خوي السرور الفارس المغوار .. وكيف هج بي الخيل ( صور بالداخل )
 

السلام عليكم ..

حيا الله القدعان ..

وشلونكم طيبون ؟!

اليوم أبعلمكم عن سالفتي مع هاكـ الخيل الله لايعيدهـ وبالصور ! ;)



***********************

في ذات يوم جميل .. وطيور الدخّل تزقزق في الجوار ..

كانت بريدة في وقت العصر وأنا منجطلن ببيت جدي العزيز >>> أبوك يالروائي ..:103:


وإذ بي على حين غفلة أتفاجئ بالجوال يرن .. ترررررن تررررررن ..
ترررررن تررررررن ..

تررررررن ترررررررن ..

طوريطيط >>> هذا الشحن يبي يقضي :113:

خوي السرور : السلام عليكم >>>> نسأل الله الاخلاص :d

المتصل : وعليكم السلام .. كيف الحال ..

** جزء من المكالمة مفقود **

المتصل : المهم أنا بطلع لعز الخيل اللي بالبصر تخاوين ؟

خوي السرور : طيب أحتريك تمرن >>>> أبوك ياتوفير البنزين ;)

المهم مرن وركبت أنا وأخوي معه .. ورحنا لعز الخيل ..

وعندما وصلنا ..

ركب ابن عمتي ( وكان هو المتصل ) تلك الفرس واسمها ( انتصار ) ..

وأخذ له كم لفة بالميدان .. وكما يقول المثل ( الميدان ياحميدان ) ..

وبعدما انتهى .. جاء دوري ..

فامتطيت صهوتها .. وانطلقت ..

http://up.joreyat.org/25Jul2008/1929488129_1.JPG

وأخذت أدور في الميدان كفراشة جميلة تبحث عن الزهور >>>>
:p

وبينما أنا أركض وأتسكع في الميدان ..

http://up.joreyat.org/25Jul2008/460169831_2.jpg

جاز لي الوضع فأمرت الفرس بأن يسرع بي قليلاً ..


http://up.joreyat.org/25Jul2008/388136431_3.jpg


ثم أسرع بي أكثر :


http://up.joreyat.org/25Jul2008/573826476_4.jpg



وحينها تفاجئت بأن دوري انتهى ويجب علي أن أتوقف ..

فطلبت أن آخذ دورة ثانية فوافق أخوياي >>> راحت اللغة الله يخلف :eek5

ولكن الخيل لم يوافق ..

حيث أنني يوم انطلقت للدورة الثانية توقف في ربع الطريق :confused:

وديور .. :confused:

ياولد كمل طريقك .. وأحاول أن أعيده إلى مساره .. ولكنه رفض وأخذ يرافس :bad


ولكنني سويت نفسي فارس مغوار .. ( خصوصا أن الجمهور ذاك اليوم واجدين ويتفرجون من المدرجات ) ..

وأجبرته على الدوران لكي أكمل دورتي ..

وإذ به يغضب :i121
وينطلق بي إلى أقرب نفود :eek5

وأنا أسحب اللجام .. توقف ياولد ..

ولكنه غاضب .. ورقى بي النفود ..
( طبعا الجمهور متحمسين يبون يشوفون وش نهاية هالمطفوق
:083:

المهم .. يوم رقى بي النفود وشاف أني ماحولت .. ومتشعمط بكل قوتي :077:

وإذ به يديور وينزل من النفود بسرعة :eek5
بصراحة أنا خريت الزيت .. :eek5


ويوم نزل من النفود وشاف أني ماطحت .. راح للمدرجات اللي به الجمهور ..

وأنا أجرجر اللجام أبيه ياقف .. بس أنه طااااااير مادري ..

والله ويرقى بي حدا المدرجات .. وأثر قدامي واحد دبي ويتقهوى .. :d

يوم شاف أني ناحرهـ ومير ينط ويهج من طريقي :070:


المهم الخيل بعد هواش وجرجرهـ رجع للميدان ..

ومير يطير بي وأطيح :eek5

طبعاً الجمهور ماتوا ضحكـ .. وأنا ماوقفت ألا بالسيارة والدموع تملآ عيني الجميلتين ..


