مستوصف بريدة لطب الاسنان..
 

اختي
اتجهي الى مدير المستوصف , وشوفي ولي أمرك يتصرف معهم ,

خمس سنوات كثيره جدا ً , اصعب حالات التقويم لاتتعدى السنتين والنصف ,

اعانك الله وهوٌن عليك امين ,

شكرا على المرور والرد..
ولكن المشكلة ان اللي ماسك الادارة غير سعودي ومايحل ولا يربط ..!!
منتهى المهزلة!!!!!!!!

غريبة ..

انا لي اربع سنوات معاهم .. مع الدكتور ..

مررررررررررررة عاجبنا .. نظام وكل شي ..

بس ما يمنع تقدموا شكوى ..

أن مثلك لي الحين سنتين ونص وقالت لي أفكه برمضان وسافرت..وراح تجي بآخر رمضان على كلامها..
بس الصراحة نعم الدكتووورة يكفي نفسيتها الطيبة..لو انها تسكتني لأني مبلشتها أقولها فكيه مليت..
وممرضتهم سهجت مواعيدي عشانها مادري عنها وخبرتها إلين تجي الدكتورة ...
الله يصبرنا مع التقويم..

ياحبيلي,,
شكرا على المداخلة..
انا طلبت الدكتور على الاقل استشارة.. قالت لي الي في الاستقبال مافي دكتور متخصص بالتقويم الان !!
هل راجعت/ي عنده في شعبان او رمضان ؟؟
ارجو الرد ..مشكوووور/ة

غلاوي..
شكرا الف..
أنا مااسب الدكتورة ..ولا تعاملها بالعكس هي زي العسل ..لكن المشكلة في المهزلة في المواعيد ..وغياب الدكتورة المتكرر..انا ملييييت ..

ياعمري لازم تطقين علاقة معها ولا ماتستفيدي..
انا دايم تقولي زحمة مافي مواعيد ..ومو على كيفي الي يوديني..
وكلنا أمرنا لله..
على فكرة فيه بقسم الاتظار صندوق اقراحات يعني اكتبي كل اللي تبغي وفضفضي للمسؤؤلين..لعل صوتاًيسمعك فيجيب..
مشكوووووووورة..

هلا ..

توي لي يومين كنت عند الدكتور حسن ..متخصص بالتقويم ..
رهيييييييييييييب شاطر مرة ..
دخلت بين مريضين ..لاني ما عندي موعد ..

اختك يا حبيلي :p

اخت : ياحبيلي,,
غلاوي..
شكرا الف .. بحاول ادخل عند الدكتور لعل وعسى يحل المهزلة..

اخت:بكرى اكيد احلى ..
المشكلة ماباقي شي من الرسوم والا كان انسحبت بس خمس سنوات دفعت فيها اغلب المبلغ..
مشكووورة اختي على وجودك..

أنا نفس الشي عند د/نوره..

المستوصف ممتاز والدكتورة عسل ..

بس عندي سؤال لاختي: بكرى أكيد أحلى

بكم سوت لكم التقويم؟ لأن أسناني بس تعديل بسيط ومدته 18شهر على حسب كلام الدكتورة.. قيمته 8000 من غير الأشعة والقلع والتحشيه..

صراحه غير الماسه لاتدورةن
فيه الدكتور جيان هندي تقريبا مركبين لكل العائله تقويم مررررررره حلو
سعره جدا معقول ومواعيده حلوه ومافي انتظار وو جع راس
انصحكم فيه

انا عند الدكتور محمد المحميد في مستوصف الجمان ممتاز
بعدين هو عميد كلية الطب في قسم طب الاسنان
عموما المستوصف حلو كله

شكرا الف لتواجدكم ..والله ريحني تواجدكم ..
الله يسهل علينا جميعا ..

آآآآآآآآآآآآآآآآآآآآآآآه من هالمستوصف
صراحه ازفت منه ماشفت !!!!!!!! انا مثلك ياعمري مبهذلينا بهالمواعيد
انا انصدمت الدكتوره عطتني موعد بالاجازه على مااعتقد يابشهر 8 او7 على اساس انه احتمال كبير راح تفكه ولما رحت (شيء طبيعي)الاستقبال قدام وجهي وهالنفسيه الشينه طبعا كانه هم اللي يعطونا الفلوس موحنا ؟؟؟
قالتلي الدكتوره مسافره اذا تبين فيه المساعده اذا تبين ادخلي او استني لحد ماتجي طيب وهالتقويم يضل على ماهو بعدين اذا جت تبي تقول لازم انطلع الفك لانه داخل!!!!!!! وانتي تحملي الوجع على احساب هالمهزله.........
وتقول ادخلي على الاقل خليها اتغير لك اللون (الشرهه مو عليه الا على اللي حاطها)
الدكتوره صراحه جدا ممتازه بس وجودها بهالمستوصف اكبر خطأ؟
لااااااااااااا عاد المهزله الثانيه اذا حطو موعدك الساعه8 وثلاث مراجعات مواعيدهم 8 بلاهي عليكم مين اللي يدخل!!!!!!!! وطبعا ماتطلعين منهم ال11 !!!
جايدين بس سددتي القسط ولا لا .......
من دخل رمضان وانا اتصل عليهم ولا احد يرد او يحطون هالنغمه لو سمحت سجل اسمك ورقم جوالك ونحن نتصل بك!!!!!!!! لاحجت البقره على قرونه!!!!!!!!!
ماقصرنا طلبنا المدير فالو مشغول او موموجود ويحولونك على واحد مصري يعني راح يحله؟؟؟


سامحونا على الاخطاء الاملائيه لانه من حرتي وقهري ....حسبي الله ونعم الوكيل.....

