ماذا تفعل لو لدغك عقرب او ثعبان ... طريقة فعّاله من مجرب.
 

مرة من المرات كنت طالع للمزرعة على الكابرس 85 الله يرحمة لحالي مامعي احد ... لأن اهلي شدوا منها ودخلو الديرة من زمان . المهم يوم وصلت المزرعة قلت أبشوف وش سبب التقطيع الي صار لها النظيّفة وفتحت الكبوت وصرت اناضر ولمس وفصل وشبك بها السلاك. ويوم قظيت صكيت الكبوت وطمبست على هاك الخرقة با الأرض (قطعة قماش) وخذتها ابنضف يدينى من الزيت والوصخ ويوم حطيتها على ذراعي ... حسيت أنه كأن فيه دبوس حار جدا ينغرس بذراعي فجدعتها بالأرض على طول وناظرت ماشوف دبوس ولا شي لاكني احس انو فيه ينغرس ويروح داخل ... وصرت امسح مكانه بيدي الثانية وما فيه فايده فقلت اكيد لدغني شي من الخرقه فأخذتها ثانية ونفظتها ... يوم طاحت منه!!! ... عقرب صفراء بطنه أكبر من مسكت مفتاح كابرسي مرتين ( نسميها ((عقربان)) وهي من أخطر العقارب ولذلك سموها بها الأسم. المهم وش اسوي الديره بعيده ولحالي وعقربان بصراحه خفت بااااا لحيل المهم ربطت يدي من عند أبطي وقلت ابمكن روحي قبل يسري السم بجسمي ركبت السياره ... ابشغل عيت تشتغل!!!! وش السوات ... ألألم بدا يزيد ... ففتحت الكبوت مره ثانيه ابشوف وش انا خربت لاكن صرت اشوف المكينه كله اسلاك وليات وصرت ما اركز من الألم والخوف ( بعذري لحالي تراي ). فتركت السياره ودخلت البيت (منزلنا سابقا) وصرت استدير وما أدري وش اسوي وبديت اصيح طول حلقي من شدت الألم ... فدخلت المطبخ صدفه ما ادري وشو له دخلته المهم وقعت عيني على القز ( الغاز ) الي نسوي فيه الغدا والشاهي لا كشتنا با المزرعة .... فأ شعلته وصرت أضع ذراعي وخاصة مكان القرصه ( اللدغه ) على النار وأحاول أتحمل الحرارة بأقصى ما يمكن ثم أبعدها ... وذابردت شوي رجعته مرة ثانيه وثالثه وهكذا ..... ولا أذكر كم مرة .... المهم انني بعد عدة مرات صار الألم يتراجع ويخف شيا فشيا حتى أنني صرت لا أشعر الا بحرارة نار القز ... فطفيته وطلعت بعدها فصرت احس بألم خفيف بحجم حبة الفصفص على ذراعي. وزال بعد قليل والحمدلله ... ثم دخلت بهاك الغرفه ونمت عقبة نومه عميقة الا هالحين طعمه براسي.
هذا موقف صار لي من زمان قبل الجوالات والأتصالات وحبيت أشارك فيه والتجربه خير برهان. والي يصيره مثلي ولا عنده قز يشب نار. وشكرا ... وعذرا على اني كثرت عليكم الخرط ولا عطيتكم الزبده على طول.

الحمد لله على السلامة

الله يسلمك وشاكر لك مرورك.

الله يسلمك وشاكر لك مرورك.

مشكور

الله يعطيك العافية والحمد لله على السلامة

الله يعطيك العافية والجمدلله على السلامة

موضوع مهم الصدز

الحمد لله على السلامة

كيف تجي هذي ...؟؟؟؟؟
عند الحراره ينتشر السم وبقوه ...
المفروض انك تضع ثلج في مكان الدغه من شان يتجمد السم ...!!!!

