|
أمي تقول: وراه شريط المجد مجلعد، عجزت أقرأ ولا كلمة.
حيا الله شباب الكشكول كيف حالكم وش أخباركم تمام إن شاء الله إنكم بخير،
*اليوم العصر وأنا قاعد قدام قناة المجد العلمية أسمع خطبة الشيخ عبد العزيز آل الشيخ - مفتي عام المملكة - جت الوالدة - الله يخليه لي ويطول بعمره وبأعمار أمهاتكم - تقرأ شريط المجد اللي تحت قالت: أعوذ بالله، قلت: وش بس، قالت شريط المجد مجلعد وعجزت أقرأ منه ولا كلمة، أنا ضحكت، وقلت لأميمتي: خلين أعلمس= أعلمكِ، قالت: وش عندك ياوليدي، قلت يا أميمتي هذا شريط المجد به كل شيء، قالت أمي: وشلون ، قلت هذا شريط المجد : 1- إذا أنتِ تبين خلطات شعر أو صبغات شعر ومن هالقبيل فهي موجودة بهالشريط. 2- وإذا أنتِ تبين مكياج وسمكرة للوجه وشغل تلييص ، فهي موجودة بهالشريط. 3- وإذا أنتِ تبين رجال فاضين وماسكة معهم استهبال فهذا الشيء موجود بالشريط، قالت أمي: وشلون قلت أنا أعلمس= أعلمكِ وشلون: يجي أحد الرجال الفاضين ويرسل رسالة للشريط كاتب فيها يا سلام لو أتزوج الثانية وثمن تعالي شوفي الهواش بالشريط، تجي حرمة وتقول عسى بطن العدو للشق وشوله تزوجون ثانية اعقلوا بس، وتجيك حرمة ثانية وتقول عسى طحال العدو للشق وشوله تفتحون باب الزوجة الثانية، والله يستر يا أميمتي ما تنزل شركة الاتصالات خدمة معط الشوش عن طريق الشريط. ثمن قلت لأميمتي ويبتل الشريط على هالموال إلى أن تهدأ العاصفة. 4- وإذا أنتِ تبين طبخ وكل وحده تقول تكفون أبي الطبخة الفلانية أو الحلا الفلاني فهو موجود بهالشريط. * جت أميمتي وقالت لي: أجل بعذري ياوليدي عجزت أقرأ الشريط أثره علشان كذا مجلعد، قلت أنا: إيه نعم، والمستفيد هم شركات الاتصالات بأنوعها وقناة المجد، قالت أمي: أجل خلن أقوم أحمس قهوتي أزين لي من هالخراط الفاضي. * ودمتم بود. |
.
. وإذَا كُنتَ تُريدُ المُعَاكَسَات وَمَحضنِ السُّفهَاءِ في الشَّريط فَحَدِّث ولا حَرَج - كَمَا رَأيتُهُ في أحدِ القنوات - أأسَّمي الكَلامَ اللي فيه مغازل محافظين ومطاوعة :) شُكرَاً لَكَ أيُّهَا الحَبيب . . |
اي والله صدقت
عشان يقحشون الاتصالات , عشنا وشفنا |
عالم فاضية انا مالي خلقهم لقالت انافلانة ابي واحدة تصادقني همن تجي واحدة تقول انااصادقك همن يالله انواع القرق0 والله من الفضاوة عندهالجنس0 شكرييييات
|
.
