|
قرب العيد .. وش أشتري. من أي ماركة.. كل شي مرتفع .. دعوة للنقاش (حبذا مشاركة الفتياة)
بسم الله الرحمن الرحيم والصلاة والسلام على رسول الله ,, أما بعد .. يابنات بريدة ستي أرخصن بضاعتكن قد يستغرب البعض من عنوان الموضوع وهذا حاصل قبيل العيد بأيام.. أنا لن أتكلم بأسلوب وإنما أريد التركيز في المضمون.. وأرجوا من الجميع المشاركة .. كي نخرج بفائدة.. العيد هل هو نكد وضيقة خلق.. هاكذا يراه البعض ليس لفقد حبيب او مأسات لا إنما لمقاضي العيد .. والملابس والموضات.. كلامي هذا يشمل البنات بوجه الخصوص ثم الرجال عامة وهذا نادر .. مثل مايقولون .. الرجال مايبلش.. فتاة تريد حضور مناسبة ما وتريد التميز التبهرج أي شي ملفت للنظر حتى لو كان على حساب الجسم او المال.. لايضن صغار العقول أنني أتقصد شريحة معينة أو عائلة او بيئة ويتبادر لذهن البعض أنك لم تتطرق لهذا الموضوع إلا (بعد زواجك) وأبشركم أني ممن يفرحون للعيد ولا أجد منكد مما سأقول ولله الحمد ولكن أطلعت على بعض الأقارب .. وسألت .. فوجدت الأسباب وحبيت أطرحها لكم أضنني أطلت بالمقدمة.. نرجع الفتاة تريد التزين.. وأن تكون بأحلى صورة .. وتفوح مها أفضل العطور كل هذا ممتاز ومن حقها .. وهي جبلت هاكذا.. لكن الإسراف .. وغير هذا .. ومحور حديثي (هو غلاء الأسعار الفاحش في الملابس خاصة في العيد) الماركات .. المحلات العالمية المحلات المحلية كلها ترفع السعر .. وتزيده 100% لماذا ,, لسببين لا ثالث لهما الأول والمتفق عليه (عدم المراقبة من الوزارة) الأمر الآخر وهو نحن معاشر الزبائن مهما أرتفع السعر .. نشتري مهما وصل وبلغ نشتري كله لعيون التميز بل ان البعض أقصد الفتيات تنبسط إذا رأت ثوب او فستان غالي لماذا . كي لا أحد يشتريه وتكون متميزة به في الحفل او المناسبة وانظر إليها إذا كان الثوب متكرر في الحفل ستجد أن وضع الفتاتين (سالب سالب) متنافرتين وكل فتاة في مكان بحيث لا احد يرى الآخر وكأنما أحد فعل جريمة بائعي المحلات مبسوطين على العقول السهله والمال الغير مسؤول عنه لماذا لا أحد يسأل نفسه سؤال ويقول لماذا مستلزمات الرجال لاتتغير سعرها وإن تغيرت تغير للأرخص مثل الشماغ والغتر والثوب وغيرها لماذا؟ لأن الرجال إذا شاف الشي غالي .. يذهب إلى الف محل غيره ويتركه له وهو من يرخص بضاعته لكن النساء بالعكس.. إذا رأت ثوب او مكياج او نوع تريده أخر ماتسال هو السعر بغض النظر إن كان من مالها او مال غيرها او وليها المهم ,, أنها تريده حتى لو بالأقساط وهاكذا أكل أصحاب المحلات المال وكسبوا 100% من الربح ,, بل ويختفون حول أقنعة (والله طالع علينا بأغلى) وأقنعت (ماراح أكسب فيه شي) فالمكاسب أرفع بكثير من دبلات الدبلات لأنهم وجدوا من يضحكوا عيه.. فلماذا لانعمل حملة .. تكون ضد مجرمي المحلات برفع الأسعار ونرخص بضاعتهم ,, لأنهم يأتوا بكميات كبيرة جداً جداً لأيام العيد ومن ثم يرتفع السعر يوماً بعد يوم لقرب وقت العيد ويضيق بالأنسان ذرعاً لأنها لم تجد مايناسب إلا غالي وهم من يضحكوا عليكم في النهاية وجدت ووجدت من يشتري بأغلى ثمن ولا يسأل فبالله عليكم من أين تريدون رخص الأسعار والتجار غابت عنهم عين الرقيب ولم يبقى لهم سوى ردت فعلكم وردت فعلكم هي فقط بالكلام (غالي سعركم نار .. مادري ايش) ولكن تدفع مافيه مشكلة تكلمي.. بيدك ورجلك ..ماعندهم مانع بس لاتقاطعي محله أنا من وجهة نظري . كرجل .. وخبرتي بأمور النساء قليلة.. ومثل مايقوقون الرجال مايبلسون البديل جاهز من رأيي أننا ننجح على الأقل في الملابس نقولكم ان المواد الغذائية ماحد يستطيع الإستغناء عنها .. طيب الملابس لماذا لاتقاطعو بعض المحلات المشهورة بالغلا الفاحش..؟ أليست طريقة مجدية وتكون هناك حملة فقط في بريدة ستي للبنات وأي بنت تتعهد بعدم الشراء من المحل المختار لكن .. وتضعن قوانين حول هذا الموضوع.. أرى لو تم تطبيقها على عوائل بنات بريدة ستي والله يكون لها صدى كبير في المجتمع منها نثبت لبريدة ستي هو الأقوى والأجدر في اتخاذ القرارات.. وهذا من صالحكن أولاً وأخيراً .. يابنات بريدة ستي أرخصن بضاعتكن أرجوا أن يكون هناك تفاعل قوي .. جزاكم الله خير.. من خلف الشاشة أبو فهد |
اقتباس:
موفق أبو فهد , |
موضوعك رائع واغلب اللي يطيرن قروشهن القروش مب لهن ما انكرفن وطلعنهن اتحداك تقارن بين مدرسه وربة بيت طبعا ربة البيت تكون اعلى منه بالاسراف والله وحده من البنات دخلت محل ايقاله ماركه سالت عن اكسسوار قالت بكم قال ب15 قالت غريبه انا شاريته ب10 قال خلاص خوذيه ب10!!!!!!!!!!! |
أبوفهد، تصدق تقضيت لحق سنة كاملة :d، يعني العيد من ضمنهن، ولا طلع علي إلا بـ 800 ريال تقريباً.
