إذا جيت للرياض :cool:.














أهلاً بالحلم الأبدي القميل.
أقول وراه ماتكتب خواطر أنت!
أحس إن عندك إحساس مرهف وكلمة جميلة، وأسلوب راقي.
بصراحة تصلح تكتب خواطر :d.
أقول يابعدي أنت ماتدري إني جلست على هالصورة فقط لكي أتأملها :d، جلست حوالي ست ساعات وثلث :d.
أحس فيها حياة وجماد وخضرة وجمال، وصحة وإحساس وإخلاص ومحبة.

أما بالنسبة لتساؤلك:
شف جمال الصورة هي بجمال حامل الكاميرا اللي مصوّر هالصورة، يعني بما إني إنسان مزيون ومملوح الله لا يضرن، فإن الصورة تأثرت بهذا الجمال الخلاب.
أيضاً طريقة التصوير كانت احترافية للغاية مما أدى إلى خروج الصورة بطريقة حرفية جميلة جداً.



شكراً ياحلم.
شكراً جزيلاً لك.

إن المهند جرافيكس أحسن شيء بالعالم.

شيكراً حبيبي.
:d













إيه هذه هي البداية :d.
ولكل بداية نهاية.
شكراً بروح، إلا على طاري بروح، وش معناته اسمك!
بصراحة لي شهر ونص وأنا أفكر بمعناته وللحين ماعرفته.


أكيد يبي يصير بالحاله، وإلا هو فيه عنوان مهوب لحاله!













شكراً رايسل.
شكراً جزيلاً لكِ.

:dشكراً لكِ.
بارك الله فيك.














وأنت وش اللي محرقن رزك يالدب!
مهوب صورتي أحسن من صورك السخيفة البايخة التي لاتمت للحقيقة بأية صلة ولا فيها أي نوع من الجمال ولا الفن الأصيل الذي يتقد جمالاً وأصالة.
أقول دن مناك ولا تقعد تسوي روحك فاهم علي :d.
وهـ بس تسيف إنك أحرقت أعصابي :d.
ياملحك ياعمر.

والله شئ ..

أحس أنكـ قآعدن تصفصف الأحجآر ذذ

:)

هلا بالدب الشين القبيح اللي أشين واحد بهالدنيا.
هلا بملك الشيون كلهم.
هلا بالمالغ :d.
هلا بثقيل الدم :d.
هلا بالشين اللي شفته عند معرض جايتكس :d.
هلا بخلفاتهم عمر اليحيى حبيبنا وحبيب الكل :d.
وهـ بس تسيف إني أحبك.

أقول شف ياخلفاتهم أنت وشحطاتك اللي زي خشتك الشينه، خل هالشحطات لك، لأني عايشن بلاهن :d.
أما بخصوص تركك للتصوير هو أنت تعرف تصوّر علشان تترك التصوير!
الله وأكبر اللي يسمعك يقول والله لو أنت أنا :d.
أقول شف خذها من نصيحة محب، لا تحاول إنك تنافس المحترفين أمثالي :d.
زين!

أما بالنسبة لتساؤلاتك فراح أجاوبك على كل تساؤل وبكل حيادية ووضوح.



الظاهر والله العالم إني لابسهن بصراحة ناسي :d.
لكن أذكر إني فصختهن ولبستهن مرة ثانية وصوّرت :d.
هذا اللي أتذكره والله أعلم.


بصراحة مدري وشي الإعدادات :d.
بعدين أنا بالعناية ماعلمتكم الإعدادات علشان ماتعرفون كيف صوّرت هالصورة الإحترافية هذي :d.
فهمت إن حركتي لها مغزى معين :d.


عاد هذي مالك دخل به.
هذا شيء خاص فيني وعملية خاصة فيني وأنت مالك إلا تشوف الصورة وتقول إن الصور أحسن شيء بالعالم :d.


وهـ بس تسيف أحرقت أعصابي علشانك يالشين :d.















الرائع أنت وخشتك ياخوي السرو.
شكراً لك حبيبي.
والقادم بإذن الله أجمل :d <=== إيه هيّن.














هلا بالمدحدر.
إلا على طاري الدحدرة أنت للحين تدحدر!
بعدين مامليت من الدحدره!



صح عليك، هذا ياخلفهم كان موجود وطويل جداً بعد، يعني ارتفاعه تقريباً مرتين ونص.
بس أنا صوّرت جزء بسيط منه.
والأعضاء مشكلتهم على العجة مايدرون وش السالفة، بعضهم يحسبن أنا اللي حاطن هالحصيان فوق بعض :d.

