|
هل هذا معقول ..؟ مطبات بشارع سيدين ...!
السلام عليكم ورحمة الله وبركاته
مما أدهشني وأرهقني وضع مطبات على طريق حويلان من الجنوب للشمال او للشمال الى الجنوب هل هذا معقول ...؟ والله العضيم انني أذهب وآتي من عنده في اليوم أكثر من 6 مرات وكل مرّة أدعي عل اللي وضع هذه المطبات أو طالب بوضعهن او أعان على وضعهن فهي والله كسرت سياراتنا و أخرتنا عن أعمالنا... لا وفق الله من وضعها أرجوا المشاركة في الرأي ممن يعرفون هذا الطريق ويستخدمونه |
هذا قمة في الهبال
مافيه داعي لوضع المطبات بس الله يعينك |
والله حسيت بالمعاناة والله يعينك , حتى أنا بعد الشارع الي عند البيت فيه
واحد 3 مطبات كل واحد أشنع من الثاني لكن الله يعين . إذا ودك تضحك بعد أمسك طريق الطرفيه من الإشاره الخماسيه (المحكمه) إلى الإشاره الثانيه وإذا قضيت على طول رح للشارع التجاري تربيط ووأحيانن تغير موتر كامل . |
الف شكر لك الغريب القريب على مرورك الكريم لكن الشكوى لغير الله مذلة |
حطوا مطبات بكل شارع الله لايجزاهم خير
خصوصا المطب إرهابي السيارت اللي يجيك شرايح عسى من شار بهن للفصل ,,, |
اقتباس:
وإلا بدل هذي المطبات كان يستغلون الاسفلت بترميم الشوارع المهترية بكل مكان والحفر اللي بكل شارع .... لكن جيدين بالتخريب فقط, تلقاهم اذا فيه حفريات بدقيقة حافرين الشارع كله واذا خلصو يجلس سنة وما صلحوا السفلته الف شكر يالبهبهاني على مرورك |
هذا لييس بغريب بل الغريب ان تمشي في طريق ليس فيه مطبات الله لايوفق من وضعها ان امس اكلت فيها مقلب لاني مادريت عنها ولا يوجد تنبيه عليها أنا اقول مابقى على البلدية الا وضع مطبات امام كل منزل عشان وانت داخل بالسيارة بالبيت والا طالع تستعد للمطبات المقبلة |
ايوالله انك صااادق والله انه اعدم سياراتنا لا بعد انا ابشرك امر من عنده اكثر منك باليوم خمس مراات هذولي رسمياات من غير اشغال الاهل ولا اروح اجيب غرض ولا اي شي ااااااه بس مهب معقووووووووووول ابد .......
لييييييييييييت الدركتر اللي بالمزرعه ما خرب كان ما شفت المطبات ولا يوم والله ما يكملن يوم ........ تقبل مروري اخوي المبدع |
المشلكة مهب بالمطب وبس ...
المشلكة اذا صرت تمشي 10 ونقزت المطب تسنك طاب من جبل هي هي تمشي 10 ولا 100 ... ياناس اضبطوه خلوه انسيابي تجي مسرع يوديك بداهيه تجيه مهدي تنضبط امورك ... قسم بالله به مطبات بالاسكان 3 اجيهن بأسرع ماعندي .. لاني لو صرت حبيب ووقفت كسرت ضهري ولاجيت مسرع راحت هوينه ... نفس المطب سيارة واحد من العيال من الصغيرات تحك ؟ ياناس لازم يجي شلف عشان ماتحك ... يا اوادم مهب حاله ذي ... ببريدة تسع تلاف مطب ! اصيح ؟ وش ازين بكم اولاااه .. الله لا يوفقكم بريالن تاخذونه من الدولة ... ولا تهنون به يامال الخسار .... |
والمطبات الي عند شرطة الجنوبية اتحداك إذا رقيتهن بالثاني اكود توقف ثم تعشق من جديد بالأول ويالله يالله ترقاوه وفيه انواع المطبات فيه مطب يفكك صواميل السيارة وفيه مطب يفقع المساعدات وفيه مطب يطيح المكينه وفيه مطب تبي تصفى انت والطاره والباقي متناثر بجنبك <<<<< حشى فلم كرتون
لا وفيه مطبات مب صناعية طبيعيه مثل ماتكرم الأخو طريق الطرفيه تقول ملاهي وشارع الثمانين زيه بس طريق الطرفيه بمرتبه متقدمه والحديث يطول ومانقول غير حسبي الله ونعم الوكيل |
انا معكم يا شباب لكن لمنه جاك بزر معه موتر ولا مطفوق موت واحد من بزارن الحاره ذاك الوقت عرفتو قدر هالمطبات |
شف وأنا أخوك مرة تقول الحمدلله أنهم وضعو مطبات ومرة تقول العكس لكن أنا أقول المطب مكانه غلط لو حطوا بداله وسائل تهدئة غير المطبات كان أحسن |
اقتباس:
انا معك وسائل التهدئه ارحم لاكن فيه ناس ماينفع معهم الى المطبات لأنه مايعرف يمشي الى بسرعه جنونيه............ |
اقتباس:
|
صاحب الجيب - الصارم - فارس7 - 11سبتمبر اشكر لكم تفاعلكم ومروركم الكريم كما اتمنى ازالتها عاجلا غير آجل |
اقتباس:
اتفق معك اذا كا المطب في _ وسط حارة _ لكن هذا شاااااااارع عـــــام سيدين وفيه رصيف بدل ما يحطون مطبات المفروض يوسعون فتحات المديورات والله ان بعضهن ماتآخذ سيارتين ومن صغرها كثير منا يتعداها وما يدري وياخذ حذره لأن وراه سيارات وهو ما يدري وين المديور أخيرا .... اشكرك على ابداء رايك ومشاركتك |
اقتباس:
كلنا عارفين ان المطبات لها فايده بعض المرااااات أشكرك يا اخي بعنف |
المحيط - ora اشكر لكم تفاعلكم |
فعلا تكسر سياراتنا منها جهود غير مدروسة
|
اقتباس:
أشكر لك مرورك وتفاعلك :41الف شكر |
ببريده لا تستغرب ......... |
اقتباس:
يااااا حُّـــوووول اللــي مــالــه بــريـــده اشكر لك مرورك |
الله المستعان
|
المطبات بكل محل وقفت على طريق حويلان بوسط البلد وطرق جديدة من بكره يحفرونها الله يرحم الحال |
| الساعة الآن +4: 04:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.