|
ياشباب انتبهو من الراجحي وعملائه الكرام
> > > السلام عليكم> > بدأ بنك الراجحي بتطبيق رسوم قدرها 2.5 ريال على كل حساب يقل عن 1000 ريال ...> > وكذلك رسوم 5 ريال على بطاقة الصراف إذا كان الحساب أقل من 5000 ريال...> > وبناءً على ماسبق سياخذ الراجحي 7.5 من معظم عملاؤه ..> > إذا كنت من المتضررين فما عليك سوى القيام بالآتي وستجد أن مصرف الراجحي قد ألغى الرسوم على بطاقة الصراف مباشرة وعن كل العملاء..> > كل يوم تطلع من البيت رح لصراف بشرط يكون غير صراف الراجحي وسو أي عملية .. مثل اطلب كشف رصيد مع طباعة الايصال... اذا طبعت الايصال بيدفع الراجحي للبنك الآخر 4 ريال مقابل هذه الخدمة... لو اجتمعوا عملاء الراجحي ونفذوا كل يوم مثل هذه العملية سيدفع الراجحي مقابل كل عميل = 4×355 = 1420 ريال سنوياً مقابل إنه يأخذ من العميل 60 ريال فقط ...> > وتأكدوا إن الراجحي بيرسل لكل عميل موظف يحب راسه ويقول ترانا آسفين ما عاد ناخذ رسوم عليكم...> > رسالة أخيرة: اذا كنت لا تريد تطبيق هذه الخطة عليك بالعافية خصم 5 ريال في راس كل شهر ...
|
والقادم اجمـــل
شكرا لك على المعلومات بس انا اذا استخدمت بطاقة الراجحي في صراف آخر مايحسم الرسوم من حسابي ؟ |
السلام عليكم:
يا حبيبي ليش تتعب روحك وتروح تتطلب كشف حساب من صراف ثاني غير الراجحي علشان يأخذون 4 ريال على الراجحي، رح يا بعدي وصك الحساب بكبره وافتح حساب بأي بنك ثاني مثل ( البلاد ما يأخذ رسوم)، وأنا ما يقهرن بهالراجحي إلا إنه يأخذ سبعة ونص على وشو؟ على صرافاته الخربانه، على إن صرافاته كثار لكن للأسف خربانه وخصوصاً إذا صرت محتاج الصراف وصار خربان ودك بشوزن ترمي هالصراف، لكن وش نقول ما نقول إلا الشكوى لله، ويازين البنوك الثانية مثل ( البلاد) وغيره. مع تحيات: كربة النخلة. والسلام خير ختام. |
اقتباس:
هو كثر الصرافات على شان ما يدفع للبنك الآخر رسوم نهاية كل شهر بسبب عميل للراجحي قام بإستخدام صراف الرياض ( مثلاً ) على شان كذا وكان ما تقدر تغير البنك إستلم عن رصيدك من خلال بنك آخر :d |
هالراجحي ما به بركة أبد
أكبر بنك وأسوء بنك ويدعي إنه إسلامي اجل هذا وش يسمى الله يخلف على البنوك الاسلامية إذا كان هذا من ضمنهن |
متى يفتح بنك الانماء ....
البلاد ممتاز ومعاملتهم طيبه |
مشكور اخوي
بصرااااااااحه رحت للبنك الراجحي وطلبت اخلاء طرف من عندهم ورحت لبنك البلاد وفتحت حساب هناك .. وفوق انه ياخذ كل هذي الرسوم الا ماااعندهم اوراق ... يوم اطلب منهم طرف اخلاء جابت الموظفه اوراق عاديه بيضاء قلت لها ابغى اوراق رسميه قالت والله للأسف ماعندنا ؟؟؟؟؟؟؟؟؟؟؟؟؟؟؟؟؟؟؟؟؟ |
بنك الراجحي استغل ثقة عملائه به بشكل جشع جداً.
