|
من مطبخـــــــي الرز الإيرانـــي ,, الجمبري بصوص التفاح ,,
السلام عليكم ورحمة الله وبركاته صبــــــــاح / مســــــــاء الرقة والإحساس ,, كيف حالكن يابنات ؟؟ أمس وانا أفرفر بـ هالمطبخ وش اسوي على الغداء وش اسوي لان كل واحد الله يهديهم له شكل بالذوق عن الثاني ولا يطيح الا على راسي هالذوق :( وشكلي في يوم أبنفجر عليهم :i121 وأبدأ اسوي حبة رز بالطريق وأعطس يرحمك الله هههههههه < جالسه تقص قصة حياتها هههههههه مالكم بالطويله أمس غدانا عباره عن رز إيراني ,, جمبري بالتفاح ,, ودجاج بخلطة الكنور ,, وسلطه خضراء ماصورتها من العجله :d http://www.gulfup.com/uploads/12307106361.gif الرز الإيراني من جد لذيذ الطريقة على طول,, والمقادير يابنات على الكميه ,, نكشن بصل شرائح لحد مايشقر ونحط بعدها جزرتين مبشورتين وزبيب منقوع بمويه حاره لمدة ثلث ساعه وبعد نحط حبه او حبتين فلفل حار يقص من النصف ,, وملعقة زنجبيل رطب مبشور .. وملعقة كاري ,, ومكعب ماجي ,, ورشة ملح شوي بس وملعقتين او ملعقه سكر محروق مثل الكراميل ,, بهذه الفتره نكون سالقين الدجاج ومصفينه عن المويه نضعه على الخلطه وبمويته نسلق الرز ونضع عليه عودان القرفه والهيل والزيت والملح وعندما يقترب من الإستواء نفتح فتحه ونصب فيها الزعفران المنقوع ,, وعند إنتهاء الرز نقوم بوضعه على الخلطه ونقصر عليه على نار هادئه تبغينه بالفرن أو فوق براحتك ,,, هــــــــــــذي صورته .. http://www.gulfup.com/uploads/12307074063.gif صورته من قريب للتشويق ههههههه ,, http://www.gulfup.com/uploads/12307074062.gif الطبق الثاني ,, الجمبري بصوص التفاح < من جد طبق راااقي بمعنى الكلمه أخذت طريقته من زمان من إحدى المنتديات ونجح معاي من أول مره فـ الله يجزي صاحبته كل خير لأنه أصبح طبق أساسي عندنا ,, المقادير .. جمبري (( ربع كيلو )) ,, تفاحه خضراء مقطعه مكعبات ,, 3 ملاعق طحين ملعقة كاري .. ملح فلفل أسود طماطم .. الطريقهـ .. ينظف الجمبري وينزع رأسه فقط ثم ينقع في خل وماء لمدة دقيقتان ,, يحمر البصل ويضاف اليه الطماطم والتفاح والدقيق ويقلب قليلاً ثم يصب عليه 3 أكواب مويه ويترك لينضج لمدة ربع ساعه ,, بعدها يستخرج الجمبري فقط ويقشر ويرجع الجمبري وقشره للخلطه ويترك لمدة عشر دقائق ,, ثم يصفى الخليط بقدر مع الضغط على محتويات الطبخه من أجل الحصول على خليط كثيف ,, بعدها نضع الجمبري فقط على الخليط الكثيف مع نزع الخيط الأسود من الجمبري نعيده على النار لمدة خمس دقائق بعدها قدميه بصينية التقديم وزينيه بالكزبره ,, هــــــــــذي صووورتهـ ,, من جد يستاهل التجربه يابنات ,, http://www.gulfup.com/uploads/12307074061.gif http://www.gulfup.com/uploads/12307074060.gif الطبق الثالث ,, دجاج بخلطة الكنور للبروستد (( الحراق )) انا تبلت الدجاج من بليل عشان تأخذ الطعم ,, تتبيلتي حطيت فيها كل ماهب