![]() |
امام بوابة المرور .... ناس ودهم يتجرون بسرعة ادخل وشوف
جيت مرة اشغل سيارتي وعيت تشتغل حاولت عدة مرات
لكن دون فائدة مع العلم انها full والبطارية ممتازة وكل شي تمام زعلت على السيارة وسـ............... وشـ............ وبعدين جلست بالسيارة افتش بعض الاوراق ..... بس كذا تفاجأت يا حبايب وش تتوقعون لقيت ؟! لا تروحون بعيد لقيت الاستمارة مطوفة يعني تبي تجديد عرفت السبب الذي جعلها ما تشتغل اثرها تبي تجديد قلت ياولد رح للمرور جدد رحت للمرور معي جميع الاوراق المطلوبة اعطيتهم اياها قالو لي رح سدد بالالة ...... قلنا و نسدد بالالة خرجت من باب المرور ورايت صرافة بنك الرياض قال لي واحد ؟ اسدد لك يارجل قلت نعم والله خدمة عشر نجوم قبل اعطية الاوراق سألتة كم تأخذ ؟....... وهذا مطلوب من الجميع قبل يعمل لك احد شي قل كم تبي قال كم المبلغ المطلوب تسددة ؟ قلت 375 قال خلاص اسدد لك ويصير المبلغ 400 قلت لة سلام عليكم وقلت في نفسي ياخذ 25 ريال على اي شي ؟ لو قال عشرة او 15 هذة معقولة اما 25 ما يصير اما صحيح بعض الناس فيهم طمع وجشع يحسبون الغنى بكثرة المال ما درو ان الغنى بالقناعة والبركة اللهم اقنعنا بما رزقتنا وابشركم انها تيسرت ولله الحمد رحت لصرافة الراجحي التي عند سامرة وسددت على كيفي ولا وجع راس ولا حط ايدك في جيبك صدقوني هذا ليس قطع رزق ولكن ليش اترك بعض الناس تستغفلني ؟ لو كان احدكم مكاني ماذا سيفعل ؟ اعطوني رايكم هل انا على خطأ او صواب ؟ |
صح عليك
|
يقول المثل مايخدم بخيل طيب هذا معقب المارض يأخذعليك خمسين للاستماره ومائه ريال للفحص عادي ياخي |
^
شكلك انت اللي عند المرور خخخ |
كل عمليه بالصراقه ياخذ عشر ريال *** وعليك الحساب
طيب اللي عليه قسايم ياخذ كل مائة ريال عشر ريال |
صح عليك
|
برااااااااااافو عليك
|
لكن الكلام ليش تجديد الاستمارة يكون سالفه طويله ومتعبه للشباب فمابالك بكبار السن واصحاب العاهات |
المسألة باختصاااااااااااااااااااااااااااااااااااااار :
احنا عجااااازين نبي كل شي عندنا وكل شي تمام وكل شي بسرعة والا وشو المانع اني اسدد وافحص و .... تعودنا على الراحة ادري بيطلع لي واحد ويقووول اذا ما نفع الريال اليوم متى ينفع؟؟؟؟؟؟؟؟؟؟؟؟؟؟ |
اقتباس:
|
كفو والله كذا الرجال ولا يابلاش
ليت الناس تتعلم مثلك |
صحيح انا معك ما يخدم بخيل
لكن ليس هذا المبلغ على هذة الخدمة وهذا الجشع ونسيت اكمل لكم قصتي ...... يوم جددت الاستمارة ما امداي احط المفتاح الا اشتغلت سبحان الله شفتو فائدة تجديد الاستمارة |
الي انا الاحظ شخصياً انهم طول الوقت يدردبون بايسن ويقبعون زقاير يعني المكسب مصروف عند البقالة الي على يسار الصرافة ههه ههه ههه لا ويبتل يصوت لك لين توصل السيارة يالحبيب يالاخو تبي تسدد يالطيب يالشيخ بالحيل تبي الشيخة |
طيب وشلون رحت للمرور من وداك ولا رحت بتاكسي يعني 25 ريال للتاكسي و25 لو انت دافع للرجال ااكيد راحت عليك 50 اشون لك خدمت روحك ورحت لللي عند ساميرا
|
ابشرك من نعمة الله علي عندي سيارتين وحدة شاص مديل 2005 والثانية لاند كروزر
وانا رحت على اللاندكروزر وتركت الشاصي بالبيت لاني فكيت لوحاتة انا ما عندي الا الصدق |
وش حارق رزك خله يسترزق عنده محل بكم اجاره والله الناس مقطعين ارزاق اللهم لا حسد فيه غيرك يبي ها الشي
|
صح عليك
|
اقتباس:
|
والله انا رحت مع الوالد ولما خلص الاجرأت قال 50قال الوالد:eek:مانتب صاحي كتبت ورقه تقول ابي خمسين ووووووسوو جنجال بوسط المرور وانا ماغير اتصدد كني مااعرفه هههههه
وبالاخر عطاو 20 وراح وخلاه تقبلوا مروري |
فعلك صحيح 100%
|
اقتباس:
|
السؤال الي اثار حفيظتي انك بعد ماجددت الاستماره اشتغلت سيارك؟
اذا كان الجواب بنعم المفروض يعطيه العجلان وسام من الدرجه الاولى بعتباره مواطن صااالح تتقيد بالانظمه والقوانين |
صراحه اسمحلي اخوي اقول انت نص لفه
|
برافو عليك
|
اقتباس:
راع النص سالم |
اقتباس:
|
سواليف كشكولية ..
اين الاخ خوي السرور ؟! :) |
وين حنا بوه خمس وعشرررررررين
والله لو هو يعطين الخمس وعرشرين ماخليتوووه يسدد لي |
انت كذا:41 |
مادري شقول بصراحه
|
المشكله لو هو سعودي تهون المشكله إذا صار يماني .
تحياتي لكم |
قلوه تسيف الحال لامنوه صوت لك
|
أعتقد أنه لم يمد يده إلى جيبك ليأخذ المبلغ , , , ,
أنت طلبت الخدمة وهو عرض القيمة , , إما الموافقة أو الرفض , , , وانتهى كل شيء بسلام , , , فاتركوا أهل الرزق الحلال بحالهم ولا تحرقوا حسناتكم بالغيبة , , , |
الساعة الآن +4: 09:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.