|
ضايق الصدر حبيبي كلامك صحيح,, لكن مايضيق به الصدر .. حق له أن يضيق لفقده لكن تخيل يضيق صدرك بسبب مال مهدر ومسرف فيه ..؟ أليس محزن؟ ملفعه بنات الحاره كلامك صحيح لكن الوقت هذا ,, خلاص لو كانت تكد الليل والنهار تضيع الفلوس بليلة احده أهم شي الفت الأنضار في تلك الليلة الصباخ هلا بيك ياقلبي,, ماشاء الله عليك 800 ريال ماتجي ولا بلوزه من بلايز الحريم احمد ربك |
أقول كل الماركات اللي عندنا مغشوشه حتى اللي في النخيل بلاز والعثيم وستي ماكس وغيره
كلهن يجن من دبي . ما فيها ماركة أصلية إلا عدد محدووووووووووووووووووووووود جداً وفي الرياض وجدة فقط الباقي غش وهالحريم دبش بس يراكضن وهو ملعوب عليهن لعب والله من الدباشه بس وش تسوي حريم ما يفهمن لازم يشرن اللي يبن |
رحت بأمي والاخوات قبل مدة نشتري هالثياب .. أنا طارت بوهتي مايهرجك أبو يمن ألا بـ 500 ريال وفوق ..
أول ماشفت الثوب من بعيد احسبه بـ 50 قلت غويلي :d يوم شفت الصفرين بجنب الخمسة جتن دوخة .. شكريات أبو فهد علموضوع الرائع .. |
تصدق عادأمي شرت جزمه من السواني 2000وعليه تخفيض 200 شوف فرق السعر يعني بس علشان من السواني
ولا بعد انا لاشفت الثوب كثير ما اشتريه او معروض على المليكان لأنه الناس شافوه وبعدين الرجال احس انهم غير يروح بيوم واحد يفصل ويشري كل اغراضه |
كلامك واقعي .. وأعجبتني الفكرة .. لكن ألا تتوقع أن التنفيذ صعب حبتين:eek5
اقتباس:
والله انك صادق مرة رحت لحفلة تخرج "بنت أختي" وطلعت أنا وعمتها "هيفاء" نفس الفستان:eek5:eek5:eek5بغيت أصيح إلا شوي:eek5 .. العمة والخالة مطقمات:eek5:eek5يحسبوننا الناس خوات :confused:ويقولون شوفوا شوفوا عاشقة وهيفاء مطقمات:eek5:eek5وانقهرت ولا استانت وأقول ياليتي شاريه التركوازي:eek5مادريت إلا وأسمع صراااااااااااااااااخ وفجئة لقيت البنت ياعمري مبهذلة وحالتها حاله وأثاري الفازة طاحت عليها وملت فستانها و رااااااااااح فيها من الألوان الصناعية اللي في الفازه .. ثمن راااحت للبيت ولارجعت.. >>الله أعلم عطتها عييين;) عاد لاتسألونن وش سويت من الفرحة:d:d>>>نذاااالة لأنه أغلب الضيوف مابعد جو لسه:d بس شنسوي حنا بنات وطبعنا كذا مانحب التطقيم والتقليد ونحب التميز والحركااااااااااات بس والله اني منب أفخفخ إلا اذا اضطريت وكنت مستعجلة شريت الغالي عشان ماأعطل أهلي ونكون قاضين بدري ونروح بدري.. .................... هيا يابنات خلونا نشوف آرائكم..في الفكرة .. صراااااااااحه أعجبتني تحمست:) |
[[CENTER]
SIZE="6"]أخــــي المنخرش [/CENTER][/SIZE]مجتمع النساء الأن صعبــــــــــــــــــــــــ مو كلهم لكن الأغلبيه كثير من مجالس النساء سالفتهم والله من دون مبالغه >>>>شنطتك كم بلوزتك من وين ماركة ايش موديل فستانك ......................يعني الوضع مستفحل متعقد :oo بصراحه صعب تغيير الناس أكيد لو قاطعنا المحلات الغاليه بتإكيد فنشوااا >>>> اقتباس:
لكن الحل صعب كيف الناس ينساقون وخاااصه هالحريم:mad: تقبل مروري الي يجيب الإحباط:p:oo لكن عذرا الحال كماقلت الحال مستفحله:bad باركـــــــــــ الله فيك،،،،،،،،،،،، على الموضوع الرائع إتمنى يلقى نتائج لإنه عين العقل أن شاء الله يطلعون الموضوع جميع العضوات ومن هنـــــــــــــــــا تبداء الحمله جزاك الله خير::,,,,,,,,,,,,, لحرصكـــــــــ وإهتمامكـــــــــــ |
شكرا لك ابو فهد
وانا اقول ان العلاج من النساء انفسهن يعني مثل سالفة بكم شريتي هذي وهذي وهي ماركة ولا لا تستطيع المراء اقناع السائلة انها واحد ولا اختلاف فيها ومن هنا نستطيع نعالج المشكلة ونحارب الماركات المغشوشة وتعجبك المراء المتزنة التي لا اسراف ولاتبذير ومتواضعه في ملابسها ولا ماركة ولا خربيط اعتذر على الاطالة والتدخل فيما لايعنين دمتم بود |
يا زين ثياب الرجال ..
