|
مطعم عرفه والتسمم
السلام عليكم يااخوان وياخوات سمعنا وقرينا وشفنا عن مطعم عـــــــــــــرفة هالمطعم اللي تقل منزل من السماء من كثر مايهثرون الناس به ونجي قبل البارح اللي هو يوم الأربعاء ونطلب عشانا منك ياعرفة مأأصبحنا إلأ البيت كله ماغص واستفراغ الله يكرمكم واسهال رحنا للمستشفى طلع تسمم من هالمطعم وبنفس المستشفى دخل واحد ماغص شديد يتلوا منه وسألوا عن أكله قال متعشي من مطعم عرفه البارح هالمطعم شاف الناس تمدحه وعليه طلب قال يالله بس اي شيء مهب السوق والأكل ماشي لا يهم نظافته أو نظافة العمال !! يعني الصراحه وش ترجي من هالمطعم يام طلع منه حالة تسمم |
مشكلة والله
على كذا ناكل من بيتنا احسن |
الله يكفينا والمسلمين شره:i121
|
طيب انا كل يوم اكل منه وماجاني شي:confused:
|
ماضر مطعم الكوخ تسمم ورجعو العالم تاكل منه
غريب امر الناس |
الله يجزاك خير ,,, الحمدلله مارحت له ( الله يحمانا وإياكم ) !! بس عاااااد تصدق !! والله إذا شفت إعلانهم بالمنتدى هنا "فوق" ( والله سعابيلك اتقاطر لصرت جوعان:059:) |
في نفس اليوم المذكور [ الأربعاء ] تعشيت منه ولم أرى إلا العافية :) ... |
الله يا اخوان كأننا ليس لدينا بيوت .......مافيه افضل من طعام البيت ......قاطعوا المطااااااعم وللأبد
|
الله يستر بس من اكل المطاعم :bad |
اقتباس:
كيف الحال |
ياخي انت ماتمل من اكل البيت
والا كل هذا بخل.....؟؟ |
شكرا لجميع الأخوة الذين ردو في الموضوع |
اقتباس:
الحمدلله اللي ستر عليك وحماك من التسمم |
اقتباس:
وسعابيلك إذا تقاطرت حطهن بمطبخكم وكل مالذى وطاب وانظف وآآمن لك |
اقتباس:
عقبال ماتبشرنا انك أكلت من مطعم وتسممت علشان نقول آمرك غريب ياهذا |
اقتباس:
أنا ماادري من تقصد !!؟؟:09::09: وانت ماتمل من أكل المطعم ؟ وأبشرك ترى البيوت تطورت وصارت أحسن من هالمطاعم عندهم تفنن بالطبخ وحركات أزين وأنظف من هالمطاعم:074::074: |
اقتباس:
هيــــــــــــــــــه أنت وياة !! وش فيها يالمثقف !! بالله عليك لاحظ نفسك لصرت جوعاااااااااااااان مرررررة وأخذت "ساندوتشة كباب" وجيت تفتحه وحصل لك تأخير لسبب معين عن " قضمها" فإنك لامحااالة ستجد ( [BLINK]لعابك >>>> عشانك مطور قلته [/BLINK]) ستجده قد ملأ فمك من سطوة الجوع , ولذة الأكل !!! جرب وشكرا لتعاونك معنا ,,, |
اقتباس:
محل ما يسري يمري << كذا هي هههههههههههههه ترى بعض الاشخاص يكرهون عشان كذا تشوف لمن ياكلو من مطعم يصير معهم كد.. انا اشوف صاحب ليا يكره كثير ولمن نتعشى من برئ يجيه هو مغص.. واحنا مايجينا شي ع قولة اخوي المسفل ماجاني الا العافيه .. |
صدقت والله .قسم بالله حصل لي مرض يوم شريت منه حسبي الله ونعم الوكيل على البلدية النائمة |
اقتباس:
|
السراحه انكم غريبين يوم يفتح وانتم رافعينه :confused:بالسماء وكاتبين عنه عنوان بالمنتدى ( بشرى ساره) فتح مطعم عرفه وشف الفرق اللحين سب وذم والله يستر من الجاي احترنا فيكم يالبشر
|
أتمنى أن تحترم هذا المدينة التي تُمثل [ أصلك ]
حينما ترمي جُزافًا على أهل مدينة بأكملها لا يمكن أن .. نسكت ! المراقب العام أبومحمد |
يازين طبخ البيت :41
احسن من المطاعم :42 |
