|
لايفوتكم وش سوى المرور بـ الشايب !!
السلام عليكم
الجميع كيف الحال . موضوع مهم وأرجوا التصويت لأجل أن ينفع الله بمشاركاتنا لتصل إلى المختصين ومشكورين ياخواني . لا يخفى على أحد ماحصل من مرور مدينة (بريدة) من التفاتيش اللي أزعجونا به ويسألونك معك رخصة واستمارة وشوله كل ذا . قبل يومين أبو عيال كبير بالعمر يوقفونه ويبلونه ويقولن له قشع التظليلة بشارع القناة وشوله تسذا التشديد على ( الرخصة - التظليل - الاستمارة ) ركزوا على الوقوف الغلط وركزوا على العمال اللي مامعه رخص وماتعرف تسوق صح ولا لا ..؟ والشباب يبلونهم بها القسايم وشوله كل ذا لا واللي أدهى حجز على الرخصة من متى ؟ كل عمرنا نخبره قسيمة (عدم وجود رخصة) صح . يعني أرجو من مرور بريدة التفاعل معنا وعدم تكثيف التفاتيش وأرجوا عدم تركيزهم على كبار السن وابلاشهم وين الرخصة ووين الاستمارة . لا واللي يقهرك إن الرجال الكبير يترجا العسكري اللي تسنه بزر من بزارينه ياخي تخيل انه ابوك يترجاوه خاصة هالدفعه الجديدة مايحترمون كبار السن المساكين ليش يقولون له قشع التظليله يحول ابو عيال كبير مب وقته . والشباب اللي ماله وما عليه ليش يبلونه على الرخصة حجز حرام !! المشكلة كثفوا القسايم كل شيء عليه قسيمة المشكلة الناس ابلشت من وين تسدد القسايم خاصة الشباب من وين لهم ؟؟ ويدبّـل عليهم القسايم حرام هذا ((ربا)) صوتوا أرجوكم . وعموما ً تدبيل القسايم مايجوز ((لأنه = ربا)) أرجوا منكم التصويت عشان يوقفون التدبيل . وأعيد وأقول: ركزوا على العمال اللي مامعه رخص وماتعرف تسوق . هذا كان موضوعي والسلام عليكم . أرجوا التفاعل اخواني لوقف مايحصل من أخطاء المرور . |
. . النظام يمشي على الكبير والصغير.. والتقيد بالأنظمة والقوانين من أبجديات الحضارة التي لابد ان تتحلى فيها المجتمعات وبالأخص المجتمعات الاسلامية لأن ديننا حثنا على المثالية في كل شئ.. ولو ان المرور غض الطرف عن بعض المخالفات جاءت النتيجة عكسية على المواطنين وعلى استقرار النظام.. تحياتي لك ولرجال المرور وللجميع.. |
المجتمعات المسلمة لابد أن تكون أول من يلتزم بالأنظمة ..
وتصرف المرور جدا حضاري ونسال الله لهم الإعانة .. والشخص الواثق من نفسه ما يهمه شيء المسألة سهلة كلها رخصة واستمارة ولا تظلل ولا راح يقول أحد شيء حتى لو يجي مدير المرور بنفسه يمسك .. الواثق من نفسه يمشي ملكا .. وكلامك في تحيز على العمالة ليه تبي التركيز عليهم ؟؟ حب لأخيك ما تحب لنفسك .. النظام على الجميع .. وزمن المجاملات والواسطات غير المحسوبة انتهى ولله الحمد والمنة .. |
أولا: حكمك على دبل المخالفات انها ربا ... دليل جهلك ...فهي ليست ربا ...وإذا أردت ان اعطيك(بحث)أوفتوى فموجود..
ثانيا:هذا من المصلحة والنظام على الكبير والصغير... ثالثا:ان في التفاتيش ردع للمخالفات والتفحيط والدوران...وأصلا المفروض لايقود السيارة إلا من معه رخصة.... |
لماح أشكرك على مرورك .
|
وكلامك في تحيز على العمالة ليه تبي التركيز عليهم ؟؟
حب لأخيك ما تحب لنفسك .. والله إن العمالة هي سبب الحواث ياخي واحد من أقربائي الله يرحمه راح ضحية سبب عامل جاهل للقيادة . وإذا صار عندك عمال يعني خلاص العمال ماتبي التركيز عليهم هم أساس البلا بديرتنا صح ولا لا؟؟ وأنا ماقلت إلا الحق وأعيد وأقول: نبي التركيز عليهم هم لأنهم مايعرفون يسوقون وش ننتظر منهم لازم يجي يصدمك ويهلك ابنك او أخوك عشان نعترف إنهم جاهلين !! |
صار حلال أعوذ بالله ..
