|
احذروا هذه الشركة ؟؟؟؟؟
انها الشركة الوطنيه للتقسيط ببريده
عندما تقدمت لشراء سيارة منهم استقبلوني احسن استقبال وقالوا اشتر سيارة بالتقسيط ولك المميزات التاليه الضمان على السيارة ثلاث سنوات القير والدفرنس والماكينه وكذلك التامين على السيارة ضد الحريق والحوادث الخ واي شئ بالسيارة تعال عندنا ويوجد مهندس . فرحت بذلك ودفعت دفعه اولى 35000 الف ريال وكل شهر 1500 ريالاً واشتريت سيارة جمس 2001 في شهر 3/1429 هـ . وبعد الشراء راجعتهم بايام لوجود تعليق بالبوري فارسلوني لكهربائي بالشارع التجاري .فزاد الطين بله واخذ مني مبلغ التصليح ولم يصلح السبارة . وتعطلت علي عدة مرات لااحصيها وآخرها قبل يومين حصل لها حريق بالظفيرة والكمبيوتر داخل الطبلون وبعض اجزاء الاسلاك الدخليه بالطبلون والكمبيوتر وبعض اسلاك بالكبوت ولكن الحمد لله على سلامتي واهلي واراد الله ان يكون معي ماء فقمت باطفاءها ونزول الاهل من السيارة. فاتصلت بالشركة واخبرتهم عن الحريق قالوا مالنا دخل بالحريق ولو قلت لكم هذا الخبر لما صدقتموني . ذهبت لتسديد القسط السادس فاذا بالصندوق يعطيني تسديد القسط الثالث فقلت له هذا القسط السادس واخرجت له ورقه مختومة رسميه مختومة بختم الموظف استلمنا منكم القسط الثالث والرابع الخ قال لي المدير وامين الصندوق لا نعترف الا بورقة من اوراق الصندوق . لست انت الاول الذب يضحك عليه فقبلك واحد دفع 30000 الف ريال ولم ياخذ سند وانما اخذ ورقة عاديه من الموظف وآخر قبلك اخذ منه 27000الف ريال دفعه وهي لايتام . انت احمد ربك وشي 3000 ريال ماهيب شي . قال المدير حنا نبحث عن هذا الموظف وله اسبوع لم يحر للعمل ومعممين عليه الشرطه . وبالحرف الواحد يقول لي المدير تبين انه مزور بطاقته ؟ ارشدوني ارشدكم الله فانا سبارتي بالورشه ولم استفد منها الا القليل من شهر 3 / 1429هـ تبين انها بحاجة الى كمبيوتر وظفيره |
والله قهر معقولة يصير كذا بهذه الشركة الظالمة
|
طيب عطنا اسم الشركة ... هذا أول شي ... لأن النصابين واجد هذه الأيام ... ثاني شي يا حبيبي عندك وزارة التجارة ... بس تراه تبي تعب شوي ... يعني الله يعينك ... والظاهر هالوقت ... زندك وإلا مت ..... |
اسم الشركة : الشركة الوطنيه للتقسيط
الموقع : بريده سلطانه طريق الملك عبدالعزيز مقابل شركة فورد |
اقتباس:
هذا الكلام ..... :41:41:41 |
معقول كذا الشركة
إن لله وإن إليه راجعوان |
اخي ان كانت هي الخاصة بعائلة الخريف فرجع الى الراس الكبير فهم اهل خير وفيهم دم
|
حاول توصل للمدير العام او المالك
او انك تتقدم لوزارة التجارة و الله يعينك الشي الثاني يا اخي جمس 2001 امريكي كله ما يسوى 35000 وشلون تشريه اقصاد؟؟؟ اقصاد اما خذ جديد و ما فيه غبن لان تسعيرته معروفه و الا لا تقربه و الله يعينك |
عودة للإضافة
وشلون يقولون مزور بطاقته؟؟ مو هم شركة رسمية؟؟؟ مو لازم يسجلون موظفينهم بالتأمينات؟؟؟ شلون مشت؟؟؟عليهم؟؟؟ و الا ما اضافوه بالتأمينات؟؟؟؟ تقدر تدخل من الباب هذا ............................ انه مو عذر ان بطاقته مزوره...هذي مسئولية الشركة مو مسئولية العملاء هو موظف حطوه بالواجهة قدام الناس و يمثلهم.....و لو ما كان جالس بالشباك حقهم و داخل صالتهم انت ما كنت تسلمه و لا ريال واحد,.....صح و لا لا؟؟؟؟ووين كانوا عنه و هو يستلم فلوس الشركه و ما يسلمها لهم؟؟؟؟ إذاً ما لكم دخل لا انت و لا اللي ضاعت فلوسهم الشركه مسئوله تبحث عن موظفها مو تحمل العملاء ذنب غباءها تحياتي |
أخي الكريم، بدلا من أن تندب حظك العاثر، وتنوح على ضياع حقك، بامكانك التصرف بشيء من الجدية واتخاذ بعض الإجراءات المادية،
وأولها أن تتقدم إلى المحكمة المختصة بشكوى ضد هذه الشركة، مصطحبا جميع ما يثبت حقك، من سندات وشهود وغير ذلك.. وفقك الله لكل خير... |
الحل
أنك تتوقف عن السداد راح يشكونك للتجاره أو المحكمه تحضر للقاضي وتوريه ماعندك من إثباتات واللي تقول على الضمان وصلحته على حسابك والقسط اللي سددته ويقولون أخذه الموظف وإن شاء الله تاخذ حقك وافي المهم إتركهم الين يشتكون أو تتشكي أنت مافيه إشكال ,,, |
اقتباس:
أنسب حل .... بس المشكلة في الكفلاء ... هذي المصيبة ... لكن يتوجب عليك إفهام الكفلاء بالموضوع كله ... وطبق هذه النصيحة ... من الأخ أبو راشد .... |
السلام عليكم ....
