|
هذا ماقالوه عن المنتديات في برنامج صباح الرياض على راديو mbc fm اليوم 3/12/1429هـ
السلام عليكم ورحمة الله وبركاته اسعد الله صباحكم في كل خير اخواني واخواتي أعضاء هذا المنتدى الغالي طبعاً الكثير منا يعرف برنامج صباح الرياض الي يجي براديو mbc fm وهو من البرامج المفظله عند الكثير من الناس المهم مالنا بالطويله ... اليوم الصبح وانا ماشي بطريقي على السياره واسمع البرنامج كل العاده ومادريت إلا والمذيع والمذيعه بدون ذكر اسماء طبعاً,, يجيبون طاري المنتديات وما ادراك مالمنتديات وقالو ان الي يكتبون بالمنتديات كذابين وبنسبة 70% واكثر وانهم لا يتكلمون بصدق وان الذي يشارك في هذه المنتديات الكثير في مختلف أعمارهم رغم ان المنتديات اكثرها منتديات علمية وهادفه ومفيده ,, انا برأيي ما رخرب سمعة المنتديات الهادفه والمفيده الا المنتديات الصغيره والي كل من جابته امه سوا له منتدى وحطله ادارة ومشرفين واحسب علينا منتدى وانتم تعرفون ويمكن شفتو بعيونكم ان اغلب المنتديات تابعه لناس ماتاصل أعمارهم 25 سنه اوأقل وعشان كذا تلاقي أكثر الأعضاء فيها يكذبون لأنهم اصغار وبتصرفاتهم يشوهون سمعة الكثير من المنتديات الهادفه ويمكن شاركتو وشاهدتو في هذه المنتديات سواء الهادفه منها او الغير هادفه سواء كانت سعودية او خليجيه او عربيه واي واحد يدخلها يشهد لها والكثير الكثير من المنتديات ولو نظرنا لأعمارها شفنا انه خلال الثلاث او الأربع سنوات الماضيه ظهرت الآف المنتديات فيها وأغلبها تابعه لصغار بالسن وحتى يومنا هذا كل يوم يطلع لنا منتدى جديد ,, كيف توقف المنتديات الهادفه والمفيده بوجه الآف المنتديات المراهقه .... انا مابغى اطول عليكم بس حبيت نتناقش مع بعض ,, واريد اسمع آرائكم وتعليقاتكم على هذا الموضوع : : : دمتم بخير وموده أخوكم عاشق الريف |
أتوقع أن النسبة المذكورة أقل بكثير من الواقع ...
تكاد الحقيقة معدومة في المنتديات . با ختصار : فيه ناس مراهقين ...و...عرابجة ما يهم لو نشروا الفتنة ....و... يتوقعون يسمعون صدى لإطروحاتهم |
صبـــاح الريــاض هو الي يشـــارك فيه أبو شرارهـ الألمعي .. ؟؟ ههههه كبري الخرج مليـــان سيــارات وفيه إنسيــابية إصبروا الحين صــار حــادث وتوقف السير . . هههه دوار الســـادة فيه حـادث سيكــل . . جاي مسرع وأخذ المطب وطب على وجهه . . ههههه تم إستقبــال 5968 مكـــالمة هاتفية و 88488 فاكس . . وتم التعــامل مع 1 إتصال و نصف فــاكس .. خخخخخخخخخخخخخخخخخخخ بختصـــــــار : إذا المنتديات 70 بالمية كذب أجــل الجرايد 90 بالمية نصب وكذب مع سبق الإصرار . مثل حركة الجزيرة : يتسذبون 100 كذبة وثم تصدق وحدة ثم تلقــاهم حــاطين (( الجزيرة تسبق الجميع ويصدق توقعهــا بشــأن . . . الخ )) ولا مثلاُ عقد لاعب : يكتبون وقع بــ مليون . . ومن بكرة يكتبون وقع بمليون ونصف . . وكذا .. أنـــــــــا ما أستغرب كلامهم هذا لأنهم شكلهم كانوا فاتحين بريدة ستي وهم يقروون الخبر . . هههههههههههه |
صغار العقول يتواجدون في كل مكان ’’’’
ولنا في منتدانا الرائع نصيب ’’’’ |
الله المستعان
|
بالنســـبهـ ليـ اتوقــعـ انـ النــسبــهـ أقلـ وبكثيــر من النســبهـ المذكــورهـ ..