وبعدين لو تقولي المشايخ حللوه هذا غصبـًا عليهم ببسبب ضغط من الدولة صح !! عشان مايحد يقول ربا . عشان الواحد لاقال ربا قالو له ياخي الشيخ الفلاني يقول حلال والشيخ الفلاني يقول حلال . وأرجوا انك ماتنتقد أحد وأنت ماعندك سالفة . وأيضـًا ماعندك خلفية بالنظام رح شف النظام زين واحكم . أخذت مخالفة بشهر 1 150ريال . شهر 2 تصير المخالفة 300 ريال . وشو هذا ؟؟ مو ربا . |
اقتباس:
بالدول المجاورهـ . :confused: غريب أمرك ، شكلك مسكين :) |
اقتباس:
يعني لازم اوافقك والا تبي تصيح ! ههههههههههههه ,, خلاص كلامك صح ! بس لا تصيح علينا .. ههههههههههههه |
http://www.buraydahcity.org/bnt-bura...hcity/banf.jpg ااالقانون قانون والبعض الله يهديهمم اذا لبسو البدله العسكريه نسو انهم بشر [MARK="993399"]بنفسجي[/MARK] : بَاقةٌ تُنيرُها البَهجَة ! |
يامن تحب للنقش ,,, أنت نقشت موضوعاً مهماً , ,
فلو كان ذاك الكبير بالسن أباً أو عماً لذاك العسكري . . لقبّل رأسه ويدهـ وسهّل دربه ... ولكن الأجيال الجديدة لاتحترم ولا تقدّر الكبير ... فبئست التربية . |
لمرور انقلب من من دوره المناط له الي شركه التحصيل المادي؟؟ |
الكبيربالسن له احترامه ويمكن التظليله حاطه اولده ومايقدر عليه والعسكري الشاب يجب عليه احترام الرجل الذي امتلا راسه شيبا الله المستعان شكرا لك |
محب النقاش كلامك غلط
ليش ماتبيهم يكثفون النقاط التفتيشيه خلها في كل عاير وحاره وشارع يليت يسونها على مدار العام وكل يوم شارع مختلف واذا كان الي ما معه رخصه مايعرف يسوق اذا كانت الرخصه مهيب معك وشوله تسوق واذا ماطلعت لا تسوق وانظام يمشي على الكبير والصغير و الاولا ان يعطى قسيمه ويقاله خل احد يقشع لك التظليله اذا كان كبير في السن اما اذا كان شاب يقاله اقشعه وخذ قسيمه اعرف شخص له 10 سنوات يسوق ما اخذ ولا قسيمه لانه نظامي جدا . انت امش على النظام ولا تخذ اي مخالفه |
شوف عزيزي
1 مع تكثيف نقاط التفتيش 2_ التركيز على الكل وليس العماله فقط وخاصة المراهقين 3_ أحترام كبير السن ما فيها كلام 4_ الي ما معه رخصه لا يسوق 5_ من ناحية تدبيل قيمة المخالفة إلى الضعف هي ربا 6 أتمنى وأتمنى التركيز على مسألة الانوار العالية (( الزنون)) والي يكتفي ب السكن ___________________________________________ ومعضم الحوادث بسبب المراهقين تفحيط قطع أشارة عكس سير كيف تريد أن نظبط العمالة وأن نركز عليهم وهم يرون الشباب قالبين الشوارع رالي يكفي أن بعض العماله ينتقد قيادة الشباب تدري فيه واحد قطع أشارة وصدم عمال وإنحاش فيه مصابين وش ذنبهم توقع ماذا سوف تقول العماله عن هذا الشاب المراهق |
امشي عدل يحتار عدوك فيك |
النظام يمشي على الكبير والصغير
|
[quote=إكسير;1329669]يامن تحب للنقش ,,, أنت نقشت موضوعاً مهماً , ,
فلو كان ذاك الكبير بالسن أباً أو عماً لذاك العسكري . . لقبّل رأسه ويدهـ وسهّل دربه ... ولكن الأجيال الجديدة لاتحترم ولا تقدّر الكبير ... فبئست التربية .[/quote] والله انك صادز |
اقتباس:
اقتباس:
أشكركم على مروركم ومشاركتكم الأكثر من رائعة |
اقتباس:
اقتباس:
اقتباس:
مروركم جميل وأشكركم على مشاركاتكم |
قبل كم يوم عطوني قسيمه بدون سبب |
