|
نقاط أقلقت الإشراف [ نرجو من العضوات قرائتها .. مشكورين ]
السلام عليكم ورحمة الله وبركاته [ أرجو من الجميع القراءة إلى نهاية الموضوع ] موضوع عن بنود بشكل عام ولا أقصد أحد معين بحد ذاته بكلامي , الوضع يشمل جميع العضوات .. والقسم بشكل أوسع بجميع فروعه [ مواضيع وردود ] , وهي عبارة عن كم حبة قلق على الإشراف .. وأبي أتكلم عنه ..! -[ قراءة القونين ] تجينا رسايل بالهبل .. ومواضيع بالشكاوي والإقتراحات وسب وهواش ومناقر .. وليش حذفتوا ؟ وليش نقلتوا ؟ وليش أغلقتوا ؟ وليش يندمج موضوعي ؟ ووش معنى فلانة يثبت موضوعه لأنه صديقتكم ؟ وليش وليش .. طيب فيه موضوع بأعلى كل قسم [ مثبت ] أسمه قوانين .. ومكتوب بالعربي الفصيح [ قوانين ] ليه تجين تسألين وتهوشين بمعنى أصح وأنتِ ماقريتي القوانين ! طيب تقول على الأقل أرسلي رسالة بسبب ماصار لموضوعي ! هل أنا مجبورة أوضح لتس السبب أو اعتذر أو أو وانتِ غلطانة من الأساس ؟ ليش محطوطة القوانين ؟ وموافق عليه من الإدارة ونقعد فترة نتفق عليهن ليه ؟ عشان تجين وتخالفين وتسألين ليش صار كذا بموضوعي ؟ وليش ما أرسلت ! .. لا بجد الحالة ماتطاق ! .. فـ لذلك .. من هنا نقول: أي وحدة تجي تناقشنا باللي صار بموضوعه وهي ماقرأت القوانين آسفة ماعندي أي استعداد أناقشه أو أرد عليه ., - [المواضيع المنقولة ] عشرات إلا مئات المرات اللي نقول المواضيع المنقولة ممنوع ! طيب ليه والمنقول كثير مفيد وليه أنا تعبانة تنسيق وتعبانة نقل روابط صور إلخ إلخ نقول : سبق واتخذنا بقرار[ منع المنقول ] .. مسألة نتراجع عن القرار إستحالة هالقانون بالذات من أبرز قوانين القسم والوحيد اللي أخذنا بشور العضوات قبل وضعه فيه وجاء بالتأييد واللي تقول[ متى ].. نقول : من فترة بعيدة وتلقونه بأحد مواضيعي , فلذلك .. من هنا نقول : أي موضوع منقول .. أيا كان ..[ ديني, ثقافي , نقاش, ترفيهي, صور.. إلخ] يحذف غير مأسوف عليه ولا على تنسيقه أو صوره .. والعضوة صاحبة الموضوع لا تجي تناقش وهي ناقله ! -[ ريحة موضوع ] انتم ملاحظين مثلي كثرة المواضيع اللي ماتسمى موضوع إلا [ ريحة موضوع ] ؟! تجي لأيقونة [موضوع جديد ] و تكتب سطر سطرين .. وإن كثر ثلاثة .. والاغلب تنقل مب تكتب ! يعني معليش .. جزاتس الله خير ممكن تكون فائدة او عظة أو نصيحة .. لكن كم مره كم موضوع ورا بعض ورا بعض وكل موضوع سطر سطرين ..! مب حالة هذي ! : طيب ممكن تفردينها بموضوع واحد وتكون كنصائح متعدده ..! أو غبيهن عندتس لين يكثرن عباراتس واجمعيهن بموضوع .. ومايصير [ ريحة موضوع ] ! يعني القسم أمتلى مواضيع على غير سنع ! وتروح المواضيع المتعوب عليه واللي ضعف موضوعتس بعدة مرات لصفحات ورا ! .. القصد مب الإهانة أو التحقير .. القصد بكلامي إن المواضيع له ثقل المضمون وله صوته في القسم .. قهر يمتلي القسم بأرباع مواضيع ! فـ لذلك .. من هنا نقول : المواضيع اللي تكون على شكل سطر سطرين كـ [ إقتباس موضوع ] إما تجمع بموضوع واحد إذا كانت للعضوة نفسها .. أو تدمج مع موضوع سابق لنفس الفكرة , أو يغلق إذا تكررت الحركة من نفس العضوة كذا مره ! - [ ترفيع المواضيع القديمة ] من قبل شهرين ثلاث وقسم توصل لقبل سنتين !