بلا ماركة بلا هكـ ترى يمدحون محل أبو ريالين للماركات المقلدة شبه الأصلية |
وش نسوي الزين غالي والرخيص شين جزعين من 500 و800 ماشفتوا شي .. قماش عادي مو عادي بايخ وشين يقولي بـ 15000 :eek5 شنطه بـ 39000<< هذي حاطين السعر بوسط كرت عاد قلت ياحليله ذا المحل راقي يوم فتحت الكرت واجي اتسحب واطلع :d |
ههـــــــــــــــــي ..!! خلــوهوم عـلى غلا الاسعار .. اللحين طاحوا بموضه جديده وهي عاري وغالي ..<<< يالله يتفنون بالقهر ..!! ياليتي بزر .. ماابلش ..((أمـي متسفيتن))..<< توهـ تحـس ياحلالي .. *** اللـه يخـلف على عيـدنـا *** <<< اللي يقالوه عيد ..بلشه |
(
اقتباس:
ثانيا فلتعلم كل فتاة ان افضل الماركات من ملبس وحذاء يؤتى بالتيور مثلا للخليج بريال واحد او اقل ثم يبدء يشتريه تاجر من تاجر حتى يصل الى تجار المحلات فيضحكون به على هذه العقول ثالثا رئيت في الفترة الأخيرة نضج كبير من الشباب المتزوجين منذ 5سنوات فأقل وهو انهم يشترون ملابس العيد قبل شهر او اكثر على مهلهم واثنا توفر جميع المقاسات والالوان وبأسعار معقولة |
مثل ما الولد أو الشاب
يروح يسوي تغبيره بفلوس << الوصاخه صارت تسوى بفلوس !! ومثل ما هو كل يوم جنوط ومثل ما الرجال كل يوم والثاني مبدل شكل الكبك وقلم فضة وسبحه فضة مو الشباب تفرق عندهم البصمة هذا 6 وهذا 11 حنا تفرق عندنا إذا البلوزه من zara أو سامره يفرق اذا الفستان من تصميم زهير مراد ولا من السوق الداخلي بدعوسة أبو يمن المسأله مجرد اهتمامات مختلفه !! والغلا اللي تتكلم عنه < أنتم تاخذونه مره وحده بسياره السعر المتوسط له 50 ألف أما حنا ناخذ هذي الفلوس بالتقسيط و على فكرة الماركات العالمية لا يمكن ترفع السعر أو تنزله السعر ثابت بكل فروعه بأي دوله بس إذا جا عيد الفطر تكون البضاعه توه نازله لأن التخفيضات انتهت بالاجازه أشكر لكـ جهودكـ :) |
’, |
هيــــن دخلتـــوااا بحـــركــااات العيــاااال .. انا ماودي ادخل بموضوع ثاني ..:d العياااال ..مير .:. تغبيرهـ ,, جنوووطـ ,, شاشات ,, لزقات ,, تضليلهـ ,,زينون ,,..الخ:oo ههههههههههههههههههههه نسينا الاسااس .. السيااااره بكم ؟؟؟؟:d عموومآآآ تـــر كــــلاآآ بووهـ حقووهـ ..:cool: |
والله اني اتمنى تكون فيه رقابه على هالمحلات دايم مو بس ايام العيد لأني ماأشوف تغير الأسعار بالمحلات اللي اقضي منها يعني غاليه بكل وقت والله بعضهن اعوذبالله بلايز والله لو يقولون خوذيها ببلاش ماأخذها وهي على خمس وست ميه بس يلقون بنات مهبل يركضن ورا الغالي على غير سنع وحده من قريباتي شاريه شنطه بـ2000!! .. وبعدين الغلاء مو بس بالملابس النسائيه اشياء كثيره منها الأواني المنزليه والأثاث والمشكله ان المحلات الزينه ماسكينها ابو يمن بـ"العويس وطيبه" والله يستر علينا منهم.. اشكرك مع اني متأكده اني ماأقدر أقاطع هالمحلات الاإذا انا بجلس بالبيت وماأطلع يمكن .. |
انا اسميه هوس الماركات ....
