|
من هو وراء تحويل بريده الى القصيم ومن المستفيد (ادخل لتعرف وتناقش)
بسم الله العظيم أبدى وأتوكل عليه .. نحن ولله الحمد ننعم في القصيم بنعم كثيره نحسد عليها منها نعمة الدين المال والعلم والذكى وحب الخير للجميع ..والكل يعلم أن ذو كل نعمه محسود.. فلو نلاحظ أن القصيم تشمل جميع المدن والقرى وهو متعارف عليه بذلك من عشرات السنين وبين ذلك عهود ومواثيق.. لكن أن يخرج من بين هذه المدن ويريد الأستقلاليه عن القصيم ويكون منطقه لوحده بأسم مدينته على حساب أخفاء بريده بأسم القصيم لينجح لهم هذا المخطط .. وقبل أن أبدى بسرد الأسباب ومن هو المستفيد من تغير أسم بريده بالقصيم ..أذكر لكم هذا الحدث .. في عام 1402 زار الملك فهد القصيم بعد توليه الملك...وكان أعيان القصيم بقيادة الوجيه عبدالعزيز فهد الرشودي رحمه الله ..مستعدين بحفل أستقبال للملك بأسم أهل القصيم عامه وكان متفق على ذلك بينهم ..ألى أن هناك من فك هذا الأتفاق وأراد الأستقلاليه في حفل خاص كما فعلو قبل ذلك مع أهل بريده عندما أستعدو للملك فيصل الذي خيب ظنهم وأصبحو طريق للملك فيصل الى المذنب ..دون الوقوف لهم .. وعندما علم أعيان بريده بأستعدادهم في حفل خاص يحمل أسم مدينتهم وذلك قبل وصول الملك بيومين تفاجا الأعيان وقامو بتعديل البروشرات والأعلانات والدعوات من القصيم ألى بريده وذلك بسبب الحركه التي أزعلت أهل بريده كثيرا .. ..... لذا نجد أنهم يعملون من ذلك الوقت وأكثر لمشروعهم المزعوم والضخم في تقسيم القصيم ألى جزئين 1_ منطقة القصيم 2_ منقطة عنيزه وهذا لايتم ألى بتحويل بريده عاصمة القصيم ألى القصيم وبذلك تختفي بريده بثوب القصيم =-=-=-=-=-=-=- من أهم مشاريعهم بعيدة المدى في تحويل المحافظه ألى منطقه كتاب أطلس منطقه عنيزه الذي طبع في عام 1408 للمؤلف عبدالرحمن عبدالله الواصل.. والذي يحكي عن التركيبه الجغرافيه والسكانيه والعمرانيه والأمارات لهذه المنطقه وكأنك تقراء لجغرافيا أحد الدول الشقيقه..والغريب في الأمر أن حدود عنيزه الشماليه لدى هذا الكاتب وغيره هو حي روق في بريده ...!! وأنصح الجميع بالأطلاع عليه عندما تشاهد أي خارطه رسميه لدوله تجد جميع المناطق مدونه فيها عاصمة المنطقه فقط ألى القصيم يوجد عنيزه وبريده .. عندما تذهب ألى أي منطقه في السعوديه تجد لوحات تشير ألى عاصمة المنطقه ألى القصيم تكون عنيزه أولاً وبريده ثانياً ..!!! عندما تشاهد المعينين في الجرائد في قطاع التعليم تتفاجا أن أن بريده أستبدلت بالقصيم وعنيزه موجوده والسبب هو كما ذكرنا ..!!! عندما يذهب المحافظ ورجالات عنيزه بدعوة الملك بزيارة خاصه لعنيزه بدون الأستذان من أمير المنطقه يكون هذا أشاره الى شي غامض ..قد نعرفه جميعا هوا التمهيد للمخطط ..!! عندما يكون هناك زيارات خاصه للوزرات والأمراء والجرائد والأعلام بأسم عنيزه ..تجد هنا تسائل ..لماذا كل هذا ..!!!؟؟ عندما يوجه للأمير خطاب بطلب عزل عنيزه كمنطقه منعزله عن القصيم نجد هنا تسائل أين ردة الفعل من هذه الحركه ..ويخرج من الموضوع بأنه مجرد أقتراح..وهوا بالفعل (قياس ردة الفعل لتنفيذ المخطط..!!)..!! عندما يخرج لنا من أبنائهم ويأتو بثوب الخيرين والناصحين ويطلبو بتحويل المشاريع من بريده ألى القصيم لكي يكون هذا المشروع للجميع وهو في الحقيقه يريدو أن يخرجو من منظومه القصيم ألى المنظومه الخاصه التي خطط لها عبر سنوات عجاف..!! عندما تشاهد المراسلين في قناة المجد وغيرها يتعمدون ذكر منطقة عنيزه ..تجد هنا تسائل أين المسؤلين عن هذا ..!! عندما تشاهد التقرب والتودد منهم لنا بثوب خارجه خير وباطنه !!!!؟ تجد هنا تسائل من المستفيد من هذا..وماذا سوف يحدث بعد هذا ..!!؟؟ عندما تشاهد بروشرات وكتب توزع بأسم منطقة عنيزه في سفارات المملكه تجد هنا تسائل ..لماذا كل هذا ..!!؟ عندما تشاهد في أم عينك الأستماته في تغيير خارطة عنيزه وتوسيعها على حساب الغير رغم أن الأماره فيها الوثائق القديمه والأتفاقيات مع الملك عبدالعزيز والملك فيصل ويشهد على ذلك كبار المشائخ في ذلك الوقت بهذه الحدود.... تجد هناء تسائل أين الأتفاقيات ولماذا يتم تغافل هذه الأتفاقيات ومن يساعدهم على ذلك ..(والغريب أن كل هذا يحدث من أناس متعلمين ومثقفين وذو عقول لها قيمه في البلد) ...!!!؟؟ وفي الأخير عندما يكون هناك فعل فلابد أن يكون هناك ردة فعل ..والسؤال ألى متى ونحن ننتظر الفعل ..!!؟ وللحديث بقيه حول الموضوع ... ==-=-=-=-==-=-=- هنا أنا أتسائل ألى كل من يدخل ويقراء ماكتبت عن الموضوع هل هذا التحويل سوف يفيد بشي .. أنا بوجهة نظري أن كل عمل يعملون يكون ضدهم ..والدليل هو الرجوع ألى أشيا هم من سعا لها بالأصل واصبحة هيا في بريده لذا فضلو الفصل بسبب الأحراج التي سببت لهم بريده.. ..!!؟؟ هنا أقول لكم أعملو لكن بحدود الأدب والمعقول وعدم التعرض للغير سواء في السر أو العلن ..!! ونحن نعين ونعاون حتى ولو كان الموضوع في أنفصالكم عنا ... لكن أن يتم تغير أسم بريده ألى القصيم من أجل مصالحكم فهذه هيا الجريمه بحقنا وحق بريده .. وفي الأخير لايصح ألى الصحيح .. وأرجو أن يكون النقاش حول هذا الموضوع .. والله من وراء القصد .. .. |