شاكرمرورك والآخرين ... يا أخ الوسام.
شكلك مو مصدق!!! لكن ... وش رايك تجربتي أو فرضك؟
وبعدين لا تنسى ... ان الحرارة تحل السم ماتجمده مثل الثلج.
وفرضنا لو حطيت ثلج وتجمد السم ...وش رايك بالألم ... تفرض يجمد ويروح ولا ما تفرض؟.

الحمد لله على السلامة

شاكرلك واللآخرين مرورهم.

أكيد رضحته رضح.:p:eek5

ما شاء الله عليك تصلح طبيب شعبي لكن

قولك قبل الجوالات والأتصالات يعني كم عمرك 101 مثلاً

شاكر لك مرورك وردك (((الموضوعي))) على موضوعي ياعاشق الجنان ... وهذي تجربة مرت بي غصب علي والي عملته كان لا ارادي ... لكني شفت له نتيجه فحبيت أشارك فيه كمجرب وليس (((ما شاء الله علي))) طبيب شعبي!!!
أما عمري ما دري كم بضبط ... لكن حتى ما يصير عندك شك بكلامي أبقولك شي ونت احسبه وشف كم!!!
الي أعرفه ان (((( البابمرز )))) ماطلع يوم أولد .... ولا عرفته الا يوم بديت اخدم نفسي وصار عمري تقريبا 12 سنة((الله ياجر اميمتي ... ومك وجميع المسلمين))
************************
وقبل الجوالات اكيد. والجوال هو الوسيلة الوحيده للاتصال في المناطق البعيدة عن المدن وبدونة مافيه اتصالات حتى الآن. والجوال ماطلع هاك اليوم .واذا الجوال طالع قبلك ... تراي دريت كم عمرك.!!!

الحمد لله على سلامتك . .

الحمدالله على السلامه لكن فيه طريقه افضل انك تجيب بياله وتحط فيها فاين او اي شي قابل للاحتراق بعدين تشب فيها نار ثم ضعها على مكان اللدغه ؟؟؟؟
راح تشوف ان الاكسجين خلص والنار طفت وتمتص مكان اللدغه وتسحب السم جربها لو مافيك الا العافيه راح تشوف قوة الامتصاص واستعد للدغه الجايه وشكرا؟؟؟

الحمد لله على السلامة

الله يسلم الجميع ... لا كن طريقة البياله ما هي فعاله دايم :ooلعدة أسباب ::
1- مدة امتصاصه محدود.2- لاتنفع مع الدغه في ألأصابع وهي ألأكثر عرضة للدغ.
3- لابد من تجريح مكان الدغه بمشرط وانت لم تذكر هذ ا.
لكن فيه عدة طرق لسحب الدم أحسن من البياله ... وهي قطعة لي (أو اي أنبوب) بعد تشريط محل الدغه وضهور الدم ضع احد طرفيه مع الضغط قليلا على مكان الدغه والطرف الآخر في فمك وشفطه بقوه أحسن لك من الشفط باالبياله.
وذا كنت تعتقد ان البياله افضل ونت ماجربتها مع اللدغه.... فأنا أقول ألي ( أو أي أنبوب وأنا ماجربتهم تراي ) افضل منها بكثير ... بس لا تنسى تجريح مكان الدغه لين تشوف الدم يطلع. وشاكرلك والجميع مرورهم.

حمدلله على السلامه ...

ماشاء الله تصرف سليم .. والحمدلله على سلامتك ..

ياحلالي.......مريد الله لك عمر ولا ترا مهب القز الي نفعك

وشكل هالغطسة الي غطسته غيبوبة مهب نومة
الحمدلله على السلامة
ولا تروح مرة ثانية للمزرعة الا معك احد

أكيد كل من سلم من شفي من مرض أو حادث شنيع ( مريد الله له عمر!!! ) سواء أخذ بالأسباب ألتي أمرنا الله بالأخذ بها لتجنب الأمراض أو علاجها أو تخفيف الصابات في الحوادث.

يعطيك العافيه

الحمد لله علئ السلامة ..!

مشكوررر