|
الزوج من بلد والزوجه من بلد
السلام عليكم ورحمتالله وبركاته برصحه حصل لي موقف فشدني الى كتابة هذه الموضوع: ........الموقف........ ذهبت مع أحدأقاربي الى زيارةجيرانهم فكان مجتمعين حريم عيالهم وحده منهم صرحه من أول مادخلنا وهي الأبتاسمه لم تفارقها ،،وكلمة سمي ويعطيك العافيه من هل الكلام اللي تخلي الواحد مايطلع منهم الاوهوأخذفكره زينه عنهم،،،الزبده اني يوم جينا نوادعهم سألت وحده من بناتهم من بنته هذي ؟قالت لى بنت فلان قلت أول مره أسمع عن عائله بهذا الأسم؟ قالت إيه هذه مرة أخوي فلان الأجنبيه صرحه إستغربت::eek: هذه أجنبيه، لا الأخلاق ولا الكلام ولا اللبس ولا الكشخه ماشاء الله عليه .....أناباالنسبه لي تغيرت نظرة أن الواحد يأخذمن الأجنبيه المقيمه،ومتربيه،والمولوده،هناء: فما رأيكم أنتم في هذه الموضوع؟ هل يؤيد الزوج أيأخذإمراه أجنبيه ؟وهل هي الأولى أم الثانيه؟ هل كذلك تأيدالمراه أن تتزوج برجل أجنبي؟؟؟؟ أعطوني رأيكم وبصرحه. "خودهافز": 12 |
أبي تفاعل أبي إجابه |
مافي أحد رد
|
سمي طال عمرك
الاجنبيه مافيها عيب بس لو حصل الطلاق اين يذهب الاطفال الى السعوديه او مصر,مافيه احسن من بنت البلد..... |
وعليكم السلام ورحمة الله ماعندي شي أقوله .. إلا موقف أو سالفة حصلت مع أبوي ! الاسبوع هذا .. موب الشهر اللي راح ولا السنة قبل اللي راحت ! الاسبوع هذا .. كان في زيارة لصديق في مستشفى الصحة النفسية , شاف رجال معه بنت .. ماتقل عن 25 سنة ! كان يغطا عليها .. على قولتهم تعطي خيط وخيط وحالتها يرثى لها ! قال أبوي عسى ماشر , قال الرجال : تزوجت قبل فترة بزوجة أجنبية من الجنسية المصرية وهذا خطأ كبير مني ! جابت بنتين وولد , حصلت مشاكل بيني وبينها .. طلقتها راحت لمصر وأخذت عيالي معها ! حرمتني منهم .. قالت تبيهم إدفع على الشخص الواحد 10 آلاف !! دفع لها 30 ألف .. وأخذ عياله ورجع للسعودية ! بعد فترة .. راحوا لزيارة أمهم مسكتهم ورفضت ترجعهم .. والحكومة المصرية وقفت معهم وصفت بصفها ! أنحرمت من عيالي فترة طويلة , قامت الام وخربت بنتها وطيحتها بالدخان والمخدرات وقامت بالضرب وأشياء ثانية .. وأتعبتها نفسياً وبعد ماتعبتها نفسياً جدعتها بالسعودية .. والبنت الاصغر منها لاتزال هناك ولاتعبت نفسيتها ودمرت حياتها ومستقبلها بيصير مصيرها مثل اختها الكبيرة .. من مستشفى نفسية لمستشفى آخر ! بحثاً عن علاج .. والسبب الأول والأخير هو الزواج من أجنبيه ! والله المستعان .. ! |
متألقه مشكور على موضوعك
فعلا فيه اجانب اخلاقهم عاليه وفيه نذاله منهم مثل مافينا حنا اخلاق وبلا اخلاق لكن تكون بلا اخلاق ومو من بلدك مشكلتين:( لاكن مثل ماقالت اختي شهد العسل يتفرقون الابناء وحالتهم حاله الله يهدي الجميع جزاك الله خير |
وعليكم السلام ورحمته الله وبركاته هايين ،شهد العسل ،ريف مشكورات علا الردود يعطيكم العافيه بغيت أزعل :(:(:(:( بس شكراٍ عطيتون من وقتكم علاالرد في الموضوع المقيمه،ومتربيه،والمولوده،هناء: يعني مستحيل تروح لبلادها "خودهافز" |
صراااحه انا ارفض حتى من مناطق المملكه لان كل منطقه
تختلف عن الاخرى .... فكيف بالبلدان... |
وااااااو يالقرمه أنتي أجل رافضه الفكره تماما يعطيك العافيه ياقلبي مشكوره "خودهافز" |
؛
أهلين متألقه شخبارتس<<<<بتقلب الموضوع قرق:d بالنسبه لموضوعكـ انا ما أرفض الفكرة تماما لكن مو كل مرة تسلم الجره يعني ما أحكم على كل الاشخاص انهم أخلاق وماشاء الله بالجلسه الأولى أحكمي ع الشخص بعز جرحك ومثل ماقلت لك في أجانب ماشاء الله أخلاقهم أحسن منا وفيهم الشين وحنا كذلك يعني العيب موجود بكل مكان بس أنا من رأيي الزواج من نفس المدينه أفضل لان الأطباع تختلف شاكره لكـ // دمتي بــوــوــوــود// |