مواضيع قديمة ترفّع طيب ليه ؟ وأحيانا ليته رد يفتح النفس ! لا [ مشكووووووووووووووووورة ] ولا تهوش إذا كان نقاش ! ولا إذا رفعت الموضوع .. العضوات وراه يردن عادي ! طيب تقولون ماندري وش يدرينا أنه قديم ؟ طيب شوفي تاريخ الموضوع ؟ طيب بنقعد نناظر تاريخ كل موضوع .. لا على الأقل تاريخ الردود اللي قبل آخر رد ! فـ لذلك .. من هنا نقول : مية مره يمنع رفع المواضيع القديمة بفترة قبل شهرين ..وأي عضوة يتكرر رفعها للمواضيع تُوقف عضويتها غير مأسوف عليها بتاتا ! - [ حاقدين علي ومتنيذلات ومتقصدات ] كم عضوة تجي وتعلن على الملأ أو ترسل أو بالشكاوي تقول إن المشرفة الفلانية أو الاشراف حاقدين علي وملاحقين كل مشاركاتي ومتسلطين علي وحاقدين وش أنا مسوية وإلخ ! معقولة يعني من بين كل العضوات أنتِ بالذات بنتسلط عليتس ! طيب بالعقل ليه ؟ ماعندنا مبادئ وأخلاق إسلامية .. ليه نحقد عليتس ؟ .. طيب ليه ماتكونين أنتِ غلطانه ومخالفة القسم بأغلب مشاركاتس تكونين ناقله .. ومرفعة مواضيع .. وغيره ! مانقول المشرفة ماتغلط .. لا حتى المشرفة تغلط محد معصوم من الخطأ .. لكن نتمنى نتبهين بأسلوب حسن .. مب حاقدة ومتسلطة ! فـ لذلك .. من هنا نقول : جميع العضوات أخوات لنا .. ومافيه أي شي بيننا غير الأخوة والمحبة في الله .. أما الحقد والتسلط أشياء مانعرفهم ولا نطبقها على أي عضوة أيا كانت قديمة أو جديدة .. ولا نفرق بين العضوات .. [ الإشراف و تطبيق القوانين على الكل ] أمانة والله يقّدرنا يارب على تحملها على الوجه الصحيح .. -[ مواضيع القايلة ] أي ازين سواقكم ولا سواقنا ؟السواق السوداني ولا المصري ؟ أختي تلبس بنطلون وش اسوي به ؟ دكتورتنا رسبتن ! تكفون ساعدوني .. شغالتنا تهذري ! ..عبايات بنات القبة أزين من عبايات بنات النخيل ! ياناس متى نرتقي ! مواضيع وعذرا إن قلت [ بايخة ] وحسافة عليه الموضوع ! ماودي أتكلم عن هالنقطة كثير لأن من كثر ماتغث ما أقدر أعبّر ! فـ لذلك .. من هنا نقول : أي موضوع مثل كذا .. على حسب رؤية الاشراف بيحذف أو يدمج مع موضوع الدردشة .. أو يدمج مع الكليات إذا بنفس المجال .. ولا راح تبلّغ العضوة ! هذا بعض من اللي عندي وأبرزها بلفظ أصح .. وقد تكون هناك إضافات ! ولا هو بقلبي لا بالعكس .. ما أشيل بقلبي لكم إلا كل الحب والإحترام .. ولا الملاحظات مثل هذي تكون حاجة أقلقت الحركة الإشرافية ونبي ننبه عليها .. وآسفه إذا ثقلّت بكلامي عليكم .., إن أصبت فمن الله وإن إخطأت فمن نفسي والشيطان 20 /1/1430 |
الله يجزاكم خير ويعينكم .. |