بالنسبة للمطعم كما ذكر بعض الأخوان بعض الناس ما يتقبلون أي وجبه ولذلك يحدث عندهم ردة فعل لعدم تقبل المعده لنوع الطعام ولا أعتقد أنه تسمم :)
شكراً لكم وتقبلوا تحياتي |
الله يكفينا من اكل المطاعم
|
يشهد الله علي يوم الدين اني اكلت من هالمطعم ووالله العظيم اني تعبت تعب الله يعلم فيه اوجاع ومغص وتعب حتى من اكل معي حصل له نفس الحاله وكلما مررنا بهذا بقرب هذا المطعم توقعت ان يتم اغلاقه فهو ليس فيه جديد فهو مثل فلافل الاربعين ولكنه اسوء منه من حيث النظافه
|
بصــــــــــــراحه مطعم عـــــــــــرفه كذا
مررررررررررره أكلت منه ولا صار شي مع احترامي لكل المطاعم ببريده لم اجد مطعم ممتاز بشكل كبير |
ما يصلح هوااش علشان مطعم ..:oo
|
عندي اقترااااااااااااح لحل المشكلة !! وهي طال عمركم إن أخونا "عذووووب "يباشرمن مطعم عرفة" على الأخوة المتخالفين على وجود " المغص " من عدمه !! ثم ينتظرون قرابة ساعتين >>>> عاااااد يدورون لهم " ثيل " يجلسون فيه !! ( ثم يتبين لكم العلم الصحيح) وغير كذاااا لاتكثروووووووووون الهرج والهواااش :071: |
بعد اذن الجميع
اسمحوا لي ان اقول ان مطعم عرفه مافيه شيء ! وجميل جداً ان الموضوع نزل في وقته لان الاسبوعين هذي كله العالم بهم فيروس من الجو عيال عماني وخوالي كللهم تسذا وكل واحد من مطعم والي من البيت اعتذر لكاتب الموضوع ولباقي الاعضاء واتوقع الحين يجين واحد يقول لي ايه يقرب لك صاحب المطعم ولا شيء تراي ما اعرف صاحب المطعم ولا عمري قربت لم المطعم |
اقتباس:
فكرة حلو ماشاء الله عليك رجا صنافي بك شيمة الكرم بالمشمش ههههههه أقول به واحد امس ماكل من عرفه وعلى طول جاه ماغص واهلي الأربعاء والوعد رفع شكوى للبلدية |
أقول انتبه لا يسكرونه اليوم !! |
اقتباس:
منسم أنت يانجوم الضحى |
" " " اللحين يوم انك تكتب الموضوع تبي تعلم الأعضاء عن انه وصـــخ .. ولا تبي المطعم يسكر ,, انا اكلت مره من مطعم المواني اللي قبال الأستاذ الرياضي .. وتسممت بأيم الإختبارات ولا صار شي للمطعم ,,,مع اني بلغت للبلدية واعرف واحد يشتغل .. ك الناس تبي تااكل منه . ومع ذالك مافيش فـــايدة " " " |
بسم الله الرحمن الرحيم
والصلاة والسلام على أشرف الأنبياء والمرسلين أتمنى من كاتب الموضوع أن يرجع الى قوله تعالى :( قل أعوذ برب الفلق @ من شر ماخلق @ ومن شر غاسقٍ إذا وقب @ ومن شر النفاثات فى العقد @((((((((( ومن شر حاسدٍ إذا حســــــــــــــــــــــد ))))))))) ) >> هل عندك أدله على ذلك وهل ماتقول صحيح << اذا كنت تقول ان المطعم هو من تسبب بالتسمم وليس عندك مايثبت ذلك ولتنسى يمكن أنت من تسبب بالتسمم فالوجبات الخفيفه اذا لم تؤكل اثناء تقديمها وأخرت لساعات ثم اوكلت تكون سبب بالتسمم اما اذا كنت تقصد الأساءة للمطعم بدون سبب مقنع فذلك ظلم وحسد والحســــــــــد نسأل الله العفو والعافيه كثير بالبشر والكثير منا يجهل مايسببه الحسد من عقاب بالدنيا قبل الاخره أنصــــــــــــــــــــــــــــــــح الكاتب بعدم التسرع بالكتابه وأنصح الجميع بالبعد عن الحســــــــــــد فالرزق من عند الله يرزق من يشاء وإذا رأينا شخص فتح له باب رزق ندعوا الله له بالتوفيق وعندما نرى شيء يعجبنا يجب علينا ذكر الله (((((((((( مآشآء الله ))))))))) علماً بأن مطعم الكوخ عندما حصل التسمم ولكن التسمم حصل لأعداد تجاوزت الـــــ 25 شخص وأغلق المطعم لمدة تجاوزت ؟؟؟؟؟؟؟؟ حتى اخذت الاجراءات اللازمه بحق المطعم ولكن التسمم اللي حصل لك انت وواحد واللي ارتادوا المطعم بتلك الليله ماحصل لهم شيء آخي العزيز >>>>>>>>>>>>>>>> تقبل مروري |