الله يخلي لك أمك .. . |
الله يخلي لك امك.. وشلون امك تعرف تقرا ؟ |
شريط المجد قصدك شريط الحريم والقرق الفاضي بس زينت الشريط خلتنا مانعني لبعض الاشياء يبدون يكتبون من هالخلطات ويطبقونهن بالبيت وبرضه عنتنا بعض الشيء مثل اذا شافن شيء غريب قالن رح جب ماتسلم من شيء هالايام شكرا اخي |
اقتباس من مشاركة قاهر الروس:
وإذَا كُنتَ تُريدُ المُعَاكَسَات وَمَحضنِ السُّفهَاءِ في الشَّريط فَحَدِّث ولا حَرَج - كَمَا رَأيتُهُ في أحدِ القنوات - << نعم صحيح ما قلته يا أبا سليمان، فتجد الكلام في هذا الشريط لا يستفاد منه، ليس كله بل أغلبه، وتجد أيضاً طلبات التعارف بين الجنسين. أأسَّمي الكَلامَ اللي فيه مغازل محافظين ومطاوعة<< هههههه، لك ذلك يا أبا سليمان. شُكرَاً لَكَ أيُّهَا الحَبيب << العفو يا أبا سليمان. أشكرك يا أبا سليمان على مرورك الجميل. لك ودي واحترامي. |
اقتباس من مشاركة ضايق الصدر:
اي والله صدقت عشان يقحشون الاتصالات<< والمستفيد الأول هم شركات الاتصالات وفواتير عالية على كلام فاضي. عشنا وشفنا<< أعتقد إن فيه خرابيط جديدة تبي تطلع بس أنت اصبر. أخوي ضايق الصدر أشكرك على مرورك. لك ودي واحترامي. |
اقتباس من مشاركة العفالقي:
عالم فاضية انا مالي خلقهم لقالت انافلانة ابي واحدة تصادقني همن تجي واحدة تقول انااصادقك همن يالله انواع القرق0 والله من الفضاوة عندهالجنس<< إي والله إنك صادق تجي وحدة أبي وحدة تصادقني ثمن تجي الثانية خلاص أنا أبصير صديقتك وما تدري هو رجال والا بنت. شكرييييات<< عفوياااات. العفالقي أشكرك على مرورك المميز. لك ودي واحترامي. |
اقتباس من مشاركة نبوووغي ( نبوغ الفكر):
الله يخلي لك أمك<< آمين، وأنت كذلك الله يخلي لك أميمك ويطول بعمره على عمل صالح. صادزه أمك مير حمس القهوة أزين من مقابل الفاضين اللي ما وراهم نفع<< صدقت والله يا نبوغ، ماوراهم الا الخرط الفاضي، خلطات وطبخات وهذا زوجي ما أدري وش به، وخذ من هالكلام. شكراً<< العفو. نبوغ الفكر العزيز على نفسي والغالي على قلبي أشكرك على مرورك الرائع. لك ودي واحترامي. |
اقتباس من مشاركة بايعة بقرش:
الله يخلي لك امك<< آمين، وأنت كذلك الله يخلي لك أميمك ويطول بعمره على عمل صالح. وشلون امك تعرف تقرا ؟<< إيه أبشرك تعرف تقرأ تمشي روحه ما عليه. بايعه بقرش أشكرك على مرورك. لك ودي واحترامي. |
, تحريهم مايرسلون لي الرصيد :( مشكلة ياكربة , <-- تراو يمدح .. :d عندي كلام طويل بس كسل اكتب .. <-- والله من الصدز .. |
هلا بنخلة الكربة .. يابعدي انت الصراااااااااحة هالشريط انه فله ووناااااااااااااااااسة .. اذا ضاق صدرك اقعد تفرج عليه .. وانواع الضحك .. والله يابنت الجدوع هذي انه صارت أشهر من أوباما .. تلحط من هالخلاطاااااااااااااات .. وهالحريم ماغير ينقلن .. تلقى كل وحدة ماسكة قلم وورقة وتكتب .