إذا رأيتم من أحد أخواتكم (ذات حكمة ورزانة وفهم للواقع )فإجلسوا معها وأخبروها بماتريدون من مواصفات واقعية وليست خيالية ..ولاتخبرون النساء الباقيات بهذا الكلام حتى تجزمون على الفتاة وتتقدمون لأهلها ..

لأن كل شخص له وجهة نظر وليس هناك أحد كامل ..وإذاصاروا في الأمر الواقع لن يتكلمن وهذا مشاهد كثيراً ..

الدكتور فارس نت

عساه دايمن سنيناتك طالعة من الضحك وعسى ايامك كلها فرح وان شاء الله تجي انت ومدحت لعرسي جميع بس أظبطوا الشربكه زين أبدعي عنده إذا شفنا التصوير ;).

اخوي السهل اليماني

صدقت ورب الكعبه الاختيار صعب جدا وشكلك انت مجرب لأنك عارف الدعوه وشلون لكن مايمنع إنك يوم سيرت على موضوعي أنك تدعي لي بأنها تكون ذات دين وخلق ونمررررررررره .


الاخ هايين :

والله انك جبتها هذا الكلام عين الصواب ولا راح يجس الا اللي يدور الحين والا تسد دور .

الاخت حورية بريده

الله يبرد تسبدك قلتي اللي كان بخاطري اللي هو حق قناة العربية لكن المشكله ان امي أخر علمه بالتلفزيون أيام خالتي قماشه وقريباتي قلت لهن إن حصل مثل هيفاء حسين والا عبير أحمد مع أخلاق ونماره كذا أكون أزين واحد بالدنيا .

لكن المشكله بأن قريباتي رافضين شي إسمه دين مع زين مع أخلاق .... وراه يعني كل مطوعات السعودية مابهن ملح مستحييييييييييل . اش العالم هادا :i121


واللي باطن تسبدي أنا انه مالنا الا الحريم ينقل لنا المعلومه . والله واحد من الشباب العزيز قال لي عندي لك وحده تصلح لك قلت هاته قال اختي قلت لي الشرف لكن مانويت أعرس الحين انا ... انا كذبت من الفشيله منه أخاف أشوفه ولا يصير شي همن فشيله أقابله مرتن ثانيه تعرفون المجتمع حساس حبتين .



سامي بريدة :

الله يجزاك خير لكن لاتنسانا من صالح دعاك . وبعدين أيش المانع إذا أجتمعن الثلاث دين وجمال ونماره .


المنتهي 2009 :

هههههههه فسم انك منتهي نعم هذا اللي مهبلن بي ليش مايجتمعن العلم عند الله :confused:.


عزيزي كربة النخلة (شكلك من الطوالع) :

كلامك عين الصواب كل العالم يقولون الكلام هذا لكن اذا جيت تدور والله يا انت بتبلش الكل يهاجمك بمعلومه تناقض الشخص الثاني عن نفس البنت يعني بالعربي أبلش

مع تحيات صديق كربة النخله

هلا بخواش (الصراحه إنه نك نيم:) )

مهوب ياما وياما تشوف الا والله شفت بعيني وسمعت بإذاني , هالحريم ذولن نبي نلقى لهن حل وأنا أبحول موضوعي إلى قضية رأي عام بارك الله فيك

الحر:
ما أقدر اقول لك ما أدري أهتف لك إلا بكلمة

نعم أنت شخصية مستقله:re .
مداخله غالية الثمن لكن أكيد بتكون غاليه مادامه جايتن من سويسرا لا بد أن تكون باهظة (وش رأيك في باهظة).

ونبي هديه طال عمرك طقم ساعات من عندكم :41

أبو أحمد 123456

شكلك عجاز على هالترقيمه يابيي

الموهم ماعليش أنا عندي إعتراض صغينون أد كدا (0) لأنه ذوق أمهاتنا أحس أنه يبي له فرمته شوي أو تنزيل ويندوز جديد لأن الامهات على ما أعتقد أن أغلبهن يهمه أن تكون البنت من اللي يحترمن الكبار ورعيات سواليف بغض النظر عن الحاجات الثانيه (دين , شكل وووو).


صعب المنال والوصال

شكرا على تفاعلك مع هذه القضية لكن أنا عجل شوي ;)وأخوي يقول تركد وواحد من العيال يقول جلست سبعة أشهر أدور ولا حصلت وبالنهاية أخذت أخت رفيقي اللي كان يدور لي فسبحان الله قسمه .