في اعتقادي ... أنك أعطيت الموضوع أكبر من حجمه ... ولا داعي لكل هذا .... فبريدة .. هي القصيم ... والقصيم ... هو بريدة ...!!!!! وكل محافظات القصيم .. ترجع لبريدة ... الأم ... هذا كل ما هنالك .... شكراً لك حرصك .... |
مثل ماقال ابو ربآ :032: بريده هي القصييم ول يخسى الخاسئون :086:
|
الله يخسف بالثنتين
|
[QUOTE=ابو ربا;1303250][size="6"][color="darkred"][center][b][i]في اعتقادي ... أنك أعطيت الموضوع أكبر من حجمه ... ولا داعي لكل هذا ....
فبريدة .. هي القصيم ... والقصيم ... هو بريدة ...!!!!! وكل محافظات القصيم .. ترجع لبريدة ... الأم ... هذا كل ما هنالك .... شكراً لك حرصك .... ] مشكلت أهل بريده أنهم طيبون الى حد الثماله ..!! واذا وقع الفأس على الرأس صحو ..!!! ألى تعلم أنا هذا المشروع يؤثر على بريده أقتصادياً من ناحية المشاريع التجاريه والخاصه بالدوله قد تقول لا بريده اكبر واكثر سكا وووالخ ..وهو بالحقيقه غير الواقع الذي تفكر فيه .. ووللمعلوميه لو أن اهل بريده يعملون لبريده مثل عمل أهل عنيزه لكانت بريده تنافس أكبر المدن الخليجبه... أشكر لك مشاركك .. دمت بخير |
المشكله ان عنيزه هاجروها معظم اهلها لان؟؟ موقعها الاستراتيجي غير صالح للاستثمار وسكانه لا يتعدى ال48الف الان ومعظمه من الاجانب فعدد طلاب المدارس يكشف ويعكس الحقيقه بيوت خاليه في ايام الدراسه وتفتح بالاجازات للزياره!! فاقول لكل غيور على بريده لاخوف فبريده الان تعتبر من المدن الكبيره والهامه فى مملكتنا الحبيبه؟ |
اقتباس:
|
والله يآنت فاضي ...
آتمنى آن تراجع آطلس " الصين " وشي بريده ؟ وشي عنيزه ؟ من كثرهن ؟ |
. . . أما أنا فأعتبره هذا الموضوع في غاية الأهمية وهو أمر مشاهد وتلك الحركات لاتخفى على ذي لب طبعاً هناك مباركة لذلك التوجه . الغريب أنه و في كل مناطق القصيم تسمى الفعاليات بأسماء تلك المدن إلا في بريدة فيقال حفل أهالي القصيم المجلس البلدي يقال المجلس البلدي لأمانة منطقة القصيم وانظروا إلى اللوحة التي في التغطية المنزلة حديثاً حول زيارة النائب للمجلس البلدي .. موفنبيك في قلب بريدة ويقال موفنبيك القصيم مذيعي القنوات على اختلافها وبالرغم أنهم ليسوا من القصيم ويقولون تحية لكم من القصيم إذا كانت التغطية تخص بريدة .. وهناك الكثير والكثير مما لايتسع المكان لذكره أو لايمكن .. شكراً أخي خالد .. . . . . |
بلا خرابيط الموظوع اصلاً ما فيه موظوع ومعروف عن السعوديين أن القصيم هي بريده وبس لا تكبر الموظوع بريده عاصمه فوق كل الاعتبارات والاقاويل والدسائس والكلام الي ماله داعي |
ارجو ان تسمحوالي بقول ما بخاطري... انا كنت انسان متعصب لبريدة.. ولا احد يقول شي عن بريدة وبريدة احسن مدينة بالعالم... ومن هالكلام.. لكن بما اني طلعت عن بريدة بحكم الدراسة الله يردن سالمن غانم.. الصراحة فوجئت بالفرق الكبير بين اهل بريدة وعنيزه.. اهل بريده لاتكاد تجد انسان عمرة فوق الستين متخرج من الجامعة.. بالمقابل كثير من رجال اهل عنيزة الكبار تلقاهم مدرسن او دكاترة.. نجي للنساء.. يوم فتحت مدارس البنات كانوا اهل بريدة من اكبر المعارضين خصوصا اهل الخبوب.. لذلك وين تلقى وحدة الحين عمرة فوق الخمسين مدرسة.. بينما حريم عنيزة اغلبهن مدرسات وهن اعمارهن تفوق الخمسين.. باختصار اهل عنيزة متعلمين وتربوا على ايدي ناس متعلمين.. واهل بريدة متعلمين وتربوا على ايدي ناس ماتعلموا.. يجين واحد الحين يقول ايه تربينا على ايدي رجال .. انا ما اقول لا... بس فرق كبير بين الانسان المتعلم والغير متعلم.. والواقع يشهد بذلك.. يمكن لو كانت الامارة بعنيزة كان صارت القصيم اكثر تطور من الحين.,.,, تراااااااي من اهل بريدة...... |
اقتباس:
أنت من يوم طلعت من بريدة وأنت خربان .... هههههههههههههه لكن ارجع أزين لك ....:i121 |
الصراحة أن أهل عنيزة لهم جهود قوية في أبراز محافضتهم ..
