|
مشروع راس مالة 500 الف بعائد ممتاز
احد الاخوان اتصل على يستشيرني بمشروع راس مالة 500 الف ريال ارجو من لدية فكرة ممتازة ان يفيدنا وله مني جزيل الشكر
|
بناء وحده سكنيه
او مطعم عوائل على مستوى راقي الله يوفق الجميع للكسب الحلال |
قبل ان تفكر في المشروع الذي انت بصدد القيام به بعد نصح الاخوه عليك ان تستخير ربك سبعا
ونسال الله لك التوفيق والنجاح |
لك عندي خيارين :
الاول : بناء مسجد ,وانت تعرف اجر من قام بهذا العمل . الثاني : تسلفني هالقريشات وتخلني اعوض شوي من خساير سوق الفلس وبلحالتين راح تلقى من يدعيلك في كل فرض |
الاخوة وفقكم الله واجزل لكم الاجر والمثوبة ورزقكم من واسع فضلة وامل من الاخوة في المنتدى المشاركة والمساعدة ولكم مني الدعاء الخالص انتظر الاراء النيرة
|
اقتباس:
ممتازه الفكره هذي . |
بناء وحدات سكنيه تكون على مستوى راقي في الرياض
|
اقتباس:
تراهن خمس مية ألف .. الوحدآت السكنية اللي تقول الأرض بس بـ فوق المليونين ... ... رأيي أن المطعم الراقي أفضل شيء ... |
أعتقد أن المبلغ يادوب مطعم أو كفي شوب على مستوى راقي مثل فن جن كيف وغيره
|
ما فيه أحسن من المطاعم العائليه نظرا لقلتها في بريدة |
اقتباس:
مع إحترامي الشديد لبعضهم |
استثمر بالعقار شراء قطع أراضي صغيرة بالشمال بأسعار معقولة كلها 3 سنين وتدبّل ........
تحياتي .... |
اشتر أسهم ببنك الإنما ( سعره الآن مابين 12 و13 ريال ) يعني قريب من الإكتتاب |
الله يسهل عليك مطعم عائلى متواضع بديكور اثري والله يرزقك من اوسع ابواب رزقه |
راسلني على الخاص> وان شاء الله بنرشدك قدر المستطاع
|
أرى افضل شيء العقااار
وإنتبهوا من سووووق الأسهم ماوراها رزق |
ادخل490الف في الاسهم وخسرهاويبقالك10الاف 8اشتربها غنم ويبقا الفين اشتربها اكل للغنم علشان بعد 5اشهري تقريباَ ينتهن الاكل حق الغنم وتخلص الخمسميه ويموتن غنمك
وشرايك باستثماري تخلص الخمسميه بسرعه |
صالة العاب الكترونيه عن طريق النت
بتكلفة في الرياض ماتنان الف |
مشروع الصالة الرياضية المتكاملة ينقص مدينة بريدة
لا بد لصاحبك يبحث عن شريك لأن المبلغ ما يغطي تكاليف تأسيس الصالة ومعداتها الحديثة |
عليك بالاسهم شكلك ماعمرك خسرت جرب طعم الخسارة عشان تنجح
|
وفقكم الله تحياتي ومازلت في مشورتكم وانتظ مشورتكم وفقكم
|
اشير عليه بمحل فساتين نسائيه مستعمله وانت تعرف استعمال النساء يمكن مره او لم يستخدم
تكون صاله ديكورهااااااااا حلوووووو وموقع حلووو والله ولي التوفيق |
سبحان الله العظيم
الحقيقة انا سمعت هذا السؤال اكثر من مرة و شاهدته كثيراُ في المنتديات .. والسوال هو انا معي مبلغ من المال!!!!! واريد استثمارة في عاد ممتاز ؟؟؟؟؟؟؟؟؟ والله غريبه على العموم ماضيع فلوس الناس الا الطريقة في الاستشارات .... وكثير جدا من الناس لايملك اي موهبة او هوايه او مجال تجاري ثم فجئه وبين ليلة وضحاها يحصل على مبلغ من المال سواء قرض او ورث اواين كان مصدرة ثم يريد ان يستثمر ويعمل ((بزنس))ويريد عاد ممتاز . لا اريد الاطالة في الموضوع يااخي الحبيب .. الاستثمارات كثيره جدا والاعمال التجارية في طفرتها الان وفيها مجالات كثير في العوائد الممتازة والمعقولة مثل العاد السنوي والشهري وفيه مجال الصفقات ((يعني مره وحده)) وفيه مجال طويل الاجل ووو ....الخ) . ولكن لابدا ان تعرف انت ماذا تريد وماذا تعرف ؟ واي مجال تهوى ؟ ومعرفة قدرتك على الاعمال التى سوفا تقوم بها وتقبل مروري |
اخي الفاضل maskوفقك الله ماخاب من استشار ايضا الاحظ كثرة المشاريع المتكرررة الموجود في البلد فاحببت ان اخذ بمشورتكم لعلي اجد مشروع ذو عائد معتدل وايضا دورة راس مال سريعة
وفوق هذا وذاك نقاش نستفيد منه جميعا اشكر جميع الاخوة الافاضل على المشاركة وانتظار المزيد منكم ولمن يقع عليه المشروع اقصد اختيار له عمولة خاصة حق فكرة المشروع اقصد الحماية الفكرية وفقكم الله |
وليتك توضح لي مجال الصفقات ماهو ؟ وبماذا تكون الصفقات ؟
شاكر ومقدر للجميع |
اخي ساري ...
