|
بينما كنا حجيج إلى بيت الله الحرام <أسلوب لايقاوم.. قصة حجتنا !
بينما كنا حجيج إلى بيت الله .. وكنت بصحبـة أختي وزوجة أخي .. وصلنا لمخيمنا في وقت متأخر وكان والدي قد استأجر لنا خيمــة خاصة من ظمن مخيم كامل يظم مختلف الاجناس .. أول ماوصلنا وقفنا لنا شوي ندور الخيمــة وندور وين ياناس حنا مستأجرين خيمـــة ولقينا كلش ممتلي أخر شي قامت ست الحسن والجمال زوجة صاحب المخيم قالت : واا خزياه منكم خيمتكم نايمات به الداعيات<<مكرمتهن على حسابنا !! تجولو بالمخيم لما يقومن ويطلعن قشهن ثمن تدخلون .. <بداية موفقــة , ياسلام حنا منهدين وتونا جايين هذا الاستقبال موب ذنبنا ان الداعيات نايمات بخيمتنا قال ايش قال تمشو بالمخيم .. هالمخيم ودكم تسمعون به ولا تشوفونه ثلاث خيام لو نبي نتمشى مالقينا لنا مفلحز .. وحنا نطوف على الكعبـة عفوا المخيم .. نزل الفرج قالو تعالو طلعن الداعيات ..يالله لك الحمد .. وقعدنا واستقرينا بالخيمة وجبنا لنا قهوة وتمر وسنع يالله من فضلك الا وتدخل وحدة قالت هذا خيمــة الـ..... , حنا ايه ياهلا ومسهلا < طبعاً مانعرفه بس الوالد الله يبارك فيه مجمع له ثلة طيبة من الناس يبدو مستكثر علينا الخيمــة هههه أمزح والله مااظلمهم نعم الثلة الطيبة وحنا نشرب الفنجال الثاني ولاي اغص ويطق باب الخيمة صوت عجيب >>هادي خيمة الــ , انا دايرة اجلس معاكم هو اصلن ابوكم دلني عليكم ..! يالله حيه يالله حيه < سودانية ولا نقعد شوي وانا ابد بالفنجال الثالث الا الخيمة ترجد انا مين .. وفي هذه الاثناء الاي اسمع احد برى يقووول هااي هزي خيمة الــ .. انا والله ابوكم دلني عليكم وجيت <<الاخت لبنانية .. هلا بالبنانيين كلهم شرفتي .. لا ونسيت اقولكم اللي اعظم من هذا السودانية انفة الذكر جايبة معه ضناهااااااااااا أصغر حاجة على مر التاريخ بنته توه طالعة من النفاس ومجيووبه لا اله الا الله <هذا اللي ناقص لا والاشنع من هذا كله اسم البنت الصغيرة مع انه سودنية الا ان اسمه مزنـة :eek:على كفيلته طيب الله روحه !! المهم ونقعد يومين والا تدخل علينا مرة ماتعرف تحكي عربي بس تفاهمنا معه بالاشارة ان ابونا كازه لنا عن طريق ولده يالله حي اهل الجزائر كلهم وه بس قسم الاخيرة عجوز طعمه تهبل عيونه زرق وبشرته مشدوده املح من لميييس <سيكو مادري قضو ولا بقى أحد نسيتــه !! طبعا الخيمــة بقطــة كبر أيدي بس مع ذلك له جمهور :d .. اللي ضاقت عليهم خيمتهم ويحسبون خيمتنا سبيل نقلو عندنا .! واللي يقربون لجد ابوي منول درو اننا حاجين وانفقت خيمتنا ونقلو لنا.. :090: وصارت خيمتنا حفلة كل بين مفرش ومفرش مفرش ونص المفارش طالعات على برى بالعراء طبعاً .. وطبعاً النازحين الجدد كل واحد ساحب له بطانية ومفرش وحنا يااهل الدار نصنا بالارض ومتقاسمين عباة حدانا نتغطى به ..ياحياة الشقى < ؟!, .. وحنا حليميــــــــــــــــن بهم ولا مب قصور(ن) بنا .. :p المهـــم قضينا من سالفة الخيمــة .. وبدت سالفـة المحاضرات .. وما أدراك ما المحاضرات.. وكان طريقة المخيم أنهم موصلين مايك لكل خيمــة وفيه شيخ معروف جداً مخيّم معنا وكلامه روعه ويستضيف ناس توهم مسلمين يقولون قصصهم ويصيحون مرة شي مؤثر.. وحركات ع مستوى عاد على الجانب الأخر به خيمـه كبيرة للحريم .. وبه داااااااااااااااااعيااااااااااااااااات .. وما أدراك ما الداعيااااات !! المهم مرة وحنا منسجمين نسمع قصـة شخص يرويها بنفسه وكلام رهيب للداعيـة المعروف .. الا وتجي صاحبة المخيم وتفصل المايك قالت لا تعالوا الداعية تلقي محاضرة بقسم الحريم..:026: طبعاً تصرفها غير لائق بس حنا عديناها ورحنا نسمع المحاضرة .. عاد ابقولكم وش فحوى المحاضرة اللي فصل المايك عشانها.. :oo ولا أنسى أننا اصيع ناس بالمخيم بما اننا ماحضرنا المحاضرة من أوله .. أستغفر الله .. الله يتوب علينا بس .! :090: بس يوم دخلنا وأثره تنصح عن المشاغل <!! ,, أعتقد أن الحج وقت عبادة وتذكير بالله موب وقت هالحكي.. قالت >> الداعيـة ..