لدرجة ان بعض الحريم من حبهن للتباهي بالماركات يطرزون اسم الماركه علشان يقاله الاصلي وعندهم اعتقاد ا ن اللي ماتلبس ماركه مو كشخه ؟!! |
أقول كل الماركات اللي عندنا مغشوشه حتى اللي في النخيل بلاز والعثيم وستي ماكس وغيره
كلهن يجن من دبي . ما فيها ماركة أصلية إلا عدد محدووووووووووووووووووووووود جداً وفي الرياض وجدة فقط الباقي غش وهالحريم دبش بس يراكضن وهو ملعوب عليهن لعب والله من الدباشه بس وش تسوي حريم ما يفهمن لازم يشرن اللي يبن __________________ لاتخربط بس الي بريااض يجيونه للقصيم بس صح الرياض في محلات رااقيه مو مثل النخيل افخم شي bsb وزارا وبعدين وش هالقعااطه عجزين عن 2000 للعيد ماتسوى فرحت بنتكـ وكشخته والله لو اتسلف ونتم ام الاسراف يشري تجليده بعدين ماتعجبه ماتقعد يومين الى هي بزباااله حرااام والله وتظبيط الخطوط مير حنى نكرف اللبس انتم جنوط وتغبيره كل يوم سيااره كل مااطلع موديل خلاص شينه ابي الموديل الجديد اســــــــــــــــــــــــــــــــــراااف بمعنى الكلمه |
ألف شكــر لك أخي ’ فيه نــاس اهم شي يصير غالي بغض النظر عن شكله فيه واحد يبيع القطع على 50 و60 ريال ولا القى زبون ورفع السعر ل 200 و300 مـــا بقت ولا قطعه ’ |
[ :) ] شوف طبيعة المرأة تحب التزين و التملح أنا أتفق معك..وأبصم بعد.! لذلك تجدها دائمًا تبحث عن أسم الماركة +أغلا السلع ومن ثم الجمال. ولكـن في بعض النساء ألا ما ندر [ تسحب ] من [ محفظة ] الزوج اللي وراه دون أدنى مسؤولية ..لأنها ببساطة [ مش هي اللي اشتغلت و كرفت و حصلت الفلوس ] لذلك مثل ما يقولون تأخذها باردة مبردة.. أما بالنسبة للموظفات [ وهذي مشاهد أنا أراها ] هي من [ تهج ] عن السلع التي تحتاج أم 500[ :d] ولهذه قسها على الرجـال. عرفت الحين ليش الرجـال هم من [ يتحكّم ] بالسوق...بعكس النساء.! عاد تدري يابو منخرش هاليومين وش قاعد أفكر فيه.؟ كنت أفكـر وأقول الحين الأسعار نار+ مقاضي رمضان+ مقاضي العيد + مقاضي الشتاء+ مقاضي المدرسة باللهي وش بقى من الراتب.؟!<--طبعًا هالتفكير صاير ببداية رمضان و أنا أشوف الناس ما خلت شي بـ أرفف جيان.! |
..
{ فعلاً كلامك صحيح 100% ~ حتى ما يقهر الا انه غالي على ولا شي .. ليه ! علشانه من محل ماركه !صعب نلقى ساتر وحلو ورخيص ! داايم الاسعار نااار ! البضاعه اللي عند المحلات حالياً .. نشتري بلوزه عاري ونخيط له اكمام .. والتنورة ما لنا الا تفصيل .. ما صارت الصراحه ! الى متى السوق ما يفرح به الا الفاسقات ! مشكور اخي المنخرش وعذراً على الاطاله .. :) : ) . |
موضوعكـ جميـل جداً
نظـآآم المـآآركآآت الآآن ! بعد كم آآسبوع من تنزيل آلبضاعهـ آآلجديدهـ تقوم بتخفيض على آآلبضاعهـ آآلقديمهـ بس اتوقع التخفيض هذآآ ماآآله اي داآآعي لاآن اآلوحدهـ اآذا راآحت تشري تناظر آآالسعر قبل اآآلموديل !! ونقول ما زآآآل ااآلغش مستمر ! شكراً لك .. |
موضوع في غاية الأهمية ، شكراً –أخي الكريم- . أولاً و ثانياً و ثالثاً : لماذا –دائماً و أبداً- يغبن الشعب السعودي ؟! كانت قاعدتي هي / شراء حلق صغير من [ ماركة معتمدة ] بألف ، ولا فستان [ جميل ] بمائة ولكنه بلا ماركة ! أما بعد ذهابي الأخير للسوق ، تفتحت عيني أكثر على الأسعار ، ووجدت في نفس البطاقة الملازمة للقطعة الأسعار في السعودية و قطر والإمارات وغيرها ، والفرق بيننا وبينهم في حدود 10-20ريال ! لمــاذا ؟! وطبعاً 20على 20 على 20 ..إلخ ، توفر لنا مبلغ محترم ! الأمر الآخر / وجود الماركات المقلدة و التي تجعل الآخرين لا يقدرون قيمة الفستان حق قدرها ! أعتقد أن البازارات التي تقام بين الحين و الآخر ، تعد حلاً نسبياً و فيها موديلات رائعة . أما القصير و العاري ، فرغم انتشاره إلا أن أفخم الماركات هي التي تتواجد فيها تنانير ساترة ولله الحمد ، مثل السواني و ماركس آند سبنسر . أما إذا توفر القياس المضبوط ، فالخيَِاط أجمل و أستر و أريح و [ أوفر ] . |
اقتباس:
أجـل الفاسقــات.! أستغفر الله . اقتباس:
بس يالله نقول السوق ما يصلح ألا للفاسقات بس.! [ :bad ] [ :) ] وَ عِذرًا على العودة يا أخ منخرش . |
من المخزي .. حينما ترفض الفتاة لبس فستان قد لبسته في مناسبه !!