وسهلين أخباري تمام والله الحمد أناماأقول بالجلسه الأولى في أشخاص نشوفهم في الحياة مره وحده ويضلون في الفكر ماننساهم من معاملتهم الزينه وفي اللي 24ساعه مقابلتهم ومجرد مايغبون تنساهم وصح كلامك في أجانب ماشاء الله أخلاقهم أحسن منا وفيهم الشين أصبع اليدين ماهو سوى ألف شكر لك يأختي أميرة الذوق كلك ذوق تسلمين. "خودهافز": 12 |
وش به الى ماهوب من ديرتنا ما به شي يعيبه وراه نرفضه يمكن يصير احسن لنا الله يكتب الي به الخير ويعلق نصيبنا ولا يقرد لنا نصيب |
أهلين ساره <<يعجبني أسمك كثير<< يعطيك العافيه سلمتي "خودهافز": 12 |
::::::::::::::::: |
مساء النور
لا لا للزواج او التزويج من لاجانب.. وفي الحديث تؤ خذ المراه لنسبها.. يبقي رأيي شخصي جدا.. ولك تحياتي |
مسا ءالخير أهلين وسهلين ومرحبتين بس في حديث "لافرق بين أعجمي ولاعربي الأبالتقوى"أو في مامعناه كما قلتي.....يبقي رأيي شخصي جدا شاكره لك مرورك "خودهافز": 12 |
,,,,,,,,,,,,,,,,,,,,,,,,,,
،،،،،،،،،،،،،،،،،،،،،،،،،،،،رف |
إذا كانت وحده أجنبيه أخلاق فكل أو أغلب بناتنا أخلاااااااااق عااااااالية وترا البيوت إمتلت
عوانس أنا ضد الزواج من الأجنبيات وبقوووووووة عيالهم ياخذون من بناتهم وعيالنا ياخذون من بناتنا وبلا تهجين بلا خرابيط وبعدين إذا راحت البنت تزور خوالها وكل بنات خالاتها ما يلبسون عبايات ويطلعون ببناطيل للشارع وش تتوقعين يسوون؟؟؟؟؟؟؟؟؟ |
والله ياشيخه انا بقولك قصه صاارت
هاذا مره وحنا واقفين عند الاشاره لقينا واحد كاااشخ وحركااات مشخص بس شكله موب صااحي قال ابوي الله يشفيه هاذا ابوه متزوج من وحده اجنبيه يعني ام هاالولد اجنبيه قعدت مع ابوهم اكثر من 20 سنه وبعدين راحت لبلده زياره وطووولت مارجعت يووم رااحوا لها ببلدها لقوها متزوجه وااحد ثاانيه الولد من الصدمه انهبل شفتي وش سوت فيه وهو ولدها انا مااقول انهن كلهن شينات او زينات بس ولو الاغلب شرهن غالب على خيرهن وححده ثانيه فرقت بين الولد وامه والحين مايتكلموون ولو بتكلم ماراح اخلص عذراً على الاطاله مشكوره على الموضوع |
أهلين برمائيه أنا معك بس إن كانت أمه وأبوه مهاجرين من بلدهم وعايشين هناء وتزوجو وجابو عيال وتزوجو من ابناء نفس البلد يعني بس بالورق:021::أجانب مافيها شىء مشكورة "خودهافز" |
اقتباس:
أنا معك ،،،،،،،،،أعرف ناس أجناب كل العائله موجوده في نفس البلد بل القبيله وسألت وحده من بناتهم قلت عمرك زرتي بلدك ؟ تدرين وش كان رده قالت لا إنشا الله هذا بلدي اللي تربيت به وعشت وأهلي وخوالي وعمومتي كلهم موجودين معي أنا هذا قصدي اللي من هناء يعني مب من بره. مشكوره يعطيك العافيه يابنت بريده "خودهافز": 12 |
شوفي عااادي ان الولد يتزوج غير سعودية
خليجية شاميه مصريه يمانية مغربيه لبنانيه او غير عربيه لكن الصعب ان حنا البنت تتزوج غير سعودي |
شكلك موسع الصدر ...........
بنت ديرك هي تاج راسك وام عيالك يالذيب ... |
اقتباس:
السبب ليش أعرف وحدا من فلسطين متزوج بأمراء سعوديه بس أرمله. يعني مب صعب مشكوره علا المرور الطيب ياعدووووووووووووووووووووب "خودهافز": 12 |
المبتسم مشكور علا المرور "خودهافز" |
:d:d
مشكوررررررررررره |
عادي انا قصيميه ورجلي من شقراااا:d:d <<برا الموضوع لآشوفي انا ما أيد الصراحه من برا مهما كان انا عمي ماخذ امريكيه مسويه في المناكح تخيلي مخليته يشري لها بيت كبير بأمريكا وسياره وكل ثلاث شهور تطس هناك مع انها مهيب صغيره لها بنتين معرسات بس عيت تعقل .. وثاني يقرب لي ماخذ مصريه تصرف على اهلها من فلوسه المسيكين تشري جوالات لهم واللي بيعرس منهم تدفع له المهر وتجيب له الطقم وكله من جيب هالشايب المسكين هذا المشكله .. تحياتي::! |
أهلاٍ أهلاٍ يعطيك العافيه علا المرور. "خودهافز" |
انا بالنسبه لي ارفض وبشده
واللي حولي ولله الحمد من الرجال يهمهم النسب <<<شيباااان يعني( بنت فلان المعروف ) |
| الساعة الآن +4: 06:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.