انا شخصيا اكلت اكثر من ثلاث مرات من مطعم عرفه ولقيته رائع جدا وماجاني مغص ولا خربطه
|
اقتباس:
أولأ أنا أُخيتكم ولستوا اخيكم أنا ( ابنة حواء) ثاني مااقول إلا الله لايسامحكم اللي بعضكم اتهمتموني بالحسد وعلى ايش احسده ؟؟ هالمطعم لو اني أبحسده كان من الأصل ماطلبنا منه ولا فكرنا فيه لأن صيته معروف بالرياض فأنا مااقول لصاحب هذا المطعم إلا الله يزيدك من فضله ويغنيك عنا لأنه ياخوان مهب اميمتكم إخوتكم او خواتكم اللي جايهم هالماغص مير يقولون اللي رجله بالماء مو مثل اللي رجله بالنار الله لايحللكم الله لا يحللكم اللي اتهمتموني بالغيرة والحسد أثري تفكيركم مهب بعيد عن تفكير بعض هالحريم الناقصات وعلى طول تلبسونهم ثياب التهمه هذا ردي فقط عليكم |
التسمم شي وارد في جميع المطاعم
وخصوصا في ظل رقابة ضعيفه وعدم خوف من البلدية كما ذكرالأخوان مطاعم أغلقت ثم أعادت نشاطهاوزاد الإقبال عليها وعلينا أن نعرف أن أكثر عمالة المطاعم من أتراك أوسوريين أو بنقال أوغيرهم لا يكنون لنا إلا الحقد فماذا نتوقع منهم هل نتوقع غسل الخضرة ومكونات الطبخ غسلا جيدا وبأمانه طبعا لا هل نتوقع غسل أواني الطبخ بأمانه طبعا لا هل نتوقع أن العامل نفسه نظيف البدن ومهتما بذلك طبعا لا والدليل روائحهم الكريهه من عرق وغيره هذا غير أن المطعم لايشتري من الاغراض والخضار إلا أردأه وأقله ثمنا طمعا في المربح الوفير فالتسسم شي طبيعي في ظل المعطيات السابقة وليس في كل مرة تسلم الجرة وفق الله الجميع لكل خير |
بشر عساهم قفلوه ؟؟؟؟؟؟؟؟؟؟
|
البحث عن الأسباب والحلول
السلام عليكم ورحمة الله وبركاته
الأخت عذوب والأعضاء الكرام بعد التحيه وددت أن ألفت أنتباه الجميع إلى عدة أمور منها أن أحد أخوتي يدير مطعماً في نفس المنطقه والبلديه بارك الله فيهم لم يفتروا عن المرور عليهم بل يشكو أخي من كثرة مرورهم التي تصل إلى بعض الأحين إلى شبه اليومي .. أيضاً هناك مشكله عند بعض الأشخاص من البقوليات فمنهم من تسبب لهم آلام في المعده ومنهم من تظهر على وجهه بثور " حبوب " وذلك له تأثير لعلك تبحث عن موضوع فصائل الدم والممنوع .. لعلك تجد ما يفيدك فربما كانت فصيلة دمكم لا تقبل البقوليات مثل أحد أقربائي الذي لم يكتشف السبب إلا مؤخراً والذي يصيبه مغص شديد وإعياء بعد أكل الحمص أو الفلافل وغيرها .. كذلك أنا من رواد فلافل عرفه ولم أشكو منه يوماً ولله الحمد ومن المنظر العام للمطعم يتبين لنا أن العمال مظهرهم لائق صحياً ويلبسون أغطية اليدين والرأس وغيرها حتى أنني في أحد المرات أتيت بعد صلاة المغرب مباشرة فتأخرت حتى أتو بلأطباق التي لم تكن موجوده على الأرفف سابقاً وكانت ممتلئه وتغليفها جديد .. أعذروني على الإطالة ولكنني أحببت أن أبين وجهة نظري تجاه الموضوع وأتمنى لكم دوام الصحه والعافية ..:d : 12 |
كل المطاعم اللحين الله يستر منهم بس
|
إذا كان كلامك صحيح لماذا البلدية لم تفعل شي مع المحل؟
