|
انتم مَن فتح كلية صحية .. اجل ليش مستشفياتكم ترفض الممرضة سعــودية ؟!
نحن طالبات الكلية الصحية ببريدة للاسف نواجه صدود ورفض كبير من مستشفيات بريدة :08:
كل يوم طايحين لي تهديد بإيقاف تدريبنا (وليتهم صادقين بشكواهم)كل يوم سالفه مره التزمو بالزي ولا وقفنا تدريبكم ومره هاتو عدد طالبات محدد ولا وقفنا تدريبكم ومره احتشمو ولا وقفنا تدريبكم ( وربي اغلب البنات متسترات) :eek5 ومره ماتدخلون الا ببطاقات تعريف ولا ارجعو ومره ومره آخر مره هذا الاسبوع مستشفى الولادة بهذلو دكتوراتنا من اجتماع لاجتماع واخر شي قالو تم ايقاف تدريب الطالبات بالمستشفى وحطو هالاعلان في كل اقسام المستشفى قال ايش ان المدربات يتركن طالباتهن بدون رقابة (ماقصرن بس ورانا لاتقعدن حنا جايين نشتغل جايين نتدرب مهن مهملاتنا) وان الطالبات يلبسن عدسات ويحطن مكياج وتجينا شكاوي كثيره من المرضى ومرافقيهم علا المتدربات لذلك تم ايقاف تدريبهن وذلك يوم الثلاثاء الموافق 23\1 حرصا على راحة المريض (ايه بالله حريصين علا المريض) ... عاد دكتوراتنا منا ومنا الين وافقو نجيهم ..( طيب ليش كذا ليش كل هذا وانتم مامعكم حق هاه وش المطلوب ؟ وش تبون منا نسويه ؟) حرام عليهم مانعرف من بناتنا من تسوي كذا حتى لو فيه ليش يعممون القرار علا كل الطالبات ولاهم مايبوننا كلنا طيب معقوله يعني نبي نكون مصدر ايذاء للمرضى او لمرافقيهم وحنا ممرضاتهم :i121 تعالو شوفو المريضات يدعن لنا تعالو شوفو الاطفال كيف يتلهفون لجيتنا حسبي الله على الظالم انقهرن مدرباتنا بعذرهن يقولن منهي الطالبه المقصوده ماحنا لاقينها بالعكس يقولن اذا تدرون منهي علمونا بإسمه بس المشكله ماحنا شاكين بأحد مادري ليش مسئولين مستشفيات بريدة رافضين الممرضة السعوديه قاعدين لنا زي الي يدور الزله ليش طيب مو انتم من فتح لنا كلية صحية ببريدة ؟ الدوله ماتبي ممرضات بنات البلد ؟ طيب يابريدة اذا حنا غير مرحب بنا كــــ مُتدربات .... وقفو تطبيقنا بمستشفياتكم نشوف لنا محافظه ثانيه نطبق فيها , صكو الكلية , اجدعو علينا ملفاتنا شوفو لكم اي حل ولا هالتبهذل كل صبح كان مافتحتو كلية ببريدة كنا دبرناها دخلنا كلية عنيزة ولا درسنا خارج القصيم او دخلنا كليات التربية او جلسنا بالبيت اما اننا ندرس بمبنى صغير ومكتوم ومافيه كافتيريا ولا تصوير ومعامله ناقصة ادواته ومدرسينه قليل وعميدته مشغوله 24 ساعه بدون سنع وباصات النقل للمستشفى صغيره وسواقينها غير ملتزمين كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــل ذآ صابرين عليه ثم نجي نتدرب بالمستشفيات نلاقي صد ورفض وتشدد وتهديد من قبل المسئولين والموظفين بدون اسباب مقنعه ياليت معهم حق بالعكس تحسهم يدورون مشكله يبون يطفشوننا مايبوننا وين حقوق الانسان عنا :08: حنا تخرجنا من الثانوي وكل وحده وميوله ورغباته بس بما اننا ساكنات القصيم مالنا الا اثنين يا تدريس ياتمريض طبعا التدريس وظايفه مهيب مضمونه لذلك توجهنا للتمريض عاد اللي طموحه تمريض واللي تبي الراتب .... طبعا انا متهيأة نفسيا اني ابدرس بكلية صحية عنيزة ويوم قرينا اعلان عن تسجيل بكلية صحية بريده ورحت اسجل ويالله من مشكله لمشكله قال ايش لان الكلية جديدة طيب من فتحه ؟ اللي فتحه فتحه ونساه؟ تاركيننا بهالكلية لا ولي ولارقيب حسبي الله علا اي مسئول لم يؤدي امانته ليتكم مافتحتو ببريدة كنا درسنا بعنيزة بالرياض بأي مدينة ولآ دخلنا هالكلية اللي سميناه (صحراء الدهناء) ابد هالكليه لابده لحاله لا اكل لا ماء لا مسئول لارقيب لا تشجيع لا استقبال لا تحفيز لا درايش لامراوح شفط لا مكافئات تنزل بوقته لا مستشفيات ترحب بنا لا لا لا حسبي الله على كل مسئول نيم ســـــــــــــــــــــــــــــــــــــــــــــــآإ أآإأآعـــــــــــــــدونا فـ .. نحن نلفظ انفاسنا .. حللونا ونتم بحلّ |
اللي يعرف لنا طريق للدكتور عاطف سرور يفيدنا الله يريح باله يقولون انه مايقصر
|
الله يعينكم
ورا ماتكتبين بالجريده احسن لتس من هنا ، ماراح تستفيدين شي |
آمين
حنا ماكتبنا بالجريدة لان قالو ماحد مهتمّ بالمنتديات احسن عاد تو افكر احط موضوعي بكذا منتدى بسس مالقيت منتدى مناسب |
أختي الكريمة /
كلامك عين العقل الاصل في الكلية الصحية أن لها نظام مثل أي كلية في المملكة . يوضح هذا النظام بكل تفاصيله للدارسين ومن ثم يتم متابعة هذا النظام . ولكن للاسف / كل ما يحدث مجرد رائي شخصي من بعض القائمين على الكليه الصحية كل بناتنا لهن الحق في الدخول لتلك الكليات . أما أنحراف السلوك فهذا شأن يخص المنحرف وحده ويحاسب عليه هو فقط لا يعمم على بقية الدارسات . نعم بناتنا أرحم من الاجنبيات ممها فعلن ومهما ارتكبن من أخطاء نعم للممرضات السعوديات دعوة للقائمين على الكلية لا تضيقوا على بناتنا .وتفتحوا المجال على مصراعيه للاجنبيات ؟؟؟؟؟؟؟؟؟؟ |
مدير الصحه بلقصيم ولد عمي
بس عطين ايام وارسلك رقمه الخاص برساله خاصه اكيد مايدري عن كل اللي ذكرتيه وتمنى لك التوفيق والله يعينك |
اقتباس:
الله يسلمك زين فيه احد راغب ببنات بلده :41 |
اقتباس:
الله يجزيتس خير الجزاء ياعمري :106: الله يحفظتس ويخلي لتس ولدتس قولي آمين بس مايصير تخلونه يشوف الموضوع عشان لاكلمناه يكون فاهم الوضع كله موب ازين : 12 |
ماضاقت الا لتتسع ان شاءالله
الفرج قريب |
ياحبيلتس صدقيني عاطف ماراح يفيدتس بشي بس بيقولتس كلمتين يسكتكم بهن...
|
اقتباس:
ياخيه حنا مندري لمين نشكي متعلقين بأي امل لو نعرف من يحل لنا المشكله من جذوره ما ترددنا |
مرحباً بك أختي
ابرد عليك من خلال ما شاهدته في مستشفى الولادة تحديداً اقتباس:
اقتباس:
اقتباس:
اقتباس:
وجربت غيرهن وهن ياخذن دم منه والله ما يدري ولا يحس فيهن اعتذر ما عندي وقت علشان اطول الرد بس ابقولك اثناء ما انا أخذ ضغط وزن كان فيه طالبتين يتدربن جت وحده وسألت صديقتها عن شيء تافه وجاوبت عليه وش ردت فعل صاحبت السؤال ؟؟؟ التلعين تعلن على صديقتها قدام الموجودات بالغرفه ياختي اذا ما استحيتي من البنت الي قدامك استحي من الموجودين بالغرفه انا لا اعارض وجود ممرضات سعوديات بس أفض الجديه بالعمل ... |
يااختي الكريمه تعالي لم مستشفى عيون الجواء وعلى طول تتوظفين لانهم الان يسعودون المستشفاء لاوازيدك من الشعر بيت الراتب عالي جدا
|
اقترح عليك بالمنتدى المناسب
انقلي شكواك لمنتدى وزارة الصحة افضل . والله يوفقكم للي فيه خير |