أنا أتعامل مع بنك سامبا منذ ثلاث سنوات، في كثير من الأحيان يجلس الحساب فارغاً أو فيه مبلغ بسيط جداً، ومع هذا فإنهم لا يأخذون مني ولا ريال واحد. أيضاً أنا لا أهتم بنوعية الصرافة التي سأسحب منها مبلغاً من المال، لأنه وبكل بساطة البنك لا يلزمني بالسحب من صرافاته الخاصة. هذه ليست دعاية لبنك سامبا، بقدر ماهي توضيح لكيفية التعامل في البنوك الربوية، عنها في البنوك الإسلامية أو بالأصح بنك سامبا. |
يارجال الراجحي مهب لاقي شي بحسابي يآخذه خطر يقول لي ضف وجهك:d أجل تنصحونا بالبلاد .؟ |
وين المصدر بارك الله فيك ،
امل اي شخص لا يدلي بمعلومة الا و قد وضع المصدر . و فق الله الجميع ,,, |
^
^ ^ تفقد حسابك وتعرف المصدر .. خرد لي مية ريال واخذ منه 7.5 الله يخرد عمر اللي اقترح نظام السرقة القبيحة .. |
.. تعاملت مع بعض البنوك ،، وحتى الآن ما وجدت أفضل من الراجحي ،، ولكن إخوتي على حسب الفرع ،، فمثلا أنا تبع بنك حي مشعل ،، تعامل رآآآئع جدا ،، يستانس الموظف بالوقت الي يخدمك فيه ،، ويكفي انه إسلامي ويريحك ،، .. |
يا أخوي بعذرهم أنت تشكل عليهم عبء كبير ولا طفران بعد ..:i121
لأنهم يخدمونك ببلاش .. :112::112::112::112::112::112::112: [BLINK]يقالهـ مهب منهم[/BLINK] |
الله يهديكم ياااااا اخواااااااااااااااااااااان
@ بالعربي الراجحي ما يبيكم ( فيها شي ) واللي ما جاز له يفتح حساب ببنك ثاني لانه لا يجوز لك انك تخرب مصالح المسلمين وتعتدي على حقوقهم ## بعدين للمعلومية بس : كل البنوك تأخذ منذ مبطي وماهب 7.5 لا 12 ريااااااااااااااااااال احمدوا ربكم توه يلتفت لكم الراجحي وما اخذ الا نص اللي ياخذون ## بنك البلاد : ما يخذ شي لان بقالة أم سعد الله يرحمه أحسن منه متخلف جدا أحسن ما عندهم الشاهي وماعمري شربت منه ## وللمعلومية : أزفت بنك خصوصا في تداول الأسهم ( يعني حرامي أد الدنيا ) إذا لقيت التداول حقهم خربان أعرف أن السوق يبي يطيح ما يخافون الله ثانيا رح أسحب مبلغ من عندهم شف وش يسوون لك قسم بالله تقل طالب مليار يخترشون ويبلشون ماجابوا الدراهم وسبحان الله مابهم بركة تلقاك تدخل لحالك بالبنك وما تطلع الابعد نص ساعه عطي الله الراجحي والله لو تطلب مليون ماهمه فتح الخزنة وعطاك اياهن كنه معطيك 1000 بنوك فعلا تستحق التعامل معها واسألوا أصحاب المحلات والمؤسسات ليش يتعاملون مع الراجحي تصدقون اني قبل سنتين أيام طيحة الاسهم رايح ابسحب دراهم لأبوي قسم بالله يومين ماعطون إياهن ؟؟؟؟؟؟؟؟ تقل أطرهم ( دراهمنا ياعيال الكلتش ) يقولون النظام خربان بكل الفروع لا والله بنك ( ما قلت لك بقالة أم سعد أحسن منه ) |
الغريب قبل فتره سحبت من بنكي بنك الراجحي 80 الف ريال
وطلب مني الموظف اضافه الى بطاقة الاحوال , رخصه السواقه ؟؟ انا مادري يستهبل ولا وش يبي ..؟ يعني ماتُغني بطاقة الاحوال , وبصراحه اللي يكرهن بالراجحي الهنوود وهالعمٌال , |
اقتباس:
صار لي الموقف وتلاقطت مع الموظف وجاء المشرف وقال ان الصورة ببطاقة الاحوال ماهب مطابقة فكيف نصرف لك الشيك ولابد نستعين بإثبات اخر يثبت الصورة لان الاسم يتفق فيه اكثر من واحد قلت له ( تحريك صاتدز ) |
يعني بنك الأهلي ما يأخذ 5 ريال إذا قل رصيدك عن 5000 شهريا
طلع الراجحي ارحم |
انا سويت اكثر من مرة طلبت كشف حساب من اكثر من صرفة بنك اخر ولم يحسم على شي
|
ههههههههههه
أجل يجي الموضف ويحب راسك؟ ههههههههههه ياشيخ لو تسويه هذي أكثر من مرة ألغوا حسابك كاملاً بلا إخلاء طرف ولا حاجة وأعلى مابخيلك أركبه لو حس الراجحي إنه خسران لو ريال .. أصلاً هو ليس بحاجتك هو بحاجة (التميز) عملاء التميز هم لهم قدر ويحب راسهم فقط |
اقتباس:
اهم شي استحضار النية عشان يكتب لك الاجر ؟؟؟؟؟؟ :42 والله ماله داعي هالحركات |
الله يخلي لنا الراجحي بكل مكان صرافة ياملا البركة ... |
| الساعة الآن +4: 01:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.