|
ليش البلدية لا حس ولاخبر؟:41
|
سلامتكم
|
8888
حل مناسب للمشكلة |
انا رأي من راي السرب وهي وجود حساسية عند بعض الناس مع بعض الاصناف
مثل من عنده حساسيه من البيض لو اكل من اي مطعم بالعالم راح يواجه متاعب حتى لو كان الاكل من البيت ايضاً لنفكر قليلا بعقولنا بدل ارجلنا ونتصل على 940 ولا ما تعرفون بعد 940 !! |
السلام عليكم:
تبون كربة النخلة يختصر الموضوع عليكم: أبشرررررررررررررررررووووووا : لا عـــــــــــــــــــــــــــــــــــرفــــــــــــ ـــــــــــــــــة إلا عــــــــــــــــــــــرفــــــــــــــة الريـــــــــاض فــقـــــط وخلوا عـنــــــــــــــــــــكم كثر الهرج تسمم ما تسمم، تبون فــــلافـــــل تعالوا لفلافل عرفة بالرياض وماتشوفون إلا العافية. مع تحيات: كربة النخلة. والسلام خير ختام. |
^^
شكلك كربه صدق حنا في بريدة داخلين منتدى بريدة نكتب من بريدة ننتسسم وحنا في بريدة وندخل التخصصي الي في بريدة والمحل في بريدة نبي فلافل وحنا في بريدة << في ايش |
الله يستر علينا تونا اكلين منه وان جانا شي ياوييييييله :i121:i121
بس لا فلافل الا فلافل عرفة الرياض |
اقتباس:
ياحبيلك بعد يالصـ |
السلام عليكم:
حيا الله أخوي العضو( الأورتكواي) أشكرك على المدح الله يسلمك، أحب أقول لك ياحبيبي أنا من بريدة ومع ذلك أقول لـــ ( مذاق فلافل عرفة) استريحوا ما فيه مثل طعم فلافل عرفة الرياض، والأورتكواي الله لا يهينك لا تكثر الهرج. مع تحيات: كربة النخلة. والسلام خير ختام. |
صدق:i125
امنه كل مااكل منه يوجعن بطني من بكرة اخر شي قطعته مرررة واحدة واللحين ارتحت:107: |
اقتباس:
.. أصلاً عرفة اللي بالرياض هو اللي هنا .. المرة الثانية انتبه:i121 |
اقتباس:
وش قالوا .. قالوا تسمم . |
السلام عليكم:
نجوم القايلة طيب ما قلنا شيء عرفة اللي بالرياض هو عرفة اللي ببريدة ولا تزعل، ومثل ما قلت لأخوي العضو ( الأورتكواي) أقول لك نفس الكلام لا عرفة إلا عرفة الرياض ( طعم عرفة الرياض أطعم ولا الفرق شوي والنظافة أنظف ولنا أكثر من عشرين سنة وحنا ناكل منه والحمد لله ما شفنا إلا العافية). عزيزي نجوم القايلة ما فيه مجال للمقارنة. ومثل ما قلت لأخوي العضو( الأورتكواي) أقول لك أنت بعد يــــ( نجوم القايلة) الله لا يهينك لا تكثر الهرج. وبارك الله فيك. مع تحيات: كربة النخلة. والسلام خير ختام. |
لا أنت اللي لا تكثر الهرج وشلون الطعم يختلف وهو نف المطعم .. ونفس العمالة .. ونفس الخلطة .. معليش لا بد من الإعتراف .. الإعتراف بالحق فضيلة .. |
السلام عليكم:
عزيزي نجوم القايلة نعم الطعم يختلف وأرجوا إن كانك ما جربت عرفة اللي بالرياض تجربه وتشوف الفرق، وما عليش يا عزيزي أول ما فتح ( عرفة) فتح بالرياض، تعال جرب عرفة اللي بالرياض وعازمك على حسابي تبي بحمص وإلا بدون أرسل لنا رسالة وأبشر بسعدك. يا حليلك. مع تحيات: كربة النخلة. والسلام خير ختام. |
أقول كل عمري وأنا بالرياض ومليت منه .. والحين ببريدة .. ونفس الطعم .. اعترف !! مافيها شيء |
السلام عليكم:
نجوم القايلة أختصر الكلام لا عرفة إلا عرفة الرياض. مع تحيات: كربة النخلة. والسلام خير ختام. |
المطاعم كلها ما فيها خير ..
