|
اغلى سطلين تم بيعهم في سوق تمور بريدة 29 يوجد صورة
السلام عليكم ورحمة الله وبركاته احبتي كانت لي زيارة امس السبت لسوق تمور بريدة لأخذ كم صورة عن السوق لكن تفاجأت بسطلين حجم 4 كيلو على ما اعتقد بأن التمر كبير وفاخر فأحببت ان اجلس حتى يتم بيعه فكم تتوقعون تم بيع هذا السطلين علما بأن السعر هو للسطل الواحد صورة للسطلين http://www.buraydahcity.org/ibrahim/.../monwat/t5.jpg السعر بـ : 750 ريال |
... .. . 750 + 750 = 1500 :097: . .. ... |
هلا غلوز
ايه بـ 1500 ريال الله يهنيه |
الله يهنيييهـ .. شكرا عزيزي ابراهيم ع التغطيآآت المميزة .. وان كان منتدانا ليس من الرعاة الرسميين .. إلا أنه بجهوود أبطالنا .. تفوق على المنتدى (( الراعي الرسمي )) بالتغطيات .. شكراً شباااب بريدة ستي : 12: 12 |
يا كافي ..
|
يستااهل ..
عليه بالعافيه |
1500 = تسديد الجوال 3 أشهر .... بس ماهي خسارة بالتمر.... تشكرات...
|
^ Buraydahcity.net ------------------------------------ كيف معه ذهب ولا بدون . الله يوفق الشاري والبايع مشكور على هذه التغطية بالتوفيق ------------------------------------ ^ . |
أسرة الشعاع
أهـــلا بك منورالموضوع |
الأسمراني
يا هلا |
متوهق
يا هلا بك يا الذيب منور الموضوع |
حربي
هـلا بكـ |
بريدة city
لا هذا تمر بس بدون اي شيء شكرا على المرور |
مهابيل
والله مايسوى الا 250 إلى 300 ريال 750 ريال علشان يهرجون به الخلق تحياتي |
كل هذا نفاق....الله لايعاقبنا
|
ابد والله السطلين يسون هالسعـــر والله
كنا نتناقش انا واثنين يقولون حد السطل الواحد من 500 إلى 650 وكلهم لهم خبرة بالتمر |
مشكورين على الزياااااارة
|
^ ^ ^ يستاااااااهل التمر .. ,,, |
(ربنا لا تؤاخذنا بما فعل السفهاء منا )
|
الله يهنيهم ، ورأيي حده 500 ريال !
|
الله لا ينكسنا ،، حنّا شارين تمر سكري من الرياض ،، ودرجة أولى ذهبي يلألأ السطل بــ55 ريال // ولا أحسن منه .. لكن هذي ناس فسقانه ،، وتهتم بالمظاهر .. |
يابن الحلال .. قبل فترة من الزمن!!؟ بحايل
مريت سوق البقل والفقع لقيت اثنين تلاقطوا على قطعت فلين تمسك باليد لمين وصلوا 400 !! والله ما تسوى إلا 40 ريال .. الناس انهبلت الحين ولا ماله داعي .. أكيد الشاري شهرة !؟ |
(ربنا لا تؤاخذنا بما فعل السفهاء منا )
والله لو وش ما يصير السعر هبال (والخطه كله دعدعه) |
كفالة يتيم عند الزاد الخيري لمدة عام ب 1000 ريال فقط !
أهل العقول براحة . |
.... اقول بس ....
الصراحة تمر .. يعني تمر مابه فرق .. مهب يطير .. (ولا يتولد منه) .. يعني لا أكلت تمره طلع لك تمره؟؟ يعني تمر .... ::ولا به فرق الا الي مايوكل عاد:: |
يستاهل 750 وأكثر ؟ ؟ ؟ ؟ ؟ ؟ بوركت أخوي أبومحمد . . . شكرا لك . . . |
|
على كلامك يعني
تصير الحبة باكثر من خمسة اريل والله جنووووون |
يعني سعر الكيلو = 187.5 ريال.
معليش ياإبراهيم بس هذا جنون. لأنه المعقول يصل سعر الكيلو إلى 100 ريال. أكثر من كذا غير معقول أبداً. ومع احترامي الشديد التمر ما يسوى هالسعر تماماً، صحيح إن حبته كبيرة وأصفر بس سعره وبشكل معقول لا يمكن أن يتعدى 500 ريال كإجمالي. لكن الله يبارك بالشاري والبائع، ولو إن السعر غالي جداً. :) |
8
8 8 منتب سهل يابوريم اثرك شريطي لايدري بك مدحت تسان يسويلك ضجة |
ما أقول إلا الله لا يعاقبنا
ناس مش لاقيه وناس مبذره وعلى رأي المصريين : اللي عنده فلوووس تحيره يشتري فيها حمام ويطيره الله يستر ما يصير سوق مزاين تمور بريده !!! مثل مزاين الإبل ؟؟؟ |
تسلام على التصوير يابراهيم اليوسف محبك عزوز
|
قضينا من عنيزه وقولة السطل بـ(450)
وجينا لبريده ويقولون السطل بـ(750) السعر مومعقول ليس ألا بهرجه وحتى يقال بريده أغلى تمر من عنيزه تقبل مروري |
يادافع البلا
|
شكرا لك
وجزاك الله خير موضوع مميز |
ووووالله مايسوى750 ريال
|
:02::116:ووووالله مايسوى750 ريال:p:02:
|
750ريال
يعني تطلع قيمة التمرة 10 ريال تقريبا ؟؟؟؟؟؟؟؟؟؟؟؟ والله اسراف |
صحن كبير من روز بـ 80 ريال أطعم وأرخـــــــص هههههه
|
اقتباس:
ونقول لك دع السوق لأهله |
تلقاهم نصابين هالشريطيين يزاودون بالأسعار عشان البيع يسير زين ..
|
الا أقول التفاح مايصلح يصير قدووع ؟
|
أسعار جنونية مبالغ فيها حده إن كان طيب ما يتعدى 150
شاري من السوق سطل 20 ريال وطيب مره |
الله يهديهم هم وأسعارهم اللي طايره فوق ..
|
الله يهدي الجميع
شكرا لكم على الزيارة |
والله غالي مررة لكن فيه ناس يحبون " التميلح" |
بلاه ماذاق الجوع يوم
وهاللي باعه عساه للمر الللي يمره |
لهذي الدرجة غرييييب
|
| الساعة الآن +4: 01:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.