بصراحة هذه الكلية غامضة ؟؟؟؟؟؟؟ |
انا معك اختي والله ماشفنا من هالكليه غير
العزاير والبهاذيل حسبي الله عليهم ومااتوقع ان المسؤولين يدرون عن اي شئ كل يوم افكر اطلع من الغرابيل الي نشوف لا ويقولون مايعرفون يشتغلون زين ؟؟؟؟؟؟ لانهم مادربونا زين ومساله العطور والمكياج مااشوفه بصراحه ببناتنا الي تتبرج على نفسها وش دخل الباقي يمكن تكون وحده وتصير السمعه على الكل حرام .....اختي واي..... ممكن اعرف انتي تدرسين باي سنه ؟؟؟وباي قسم ؟؟؟ |
انا لم انوه عن سالفة يوم الثلاثاء (هو نفس يوم اللي وقفو تدريبنا 23/1 ) راح الباص محمل بالمدربات والمتدربات قاصدا مستشفى الولادة للتطبيق (كالعاده) ... يجي يستقبلهم مسئول بالمستشفى ويقول :
بناتكم قليلات أدب ممنوع تدخيلكم .....!!!!! وفعلا الباص رجع للكلية وراح نصيبهن من التدريب ذاك اليوم ! وبنفس اليوم طبع الاعلان اللي ذكرته ووزعه في جميع اقسام المستشفى ! هالكلمة بسيطه عشان يقوله ؟ هل سالفة العطور والمكياج من بعض الطالبات تستدعي وصفهن بهذا الوصف ؟ او حتى تستدعي التعميم بجميع طالبات الكليه؟ او حتى بتوقيف تدريبنا نهائي ؟ السنــَـا بناتكم ؟ ماذا يدلك عليه هالتصرف ..؟ إلا انه باختصار مايبي السعوديات |
اقتباس:
انا اتمنى ذلك |
اقتباس:
اخي : كليتنا انضمت لوزارة التعليم العالي ماعادت تتبع وزارة الصحه .. منتدى وزارة الصحه مكتوب انه تم توقيف استقبال مشاركاتنا وذلك لانتقالنا لوزارة التعليم العالي .. ووزارة التعليم العالي ماله منتدى وجامعة القصيم مالنا قسم خاص فيه لان تونا منضمين .. لذلك انا كتبت موضوعي في اكثر من منتدى من منتديات بريدة .. وذلك املاً في تنبيه من غفل عنا وتوضيح ان النظام عمومي .. يعني زي مايقولو (الشر يعم ) .. تخطئ وحده والعقاب يشمل كل المنتسبات ! |
اقتباس:
لذلك انا استغرب من فتحها .. ليتهم مافتحوها كنا درسنا بأي مكان غير بريدة |
اقتباس:
هلا اختي فوفو .. تشرفت بشهادتك ان اغلب بناتنا متسترات .. لان البعض الله يهديهم يفكر اني اشتكيت لاني وحده من اللي تعطر وتمكيج !! |
تصرف وحدهـ اوثنتين من الطآلباات ليس مبرر للمنع ولآي مدير او مسؤول له الحق وليس من صلآحيآته والمفترض من ادارة الكلية انه تسهل اموركم وتتآبع وتنسق مع المستشفياات وحتى لو تدربتوو بمستفياات خاااصة ونصيحتي فيماا بعد التخرج انكم تتوجهوون للقطآعآت الخااصة يمكن تحصلوون فرص اكثر . . بالتوووفـيـق |
اقتباس:
وبالنسبه لعميدتنا احييها من هذا المنبر واقول لها : د. سلوى صباح الخيييييييييييييييييييييير |
اختي لاتهتمي بالامورهذي
بالعكس حنا نعين ونعاون على الممرضة السعودية الله يوفقهن وينصرهن لاتلتفتين للمعقدين والشاكين واصلي تدريبك لايهمك احد وبعدين غيري المسنشفى وروحي لمستشفى ثاني افضل واي خدمة انا مستعد عن اي شي بالصحة |
اقتباس:
الله يجزيك خير ويحفظك .. هو فيه مستشفى افضل بالقصيم ؟ بوقت الامتياز (تطبيق ست شهور) اقدر اغير المستشفى لكن الحين باقي ادرس ماخلصت يعني لازم اروح للمستشفى الي تحدده الكلية ان شاءالله يوم نحتاجك نلقاك :) |
هذي ببريدة ستي وبريدة نت تشتكي ماخلت مكان ماشكت بوهـ طاقتن تسبدهـ .... خخخخخخخخخخخخخخخخخخخخخخخ
