|
نساؤنا طاقات تُهدر في الأسواق ..!
نساؤنا طاقات تُهدر في الأسواق ..! قبل أن يلفظ النهار أنفاسه , كنتُ واقفـاً عند الإشـارة المروريّـة الضوئيّة ( بالسيّـارة ) , بالقـرب من سوق ميـد الصغير بحي الفايزيّة .. خطمت من أمامي حـزمة من النسـاء يقصدن الدحديراء , التي تُقـلهم من حي الفايزيّة لحي الصفراء . أعجبت بسيرهن ملتمّات و كأنهن فتاة واحده .. من يراهن يمشين على خط المشاة عن بُعد يُعجب بالسكينة و الوقـار التي عمّت بالتقاطع . أما القريب منهن , فيرَ اللكمات و الأكواع تُسدد على الوجوه و على الطحال و يرَ الأغـداف تُجرّ ... و يسمع ما شـاء له أن يسمع من : وراه , مالي رب , مهيّد يهيدتس ... حقيقةً لا أعلم إلى أين تتجه هذه الحزمة من النساء , فلم أعهد نساءنا يرثعن بالطرقات و يقفزن الأرصفة , إلا لأسواق أو لخيّاطين أو لمشاغل ... إلا من رحم ربي ..! لمحت مع أحداهن كيس لأحد المحلات التجارية في سوق جيـان , و رأيت مع الأخرى كيس ممتلئ تجرّه باسم سامره ..! فعلمت أن هذه الحزمة ستفترق . فلا يوجد في الصفراء أسواق تجذب هذه الحزمة إلا سوق جيـان و سامره .. و إذا قصدن سوق الصفراء من حي الفايزيّة فمصيبة ..! ما هذه الطاقة ..؟ مَ أن ولّعت الإشارة الضوئيّة باللون الأخضر . حتى بلغن منتصف الدحديراء .. سقطت عليهن بسيارتي بسرعة 20 كلم في الساعة , و لكني زدت السـرعة للفتاة التي في المقدمة فسرعتها تصل لـ 25 كلم في الساعة فهي من خـالف هذه الحزمة ... سبحان الله بأي وقود تسير النساء ..؟! فلم أعهدهن إلا مثلنا تأكل أكلنا و تشرب شربنا ..! أما الخطمات في شارع الملك عبدالله الذي يفصل جيان عن سامره , فالصـور بقيّة ..! زخرف الشارع بفاصل من حديد يفصل جيان عن سامره , ولو أنهما مفصوليـن عن بعضهما البعض , بأشجـار و بأرصفة و بزحـام السيّارات , إلا أن نساءنا لا يحبسهن حابس عن السوق , و لا يقف أمام مُرادهن واقف ..! فكان حـادث السيارة التي اصطدمت بهذا الحديد , حادث تباشرن عنه النسـاء . لأنه جعل فتحـه تدخل منها امرأة واحده من كل مجموعة ..! و والله لو كان رسم الدخول من هذه الفتحة بريال واحد لكل امرأة , لما منع المرأة أن تدفع ريالين حتى تكف نفسها من لفّة دوّار النافورة .. فالوصول لدوار النافورة تخسر المتسوّقة أمريـن مهمين و تضحي بالآخر . فهي تخسر الوقت و الطاقـة و تضحي بالمال حتى لا تلفّ من الدوّار ... و لكل حادث حديث ..! تدفع المرأة عاصفة لتجوّل في الأسواق , و أظن لو سُخّرت هذه العاطفة لتربية الأبناء لكان أفضل بكثير .. فالأسواق بضائعها لا تنتهي و أوقاتها مفتوحة . أمّا تربية الأبناء فهي ذات أوقات محدودة و جهد محدود ..! بحفظ الله .. |
عندك حل؟؟
مافي الرجال مهب فاضين لهن بالبران مخيمين والا بالاستراحة وجيان هيبر ماركت مهب سوق يعني محل بالنخيل تحياتي لك عزيزي |
حلووووووه بصراحه (20 كلم في الساعة) هههههاااااي قل طيب بسرعة (20) وشوله التفصيل هذا " شكلك تصلح مع سلامتك " سلامتك سلامتك نود لك سلامتك لأنك الإنسان تعمر الأوطان ... ههههههاااااااااي وبعدين قوول ما شاء الله عليهم لأنهم سريعات بالعكس ما عهدنا نساءنا يمشين بالسرعة التي ذكرت (20 كلم في الساعة :d:d) 0 بالنسبة لي أنا فأقول لهن ما شاء الله عليكن على هالمشي :41:41 ولكن حبذا حفظكن الله ألا يكون في الطرقات وعند تقاطع الإشارات بل في حديقة أو مكان بعيد بحيث أن لا يراكن أحد وأن تأخذن راحتكن أنتن 0 وتقبلوا مروري ؛؛؛ |
وانت ليش تناظرهن حتى حافظ اسماء الاكياس اللى كانت معهن ؟؟؟؟؟؟؟؟؟؟؟؟؟؟؟؟؟
|
ياحول وش يسون طقت تسبودهن مالقن غير هالحل يقولك المثل مايحك ضهيرك غير ضفيرك<على ماعتقد انه تسذا دقنه رجل بعدددي والله مايجيبه الا حريمه
|
اقول لا يكثر اولا : الله يحفظك ميد محل صغيييييير زي البقاله و جيان سوبر ماركت مو سوق ثانيا : انت ليه مطير عيونك بـ الحريم المفروض تغض البصر ثالثا : انت وش دراك عن الحريم يمكن زوجها المصون او ولدها المحترم مو موجود كاشت ولا يماحت هنا و هناك وتبغى اغراض ضروريه لها او لـ لبيتها فـ اكيد تدقها رجليه ××××× |
لايهمونك كل اللي ردن رد معاكس لانهن حريم
