اسـتـفـد قبـل عـرسـك ولا تـتهـوّر , , " خـــاص "
 

سلام من لله عليكم رواد المنتدى ورحمة منه وبركاته . .


موضوع قرأته ونقلته لكم بتصرّف , ,


للعزاب فقط , , أو اللي يبون التعدد :d


كلنا بحاجة ماسة لـ ذا الكلام قبل ما نعرس . . .



سؤال لكل عزوبي . . يتسدح بالملحق ;)


هل تنام على بطنك ؟ أو تخم الوسادة بالليل ؟ أو تعفس الكنب وتعضه وتسعبل عليه وأنت نايم . .

أو تنام على الكنب وأنت تقرأ الجريدة ، , أو تنام ويطلع سرك ستر الله سرك :013:
إذا كانت الإجابة بـ نعم

فإن كل هذه هي أعراض لرغبة جامحة وكامنة بالزواج . .

وأن ما تلاحقت عمرك راح يجي اليوم اللي يقول فيه الوالد لك :

' الله لا يبارك في الساعة اللي جبنا فيها شغاله ' :eek:

لا تتخذ قرار الزواج إلا وأنت في حالة هدوء تام بعيداً عن الإثارة والعواطف الجياشة . .

مو تشوف فيديو كليب بعدها تطمر لأمك وأنت مشبك أصابعك ومميل رقبتك وتقول:

( دوروا لي أبي أعرس . . أبي أكمل نصف ديني ) :d



أولاً : مرحلة ما قبل الزواج :


كيف تعرف انك استويت عزيزي الشاب وحان قطافك من بنت الحلال :



أ: علامات الرغبة في الزواج عند الشاب :

1– إذا بديت تقول يا زين بيروت والـ إل بي سي والمستقبل ؟ فاعلم أخي الأعزب أنك

لو انتظرت سنتين ستصدّي صواميل ظهرك وتصير بلا مستقبل :oo


2– إذا بديت تمشى بالسوق وتتمنى ان البنت اللي قدامك يطيح اللي هي شايلته علشان

تصدم فيها وتقول ( ليمون نعناعه ) فاعرف انك على مشارف انك تكون ( سبهه )

وشهار ما يقبلك ولا منتسب . . :013:


3– إذا بديت تعطّر بعطور نسائيه وتقول ما فيها شيء ( العطورات ليست حكرا على احد ) ..

فاعرف انك بديت ( تخق ) لذلك اكرب عمرك واعرس . . :41

ثانيا : أثناء الخطبة :

1– انضبط وابدأ صل بالمسجد . واجعل المحافظة على الصلاة تحول دائم

من الخطبة إلى آخر عمرك . . :41

لأ أهل البنت يبي يسألون شيبان المسجد , , ويقولون تعرفون فلان . . لذلك صل

وابد ( طلطل ) بوجيه المصلين كأنك تدور اخوانك.<<<< ما احب هالحركه.


2– لا تتهيبل وتروح تتسلف سيارة زميلك ( الفخمة ) وترزها عند باب اللي انت خاطب منهم


لأن الخطيبة مصيرها تعرف ان السياره مو سيارتك وبالتالي تطيح من عينها . .


3 - اثناء الشوفه لا تستحي ابدا وقز البنت من راسها لرجليها ولا يهمك أبوها واخوانها

لأن الشرع ( يدعمك )


وان قالوا شيء .. قل لهم حديث الرسول صلى الله عليه وسلم

' فلينظر اليها وتنظر اليه فأنه احرى ان يؤدم بينهما '



4- في الخطبة ان صار فيه مكالمات بعد ما يوافقون عليك .. فلا تصير لصقه وعلة وريد

كل دقيقة داق على البنت .. ( وينكم فيه ) ؟ وش سويتوا اليوم ؟ ما اشتقتي لي؟

وش تسوين ؟ انت على السرير وإلا في المقلط ؟ << يخرب بيت السؤال ؟ :013:




5 - لو ( كتبت كتابك ) على البنت قبل بفترة وبديت تأثث بيتك .. لا تاخذ البنت إلا علشان تختار

غرفة نومها بسسسسسسسسس ، وإلا باقي الاثاث اختاره انت وإلا خلها هي اللي تختاره كله ..