لكن مثل ماتفضل أخينا بقوله أن عنيزة شبه مهجورة من قبل أهلها لايأتون إلا في الأجازات .. وأتمن بريدة يتحول أسمها إلى القصيم .. والباقي محافضات لها مثل ..عنيزة والرس و... وللعلم أن أهل بريدة عندما يسافرون مثلاً إلى مكة ويسألون من أين ؟ يقولوا من القصيم . . أما أهل عنيزة فيقولون : من عنيزة . ياليت يغير أسم مدينة بريدة إلى ( القصــــــــــــــــــــــــــيم ومحافضاتها .. مثل الرياض ومحافضاتها ) . |
..من زين القصيم عشان تفرقون بينهن الحمدالله والشكر بس..
|
القصيم قصيمنا مهما اختلفنا او تغيرت الاسامي او الصفات
|
اقتباس:
|
اقتباس:
نحن نتكلم عن حق فقط..أما اهل عنيزه معنا قلب وقالب ..فاهم أهل لنا..لكن يجب أن يدخل موضوع الأدب في التعامل والبعد عن العنصريه في بعض قلوب اهل عنيزه.. دمت بخير |
خالد العبدالله ممكن اسئلك سؤاااال تجااوبنيـ بصرااااحه |
اقتباس:
المشكله...أعظم وهيا أنها تحاول أن تقارن نفسها ببريده وهنا الطامه...فاحصل ماحصل..!!! |
اقتباس:
شكلك لم تفهم الموضوع..!!؟ أو انك دخلت الموقع الخطاء.. دمت بخير |
اقتباس:
حفيد عقيل... ماأضفته هو حقيقه مره للأسف ...ويجب على أعيان بريده مناقشة هذا الموضوع عاجل قيل أن يستشري.. واتمنى أضافة المزيد اتمنى أن يكون منك الكثير.. عطرني مرورك.. |
اقتباس:
من قال لك أن بريده هي القصيم.. بريده عفة أنها بريده فقط ..وليس القصيم .. القصبم هذا أسم مستحدث لجميع مدن القصيم..بسبب وجود نبتة الغضاء القيصوم.. لاذا انتبه أن تسمي بريده القصيم ..هنا تقع في محور حديثي..وهو تحويل بريده الى القصيم وأنت لاتعلم يجب عليك أن تعرف أن بريده هياء بريده والقصيم هيا جميع المدن المعروفه للتضح الرؤيا.. دمت بخير |
اقتباس:
نعم بدئنا العلم جميعا لكن هم بكثره...وفي الفتره الأخيره نحن الأكثر.. لكن ولله الحمد والمنه أن اهل بريده هم دين وعلم..(وتجاره) ونحن من سيطر على التجاره داخل وخارج اللمملكه والشواهد كثيره.. دمت بخير |
اقتباس:
طق طق لماذا لايكون بريده ومحافضاتها..!!؟ بريده ورثناها جد عن أب ..ولا نرضاء بغير بريده أسم.. التمسك بالأصاله مطلوب..وهذا من طيب الأصل والمعدن..فحافظ على ذلك..يارعاك الله دمت بخير |
اقتباس:
كلاً يغني على ليلاه.. |
موضوع في الصميم الله يعطيك العافيه
والعنيزاويه زودوها حتى تخيل أنهم لافين على المذنب جاينك من ورا المذنب ويقولون إن النفود تبع عنيزه وواصل حدهم مع البدايع الى دوار البدايع هههههههه !!!!!! والحقيقه إن الإمير معطيهم وجه زود على إنه يبغض بريده ونسوا العنيزاويه أن الإمير مهوب باتل بالمنصب وكل اللي سووه بالسنين الماضيه راح يتعدل بمجرد (ترقية الإمير ) مهوب مخلينهم لاأهل البدايع ولا المذنب ولا بريده دمت بخير ,,, ,,, |
استغفر الله واتوب اليه
|
الصراااحه الموووووضوووع مش بطااال .......... لكن ..... بعض الردوود بطااله !!!!! اللي يقوول : يخسئ الخاااسئوون ..... واللي يقوول : العنيزااويه زودوهااا <<< ورااه اخذين من كيسك وحنا مااندري .... لكن بقوول اللي شفته واللي يقاال واللي نسمعه ..... اذا سئلن واااحد من وين انت اقووول القصيم ...... وافتخر ... بعدين يقووول من بريده << لاحظوو يمط بريده <<< يعني بسئهزااء بعدين افشل واقول لا والله من الخبراء << اللي ردو ابن رشيد << وانا اقولها اقول الله يستر لايكوون دبوووس << يقوول والنعم .... وعلى طوووووول يبدأ يسب ببريده ليش مدري ؟؟؟ وبعدين اكتشفت ان اغلب اهل القصيم يكرهوون بريده << ليش مدري ... والمشلكه انه شي معرووف عند النااس ..... من وين من بريده << يرجاال لااايهمك ( بريدااوي )... سؤال ليش العنصريه ... والتحيز .... اجل يقوولوون القصيم بريده وبريده القصيم << لاااايوليدي على هوونك << قاال بريده قاال ....... مااعليش تحمووولن شوي بس انتم ياهل بريده زوووتووها الصرااحه .... مهب كلكم بعظكم ...... لكن بعضكم يعكس صوره سيئه عن الباااقين اللي فيهم الخير ,,, ولاااا حظت شي عجيب بالمنتدى اول ماااسجلت << نقزلي وااحد وقاام ينااقرن تقوول ذاابح ابوه ،،،،،، وارجوا منكم تقبل خطمتي بصدر رحب جدا ......... تقبل هبوطي على صفحتك .. |
اقتباس:
حرام عليك ابو ببا انا رايحن اطلب العلم الدنيوي... ان شاء الله ابجي الاسبوع الجاي لبريدة... |
اقتباس:
الصحيح الكلام بريده ماضرهم الا التعصب بالدين واهل بريده متعقيدين اهل عنيزه جيدين مهتمين بدرستهم الله يخلي لنا اهل عنيزه لولا الله ثم عنيزه مامشين بشي واكبردليل من اي مدينه مدير مرور بريده >عنيزاوي< ياالخبوب يالفشلين خلوكم من تغبيرة الهالوكس وجاي |
اقتباس:
شف حبيبي كل شي الا الدين <<< وتعصبهم عليهم مهب علينا <<< اماااا التغبيره حلوووه بس والله انك ضلمت رااعين الخبوووب << يااحبيلهم راااعين الخبوووب من البيت للمسجد<<< بدا يمدح لكن التغبيره تدري من رااعينه .... هع هع هع ... والله فشيله اقووله ,,,, اخاااف يجين باااند من اوله <<<< لكن انت افهمها |
اقتباس:
بس الدين معامله صح لكن يابطل منهم راعين التغبيره مافهمتك |
اقتباس:
خوفي انك منهم ........ وفهمك كفااايه <<<<<<< |
الحمد لله والشكر بسسسس
المسلمين يقتلون والشيعة يجهزون عدتهم وانت عنيزة وبريدة والله ماشفنا من اهل عنيزو الا كل خيرر وانا تراااااااي من بريدة |
. انا عندي عدة اسئله ابيك تجااوب عليهاا يااصااحب المووضووع ؟ اذا ممكن.... . |
اقتباس:
هوووووووووووووع ...... فسر عن ذرعاانك ورنا شطاارك ....... تبي الصزز يقوووولوون به حضيره بالحااير يبوونله واااحد بس ...... والضااهر انه انت ....... طبعا بعد مااتفسر ذرعاانك والا قبل يقوولوون لا ماانبيك ....... يقوولوون اصلا مااتشرفنا ،،،،،،،،،، |
يا قهوجي بريدة تقهو وعش في عنيزه احسن لك
|
إحذر من الشيطان ونزغاته
فالفتنه نائمه |
اقتباس:
اانا كلي فخر وشرف انا ادافع عن وطني ومليكي تحت رايه لااله الاالله :41 اما الحضيرة فاانا مااعرف وش تعني ياليت تفسرة لي :d ووين بوة هالحضيرة وهل بوة حضائر ببريدة :05: |
اقتباس:
هههههههههههههههههههههههه..... اماااا الحظيره مااتعرفه والله مشكله ..... لكن ببريده ماافيه حظااير فيه الطرفيه <<<:eek5 وفهمك كفاايه ....... |
أوافق كاتب الموضوع ( خالد العبدالله ) على كل ما قاله والخافي أعظم لكن الشرهه على من يترزز باسم القصيم وهو من بريده وكل من يرد ببرود أو يحاول أن يخفف من شدة الأمر أو يهبط من أهمية الموضوع
في نظري إنه قد يكون من مستوطنين مدينة بريدة وبذلك لا يعنيه هذا أو جاهل بأهمية مدينته !!!!!!!! بكل التقدير لصاحب الموضوع ونحن معك |
مبروك يامهند س الحمدلله انك طلعت وعرفت الفرق بين البريداوي و العنيزاوي الله يخلف على الامة اذاكنت صحيح مهندس انت وشكالك..... انت مثل شاب ارسلة ابوة يدرس بالخارج وبعد مارجع بالخيبة اسألوه ابنا عمه واصدقائة ماذا استفاد من الغربة اجابهم بانة استفاد فائدة واحدة وهي معرفتة بان الثوريدخل من هنا ثور ويخرج من الجهة الثانية نقانق !!!!!!!!!!!!!!!!!!!!!!!!!!!!!!!!!!!!!!!!!!!!!
