|
خاص للبنات الي ترشحوا للمقابلة الشخصية في الجامعه؟؟
:re:41
-------------------------------------------------------------------------------- مساء الورد يابنااات كيفكن؟ اتمنى من البنات الي راحوا للمقابلة الشخصية اليوم حقت وظائف الجامعه يقلون وش صار عليهم وايش اسئلتهم؟ وتقول على اي وظيفة هي؟ |
غاليتي سفانا كنت اتمنى ان اعرف ولكن ليس لدي خبر اتمنى من الاعضاء مساعدتك وفقك الله || |
انا وظيفتي مسجلة طالبات , والمرشحات تقريبا 180 ..؟
اللي يقابلن مو وحده , وكل وحده تختلف اسئلته عن الثانية , لكن عموما يسألونك اسئلة بتخصصك وثقافتك وقراءاتك , يعني لاتتوهقين تقولين اقرا بالطب لانهم بيسئلونك عن اسئلة طبيه وبتسألك عن طبيعة عمل الوظيفة اللي مقدمه عليها وطموحاتك المستقبليه وكيفيه تطوير عملك وسألت عن نشاطاتك قبل بالمدرسة او الكلية اذا لك نشاطات , وسألت عن الصحة ومته اخر مره سويت كشف طبي ونظرك وسمعك اذا فيهم مشكلة , الصراحة اسئلتهم عاديه جدا ومستعجلين مره لان الناس كثارين لدرجة انه بالبداية كان موظفتين يقابلن بنت وحده وبعدين تفرقن وصارت كل وحده تقابل بنت<< ياحول ياللي دخلن بالبداية واهم شي اتزانك وثقتك بنفسك .. << لاتقيسين علي ترى يمكن اللي بتقابلك غير وحسب مالاحظت يختلفن عن بعض اسئلتهن بالتوفيق للجميع.. لاتنسيني من دعواتك واي وحده تستفيد من اللي كتبت تدعيلي ربي يكتب لي مافيه الخير.. |
مشكورة طموحه والله يوفقك
بس ياليت تقولين كم سؤال قالوا لك وكم وحده قابلت معاك حابة أستفيد لان مقابلتي يوم الاربعاء |
أنا مقابلتي بكره بإذن الله أخبركم شو يصير معاي
وبنات بسألكم هل معنى المقابله خلاص قبول نهائي أو لا وكماااان شكرا يا طموووحه على جهدك إن شاء الله نستفيد منها وفالك الوظيفه يااارب |
دمعة فرح:
مافي شي مؤكد , البنات اللي ببداية القائمة قابلنهم ثنتين , يوم شافوا ان البنات كثار تفرقن كل وحدة بمكتب وصارن كل وحدة تقابل بنت , واسلوبهن يختلف عن بعض. ومقابلتي بالتحديد : سألت اذا اخذت دورات ؟ واسم الدورة؟ قالت ايش الاعمال اللي تقوم فيها مسجلة الطالبات؟ وقالت لو ضاع اسم بنت وش تسوين؟ وكيف تطورين عملك لو انقبلتي؟ بعدين سألتني وش ثقافتي وقراءاتي واخر كتاب قريته؟ قلتله ثقافتي منوعة بعدين سألت: عددي اربع من زوجات الرسول؟ متى توفي الرسول؟ -سألت هل لك نشاطات بالكلية او بالمدرسة؟ بعدين سألت مته اخر مره سويت كشف طبي ؟ وسألت عن قوة السمع والنظر؟ وبس نونا : لا ياحلوة مو قبول نهائي , اقولك شي , بس لاتتحطمين لانه الرزق من رب العالمين.. انا وظيفتي طالبين 6 فقط واربع احتياط يعني اذا وحدة من هالست تركت الوظيفه تترشح وحدة من الاربع واللي مقدمين عليه 400 وقيل 800 , وبالمقابلة اللي اليوم مرشحين 180 تقريبا انا رحت وانا متوقعة انهن 20 وحدة ماتوقعت 180 ابدا .. يعني من ال 180 بيترشح 6 و 4 احتياط ---------- ونصيحة بنات لاتجاوبون بمثالية , وقولوا الصدق مهما كان عشان ربي يوفقكم , واهم شي الثقة وخليك انيقة بلا تكلف , وانتبهي لجلستك ولاتتحركين كثير ترى يدل انك مرتبكة , ولاتنسن السلام والمصافحة.. وماتوفيقي الا بالله عليه توكلت وهو رب العرش العظيم.. اسأل الله التوفيق للجميع |
طموحة ضد التحطيم
لو سمحتي ترتيب الأسماء ماتدرين وش سالفته؟؟؟ على أي أساس رتبونا كذا؟ عشان الاختبار والا المؤهل والا الخبرة والدورات والا ايش؟؟؟ مشكورة |
light :
اتوقع عشوائي الترتيب وماله دخل بأي شي , لانه وظيفتنا ماطلبوا خبرة او دورات لذلك كل اللي مقدمات مثل بعض.. اتمنى اكون افدتك |
هذي وظايف جامعة الرياض ولا القصيم؟؟؟؟؟؟؟؟؟؟؟؟؟؟؟؟؟؟؟
|
هذي وظايف جامعة القصيم والله يوفق اختي طموحة ويرزقك بالوظيفة اللي تتمنين جزاك الله عنا الف خيررررر |
اقتباس:
الله يوفقك يالغلا لمايحبه ويرضاه ماقصرتي...والله يجعلها من نصيبك ولايحرمنا يارب |
مشكورة طموحه والله يوفقك ويسرلك أمر هذي الوظيفة
وجزاك الله خير وجعل ذلك في موازين أعماك |
ركعتين بالليل ادعوا فيهن ربك إنه يكتبلكن الصالح ... |
يرررررررررررررررررفع
|
أنا اليوم سويت المقابله تبع وظيفة مراقبة طالبات
وأسئلتهم عاديه أول شيء ماذا تعرفين عن مسمى وظيفتك وش خططك لتطوير الوظيفه تصرفك لو طالبه سوت إزعاج في المحاضره أسئله ثقافيه مثل كم عدد المطارات بالمملكه كم عدد المسلمين بالعالم ماهي العروة الوثقى ثقافاتك وميولك تخصصك آخر كتاب قرأتيه ومثل هالأشياء والله يوفقنا وإياكم سمعت إنه يبون 4 من 100 من وظائف المراقبات الله يرزقنا من واسع فضله يا كريم |
مشكورة ياخت نونا والله يوفقك
|
مشكورة اختي نونا بس بسئلك؟ انتي على المرتبة الرابعه او الخامسة؟ لان البنات الي اختبروا على المرتبة الخامسة قليلات ومادري كم يحتاجون؟(بالدور الثاني) اما البنات الي اختبروا عالمرتبة الرابعه كثيرات ؟(الي بالدور الثالث) انتي مع مع مين؟ وماتتدرين متى بيعلنون النتائج؟ |
اهلين بنات الحمدالله امس قابلت وكانت والحمدالله سهله كلها اسئله عامه وكم سؤال عن الوظيفه لكن لاحظت انهم يهتمون بدورات الكمبيوتر اختي سفانا انا مقدمة على المرتبة الرابعه وكان عدد المترشحات تقريبا 76وكنا نختبر بالدور الثاني ومعانا يمكن سبع يختبرون بنفس اللجنة بس ع المرتبة الخامسه الله يوفقك الجميع ويسر الامور ويكتب لنا مافيه كل خير |