ودب هههه يعني ماتقيد بتتبيلات معينه وضعت بالخلاط ,, فلفل أسود ,, كزبره ,, فصين ثوم ,, عصير ليمونه ,,مكعب ماجي ملعقة كاري ,, ملعقة صغيره فلفل أحمر مطحون ,, فلفل رومي شوية مويه عشان تتحرك الطاحونه ,, ملعقة نشاء ,, خل ,, وأي شيء تحبينه ضعيه الطريقهــ .. بعد ماتبلنا الدجاج نضعه بخلطة الكنور ثم بعدها نضعه على البيض وأخر شيء نضعه على البقسماط ثم نقليه ونقدمه وهـــــــــذي صووورته .. http://www.gulfup.com/uploads/12307106360.gif آخر طبق السلطة الخضراء ماصورتها لأنهم جو الله يحفظهم من المدرسه ولا أمداني اصورها عشان خبة التقديم وبالهناء والعافيه وإن شاء الله تعجبكم ,, دعـــواتكـــــــــــم |
ماشاء الله تبارك الرحمن من جد أشياء روعة بس كأني ماقتنعت بسالفة التفاح مع الروبيان :confused: وشلون طعمه؟:113: تسلم يمينك ولاتحرميننا من جديدك :) |
مـاشـاء الله تبارك الله ,
شغل مرتب ويـشهي , سنعة ماشا الله :040: |
رووووووووووعه ماشالله تبارك الله سنع بسم الله عليتس اطباق خطيره واحس طعمه اخطر تسلم هالايدين عساه محرمتن من النار |
.. واااو ماشاء الله رهييب اقــــول ماتعزمين احد على الغدا >> تلمحّ :d . |
متميزه .. تستاهلين ختم التميز ! بإنتظار جديدك .. :) ! |
مدهش
انا اسمع بالتفاح بالحلى اما على الربيان !! شكرا لك |
القلب الوردي .. الروعه تتواجد بتواجدك يالغلا وجربي الجمبري وصدقيني مراح تخسري من جد رووعه ربي يسلمك على مرورك وتعليقك لكـِ ودي وحبي |
bu7oor تسلمين عيوني على كلامك الحلو ربي يعافيك على مرورك القيم لاعدمتس |
هنوووو تسلمين حياتي على هالدعوه الحلوه الله يتقبل ان شاء الله ربي يسلمك ويعافيك يالغلا على المرور الراقي لاعدمتس |
يممممممممممممممي:41
الله يقلع بلسيتس ماغير شهيتينا وانتي مووب عزمتنا:( يالله اعزمين ههههههه مشاءالله عليتس طبااخه لا اله الا الله :rolleyes: |
توولي هلا وغلا ,, والحمدلله انه عجبك وعاد لاتلمحين أنتي تأمرين زوريني ومراح تلقين الا كل خيييير ,, يحفظك ربي ويسعدك يالغلا على المرور الراقي لاعدمتس ,, |
شهد العسل زيارتك شرف لي فـ أهلا وسهلا أسعدني كثيرا تواجدك ووضع هذا الختم ربي يحفظك ويسعدك لاخلاولاعدم يارب ,, |
هايين ,, شرف كبير تواجدك يالغلا والتفاح له استعمالات كثير مو بس بالحلى جربي هذا وراح يعجبك لانه من رائع وطبق راقي ,, ربي يسلمك ويعافيك يالغلا لاعدمتس |
نبع الوفاء ,, هههههههههههه الله يسعدك يارب أنتي تعالي ومراح تلاقي الا كل خير من عيوني أسوي كل شيء لتس ربي يحفظك ويسعدك يالغلا لاعدمتس |
تسلم ايدينك,,, ويعطيك العافيه,,, |
الدجاج لو تغطينه بطحين قبل ماتقلينه بيصير اطعععععععم من البقسماط جربيه .. والروبيان امووووووووت عليه بس مرقت الروبيان عندك احس ماتصلح مع الخبز لان مويتها كثيررره .؟؟؟؟؟ تسلم يديييييييييينك امووووووووت ع الطبخات الغريبه ... |
رووووووووووووووعه ..
