|
كشتة الخميس موسم الأمطار والخيرات 1429هـ
السلام عليكم ورحمة الله وبركاته بمناسبة هطول الأمطار المتواصلة على مدار أسبوعين وروعة الأجواء التي عدلت أمزجة الناس وشرحت صدروهم ورسمت الأبتسامة على وجوههم قررنا نطلع فجر الخميس وكنا اثنين فقط لأنهم يقولون الخف رحمة :) طلعنا بعد الفجر بساعة إلى ( النبقية - المستوى ) صور من الطريق بسم الله ما شاء الله حتى الطريق غطته المياه هنا متجمعة السيارات لا أعلم لماذا ؟ الطريق متغطي من المياه ولا يمكن عبوره والدفاع المدني واضع احتياطه وناصب خيمه في حال واحد سوى فيها فاهم ودخل يطلعونه ويعطونه عصوين :d وهنا طريق آخر ( الصريف ) الطريق أيضا مغطى بالمياه وراعي الحوض رجع ما قدر يكمل :d وقلنا نبي نوصل المكان نفسه من طريق آخر لكن ! الطريق الآخر نفس المشكلة الطرق أغلبها مغطاه بالمياه ولا يمكن عبورها الجزء الأيمن من الشارع مكسور بسبب المياه فقلت لصاحبي خل نرجع أزين لا نتوهق :) صار عندنا بحر راحت فيها البحر الأحمر :d الطريق مغلق أيضا :d قلت لرفيقي خل ندور لنا نفود قريب نفطر وبعدين يحلها ربك :) ولقينا المكان المزيون ضبط القهوة خذ فنجال وعلوم رجال الأستعداد لضبط الكبدة صورة من أعلى النفود مكان نال أعجابي جزيرة تطعيس جانا ضيف جديد كان لحاله وانضم معنا وصرنا ثلاثة وأول ما جانا غرز من الفرحة وتم سحبه اتجهنا للمستوي وأول ما دخلنا لقينا المسكين متورط مع الطين خوينا علطول نزل من السيارة ولا كلمهم ويفك أبر الكفرات وراعي السيارة انهبل ما يدري وش السالفة وعلطول يركب الأبر :d وسحبناه وطلع يوم طلعت صارت ضحكته شبرين من الفرحة :d شعيب جميل تم قطعه قطعاً :d وأنا أتنقل من مكان إلى مكان بسرعة حتى ما تغيص رجليني فجأة صار كذا :d يقول رفيقنا بسبح السيارة جلسنا هنا نبي نتقهوى ونسوي غدانا عدل مزاجك الكبسة مضبوطة هنا نشرب من ماء المطر نظيف وصافي نلحق رفيقنا بالسيارة وراه لأنه أعرف بالطرق ويشوف الأرض زينه للمشي ولا لا حتى ما نتوهق وحنا وراه وقف هو فجأة ومشينا وتعديناه وإلى الأرض طينية قلت لرفيقي دوس بس ازين ما نتوهق والحمد لله قطعنا المسافة بسلام وبقي راعي الجيب متردد آخر شي خربها وداس قوة ووصل هنا النبقية مكان متجمعين فيه الناس يدورن الصجة وسلامتكم .. وإن شاء الله ينال التقرير إعجابكم |
جزاكـ الله كل خير يا ابو خالد ..
رحلة ممتعة .. |
والله يا أنتم فللللة .. من أروع التقارير اللي شفـت :) .. |
.
. مَا شَاء الله حلوووة وااايد وينك يَا بو خالد من طول الغيبات جاب الغنايم :) ألف شكر يالغلا على هالتقرير الرَّائع . . |
$ الضمادا $
وإيــــــاك شكراً لك أسعدني مرورك نبوغ الفكر مشكور يالغالي وهذا من ذوقك قاهر الروس موجود أبو سليمان بس أنت كبر رأسك علي :eek5 شكرا يا حبيب القلب |
,,
مهبوووووول على التقرير .. ما خليت شي ما شاء الله عليك .. لكن وش صار عليك بتلت تمشي حافي ولا طلعت ( النعله ) من الطين ؟ :d أبوخالد ما قصرت على التقرير الحلو ,, ,, |
الذيب a l d e e b
هذا اللي نبيه أننا نقدم شي مرضي للجميع تبرعت فيها للطين :) مشكور يالغالي |
عيشتنا يالغالي في جو رااائع وبديع
صور نقية كنقاوة وصفاء قلوبكم تقرير راااائع كروعتكم دمتم بخير والمرة التالية أخبروني أطلع معكم ... |
ما شآآآآء الله ’’’
شكلكم مارين السنيدي قبل ما تكشتون ’’ :d |
راااااااااااااااااااائع
صووور خيااال يعطيك العاااااااااااااافيه اخووي |
يعطيك العافية ابو خالد
|
الصورة التي كتبت عنها انها جزيرة ممكن تذكر لي مكانها بالضبط
ابي وصف المكان لاهنت |
يعطيك العافية ابو خالد
|
ولا ياهي كشته
ليتي معكم |
أبو خالد ..
تقرير كامل مكمل ما شاء الله عليك ،، صور احترافيه و لا خليت لنا شي ،، ما شاء الله عليك ،، كأننا معك بالرحلة ،، بس ياليت لو تعطينا و صف الشعيب اللي قطعتو معه بالجيب ، أشوف الخضار جاز لي بالحلي ،، ما شاء الله ،، الله يهنيكم و يبارك لكم فيه ،، |
أبو خالد وأنا أتصفح التقرير تمنيت إني معكم
متى الكشتة الثانية تراي خويكم.......:41:41 |
راااااااااااااااااااائع
صووور خيااال يعطيك العاااااااااااااافيه اخووي |
الله يسلم إيدياتك على هالتقرير الرائع
والله إنكم كيافه |
الإعصار
مشكور ياالغالي وأبشر نرسل لك رسالة خاصة بس خلك جاهز :) الـمـتـمـيـز أكيد مارين السنيدي مالنا غناة عنه :) اخـت الـبـدر الله يعافيك فوارس الله يعافيك المكان بعد كبري الشماسية تلف يمين ( وادي بقر ) هذا الوصف أخذته من السواق لأني راكب ولا أعرف الوصف زين بس هذا وصفه لي عزيز نفس الله يعافيك ا س ح 8991 خلاص نسجلك مع ضمن القائمة اللي تبي تخاوينا :) |
مشكووور يااابطل ابداااع
|
المستشار
مشكور يالغالي وهذا من ذوقك الشعيب بالمستوي بس بأي مكان ما أدري بالضبط وأنا مع السواق والله ما أدري من وين ومن وين جاء :094: v.i.p الله يحييك نتشرف بك والله :) سلومي 6666 الله يعافيك يا طيب روسان مشكور وأسعدني تواجدك متوهق مشكور يالغالي |
| الساعة الآن +4: 07:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.