أنا على المرتبه الرابعه
بالدور الثالث بس ما أعرف عدد المرشحات ولا كم يبون منها |
اقتباس:
الله يوفقك يالغلا ويوظف الجميع ومايكون فية بطاله طيب وش سالفة ترتيب الاسامي خاصه انها مو عالابجدية يعني هل ترمز لشي كتابة الاسامي؟؟لاني سمعت من البنات انها تعني الافضلية لاني شفت بالترتيب ممن هم أقل مني بالدورات والخبرات انا والله انصدمت بالمقابلة حسيت انها من جد اجراء روتيني لانها ماشافت ملفي ولا دوراتي ولاشي بس مجرد سؤال سريع.... تحطمت بصراحه الله يوفق الي ترد ويوظفها عاجلاً غير أجل بس اخذت اسمي وسجلي المدني ورقم جوالي...وبعدها تأكدت انها مغصوبة عالمقابلة لانهم موظفين الي يبون......... ما أقول الا حسبنا الله ونعم الوكيل |
اقتباس:
الله يوفقك اختي نـــnaــونا ويرزقك من أوسع ابوابه قولي (آآآآآآمين) ويوظفك بمكتب شيك أوي ومرتبة مرضيه ومن سمع هههههههههاي اقصد من قرا وقال أمين |
سفانا
تفائلي بالخير, محد بياخذ رزقك بس انتي احسني الظن بالله وعلقي املك فيه .. حسبي الله لا اله الا هو عليه توكلت وهو رب العرش العظيم |
أتوقع السالفه مو بس على الخبرات والدورات أكيد كل شيء له نقاط
ويمكن الترتيب على حسب نتيجة الإمتحااان أنت كيف حلك بالإمتحان التحريري وإذا الدعوى على الترتيب أنا رقمي 7 واللي قبلي كلهم ما جاءوا ودخلت اول وحده وأتوقع الشهادات والخبرات بعدين يدققون عليها لأنهم حتى ما شافوا الأصول بس تكفون اللي يدقون عليها تخبرنا حتى نشوف أوضاااعنا والله يرزقني وياااكم يا كل الغلا |
مساااااااء الخير للجميع00 أنا سويت المقابلة الشخصية في كلية التأهيل وأنتظرالرد00 مافيه أخبار جديدة وسمعت إنهم راح يوزعونااااا على كل القصيم مو بس بريدة وهذا بحجة إننا رسميات ولازم نروح لأي مكان مدام الراتب ثاااابت تتوقعون يابناااات0
|
هم يوظفوننا بعدين مستعده أروح أي مكان يبون
بس على ما أعتقد ببريده لأن الكليات بس هنا ببريده وعقلة الصقور لها تقديم لوحدها مالها خص ببريده والله يرزقنا وياكم أنا إذا إستجد جديد عندي خبرتكم |
الله يوفقكم يابنات لاتسون خلو اخبارنا كل يوم بيومه
|
الحين شلون يعني فيه احد اختبر يالدور الثاني واحد بالثالث طيب ليه وش الحكمة ؟؟ احنا مادخلنا ع ترتيب الاسماء ع قولتهم من سبق لبق هههههه تصدقون ماانتبهت لترتيبي لاني احسه ترتيب عشوائي ماله دخل بالنقاط طيب كم عدد المقبولات لوظيفة مراقبة طالبات المرتبة الرابعه ؟؟ وكم المطلوب الله يوفقنا ويسهل امورنا ويرزقنا بالوظيفه اللي تسرنا ويغنينا بحلاله عن حرامه اعرف وحده مقدمه على مراقبة طالبات المرتبه الخامسه ومن شروط هالوظيفه ثلاث سنوات خبره في طبيعة العمل وهي ماقد توظفت بالوظيفه هذي ابد يعني تأكدوا ان فيتامييين وووووووووووووو راح يدخل بس انا ودي اعرف شلون الواحد يحلل لنفسه شي مو من حقة ويرتاح باله بالوظيفه وهو ماخذ مكان غيره حسبي الله على الظالم وحنا معنا رب العالمين واسطتنا عسى الله يكتبها لنا اذا فيها خير ويبعدها عنا اذا فيها شر ياحي ياقيوم واللي تسأل عن العقلة ترى لهم تقديم لحالهم وامس معنا وحده قابلت تقول جاية من عقلة الصقور يعني مب هم يحطونا هي طالبه تصير هناك والوظايف الظاهر انها تقتصر على كليات بريده والله اعلم اختي سفانا نسيت اقولك انا بعد ماشافت ملفي بس سألتني اذا معي كمبيوتر واخذت اسمي وسجلي وجوالي وسعس صدرك ياعمري واذا لنا رزق بناخذه (حسبي الله لاإله إلا هو علية توكلت وهو رب العرش العظيم ) |
اقتباس:
هلا اختي حياك الله انا سمعت ان الترتيب له علاقه بالتوظيف انا اقصد ان الاسامي الي بالدور الثالث علمرتبة الرابعه اما الي بالدور الثاني محددين 11 اسم عالمرتبة الخامسه وياعالم كم بياخذون من ال11 وحده او نص وحده ودي ادري متى الاعلان عنها؟ |
الله يرزقنا وياكم من أوسع أبوابه
يا كريم يا مناااان |
الله يسمع منك يااختي نونا وجزاك الله ألف خيــــــــــــــــــــر
اختي سفانا سمعت من البنات انهم مستعجلين ويمكن تطلع الاسماء بعد اسبوع (الله كريم وان شاءالله يرزقنا من واسع فضله ) انا مادريت ان فيه احد بالدور الثالث احسبهم كلهم جميع بالدور الثاني وكانوا معانا المرتبه الخامسه ع العموم اللي يوفقنا ويسهل امورنا اجمعين ويعوض صبرنا خير |
آآآآآآآآآآآآآآآآآآمين يارب |
متى مقابلة مساعدة مبرمجة؟؟؟؟؟
جزاك الله خير |
اقتباس:
ماتوقع باقي مقابلة لاني على حسب ماسمعت ان الاعلان عن النتيجه نهاية الاسبوع هذا |
سلام سلم مساعدة مبرمجه فيه بنات قالوا إنها يوم السبت على ما أعتقد
|
شو صار يا بنات
هل هناك جديد ؟ أحد دقوا عليه ؟ كلمتهم صديقتي يوم الثلاثاء قالوا لها تطلع الأسماء يا الأربعاء يا السبت |
أنا أتصلت على الجامعة اليوم قالوا لي شوفي الكلية اللي قابلتي فيها طبعا أتصلت على وكلية الكلية قالت لي ياختي والله ماعندنا شي حنا رفعنا أوراقكم الى الجامعة هم اللي عندهم النتائج .
|
الله يرزقنا وييسر أمورنا
بإذن الله بكلمهم السبت مره ثانيه |
الله يرزقنا ويسهل امورنا
|
الله يوفقنا واياكم
ويزقنا من واسع فضله الله يجزاك خير نونا تأكدي لنا وعطينا خبر^^ |
يالله ياكريم ارزقنا من واسع فضلك ..
حسبنا الله سيؤتينا من فضله العظيم انا الى الله لراغبون |
أنا أتصلت اليوم ( السبت ) على الشؤون وقالوا نهاية الاسبوع القادم إن شاء الله
|
أنا ولد ..