http://www.buraydahcity.org/bnt-bura...hcity/banf.jpg ثانكيووو ابله حايليه علىالتوضيح انا عن نفسي فهمت بس هدي اعصابك وقولي لا اله الا الله ان شاء الله الكل يفهم كلامك ويستوعبونه زين بس عندي سؤال وش منى قولة موضوع قديم ؟؟ منزل هنا بالمنتدى بريده ستي ولا منزل بمنتديات ثانيه وكيف اعرف اذا كان قديم ولا لا ؟ يمكن انااحسبه جديد مانزل من قبل وهو قديم سوووري ممكن انسر؟؟ [MARK="993399"]بنفسجي[/MARK] : بَاقةٌ تُنيرُها البَهجَة ! |
الصراحة كل كلامة كتبتيها أنتي صادقة فيها الله يجزاك الجنة أنتي وشهد العسل وبنت الشماسية وماأقول الا الله يعينكن علينا هع هع هع |
|
" الله يجزاكم خير موفقين بإذن الله " |
http://www.buraydahcity.org/bnt-bura...city/wardi.jpg والله ما شفنا منكم يا مشرفتنا الغاليات الا كل خير وطيبه وحسن خلق وتواااضع وه بس قسم اتعب وانا اقووول انكم رااااااااائعات بمعنى الكلمة حايلية , بنت الشماسية , شهد العسل جعلكن الله من اهل الفردوس الاعلى اسعدكن الله دنيا واخره وجمعنا الله في الفردوس الاعلى على سرر متقابلين [MARK="FE9EB9"]وردي[/MARK] : أنُثوتنَا رحيقُ وردْ ! |
وعليكم السلام ورحمه الله وبركاته اخواتي المشرفات شكرا لكن وعلى جهودكن وعن المواضيع القديمه غالبا تكون عضوه جديده انا اول مادخلت المنتدى حسته عليكم الين فهمت معليش تحملونا والله مالنا متنفس الا الله ثم انتم شكرا ـ شكرا يامدهشات |
<<<تقووول ياااااااااااااااااشين ثقالة الدم بس
مالت عليك وعلى قوانيينك......... |
|
^^ ياحبي لك ياشهد [أعجبني ردك:)] |
http://www.buraydahcity.org/bnt-bura...ahcity/tof.jpg جــزآكم الله خيييييييير بصرآآآآآآآآآآآحه مشرفـــآت رآآآئعــآت جدا اتعب وانا اقول رائعات الله يوفقكم ويسعدكم دنيا واخره ويدخلن الفردوس الاعلى :) ! [MARK="99CC00"]تفاحي[/MARK]: روضَةٌ مِن أشْجَار الرَبيعْ ! |
حايلية..
مع أحترامي الشديد..الشديد.. أعطيت الموضوع أكبر من حجّمه يعني اللي تبي تصيح وتقول أنتم تحبون النفرة ذيك والخ. عطيها دليت.. ممكن جا [ جيل:d] جديد ومايدري باللي صار قبل فترة على قولتك..بس هذا مو ذنبكم..هذا ذنب اللي تجي ومايردها ألا [ إضافة موضوع ] واللي تقول كيف أعرف أن الموضوع قديم بمجرد ما أنك تشوفينه نط لـ الصفحة الثانية هذا يعتبر مغبَّر:113: |
جزاكن الله خير وفعلا عن نفسي محتاجه لمثل هالموضوع :p لاني كنت كاتبه الظاهر موضوعين وبصراحه من جوال (( ملاحظات)) ماكنت اعرف انه منقول ومره من الايميل مثل اللي قبل عموما اتضحة الصوره الان .. سامحونا : 12 الله يوفقكن ويسهل امركن استغفر الله واتوب اليه.. |
تشكرااات كثيراااات مشرفتنا الغاليه ح ــاليه
صرااحه كلامتس يعايش حال القسم منتالي>>>خاصه على قولتس ريحة موضوع ومواضيع القايله<<والله ياأنا اطفر اذا شفت متل هيك موازيع تشكررر لكن مرتن اخرى ايتها المشرفات الله يعطيكن العافيه يااارب |
تشكرااات كثيراااات مشرفتنا الغاليه ح ــايليه