هلا ومرحبا بالغالي الليزر


حلو إنك مريت بالتجربه علشان تحس باللي انا حاسن به , ورأيك مملوح يهبل مثلك لكن أنا عندي مشكله وأعترف به أني دايم أحب أأكد الأكيد يعني رأي واحد أحس نفسي صعبه أخذه ما ادري ليش تسذا شعور غصبن علي متعنقطن بي . وألف شكر على لفيتكم علينا وابداء رأيكم السديد


تركي

خلاص أبسوي لك إضافه ;)


هلا جنتي بسجدتي

تيم والا سفن أب خخخخخخ ياخف دمي :cool:

إلا من هو تيم الحسن ؟ لايصير اللي بنور أو مهند أو حاجتن زي تسذاتا تراي خبوبي بس متطور يعني ماهنا شي يفوتن .

والمسأله يوخيتي ماهيب تشرط ببنتن تهبل لا أنا أبي أهلي يرسون على بنت وحده بس والباتزي علي أنا اللي أبعرس وابشوفه

وبالنسبه لرأيي بالتوقيع ماشاء الله سيقانهم تقل صفة أصابع جالكسي اللي يجن ثنين بجنب بعض بريال والله يحفظهم من العين شعورهم شقر هذا من زود الحلا

ملاحظه أحس أن أحد أهلتس يشتغل بكلية الزراعه
(اسئل عن النبته قبل تاخذ البذره)
(وزنابه=وقنا فيه)
مع السلامة

الأخ w 7

الحقيقة إن ردك شدن من بين أغلب الردود , أحس فيه معنى التوكل على الله في جميع أمورنا
بوركت

الأخت حلوه بطلتي :

وينهن به ذولي , عجزنا وحنا ندور , لكن لا تنسونا من دعواتكم ويارب انه تكون تقدر بس .

الأخ إكسترا

ههههههههههههه

الله يقطع أبليسك أعجبتن نظريتك الثاانيه حسيت أن الغيره عند الحريم واصلة لهالحد .

مداخلتك تدل على ذكائك .

البارم

لحظه شوي خلني
:100::100::100::100::100::100::100::100:

وبعد خلني أكمل

:100::100::100::100::100::100::100::100::100::100: :100::100::100::100::100::100:

تدري وراه لأني كنت حاطن عيني على قريبة لي وجسينا النبض ولا عندهم مانع أبدا لكن رفض واحد من أقاربي عزيز علي وتكنسل الموضوع كله وأصبت بخيبة أمل وجتن ردة فعل سنه كامله سكرت موضوع الزواج وبعدين سويت كذا :081::081::081::081::081: لين طاح اللي بالراس وهذي عدت الكره مرتن ثانية .

الأخت الأمل

صدق رسول الله صلى الله عليه وسلم
وبالنسبه لأختيار المواصفات الناس تختلف أذواقهم والظاهر أنه تبي تصفى على ثلاجة من شمال المملكه ,عجزنا وحنا ندور .


عبدالله الحربي :

عطن خدك أجغفه , يا حبي لك بعد أول مرتن يدعي لي أحد مثل هالدعوه أحس إنه من قلب , وبعدين لا ما أبيهن بليله وحده أبي كل وحدتن بليله علشان مايغارن على بعض ويحسبن بالدقيقه خلها باليوم أحسن:41
وسلم لي على أبو عويند وقل له معك منصور الكره 999

نسيم الريف

إسمك يهبل . وإياك أخي .

الأخ قرنفل (تذكر العلك بالقرنفل والله ياهوغبار)

كلامك جميل جدا , ولا غبار عليه لكن الخوف إن بعض العوايل جفر على قولة اللشيبان يعني الابو والام والاخوان تمام والبنت ما تدري من طالعتن عليه

تشكر حبيبي

المتعكرم

وإياك ياخلفهم , قل أمين عسى اللي أصابن مايصيبك .


الأخت نونا

صدقتي يوخيتي لكن أنا قلت بأحد الردود إني مفتسر بالعرس من مبطي لكن ماكتبه الله ويمكن أنه خيره , وأهلي مشكلتهم ثلووووووووووووج يعني الواحد أكود تاقف على راسه علشان يمشي صح .

ومثل ماقلتي أنا لقيت بنات لكن المشكله أن أغلبهن عاريات ما أدري أهلي رايحن لناس علشان أيقالهم خاطبين لولدهم من طبقه والا صدفه ما أدري ترى بعض الحريم تنسيم يعتقدن أنهن كل ما أنسلخن منن الحياء والعفة والحشمه صارن برستيج ومتطورات .

شكرا أخيه