لانكم إذا بديتوا تطلعون مع بعض تختارون الاثاث .. فراح يطلع الاثاث مشكل تشكيلة عجيبه

والوانه كأنها ( شرّاب تكرونيه بالمربعانية عند الحرم


كذلك اضبط ميزانيتك على مستوى معين من الأثاث بمعنى .... ما تشتري لي


لوحه بــ 3000 الاف والكنبات بـ 5000 الاف .. يعني ما فيه توازن وتروح تشتري لوحه ثانية


بــ 20 ريال ، او بــ 150 ريال .. فيصير بيتك كأنه



حراج - من كل بحر قطره.



6– اياني وياك تظهر بشكل مثالي في الخطبة بل خلك على طبيعتك ، بحيث تقول للبنت هذا اناااا ....


مو تصير حبيّب بالخطبة وصدام بعد الملكة.


ثالثا : ليلة الزواج :


ليلة العمر والليلة الوحيده اللي تحس فيها انك اهم واحد بالاحتفال ..

فلا تصدق عمرك ويكبر راسك.. خلك طبيعي

ولا تكثر من شرب الشاي والقهوة ليلة العرس بعدين تنتفخ مثانتك ، فتتورط ،

لانه صعب إذا رحت جلست مع العروس على (الكوشه) .. فجأه تقوم تقول


بعد اذنك باروح الحمام .. :d


صدقني راح تقول البنت إللي هذا اوله ينعاف تاليه :eek:



2 - إذا جيتوا تدخلون البيت .. افتح الباب وخلها تدخل قبلك وامزح معها شوي

( خشي برجلك اليمين ) وبعد ما تدخلون ( ارقع ) ذيك الزغروته اللي تهز اركان البيت ..

ثبت الله اركانك .

رابعا ً : سواليف ليلة العرس :


الكثير من الشباب في أي المواضيع يطرح ليلة الزواج وبرأيي انه بالامكان طرح

مواضيع تتعلق بذكريات الخطوبة .. والابتعاد عن المواضيع الرسمية .. بمعنى تجنب الآتي :


1– انتبه تتميلح او تنكت اكثر من اللزوم لان الموضوع سينقلب ضدك وبدال ما تصير

وش زينك تصير ( خرطي )


2– انتبه تجيب طارئ ( أمك ) ليلة العرس ، وتقعد تقول لبنت الناس من اول ليلة

( انا بصراحه امي أغلى امرأة عندي بالعالم ).. انا امي بصراحه ابيك تشيلينها فوق راسك ،


انا امي بصراحه ما ابي احد يزعلها ، انا امي بصراحه مالها غيري ...


الله ياخذ بليسك انت وامك لا هالحين ادخل وألسبك بالعقال :i121


مافيه شك ان الام قدرها غالي ومكانتها عظيمه بس لكل مقام مقال ..

فما فيه مناسبه انك تجيب طارئ امك ، ممكن تأجل الموضوع لليلة اخرى.


3– امدح مكياج المدام ، وفستان فرحها لانها تعبت شهور حتى تظهر بهذا المظهر

اللي انت تتمتع فيه انت وعيونك المغمصه :075:


> حتى لو كنت ( كمخه ) في مواضيع الذوق واللبس ولا تفهم فيها شيء امدح وخلك

عباراتك فيها صدق بحيث تكون ( الكذاب الصادق


> فهذا من شأنه انه يحسس المدام انها جميله بعينك ، ويرفع روحها المعنوية ،

ويخليها تهضمك يا ابو كوع بني :d



4– انبته ثم انتبه انك تصير عاطفي او تخق ومن اول ليلة تقول للبنت

( بصراحه انا احبك وميت فيك ) ... لانها مؤكد انها مو مصدقتك ( ما امدى بسم الله تحبها (.


بصراحه كثير من الشباب محروم من ( كل شيء


<<< وافهموها .. عاطفيا و... و ...


واول ما نلمس يد تختلف عن يد صديقك ( الضب ) .. نخق وبسرعه نسعبل ونقول : آآآه الله لا يحرمني م

نك ، احبك احبك احبك .. ويمكن بعد اسبوع اكرهك اكرهك اكرهك.>>> يااااي .



خلك ثقل وخلي سلوكك هو اللي يقول للبنت اني احبك مو اساليب ( قردنه )


احبك بعدين تقول لها ( وش رايك نلعب عريس وعروسه )؟ :013:


ترى هالحركات ما تمشي على البنات التاليات :d



خامسا : ملابس ليلة العرس

1 - بعد ما تفسخ ثوبك وشماغك وعقالك .. تروش الله يصلحك لانه ممكن


ريحتك تكون طالعه وانت ما تدري من كثر السلام والقلق اللي عشته في قصر الافراح

ولا يهمك انك راش لك كم ( بخه ) على الشعرات اللي بصدرك وبازن بها.