واتمــنــى اصلاحـ هذه الضاهره ... [مـامنـ جااء الا ولهـ دوااء] أخـوكــم / ركن الأبداع |
اقتباس:
والله ومعك حق هم دمرو سمعة الكثير من المنتديات شكراً على المرور |
رمتني بدائها ونسلت ومنهي mbc-fm وهل كل مايقال فيها صحيح
|
اقتباس:
ابو شرارهـ هههههههه والله كلامك صحيح -- بس توضيح حركة المرور افاد الكثير من الناس وأنا منهم استفدت منها اما الجرايد عد واغلط نصب في نصب ليتهم كم خبر انشروهـ ومن بكرى يقدمون اعتذار عليه يارجل عساك سالم ( و برنامج صباح الرياض هو برنامجي المفظل في الصباح ) ههم يقيسونها بالنسبه المئوية ومصوت عليها >>>>>> صاربرنامج القوة العاشره هههه |
اقتباس:
صدقت يوجدون في كل مكان ,,,, تشكرات على المرور |
اقتباس:
ابدعت اخي ركن وكلامك جميل وسعدت في ابداء رائيك ومرورك |
اقتباس:
mbc- fm قناة رائعه وهي القريبه من الناس ولها شعبيه كثيره عندنا في السعودية واما الذي يقال فيها يعرفونه من آراء الكثير من الناس وهي الأذاعه الأفضل على مستوى العالم العربي .... سررت بمروك |
.. .. بريده ستي لسنا الوحيدون ولكننا الأفضل .. .. |
تبقى المنتديات الراقية راقية .... وكل بارز وله أعداء وكما قالوا الاخوان سابقاً الصحافة كذب 100%
|
لفت انتباهي العمر المذكور .. 25 سنة .. يبدوا أن الكاتب عمره 26 سنة .. " اذكر أن أحد الشباب يقول لا يهمونك هالمراهقين ما دام الواحد ما تعدى 30 سنة فما عليه شرهه .. يقول كذا لأن عمره 31 .. الظاهر وصلت الفكرة .. |
اقتباس:
لا ياخيوووو ترى الي تقصد عود بس حبينا نشوف تعليقات الأعضاء انت شكلك ماتعرف غير منتدى بريده ستي وحنا مانشره لأن ما .... |
اقتباس:
انت الراقي بتشريفك موضوعنا |
اقتباس:
ابدعت وبريده ستي حقاً أفضل |
وش يبون مجمع هالقرااااااااااشيع حقين الأم بي سي .. اجل مذيع ومذيعة .. والله ياأنا تذكرت تبيع وتبيعه وبنت حقة وبنت لبون .. اذا المنتديات كله بزارين .. فالأم بي سي وش يصيرون بعض مذيعينه ومذيعاته .. إن هم الاتربية شوارع وصيع .. وقشاش المجتمع .. الأم بي سي .. اعور وينشق بعد .. اقول يامغسل الموتى يبي من يغسلك .. مابقي الا الأم بي سي هي اللي تنتقد .. اويل تسبدتس ياحصة الحمد .. اويليه بس يالمجد .. وبسمة بسمة .. كلمة ورسمة .. ودي اشوف ابو شميمري .. والله لاأجغفوه مع خشته الين تلثق خدوده .. من قوة المطخة .. ومشكور يابعدي ياعاشق الريف .. وياحبيلك بعد .. سي يو .. |
كلام غير دقيق، فمثلاً منتدى بريدة سيتي منتدى راقي ويوجد أعضاء لهم وزنهم
وثقافتهم، وكذلك يوجد أعضاء لا فائدة منهم، فنسبة 70% نسبة كبيرة، فبعض المنتديات صالحة، وبعضها يوجد فيها الصالح والطالح. * وأما عن الــ mbc فأتمنى أن يعدلوا عيوبهم قبل أن ينظروا في عيوب غيرهم. وتقبل مروري. لك ودي واحترامي. |
اقتباس:
أخي الكريم كربة النخله منتدى بريده ستي مايبغى له شهادة فهو منتدى غني عن التعريف بأعضائه المميزين ومواضيعه الجميله ,,, ويوجد الكثير من المنتديات الراقيه والهادفه ,,, فلا يعني وجود منتديات غير صالحه انها تدمير لسمعة المنتديات الراقيه بالعكس تزيد من نجاحها وتقدمها ... أما مذيعين الأم بي سي لم يعمو المنتديات فقالو 70 % لتوضيح الصوره وهذا لايعني المنتديات بأكملها هم تكلمو بالجانب السئ فقط ,,, وهذه النسبه لايمكن اعتمادها من الام بي سي بل من مرتادي المنتديات كلهم حتى تظهر النسبه الصحيحه وكما قلت فيها الصالح والطالح ... سرُرت بتشريفك الموضوع تحياتي |
اقتباس:
اخي العزيز مدحت شوقي بريده كلً له حريت التعبير فهم ماغلطو ولا عمو كل المنتديات هم قالو رايهم ورايهم لا يحطم من منتقانا شئ فنحنُ نعرف منتدياتنا ومنتديات قليله أخرى نشارك فيها ولا نعرف بنسبة الآف المنتديات بالعالم العربي فنحن نقيس على منتدياتنا و مذيعين الام بي سي يتحدثون بشكلٍ عام ... .. ملاحظه .. (( للتوضيح هم قالو 70% يكذبون ولم يسبون بألفاض منافيه للآداب ,, ولا نريد التعصب يذهب بنا بعيد عن أساس موضوعاً )) : : اشكرك على المرور |
عاد من زين الأمور من زينهم ذولا المقدمين حقين برنامج صباح الرياض!
كلهم سلق حفيانه وماعندهم ماعند جدتي. دبش مجمعة. مصدقين أنفسهم أحسن ناس. :d |
المتلقي عندما يقراء الخبر من اي مكان يعرف ان ماقراءه كذب او حقيقه لما يكون فيها من المبالغه اوالتنقيص *** والمنتديات جمع بين الصالح والطالح |
اقتباس:
هم قالو رايهم فينا وحنا بعد بنقول رأينا فيهم بس بأسلوب مهيج مو بسلوب ناس اصغار أقل شئ استبدل الأحمر بالأزرق واسبعاد الأحمر... فضلاً لا أمراً اروجو ان تستقبل ملاحظتي بصدرٍ رحب اشكرك على مرورك |
اقتباس:
http://home.att.net/~scorh2/Flower03f1.gif ابدعت : تسلم أخوي هايين على الرد والأسلوب الرائع فإن دل دل على أخلاقك الراقية : : سَرني مرورك |
| الساعة الآن +4: 02:10 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.