ز يادافع البلى تقول تحل واااااااااجب .. والا اللي تكتب .. أحسن مدرسة بالعالم شريفة العبدالرحمن .. اللي بالمتوسطة التسعطعش .. وهي اللي كاتبته نفس المدرسة .. هالكلاااااااااااااكة .. والا عااااااااااااااد .. مها الناصر .. اللي ماتت 36 مرة .. مها الناصر ماتت .. مها الناصر لا ماماتت .. يالبي واحد يقول هالشريط اذا ضااااااق صدري جمعت خواتي وبنات خواتي .. وقلت تعالن شوفن .. وارسلت لهالمهبل رسااااااااااااالة .. انا خطبني مهندس مصري ملتزم وخلوق وش رأيكم اوافق أو لا .. وجن هالحبيبات على البيبان .. لا لاتعرسين لاتآخذينه ترى ماينفع يبلشتس بالهمق .. واللي تقول خوذي من شباب بلدك .. وبعد كم يوم قلت خل ارزحهن شوي .. وكتبت .. زوجة ابوي بعد ماتوفت امي دايم تعذبني ابي انتحر .. وتعال شف انواع الدعاء والهوش على مرت هالأبو .. واللي تدخل تنصح اصبري واحتسبي ,اجرك على الله .. مير امي قعدت تصيح وانا جنبه .. قلت يمه مهوب صدق .. انا اللي كاتبه .. يالبي الصراااااحة انهن فسحة .. وشكراً يابعدي .. سي يو .. |
^^^ :d . . |
اقتباس من مشاركة الدعساوي 608 :
شريط المجد قصدك شريط الحريم والقرق الفاضي<< نعم شريط الحريم والخرط اللي ما يقضي. بس زينت الشريط خلتنا مانعني لبعض الاشياء يبدون يكتبون من هالخلطات ويطبقونهن بالبيت<< صح أنا معك تجي خلطات بعضهن ينفعن ويستفيدن منهن الحريم، لكن الله يستر لا تجي خلطة ثمن يجربونه أهلك ثمن تروح بطونكم، أو لا تجي خلطة شعر ويجربه أحد أهلك ثمن يروح الشعر وطي، يعني المشكلة بهالخلطات ما يدري الواحد وشي أضرار هالخلطات. وبرضه عنتنا بعض الشيء مثل اذا شافن شيء غريب قالن رح جب<< يعني ابلش، وخصوصاً إذا شافن الحريم خلطة جديدة يالله رح جب الأغراض خلنا نجرب هالخلطة الجديدة أغديه تصير زينة. ماتسلم من شيء هالايام<< صدقت أخوي، لكن الواحد يقول الله يكفينا الشر. شكرا اخي<< العفو. الدعساوي أشكرك على مرورك الجميل. لك ودي واحترامي. |
اقتباس من مشاركة عبد السلام:
تحريهم مايرسلون لي الرصيد<< أكلف ماعليك أرسل رساله للشريط وقل أبي رصيد وتشوف الحريم ما يقصرن معك، شرط إن يشحنون لك بألف وإن كان تبي أزود ما يقصرون معك. مشكلة ياكربة , <-- تراو يمدح<< يا حبيلك. عندي كلام طويل بس كسل اكتب<< أي يازول عليك الله، وما أقول إلا جزاك الله خير على هالكلمتين. <-- والله من الصدز<< لا عاد تسذب= تكذب مرة ثانية<< تراي أمزح. عبدالسلاموه أشكرك على مرورك. لك ودي واحترامي. |
ـههههههههـ
يا حبيل اميمك .. اجل .. سلملي عليه .. :d |
[quote=كربة النخلة;1253514]حيا الله شباب الكشكول كيف حالكم وش أخباركم تمام إن شاء الله إنكم بخير،
*اليوم العصر وأنا قاعد قدام قناة المجد العلمية أسمع خطبة الشيخ عبد العزيز آل الشيخ - مفتي عام المملكة - جت الوالدة - الله يخليه لي ويطول بعمره وبأعمار أمهاتكم - تقرأ شريط المجد اللي تحت قالت: أعوذ بالله، قلت: وش بس، قالت شريط المجد مجلعد وعجزت أقرأ منه ولا كلمة، أنا ضحكت، وقلت لأميمتي: خلين أعلمس= أعلمكِ، قالت: وش عندك ياوليدي، قلت يا أميمتي هذا شريط المجد به كل شيء، قالت أمي: وشلون ، قلت هذا شريط المجد : 1- إذا أنتِ تبين خلطات شعر أو صبغات شعر ومن هالقبيل فهي موجودة بهالشريط. 2- وإذا أنتِ تبين مكياج وسمكرة للوجه وشغل تلييص ، فهي موجودة بهالشريط. 