توتهـ توتهـ .. خلصت الحنتوتة ..:eek5


** مايستفاد من القصة **

1 ـ يجب أن لاتسرع في القيادة .
2 ـ الرضا بقضاء الله وقدرهـ ..
3 ـ يجب طاعة الخيل مهما أمرك به وإلا فمصيرك المسوط ..
4 ـ علموا أولادكم الرماية والسباحة وركوب الخيل .
5 ـ إذا ركبت الخيل لايصير حولكـ نفود .
6 ـ ستعلم إذا انجلى الغبار .. أفرس تحتك أم حمار .
7 ـ إذا رن التلفون وجيت تبي ترد .. لاتقول ألو .. قل : السلام عليكم .
8 ـ أعقلها وتوكل .
9 ـ الخيل من خيالها .
10 ـ لكي تتعلم يجب أن تحاول .. وبالتأكيد ستفشل ولكن بالنهاية بالتأكيد ستنجح ويشري لك أبوك سيارة لأنك نجحت .

ســـــــــــــادة

ورك ما قلتلي أروح معكم

فقط حجز الرد الثاني وراجع الحين

^
عدنا للرد بعد قراءة الحتوته :eek5

7
7

كلّش إلا خوي السرور يا إنتصار :(

مير هين دواك عندي إذا شفتك << متأكد إنه مهوب شايفه:rolleyes:

تشكر على ما يستفاد من القصة بارك الله فيك << الرد الرسمي للكلام الرسمي ;)

شكراَ لك يا بو سر :p وبإنتظار إبداآآع آخر

..

يقولون وأنا ما أدري أنك هاك الحزه مشيت على رأسك أكثر من أيام عمرك ، صحيح ؟

..

هههههههههههههههههههه

تسيف هو لعب عليك :113:

يا دبشه معروفه هالفرس ذي انه تهج بالعالم ..<===غير متأكد من ذي :113:

خوي السرور تسان ارسلت لي رساله خاصه أدلك على واحد أحسن من ولد عمّك الشين :d

ليتك مكمل أنجطالكـ ..:41

تسذ هج بي بس أخوكـ فارس مغوار ويقود الخيل أحسن غلته من عند رقبته ليمن عقل :S

تسيف هو حرّم أحد يركب عليه ..<=== أستغفر الله :113:

ميّر أنت خلك من الحمار حق المزرعه وجاي ولا عمرك تركب خيول مره ثانيه :d

منتب فيّد خيول وانا اخوك :d

خوي السرور فارس مغوار ولا يهمك قول الحاقدين ..;)


يا حبيل الي يصدقون على طول ..

للمعلوميه ..

عز الخيل تغير أسمه إلى [ مدرسة الملكـ عبدالعزيز لتعليم الخيل ]

:rolleyes:

خوي السرور لي عودهـ إن كان هناكـ مشاغبه من الأعضاء :113:

لي عودهـ مع الفوائد حقاتك :113:

..

ههههههههههههههههههههههههههههه

أجل هاجن بك يالبى ألبك .. :113:
بسم الله عليك ياحلو إنتا .. :eek5

الخيل يبي له رجالن كويس يابو سرّ ! :)

امحق .. :113:

:09:

..

وهـ بـــس ياحبيلكـ أنت وسواليفكـ
والله أنكـ رهيب يارهيب !!!

:41:41:41

اقول ابوسرور الشرههـ مهب عليك الشرههـ على الي خلاك تركب الخيل :090:
انا مادري وش تبي البزعه الي بك:090:<<ادري اني كده :(

اذا مشرفنا هاجتن بوه حنا وش نصير ؟؟؟؟:d

..

يا عياال ترا السالفه له أكثر من شهر يعني لا ترحمونه ابد :d

..