موضوع جيد والكلام عن نظام المرور طويل وعن رجال المرور وتطبيقهم لللنظام فرق شاسع واجزم ان اكثرهم وخاصة الجدد لايعرف ولا قد قرأ النظام ومواده نظام المرور نظام وضعي واستخدام روح النظام في بعض الحالات يكون واجب فمثلاً سيارة فيها عائلة والقائد كبير سن او غيره يجب ان يعطى قسيمه ويطلب منه خلع التظليله بعد توصيل العائلة هذا اذا كان التظليل يعتبر مخالفه خاصة بالسيارات العائلية فسيارات العائلة يجب ان تظلل خاصة الزجاج الخلفية والجانبية خلف لكي يسلموا من معاكسات الشباب الله يهديهم عدا أن التظليل يخفف من حرارة الجو في فصل الصيف حيث هناك سيارات احترقت من حرارة الشمس خاصة اذا كانت الزجاج مغلق بالكامل وباقي المخالفات فوظيفة رجل المرور هي عمل المخالفه فقط وليس السواليف و...... خاصة اذا كان المخالف شاب .........! والشوارع مليئة بالدليل على ذلك وهذي مهمة المرور السري وضميره بكتابة التقارير اليومية وتوصيلها للمسؤول واتخاذ القرارات بشدة وحزم بالنسبة لقيادة العماله فهي من احد اسباب كثرة الحوادث ولكن يجب تسيير وسائل نقل عامه في كل حي وكل اتجاه لكي يستخدمونها ويستغنون عن سياراتهم المتهالكه والمشوهه للمنظر العام بشاورعنا الفسيحة التي لايوجد بها مخالفات وقوف مجوز او عشوائي او وقوف عرضي والموقف اصلاً طولي او وقوف سيارات النقل بمواقف اصغر من حجم المركبه وخروجها على مسار السير واخذ جزء منه مثل طريق الملك عبد العزيز جنوب بنك الرياض الرئيسي ببريده المسار الشرقي المتجه شمالاً او حتى السير العكسي سواء بشوارع الخدمه وخاصة الضيقه منها او عند التحويلات وعدم الاكتراث للوحات الإرشادية الإرشادية او التحذيرية او مراقبة مقاولي الحفريات التي تزخر بها مدينة بريده وعدم وضعهم لوسائل السلامة المرورية اللازمه وكأن الأمر لايعنيهم من قريب او بعيد الا عند وقوع حادث شنيع او حتى العمل على تعديل مسارات الطرق لتخفيف الزحام حيث بريده تشهد كثافه في السيارات وهي في تزايد مظطرد او المساهمة والتأكيد على ذوي الاختصاص بالأمانه لتعديل المنحنيات الكثيره بالمدينه سواء الرأسية او حتى الأفقيه وطريق عثمان بن عفان امام حديقة الاسكان شمال اسواق العثيم شاهد على ذلك وماحصده من حوادث سببت خسائر في الممتلكات والأرواح والدليل نقل جهاز الصراف لبنك الرياض بالقرب من بوابة الحديقه او حتى نزع اعمدة انارة في ذلك المنعطف وحتى الاشجار وفي جعبتي الكثير على ملاحظات المرور وعدم معرفه رجاله بما يجب عليهم تجاهه والكثير منهم يعلم ان المرور متخصص بالرخص والمخالفات بالسير او قطع الاشارة والتفحيط ولكن نظام المرور فيه الكثير ويجب على المرور كإدارة تثقيف رجاله بالنظام وعمل دورات داخليه على رأس العمل ولو لساعة في كل اسبوع وطريقة التعامل مع الجمهور حيث الجمهور فيه رجال من اعلى الثقافات الى الجاهل وما بينهما الكثير ولكل شخص تعامل خاص وطريقه يمكن التعامل بموجبها وهناك منهم يعرفون النظام اكثر من رجل المرور وليس الترجل من المركبه فحسب لقد نسيت نفسي في الحديث لان الموضوع مثير والكلام عنه ذو شجون ولكني اكتفي بذلك ودمتم سالمين |
بإختصار شديد
هذا واقعنا الحقيقي !!!!!!!!!!!! |
اقتباس:
كلام رائع جدا جدا .. يدل على عقلية رائعة متقدة بالذكاء والأفكار الجادة .. شكرا أخي الكريم ولا تحرمنا من إطلالاتك الجميلة .. |
نعيب زماننا و العيب فينا وما للزمان عيب سوانا
المحترم يفرض عليك احترامه إذا كان رجل المرور لا يحترم الكبار ويهينهم فسوف يأتي يومه الذي يهان فيه و للمعلومه (الحوت يأكل جميع الاسماك التي اصغر منه و القرش ياكل التي أصغر منه و هكذا ) القوي يتفنن على الضعيف و الضعيف على الي اضعف منه |
قبل كم يوم أمشي بطريق عمر بن الخطاب ..