صرااحه كلامتس يعايش حال القسم منتالي>>>خاصه على قولتس ريحة موضوع ومواضيع القايله<<والله ياأنا اطفر اذا شفت متل هيك موازيع تشكررر لكن مرتن اخرى ايتها المشرفات الله يعطيكن العافيه يااارب |
كان الله في عونكم
|
-[ مواضيع القايلة ]
أي ازين سواقكم ولا سواقنا ؟السواق السوداني ولا المصري ؟ أختي تلبس بنطلون وش اسوي به ؟ دكتورتنا رسبتن ! تكفون ساعدوني .. شغالتنا تهذري ! ..عبايات بنات القبة أزين من عبايات بنات النخيل ! ياناس متى نرتقي ! مواضيع وعذرا إن قلت [ بايخة ] وحسافة عليه الموضوع ! ماودي أتكلم عن هالنقطة كثير لأن من كثر ماتغث ما أقدر أعبّر ! فـ لذلك .. من هنا نقول : أي موضوع مثل كذا .. على حسب رؤية الاشراف بيحذف أو يدمج مع موضوع الدردشة .. أو يدمج مع الكليات إذا بنفس المجال .. ولا راح تبلّغ العضوة ! >>>>>>> هذي اهم نقطه مشكوره وياليت الجميع يستفيد |
أولا: بقول إني إستفدت وااااااااجد من موضوعكـ هذا خصوصاً حق المنقول :d ثانياً: لا يهمونكـ القليلات الأدب > تدل على التربيه > مير الله يصلحهن وأنتي هدي أعصابكـ وإبتسمي عشاني :d ثالثاً: لا يكون هذا الموضوع اللي تقولين عنه يله يالغاليه إضحكي طيب عشاتن خاطري هنا إضحكي:041: عداكـ العيب حلل سي يو |
اقتباس:
أنا ماكلمتك لو سمحتي ! وبعدين انا ملاحظه انك حاطه عيونك علي بسم الله دوم مكبسه ع ردودي بالأول اطردو الناس الي تسب الحكام والعلماء همن تعالوا اطردو المسكينه<<الي هي انا الله يشفيك ويذهب الحقد عن قلبك |
^ الحمدلله والشكر [blink]----(بان النور لأهله) !!!!!!!!!!!!!!!![/blink] شوفي يا اختي حايليه عندي كلام كثثثثثثثير بس من اين ابد ؟؟؟؟؟؟؟؟؟؟ بس راااااح ارجع لك----------------وقت ثاني------ |
جزيتم خيرا ومقدرين لجهودكم وتعبكم ...
وندعو لك بالسداد ولا تنسون الاحتساب في عملكم .. رزقكم الله عظيم الأجر |
http://www.buraydahcity.org/bnt-bura...ahcity/tof.jpg والله ماقصرتو ياالمشرفآت (مثل منتدى بريده ستي فيه هالكميه من الأعضـاء .. ! وقدرتكم على أبرآز مواضيع الكل .. والتفآني في العمل .. وصبركم على المواضيع المنقوله .. والترفيع للقديم .. والعضوآت اللي تحسينهـا مادخلت .. * متعه أو أنها تفيد وتستفيد .. عشان شئ ماأدري وشو بالظبط :( وحب بعضهن لكسب الشهره تقريبا بأي شئ تقدر تسويه "") بحد ذآته عمل جبآر .. تشكرـرـرـرـرـرـون عليه ومقدرين لكم هالشئء .. (بنت الشيحيه ) تستحق الطرد من وجهة نظري . .! جُعل ذلك في موازين الحسنآت جزآكم المولى عنا خير الجزاء شكـــرـرآ من الأعماق ""{ [MARK="99CC00"]تفاحي[/MARK]: روضَةٌ مِن أشْجَار الرَبيعْ ! |
الله يكون بعونكم ويعينكم على طاعته ,,,
********************************* إرضاء الناااااس غاية لاتدرك,, ***************************** وفعلا أحس المواضيع كثيره لكن !!!!! ******************************** |
وانا والله ماتريد انه منقو ل اخذته من كتاب المدرسه
|
الله يجزاكم خير .. "
موفقين يارب .. " |
فقط من بعد كتابة موضوعي !
