بريدة ستي - فـي ليلـــةالــزفــاف

فـي ليلـــةالــزفــاف

السلام عليكم ورحمة الله وبركاته..‏
‏

هذي قصة سعودية و واقعية..

نبذة عن شخصيات القصة..

منى.البنت الكبيره وهي العروس. و. وفاء. البنت الصغيره. وبقيت العائله كانوا مشغولين بالعرس..
‏
وفاء: يالله يالله يامنى جاء المعرس وانتي ماخلصتي.
وكانت منى حايسه حوس والكوفيره تزينها.
منى: لاتثبتين التاج مره عشان ماتنحاس تسريحتي. واقدرانزله لاجيت اللبس العبايه.
الكوفيره: ايه ايه
ان شاالله.
المهم. خلصت منى من كل شي.
الكوفيره: ماشاالله شو هالحلى بتجنني.
منى: انزرقت وقالت هذا من ذوقك وهي مرتبكه.
وراحت تشوف نفسها بالمرايه.
اللبست فستانها وراحت للمجلس ولقت وفاء قاعده تزين الطاوله وتصف الجاتو والعصير. وتشعل الشمع. مسويه فيها رومنسيه.
جلست منى على الكرسي وبدت تعدل وتبدل بالطرحه وزين مو زين.
لين جاء العريس خالد. و وفاء طلعت بسرعه.
دخل خالد وسلم على أمها وجلس بالكنب عند عروسته منى وشربو العصير. وجاويبغون يطلعون. قامت منى وهي مرتبكه وترتجف.
واللبست عبايتها وحالتها حاله لأنها لابسه كعب فوق المعقول بتسوي نفسها طويله بالغصب. المهم مشت ودعست رجلها على فستانها من قدام وطاحت طيحه لاتحسد عليها.
خالدوهو مسرع يركضلها: بسم الله عليك عسى ماجاك شي؟؟
منى: بصوت حيا لا الحمدلله وهي تكذب تتألم بداخلها.
واجتمع عليها خوف وارتباك وألم الطيحه القشرى.بـ ليلة عرسها وفشلت على طيحتها القشرى. وقعدت تصيح وانحاس مكياجها.
مسك خالد يدها وقومها وركبها السياره. وطول الطريق وهي أخ أيخ رجلي رجلي.وخالد يهديها يابنت الحلال عادي كلنا نطيح يحسبها تصيح من الفشله. ووصلوا البيت طبعآ خالد ساكن عند اهله نزل من السياره وفتح الباب ومسك يدها يالله يامنى انزلي.
منى: آاااه آاااه رجلي تعورني ماأقدر احركها.
خالد:وش السوات يعني نروح للمستشفى.
منى:أيه
خالد قال بنفسه لاوالله النشبه مالقت تطيح الا الليله. وركب السياره.
ومثل البرق عند الأسعاف. ومنى ماتقدر تمشي جابو لها عربيه وركبت. وشلون ماتليق فستان ابيض وعربيه!!!! ترقبوا الجزء الثاني...........