الله يعوضك خير منها ... قل آمين .. والله لا يربحهم ويفسد عليهم كل معاملاتهم وينجينا منهم آمين يارب العالمين ..إذا كان صحيح الي تقووول .... دمتم لعمل الخي ... |
شكرا ابو ريا
لو ماسددت اخذوا السبارة لانها باسمهم وبدون كفيل |
اقتباس:
والله ... مصيبة ... لكن شف ما ينفع الندم ... لكن للذكرى ... الشرع ما حرم شي ... إلا أنه في مصلحة المسلم .... هل تعلم أن التأجير المتهي بالتمليك ... حرام ... بفتوى هيئة كبار العلماء... س / ما حكم التأجير المنتهي بالتلميك (مهم جداً) .............!!! بسم الله الرحمن الرحيم السلام عليكم ورحمة الله تعالى وبركاته, وبعد ,,,,,, مما أعلم أن حكم التأجير المتهي بالتمليك محرم بناءاً على فتوى هيئة كبار العلماء , ولكني سمعت أن هذا الموضوع حُوَِلَ إلى المجمع الفقهي لدراسته لبحث كيفية تعديل العقد وجعله موافقاً للشريعه الإسلاميه , وبين هذا وذاك أنا لا أعرف ما الراجح في هذا الموضوع , فهل تتفضلون -غفر الله لي ولكم- أن تبينوا حكم هذا البيع وهل عُدِلَ من الناحية الشرعيه أم لا ؟؟؟ , وذلك لحاجتي العظيمه لمعرفة هذا الحكم وأسأل الله أن يجزاك عنا كل خير يا صاحب الفضيله , وأن يُحرِم وجهك عن النار , وأن يتوفاك مع الأبرار , وأن يجعل كتابك يُكتَب في عليين , وأن يجعلك في الفردوس الأعلى من الجنه , وأن يجمعك بوالديك وبعلمائنا وبرسولنا الكريم صلى الله عليه وسلم فيها , وأنا ومن يقرأ وجميع المسلمين يا رب العالمين , إنه سميع مجيب . وعليكم السلام ورحمة الله وبركاته وبعد : هذا الأمر من الأمور التي كثر الكلام والخلط فيها ودرس من عدة لجان وهيئات علمية منها المجمع الفقهي الذي يدرس هذا الموضوع منذ أكثر من إثني عشر سنة حسب علمي وهيئة كبار العلماء في المملكه العربيه السعودية التي أفتت بتحريمه بالأكثرية . وعلى كل حال فهو محرم ولا يجوز التعاقد به لإمور كثيرة ومن أهما وهو الذي لا يمكن تعديله اشتماله على عقدين في عقد واحد ولكل عقد ضمان خاص فلو تلف المبيع مثلا فهل يطبق عليه حكم وضمان البيع أم ضمان الإجارة , فلو طبقنا أحكام البيع لكان المشتري هو الضامن في كل الأحوال , ولو قلنا أنه إجارة لم نضمن المستأجر إلا إذا حصل منه تعد أو تفريط , والله اعلم .. ولكن تب إلى ربك ... ولا تعود لها .... واندم على ما فات ... فإن الله غفور رحيم ... طيب ما لك حل إلا وزارة التجارة .... والله يعينك ... |
نشكر جميع الردود
ونأمل من الجميع توضيح من يعرف صاحب الشركة او عنوانه او رقم الجوال حتى نوضح له المشكله ونخاطبه بالتي هي احسن ملاحظة : قيمة السيارة 53000 الف ريالا نقدا و63000 الف ريالا بالتقسيط وكل شهر 1500 ريالاً الموديل 2001 |
اشكر ابو ربا على هذا التوضيح ونسال الله التوبه
واذا انتهت الاقصاط والله ما يجلس عندي ساعه سوف ابيعه ب..................سرق اهله |
اتصلت عليهم وردوعلي وقلتلهم الموضوع المكتوب ونفو الموضوع ورقمهم3818940
|
شكرا ابو نجود لاتصالك بهم
اسال من اخذ منهم سيارة بالتقسيط للفترة من 1/2/1429هـ بالتقسيط لانه من الطبيعي ان يقول لك المسؤل ليس بصحيح لانه لو قال لك صحيح لكان اثباتا لهم . بما حصل فارجوا من الجميع ات لايكذبتي احد لانني قد اكتويت بنارهم واسالوا من اخذمنهم بالتقسيط واتصلوا على مدير الشركة واسالوه عن شخص اسمه خليفة الخليفة . لا اريد ان اتكلم عن احد بعينه انظر ماذا سيقول لك المدير . |
الله يعينك يارب والله مأساة مو معقول هذا يصير بالمملكة وخاصه القصيم من جد الله يعينك ولا تزعل او يضيق صدرك الحياة تجارب والله اني مصدقك لان الخبر مو خبر معجزة هذا الخبر شائع وغيرك كثيــــــــــــــــــــــر
وبشرنا با خر التطورات باي |
اخي الكريم لاتضجر بعد العسر يسر
وردد اللهم اجرني في مصيبتي وخلفني خيرمنها وكثر من الاستغفار |
الله يعينك . ارفع شكو ا مثل ماقالو الاخوان ((( والواضح انه فيه تلاعب بين الموضفين يتصيدون الضحايا :110: )))
|
كان الله في عونك
|
| الساعة الآن +4: 07:53 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.