المطعم كما قال الاخوة ممتاز ولكن يحتاج الى ديكور وطعام ممتاز ولذيذ انا اقول لو تفتح لك مصنع مواد بلاستيك كسفرات وصحون وغيره هي عليها طلب من جميع فئات الناس يعني ان شاء الله المشروع ناجح ... وإذا بغيت افيدك بالمواد الخام والمكائن أنا حاضر أخوي اذا بغيت الاسعار والتكاليف كل شي موجود ارسل لي رساله خاصه وبإذن الله ما يكون الا الخير .. " طبعا اذا جاز لك المشروع " |
انتظر المزيد من الافكار النيرة والشكر موصول لك من عقب وا دلاء بدلوة وفقكم الله انتظر ارئكم واقتراحاتكم الماسية
|
عندي لك فكرة ممتازهـ ... بس تبي تفسير كموم ، وأذا أنت دب و تحب التبطح لا تدور
مشاريع لأن المشاريع تبي وآحد شقردي ما تبي وآحد يفكر أن الخمسمائة ألف بتجيب له مكآسب وهو نآيم . الله يوفقك و يرزقك ونشوفك تطق للوليد الصآيع بأصبع . |
يقــــولون اذا تبي مشروع ناجح شبع البطون ولا زين محل ملابس طبعا ببلادنا بس |
تـسـرق افـكـاارنـااا وتنسبهن لـك يااسـروووقي :cool: والله حبيبي المووضووع شدني صرااحه واجمل ماافيه هوو احسااسك وتفااعلك وحماااسك وانتمااءك ووطنيتك ورووحك صح وتعااونك ووو وكل شي :) المهم من وجهة نظري اقـــووول اقصد النشااطاات التجاارية والآعمااال الحررة طبعااا بدون تحديد نشااط بذااته حتى ادع لك ولغيرك فرصة البحث بس هي خطووط عريضه اتمنى ان تآخذهاا بعين الآعتبااار البعد عن الآفكاار المستهلكه او النشااطاات التقليدية فلووو رسمت مساار خاااص لـك يميزك عن غيرك يكوون افضل الآمر الثااني هي في مدى الجوودة والخدمة المقدمة وتعرف ان رضى العميل هوو مطلبي الآسااااس وثالثااا واخيراا هوو المووقع + التشطيب ولمساات فنية للديكوور تكوون متـميـزة هذاا على عجااله . . واتمنى لـك وله كل التـووفـيـق والـنـجـااااح شكراا لـك ،، |
الله يوفقك ويرزقك ،،،
أحببت أن أسأل : هل فيه نظام رسمي لـ(حماية الحقوق الفكرية) ؟ مثال: إذا فيه مشروع لم تطبق سابقاً ، فأردت أن أطبقه على الواقع ، ولا أريد أن يأخذ الناس فكرتي .:062: فهل أجد نظاماً يحمي هذه الفكرة التي بدأت بها ؟ |
أي مشروع تستطيع أن تقوم عليه بنفسك ولا توكله الى العماله ...
,,,, |
وشرايك في بناء المحلات ومن ثم تأجيرها مع إستثناء (السطح) والأجار يكون في بناء وحدات سكنيه في سطح المحل ملاحظه: إسأتثناء سطح المحل يعني شرط شرط على المستأجر أو إبلاغ المسـأجر انك سوف تبني وحدات سكنيه في اعلا المحل :41:41:41 |
مطعم راقي عوائل
لكن قروشك شوية |
اقتباس:
,, تقسيط سيارت مشروع ممتاز جداً.:d |
| الساعة الآن +4: 04:08 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.