أكثر من 15 مواضيع مابين منقول وريحة موضوع وقديم و و و ! والقائمة تطول ! وش رايكم ؟! |
غ ــــــــآليــآت آعــآنكن الله وكتب لكن الأجــــــــــــــــر ح ـــآيله (لآتعصبين يالغـــآليه وخوذي النــآس ذس شي آســآسي بالحيــآة يعني لآزم إذآ دخلتـــي المنتدى تسوين عملية كنس:102:)>>بتنجلــــــــــد:bad الله يوفقكم ويسهل عليكم :) [mark="FE9EB9"]وردي[/mark] : أنُثوتنَا رحيقٌ وردْ ! |
الله يكون بعونك ويساعدك أختي .....وبالنسبة للمواضيع المنقولة ..... أنا نزلت موضوع وحذف وأنا مادري شالسالفة والحين بس عرفتأذا كان موضوع مفيد ومو مكرر ليه يحذف !!!!!! مثال موضوعي كان تحذير عن الشوكولاتات >> ومن حبي وخوفي على أهلي وخواتي البريدويات نزلته وعشان مايكون قد نزل هنا بحثت وشفت أنه ما احد نزله فليش يحذف ......أذا لازم أي موضوع أنزله أكون أنا كاتبته فاراح تكون أغلب المواضيع عن الطبخات والأكل ... لأني ما أشوف تقريباً ألا هالنوعية من المواضيع هي ألي تقل به الهوشات بين العضوات الحلوات ...ولو نزلتي موضوع ديني يقولون >> تفتي من نفسه ... أو موضوع صحي أوعلمي أكيد لازم يكون من ناس متخصصة مو أي أحد ... مثلاً لو بأقول أن هالمستحضر فيه كذا أو هالمنتج يسوي كذا ماحد بيصدق وبينطون بي مو عكيفك تحذرين لازم أثبات ..... أو لوكان شئ أجتماعي أسري >> هذا بيكون حلبة مصارعة ..... لأن فيه ناس ماشاءالله متخصصة بهالشئ وأخذين مبدأ خالف تعرف ....خلاصة الكلام :من رأيي أن مو أي موضوع منقول يحذفمع أني لاحظت أنه مايحذف ألا المواضيع ألي صاحبته عنده ضمير وتقول أنه ناقلته ..... ولا فيه مواضيع نلقاه بكل منتدى ونجي هنا ونشوفه ولا حذفت ولا حاجة لأنه تخلو من (( منقــــــــــول ))عذراً على الأطالة ... ولكن خالص شكري ...(( عندي سؤالين وتراهن خارج هذا الموضوع بس ماأدري من أسأل ؟؟؟؟؟ توحشون يابريدة ستي تنطون بالواحد ... وأخاف أحط موضوع وهن مايسون حسافة الموضوع عليهن !!!!! وتراهن مب صعبات سهلات يعني شرافة ..... منهي الشرووووووف ألي وده تدري وشن وتجاوبن ...... ))
|
كان الله في عونكن مشرفاتنا الغاليات ...
الإشراف أمانه وأنتن بإذن الله ستؤدينها حقها ... وفقكن الله ... أحسست بمعاناتكن ..! :eek5 :eek5 :eek5 |
السلام عليكم----كيفك اختي حايليه----؟؟؟ رجعت لكم---"قولي ياليتك مارجعتي":d:d اولا ابقولك ليش ماتخلونني مشرفه:dكان اخلي المنتدى:052::052: ليس هذا تقصير بحقكن:d:d لأنكن اعتقد مشغوووووولات بالدراسه:dصح؟؟؟ ثاني تراكن قليل ماتدخلن واذا دخلتن دقيقه"حذفتن الدنيا "وطلعتن:d:d احد ها الايام نزل احد الشباب موضوع في قسمنا((مخل لدين والادب والاخلاق))فلم اجدكن لحذفه مما اظطررت الا ان ارسل الى احد المشرفين--لحذفه--فحذفه فورا-- يعني لازم يجلس الموضوع الى ان تدخلوا؟؟؟