من أيامي في المعهد العلمي.
 

حيا الله شباب الكشكول ويا هلا ومسهلا بحبايبي الطيبين، وشلونكم وش أخباركم
إن شاء الله إنكم بخير، أتمنى ذلك:

نخش دغري في الموضوع<< أنا ما أدري ليش إذا دخلت الكشكول أحوق اللغة
وتروح الفصحى لا تلومونن:

*انتهيت من المرحلة الابتدائية وختمت أيامي بها بختام مسك، فكانت الابتدائية قريبة
من بيتنا وكانوا مسوين حفل هاك اليوم وماحضرنا حنا الحفل أنا وبعض الشبيبة وش
سوينا حلتنا بيض على المدرسة وخربنا عليهم الحفل وحطينا رجولنا<< أمحق ختام مسك.

* بعد ذلك انتقلت إلى المرحلة المتوسطة وسجلت في المعهد العلمي وعدت هذه
المرحلة على خير.

* انتهيت من المرحلة المتوسطة، وانتقلت إلى المرحلة الثانوية - في نفس المعهد -
وما أدراك ما المرحلة الثانوية، ففي السنة الأولى من المرحلة الثانوية - الفصل الأول -
كانت الأمور ماشية، الفصل الثاني الدراسة الله يخلف ماش بدت الأمور تنتكس بديت أطلع
الصبح إذا طلعت وشغلت السيارة إلى فيه ولد جيراننا إذا سمعن مشغل السيارة فتح الدريشة
وقال لي وين يالحبيب قلت أبروح للمدرسة قال تعال بلا مدرسة بلا هم تعال خلنا نلعب
بلاستيشن - على أيام بلاستيشن ون - دوري ياباني ثمن أنا أقول هاه وأطفي السيارة
وأنزل ونلعب بلاستيشن إلى قبل الظهر بشوي ليش؟

* أنا أطلع من البيت على إني رايح للمعهد ثمن أدخل المعهد بدروسي - متأخر كالعادة -
ثمن كني رايح للفصل ثمن أحط دروسي بوسط البرادة حقت الماء وأفرك مع باب المعهد
أتغيفل الحارس وأحط رجلي، وأروح متوجه للبيت ثمن ألبق السيارة بعيد عن البيت علشان
أبوي ما يشوف السيارة لأنه لو شافه رفع بي ولزخن لزخ، ثمن أروح لبيت خويي ونلعب
بلاستيشن، علشان كذا أطلع قبل الظهر علشان يمدين أروح للمعهد وإذا فتحوا الباب وطلعوا
الطلاب أدخل أنا وآخذ دروسي من البرادة وأجي للبيت كني توي جاي من المدرسة.


* يتبع بإذن الله الباقي من الأحداث.

* ودمتم بود.

أفا أثر العلووم دمااار ..
لا تزعل ..

أخبركـ زعول


وهـ بس

هذا الرد ضمن مسابقة ملوكـ السرعة ..

اقتباس من مشاركة قرناس:

أنا درست في المعهد العلمي بالملز- بالرياض، ما أدري يمكن تقصد معهد ثاني.
حياك ربي أخوي، وأشكرك على مرورك.

*ودمت بود.

هه وثرك ذكي .. :095:
اااااجل بيض يااا سرماادي والله من الدوود .. :d

لا وقبل شهرين منزل موضوع بقسم التهاني والمناسباات على إنه تخرج
ويحوولي حناا نبااركله على نيااتنااا .. :d

مااادرينااا إنه تخرج بعربجة والصرقعة والإجراام ..

امحق من تخرج .. :d

.

أفااااااا ..

أثرهـ لكـ سوابق :oo


نتابع نشوف آخرته معكـ :031:


:d :d :d :d :d




(هذاالرد ضمن مسابقة ملوكـ السرعة - مجموعة << بدون اسم >>)

.

اقتباس من مشاركة يوسف:

مجرم عاد مرة وحده، الله يسامحك بس، وبعدين ما وصلت لحد الإجرام.

أشكرك أخي يوسف على المرور.

* ودمت بود.

اقتباس من مشاركة الضمادا:
دمار وبس.
أزعل على وشو؟
لا يا بعدي منب زعول، والزعول ماله مكان بيننا.

الضمادا العضو العزيزعلى قلبي أشكرك على مرورك.

ودمت بود.

وعليكم السلام ورحمةالله وبركاته
اخي كربة النخلة وانت في بريدة
تنزل وتلعب بلاستيشن إلى قبل الظهر بشوي
بالرياض ويش تسوي

روووووووعه صديق أنت كويس
بس والله تعبت وأنا اقراء

اقتباس من مشاركة أبو شباصة:

ههههههههه، إيه بيض علشان يحوسهم حوس.
ههههههههه، اسكت تكفى يا أبو شباصة لا تفضحنا الله يصلحك، أنت لاتدقق.
ههههههههه، لا عاد الحمد لله تخرجنا من الجامعة بعد جلد وجليد وشيل وحط
مع هالدكاترة.

صدقت أمحق من تخرج.

أبو شباصة أشكرك على مرورك الرائع.

* ودمت بود.