ويكبس لي مرور سري .. وقفت .. طبعا الرخصة والإستمارة .. قلت خذ .. بعدين قلت وش عندك موقفن .. قال مسرع !! ويصك لي قسيمة بجبهتي (سرعة داخل بريدة 135) << يقاله حاسبه صح هالمآخوذ .. وزميل لي أخذ قسيمة جوال .. << قاعد يكلم وهو يسوق .. :) اتصل علي اليوم ولد عمتي .. يقول تعال مرّن بطريق الملك عبدالله عند عماير الراجحي قبل دورا عروق الشمال .. << طاح بتفتيش ومامعه رخصه .. وحجزوا سيارته .. :) |
الله ليوقفهم الصراحه متبلينا هل اليومين بزود ليش وش شايفين القسايم هدايا اكشط وربح كل شوي تشوف لك واحد نازل من سيارته وهو يدودل هل الدفتر تقول ماعنده شغل الايقضيه بسرعه لكن حسبي الله علي الضالم واحب اقول لمودير المرور الجديد تراى ربعك زودوها انت قلتلهم شددو وهم اخذو الشغله لعب ومجاكر ايهم الي يخلص دفتره اول
|
وعليكم السلام ورحمة الله الله وبركاته شكراً لك اخوي على هيك موضوع صحيح ان النظام نظام بس على الكل مو على ناس وناس تلاقيه لو يمر ابوه او خاله او احد يعرف تبسم ومشاه ولا قاله شي وين النظام بهذا ان دل دل على شخصية العسكري نفسه والدفعات الأخير الي متعينين فيها اكثرهم صغار بالسن وينقصهم التثقيف لكن ماقول غير الله يهديهم ويقويهم بس مو علينا على الناس المستهتره بالنظام تقبل مروري |
اشكرك اخوي على الموضوع في راييي ان احترام الشخص الكبير واجب ولكن ليس على حساب النظام اوافقك الرأي ان المرور يهتم بنقاط التفتيش ويهمل امور اهم مثل السيارات المخالفه بدون انوار خلفيه مثلا اوتلقى 1000 بنقالي بدينا او 100 صعيدي او باكستاني بحوض ددسن او هايلوكس(مقاولات عامه) اصبحنا نشاهدها يوميا ولا حسيب ولارقيب السرعه الزائده الوقوف الغلط عند الاشارات(شكله بس ببريده) وبعدين ياخي ممكن تكون مخالفات الرخصه والاستماره تسجل بشكل الي يعني بدون ماحد يسألك عنها بعد ماتنتهي الرخصه اول سنه 100 ثاني سنه 200 وهكذا (لانهم اذا جيت تجدد وكانت منتهيه اخذوا المخالفه بأثر رجعي) |
ما سوو لنا ازعاج وحوادث إلا شيبانك اللي يمشي 20 بطريق سريع ولا وياليته ينتبه يا عطيته بوري تلقاه منسجم ويفكر بنخيلاته ومزرعته وشصار عليها ههههههههههه
يابوي ودي يسجنون هالشيبان مو بس يذَلَــون خل عنك .. وأقترح لإدارة المرور وضع تقاعد لقيادة السيارة مثلا فوق سن 75 سنة يمنع من القيادة واعتقد اقتراح جدا مصيب |
| الساعة الآن +4: 11:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.