يبي يجي يوم اذا جاء يخطب الواحد قالوله من ضمن شروط القبول كشف حساب مختصر اذا كان رصيدك مليون وفوق يفكرون يزوجونك ويبي يجي يوم من الشروط تخليها تطلع للسوق كل يوم مرتين كنها جرعه علاج |
الا منين يجيبن القروش تكفي لجيان وسامره ,,
يوم ان الجبن طار سعره . والبلايز بعد وعشان الشتاء صار الغلا مدبَل تدبيــــل ! ماشاءالله , اما المشي رجليه : فما قصرتو يا اخواننا الله يجزيكم خير الواحد منكم قبل يطلع من البيت يلتفت عل خواته وامه وش ناقصكن !! ومن جهه اخرى اشوف بعض العوايل ممنوع حريمهم يركبن سواقين ! واذا الحريم طلباتهن ماتخلص (الحياه بشكل عام .. متطلبات) ونتم الله يهديكم ماتوفرون طلبات بسمحة نفس والسواق ممنوع يركبنه .. الطلبات من بيجيبهن غير الرجلين .. الله يعافي رجليهن بس , ويعافي جيوبكم ! |
موضوع سخيف
|
سأرد عليك بنقطتين :
1- انت اطلقت لنظرك العنان وسمعك لم يقصر بدليل الوصف الكامل لذا اتمنى أن تتوب قبل أن يُكفرك القوم 2- أهلك اذا قالوا ودنا للسوق قل لهم لا أو ودهم بس لا تمر الدحديراء أخيرا أقول.. أغديك عاقل ياوليدي هذا شغلك ببريده لا سافرت برا وش تتسوي اجل |
اقتباس:
مو كل العوايل كذا ××××× |
بإختصــــــــــــار :
طقت تسبدي وأنـــــا أودي وأجيب ((مرهـ )) وحدة . . بس ودي أدري أنـــا . . هي تشري بأكثر من ألف بالطلعة الوحدة . . مـــا أدري ليش مو راضية تعطين عشرة ريــال قيمة البنزين الي أقضيته أوديه وأجيبه . . ولا من زين الأموووووور . . بقلعة وادرين . . ههههههههههههههه |
غلطان ياخوي :mad: الحريم مو كلهن يطلعن يتمشن :confused: بعضهن تطلع لحاجه اما الى انت شفت اكيد يبن يرجعن شي وبدليل الاكياس الي انت شفت :eek: والي يقول ماتعطين عشره حق البانزين غلطان:i121 امه بس تبي احد يوديه والقروش الى بمخباتك امنين:( |
حريم متسترات وطالعات يتقضن للشتاء وانت تلاحقهم وتتسمع لكلامهم وش حادك على القرادة أنت تبي من يحاسبك أو تبي من يآخذ على يدك للصواب ...................
وبعدين وش فيها إذا راحوا للسوق وعلى رجليهم بالعكس هذي رياضة وصحة للجسم....... وماشاء الله عليك ماخليت شي ماناظرته وما وصفته ماباقي الا تقول وش الي بالأكياس |
اقتباس:
مهب أمـــي .. هي من خـــارج العـــائلة . . ههههههههههههههههههه تكــــــــــــــــــــــــــــــــــــــاك ((بإختصـــار )) . . |
خلونا نتكلم ونتناقش بجديه اكثر .. اخي صاحب الموضوع سلمت يداك وجزاك الله خيرا على ما كتبته والله ان كلامك صحيح ولا شك فيه .. لان النساء هداهن الله في الاونه الاخيره التزمن الاسواق وبشده ليس لغرض الحاجه فحسب وانما شيء يفوق الحاجه .. والنشاء هن من خربن الرجال اتكلت على نفسها بكل شيء حتى تكاسل الرجل عن اداء واجباته طبعا البعض .. صارت المراه تصرف على نفسها وتقضي متطلبات بيتها من اغراض واكل وشرب حتى تكاسل الرجل مع الوقت .. والرسول صلى الله عليه وسلم يقول فيما معناه ابغض الاماكن عند الله الاسواق .. واحبها المساجد .. والنساء هداهن الله صارت منازلهن للنوم فقط وتربية الاولاد للخادمات وباقي اليوم في الاسواق .. واشدد على الرجال وأولياء الامور لاتظلقوا للنساء العنان في الاسواق ولا تهملوا مراقبتهن حتى لو كان هناك ثقه لا يمنع من المتابعه والله اننا نسمع قصص يشيب لها الراس من القضايا النسائيه في الاسواق .. اللهم اهد شيابنا ونسائنا ياحي ياقيوم .. = طبعا ما متبته ليس تعميما على كل النساء ولكن البعض هداهن الله .. |
عفوا .. (اللهم اهد شبابنا ) خطا املائي علشان ما تضحكون لاني كتبت اللهم اهد شيابنا وانا ابكتب شبابنا .. ومع ذلك الله يهد الجميع يارب .. |
مستحييييييييييييييييييييييييل كل الناس عندهم شغالات صح ان فيه حريم رايحه جايه لـ السوق بس مو معناه انك تعمم على نساء البشريه كلهم ماشاء الله فيه حريم قمه بـ التربيه و الصلاح الا اذا كان اخواتك او امك او فلانه او علانه فـ هذا شي راجع لـ مجتمعك انــــــــــــــــــــــــــــــــــــــــت ×××××× |
| الساعة الآن +4: 11:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.