تعجبوني والله .. :d

بإنتظار البقيه عزيزي كربه النخله :)

تقبل مروري : 12


ضمن مسابقة ملوك السرعة ~

اقتباس من مشاركة نبوغ الفكر:

اقتباس:

أفااااااا .. أثرهـ لكـ سوابق

إي والله طايش وش أزين، وتعرف الواحد ماله خلق الدراسة.

اقتباس:

نتابع نشوف آخرته معكـ

حياك الله أخوي نبوغ الفكر وأشكرك على مرورك.<< وهـ بس يانبوغ ياحبيلك.

حيا الله الشيخ كربة ابن نخله

وين الدنيا بك ماحنب نشوفك

وبعدين والله منتب بصيط
هاللي تحوس حفلات وبيض ومدري وشو

على العموم ننتظر الباقي

تابع لمسابقة ملوك السرعة

والله من الدلاخة تسان لي عرف اجل تحط كتبك فوق البرادة --ههههههها ذكي نمرة واحد----بانتظاربقية الذكاءالخارق------------------------------مهب لازم تقبل مروري لاني مادخلت الاعنااااااااد------------شكرياات شويات

اقتباس من مشاركة عاشق الريف:

هلا بعاشق الريف، وش نزين نبي نسولف عليكم، خلكم تستانسون.

عاشق الريف، أشكرك على مرورك.

* ودمت بود.

اقتباس من مشاركة فارس 1997:

شفت وشلون، تعرف الواحد يصير ماله خلق الدراسة يحط حرته بالبلاستيشن.


ما نلعب مبارايات، طافين نصلح فريق ونشتري لاعبين وأنواع الخرابيط.

فارس أشكرك على مرورك أيها الغالي.

* ودمت بود.

ايه ولدالتالين اثرك حنا منول نلعب طب بشارع واكليوم المدير حمود التويجري والوكيل العدوان والمدرسين البيومي ونبيل والمسند والبريدي واكليوم الاتاري ب200

اقتباس من مشاركة الجهني:

أنا بالرياض وكل هذا صاير بالرياض.
أخي الجهني أشكرك على مرورك.

* ودمت بود.

اقتباس من مشاركة أبو كشه:

مرورك الأروع، وأنت نفر كويس مره مره.
سلامات ما تشوف شر يابعدي، تصدق عاد كنت ناوي أسرد
الموضوع كله لكن قلت الأعضاء ما يحبون الموضوع الطويل.

أبو كشه أشكرك على مروك.

ودمت بود.

اقتباس من مشاركة TeraBayte:

تصدق عاد ماودك الواحد يصير نجس، لكن صغيرين ماندري وش السالفة.

حياك الله أخوي، وأشكرك على مرورك يا عزيزي.

* ودمت بود.


اقتباس من مشاركة رئيس التميز:
شيخ مرة وحده، لا الله يصلحك تراي دجه ما عندي سالفة.
موجودين، بس تعرف الواحد بعض الأحيان ينشغل.
شفت وشلون، لكن ما ودك الواحد يصير شر.
حياك الله أخوي رئيس التميز، وأشكرك على مرورك.

* ودمت بود.

اقتباس من مشاركة المسفهل:

شفت وشلون يا أبوفهد، العلوم مهب بالحيل، الواحد إذا ماله خلق بالدراسة
يسوي أي شيء أهم شيء مايدرس.

حياك الله أخوي أبو فهد، وتراي عاد منب مجرم مجرم، به ناس أشد من،
لكن الله يصلح الحال.

أبو فهد الحبيب والعزيز والغالي على قلبي أشكرك على مرورك الجميل.

* ودمت بود.

منك سميت نفسك كربه النخلة:d:42 وثرك راعي سوابق :096:أمزح
هههههههههههههههههههههههههههههههههههههههههههههههههه هههه
نحن بنتظارك ياغالي من إبدعاتك الرائعة

اقتباس من مشاركة العفالقي:

* عاد العفالقي يبي له رد بلحاله:

أنا ما قلت فوق البرادة، أنا قلت بوسط البرادة يعني داخل البرادة، ارجع واقر الموضوع زين.

هههههههه، أضحكتني أضحك الله سنك وسرك، ولو شكلك زعل إلى الحين.
عفويات كثيرات.

العفالقي أشكرك على مرورك.

* ودمت بود.

اقتباس من مشاركة هشام 537:
شكلك يا هشام عمرك بالسبعين، شكلك شايب بقوة.
واوووك والله يا أنت ذكرتن، يا قدمة لعبة الطب.

ما أعرفهم والله يابعدي.
واوووك والله يا أنت ذكرتن بالأتاري، ياقدمك، شفت إنك شايب.

هشومي أشكرك على مرورك الأكثر من رائع.

* ودمت بود.

وراه يبيله رد بلحاله----فوق راسه ريشة---------وبعدين وشلون كتب داخل البرادة يعني يسبحن --هذي والله الدلاخة عينه بعلمه----------اجل ضحكتك---ان شاء الله دوم هالضحكة-------لامازعلت ولاشي وه----------والله من الكرم العاطفي تسان لي عرف -اجل عفويات كثيرات --ايه

اقتباس من مشاركة أبو فيصل:

هههههههه، حياك الله أبو فيصل، وأشكرك على مرورك الرائع.