شغل البيت انظف ,, |
السلام عليكم :
يا كربه انا ما كلمتك الا لأني رابط بطني بكربه عساك تطوف بعرفة وتسعى بمنى بطني به جن يدورون الحين واحوالي ما تسر لا عدو ولا سديق مير الله يحفظك انت لا تكثر بربرتك وخويي نجوم القايلة انت مواجر تمدح المطعم ؟ ما تكلمنا الا يوم شفناك بحزه الظهر وعيوننا صار فيها دواوير حمر والمشية تغيرت الناس تسافر وتروح وانا طاق وتد عند الباثروم الله يكرمك والقارئين والمستمعين والمشاهدين برب الكوويت |
لا حول ولا قوه إلا بالله العلي العظيم 0.0.0 تصدقوووو ياااحبااايبي إنوووه صاااار مداهمه في مدينه الجبيل الصناعيه ع مووقع تحضير عصاااائر طبيعيه << يخسوون يكوون طبيعيه >>> هذا محل العصاااائر معررررررررروف ومشهوووور بشكل فضيع بس إنكشف وبالاخير تعرررفوو إيش صاااار بالمحل 0.0 أكيد كلكم تقوووولوو غرامه ولا تتعودها مره أخرى لا 0.0. سٍحب الترخيص منه وإغلاق المحل مع التغريم حتى كتابتي هذه المحل معلق عليه لافته من قبل إداره الأملاك في الهيئه الملكيه في الجبيل الصناعيه مووضح بها تم الإغلاق بس ووجووود تسمم وتخزين سيء وإخلال بالموواصفاات للعصائر 0.00 .0.0 والأدهى من ذلك إن المحل له فرررروع في الريااض ولا تقفلت ؟؟؟ حااااجه غرريبه 0.0.0 ولماااذا لاتطبق وزاره البلديااات مثل هذه الانظمه ونسيان قررارر غرررامه وأخر مره لك لا تتعودها مره أخرى 0.0.0 وسمعنا من امانه مدينه الرياااض انهاا بصدد تطبيق مثل هذا النظااام في حاله وجوود تسمم وذلك بووضع لافته ع المحل وتووضيح سبب الاغلاق مهماااا كاااانت ... نتمى ذلك يحث لكي تحذو حذوها الاماااناات الاخرى بالمناااطق الأخرى >>>>> محلات فرغلي للعصائر <<<<< إيه هين عصاااائر |
محد ضربك وقال تعش من المطاعم
تعش في بيتكم الله يخليك لأهلك المطاعم كله مطاريس |
السلام عليكم:
أخوي الأورتكواي الطواف الله لايهينك يكون حول الكعبة، والسعي يكون بين الصفا والمروة، أما المبيت فيكون في مزدلفة وعرفة، يا كربه انا ما كلمتك الا لأني رابط بطني بكربه <<<<<<<<<<< ههههههههههههههههههه. بطني به جن يدورون الحين<<<<<< بسم الله عليك<<<<< أعوذ بكلمات الله التامات من شر ماخلق. واحوالي ما تسر لا عدو ولا صديق<<<<<< الله يشفيك ويعافيك من كل شر ويرزقك، اللهم آمين. مير الله يحفظك انت لا تكثر بربرتك<<<<<<< أنت اللي لا يكثر قرقك الله لايهينك، والصمت أخير لك. الله يشفيك ويعافيك من كل شر اللهم آمين ويزوجك بكرٍ تسر عينك وتسعد قلبك يارب. مع تحيات: كربة النخلة. والسلام خير ختام. |
أقول يا كربة أنت على اسمك .. كربة .. ما تقتنع .. وأنت يا صاحب الاسم الصعب!!!:rolleyes: الأورتكواي يالله نطقتهـ.. ماني مواجر بس هذي الحقيقة .. وأنا أخوكـ .. الله يحفظكم .. خلاااااااااااااااااااااااااااااااااااص الموضووووووووووووووووووووووووع يقفل خلاص يكفي هواش بليا فائدة |
السلام عليكم:
حيا الله نجوم القايلة الله يسلمك أشكرك على المدح يا شيخ ما قصرت امدحن تكفى دايم، وبعدين أنت اللي طولته وكل واحد له وجهة نظر وأنا في أول رد لي على الموضوع قلت: لا عرفة إلا عرفة الرياض، صح وإلا لا، وجيت أنت وقلت لا كلهن سوا نفس الخلطة ونفس العمالة وما أدري أيش، إذاً أنا وأنت اختلفنا في وجهة النظر فأنت تقول كلهم بالطعم سوا وأنا أقول عرفة الرياض أفضل،على ذلك ذوقي وذوقك اختلفا إذاً ليس لك الحق أن تجبرني على رأيك، وأنا كذلك ليس لي الحق أن أجبرك على رأيي، ليس القصد من الحوار الذي درا بيني وبينك أن أكون عنيداً لا، فأنا مهما أصريت على رأيي ومهما أنت أصريت على رأيك هذا لا يسمى عناداً وإنما هو إبداءٌ للرأي فيمكن أن تقبل رأيي أو ترده، وأنا كذلك إما الموافقة وإما أن اختلف معك في رأيك والاختلاف في الرأي لا يفسد للود قضية، أرجوا أخي وعزيزي نجوم القايلة أن تكون الفكرة اتضحت لديك وأرجوا ألا يكون بخاطرك اتجاهي شيئاً، وهذا المنتدى وضع للنقاش. بورك فيك،وجوزيت خيراً وزوجت بكراً. مع تحيات: كربة النخلة. والسلام خير ختام. |