شكلك سمين الخيل مايتحملك
 

ههههههههههههههههههههههههههههههههه تستاهل حقك وماجاك.
وشوله تبزع وأنت مالك خبرة بالخيول!
:d

أبو شباصة :

هلا بيك يابو شباصة .. تصدق اني انبسط لاشفت ردك .. تسيف انا أحبكـ وهـ تسيف تسذا .. هاك الوقت جوالي مابه شحن ولا تسان دقيت عليهم ياخلف عيال اليحيى أنت ..




mr.khaled :


هلا بيك أخي خالد >>>>>>> مهب عاقل مشرف الساحة ..

اجل متأكد أنك منتب شايفن انتصار .. يعني انا أتسذب ..

هذا وأنا حاطن لكم صور .. اجل لوي ماحطيت وش تبي تسوي :eek5

وخر زعلت :d




قاهر الروس :


تم قراءة الرد .. ليتك مامحشته ;)


مليار :


لالا أبدن مامشيت على راسي ولا شي .. قفزت قفزة أسدن هصور وتدربيت تدربي قنفذ وسلمت الحمد لله :024:


راجعين لباقي الحلوين ..

أبوسر وين ماتروح وهاللطمة معك :d ..
مير فك الله عينك اللي ماجاهـ شي :113:

هههههههههههههههههههههههه
هههههههههههههههههههههههه



والله من التنسيم .


اللي ضحكت منه الدب اللي قاعد يتقهوى .


عيفته الجلسة .


ما خليته يضحك عليك .




هههههههههههههههههههههههه
هههههههههههههههههههههههه



تحياتي لكم

لاااا فهمت(ن) غلط :024::024::024:


تصدق رحمت(ن) وخاصت(ن) يوم شفت دموعك :035:


هونت موووب مفهم(ك) قصدي:(


إلا إذا جاوبت على هالسؤاآآل صح :( <<وش عنده :041:


كم نو(ن) بين الأقوآآآاس ؟؟؟ :(

(ن) << ....


إلا زعل الغالي(ن) ياغالي :p


..

http://www.bdr130.net/vb/images/smil.../patch_rir.gif


ما قدرت ارد من الضحك

ALHR :

انت تفاهمت معك أمس الفجر بالخاص .. فقعت راسي يامزعج ياهر يابسهـ ..


عاد تراي خيّال بس الخيل حيوان ومش متربي .. ويقول المثل :

إذا زعل الخيل .. لاتركبه كله >>>> والله ويولف مثل :113:

كل الشكر لمرورك العبق اللبق ياطبق ..




جيدا :

والله يابن الحلال أول مرتن يسوي بي الخيل تسذا .. ولا بالعادة لاجيت أحول تسمع الخيل يئن ويبكي .. همن اربت على كتفه لين يهدئ .. لكن ذا حيوان ومش متربي .. ويمكن هاك اليوم هايجن عليه الوشسمه .. وأنت كيف حالك طيب :re

كل التشكرات يافندم ..



mr.khaled :

موضوع الأيقونات عقب هالموضوع بكيلو .. شكراً لكـ ..


الغلا السامي


قسم يانا استحيت وخددن حموري ..:p

وهـ ياناس شوفوا اللي يعرفون يمدحون مشرفينهم .. مب بس هواش :mad:

وهـ بس ياحبيلك .. وأنت أكتب موضوع وأبشر بالتثبيت ماعقب هالشحط شي :d


للبقية ردود ..

:p:p:p:p:p:p:p:p
محد قدي وخروا عن والله ياأنا منشحـــــــــــــــــــــــــط
:41
:41
تسلملي يالغلا ..

بريداوي للصميم :

:p




الجارح الذابح :

مهيب بزعة .. بس الخيل عصّب وهـ مليت وأنا أشرح ..

عقبال ماتروح معي يابن خالي ويهج بك ونضحك عليك :072:





ALHR :


ياكثرك :mad:



ســـنـــايـــدي :

الله يسلمكـ وداري اني فارس من قبل ماتقول لي :d

تسلم يألبي ..