أسألوا شبااصة .. :41 |
ابشركم تراهم بدو يتصلون امس دقوا على وحده اعرفها مقدمه على وظيفه كاتبه
بالتوفيق للجميع يارب |
يا بنات طلعت الأسماء عند شؤون الموظفين
ونا ماطلع أسمي الحمدلله الذي لا يحمد على مكروه سواة اللهم آجرني في مصيبتي وأخلف لي خيرا منها قدر الله وماشاء فعل |
اختي دمعة فرح وش مقدمه عليه ؟؟؟
فيه احد مراقبة طالبات ودقوا عليها ؟؟؟ |
اقتباس:
|
اختي دمعة فرح الله يعوضك بوظيفه احسن منها ان شاءالله
بالتوفيق للجميع |
كل التخصصات المطلوبه دقوا عليهم
والا مسميات معينه؟؟؟؟ |
الله يعوضك اخت دمعة فرح بافضل منها ان شاء الله
لكن ماتردون في احد مقدم على مسجلة معلومات ودقوا عليها؟؟؟ |
السلام عليكم
بنات اللي تبي تتأكد من إسمها تدق على رقم جامعة القصيم 3800050 وتطلب شئون الموظفين يشوف لها إسمها الأسماء طالعة من زمان يعني من قبل المقابلة الشخصية واللي ترتيبها الأول في كشف الأسماء عند الكلية اللي قابلت فيها هي اللي رشحوها فقط وأنا لم يتم ترشيحي والحمدلله على كل حال ... ومبروك للي رشحوهم ويجعل الوظيفة لهم عونا على الطاعة.. |
أهلاااااااااا بالجميع 00لكل متقدمة على وظائف الجامعة
مساء الخير أنا بنت القيصر00عندي بعض المعلومات لعلها تفيدكم أنا قدمت على مسجلة طلبة قالت لي وحدة من الإداريات اللي في الكلية الأسماء راح ترفع للديواااااااان لأن الوظائف زي ماتعرفون رسمية ولازم يوضع لها ميزانية00وبالنسبة للعدد اللي يبون من مسجلة الطلبة (6) 1رسمي و5 إحتياااااط يوم عرفت بهاذا الخبر بغيت أنجلط لولا وجود الغالي بجانبي (والدي)00اما مراقبة الطلبة اللي في المرتبة الخامسة راح يكونن رئيسات على اللي في المرتبة الرابعة 00هذا اللي أعرف ولكم حبــــــــي0
|
رد على ترشيح جامعة القصيم
السلام عليكم ورحمة الله وبركاته
يابنات لا تتعبون انفسكم تري الدعوى كلها واسطه واللي عندها واسطه من بعد الله ضامنه الكرسي والا في وحده اجتازت المقابله الشخصيه بامتياز ولم يتم ترشيحها وبعدين في مصدر موثوق يقول اهم شي الامتحان التحريري اذا اجتزتيه خلاص ان شاء الله راح يتم ترشيحك والمقابله شي روتيني مو اساسي وبعدين لاصارت الجامعه بحاجة الى 1 ليه تستقبل اعداد كثيره 400 متقدمه ثم 178 وبعدين يتم ترشيح 1 و4 احتياط المفروض تقبل اعداد قليله حرام عليهم يسوون فينا كذا وبعدين يابنات هل يعقل كل المتقدمات لم يجتازن المقابله!!!!!!؟؟؟؟:i121 وحبيت اخبركم..... راح تعلن جامعة القصيم عن وظائف ثانيه بعد ماتنزل الميزانيه غريب امرهم بس ترى الاولويه للاحتياط لان الملف يصير عندهم لمدة سنه !!!!!!!!!!!!! |
طيب انا دقيت عليهم يوم الأربعاء
قال لي اسماء المرشحات لوظيفة مسجلة معلومات تطلع الأحد دقيت الأحد قال ما طلعت واشوف في بعض الممنتديات يقولوا كل الأسماء طلعتO_o في احد عنده خبر اكيد؟؟؟ |
الله اعلم
أنا خلاص غسلت يدي بماء وصابون جوالاتنا عندهم اللي يبينا يدق علينا الله يوفقنا وإياااااااكن |
الله يرزقكم الوظايف يارب بس حبيت أسال الاختبارالتحريري وش عنه وأنا يوم رحت اخذا وثيقتي سألت عن الوظايف قالوا ان الدكتور العبد المنعم منه التوظيف اذا كنتي تعرفيته راح تتوظفين بس الحظ ابوي يعرفه يقول ما يحب الوااااااااااااااااااسطات سبحان الله الحظ ردي ومن زين الامور وثيقتي ضاعت الكليه يقولون وديناه للجامعه لانه به خلل والجامعه يقولون ما جانا شي وانتي يابنت منيره طززي |
| الساعة الآن +4: 09:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.