3- وإذا أنتِ تبين رجال فاضين وماسكة معهم استهبال فهذا الشيء موجود بالشريط، قالت أمي: وشلون قلت أنا أعلمس= أعلمكِ وشلون: يجي أحد الرجال الفاضين ويرسل رسالة للشريط كاتب فيها يا سلام لو أتزوج الثانية وثمن تعالي شوفي الهواش بالشريط، تجي حرمة وتقول عسى بطن العدو للشق وشوله تزوجون ثانية اعقلوا بس، وتجيك حرمة ثانية وتقول عسى طحال العدو للشق وشوله تفتحون باب الزوجة الثانية، والله يستر يا أميمتي ما تنزل شركة الاتصالات خدمة معط الشوش عن طريق الشريط. ثمن قلت لأميمتي ويبتل الشريط على هالموال إلى أن تهدأ العاصفة. 4- وإذا أنتِ تبين طبخ وكل وحده تقول تكفون أبي الطبخة الفلانية أو الحلا الفلاني فهو موجود بهالشريط. * جت أميمتي وقالت لي: أجل بعذري ياوليدي عجزت أقرأ الشريط أثره علشان كذا مجلعد، قلت أنا: إيه نعم، والمستفيد هم شركات الاتصالات بأنوعها وقناة المجد، قالت أمي: أجل خلن أقوم أحمس قهوتي أزين لي من هالخراط الفاضي. الله يرزق عمراً طويل وعمر صالح يارب |
اقتباس من مشاركة شوقي المدحت ( العيار) :
هلا بنخلة الكربة<< هلا بك يا بعد طحالي. يابعدي انت الصراااااااااحة هالشريط انه فله ووناااااااااااااااااسة .. اذا ضاق صدرك اقعد تفرج عليه .. وانواع الضحك<< بهذي صدقت اقعد ناظر هالخلطات واضحك هذي خلطة شعر وهذي خلطة عجينة بيتزا، وخذ خلطك وأنت ماشي. والله يابنت الجدوع هذي انه صارت أشهر من أوباما .. تلحط من هالخلاطاااااااااااااات .. وهالحريم ماغير ينقلن<< هههههههه، بنت الجدوع هذي لا قيتن حريم الله بالخير وتقول يالله خلن أخربط عليهن. تلقى كل وحدة ماسكة قلم وورقة وتكتب .ز يادافع البلى تقول تحل واااااااااجب<< وتشوف كل وحدة مبحلقه عيونه ويالله بسرعة انقلي لا تروح الخلطة. والا اللي تكتب .. أحسن مدرسة بالعالم شريفة العبدالرحمن .. اللي بالمتوسطة التسعطعش .. وهي اللي كاتبته نفس المدرسة .. هالكلاااااااااااااكة<< ههههههههههه بهذي صدقت دايم أشوف شريفة العبدالرحمن دايم تكتب إنه أحسن مدرسة وما أدري أيش، وهي شكلة فراشة. والا عااااااااااااااد .. مها الناصر .. اللي ماتت 36 مرة .. مها الناصر ماتت .. مها الناصر لا ماماتت<< ههههههههه، أم هذي مها دايم تقرأه، تجيك وحدة كاتبه: ياناس تكفون علمون مها ماتت وإلا ماماتت، والثانية تجيك وتقول لا ما ماتت ويالله خذ من هالكلك. يالبي واحد يقول هالشريط اذا ضااااااق صدري جمعت خواتي وبنات خواتي .. وقلت تعالن شوفن .. وارسلت لهالمهبل رسااااااااااااالة .. انا خطبني مهندس مصري ملتزم وخلوق وش رأيكم اوافق أو لا .. وجن هالحبيبات على البيبان .. لا لاتعرسين لاتآخذينه ترى ماينفع يبلشتس بالهمق .. واللي تقول خوذي من شباب بلدك<< ههههههه، وعاد هالحريم ما يبن شيء على الشيله، على طول يجن على الوجه، على نياتهن يحول تجيك الوحدة نصوحة وتجتهد ولا تأخذينه، ترى يبي يبهذل بس وهذا مهب من جنسنا ويمكن بعدين بأي وقت يطلقكِ، وخذ من هالنصايح. وبعد كم يوم قلت خل ارزحهن شوي .. وكتبت .. زوجة ابوي بعد ماتوفت امي دايم تعذبني ابي انتحر .. وتعال شف انواع الدعاء والهوش على مرت هالأبو<<ههههههههههههه والله من التنسيم يا أبو إبراهيم. واللي تدخل تنصح اصبري واحتسبي ,اجرك على الله<< هذي ما بإيده حيله مستسلمة للأمر الواقع، وماله إلا تقول اصبري واحتسبي. مير امي قعدت تصيح وانا جنبه .. قلت يمه مهوب صدق .. انا اللي كاتبه<< ههههههه، الله يقطع إبليسك يا أبو إبراهيم. يالبي الصراااااحة انهن فسحة<< فسحة وبس. وشكراً يابعدي<< العفووو يا أبو إبراهيم. سي يو<< welcome . أبو إبراهيم مرورك أسعدني وأضحكني كثيراً، ومرور أكثر من رائع، وأشكرك شكر خاص على هذا المرور الجميل. لك ودي واحترامي. |
