|
قهر نسبه بنك الراجحي تنخفض
مساكم الله بالخير
قبل اسبوع نسبه مصرف الراجحي تنخفض الى 3.5 بشرط بسيط اذا كنت ماقد اخذت من قبل لا وبعد يشترط خدمه شهرين بس يعني الحين حنا ماص دماءنا من قبل واذا قلت عطوني النسبه هذا قالوا لالالالالا هذه للجديد فقط طيب من باب اولى انا عميله من قبل ومستفيد من راتبي سنوات ويخليني على النسبه الاولى والله قهر من غير انه اكثر الناس مغيول في 10 سنوات ما اقول الا متى تجي البنوك الاجنبيه وتحطم استغلال البنوك عندنا :i121 |
الله يعين..!!
|
الله حسيبهم ؟؟؟؟ |
الراجحي اوسخ بنك الحمد لله نقلت عنهم وارتحت نفسيا
|
صطيف بالفعل غريب جدا هذا التصرف من بنك متميز
لكن اذا اردت الحل خذ لك قرض من بنك ثاني وسدد لهم دراهمهم وبكذا تكون استفدت من 3,5 % لكن حقيقه مصرف الراجحي غريب هذا التصرف منه |
اصبر النسبة بتنخفض أكثر
مع دخول البنوك الأجنبية |
توك تدري
|
توي ادري انه ادارة الراجحي غبية الى هذه الدرجه في اعتقادهم انهم يستقطبون عملاء جدد ولم يتنبهو انه في عملاء يمكن يطيرون من البنك الى البنوك المنافسة مع العلم اني سمعت بنك الجزيرة يسدد عنك القرض ويتم تمويلك من عندهم
|
أظن أنه أقل البنوك ,ولكنه سيئ بشئ مهم عدم الإعفاء في حال الوفاة !!! لاقدر الله ..
|
يا سدومي الاعفاء يكون مؤمن عليك يعني مثل السيارة اذا مات المقترض تدفع شركات التأمين للبنك لأنهم مؤمنين على كل مقترض
|
الله يعين
|
الرجحي وما ادراك مالتخلف
ولا المعامله الزينه ولا الاحترام ولا الخدمه المميزه ولا صرافات زينه باختصار البنوك الثانيه احسن من الراجحي بألـــــــــــــــــــــــــــــــــــــف مره مجرد انك تدخل عندهم يطيرون بك ويهلون بك الله يفكنا من زحمت الراجحي |
نعتز بقيمنا :i121
على شان سذا هو اعلى نسبة بين البنوك المحلية استغلال الدين في نهب المواطنين المغلوب على امرهم |
لاتقهرن تراي كافيني اللي فيني |
المعذرد ياااااااااااصطيف معلومات خطا بالنسبه لتأمين فيه معلومه الكثير من الناس مايعرفونها بالعاميه على نياتهم اهم شي قرض وبس كل البنوك المحلية تأمن على القرض بحيث اذا توفى المقترض تسدد عنه شركات التأمين ولهذ مصرف الراجحي وبنك البلاد فقط الذي لم يؤمنوا على القرض رجاءَ ياطيف لاتبلبل على الفاضي تحر الدقه في اخبارك
|
اقتباس:
من المستحيل ان يسدد عنك اي بنك سواء الجزيرة او غيره لكن قل (تسلف فلوس ورح سددهم) وبعدين خذ قرض من الجزيرة مع العلم ان بنك الجزيرة يعطيك غير القرض سلفة تصل الى 20000 وتسددها بدون فوائد على مدار سنة |
[quote=ابو رزان;1083810]من المستحيل ان يسدد عنك اي بنك سواء الجزيرة او غيره
لكن قل (تسلف فلوس ورح سددهم) وبعدين خذ قرض من الجزيرة مع العلم ان بنك الجزيرة يعطيك غير القرض سلفة تصل الى 20000 وتسددها بدون فوائد على مدار سنة[/ والله قويه ذي يعطونك قرض حسن(بدون فوائد)؟ هاذي ماسبقهم أحد لها وأول من يروح لهم تسآنهو صحيح |
دهام بريدة شكلك طاير بالعجه انا قلت انهم مؤمن عليك مثل السيارات يعني بالتفصيل اذا طلبت قرض من البنوك الربويه على طول يؤمن على حياته يالحبيب علشان اذا مت لاقدر الله شركه التأمين تدفع عن الشركه للبنك فهمت
يا ابو رزان اما موضوع بنك الجزيرة انا شفت شيك بأسم شخص ومكتوب علية سداد قرض لمصرف الراجحي واذا ماكنت مقتنع رح لبنك الجزيرة واسئلهم وبعدين رد علي |
أتعجب منكم ترى البنوك التي تسقط الدين حال الوفات ليس كرما منها فلديها تامين على الوفات مع شركات وهذا متفق على تحريمه فتنبهوا ولاتحرصوا على الدَّين فإنه هم بالليل وذل في النهار |
خلك على بنك الرياض احسن
|
ياساكن قلب بريدة لاتدعوا الى بنك ربوي اتق الله
|
الغالب إن البنوك تعاملها مع العميل ممتازة حتى يتمكنون منه وبعدين شوف التلاعب والاحتقار وخاصة مصرف الراجحي
يمتسكنون حتى يتمكنون يعني معرفة قحاب "اعزكم الله" |
لاتعليق
|
اذا كان ماسكك بمبلغ مالي مشكلة و‘ن كان لم يمسك بأقصاد فنقل الى بنك الاستثماري اصرف
|
لاتدخل شي في ذمك ارفق يافارس
|
الله يعين
|
بنـــــــــك راجحي رغم ما يقال عنه الا انه من البنوك القلائل التي ترتاح النفس لمعاملاته
من حيث الشريعة ..... اما بالنسبة للنسبة لإغذا رفض البنك يعطيك على النسبة المعروضة ماعليك الا أن تخلي طرفك وتنتقل إلى بنك الجزيــــــــــــرة ,,,, وهو بنك تعاملاته اسلامية ويقدم خدمات راقية علما أنني مازلت مع بنك الراجحي ...... |
اشوف بعض العبارات تعدة حدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
الحماس في الرد مشكلة ..
وهذه كُتبت عليك يافارس .. |
كنت اسولف مع احد اخوياي قالي انه سددت القرض وطلبت الغاء تحويل الراتب ابروح لبنك ثاني وبعد كم يوم اتصلوا علي من الرياض وقالولي ليش تلغي راتبك قلت نسبتكم كثيرة وعطوني عرض نسبه 3.75 يعني لازم الواحد يسوي فيهم سذا علشان يعطوني النسبة المنخفضة طيب لو ماقلت عطوني اخلاء كان النسبة 4.85 الفرق كبير والله قهر
تمييز ناس وناس سؤال خطر في بالي هل يجوز التفرقه بين الناس |
| الساعة الآن +4: 11:31 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.