ودمت بود.

اقتباس من مشاركة العفالقي:

لا تعليق.

اخوي اول شي كم عمرك

ااحلى ---لاتعليييييق -شكلي افحمتك ياهذاههههه---احلى واحدصفر-----هذا الشوط الاول ----تبي الشوط الثاني ولاتبي تنسحب ههههه

اقتباس من مشاركة عبد المنعم (a):
حدود 24، ليش السؤال؟

انت ياهشام تتكلم عن المعهد العلمي اللي ببريدة ---وكربة النخلة يتكلم عن المعهد العلمي اللي بالرياض --لانه يقول اللي بالملز-------مادري هكذافهمت --والله اعلم -وصلى الله على محمد

اقتباس من مشاركة الوافي:

سأكمل بإذن الله، لكن إلى أن يحين الوقت.
أشكرك أيها الصديق العزيز على المتابعة.

* ودمت أخاً عزيزاً.

هــــع هـــع هـــع كه كه كــه
والله انك نفر منسم كتيرــــــــــــــــــــــــــــــــــــــــــــــــــ ـــــــ
((وأفرك مع باب المعهد
أتغيفل الحارس وأحط رجلي))
ــــــــــــــــــــــــــــــــــــــــــــــــــ ـــــ
اجل تهج من المعهد لا "وتحط رجلك"
(((غريبة ماطاح بك ابووك)))

شكرا لكـ
وننتظر الباقي من الأحداث.
تقبل اوخيي مروري..

اقترح تكتبه نص سينمائي

شكلك معي بالفصل

انا بالمعهد يوم سيارات المدرسين بالداخل تحت الاثله الي بالزاويه شمال والارضيه الشماليه تراب

ايام بيومي وعلى فكره تراه توفي رحمة الله عليه بمصر ومعروف درس اكثر من 40 سنه بالمعهد كل بريده يعرفونه

نبيل الطويل الاقشر خابره الكف ما يعوق معه اما البريدي الله يذكره بالخير ويطول بعمره اذا هو حي

العدوان تبي تشوفه رح لصالة الاسهم خخخ

<<<<<<متخرج من المعهد قبل 15 سنه

اقتباس من مشاركة nama-الشامخ:
لا تخاف آخذ احتياطي، وإلا لو يطيح بي أبوي كان علوم، كان أنواع التوطي
بالبطن لكن الله ستر.

أشكرك على مرورك الرائع، وإن شاء الله الجزء الثاني قادم.

* ودمت صديقاً عزيزاً.

اقتباس من مشاركة أبو خلاد:

أُفضل أن أسرده سرداً قصصياً، وأشكرك على اقتراحك الجميل، ولو أن
الأحداث ليست مرتبة ترتيباً جيداً، إلا أنني في الجزء الثاني سيكون التنظيم
أفضل بإذن الله، وأما كنص سينمائي فأنا علاقتي بالسينما ضعيفة، لذلك لا أجيد
كتابة هذه الأحداث كنص سينمائي.

أبو خلاد ذكرتن بوكيل الثانوي عندنا، كانوا ينادونه أبو خلاد.

وعموماً هذه الأحداث كانت في المعهد العلمي في الملز- بالرياض.

أبو خلاد أشكرك على مرورك الرائع.

* ودمت بود.

اقتباس من مشاركة الجارح الذابح:

أبشر أبشر ولا تزعل، بس خلن أتكتكه وأضبطه، وخله يجي وقته بإذن الله أنزله، صبرك علينا
لا تصير حار.
ودمت بود.

8
8
على فكره

قد شفت كربه نخله بساقي ؟؟؟؟


اقترح تشوفه

اقتباس من مشاركة أبو خلاد:
لا يا بعدي ما قد شفت.
وين يا بعدي؟

السلام عليكم ورحمة الله وبركاته
اخي كربة النخله
وين الجزء الثاني

اقتباس من مشاركة الجهني:

وعليكم السلام ورحمة الله وبركاته ومغفرته ورضوانه،
بإذن الله الجزء الثاني سينزل قريباً كما هو موضح تحت توقيعي.

الجهني الأخ العزيز أشكرك على المتابعة.

* ودمت بود.

اقتباس من مشاركة الطاعة لله:
!!!!!!!!.

العفو أختي.

ملحوظة: أختي الطاعة لله حتى لا تتعرض عضويتك للإيقاف يمنع مشاركة النساء في هذا القسم.

* ودمتِ بود.

اقتباس من مشاركة شلقة:

هلا والله بالشلقة يا بعد الشلق كلهم، اسمع يا بعدي والله يا أنتم حارين معلقين برطب،
يا بعدهم الجزء الثاني فيه صور إن شاء الله والصور إلى الآن ما اكتملت عندي يعني
يبي له شوي تكتكه وترتيب وأول ما انتهي منه يالغالي على طول أبسدحه بهالقسم.

شكريات خيو على المتابعة<< الصراحة إنك أحرجتن.

* ودمت بود.