|
اقتباس:
هذا من أبسط حقوقه أنه تشكي ربي يوفقق نشالله ويرزقق أحلى وظيفه تعال عندنا في جده علطووووووووووو تتوظفين |
اقتباس:
احسن من السكوت وسب الدولة والحظ واليوم الي انولدت فيه |
الاخ من دلعك /
المشكله مو في التعيين المشكلة في الكلية اثناء الدراسة تعيقك اشياء كثيرة وصعب احتمالها من مشاكل المبنى نفسه والنقص الي حاصل فيه لايطاق , اهمال المسئولين للطالبات ولخبطة النظام والظلم الي عيني عينك ..الخ باختصار ناسين ان هناك طالبات يدرسن |
يمدحون الممرضات السعوديات
بس الي شفته شيء يشيب الراس... حمرة خدود وروج وبلاوي ..<<< بمستشفى الحرس الوطني بالرياض والله عروض ازياء لكن الله يعينكم أخيتي ويستر عليكم |
اقتباس:
تششش قديمه انتي عاطف سرور باقي عليه كم شهر وبيروح |
اقتباس:
هذاك انت قلتها طالبات الرياض مو القصيم لان بنات القصيم اهم شي عندهن السمعه الزينه لهن ولاهلهن والحشمه والاحترام مطلبهن علشان الله يوفقهن بعملهن |
ساااااااااااااااااده من قالك تدخلين تمريض
خلهم ينفعونك الحين |
تعمل السعودية ويجب علينا أن نقبل هذا
نحاول أن نتساعد معها بالكلمة الطيبة وبالتوجيه الحسن حتى نصل في النهاية الى الكمال المنشود طيب أذا اخطت وحدة أو أثنتان .. خلاص يعني نقفل الكلية الصحية ؟؟؟ لو كانت هذه هي السياسة عامة على جميع المؤسسات الحكومية أذا نقفل الجامعات / المدارس/ الاسواق /.................................................ا لـــــخ كل منا يجب أن يكبر عقله شوى لا يقيس الامور التي تهم المجتمع بمنظور واحد يعني شفنا وحده متزينه ممرضة خلاص سرحنا الباقيات واعلنا حالة الطواري ..... الدوله ما فتحت هذا المجال الا بعد دراسة ومشاورة مع رجال الدين فريحوا بالكم وناموا مرتاحين (((( وكل أخذناه بذنبه )))(((ولا تزرو وازرة وز اخرى))))) دعوا بناتنا يعمل بجد واخلاص |
اقتباس:
الله يهديك كذا تقول لو كانت اختك تدرس تمريض ماقلت هالكلام أسمح لي اقولك انه مافيه في بريده بالذات اي تخصص احسن من التمريض في هذا الوقت يمكن بعد كم سنه يفتحون تخصصات اكثر تنوع شوف البنات تدرس وتكرف واخرتها بالبيت يا تجيب واسطه والا تنثبر ماله وظيفه الا التمريض الحين محتاجين ممرضات سعوديات المفروض انتم تعينون ماتتشمتون :eek5 أختي روسانا كلامك رهيب يرفع المعنويات مشكوره |
فعلا اللي بمستشفى الولادة مكياج وعطور وعدسات وشين نفس
تبرج وسفور |
اقتباس:
وبعدين قل خيراً أو أصمت000000 |
اقتباس:
أطلع على الطرح وتعرف وش قعدين يتكلمون عنه بسيبدو أنك حاب تزود مشركاتك |
اقتباس:
نعم أفضل تخصص البنات موجود في بريده هو تمريض نصيحه أدخلو أتخصص تمرض راح يجلب لكم المال 0000حلوه يجلب لكم المال0000 من جد دشو التمريض ولله مستقبل حلو بس الله يكون بعون الممرضات خاصه عندكم في بريده؟؟ |
والحــــــــــــــــــــــــل ؟
|
الحل عندي بس اصبرو علي كذا يوم وابشروو
|
تدرون ليش ...................... لأن كلكن عنقليز ..................... يعني ماتعرفن إلا رص البقل ........................ ومن أول كلمه تسدن النفس وأدري إن ماعندكن سالفه طورن هرجكن همن يصير خير.......... |
ههههههههههههههههههههههههههههههههه.