تنظفوا ( ابتل اعلمكم ... همااااه ؟


بعد الانتهاء انتبه تلبس ملابس تظهر مفاتنك ... مثلا


تجي بلبس داخلي وفانيلة علاقي وتصير كأنك من ذولاك المصاريه اللي اسود وابيض

ويتطببون على المسبح في النادي من جماعة ( هاااااااااااااااااي شله (..


2 - انتبه تصير قروي وتلبس سروال ابو حبل ذاك اللي يخليك كأنك بقره رايحين يبيعونها ،

او بيجامة نوم مخططه فتصير كأنك ( حمار وحش ) يتكلم عربي.



اختر اللبس المناسب لجسمك ..


مثلا شورتات رياضيه اذا كان جسمك رياضي ..


وإلا اذا كنت دب فخلك بالعقال والشماغ والثوب استر لك وغير ملابسك إذا نامت المدام..


وفاجأها في الصباحية .


إذا كنت سمين البس ملابس فضفاضة شورت وفانيلة


X X X L <<<< انتبه ترى ما اقصد القناة .




3– للإحاطة فإن قمصان النوم النسائية ( مشققه ) وشفافه وكلها حركات ..

انتبه يسول لك ابليس وتقول ( اففف البنت خربانه ) .. من هالحين لبست كذا؟؟ :d


ترى الموضة كذاااااا وتطوروا بأأأأأأ



إذا لبست لك المدام ( قميص نوم راااايق ) ترى مو معناهاااا ( طب عليّ ) ..

خلك ثقيل وإلا جيت هالحين أتوطى ببطنك . . :i121



ترى سمعت بقصه ان واحد طلق الزوجه ليلة الزواج بعد ما شافها لبست له ( لبس مشخلع


قال العم : اكيد انها داشره ؟ وحركاتها ما ني متطمن لها << طيب يا كولومبو.


قهر يعرس ذا الأشكال :oo



سادساً : الخطة المحبوكه للقاء الحميمي :


1 - حذاري ثم حذاري وهذاني اقول لك ( حذاري ) .. تتحرش بالبنت


جنسيا حتى لو كانت زوجتك .. فكما يقال ( احذر ان تبدأ حياتك الزوجيه بحادث اغتصاب).


لان البنت مو معنى انها صارت زوجتك وكتبت هالوريقه يعني انها فصخت الحياء


وتبيها تصير لعبة بين ايديك .



2 - اجعل بداية حياتك الزوجيه قصة رومانسية متعددة الفصول ..

ليلة الزواج تكون بمثابة لقاء بين اثنين للتعارف ما فيه إلا الحديث وإذا كثرت

امسك يدها ولا تتعدى لاشياء اخرى ..

عسى يدك

الكسر ( ممدين ) همااااه .



3- في ليلة اليوم التالي غالبا يكون فيه عشاء عند اهل الولد تعشوا واطلعوا

ورح انت وياهااا ( كوفي شوب ) وانتبه تقرأ الجرايد او المجلات , وعطها وقتك كله.




4– اليوم الثالث :


حاول تسافر بها عمره بعدين لمدينة جده لسكان المملكة العربية السعودية ..

او مدينة اخرى لسكان الخليج .. او ( لقريح وابا زنه لباقي الدول



6 - اللقاء الحميمي لا يمكن تحديد الوقت المناسب له ..

بل يعتمد على الظروف والمتغيرات والتي لا يمكن ان اعرفها فأنت الذي في ارض المعركه ،

فحدد أنت ؟ لانه لا يمكن يجي احد يحارب عنك .


واللي ما يجي اليوم .. يجي بكرا



شاكر لكم وإن شاء الله استفدتوا . . .

لكم ودي
إكسير

مشكووور
موضوع جميل, أحسنت الإختيار :41:41

..

حبيبي هالموضوه طرح وكرر في سواليف كشكوليه :d

الحين المسفهل يشغل السطحه ويجيك طاير :d

..

موضوع جنتل .. رهيب

( موتتني ضحك بالتعليقات الله يغربل شيطانك ههههههههههههههههههه)

اعجاب وتشويق للزاج المبكر
 

السلام عليكم ورحمه الله وبركاته
مشكور كل الشكر
ماقول
الا كل الشكر على الموضوع الجميل والشيق
الصراحه انك حركت المواجع وراح تشوقنا وتخلينا ننتزوج اليوم قبل بكره


جزاك الله الف خير على الموضوع كما عوتنا دائما على المواضيع الهادفه والشيقه
فالى الامام قدما وبالتوفيق
:107: :074:

اح ... وئـــــاه ونــص ...يالعــرس.. بس

الله يسعدك , , والله يغربل كل الشياطين , , , والله يديم السعادة . . .

ياشين اللي انلحس من الموضوع , , وصار مايـجـمّـع :013:

أخي اكسير,,,لايفضض الله فاك..
موضوعك في غاية الأهمية شكرا" لك أخي وعلى طرحك فأسلوبك رائع وجذاب.. :074::074:

أخي إكسير موضوع رائـــع واستمتعت بقراءته رغم انه طويل بعض الشي<<<شدعوا يا قيس الملوح
مشكووووووووووور غدي عيالنا تنفع معهم هالنصايح:bad

لعلك تكسر قاعدة " اسم على مسمى " , , ,

فلتفعلها وتتزوج . . وتكن شجاعاً . . وتترك " الجبان " في حاله , , ,:d

مشكور على الموضوع .. والله وجبته بالثمانيات ... الله يجيب العرس عشان نسمع نصايحك أخاف لاجاء وقت العرس نسيناك أنت ونصايحك من الروعة.. ودمت سالما: 12: 12:41

معلومات قيمة ...
بوركت

الله يقطع ابليسك والله انك منسم قوه تبيلك بنشر ابويمن يرقعك رقعه مهبوله موضوعك شيق بالحيل اتحفنا في مثل المواضيع الشيقه اللي بعض الناس ما عندك وما عند جدتي مثلي انا الحين لا يقول بعض الناس ايقاله يعرف مشكور يا اخ اكسير ههههههههههههه:083::083::082::052::052::052::030:

واللي ماعندوووووووووووووووهـ نيه يعرس

وش يزين ؟

الله يخلف علينا راحة هالنصائح ماسوينها مع ام العيال ..

لكن ابشر بعزك في الزواج من الثانيه ( وجهه مبتسم )

شكريااااااااااااااااااااااااات لهيك مواضيع

اكسبير قسم انك منتب صاحي ياخوي وش هالأسلوب ذا تصدق اذكر جدي الله يرحمه ويسكنه فسيح جناته به حدا هالكلمات الي تقولها انت وكشرك عجز يفهم معناه... الله يرجك بس صراحه انه موضوع بطران هباااااااااال ...

هههههههههههههههههههههههههههههههههه
اقول عقب هالموضوع!!!!!!!!!!!!!!!
كيف الحال
هههه
والله انك مزبوط بعض ناس عنز طابه بعبس
مايدري وش الطينه عليه
واظن الى الحين ما فهم

شكراً على مرورك يا ابواحمد والله يعطيك العافيه على المرور الحلو ثنكيو فور يو اقتباس من مشاركة اكسبير:083::082:

ياشاطر يا أحلى شاطر , , , وراه ماتبي تعرس ؟ هاهـ علمن ؟ ؟ :i121

لايصير " مسيار " من ورانا . . . :d


وترى يمدحون " الصوم " . . ترى الجوع ينشف الريق والدم وكل شيء :d

عادي جدد الحياة الزوجية يارجل , , ,

ترى مالي دخل انا ماقلت شيء , , الحين تدعي علي ام عيالك , , ,

:116: اقطرت سعابيلي
:026: دوريلي مره عرفة الطريقه <<<<<<<<تحسبه سوني انت وخشمك

مشكوووووووور خيوووو

ع هيك نصائح

واكثر شي عجبني في هاي الموضوع (((اسلوووبك واللهجه)))

صراااااااااحه شيييييييييء تصدق فيه كلمات ما قدرت انطقها >>>>خخخخخخخخ

بعد كل هذي النصائح ... يالله ندااااااااااااء لكل عزااااااااابي

(((((فرجينا رومانسيتك مع توأم روحك))))

دمتـــ بخير

أظن مب سعابيلك اللي قطرت , , أخاف إلاهـ شيء ثاني , , :d


لا يروح فكرك بعيد أنت وخشمك . . أقصد يمكن " مـخّـك " اللي يقطر . . علشان وشو تقول

خلاص عرفت الطريقة , ,


اركد وجع . . واثقل . . شلون تبي نخطب لك . . :070:

هلا بالسمو الملكي . . :eek: أقصد السمو بس :d


على طاري ابن باز . . { الله يرحمه ويسكنه فسيح جناته } :eek5


شف :

حنا نبي نخليهم يجزمون الحين . . وإذا جزموا بالعرس خلاص كل شيء يهون . .