* نسيت أقول لك شيء يا مدحت:
تصدق مرة نويت نية شينة إني أحط خلطة للشعر أي كلام وأنزله بالشريط بس إني تعوذت من إبليس وقلت ماله داعي الناس يدعون علي. |
الله يخليلك امك
وبصراحه شريط المجد كله كلام ماله فايده وتقبل مروري |
طيب وبعديـــن ,,
^^ ههههههههههههههههه |
هو مجلعد وبس ..:d
طبخات , صبخات , ادويه ....... مصائب قوم عند قوم فوائد ياحظ الشركات فيهم . |
هههههههههههه والله ان امك صزه وربي يمشي 260 وامك ازيله رحت تزين القهوه
|
من جد يستفيدون بقووووه وفيه ناس تقهر ترسل خربيط وتقضي دراهمه على الفاضي
|
اقتباس من مشاركة مستر حمودي:
ـههههههههـ يا حبيل اميمك<< ويا حليلك أنت بعد. اجل .. سلملي عليه<< يبلغ إن شاء الله. مستر محمد العزيز على نفسي أشكرك على مرورك الجميل. لك ودي واحترامي. |
اقتباس من مشاركة أبو فيصل:
الله يرزق عمراً طويل وعمر صالح يارب << اللهم آمين، وأنت كذلك الله يطول بعمرك وبعمر والديك على عمل صالح وصحة وعافية، اللهم آمين. ابو فيصل أشكرك على مرورك. لك ودي واحترامي. |
اقتباس من مشاركة بنت عز ماتنهز:
الله يخليلك امك<< اللهم آمين، وأنتِ كذلك الله يخلي لك والديكِ، اللهم آمين. وبصراحه شريط المجد كله كلام ماله فايده<< فعلاً كلام فاضي لو يقضون أوقاتهم بشيء ينفعهم أفضل لهم. وتقبل مروري<< بنت عز أشكرك على مرورك الجميل. لكِ ودي واحترامي. |
اقتباس من مشاركة رافض الفكرة:
طيب وبعديـــن<< الله يهديك خلهم يستانسون، لا تكسحهن. ^^ ههههههههههههههههه رافض الفكرة أشكرك على مرورك. لك ودي واحترامي. |
اقتباس من مشاركة رامي:
هو مجلعد وبس<< إلا جايب أقوى حيله هالشريط. طبخات<< ماتبلش إذا بغيت شيء خذ أنواع الطبخات. صبخات<< هههههه جازت لي<< وإلا تقصد الصبخات اللي يحطن على الرأس. ادويه<< شويه الشريط صاير كنه صيدلية. مصائب قوم عند قوم فوائد ياحظ الشركات فيهم<< وأنا أشهد، وفعلاً المستفيد هم شركات الاتصالات وما غير شفط من جيوب هالخلق. رامي أشكرك على مرورك الرائع. لك ودي واحترامي. |
اقتباس من مشاركة مدرعم:
هههههههههههه والله ان امك صزه وربي يمشي 260 وامك ازيله رحت تزين القهوه<< أنت تقوله صادق الشريط مهب يمشي 260 إلا يمشي 300، وأمي راحت تزين قهوته أزين لنا حنا علشان نتقهوى المغرب. أخي مدرعم أشكرك على مرورك الجميل. لك ودي واحترامي. |
اقتباس من مشاركة المختب:
من جد يستفيدون بقووووه وفيه ناس تقهر ترسل خربيط وتقضي دراهمه على الفاضي<< صدقت يا أخوي فيه ناس تقهر ترسل بس كذا على الفاضي بس تبي تضيع قروشه، ليتهم يرسلون شيء يستفيد منه الواحد، يعني مثلاً فائدة علمية أو شيء من هذا القبيل. ما أقول إلا الله يصلح الحال بس. المختب أشكرك على مرورك الجميل. لك ودي واحترامي. |
الله يخليلك امك ولله صادقه ياخي دايم افكر بشريط المجد مجلعد مادري فرحين با شريط او مادري وش السالفه
|
بايعه بقرش;الله يخلي لك امك..