نصــــــــــــــــــيحه لاتفكون التقويم
انا فاكته لي سنه تقريبآ واستخدم المتحرك ولي شهريين مخلصته
والله رجعن وانا مالي الا شهريين عاد شكلي ابعلق بالدكتور واخليه يرجعه
وعلى فكره تراي نفس مستوسفتس بس انا عند رجل

لاالمدير مرره رهيب خلي ولي امرتس يقوله

هذي هي المشكلة ..والله اني مرررة خايفة ان اسناني يتدمرون ..انا قايلين لي المدة سنتين ..وصارو خمس!!
والله منتهى المهزلة ..اما سالفة الريسبشن والمواعيد هذي سالفة!!

بس الله يسهل امورنا ونفتك منهم ومن مواعيدهم..

الجميع شكرا على تواجدكم ..وحدة وحدة..الف شكر..

غريبه فعلا
انتبهي لايصدى

انا سويت تقويم عند نفس الدكتوره مررره ممتازه
ونفسيتها مرررره حلوه
بس لا يمنع انك تقدمين شكوى
لكي تحياتي : 12

صدقتي ياعشق الطفوله صراحه روعه هالمستوصف انازبون عندهم بس ماتلاحضين انهم غالين اناقالي 9000 وانا شي بسيط طيب تعرفين لمنو المستوصف سمعت انه لمحيميد وسمعت انه لبو السعودي الي بالاستقبال

سبحان الله لايعجبهم العجب
حبيبتي أنا اعرف الدكتوره اللي تقصدينها دكتوره ممتازه وقمه والممرضه اللي عندها ماهي ممرضه دكتوره
مساعده والدليل على ضغط الدكتوره انهم حاطين لها عيادتين ومساعده اما من ناحية السفر فهذا من حقها انها تطور روحها وانتي المستفيده بالنهايه لانه تتعلم كل جديد
فيه مثل ينقال (لكل بــــــــــــــــــــــــــــارز محـــــــــــــــــــــــــــــارب؟؟!)

السؤال المهم انتي دفعتي كل التكاليف ؟
و تراهم قايلين لي تدفعين 10 الاف قلت معصي و قعدت ازن عنده الاما خلته 8000 تخيلوا !

عزيزتي مفتاح القفل .
أنا ماأسب الدكتورة .. ولا أسب شغلها وأعتقد كلامي كان واضح..أنا أسب المهزلة في المواعيد ..أما من حقها تطور ..احنا ماوقفنا لها ..لكن وش ذنب المراجعين؟أنت لو تعرفين خطورة ترك التقويم لمدة أطول من اللازم ما رديتي هذا الرد! أما الدكتورة المساعدة أنا من فترة طويلة بالمستشفى وينادونها nurseمو معقولة تسمح بممرضة وهي دكتورة ..وحتى لو ..مامسكت الشغل أساسا ..كيف يراجع عندها المريض؟و على أي أساس!!!! اذا كانت أي سؤال اسألها تجاوبI don"t Know !!!!!
لكن ما اقول الا ما يحس بالنار الا واطيها ..
شكرا لجميع الردود..

بالعكس هي من افضل الدكتورات في المنطقه الوسطى
وانا ابقولك عيب تسي لسمعت
واذا مو عجبك المستوصف نفسه في بعض الناس ومن ضمنهم أنا شهاتي مجروحه بالمستوصف
وانا حبيت اقولك أن المستوف ماوقف عند أحد وقاله تعال ولاتنسين انك رايحه له برجلينك

تحياااااااااااااااااااااااااااتي

بصراحة أنا أخوي قبل إسبوعين فاك التقويم والي فاكه الدكتورة الأساسية (ميساء) ولا واجه أي تأخير أو تهاون لكن من حقك إنك تبحثين عن السبب أكيد فيه خطأ أحضري صورة العقد وأقرئي مدة التقويم إن كانت سنتين وهي متأخرة فإن الحق معك وتقدرين ترفعين دعوة عليهم ... والله يعينك

يابنات حصل خير..
كل انسان وله وجهة نظر مو من حق أي أحد يعترض عليه..
لاتقلبون السالفة لجة وصجة..انتبهواااااااااااااا.

اهلا بكل من حظر..
اكيد رايحة للمستوصف برجليني .. لكن مادام شهادتك مجروحة ف ماراح اقول شي ..(وجه ساكت)
عموما .. انا ماقصدت الاساءة قد ما انا قاصده عرض المشكلة .. وعلى قولتك ماراح يتاثر لو كنت اكذب ..!!!!!!!!!
ولا حتى اسأت لشخص معين في المستوصف .. عشتار ماتقيش بالحمية!!
لو قريتي كلامي مارديتي هيك ..

عموما أهلا بحظورك ..
وعلى قولة اختي الابداع القادم .. مش عاوزينها تتقلب "لجة"
الله يسهل أمري وامر كل مسلم .. وافك التقويم بسلام..