بحجة أنهم رأوهـ . ويتطلب الأمر لشراء غيرهـ . كم أتمنى أن أجد إمرأةً غير كلِّ النسـاء !! أبو فهد موضوعك راقي جداً ,. يحتاج لإعادة تركيب المفاهيم لدى معشر النساء . وهذا يستغرق سنين طويلـه . لك مودتي . |
اقتباس:
الــ 20 والــ 20 :d هذي عموله تاخذها الدولة على المواطنين أنا ما عرفت هذي المعلومة إلا بآخر سفر لي حتى لو رحتي للدول الأوربية تلقين الفرق أكثر من كذا طبعاً حــنا لأننا [ ســيّاح ] بأي دوله كانت يقولون :. احتفظوا بالفواتير وبالمطار يرجّعون لكم المبلغ البسيط اللي تاخذه الدوله على مواطنينه يسمونه <( TAX )> تحياتي لكـ : } :023: |
الأسعار ليست كلها مرتفعة جداً والماركات أو المحلات ليست كل بضائعها غالية أكثر التنورات في محلات الماركات من 60 إلى 200 والغالب 125 ريال ‘ وكذلك البلايز أما الشنط والعطورات فقد اشتغلت السوق الحرة أقصد الماركات المقلدة وشف جريدة الوسيلة موضوعك لا يستحق هذه الهيلمة؟! ودعوتك إلى مشاركة (الفتياة) كما كتبتها أنت والصحيح الفتيات؟! دعوا البنات في ساحتهن ( بنت بريدة ) فهي أبرك لهن من حواراتكم معهم في موضوع لبس يخصهن!!؟ |
يوم اللي يتقضون لحريمهم الرجال أطلق بلوزة ماتاصل الخمسين
ترى الكلام هذا مو قديم قبل عشرين سنة وبعدين اليمنى يدبل على الحرمة ولا صار رجل نزل النصف ويقول احنا نبيعه بكذا بس علشان نفتتح بك والله حاصلة معي |
فيه طريقة حلوة جداً بلا مقاطعة بلا هك وهي :
هذا إذا كنت تريد العلاج والتضحية والحل تعمل كالآتي: أن الأم أو الاخت او اي احد من أقاربك بعد تفحص المحلات ومن ثم تجد الثوب المناسب لا تستعجل في شرائه تحدد مكانه ومن ثم تذهب لتختار باقي متطلباتها وفي النهاية يأتي زوجها أو أحد إخوانها أبو أبوها ويشتري جميع ما تم إختياره وبهذا تستطيع التغلب على البائع وقد سلكت هذا الإسلوب بنفسي .. وهو أني خرجت للنخيل بلازا مع أحدى خواتي وبعد اختيار البلوزة اختلفنا في القيمة وكانت أختي منحرجة جداً من إسلوبي لأنها لم تتعلم المكاسر وكان السعر بـ 490 ريال وأنا أحاول أن أنزل لـ 350 فلما وجدني ملزم قال إذهب لفرعنا في العثيم وستجده بأقل لأني لا استطيع أن أبيعه لك بهذا المبلغ هكذا كان تعذرة ومن هذا التعلل يعرف أن بضاعته مبالغ فيها .. خرجت أنا وأختي وهي مستغربة من تصرفي وعند دخول الفرع في العثيم والله وبالله أننا وجدناه بـ 260 ريال أقل من قيمة ذلك الفرع فأستوقفني هذا الشئ وسألت صاحب المحل عن هذا التلاعب فأخبرني أن ذلك يرجع لآجار المحل فقط لا لنوعية البضاعة .. حبذا مشاركة الفتياة ! |
أقول يا ام الكراث يا صيته قد التحدي
ايه كل الماركات هنا مغشوووووشه ولا فيه أصلي بس أبو يمن والهنود يلعبون على هالدبش هالحريم |
اقتباس:
خابرتك ماتعرفين الا العبدالكريم وشلون عرفتي زارا وبي اس بي :d |
اقتباس:
وشوله عاد كلمة دبش مالها داعي.. وين كلامك امس عشمنا ببناتنا وهذا كلامك لهن دبش |
موضوع رائع .. والشكر موصول للأخ ابو فهد على الطرح المميز ,,
ارتفاع الاسعار < الموضوع يطول والكلام يكثر ولكن تعقيبا على الاخت رزان ذكرت ان الماركات العالميه اسعارها ثابته وما تتغير في بلدان العالم كله !! عجيب !! اذكر ذهبت مره للسوق مع الاهل .. عموما كان فيه بلوزه بمحل على قولتهم ماركة سعره 400 ريال عموما شريناه ومشينا دخلنا محل ثاني لقينا نفس البلوزه بالضبط والله ما تفرق شي .. نفس الماركة سعره 200 ريال رحت رجعت البلوزه للمحل وقلت له السالفة ورجعه علطول .. وشريت من المحل الثاني بـ 200 عجبي !! معقوله اللعب عيني عينك فيه لعب وتفاوت اسعار غير طبيعي .. والضحية للاسف حنّا ..!! تقبل مروري ,, |
صدقت والله ...