يبدو انك خريجة قسم اقتصااااد .. |
أبدعتي يـ أم خالد ,, تسلم هالأيادي شيختي :)
بس مشكلتي ماأحب الروبيان :oo << بسوي طريقتك وبأكله غصب :d جازت لي قووة .. ألف شكر و ننتظر جديدك ,, |
أٌمْ خَآلدْ ~ أبدعَتِيٌ يستَحِقْ التمَيُّز وبـِجّدآرّهـ :cool: |
سلمت يداك , لا خـــلا ولا عــدم بأنتظار جديدك دمتي بخير ’ |
واوك والله ياهو طعيم ماشاء الله ان شاء الله باتسر غداء اهلي |
ماشاء الله تبارك الله
عز الله انتس سنعه .. اعجبني الدجاج بالبروستد الحراق |
مشكوووووووره مره عجبني الروبيان
|
ماشاء الله ..
تصويرك واختيار الزوايا خوقآآق ..>>مب لم الأكل:d أنا أسوي الرز الإيراني بس غير عن اللي سويتيه مررره أغطيه آخر شي ببف باستري وأحمره ويطلع شييي .. تسلم هالأيادي السنعه ماشاء الله .. |
ماشاء الله ,,
الرز وبروست الدجاج يشهي :023: , يعطيتس العافية يارب , |
أمنيه وقدر ,, ربي سلمكـ ويحفظكـ غناتي ,, على ردكـ وحضوركـ المشرف لاعدمتس ,, متكيه وتفصفص ,, هلا وغلا فيكـ معاكـ حق بالطحين بس صراحهـ ماأحب نكهته اذا قليتهـ والناس عاد اذواق يالغلا ,, أما المرقه بالعكس خاثرهـ يعني ثقيله بالشرب مو خفيفهـ وربي يسلمكـ ويسعدكـ يالغلا لاعدمتس ,, فررررفشه ,, الأروع تشريفكـ لـ صفحتي لا عدمت هالطلهـ يارب ههههههههه لا والله مو خريجة أقتصاد لاعدمتس ,, إنكسار الأماني ,, الإبداع بحد ذاته تواجد حروفكـ وأسمك بزاويتي ,, وإن شاء الله اذا سويتيه راح يعجبك وتدعين لي ,, الف شكر لكـِ غلاتي على كلماتك الرائعه لاعدمتس |
وجـــــــــــــــد ,, تسلمين حبيبتي على ردكـ وكلماتك الذوق لاعدمتس ,, دوسريهـ ودعانيهـ ,, ربي يسلمك ويسعدكـ يالغلا ربي لايخليني منكم لاعدمتس ,, ملفعه بنات الحارهـ ,, إن شاء الله تصلحينه ويعجبكـ يالغلا وبالعافيهـ على قلوبكم .. الف شكر غلاتي على ردكـ لاعدمتس ,, ملكة الرومانسيه ,, بالعافيهـ على قلبكـ الحراق وإن شاء الله يعجبك اكثر اذا طبقتيهـ لاخلا ولاعدم يارب ,, مس بريداويه ,, الف شكر لكـ غناتي على حروفك الذهبيهـ وإن شاء الله يعجبكت أكثر إذا طبقيتيه وذقتيهـ لاعدمتس ,, pink Touch الحمدلله انه عجبك كل شيء وللمعلوميه الرز الإيراني له عدة طرق وعندي له طريقه ثانيه ابحاول أنزلها إن شاء الله ربي يسعدكـ غلاتي ويحفظكـ لاعدمتس ,, ح ــايليه ,, بالعافيهـ عليكـ والحمدلله إنه عجبكـ الف شكر لكـ على ردكـ وتواجدكـ العطر لاخلاولاعدم يارب ,, |
تسلم اياديك يالغلاااا
إن شاء الله بجرب الرز أما الروبيان !!! ما أحبه .. والبرووست لذيذ بس دهووون وقلي !!! مشكوورة ياأم خالد وبإنتظار جديدك الجميل |
http://www.buraydahcity.org/bnt-bura...ahcity/tof.jpg نقطة ضعفي الروبي ــآآآن ,’ بس أبسأل .. وش طعمهـ مع التفآآح .. :) ! حركات والله وتستاهلين التميز ,’ ماننحرمش من هيك أبدآع [MARK="99CC00"]تفاحي[/MARK]: روضَةٌ مِن أشْجَار الرَبيعْ ! |
| الساعة الآن +4: 06:48 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.