|
يا اخي بارك الله فيك
لا تسيء الظن و لهم الحق في انهم يخططون لديرتهم....و لهم الحق انهم يعملون على تطويرها و انت ناقضت نفسك يوم قلت ((((((هنا أقول لكم أعملو لكن بحدود الأدب والمعقول وعدم التعرض للغير سواء في السر أو العلن ..!! ونحن نعين ونعاون حتى ولو كان الموضوع في أنفصالكم عنا ... لكن أن يتم تغير أسم بريده ألى القصيم من أجل مصالحكم فهذه هيا الجريمه بحقنا وحق بريده ..)))))) يعني فكروا بأي شي يخدم بلدكم في حدود الأدب و جيت بعدها و قلت (((((ألى تعلم أنا هذا المشروع يؤثر على بريده أقتصادياً من ناحية المشاريع التجاريه والخاصه بالدوله قد تقول لا بريده اكبر واكثر سكا وووالخ ..وهو بالحقيقه غير الواقع الذي تفكر فيه ..))))) يعني أقريت بالاول ان لهم الحق بالعمل لصالح بلدهم بس اشترطت التزام حدود الادب و بعدها اختلف رأيك لأن هذا بيأثر على مشاريع بريده لا و بعد تزيد و تقول (((((ووللمعلوميه لو أن اهل بريده يعملون لبريده مثل عمل أهل عنيزه لكانت بريده تنافس أكبر المدن الخليجبه...)))) طيب من ماسك اهل بريده عن انهم يعملون لديرتهم؟؟؟ فكر زين ترانا اخوان و مواطنين في دوله وحده و بالتالي قدام الغير ((((( كلنا قصمااااااااااااااااااان))))) |
اقتباس:
عزيزي..ومن قال لك ان الكلام الذي ذكرت متناقض حفظك الله .. مازلت اقول اعملو بحدود الأدب والروح.. وهذا لايمنع ان يكون انفصالكم يضر اقتصادي على بريده بسبب ان عملكم لن يتوقف على ضرر بريده حتى لو انفصلتم..بسبب ان ابو طبيع مايجوز عن طبعه الخلاصه اعملو بأدب لكن دون ضرر الغير مثل بريده المذنب البدائع الرس..حتى لو كان هذا العمل يضرنا اقتصادي من غير قصد منكم...لكن اذا كان مقصود فهذه المصيبه التي نحاربها.. دمت بخير وعافيه .. اعتذر للجميع عن الرد عليه قبلهم |
اقتباس:
|
اقتباس:
|
اقتباس:
اشكر لك مرورك |
اقتباس:
جزاك الله خير |
اقتباس:
لكن اعمال بعضهم هي السيئه ولك إدارة الطرق وماذكرت سوف تكتشف عكس الخير .. دمت بصحه |
اقتباس:
|
اقتباس:
ياليت اهل عنيزه يسمعون كلامك.. دمت بخير |
اقتباس:
شرفني مرورك .. دمت بود |
اقتباس:
أول كلمة قلتها لك في ردي أحسن الظن أقسم بالله يا رجل و انا ما اعرفك و لا لك علي يمين اني من اهل بريدة و ساكن ببريده ( عن لاتقول يمكن بريداوي و ساكن هناك و غسلوا دماغك) و لكن انت بنفسك شي مدري وش يسمى الغريب انك مسوي زحمه انت و موضوعك و الشارع فاضي قال بريده و عنيزه قال ... الله اكبر عاد اكبر مدينتين في العالم من حيث عدد السكان....و الا المدنتين الصناعية الاولى على مستوى العالم لا و مسوي موضوع طويل عريض من المستفيد من تحويل بريده للقصيم و كأنك تتكلم عن سياسات دول ((مخططاتهم))(((يأتو بثوب الناصحين)))(((التمهيد للمخطط)))(قياس ردة الفعل لتنفيذ المخطط..!!)((((من أهم مشاريعهم بعيدة المدى))))(((يخرجو من منظومه القصيم ألى المنظومه الخاصه التي خطط لها عبر سنوات عجاف..!!)))< < < هذا قصدك يعني انها الحرب الباردة...أو انك بإختصار تبي تقول مثل مخططات اسرائيل و استحيت تقولها علشان محد يتهمك بشي (((يعني تبي تقيس ردة الفعل قبل تقولها صراحه))) و تستخدم مصطلحات كباااار (((استقلاليه))) (((الحدود)))(((الاتفاقيات))) حشا روسيا و امريكا مو بريده و عنيزه و تشكك بكل خلق الله الجرايد...لوحات الشوارع...سفارات المملكه....قناة المجد< < و الله ان كان شكك في محله فهذا دليل انهم ناجحين و ان كان في غير محله دليل على انك انت فيك شي يعني في الحالتين السالفه على راسك يا اخي و الله ما فشلنا قدام الغير و خلا كل سكان المملكة ينظرون لنا نظره دونية الا هالافكار الغريبة ... كل سكان المملكه يتوقعون ان كل اهل القصيم بهالعقليات نية سوداء ...شك...حقد...كراهيه.....و نسيت ان اهل بريده و عنيزه اخوان و انهم مواطنين في دوله وحده و كثير منهم من تربطه بالاخر علاقات الدم و النسب...و بينهم الكثير من الارحام اللي مثل افكارك هذي تشجع على قطعها اتق الله |
اخوي خالد العبدالله اشكرك جزيل الشكر والصراحة موضوع مهم لاكن يحمي سبدك الي بارد ماهمه بريده