يابعدي كل حياتي نقاش أنا .. تبين أزعل .. تصدق اني استانس عليك .. لأنك صاحب نقاش وجدال .. وأنا أحب ذلك.. تكفى كمل .. أنت عنيد ههه صحيح الإختلاف في الرأي لا يفسد في الود قضية .. أزين شيء قريته منك ههه |
والله عاادي انا اذا تعشيت من مطعم اكره كل يومي من الماغص والي معي متعشيين مابهم الا العااافيه البطوون تختلف من شخص لاخر كل وااحد على حسب معدته تتقبل او لا |
السلام عليكم:
مرحباً بك أخي نجوم القايلة فأنا أرحب بالنقاش مهما طال لابأس الأهم أن يكون نقاش ذو فائدة. ليس لدي ما أقوله ( نشف ريسي= ريقي هههههههه). هلا والله بك وغلا أخي نجوم القايلة، ويسعدني التواصل معك فلا تبخل بذلك. اسأل الله لك التوفيق في الدارين اللهم آمين. مع تحيات: كربة النخلة. والسلام خير ختام. |
وأنا تراني مستعد .. والله يعينك .. بس أهم شيء لازم تعترف بانك مخطي:( |
مشكوووووووووور
|
السلام عليكم:
نجوم القايلة إن كنت أنا غلطان فأنا أبقول لك آسف، أما إن كانت المسألة مسألة عرض رأي فهذا شيء آخر. مع تحيات: كربة النخلة. والسلام خير ختام. |
الصراحه أحس بعض الأعضاء دلوخ مايعرفون يردون وأنا وش أقصد ياناس مو واحد اللي جاهـ ماغص والباقي أكلوا ولا جاهم إلا العافيه كان اقول صح يمكن ماتعود لكن كل البيت وبشهادة المستشفى فالأهل قالوا نجرب مطعم مزدلفة:d:d قصدي عرفه وطلبوا منه البيت كله كله جاهم ماغص:eek5:eek5 إلا اللي أصلا مااكل أمثال حضرتي الحمدلله والشكر واللي يقول مصرانكم به شيء لا الحمدلله سليمات تحسبنا مثلك هالتعبنات بسبة هاللف وهالأكل واللي يقول أحد يناسب له وأحد مايناسب له الأكل لا ياغالي فلافل وبيض وباذنجان هذا بالبيت متعودين عليه وين يااخي وش حنا اكلين وتقول ماتعودتوا اشدعوا له اكل صيني ّ!! وإلا كنت من عداد أهلي المتسممين وعقبالكم إن شاء الله يااهل الطناز بالماغص تقبلوا خالص دعواتي لكم بالماغص والتسمم:d:d:d |
واللي اكل منه البـــــــــارح وش يسوي والله تقل احس بمعغص الحين ياللي كتبت الموضوع وشوله تعلمنا الحين بديت اوسوس. |
كربة النخله الطعم نفس الطعم الرياض ولا بريده المطعم واحــــــــد >> يدور الشر .هههههه |
السلام عليكم:
قــــــــــــــــــــــــال الشـــاعر: يخاطبني السفيه بكل قبح .... فأكره أن أكون له مجيبا يزيد سفاهة وأزيد حلماً .... كعود زاده الإحراق طيبا مع تحيات: كربة النخلة. والسلام خير ختام. |
مصداقاً لكلامك :
في صبيحة يوم الاربعاء .. تسمم أحد أصدقائي من هذا المطعم المذكور .. !!! |
يمكن يكون في نفس الليله التي اكل اهلك فيها وجد تسمم في (السلطه) لأنها هي الأسرع للتسمم في اي مطعم كان. ولكن يبقى المطعم كما هو اكله لذيذ , وعليــه اقبال من الناس ماشاء الله . ولكن من ناحية نظافة المطعم فهي معقوله نوعاً ما. |
اقتباس:
وشهد شاهدا من اهله |
اخوي HaynBs يا حبي لك ما رحت للمطاعم حبن بهم
انا اتعشى في بيتنا حتى لو امي طابخه ماكرونه بالطماط بس اهلي مسافرين والبيت خلي اخيرا اشار علي صديقي اني اتعشى كبسة توست بالجبن السايل سهله التحضير وغنية بالفوتامينات خلاص الحين اهلي رجعو من السفر اذا بتقفلون الموضوع ما في مشاكل وابشركم بطني انضبط والجن طلعوووو او او او |
اقتباس:
حسا ايش ؟ حساسيه ايوه كذا تنطق حسااااسيه يا ابو بيدجانه انت مو سالفة متعودين ومو متعودين شكلك كل يوم تفطر مصقعه بالباشمل |
السلام عليكم:
حيا الله الأورتكواي الحمد لله على السلامة ما تشوف شر يا بعدهم دوووووووووم يارب بعافية. انا اتعشى في بيتنا حتى لو امي طابخه ماكرونه بالطماط <<<<< ماشاء الله عليه كب له يأكل!!!!!. مع تحيات: كربة النخلة. والسلام خير ختام. |
وعليكم السلام:
كربه مالقيت مشاركه ترد عليها خخخخخخخ ؟ مع تحيات: اصعب اسم. والسلام خير ختام. |
اقتباس:
يخاطبني السفيه بكل قبح .... فآسف أن أكون له مجيبا يزيد سفاهة وأزيد حلماً .... كعود زاده الإحراق طيبا |
الحمدلله اأن الله ستر عليك وحماك من ها التسمم
يارب فنا من هذه الأمراض قولو أمينن |
طيب يوم صار بالمطعم تسمم ليش ما اشتكيت ...