هلا ابو سر

الحمد لله على السلامة

على اني زعلان عليك قوووووووووة مرة مرة مرة :eek5

لكن

الحمد لله على السلامة

فك الله عينك :098:
لكن أنا تسد سمعت هاك اليوم واحد خبره بالخيول و يقول و العهده على الرواي
إن اللي يهج به الخيل تراو هاجتن به :077:
و علاقة هالمقوله بموضوعنا هو إن ولد عمك هاجتن به اللي وداك للخيول :d
خلك من الدبابات و أنت حادر لا يهج و لا يعض :096:

وش شعورك تجاه الخيل؟؟؟؟؟؟

أظن الجواب:i121 ولا لأ؟؟؟؟؟؟؟؟:d

ههههههههههههههههههههههههههههههههههههههه
سلملي علي عز الخيل كثير السلام وقل يا ليت السواجي ما خلّى عز الخيل
الله يذكرك بالخير يا ابو ابراهيم سلامي لك ولأهل الخبوب من وست فرجينيا الامريكيه .

تعيش وتاكل غيرها ههههه
والحمد الله على السلامة يا أبو سرور :d

بس قهر الدقة في الصور ليست واضحة

شكراً على الموضوع

وننتظر على طرقات المدينة من يوم الإختبارات وأنت ترقبوا ;)

مشكوررررر

الدعساوي608 :

يابن الحلال ماهنا طفاقة .. بس الخيل مهب زين ..

تذكرت سالفة الأمير اللي راكبين معه ناس ويطعس بهم ..

ومير يقلب بهم .. عاد الأمير قال لهم : معليش قلبت بكم ..

قالوا : لا حنا ماتواسينا :d


هلا بيكـ يالدعساوي ..



الصباخ :



:eek5



أسد بريدة :

وش عندهـ ابا قحافة الطراطريّ ..

اقول دن هناكـ >>>> وراي زعل :eek5

ياحبيل ميدكـ تراي أمزح معكـ لاتقعد تزعل ..
:023:



ابو الوليد الخالدي :

اجل تبي صوري وأنا طايح .. ماتبي معهن صورة شجر التوت ؟؟!!

لالا قل تسذب ماصدقناكـ لين تورينا الصورة ..

عموما الله يسامحكـ >>>> علثة واحد بلش :113:


راجع لبقية الحلوين ..

الازرق :


ايه لزوم الشماغ .. حتى يحسون العالم أنك صدزي ..

وأشوى أنكـ ماهوبه :095:





أبــــوعمــــر :
ياهلا أبو عمر .. اللي يشبه القمر ..ليلة 1:113:
تلقى الدب لهالحين يركض من الروعة ..

ايه فكـ الله عينه وياهلا بيكـ ..



مدحت شوقي بريده :


أجل مبطي ودكـ تشوف عصل راكب خيل ..ولو منتب مضبوط يابو ابراهيم :d


وليرعاكـ الرب لمروركـ هنا ..





وحيد الخلان :


ايه هذي سر التميز وأطعم شي لاركبت الخيل تطق لطمة .. تحس أنكـ عباس الفرناس ..


شكرن بيض مسلوق :d



لبقية الردود رجعة ..

المره الثانيه خل عنك الدعدعه






:cool:

بريدة city :


هين هاكـ الدب تلقاوهـ للحين يدعي علي ..


الله يسامحن بس >>>> :113:


ياهلا بيكـ يابريدة ستي ..



الخفاش :


به مقطع فديو لكن الظروف الامنية تقتضي عدم نشرهـ .. ياهلا بيك والله يسلمكـ ..




بوح الحنين :


:eek5





إبراهيم اليوسف :


:p

الله يسلمكـ ..


دريم :


إي والله يازين الدباب لايهجـ بكـ ولا يحزنون .. بس يهجبكـ أحيانن ..
أنت ماشفت هذاكـ اللي صدم السوداني راعي الدبابات ؟!!

ياهلا بيكـ



mhd-22


شعوري هو : :019:



فرجينيا :


وش انت يالسواجي ؟!

ياهلا بك والله الله بالعلم والوشسمه لاتشرب عصير بصل تراوهـ مب زين ..;)



غارق :


لا ماهنا غيرهـ ان شاء الله .. خلاص لاركبت الخيل أبصفقه مع وجهه علشان يهاب منّ ..


أي طرقات مدينة اللي تتكلم عنه :113:




ابومهره :


ياهلا .