وأحيي فيك هاذا التعصب انا ماقول شي بأهل عنيزه ألا ونعم وعلى العين والراس لاكن أشوفهم صارو يستحقرون أهل بريدة تقل بينهم حرب والله صرنا مهزلة للناس انا ساكن بحايل وكل من سئل من وين انت أقول من بريدة يقول وش قصة الحرب بينكم وبين أهل عنيزة ( وش نوحكم متخانقين مع عنيزة )؟؟؟ |
انا شركت في احد الرحلات في مكه كل المناطق تسماء على اسمهاء الابريدة
وحتى عنيزه تنادى عنيزه الا بريده تنادى القصيم ...............ا بريده وين الله يخلف |
اقتباس:
انا ملاحظ ان المسافات بالمشاركه اكثر من قرقرك :p |
فاقول لكل غيور على بريده لاخوف فبريده الان تعتبر من المدن الكبيره والهامه فى مملكتنا الحبيبه؟
|
اقتباس:
هذا تاييد حفيد عقيل وهو شايب اجل وش يبي يقول المراهق !!!!!!!!!!!!!!!!!!!!!! الا ورى ياخالد العبدالله انت وحفيد ماتطالبون الحكومة بجدار عازل عن عنيزة الحقيقة اثبت الموضوع ان فيه عقول الله يخلف عنيزة اهل علم وثقافة واريحيه وحنا فاضين للمشاحن مع هذا وهذاك نبي نستمر خبوبية حتى لو كبرت مساحة مدينتنا غزة تحت الحصار وحنا نقول القصيم وبريدة ماكن اسم القصيم فخر لنا جميع |
اقتباس:
افطن لا قال لك اهلا باهل عنيزه كل واحد يحاول يفهمه ان موضوعه فيه شي غلط على طول يقول يا عنيزاوي يخوي ليتني عنيزاويه ادام فيه بريداويه هذي عقلياتهم يا اهل بريده العاقلين أنا متأكد انكم عقليات نيره و الدليل أن بريده من تطور الى تطور و لكن مثل هذه العقليات و التي اتيحت لها فرصه للكتابه قد تسيء لسمعتكم الناس يا اهل بريده لهم الظاهر و اذا ظاهرنا قدام الناس مثل هذا التفكير اعتقد ان الناس معهم حق لو قالوا عنا مهما قالوا بريده و عنيزه <<< هذي العباره اسمعها بالدوام...و بين الجيران...بالاسواق...و بالنكت و التعليقات و اخر شي صارت ماليه النت نيويورك و طوكيو يا ناس اكبروا فشلتونا مخطط و بعيد المدى و مدري ايش يا اخي مبين عليك متعلم يا صاحب الموضوع و مبين عليك مثقف و ياليت ثقافتك هذي اتحفتنا فيها بموضوع جميل مو خرابيط و كلام فاضي الله يردك الى صوابك انه سميع مجيب |
خذ عندك من هالنوعيه الحاقده لااكثر الله عيال الجبال فى ديارنا الاالصالح منهم؟
|
مقدمـة حلـوهـ !! |
الموضوع اكبر من حجمه |
اقتباس:
آسف بس ممكن تقول لي الغلط بكلامي... كل اللي قلت حقائق واضحة... ومشكور على حسن الخطاب... |
في وقتنا الحاضر وش اسم المهرجان الخاص ببريدة اذا ما اخطيت اسمه مهرجان الربيع بالطرفية واذا ابدعو طقو خيمة وازعجونا به ودنا جبنا ما غير طيروا هالاحريم من بيوتهن على غير نفع تحياتي |
الاخ خالد العبدالله عنوان موضوعك خطير(من هو وراء تحويل بريده الى القصيم ومن المستفيد (ادخل لتعرف وتناقش) )
كانه عنوان رسالة ماجستير........الله شي الموضوع |
باسال صاحب الموضوع سؤال بس ودي مايزعل ولا ياخذ بخاطره علي ، من كتبت الموضوع والسؤال
ودي اكتبه بس مابي احد يزعل لكن بما ان الموضوع زاد وصار له ردود كثيرة فاليك السؤال خالد انت خضيري او 110 ؟؟ اغلب اللى ايدوك من نفس الفئة ، بعدين اعلمك ليه الاستنتاج هذا ؟؟ |
دعوها فانها منتنة
|
اقتباس:
أجل أنت تقرا من محوّل :d ,,, |
اقتباس:
الله يهديك يبو مقبل يقال لك وجهت سؤال الحين؟؟؟؟ بعدين حدد موقفك هو استنتاج و الا سؤال؟؟؟ |
وووش إيقالهم أهل القصيم .. منول القصيم عز الحين بزارين .. .. صااايعين وضااايعين وأغلبهم خكاااريا ... فشلون القصمان في كل مكان .. .. الله يعين الأرض عليهم .. وكل يوم هوشة ونغارة بين قنيزة وقريدة .. الله يخلف بس |
أخي الكريم /خالد العبدالله أنا أقول وش مشغلنا عن التطوير والتقدم في جميع المجالات الاقتصادية والاجتماعية والخدمية والصحية في جميع مناطق المملكة
والله عسى ما يكون المجلس البلدي يناقش مثل هذه الامور ؟؟؟؟ مجرد رائي شخصي |
تحليل مريض
القصيم كله منطقة واحدة وبريدة و عنيزة عينان في رأس واحد |
الاخ /الكريم خالد العبدالله أنـــا أقـــــــول وش مشغلنا ؟؟؟ حنا كذا مشغولين بأشاء لا تقدم ولا تاخر