تستاهلون اللي يجيكم، وحقكم وما جاكم. احتشموا وخلوكم محترمات ومؤدبات ولا راح أحد ينكر عليكم. لكن إن يصير نصكم متبرجات وعطور وعدسات تقل رايحات لعرس فهذا معصي تستاهلن التوقيف والعقاب بعد. قال إيش! قال ممرضات سعوديات!! |
اقتباس:
يعجبني فيك حماسك ... !!!!!! |
عــذراً
لقد .. اخطأت في اختيار المكان المناسب لطرح موضوعي ( ارجو حذفه ) |
اقتباس:
لا ما أخطأتي في الختيار؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ المنتدى الجميع لايهمونك أصحاب الردود السخيفه هم يحملون فكر منحط أخلقين أستمري على هذا الطرح وإنشالله راح تنحل مشكلتكن في أقرب وقت |
من دلعك ... يابوعرب شوري عليك خذلك دوره بالإملاء بعدين تعال هايط وتميلح .......... |
هههههههههههههههههههههههه شبل العقيدة توك تلاحظ إنه العضو من دلعكـ غبي ولا يعرف يكتب!!
أنا من زمان ملاحظ بس معطيه جوّه ومخليه يكتب اللي هو يبي. نرجع لموضوعنا، أنا أرجع وأقول تستاهلون اللي جاكم، ولو أنا بيدي قرار كان وريتكم العين الحمراء. أنا أتكلم من واقع تجربه، لأني أشوف أغلب العاملات في المجال الطبي غير محتشمات. عدسات وعطور وكحل ومكياج وتغنّج وضحك مع الرجال وغيره الكثير الكثير، ولا داعي إني أسوق القصص هنا لأنه ليست مجالاً لذلك. وعلى هذا فإنني أقول إذا احتشمتوا واتقيتوا الله وتغطيوا صح وصرتن محترمات ولا ينشاف منكم شيء فهنا أقول من حقكم تتكلمون وتقولون المشكلات التي تعانون منها!! |
مشكور أخوي شبل العقيده وان شاء لله أدش دوره في الأملاء0000000 بس صدقني أسقط في الأملاء ولأ أسقط في أشيا ثانيه الصباخ أنت وحد تعاني من مرض العظمه((( عالج نفسك)) ونرجع لموضوعنا وأنا أقوال أنتي ما أخطأتي في الاأختيار ومن جد لايهمونك أصحاب أردود الا غجريه00000 |
الكتآبة في الصحف ~
|
للتوضيح فقط تعاملت مع ممرضات من عنيزه حشمه وستر والعيون ياله تبان وإن بانت حمص والصوت واضح ولاتتغنج ومشيه عدله وذلك راجع لأنهم من الأساس بالمدن ومن (الـ .... ) لكن ممرضاتنا هاللي طالعات من تالي لأن أغلبهن من الأعراب تعال شفهن العيون زغر والاسم مزنه والكلام مكسر تقول بنقاليه كله حرصيه عشان ماتزرق " أبك" منا ولا منا.. ياحوم تسبدي بس ... أبفهم وشوله عدسات بالمستشفى وعند المرضى.. ولا مستشفى الولاده والأطفال مرضاهم بس حريم وأطفال واللي تبون تغرونهم أصحاء ومتنحين ... أضن قصدي واضح ماله داعي أصرح أكثر لايشات ردي... :s |
ياشبل العقيدة تعال شف الممرضات والدكتورات العاملات في المجال الطبي عندنا في مستشفى الملك خالد الجامعي بالرياض، خربطه ومصخره تقل رايحات لعرس، عدسات وعطورات وكحل ومكياج وتغنّج بالحديث والمشي وضحكات سخيفة.