:d:d بعدين المشرفين مو مثلكن [GLINT](فيه مواضيع قسم بالله انها منقوله وانا شاهدة على ذلك ولم تحذف)[/GLINT] يعني مودقيقين:d:d بعدين لماذا لاتريدون الاستشارات البسيطه--بالعكس-- عندك انا ليس لي الا الله ثم البنات"اقصد العضوات"---- خلونا نفيد ونستفيد---:d:d انا معك فيه والله مواضيع سخييييييييييييفه----- الشي الاخر---ليس الناس كلهم على اسلوب وافكار واحده--- لا طبعا مختلفه--كل واسلوبه في الطرح------- عندك انا لا احب المواضيع والكلمات المنثوره التي يكون من نسج الخياااااال--- لااخفيكم عندما افتح الموضوع مثل هيك اطلع بسرعه وانا حمقه--------- :i125:p:d"مشكله عاد-واقفه عليك":d اخيرا اعذرين على الاطاله---- والكلام يطوووووول--------:d:d اذا ذكرت الباقي راح ارجع:d:d :[BLINK]ارجوان تقبلوا ردي بصدر رحب[/BLINK]d:d واااااسفه على كتابته الرد بأسلوب "ركيك":d لانني اكتب على عجاله----ومشغوووووووله----:d:d [GLOW="FF3300"]عاد لاتزعلوووووون[/GLOW]:d: 12:d: 12:d: 12:d: 12 |
يسلمووووووووووو
|
:d:[BLINK]dنسيت اقولك((لماذا لاتتنزلون شوي وتردون على المواضيع----الاحظكم---ماتردون الا على صديقاتكم)):d:d:d:d:d[/BLINK]
ودي اسألك طيب شو فايده هذه المجموعات(بنفسجي-تفاحي-وردي)) انا بدي افهم شو الفايده منها----------- |
كان الله في عونكم |
اقتباس:
:41:41:41:41 |
والله يانتي شايشـه بسم الله عليتس فالذالك اذكري الله والسراحه بعذرتس يابعد تسلاي صدز بعض البنات الله يصلحهن عليهن طلعات عوجا على طاري المواضيع القديمه اخبر اول ماسجلت بالمنتدى اطير لاخر صفحه وارد ودايمن يحذفن ياحول احسبهن مواضيع جدد بالتوفيق لتس ولبنت الشماسيه واهم شي شهدهد<<تحتري تخلص من لونينا وسؤال :موضوعي تغنيت بالحروف نطل منه التميز علشان الصور؟؟؟ |
اقتباس:
نفس السؤال محبة البنفسجي حذف التميز عنه :eek5 لماذا؟ رغم اني لم أنقله وكتبته بدم قلبي :eek5 لفوعه شكلها بديت الخساره :08: > أمزح :d ياليت تجاوبون عشان من أخطأنا نستفيد:rolleyes: ولكم منا كل حُــب أختكم : الحلا كلهُ |
|
http://www.buraydahcity.org/bnt-bura...city/wardi.jpg بسم الله , والصلاة والسلام على رسول الله أحب أحيي الجميع بتحية الإسلام , فسلام الله عليكم ورحمته وبركاته حايلية دمتي كما أنت شعلة في سماء الإبداع بالنسبة للعضوة شايلة همي بروحي يابعدي أنت ,, سالفة اننا ندخل نحذف و نطلع ليه أنت تشوفيننا نسوي كذا يعني تشهدين علينا ياوخيتي :) نعاني معاناة الله بها عليم .. ونحتسب إشرافنا الأجر من عند الله سبحانه ولولا غلاة المنتدى كان مامسكت الإشراف ولا قبلت فيه أول مشرفة ,, ولكن ! يعلم الله مكان بريدة ستي بقلبي :) ..,,..,,.. بالنسبة للإستشارات أي استشارة نقوم بدمجها في موضوع [ هنا المساعدة ] :) ..,,..,,.. بالنسبة للمجموعات فوائدها كثيرة يكفي انها تخلي المنتدى شعلة على علم ! وتثري حصيلة المعلومات في المنتدى ..,,..,,.. وللجميع تحية عطرة مني ومن شهد ومن حايلية ودام الجميع بحبٍ وسعادة :) [MARK="FE9EB9"]وردي[/MARK] : أنُثوتنَا رحيقُ وردْ ! |
|
" " غـــــــــــــاليتي ح ـايليه وبنت الشماسيه و شهد العسل لكما كل شكري وتقــــــــديري ابدعتم وماقصرتم والله يكون في عونــــــــــــكم " ، " من وجهة نظري اكثر كل الذين يدور الحديث حولهن اما لكونهن جديدات على هالمنتدى ولايعلمن بشروطة وقوانينه اولجهلهن اوحداثة سنهن ولكن اتوقع الحل الامثل ولست احسن منكن خبرة ومعرفة ولكنه اجتهاد مني اماتقبلنه اودعوه في سلة المهملات وهويجب ان ياخذنا الصبر واخبارهن بان هناك قوانين في بنت بريدة ويجب قراتها اوترسل لها عن طريق الخاص باختصار وباسلوب رائع ولافيه مثلكن في روعة اسلوبكن باذن الله ؛ ؛ ؛ اعـــــــــــــــانكن الله وثبتكن وادام الله علينا اشرافكن جزيتمـ خيرا وبورك في الجهود اختكمـ ام الحنــــــــــــــــــــــان: : |