|
مطعم عرفه اللي بالرياض اسمه ( عرفه ) وهذا اسمه .... عرفه تجد كلمة نسيتها الآن فوق كلمة عرفه في اللوحة عرفة ،فرع الرياض ما عندهم خبز صاج وهذا عندهم ( لعلها قرينة على إنه غير ) ( سألت عمال مطعم عرفة الرياض هل لكم فرع في غير الرياض قال لا ) قرينة أخرى، أذكر أنهم كتبوا على باب المحل في الرياض لا يوجد لنا فروع أخرى ولم يذكروا فرع القصيم بريدة
|
السلام عليكم:
بريداوي للصميم ( على ما أظن أن البيت ورد بالروايتين فآسف* فأكره) وأشكرك على التنبيه وبارك الله فيك، مايهمني هو القصد من البيت. أبو ياسر الخالدي: علم بعض ناس مثل ( نجوم القايلة). الأورتكواي: حياك الله، ( مع تحيات: الاسم الصعب، والسلام خير ختام، لو سمحت لا تقلد حقوق الطبع محفوظة). مع تحيات: كربة النخلة. والسلام خير ختام. |
الله يكفينا شرهـ ..!
|
والله احترنا معاكم كل يوم طالع واحد يقول تسمممم في مطعم والاخر ينفي الكلام وكذلك صور لبعض الصوارير بالمطاعم وارى من الافضل عرض تقرير المستشفى مذكور فيه سبب التسمم وليس كلامي فيه اي شك او تكذيب للخبر- لكي يحكم الشخص من دلائل على الخبر -وحسب معلوماتي ان المستشفى اذا وصلتهم حالة شخص متسمم من احد المطاعم يقومون على الفور بإبلاغ البلدية لعمل اللازم بحق المطعم !!!!!!!!!!!!
|
؟؟ كربة النخلة .. أنت سوسة .. والا الموضوع انتهى وشوله تبتل تعسد الكلام وتكرره .. مالقيت الا تكثر مشاركاتك الا هنا؟ الموضوع انتهى .. لا أحد يرد |
ما به ازين من العيشه الى تاكلها في بيتك
|
كربة النخلة << احد اعراض التسمم في المنتدى
مـع تحيــات الاسم الصعب والســــــــلام ختــــــام غيرنا عشان الحقوق |
بسم الله الرحمن الرحيم أستغرب من بعض الناس يااخوان اتقوا الله واعدلوا....الله سبحانه وتعالى امرنا بالعدل مع الاعداء(وأقسطوا ان الله يحب المقسطين) وناس الآن تكتب لأهواء في انفسهم ,, فلن يستطيعوا الانصاف والحالة هذه.. انا في الحقيقة مابغيت أرد على الموضوع حتى ذهبت ولأول مرة (أمس)وتعشيت من المطعم واول مرة أتذوقه كله علشان أتكلم بالموضوع طبعا طلبت 2فلافل لاني ماتغديت وحدة للغداء وحدة للعشاء أكلتهن بسلام وبالعافية والحمد لله... يجيك الواحد ويكتب تسمم... أصلا من كثر الي ابطنه مايدري من أين أتى التسمم .. فشارات وكوكاوات ومااردي ايشات... واذا امغصه بطنه قال تسمم . . عطى عدوك السم :dقل آمين... ياخي التسمم انك تذهب للاسعاف وتقعد نص يوم اقل شيء والمغذيات رايحه جايه .. الجهل بالتسمم .. خلا المغص تسمم من الفشكار والكاكات وكل ماآخره تاءات.. (اتقوا ربكم فانكم مسؤولون عن اقلامكم )ماجازلك المطعم ياخي فيه 1000مطعم اما انك تكافح وتنافح وتنافخ ضده من غير ماسبب فان هذا مثل البيع على بيع أخيك اذ انك صرفت الناس عن هذا المطعم وهو في نياتهم الشراء وأذهبتهم إلى مطاعم أخرى!!!! بالافتراءات والدعاوى الكاذبات.. أقولكم وأكاد أن أقسم إلى أن مطعم عرفة هو أنظف مطعم فلافل في بريدة أو ليس هذا انصاف انا دخلته أمس العمال لابسين مداسيس .. اما المطاعم الاخرى بدون ذكر أسماء فالعامل يلبس بيد واحدة