وبآخر شيء يقولون ليش المجتمع ينبذنا!! أما أنت يا من دلعكـ فخل عنك الدعدعة والهرج اللي ماله سنع والتميلح عند البنات. تراك بزر ما رحت ولا جيت، واحمد ربّك إني أرد عليك وعلى أشكالك من المبزره. |
اقتباس:
|
[QUOTE=فوفو بريده;1337165]:oo:oo:oo:oo:oo:oo:oo:oo:oo:oo:oo
الله يهديك كذا تقول لو كانت اختك تدرس تمريض ماقلت هالكلام أسمح لي اقولك انه مافيه في بريده بالذات اي تخصص احسن من التمريض في هذا الوقت يمكن بعد كم سنه يفتحون تخصصات اكثر تنوع شوف البنات تدرس وتكرف واخرتها بالبيت يا تجيب واسطه والا تنثبر ماله وظيفه الا التمريض الحين محتاجين ممرضات سعوديات المفروض انتم تعينون ماتتشمتون :eek5 الحمدلله والشكر بس انتي اللي دخلتي وتحملي يالغلا وبالنسبه لو اختي تدخل تمريض قطعت رجله ماعندنا بنات يدخلون اختلاط:d وبالنسبه مافيه الا تمريض غير صحيح فيه مدرسات مشرفات معلمات حاسب حبكت يعني الا تمريض ولاتلومين اللي يتكلمون عن الممرضات لاننا نروح ونشوف بالعين وش يصير يالغلا مكياج نقابات ضحك وتغنج غير الاشياء اللي ماتنقال احترام للمنتدى سيو |
اقتباس:
لا يهمونك أصحاب أردود الغبيه00000 |
اقتباس:
ماذا يدل هذا الأسم؟! شبل - ولد العقيده - أساس الاسلام يعني ولد أساس الاسلام عاقل راشد يدافع عند الدين يوجه من أخطاء من أبناء المسلمين هذا المفهوم الحقيقي لـ شبل العقيده0 بس يبدو إنك غير ذلك أنت شبل العقيده العنصريه يافتى أن دل ذلك فيدال على عنصريتك أتق الله بنفسك وأهلك وارفع نفسك قليلاً عن كلام لايقدم ولا يؤخر000 |
اقتباس:
كلام صحيح بس مين الي يفهم |
اقتباس:
يا أبن الحلال إرفع نفسك عن الاشكال هذي صدقني شخص يعاني (( عقم في التفكير)) |
. الموضوع نحى منحى آخر ، فإما أن يعاد للمسار أويحذف الموضوع .. مع الشكر للجميع .. صورة مع التحية لإدارة المنتدى الرائع .. . |
ابحثي عن غير هذا العمل أفضل لك .
|
اقتباس:
|
^^^^^^^^^^^^
ابعد عنه القآدح .. ههههههههههههههههههههه .. :) شبل العقيده ، قسم بآلله انك على حق ، يعني وش افهم ، [ آبي وآحد يروح لـ مستشفى ويجيبلي ممرضه دينه ولله الحمد ومآهي رآعية حركآة { يمين يسآر ولآ شي ~ اعطيه 1000 ريآل .. ~ ] بهذي الآيآم لآشفت وحده ممرضه ومتحجبه بآلكآمل ، يعني توب التوب ، تكون هي الي تلفت الآنظآر ابي السبب السبب يآلذيب ، { لآنهآ هي الغريبه عنهم ، ~ مآقدر اشرحلك ، بس تفهمآ وهي طآيره ~ الآ اذى كنت احمآر فهذى خله على جنب .. ] من دلعك ، من يوم شفت اسمك وانـآ غآسل يدي ، مسوي بريء ، وموؤدب < شف ردودك يآلغآلي ، وتعرف ..! مسوي انـآ الكنق بآلنقآشآت والخ .. وكلآمك كله غلط لـ الآسف ، ..! + كوكولآ .. { آلعذر بس اسمك يدل على انك وآحد امريكي ، لآتقولي جبتهآ من رآسي ، لآ بل اسمك يدل على كذى ..! توضيح : كوكولآ = شركه امريكيه ..! افهمهآ وهي طآيره ..! صريح جدآ ، يآلقآدح ، حآطن رقمك وانـآ الكنق وانـآ ونـآ ، يشهد ربي انك ازلآبه .. :: اسف على الآطآله ، لكن لقيت بعض السلآتيح وحبيت آشوتهم ملآحظه : شبل العقيده ، لآيهموونك .. ^_* |
اقتباس:
|
اقتباس:
ياطفلي العزيز عيب عليك تدخل باسم ثاني: ياشبل العقيده قصدي ياطفل العقيده إترك المهترات الغير لائقه أخلاقيه000 رساله إلى عمر اليحي الرجاء إقفال الطرح لانه انحن الى منحنى آخر0 |
لانقول الا لاحول ولاقوة الى بالله |
الجريده افيد لك والله يعينك
|
الصراحه شي مخزي أن ينحرف الطرح الى نحنى آخر: صاحب الطرح يبحث عن حل عن بعض المشاكل الي يواجوهها وخصوصاً أنه طالب أرجو من الأعضاء المحترمين أن يتعاملون مع قضيته بكل أهميه وعدم إهمالها0000 ومن ينتقد الممرضات بالسخريه0 الافضل أن يقوم بالدعاء لهن بالهديه مع النصح والإرشاد00000000 |
| الساعة الآن +4: 03:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.