معاناااااااااااااة ولا وياليت يعجبهم .... مهما سون مايعجبهم انا ولله الحمدمو من هالنوع ولااحبه اصلا .... بس اشوفهن بالمجلس ...وااااو ساعات ختيرة من وين ... ولما تقول لها اسم المحل ... تقوله :وععععععععع<<<وين الواو ؟؟؟ الله يهدي الجميع موضوع بصراحه خطير وحماسي .... يسلمو |
الموضوع بيطول نقاشه لأن عقلية البنات تختلف منهم اللي تحب الماركه وتشتري بأي سعر
ومنهم العكس الأهم جميل ومناسب ذوقها وسعره معقول والنصب عيني عينك وإحنا عارفين بس ما باليد حيله أنا كرهت الشيء الغالي وعن تجربه إذا شريت حاجه غاليه تطيح بكبدي وأكرهها ولا عاد ألبسها وبعد عيد الأضحى اللي فات قررت ما أشتري الغالي أفكر باللي يناسبني ومقتنعه فيه وفي بداية رمضان رحت أشتري أغراض العيد درت بهالأسواق لين كرهت نفسي من الأسواق اللي تحوم الكبد قال أيش ماركه من زينها والله أغلب محلات النخيل دخلتها ولا عجبتني ولا حاجه والأسعار ناااار والقطعه قطنيه وشريت من محل بالعثيم بـــ 80 ريال بس وصندل بــ 35 ريال وصلى الله وبارك نلبسها يوم العيد ونجدعها بالدولاب وأدري بتجي وحده ترد تقول مو معقوله وإلا مو ماركه بلا ماركه بلا هم الأهم الوحده يصير عندها ذووووق أولا وكمان لما تصير الفلوس لي ومن عرق جبيني على قولتهم أشتري على كيفي أما بلعب على حساب غيري لا وأنا شفت بمحلات كثيره بالسوق ( شارع الصناعه ) وأولهم تباريح تلاعب بالأسعار يرفعون على سعر السلعه فوق 35 ريال وأنا لاقيتهم بالمدينه بأرخص بكثير ونفس القطع أما من ناحية الرجال أقول السعر يمكن مو غالي كثير عشان إحنا إعتدنا على ثوب لون أبيض أو أصفر وشماغ لبس تقليدي مو مثل الحريم ألف لون ولون وموديل وموديل وأرجع وأقول لكم أغلب البنات متأكدين إن البضاعه ما تسوى أسعارها بس التلقيد اللي طايحين فيه عاميهم والله يعيننا وإياكم |
لا تقليد ولادبش على حسب المجتمع ياقلبي هذا اول شي يعني ماراح اصير اقل منهم وانا اقدر الحمد لله وبعدين كلن على حسب استطاعته والماركه مايخفض بلا كلك لو تعسكر عند باب المحل والعمده على الذوق وبصراحه انا احس 500 بالعيد عاااااااااااااااااااااااااااادي قوه الحين الجزمه وهي الجزمه بكم؟ وابو يمن ما اشوفهم الا بالعثيم او بشارع الصناعه |
اقتباس:
اللحين انتي بنت وشريتي من العثيم وشلون صرتي اخر شي ولد ولبتسي ثوب ابيض :113: وبعدين ذا تباريح تعدينه محل الله يسلم عمرتس وش فيها اذا شريتي من اهلك ولا لازم يصير من فلوسك عشان تقدرين تشترين اللي تبين .. الله يخليلي اهلي ولايحيجني لغيرهم |
اخوي الحين المشكله الماركات العالميه غلبت اسواقنا
عشان كذا نشوف غلا الاسعار حتى لو تكلم صاحب الكاشير بقولك هذي اسعار دوليه مالنا صلاحيه فيها واستغرب ليه العالم اذا جاء رمضان طارت للأسواق بحجة العيد قدامها طيب الله موسعها عليك اشتر قبل اريح لك واحسن لك واوفر لك من ناحية الماده لانو معروف موسم والاسعار اكيد بتكون ضاربه وهذا رايي :) تقبلوا مرووووري |
عدنا إليكم.. بصراحة أحززني ما رأيت من ردود وأعجبني ما رأيت من وجهات النظر.. خواتي أخواني .. نحن نريد حل بغض النظر إن كان كاتب الموضوع ذكر أم أنثى.. وأما قضية السيارات والجنوط .. وبلاوي الشباب .. فهذا له موضوع أخر غير هذا فنحن نتكلم عن مشكلة .. وليسنا نتكلم عن (كل من لديه مشكلة) وضعنا المشكلة وضعنا الخطوات ثم الحلوال المناسبة ولا نريد الخروج عن الموضوع ,, او السواليف فبي صراحة (انعميت عيوني يوم قريت ردود نسائية) قريت رد واحد طويل جداً ولكني لم أخرج بفائدة ولم تصل للب الموضوع أصلاً فأعتذر عن الرد .. إذا من هم في صلب الموضوع فقط وقد اعجبني شخص واحد هو من عرف أصل الموضوع فأجاب عنه من وجهة نظره وهو (غارق) اقتباس:
وقد أجاد في طرحه واسلوبه فأنا أريد مثل هذا الطرح الموضوع يتشعب مانبي توصيف محلات او الماركات سعرها ثابت او متغير او فيه محلات رخيصة او الفلوس على زوجها وليس عليها او تلبسه مرة واحده وبعدين تحلته كل هالأمور لها مواضيع خاصة بها أرجوكم أرجعوا لنفس الموضوع ,, أرجوا لمن يرد ---------------- أولاً يطور فكرتي ,, بحيث تختار الفتاة والفتيات محل مناسب ومن ثم يتم مداولته بينهن ويتم مقاطعته ,, فهذا يجدي لو قاطعته فتيات المنتدى فقط لكفى وبدأ كل محل يخاف ان تكون عليه العين المرة القادمة ,, ثانياً تطوير فكرة غارق .. وهي في وجهة نري أنك إذا ماشتريت البضاعة انت ستأتي فاة أخرى وتشتريها بألى من السعر نفيه ولا تنفع في بعض المناسبات,, أو بعضا لمحلات المسعر عليها ثالثاً ,, أقتراح أخر ليتم إراخاص البضاعة غيره لا نريد من كلام فاضي وقصص وبلاوي خل قصصكم لكن يابنات ورقكم الامنقطع لكم فنحن في مشكلة نريد الحل فهي من صالحكم أولاً وأخر شكراً لكم ولي عودة أخرة جزاكم الله خير |
اقتباس:
جاااوب يالمنخرش :) اناا اتمنى يكوون فيه رقاابة ومشددهـ على اصحااب المحلآت العاادية بالسووق الدااخلي او المرااكز التجاارية لآن اللعب فيهاا سهل وانواااع النصب ومااعندهـ مشكلة تبي يحلف عاادي :) امااا المااركاات العاالمية واخص الوكلآء بالسعودية اناا استغرب واكثر من مررهـ اتفااجئ مثلآ بسعر هنااا يفرق عن دوولة ثاانية واحياانااا بين اكثر من وكيل وعندنااا فقط بالسعودية اماا الفرووقاات مثلآ الآمااراات وجنووب افريقيااا تجد القيمة تختلآف بختلآف العملة والبلد بس من وجهة نظري السلعه اللي تكوون بمبلغ وقدرهـ فبحسب نظرتي لهاا وهل هي تستااهل او لآ ادفع بدوون قااطع لآنه ماارااح تستفيد من المقااطعه فعاالميته تكفيه انه يستمر ويجبرك على بضااعته ،، |
اقتباس:
وأنا لما رديت ما حبيت أحد يعقب على ردي وجهة نظري وقلتها مو مطلوب إنها توافقكم أو تخالفكم |
:re
اقتباس:
حبيبتي أنا ربة بيت ولو أبي بلوزه بـ500 ماقيلي لا ومع ذلك شاريه حاجات العيد قبل شهرين علشان التخفيضات وشريت لي وبنتي برخص مايكون فلذلك حبيبتي لاتعممين لان العاقله ربة بيت أوعامله تحاول تساعد زوجه بالي تقدر عليه ويكون عنده نظره مستقبليه. |
لاحول ولا قوة
أتمنى أن يغلق الموضوع صار هواش مو مناقش أنا غلطان أقول مناقاشت نسائية.. أتمنى من المشرفين إغلاق الموضوع... وبعدين ياللي يقول جاوب على السؤال حط موضوع خاص بالشباب وراح أرد .. اما أضع موضوع وتجي تسألني هذا أكبر غلط لابد أن نتعلم آداب الحوار بارك الله فيك.,, وشغل الشباب ماقلت عنه صح أنا أقول أكبر غلط لكن له تطرقات أخرى أتمنى أن الكل يفهم هنا مضووع وليس نقاشات ومحادات وسواليف حريم |
^
انت مهبول تعطي هالحريم وجه ؟ خلهن بمنتداهن أبرك لنا إن جن بذا حاقن أم الدعوى حرمه وتفلسف واااااااااااااوك |
^ ^ ^
بلش أبوفهد :d. ياحبيلك يا أبوفهد، دائماً بعض الحريم كذا. لذلك لا تشره عليهم. :113:. |
اقتباس:
ودي أشوف موضوع منزلينه ولا فيه سب للعنصر النسائي:( عمومآ تعودنا عليكم وعلى اسلوبكم .. لو سمحت رح لبنت بريدة واذا لقيت سب واحد لعنصركم الموقر علمني:( |
صدقت في كلمة قلتها
واتمنى ان تجد اذان صاغية |
مساكين الشباب
مدري شلون يفرقون بين ثيابهم اتذكر وانا صغيرة افرح بالعيد واقول لاخوي مسكين ثوبك زي اللي قبل يقول احسن منكم يالبنات مسكين يحاول يرفع من معنوياته مشكور اخوي عالموضوع |
استغفر الله
لهذي الدرجة مقهورين منا اذا غلا اللبس مايتعدى الف ريال اشوا منكم اللي تشتروون سيارات غالية مرة \ حنا همنا لبسنا |
رسيل
يابابا روحي تهاوشي انتي واخوك هذا نقاش مو سؤال بمواهب وافكار ايهم احسن الولد ولا البنت تراكم رفعتوا ضغطي بالقرق .. والبنات أحسن احد وثيابكم يجنن بس لا اشوفك معتبه على موضوعي بارك الله فيك وفي اللي جمعكم عاشقة قسمها.. تعرفين ليش .. لأن الموضوع يمشي بالطريق السليم ثم يجي عنصركم الكريم ويلفه ويلفه 180 درجة,, خلكم سيدا ونكون سيدا أسألك بالله أعطيني رد من عنصركم الكريم رد الرد المناسب في لب الموضوع؟ يالله انتظر رد منك ولا انتم جيدين بالتطنز والاستهتار حنا ماقلنا العيال احسن من البنات عشان تقولون سيارة بـ50الف ومادري ايش خلوا هذا موضوع ثاني |
اييييييييه ياحلالات قبة رشيد وبس
|
اقتباس:
تصدقين عاد إني ماقريت الموضوع وماأدري شاالسالفه,,,, فتحت الصفحه الأخيره على طول,,,, شوفي ياماما تعودي على هالكلمات وأردى بعد,,, أنتي عندك ناس جلووف همهم السب بالحريم بس الله لنا,,,,, لاتجيبين خبر لهم ولايضيق صدرك وأنا أختك:d طننننننننننننننننننننننشي,,,, طنش تعش تنتعش,,,,,:p |
اللي يرفع أسعار الملابس النسائية بحجة إنها ماركة وكأن الماركة منتج منزل من السماء ما يخرب ولا يجيه شي وأيضا المحلات التي تكون داخل المراكز يكون الإيجار عليه غالي فيضع حيلة بالزبون المسكين
واذكر قالي واحد رحت لأشتري ملابس لزوجتي في الفيصلية فوجدت زوجتي لباس أعجبها ولكن كان سعره غالي جداً ويقول أثناء تسوق في سوق خارج الفيصيلة وجدته بالضبط بفارق 700 ريال عن سعره بالفيصيله لذلك قبل أن تذهب للسوق حدد مكان التسوق الذي يناسب محفظتك وكذلك ليس من المعقول أن اشتري لأهلي ملبس ويلبس مره أو مرتين ويرمى في خزانه الملابس ثم تقول نبي نتشري من السوق |
قال ايش ماركات ؟؟؟؟؟؟؟؟؟؟؟؟
ياحبيبي لقو البيزة <<<البيز يطلق على الشخص الهدر واللي مع الخيل ياشقراء لقو بيزة من الجنسين الرجال والحريم ويرفعون الاسعار والدبش يشرون اقول ياحلالي يالقبه بس |
اقتباس:
:d:d:d:d |
ياحليلكم يابناتنا والله سواليفكم تفطس من الضحك ..
:d |
اقتباس:
:i121:i121:i121 |
اقتباس:
:dوخ بس نعرررررررررررف نحتسي:d |
صيته قد التحدي
يالبي قلبك والله تعرفين تتكلمين ماشاء الله بعدين الماركات موحدة بالرياض وغيرة انا من الرياض وماعمري جيت بريدة وان شاء الله يمكن ازورها والله نفسي اشوفها |
7 7 أبوتس يالدعدعة :113: ,, |
تراكم دوختونااااا خلاص كلن يسوي اللي يرضيه تراكن يالبنات ماأنتن مجبرات بكلام كاتب الموضوع هو اقترح اقتراح للأصلاح الله يجزاه خير واللي تبي تسويه واللي ماتبي ترا مو غصب .. الله يصلح الحال بس.. |
المنخرش، وشوله تحط موضوع للبنات!
:d صار موضوعك مطاريس :113:. |
^
ابتسم .. تبتسم لك الحياة |
^ ^ ^
الحمدلله الابتسامة موجودة، ماودك تبتسم أنت! :d |
| الساعة الآن +4: 04:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.