وشلون امك تعرف تقرا والله إنك صادق يالذيب..؟؟؟؟ انا مستغربـــــــــــــــ.........؟؟؟ لاكن الرجال مايتسذب...؟ لان الجده تعلق فقط.........؟؟؟؟؟ |
اقتباس من مشاركة عاشقة الرائد:
الله يخليلك امك ولله صادقه ياخي دايم افكر بشريط المجد مجلعد مادري فرحين با شريط او مادري وش السالفه<< السالفة سلمك الله المهبل اللي يرسلون وفاضين لا عندهم لا شغل ولا مشغلة ويحبون الخساير ثمن إذا جت الفاتورة عالية قال: وراه فاتورتي كذا، وتشوف الشريط ما غير طبخات وخلطات ومكياج وخذ من هالكلام، وما أقول إلا الله يصلح الحال بس. عاشقة الرائد أشكرك على مرورك الجميل. لك ودي واحترامي. |
اقتباس من مشاركة كاسبر111:
بايعه بقرش;الله يخلي لك امك.. وشلون امك تعرف تقرا والله إنك صادق يالذيب انا مستغربـــــــــــــــ<< وراك الله يهديك يعني منتب مصدقن. لاكن الرجال مايتسذب<< فعلاً أنا ما أكذب أبشرك أمي تعرف تقرأ شوي وتطقطق وتمشي حاله بالقرايه. لان الجده تعلق فقط<< ما فهمت قصدك ممكن توضح. * كاسبر111 وش رأيك تصير عندي برنامج بالجهاز أغديك تفكنا بعد الله من هالفيروسات. * كاسبر111 أشكرك على مرورك. لك ودي واحترامي. |
اقول والله انه فله ووناسه يكفي انك اذا شفتيه تموتين ضحك وبعدين على الاقل احسن من غيره
|
وانتم وش محرق رزكم بالعكس والله يا شريط القنوات إنه يفتح النفس أحيانا ويبعد عنك الإكتئاب بدل متابعة مسلسل ممل او غيرهـ
|
اقتباس من مشاركة السمراء:
اقول والله انه فله ووناسه يكفي انك اذا شفتيه تموتين ضحك وبعدين على الاقل احسن من غيره<< هو وناسه إذا فيه أشياء تفيد، أو ينفع بعضهن بعض، لكن الواحد يموت ضحك على وشو؟ على بعض هالحريم مخفات وماتصدق على الله تشوف خلطة على طول تطير وتجيب ورقة وتقعد تكتب. أختي السمراء أشكرك على مرورك. لكِ ودي واحترامي. |
اقتباس من مشاركة غارق:
وانتم وش محرق رزكم<< زدنا على النار شوي واحترق الرز، وبعدين وراك تهوش كنك شايب. بالعكس والله يا شريط القنوات إنه يفتح النفس أحيانا<< أنا معك لكن بشيء ينفع يا حبيلك، مهب كل شوي تلقى الوحده مرسله رسالة أبي صديقة من يصادقني وما أدري وشو. ويبعد عنك الإكتئاب<< الله يكفينا شر الاكتئاب. بدل متابعة مسلسل ممل او غيرهـ<< أنا معك بدال متابعة المسلسلات اللي ماتنفع، لكن يا غارق مثل ما قلت قبل شوي يستغلون هالشريط بشيء ينفعهم، وبعدين مهب كل شوي الوحده ترسل ثمن الوعد الفاتورة تعال شف كم؟ أخي غارق أشكرك على مرورك. لك ودي واحترامي. |
للرفع.
|
| الساعة الآن +4: 12:37 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.