بريدة ستي - دش المجد وبزعة عربجي عربسات قااضي هالمدزفي ؟!!

.

من منا لا يعرف قناة المجد >> يسمع بالمقدمات الحلوة :113:

المويهم كلكم تدرون بنكبت المجد بيوم وليلة صارت ظلماء :113:

طفت ما حولك أحد بسمة راحت وراحت معه ( بسمه بسمه كلمه ورسمه :113: )

وروضة هاللي أشغلتنا قسم بالله عجزت انام الظهر منه يليتهم مبطي فاركين القمر

أشغلونا منول أتوذا من الغسالة تسلط الوالده عقب الظهر وتزعره وأنا انام بالغرفة اللي بجنبه :113:

والحين هالروضة أوذتنا :113: المويهم ذات مساء قالت سلما إني اتعبني المشوار :113:

المويهم أكا اليوم الظهر قمطت المجد :113: خير شر بدينا ما نشوف إلا السنيدي يبربر علينا

وإلا تقلب الموجه وتهب دين ونشغل حقت القرآن

عاد به حدى أخوتي ألتزم هاليومين بسبت قناة الحديث الشريف والعلمية :d

هالكلاك أصلاً لعب به الفراغ وغصب يقعد يناظرهن عاد جايبن دفتر وشغل ويسجل صار

طويلب علم هالفويسقه :d

وإنك تشغله أو تحاتسيه هالحين كتب دفترين :113:

والله ما ندري أخاف ولاهن شخاميط :d

المويهم يوم صار هالظهرية اليوم اشغلتن الوالده ورنة على راسي قالت قم زين

( التفزيون ) >> هذا مسطلح للوالده والحقوق محفظه :d

قلت وش به قلت إنه أجلد ( يعني اسكت ما عاد يشتغل ) قلت افا يذا العلم

انا اللي أوريتس يا أميمتي به قالت أي والله خصوصاً إن خواتك يبي يجتمعن اليوم

همن يصجوننا بزرانهن نشغل لهم ( النجد ) :113: >>> المجد :113:

يهبطهم شوي :d

قلت أبشري يا أميمتي ما للصاليب الا أهله :d

واتشعمط للسطح تسن هنا علم واقعد احبرش بالدش يوم راحت العامه والقرآن والعلميه :d

قلت أبلش يوم قعد يلج أخوي طالب العلم :d

متابع حدى الدروس وأنا حست الدش عاد فات عليه الخير :113:

وخذ يا دعاء

عاد انا بلشت قلت الشكوى لله ( يوم اطقـ××××ت راحت تصم فخو××× ) :d >> اتحدى احد عرفه :d

المويهم قلت مالك إلا راعي الفزعات والنخوة وعلطول وأمعط لتحت وأخذ الجوال

وازهم على عربجي قاااضي !
جوالي : طووووووووووووط ؟!

جوال العربجي : طوووووووووووط ؟!

جوالي : طووووووووووووط ؟!

جوال العربجي طووووووووط ؟!

جوالي : طوط طوط طوط طوط ؟!:113::113:

قلت هالسحاة والله لا أشغله لما يرد واتصل مره ثانيه :

جوالي : طووووووووووووط ؟!

جوال العربجي : طوووووووووووط ؟!

جوالي : طووووووووووووط ؟!

جوال العربجي طووووووووط ؟!

جوالي : طوط طوط طوط طوط ؟!:113::113:

وأزهم ثالثه ويرد هذاك اللي يبربر يقول :d

إن العربجي القاااضي لا يمكن الزهم عليه هالحزه الحزه حزة قوايل تحسب الناس

كلهم مثلك يا حصان القايلة :113:

إقاله يقلد هذاك حق الشركة :113:

قلت علينا يالعربجي تحسبن دبشه :d

قال يا أخي لا تشغلنا أزهم عليك العصر قلت اصبر تعال :

فززززززززززززززززززززعه يا خلف النوري :113:

عاد العربجي لا تنخاو على طول يروح كشنه :113:

يحسب عندنا بنات يبينا نزوجه وإلا مهب كله مرجله :090::090::090:

خبيث هالعربجي بس تراهن قاضيات بناتنا ما عندنا إلا أم سليمان تسانك تبيه :090::090::090:

ما به أحدن يبي يزوجه بلشن بروحه أحد قالك خلك عربجي وتتن :113:

المويهم ويجيك الذيب قال أبشر وش تبي ؟!

عاد انا عارفن له : قلت إن خالك اللي هي أمي تقول صلح ( النجد ) :113:

أنه خربانه وحقين النجد يقولون أفركوا الدش اللي بالسطح وجهوه شرق :113:

وأنا ما أعرف له يالعربجي ؟!!!

وش رايك :oo

قال أفا هذاي جاي قلت يالله لا تصيف أنزل من السطح وإلا جيت

قال هذي جيت وشوي ولا سيارة عربسات عربجي قاضي واقفه عند الباب

أنا قاعدن اناظره مع السطح أحتريه يجي :113:

يوم جاء مشخص عليه جنز وحركات ومعه جوال شاشته كبيره :113:

ودريل ومفكات وعيون ورسيفرات :113:

قلت بس هذا اللي مهب أنا :d

هذا اللي يبي يشغل الدوري الياباني على المجد :113:

أحد يعرف الدوري الياباني >> مالحقتوا عليه خلكم بالاوربي أصرف لكم :113:

المويهم ويقعد يحرج علي بالشارع يا حصان القايله أدخل تسدامي أحد :d

يدعي يحسب عندنا بنات إقاله رجل :113:

قلت أدخل ما قدامك إلا أم سليمان وغظ البصر وأنت داخل :090::090::090::090:

المويهم ويجي الذيب لمي بالسطح واناظر هالقش قلت الله يستر منك يالعربجي :113:

مشتغلن عند علي صغير أكبر هاليومين :113:

قال رزقنا يالحصان هاليومين الله يجزا المجد خير حركت سوقنا :113:

قلت كفو الله يقويك وش ازين وش نصلح :confused:

قال أبد أزهله بس أشبك لي هالتوصيله قلت بس أبشر لو تبي أشبكه بكيبل شبكته :113:

المويهم ويلبس البرنيطه :113:

توقعون وشوله :113:

يقول عن الشمس :090::090::090::090:

قضت المخاكر إلا عليك يالعربجي :090::090::090:

ولحظات ويبدا يجخر بهالدريل قلت خير إن شاء الله ؟

قال لا زم نغير محله هذا محله تحت الجدار لأنه منول فاتحن بابه غرب والحين

المجد قايلين حطو وجهه يفتح شرق قلت كفو الله يساعدك :113:

ولحظات ولا مركبه بالسطح بالجهة الثانيه :41

عاد هماو شغل الدريل كل بزران الخبوب تجمعوا عندنا :113:

شي غريب ببيت حصان القايلة يجخر الجدران :113:

يوم شبك الشاشة والرسيفر ويبدأ يرزرزه يمين ويسار وكل شوي يويدز بهالشاشة

وأنا ما غير أربيه :113:

يا ما راح شمال يما راح جنوب قلت يالعربجي وشلون رايحن به شمال

وأنت تقول شرق ؟

قال ألفقه أنا ابخص قلت سم :confused:

قال لي الله لا يهينك يا حصان رح شف تحت أشتغل أو لا :confused:

قلت طيب ؟! وعندك بذا وراه ما تناظر من عنده ؟!!

قال خربانه الشاشه شكله

قلت خل اجيب شاشه لك

قال جبه وأروح أجيب له تلفزيوننا الخشب اللي يالله يالله يشيله ثلاثه :113:

القديم ابو فرار :113:

يوم جبته ونفس المشكله :confused:

وشلون يالعربجي ؟!! قال شكل شاشتكم من الأصل خربانه وتحسبونه المجد خربانه :113:

قلت علينا يالعربجي هالحين هم اللي يقولون أفركوه وتقول خربانه :113:

ثاني شي وش دخل الشاشة بالوزن :113:

قال اللي ما يدري ينام بدري ر ح جب لي رسيفركم ؟!

قلت وحقك قال شكل البلاْ منه :113:

قلت تدري والله وشو البلا :113:

وأروح أجيب له الرسيفر ونفس الطريقه يبدأ يرزرزه يمين ويسار ولا صار شي :113:

قلت يالعربجي انجز أذن العصر يبي يقوم ابوي ويبي يجن خواتي هالحين ولازم نقضي :d

قال أبشر وصلنا وصلنا القمر قلت خير إن شاء الله :113:

يحسبن دبشه ما اعرف :113:

قال الله لا يهينك يا حصان جب لي ماء عطشت :S

قلت تراه كثرة المشاوير يالعربجي :i121

قال تكفى تراي عطشان لا تجازي المعروف بالنكران :oo

قلت سم :d

أنا شكيت بالوضع كل شوي كازن وأجي الوذ ورا باب السطح :101:

ابشوف وش السالفه ولا الماخوذ قاعدن يكلم له بنقالي ؟! :057:

أيوه أنا هطه هالحين قدام شمس يمين شوي ؟! :049:

يسار ايوه لا ما يطلع يا كوبير !

رجع كيف رجع طيب رجع بعدين ما فيه شغل يا كوبير :113:

اثره زابنن هالبنقالي ويكزكزن علشا يكلم :d

وأجي أدخل عليه قلت أثرك تسذا يالخسيس ؟! :029:

قال أسمع كوبير يقول حطه على 26 درجه شرق :eek:

قلت وشلون قال أنه يقول أرسم دائرة وقسمه لثلاثين قسم وخل الشرق يبدا من 22

وإذا وصلت 26 وجه الدش لمه :113:

قلت زين والله والمطلوب يا اخ قال فحمه :113:

قلت فحمه :113: يا كثر الفحم :113:

يبي يرسم خطه الولد :113:

ونقعد نشخط ونخطط لما وصلنا 26 ونحط الدش عليه

ولا الولد مدزفي :113:
قلت يالعربجي قل ما أعرف وريحنا هالحين أنت حستنا لا قناة طالب العلم اشتغلت :113:

ولا قناة البزران اشتغلت وش الراي :confused:
قال خل نجيب كوبير يازنه بـ 30 ريال بس :113:
قلت ما جبت جديد يالعربجي أنت لو أنت من أوله جايب هالكوبير تسان أرتحنا :113:

قلت جبه ويجيبه ويقعد يضحك علينا ورانا ناقلين الدش حاطين

وجهه يفتح شرق :113:

قلت بلى والله من دباشة العربجي :090::090::090::090:
قال لكوبير ترا هالخبوبي هذا سوا سوا بدو هو سوي كذا طريق هو ما فيه مخ :i121

ويقلبه علي فشلنا عند الكوبير :113:

عاد ضبطت واشتغلت واستانست الوالده خفت عنه صجة البزران :113:

يوم رحنا نوي كوبير وجدعناو قلت للعربجي هالحين أنت تعلم علينا وإلا وش قصك :confused:
قال لا والله تبي الصراحة ولا تزعل :d

قلت إيه ؟!

قال أبشوف بيتكم :090::090::090::090::090:

7ـــــــــصان الـــــQــــــــايلــq