|
اقتباس:
:d:d:d:d:d:d:d عزالله انك زاااااااااااااااااحف <<< اجل يقرا من محوووول ......... والله مهب بعيده ..... |
بزران انتم تتهاوشون معروف اي واحد يقول ان بريده ازين من عنيزه لان بريده عاصمة القصيم والمفروض انها عاصمة السعوديه<<بريداوي هههههههه |
تخلف ورجعية وهذا اللي خلى الجهل يسري بعقولنا في بريدة
حسد وجشع وانشغال بالناس اهل عنيزة يعملون لمدينتهم وغافلين مايدرون عن بريدة وحنا متوقفين ومنشغلين بخلق الله فعلا قروية تجمعو في مدينة وحدة |
السلام عليكم ورحمة الله وبركاته
ياهل القصيم باجمعهم الله الله بالإجتماع وعدم التفرقه فيما بينكم فاهل بريده هم اهل عنيزه واهل عنيزه هم اهل بريده هل تعلم التزاوج فيما بينهم والتناسب اقول بريده حبيبت الشعب القصيمي احب اذكر بان بريده ثاني اكبر مدينه اقتصاديه في المملكه فاين المقارنه ، لكن اقول هل نكون ام لا نكون هل تعلم بأن اهل عنيزه عنوانهم هي نبني مستقبل عنيزه وان عنوان بريده( وش كاري انا ماعلي فيه ناس يقومون بالواجب ) اي تجار بريده اين من له ولاء لمدينته لماذا التجار ليس لهم دعم في مشاريع بريده / لا نتجاهل اهل عنيزه وتجارها بانهم يدعمون من يرد ان يضع محل تجاري او اي مشروع . ونحن دائماُ ندندن على الكلام الفاضي ونشجب ونستنكر مايحصل في بريده وكره عنيزه لبريده احب اوصل للجميع بان هذه المعلومه غير صحيحه ( كل شجره هابه الريح) اللهم اجمع الشمل ولم الشعث وحمي بلادنا من كيد الاشرار |
جميع الدوائر الحكومية في بريده يشار لها بالقصيم نظرا لادارتها للمنطقة كاملا كلا بحسب عمله وهذا شي طبيعي . ومن وجهة نظري ان القصيم اصبحت بريدة فقط وهذا شيئ جميل وان الجميع تابع لها
ثانيا . مقارنة اي محافظة في المنطقة ببريدة اعتقد انه بسبب حساسية مفرطة وعدم ثقة بالنفس والموضوع اعطي اكبر من حجمه فليس هناك اي وجه مقارنة بين محافظة لاتوازي حارة من الحارات المتوسطة فضلا عن الكبيرة والمقارنه هنا تذكرني بقول الشاعر الم ترى ان السيف ينقص قدره اذا قيل ان السيف امضى من العصى [/size][/size] |
ياناس عادي
ليش التعصب وأكثر المتعصبين هم اللي ماخرجوا عن بريدة وسعوا صدوركم جميع محافظات القصيم واحد لا لالعنصرية لالا لعصبية |
والنعم بالجميع
|
أذكر اني كنت في الطائرة في أحد الرحلات الداخلية وقد فوجئت بوجود محافظة عنيزة على خارطة الطائرة !!
يمكن من زود الدقة عند الطيار !! على العموم موضوعك جيد لكن كان من المفترض ان يكون هذا حافزاً لرجال بريدة للتعامل مع من ذكرت بالمثل , أي التحرك لتطوير المنطقة والإستفادة من هذه الطفرة المالية بتحسين الكثير من الأوضاع الداخلية ببريدة . شكراً .. |
غزة تنادي ... ونحن بريدة وعنيزة... اخواننا تحت قصف الطائرات الصهيونية ... دماؤهم تهراق بغير حق .. ماذا سيكتب عنا التاريخ.. وقبل ذلك ماذا سنقول لله عز وجل اذا سألنا عن ذلك.. |
بريدةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةة الي العظم
بريدةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةة الي النخاع بريدةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةة حتي الحد بريدةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةة رئتي |
بريدة صحيح ان هناك اشخاص ينامون ويصحون والهاجس الوحيد تهميش بريدة لكن اقول هيتلك
(إلحســــــــــــــــــــــــــــــــو فكس) كل إستثماراتهم الناجحة ببريدة والفاشلة عندهم مطعم الخيام!!!!!! جهينة!!!!! روز !!!!!!!! الخ......................... |
السلام عليكم وراكم ما تبلعون العافيه وتتركون عنكم بريده عنيزه وبعدين اش جاب عنيزه لبريده اما سمعت قول الشاعر
الم ترى ان السيف ينقص قدره اذا قيل ان السيف امضى من العصاء اذا تقارن بريده بجميع محافظات القصيم انت غلطان يا اخي اش جاب تعدادسكاني اكثر من 900الف نسمه الى 70الف نسمه في عنيزه 70% منهم على قولتهم ولا خلينا ساكتين لا يزعون بعض القراء لكم الشكر |
هذا الموضوع في غاية الاهميه...........وعنيزه امدخله نفسه بكل شي وهي ولاشي........