شكراً لك ولمرورك وعلى التوضيح.
شكراً جزيلاً لك.

.




ابو ريم الله يخليك لا تستهبل :S

يا شين الواحد لا انطلق :d

خاصه ابو ريم :d

اركد شوي شوي بالهبال والتصوير :S

والله انك معلم :d

تعال درسن اولاه تراي والله ما اديره :d

دايم ارزز الصور هنا ولا حدن يجي زيك ويقول وع او شينه :d

تحريه علشان الكمره ناطله من واحد من الشباب :09:

لا بعد الدعوى تلقيد :113:

الكمره ظافه :d

ووسلك و الوصله بعد ظافه :d

والاطار عند احد مصمين المنتدى ;)

وازيدك من الشعر بيت شاحطن رويحتي انقالي احسن مصور :113:

رايحن لبيوت الطين وقاعدن القط من هالصور طبعاً طلهن قبيحات ..

بس يارجال الزين بالاخلاق ;)

يا حبيلك يا الصباخ ..

لا يهمك حقد الحاقدين . منب اعني احد :d

الا على طاري الصباخ :09:

وراه ما تجي تصور بالصباخ :09:

بعد ما تاخذ الكمره من خويك ولا تنطل ماعلي منك :09:

والوعد الصباخ :09:

تصدق ان الصباخ به فراوله :d

فرواله وبجنبه نخل :d

وميت بعد ..يالله من فظلك من يحصل له ..

يالله يابو ريم ما اطول <=== انقاله ما طول :113:

تعرف هذاي اثار المخدرات .. قصدي السهر والاختبارات :09:

:113:

لا تنسى الي قلت لك :d


بمان الله


كتبه وحرره اخوكم

1429\ما ادري كم التاريخ اليوم :09:

الساعه 3 و 19 دقيقه :09:

ابا اتوضا واصلي سنة الضحى ..

والوتر جميع .. بسم الله


:113:



.

.


يا أحسن مصور بالعالم


:065::065::065:


.

أشم ريحة واحد [مرقين أثل] .. :)

موهبه تحتاج الى صقل

:41

أقول دن مناك لأخقلك يالشين.
مابقى إلا أنت وأشكالك يقيمون المحترفين أمثالي :d.
والله هزلت.
أبورائد الفسل يقيم أبوريم البطل :d.
هزلت.

أقول شف يابعدي بعدين تراهن مهيب حصيان صافهن أنا!
أنا لاقيهن مصفوفات من قبل!
بعدين أنت ماتعرف فن التجريد!
هذا هو فن التجريد وهو غياب الهدف عن شيء معين بدون تحديده :113:.
وش علمك أنت ياراعي التصميم!
خلك بالفوتوشوب وصمم لك كم تصميم أحسن لك!
:d
وخل التصوير لأهله واللي يعرفون له مثلي.
:d

زين لا عمرك تعوده وتعتّب هالقسم وأشوفك رادن على صوري الاحترافية :113:.
ياشين اللي زيك وانعطى وجه :113:.


بعدين وراك حاقرن اكتب موضوع!
مامليت عينك أنت وخشتك يالشين!
:d

بعدين خل العصل التويجري ووحيد القرن بلحالهم وش دخلهم بالموضوع :d!


وهـ بس تسيف إني أحبك يا أبورائد :106:.
















هلا حبة فصفص.
يالله حيه.
تسيف حالك!
وتسيف أصبحت!
وش علومكم!

وش أخبار خويك هذاك :033:!
خوينا يوم المخيم :rolleyes:.
عرفته!
:d



بعدين وش بك حاقرن أنت بعد مثل أبورائد!
وش لا عمرك تحقر أحد بالحياة!
وراكم حاقرينن ياقماعة!
تراي ذوق وأسلوب وحنونه وقلبي طيب :106: ومهنا ملحي.


أقول ياحبيلك لا عمرك تعوده وتقول كلام خارج عن إطار الذوق العام، ولا عمرك تقيّم المحترفين أمثالي :d!
زين!



شكراً حبة فصفص.

أبو ريمـ ..

إلى الحين أنت مصدق ان الصوووورة زينة ..

:113:

أحسن صورة بالعالم :d

وش رايك بالشحط:p

أحسن صوره بالعالم :113: