|
اختي تستغفلني
في احد الايام الماضيه جينا من السفر اتصلت على اختى علشان اشوفها هي واختي الثانيه طبعا ماهن شقيقاتي لكن انا ما افرق بين احد من اخواني او اخواتي دقييت وسلمت قلت ودي اشوفكم اختي بسرعه ردت علي قالت: حنا معزومين .انا حاسه من كلامها انها تكذب؟؟؟؟؟؟؟؟؟؟؟؟ رحت لبنت عمي يوم صار المغرب دقيت على اختي قلت رحتوا؟ قالت: لا ما حنا رايحين.وردت على طول الا الا نبي نروح.وقسم بالله عندي احساس ان اختي تستغفلني. بغيت اقول ياختي قوليها صريحه ما نبيك يا لزقه . حاسه اني صرت متطفله عليهم وشكلي زي ما يقولون حاشرته ؟؟؟؟؟؟؟ من قراء الرساله امانه يدعي لي ان الله ينصرني وارجوكم عطوني حل . اترك خواتي ابعد عنهم لي حوالي اسبوعين ما شفتهم وهم عندهم عادي لا تقولون قللي الزياره والله فرحت بالعطله .لكن الشكوى لله الله يهديهن على هالحركه اقدر اقاطعهم نهائي ويمكن هذا اللي راح يصيرلاني لي احساس زي مالهم ؟؟؟؟؟؟؟؟؟؟؟؟؟؟؟؟؟؟؟؟؟؟ |
السلام عليكم
[CENTER]
="6"]اشكركم على اجتهادكم وللمعلوميه مادريت الا امس ان[SIZE اختي هي واختي الثانيه رايحين لبيت بنت اختي عازمتهم . وش رايكم وانا والله عقب هذا ما احشره ابد وصدق من قال زد غبا تزدد حبا واللي ما يقدرك لا تقدره وخلاص قضيت اصير لزقه والاخوه هم ما يبونن والحمد لله على كل حال والله يهديهم ويحفظهم وانا دايم ادعي لهن وانا ما ادري وش قدري عندهم[/SIZE] قلوب اسودت وتحجرت[/CENTER][/CENTER] |
اختي الامل .. جربي تتركينهم وقت خليهم هم يسئلون عنك .. لانهم بيفقدون سؤالك عنهم واتصالك .... اسال الله بمنة وكرمة ان يحنن قلوبهم عليك ويؤلف بينكم . |
كان الله بعونك
لكن اتوقع يكفي اتصال بالجوال ما بين فترة وفترة حق الله عزوجل حق صلة القرابه |
غــاليتي . الأمـــــــــــــل . ..!! اتعــلمــين مــامعنى الأخــوه ...!!؟؟ انــها المحبة والألفــه بين قلوب الأخوة بحيث كل من الأخر يخاف على اخيه ويتمنى له كل خير لو تعلمين مــافي قلوب اخواتك الأثنتين من محبة لكي لما صدقتي اتعـلمين لمــاذا ..!! لأنه من المستحيل ان تحبي شخص لايحبك فقد قاله رسول الله : [الارواح جنود مجنده مــاتالف منه ااتلف وماتناكر منها اختلف ] فيما معناه غاليتي .. لا تفرحي الشيطــان بكثرة التفــكـير .. لاينسيك انهما اختاك اللتان يخفن عليك ويحببنك .. استفسري وصارحي اختيك عن مايجول في نفسك .. فربمــا كــان لديهــما شئ فاانتي لم تستمعي إليهمــا بل كلها وساوس وضنون من الشيطــان ليبعـدك عن اختيك .. ولاتقــولي [ حـــــــــاشرته ] كيف تحشرين اختيك وانتي من دمهما ولحمهما بل انتي الأساس بينهما ولايحلوا المكان إلى ان تكتملوا انتي واخواتك .. وفقك الله غاليتي الأمــل وحفظك من كـل مكروه .. |
اشكر كل من قدرني الله يرفع قدره بالدنيا والاخره وخاصه الاخت نوره لو كان عندهم لي حب ظنك يجتمعون ويتهربون عني وانتي طبعا عارفه كلش والله ثم والله اني يانوره حاشرته لكن القلوب اسودت وصارت زي الحجر اتصلت كم مره وتصريف ما بعده تصريف لكن كلن على راحته. والله من امس وانا ابكي على حظي الردي والحمد لله على كل حال. ××××××××&# 215;××××××× 5;××××× |
اهلين اختي الامل.....انتبهي تحطين في بالك هالامور وعادي جدا انهم يعتذرون لأن عندهم ظرف ليش انتي تزعلين حالك عيشي حياتك يااختي وبالعكس خلي نفسك رفيعة ولاتروحين الااذاقالوالك تعالي....... وحطي مليون خط تحت المثل اذدد غبا تزدد حبا مع كل الناس....لاني والله اشوفه واقعيه عند كل الناس فيه ناس أعرفهم مره لهم بنتين متزوجات وحده تجيهم كثير ويزملون لجيته ملوامنها و بزارين وحاله... والثانية زوجه مايطيعها لكن اذا جت يختبون به وهن خوات شقيقات فانصحك لاتزعلين مايسوى الموضوع.......
|
اشكرك اختي ورود المساء واعلمك والله لو اموت ما يدقون اعرفهم لكن كيفهم جت منهم |
اهلين ورود المساء والله انك صادقه كلامك بمحله الناس تغيروا صراحه الأمل لا تحطين كل شي بالك ترى تتعبين من الزمن هذا واذا سئل عنك جزاوا الف خير واذا ماسئل انا اسئل اصير احسن منه واخذ اجره لأن الدنيا ماتسوى تقبلي مروري ..... |
الحال من بعضه يااختي الأمل
أنا خالاتي فتنات وكرهتهن ويطلعن علينا كلام ماصار ومااستوى وقبل ايام تهاوشن هن واخواني قالن ايه امكم طيبة بس خواتكم يخربونه وقسم بالله اني مااخرب او نخرب بالعكس نحث امي ولا نجيب له اللي يغثه وهن درسن عيالهن وبناتهن بكرههم لنا وعااااد يام تهاوشن مع اخواني اطلعن وبيناتهن قالن قضينا نكلمهم ماعندنا طاري يعني عذاااااب منه بشكل ... نسن المعروف ونسن اللي كنا نسويه معهم وبزرانهم قبل تطلع الشغالات حنا نظفهم ويسافرون ويولدن ويحجن وبزرانهم عندنا مير مقيوله جزء المعروف سبعة كفوف ....خربن خالي علينا وخربن جدي علينا الله يهديهن او يهلكهن الله يهدينه والدنيا دواره مثل ماسون بنا يجي اليوم اللي يسوا بهن |
السلام عليكم اشكر الاخت عذوب والله يا اخت عذوب انك صادقه فيه ناس نذلين لو تنقعينهم بالذهب ما شافوا معروفك ابد وياما سويت معروف وووووو لكن زي ما قلتي جزا المعروف سبعة كفوف والاخت مس بلو اشكرك وانا عارفه ان الدنيا ما هي طويله لكن الله يسهل يارب . |
الله يعينك ويصبرك... اهدي لك هذا البيت: يخاطبني السفيه بكل قبح واخشى ان اكون له مجيبا يزيد سفاهة وازيد حلما كعودا زاده الإحراق طيبا. |
من يخالط الناس ويصبر على أذاهم خير من الذي لا يخالطهم ولايصبر على أذاهم
زوريهم ولا يحسون إنك زعلانه والله ينصرك , وأحسني الظن.............وفقك الله:d |
صارحيهم وشوفي واذا مافي فايدة
فــ أهم شي كرامتك وعلى قولتهم لا تنحني لأحد مهما كان فقد لا تؤاتيك الفرصة لتنتصب مرة أخرى .. أنتي كلميهم وزوريهم حق الرحم بس وأدي اللي عليك وأبري ذمتك أمام الله وأمام نفسك ولكن بدون ماتتعرضين للحرج يعني اعزميهم بدل ماتروحين عندهم حاولي وشوفي وش اللي خلاهم كذا ممكن تصرف معين منك خلاهم يفهمونك غلط .! وقد تكون المشكلة تنبع منك يعني راجعي حساباتك بنفس الوقت:d <<معذرة ع اللخبطـــة عجلة والله اني |
كلن شبعان ورويان بدنياء العجائب
والله مانقول الى الله يعين على هالدنيا بخير انا قصتي قصت عذوب مع خالاتي بس انا ماامسك هالبزران لاني القعده بس والله كانو بناتهم اللي ااكبر مني بذ10 سنوات يجيبون ااخبار لامهاتهم كذب عني وامهاتهم انواع اللقافه وهرجتهم بناتي مايكذبون تجي اللي يسمونه الخاله المصونه وتقول بناتك سوون وسسون وماادري وش بعد بس مانقول الا الجهل رماهم بالحياة الغبيه والعقل التافه وامي المسكينه يجي دوره تهوش وتزعل فشلتون والله مااسامحكم وبنات اختي مايكذبن والله صرت اكرههم حتى انهم احيانا يتلفظون بالالفاظ اللي الله وروسله مايرضونه يقولون انتم كفره استغفرالله من ترجمهم ومن جهلهم ولاقلنا لمى قالت ماينشره عليهم ماادري من اللي ينشره عليه ولو تقعد شهر امي ماجمعتهم مااجتمعو هههههههه قعت ابربر عليكم فتحت لكم كل اللي بقلبي |
الاخت هى الاخت مهما صار
كما قالت اختنا صارحيهما .. يمكن انت فاهمه غلط والا الامر جت صدفه لاتخسريهم بسوالظن........... اخت الاب زي الشقيقه بس انت حساسه شوى ... |
اشكركم على المرور وشاكره لنصحكم لكن والله كم مره اعزمهم ويقولون زين ولا يجون وانا مادري وش قصدهم والله يعطين على نيتي وهم الله يهديهم يحسبون اني زعلانه علشان ما قالوا لي اروح معهم والله ما قصدي الا التصريف واللف والدوران وانا ماعندي الا الصراحه ولا احب الف وادور لكن الحمد لله على كل حال . ما وقفت |
الله يعينك اختي
بس انا من رايي انك ماتروحين لمهم بس انت دقي واعزميهم وهم براحتهم بس لاتقطعين الرحم وربي يعوضك عنهم |
مشكوره اختي مليحه والله كلش سوينه لكن بكيفهم فيه حكمه تقول ابعد حبه تزيد المحبه وانا ببعد كلش خلاص . |
الله يصبرك ويفرج كربتك ويحبب خوات لك إنه على كل شيء قدير أنامن رايي تصرين أزين منهن وإذا جيتي لمهن خذي معك أي شي لهن مثل(عشاك,كيك,حلى،فطاير,حلويات,.................... ..أي شي.
عاد شوفي اللي يناسبهن أغدي ينفع معهن وكل اللي تسوينه تلقينه عند ملك العالمين |
مشكوره الفراشه الذهبيه على مرورك الدنيا ما تسوى لكن الشكوى لله |
مراحب يالغلا حبيت أقول لك موقف عن صديقتي تقول أبوي عنده زوجه ثانيه غير أمي ولي خوات من أبوي
بالمتوسط والثانوي على ما أعتقد وصديقتي السنه ذي مخلصه الكليه تقول أحب خواتي وأتمنى أشوفهم لكن جدتهم أم أمهم ماليه قلوبهن علينا وتزعل لو يزورونا مع إن الزوجتين بعصمته لكن كل وحده بحي بعيد عن الثانيه تقول أبوي مرض بالقلب ودخل المستشفى وكنت أحرص أروح له بالزياره عشان أشوفهم والله يجمع بينهم على خير ولا يفرق القلوب ويصلح جدتهم فأنا أقول خواتك هذولا يمكن فيه سبب يمنعهن ما يقدرن يقولنه لك عشان ما يجرحن شعورك والله يقدم اللي فيه الخير بس أنت لا تقطعينهم تواصلي معاهن لو بالجوال سواء إتصال أو إرسال والله يوفقك ويسعدك أختي |
الف شكر نونا عالمرور والله مادري اذا فيه شي مااعرفه لاني بصراحه انا ماا خفي عنهم شي وهم مادري عنهم جزاك الله خير |
حبيبتي / الأمل ،، انت سوي الواجب فقط كزيارتهم في المناسبات والإكتفاء بإرسال رسالة من فترة للثانية بحيث ماتكونين قاطعة للرحم وبنفس الوقت كرامتك محفوظة ،،، ولا تستغربين من تصرفاتهم معك حتى ولو كنت طيبة معهم فالأرواح جنود مجندة ماتوافق منها ائتلف وماتنافر منها اختلف حتى ولو كانت أختك صدقيني ,,, دمتِ بود عزيزتي ,,, |
تشكري اختي طموح ومليت من كثر الصبر من التصريف جزاك الله خير |
الف شكر اختي طموح على المرور |
اقتباس:
|
اشكرك اختي لارا على المرور ونوره عارفه كل شي بس مادري ليش تكتب هالكلام ............"" |
ازين شي تصارحينهم
|
..صارحيهم يختي قولي تبوني ولا اضف عفشي:bad وش ذا تلاحقينهم؟؟ |
والله ياعمري ما لاحقتهم بالعكس اشوف نفسياتهم ومادريت الا فجئه تتهرب اختي وهي تقول اول والله انك توسعين الصدر ومن هالكلام ومادري وش السالفه قلبت مره وحده .لا حول ولا قوة الا بالله . |
السلام عليكم اختي الامـــــل انا مع اختي نوره 11 فيماقالت فأرضي ابأكـــــي ولاتجعلي الشيطان يجعلكي كما فعل اخوان يوسف بيوسف وهذا يحصل بين الام وابنتها ومن المستحيل ان تكرهه الام ابنتها والبنت ان تكرهه امها "تقبلي مروري....
|
يؤيؤيؤيؤ ياابعد الدنيا والله خــــااااااااله تعالي لمنا حنا عين غطا وعين فراش والله لا ادلعك وارفهك لا اخلي خشيشتك ما تنصك ابدد من الضحك انتي لا تروحين للي ما يعزمونك رووحي للي يناديك ويعزمك ويتشحذك اللي هي انا !!! بس ياخاله ما تدرين عن القلوب يمكن عندهن ظرووف بس ما علينا منهم تعاالي لمنا نسهر واسويلك موكا بالليل وسواليف وقرق واذا تبين حش حشينا<<اكذذذب امزح تراي ههههههه خلاااص علمين عطين موووعد |
اللهم ألف بين قلوبكن وأجمعكن على الخير والطاعة:030::030:
|
اهلينااااااااااااااااااااات باختي الامـــــــــــــل ,,,,,,, شوفي بعطيك حل واحد وجربيه ..... اللي هو انه تعزمينهم انتي في مكان سواء بيتك او منتزة اواسترحه او اي حته بس المهم يكون نفه وشرح ويوسع الصدر,,,,,,,,, انزين واذا ماجوا لمك اعرفي وثقي انهم مايبونك؟؟؟؟....,,, وارجوا منك ان تسمعي الانشودة كااااااااااااااامله وتقولين رايك؟؟؟؟ http://file7.9q9q.net/Download/54454688/------.exe.html وشكرا ولي عودة باذن الله,,,,, |
عفوا نسيت ترى الرابط للــــــــــــــــــكل وخصوصا للي بينهم مشادات وخلافاااااااااات وعطوني رايكم فيه |
اقتباس:
اشكرك اختي ميمي الله يوفقك ويسعدك واجعلك ماتمري بظروف صعبه ابد لانك طيبه ومرحه وحنونه وقلبك ابيض ولا تحبي المشاكل والله تمنيت اني ما كتبت شي لاني كلش والحمد لله زين وانتي ما قصرتي ياحنون جعلك بالسعاده دوم ولنا معكم لقاء ان شاء الله . |
شكرا على كل من دخل وعطر الصفحه
اسعدت بتواجدكم . |
اقتباس:
وماجزاء الإحسان إلا الإحسان .. ولو بعد حين .. ياحبي لك كان هم مايعترفون بخيرك عندك رب ماينكر .. أهم شي لاتقطعين صلة الرحم .. صارحيهم بهالشيء .. صارحيهم بأدب حلو والله يوفقك .. |
الف شكر ع المرور واشكرك اختي ع الانشوده الرائعه والله يا اخت لارا قمه في الروعه والاخت بحور اشكرك واشكر الاخت فتاة نت الله يديم المحبه . |
ياالعن ابو القرابه الي تنسي الخوات بعضهن وع:(
|
السلام عليكم اختي الامل ..
ان كنتي لم تتزوجي بعد ولديك اسره وام واب واخوه ..او متزوجه ولديك ( حموله ).. فلتستغني عنهن وتحمدي الله ان عوضك باسره تحبك وتشتاق اليك .. ودعي المكالمات في المناسبات هي الصلة الوحيده بينكن ..فهذه ان شاء الله ليست قطيعه لانك ستكلمينها وتزوينها في المناسبات الرسميه .. حالها كحال العمة والخاله .. عزيزتي .. لاتزعجي نفسك بهذا التفكير المؤلم .. ( ابحث لصديقك عن سبعين عذر فإن لم تجد فضع العيب في نفسك ) لتريحي نفسك من عذاب التفكير .. صحيح انتي اختهن .. لكن لست شقيقتهن .. لذا فمعاملتهن لك تختلف تماما عن معاملتهن لبعضهن .. قد يكن يبحثن عن الاستقلاليه كونهن شقيقات .. فهذا هو حال الناس اليوم .. واقرب مثال على ذلك في مناسبات الافراح او الاعياد .. ترين المعازيم على شكل مجموعات .. وكل بيت قد شكل له مجموعه خاصه ..!! ولا اعرف مالفائده من الاجتماعات إذأً !.؟؟؟ هناك امور لانعرفها ولاتعرفينها .. فلتحسني الظن بالاخرين .. ولاتثقلي عليهم بفرض نفسك .. واتركيهم وشأنهم .. إن أرادوك فهم يعرفون رقمك .. ( احترم نفسك يحترمك من حولك ) ارجو اني افدتك غاليتي .. |
| الساعة الآن +4: 11:58 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.