|
حايليه
انا الاحظ انكم متشددين بقوه معروف هالمنتدى بالحريه والوناسه بس على الشروط هذي بيهجن البنات مثال المواضيع اللي مكرره دايم اشوف موضوع مغلق لانه مكرر وانا من سجلت ماشفته يمكن مكرر قبل سنه سنتين ؟؟ المفترض كل شي عادي وحتى لو كثرت المواضيع بالعكس يطلع المنتدى حركه موب كل اسبوع نشوف موضوع!! هذا رايي اتمنى تقبلينه بصدر رحب |
اقتباس:
بصراحه كل مادخلت لقيت موضيع محذوفه والله افكر انا وكم وحده مسجلين هنا نترك المنتدى لانه انواع الاحباااااااااااط :oo يعني نتحمس واخرتها حذف .. قلنا منقول مايخالف لكن جديد ومافيه شيء مخالف؟؟؟؟ |
حائليه
مشكوووره ع الموضوع والاشراف شي متعب متابعه ومراقبه جهد تستاهلون الشكر عليه بس بشويش ع العضوات لان الكل يحبونكم تشكراتي حائليه /بنت الشماسيه/شهد العسل |
|
والله بعض كلاامكـ أو أغلبه منطقي وبصراحه لي ملااااحظه أنتي شكلكـ ماعندكـ وقتـ تردينـ وتتعبينـ يعني ملييييييتيـ فاأعطي فرصهـ لغيركـ من البنات الي فيهم حماااااااسـ بالإشرااااافـ حبيبتي وبعدينـ حنا نساااااااء وأغلبنا مبـ فلاااااااااسفه ومعروفينـ كثييييير ننزنقـ ونحتاج لبعضـ فمافيه مشكله إذا وحده حطتـ لها موضوع تستشيير وخاصه إنـ هالمنتدى البناتـ اللي فيه من ثوبي مني وفيني تفهم لي وأفهم له وإذا يتعبكـ الإشرافـ حبيبتي تقاعدي وعطي غيركـ الطمووووووح يعلقـ ويحوووووصـ مثلكـ والله وهو ربـ العباااااااد سبحانه وهو ليسـ كمثله شي ماواخذنا وحنا نخطي وننسى ونتناسا بعد فااااااااااا وسسسسسسعي صدركـ ع مواضيعنا وأرخي ولا تشدينـ بكرا المنتدى يصير لكـ وبسـ وتلقينـ البناتـ كلهنـ في أقسام ثانيه في المنتدى بعد قهررررررر إني أنحاشـ وأروووح لمنتدى كله رجالـ عشانـ مواضيعنا ما تنجز ولا تلاقي صدور رحبهـ ع العمووم صاار خيير أصير مع الي يردوووووونـ أكرم لي وسلاااااااااااامتسـ يالغااليه |
انا من رأيي ان الي يكون علينا مشرفين رجال لان المرأة ماتصلح تمسك صلطه وماعمري دخلت بنت بريده الا المواضيع هيهي ماتغيرت ولا تنسون ان الناس مختلفين مو كل بنت تعرف تعبر وعنده اسلوب حلو والصراحه ماعمري شفت ببنت بريده موضوع مفيد وسبق اني قريت موضوع بالمنتدى ان الرجل ييسر والمرأة تعسر ولقد رأيت هذا بالمنتدى والصراحه هذا المنتدى يبين طبيعة وتشدد اهل بريدة على البنت بس الصراحه مالنا غناتاً عن المنتدى اتمنى انكم تتقبلون كلامي بصدر رحب لاني كنت معصبه على المنتدى ولازم اقولكم عشان مايصير غيبه دمتم بود..................... |
اقتباس:
أتوقع طريقة عرض القسم عندتس فيه مشكلة ! لكن الأفضل تشوفين مواضيع الصفحة الاولى والصفحة الثانية هي اللي تكون جديدة بكل قسم وممكن تردين عليها .. والصفحة 3 ومافوق الغالب يكون قديم .. أتمنى تكونين فهمتي ! -- العابرة ! للأسف ما كل العالم تفهم ! ديليت ولا بلوك ولا طاعون ! ماعقب هالموضوع أنواع المخالفات اللي نبهت عليه ! مادري عناد أو للحين ما أتضحت الصورة ! -- اقتباس:
لا وش دعوا :113: ! ياحوبي لتس هه [ :) ] ! -- أم الحنان فكرنا بهالطريقة من قبل , لكن عدد المسجلات كثير والكثير بعد نجهلهن ووضع موضوع مثبت للجميع بدون إرسال رسائل خاصة ! :) -- ورد وين التشدد ؟ .. ياليت توضحين :) , القوانين محطوطة للتنظيم وإخراج القسم بالصورة المرضية .. وهل تطبيق القوانين الإدارية تسمى تشدد ؟ طيب وش فايدة الإشراف ؟ لون وبس ! شكل يعني ولا رزة ولا [ إني مشرفة ] ! مواضيع النقاش كل فترة وكل زمن تتجدد القضايا والمواضيع اللي نتناقش فيها ! يعني المواضيع اللي سبق وناقشناها وش فايدة الزيادة فيها .. خلاص سبق وناقشنا وطلعنا بفائدة من الموضوع ! نكرر ليش ؟ نعطي مجال لمواضيع ثانية وقضايا ثانية تحتاج نقاش أفضل من تكرار ردود وأراء و و ! بالنسبة كل اسبوع تشوفون موضوع ! القسم تحييه العضوات بمواضيعهن وردودهن ! يعني من اداء العضوات و مابيدنا إلا التقييم والتشجيع والمواضيع مثلنا مثلكم !.. --- استغفاري سر سعادتي ! وش الموضوع اللي إنحذف وهو مافيه شي مخالف ! معليش .. تأكدي ما فيه موضوع يحذف عبث أبدا ! حتى المواضيع المحذوفة نراجهن ونتأكد من سبب حذفهن ! -- رند أتشرف بصداقتس يابعدي :080: , بالنسبة للبنات اللي يقولون ماترد المشرفة إلا على صديقاته الصراحة شيء مضحك ! عددوا لي صديقاتي طيب ! :113: عموما شهد وبنت الشماسية ماقصروا بالرد .. وحنا نحبّتس :023: -- دلوعة بريدة من يقول ماعندي وقت أرد ومليت ؟ مادري إذا أنتِ [ أنا ] وأنا مادري ! شيء عجيب ! :) .. والتنازل عن الإشراف مثل إستلام الإشراف ! شي مب سهل ! التالي مب مدح بهالمشرفين لكن معلومة ضروري الجميع يعرفها : مشرفين المنتدى يختارون بعناية من قبل الإدارة ويتم دراسة إختيارهم مدة طويلة من مراقبة ردود وأداء وكفاءة .. وتنازلهم لا تقبل الإدارة إلا بسبب مقنع لأن تنازلهم خسارة للمنتدى ! تمرّس الإشراف والصبر عليه شيء صعب ! , عموما أتمنى أنتس تجربين الإشراف من كل قلبي ! بس عشان تحسين وش يعني [ إشراف ] ! -- الدمعة اللامعة ! مشرف [ رجل ] على قسم نسائي ! معليش إن وصفته بـ [ نكتة ] ! أي رجل يتحمل مواضيع النساء ومواضيع جنس غير جنسه وإهتمامات لا يعرفها ولا يتفهم الجنس الذي يحاوره أو بمعنى أصح يراقب عليه ! يعني عمرتس سمعتي بمشرفة لقسم [ سيارات ] مثلا ! وبالنسبة للمواضيع المفيدة القسم مليء بالمواضيع المفيدة لا بل أكثر من رائعة ! تجولي بالقسم وألقي نظرة على المواضيع وتجدين مابين المفيد والهزلي والنقاش والديني وو ! |
للعلم ..
الموضوع وضع للنقاش وهذا ثاني موضوع نناقش فيه أمور الإشراف مع العضوات ! ليس لضعف فينا أو عيب .. ولكن لأننا نفضل أن يكون عملنا بصورة واضحة للجميع , نقاشنا مع العضوات كان إيجابي من ناحية العضوات .. وقد يشوبه بعض السلبيات من ناحيتنا ! عموما قد يكون آخر موضوع نناقش فيه عن الإشراف ! من لديها إستفسار ترسله بالخاص ! سبحانك اللهم وبحمدك أشهد أن لا إله إلا أنت .. أستغفرك وأتوب إليك :) |
| الساعة الآن +4: 07:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.