والاخرى يتعاون به وهي مكشوفة ... والمكشوفة اليد اليسرى ... وبدون تعليق!!:cool: الصحون نظيفة ومغطاة بكيس شفاف... الطعم\ لاباس به لولا ان البطاطس لو يكثرونه بالصبة .. الله يصب على الكفار العذاب... وبعض الناس اقاله بهيئة التحقيق ... يقول ان مطعم عرفة الي بالرياض غير عن هذا وذاكر أدلة تخمينية من راسه بدون توثيق وصحة ألا يتقي ربه ويتوب ... فرضا انه مهب فرع عن حق الرياض يمكن يصير أزين من حق الرياض لو فرضنا لك ان الي ببريدة فاتح قبل كان تذهب الى الناس وتقول ان الي بالرياض مهب فرع لبريدة لاتشرون منه!!!!!!!!!!!!عجبا من بعض الشخصيات حبه للتحريث والتفتيش .... مع اني متأكد إنه فرع عن حق الرياض على دليل قوي بهذا... أخيرا / أقول للناس جرب وأنت الحكم ولا يضيرك المرجفون والمخذلون والمخوفون والحانقون .. |
السلام عليكم:
نجوم القايلة: كربة النخلة .. أنت سوسة .. والا الموضوع انتهى وشوله تبتل تعسد الكلام وتكرره .. مالقيت الا تكثر مشاركاتك الا هنا؟<<<<<<<<<<<<<<<<< الله يسامحك. الأورتكواي: وشلون أنا أحد أعضاء المنتدى المتسممين<<<<< أكلت من عرفه والحمد لله والأمور تمام. مـع تحيــات الاسم الصعب والســــــــلام ختــــــام غيرنا عشان الحقوق<<<<<<<< ما غيرت شيء لازم تستأذن قبل يالحبيب. يعني حذفت كلمة (خير) بس ما زينت شيء بالعكس حست الدعوة. الضيغم: مع اني متأكد إنه فرع عن حق الرياض على دليل قوي بهذا...<<<<<<<< رح شف فرع عرفه اللي قدام وزارة الصناعة والتجارة وتأكد بنفسك، معلقين على الباب صحيفة يشوفه العمى، كاتبين( لا يوجد لدينا فروع خارج الرياض). مع تحيات: كربة النخلة. والسلام خير ختام. |
فرضا انه مهب فرع عن حق الرياض يمكن يصير أزين من حق الرياض لو فرضنا لك ان الي ببريدة فاتح قبل كان تذهب الى الناس وتقول ان الي بالرياض مهب فرع لبريدة لاتشرون منه!!!!!!!!!!!!عجبا من بعض الشخصيات حبه للتحريث والتفتيش ....
|
اقتباس:
اطلب 2 صبه و 2 ببسي ومشكله بعدين احكم التسمم في السلطات والخرابيط الي يحطنه انا شفت شي عنده لونه زهر :confused: ممكن احد يقول لي وشو ؟ والمداسيس الي يلبسهم يلمس فيهم كل شي يعني ما استفدنا شي يده طلعت انظف كربه << انا اقول لك ان مخك الي متسمم شكله به سراوه خلاص حطيت مسافة في مع تحيات صارت مـع تـحيات ما يكفي هالاختلاف ؟ |
السلام عليكم:
الأورتكواي: أبشرك مخي نظيف مابه إلا العافية ياربي لك الحمد، أنت اللي متسمم مهب أنا. وبعدين حطيت مسافة وإلا ما حطيت تلعب علينا والله من السراوه برأسك، غير المعنى كله أنت ووجهك، وإلا استأذن إذا بغيت تأخذه نفسه. مع تحيات: كربة النخلة. والسلام خير ختام. |
طيب ليش ما بلغتو البلديه على شان يسكرونه
|
اقتباس:
انا فكرت مخك مثل الكمبيوتر إذا حطيت مسافه يفرق لكن يبدو انه فيه فعلا سراوه نصيحة اسلاميه عليك اخي زيارة ابو جلوف فهو حكيم وما من داء الا وله دواء ولا تجزع فإن الجزع عند المصيبة مصيبة تقبل تحياتي العطره << ها كذا تغير ؟ |
| الساعة الآن +4: 12:34 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.