|
الناس وصلت سطح القمر وانتم بريدة وعنيزة
لعنبوا بليسكم كلنا عيال ادم وحواء لعنبوا بليسكم كبروا عقولك ترى المنتدى يدخلة ناس من خارج المنطقة لعنبوا بليسكم فضحتونا استحوا على وجيهكم كلنا اخوان وكلنا بريدة وكلنا عنيزة وكلنا الرس ووووووووو الناس تتقدم و حنا نرجع عيب والله عيب |
نعلم أنت واياه أنه لايوجد وجه للمقارنه
المشكله ليست فقط تهميش بريده في اللوحات وطمس إسم بريده المشكله أن التعدي علي بريده في جميع الأمور في التسميه وفي الحدود الإداريه وفي المناصب تخيلوا أن جميع رؤساء الأقسام في إمارة القصيم من أهالي بريده إستقالوا أو تقاعدوا أو احيلوا للتقاعد واستبدلوا بأشخاص من عنيزه ... ليش بأي حق أحدهم أعرفه شخصيا بالمرتبه 13 وهو نائب قسم بعد تقاعد رئيس القسم نظاما يترقى للرئيس بالأحقيه ولكن لم يحصل هذا بل تم تولية المنصب لواحد من عنيزه وليس له أحقيه . والآن وصل الدور للمرور ... والخلاف وصل الى الأمير سلطان وشكل لجنه بشأن الحدود الإداريه واللي مشتكين مهوب أهل بريده بس معهم المذنب والبدايع وإلا معلوم أن [poem="font="simplified arabic,5,blue,normal,normal" bkcolor="transparent" bkimage="images/backgrounds/8.gif" border="none,4,gray" type=2 line=0 align=center use=ex num="0,black""] السيف ينقص قدره اذا قيل = ان السيف امضى من العصاء [/poem],,, ... |
إذا عمل اهل بريدة من اجل مصلحة القصيم كافة بجميع مدنها ومنها عنيزة سيحصلون على المساعدة والعون من الجميع وبالتالي صدقوني بريدة ربما تكون عاصمة للمنطقة الوسطى وعاصمة المملكة العربية السعودية غير هذا الكلام ما فيه
|
اقتباس:
اماااااااا عااااصمة المملكة .... ;););) هيه لوصارت عاصمة الممكلة زعل علينا >> بابا سلمان << :eek5:eek5 |
أسعد الله صباح\ مساهم الجميع ,,,
أشكر الجميع على المشاركات .. بس لكن كنت أتمنى أن النقاش يكون حول الموضوع للخروج بفائده تليق في الموضوع وبريده والمنتدى إجعلونا نناقش لنرتقي ونصل ..حتى وأن كان الموضوع لايعجبك ..ناقش وحاور لعلنا نصل ألى حل بيننا .. اتمنى أن يكون محور النقاش يسوده الأدب .. دمتم بخير .. اخوكم خالد العبدالله .. والله من وراء القصد .. |
معقوله ..خططوا..
الف شكر لك اخوي انا اشوف انك معطيه اكبر من حجمه ..! |
السلام عليكم:
كيف الحال.. انا ماعندي هرج ولا عندي زيادة كلام اما اذا كانت محافظة (البحرين).......! خرجت دكاتره بالجامعات فمدينة بريدة الغاليه قد خرجت مشائخ ودعات وطلاب علم ومجاهدين وفي زيارة ولي العهد سلطان قال انتم رجالنا يا اهل بريدة ولم يقل القصيم وكلمته بعد الحفل عندي شريط فديو للكلمه (انتم من يحموننا بعد الله) ولو ياصل الردود في هذا الموضوع عشرات المليين لا تغيرو بقيمة ووزن بريدة بريدة معروفه عند العرب وغير العرب ياحبيلكم وش جاب الكنز للعنز وفيه كاتب معروف اسمه : ابراهيم بن عبدالعزيز المعارك للكاتب مجموعة اصدارات منها 1) بريدة بين الماضي والحاضر 2) اعلام القصم . للعلم لا يحمل من اعلام قنيزة غير سماحة الوالد الشيخ : محمد ابن عثيمين رحوه الله وليس حقد من الكاتب لا هذا الواقع وللكاتب مجموعه كبيره من الاصدارات لكن لا احفظ منها غير وهي تخص اهل بريدة (اولاد علي) اتحد اي واحد يعطين بس عشر عوائل من المحافظه الي تقارنون بالامراطورة (( بـــريدة)) تعتبر من من القصيم وبنهايه (( الي مايطول العنب حامض عنه يقول )) تقبلو مروري بس الي من ابريدة |
اقتباس:
بس لكن كنت:d |
عفوا كاتب الموضوع--العذر والسموحه ياخوي تراك متخلف الله يشفيك
وعساكم طيبين ووشلونكم تراهن انك لو ترجع لأصلك تلقاك من الطوالع البعيده ياخوى وانت هنيا تثير النعرات بين الاحباب وش الفايده عسى الله يشفيك الحلا والحسن ببريده يـبـيـن --في عنيزة كل سحر العاشقين ولحلات الرس شوق بكل عين --ياديـــار الزيــــن والجو العدال (الشاعر سليمان السلامه--عنيزة ) عقليك مأثر عليها المطازيز ياخوي هداك الله |
ليش كل هذي العنصرية خلاص المعروف ان بريدة عاصمة القصيم ومحافظة عنيزة واي محافظة تتبع بريدة من الناحية الإدارية والإقتصادية ... وكل الإدارة الحكومية بالمحافظات تتبع الإدارات الرئيسية ببريدة .
|
الرجـــــــــــــــــــال ماقال شي بعنيزة ...............
انا مع صاحب الموضوع ومن انتقدة فهــــــــــو غيور وحسووووووووووود.................. قل خيرا او اصمت............................................. كثر اللة من امثالك.................. عنيزة وبريده اهل ونسايب ......................... لافرق بين اعجمي او عربي الا بالتقوى............. |
اقتباس:
في وقتنا الحاضر :41 احسب ردك عشر اسطور اثارية شخيطة ونقيطة وكلام نيدو |
شوووووق تقولين
اقتباس:
خالد العبدالله يقول اقتباس:
فعلا اهل العقول براحه وصدق الله يقول في بريدة عقول رجعية |
لماذ هذه الحركه يالعبدلله تتجاهل الحركه وانت غني عنها بنقص الحركه
وانت مسوي زحمه والشارع ..... مافيه اشارات وبريدة هي القصيم وعاصمة كل القصيم وشتبي تستفيده انت من موضوعك ولا انت فاضي ..... لذا نجد أنهم يعملون من ذلك الوقت وأكثر لمشروعهم المزعوم والضخم في تقسيم القصيم ألى جزئين 1_ منطقة القصيم 2_ منقطة عنيزه وهذا لايتم ألى بتحويل بريده عاصمة القصيم ألى القصيم وبذلك تختفي بريده بثوب القصيم |
| الساعة الآن +4: 03:38 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.