أن المشاغل مخيفات وحرام وانصح الحريم يفطنن لبناتهن من خطر المشاغل واذكر قصة بنت راحت تسرح شعرها بالمشغل ويوم رجعت صارت تستفرغ وأثرها طلعت حامل <بنفس اليوم؟! ,, طيب متى أضنت أولاه ؟! شكله من بكرى ! والله ياهي وناسه بعد ..كلكم روحو لمشاغل لاصارت كذا السالفـة !! :d :(:(:( وكملت حديثها عن حرمة وخطر المشاغل العظيم :( . . وأن فيه مشغل أسمه مشغل كذا وكذا وهو عبارةعن مجموعة عصابات يخططفون البنات ويفعلون بهن الفواحش !! < ياسلام ولا فيه حكومة ولا هيئة توقفهم تسوي شي!! الدنيا سايبـــــــــــة !! .. إلى الأن عادي ماقالت شي لكن المفجع بالأمر لما كملت كلامها >>أن اللي تبي مشغل مضمون 100% تجي للمشغل حقي وان اسمه كذا وكذا واننا مهنا زين شغلنا ورخيصين !!!!!!!!!!!!!!!!!!!!!!!!!!!!!!!!!!! :eek::eek: وأن تراه خلف الدائري الشمالي بمخرج خمس طعش عن يمين مادري وشو ثم وزعت كروت المشغل!!!!! أموت أنا على الدعايات واستغفال الهمجات <<سجع!! وقالت ابقولكم من القصص المؤثرة التي تحدث في مشغلنا< وتتوارد الدعايااااااااااات للمشغل .! أنه مرة جتن بنت قالت ابي مكياج حلو .. قلت له اذا تبين مكياج حلو انصحك بصلاة الليل .. تقول ان البنت طلعت من عنده يوم صار من بكرى أتصلت تشكرني قالت ياختي اني كل امس وانا اصلي الليل يوم رحت للجامعة اليوم مهنا أحد ما سألن عن مكياجي!!!!!! :096: وأني قلت لهم مكياجي صلاة الليل .! والى أخر القصص المبكيـة !! :eek5:113: بس ياخي غريب بلال مؤذن الرسول صلى الله عليه وسلم كل عمره يصلي ويأذن بالمسلمين .. ويذكرون أنه عبد أسود مع ذلك.! بس عاد أقولكم صدقوها لان بلال رضي الله عنه أكيد أنه من الشواذ.. :( والحرمـه أبخص.!:041: .. يتـــــــــــــــــبع بكرى أن شاء الله مليت وأنا أكتب .. لمّا تكتمل لكم السالفـة راح يتضح مقصدي من العرض هنــا .. :confused: |
.. |
انتظرك ؟؟؟؟؟؟؟؟؟؟؟؟؟؟؟؟؟ متحمسه
|
اقتباس:
هههههههههههههههههههههههههههه الله يحيك يابعد تسبد ايقاع الزمن أنتي :( مرة مشكورة ع المرور وشكله مايحتاج أكمل كملتي الحلقة الجاية من القصــة الله يهديــك :d لا بعد تلقي بالجامعات !! أوله وش كان ردة فعل البنات لما سمعن القصــة ؟! ودي أدري وين وصل الوعي ! بس موب الحين اذا كملت بكرى :i125 الف حياك الله ooo1 وقسمن أنك منورة |
.. اقتباس:
ـهههههههههههههههههههههههههههههههه ـهههههههههههههههههههههههههههه اما السالفه ذي بلحاله والله ياهي فله هالداعيه :113: اسلوبك رووعه واصلي :) بإنتظــار البقيه :) . |
الحج وماادراك ماالحج لي سنه حاجه وكل يوم اتذكر موقف جديد واموت من الضحك
الله يرزقنا القبول اذكر داعية ماتخلي احد يسهر وممنوع السهر اهم شي قدامي امراة مدرسة يعني شخصية و معه ثنتين جت الداعية وتنصحه تسولف حنا قدامهن بس ساكتين بفرشن جنبي وحده وحنا مهنا شخصية متغطين ونسولف شوي شوي ونشوف المسرحية الي قدامنا>>>>لاشفنا مواقف بعدين اقولك عشان ماتخرب الحجه ههههههه قالت الداعيه ناموا.... قالت مابنا نوم..... قالت الثانية الا بنا نوم وغطت وجهه بالبطانيه المدرسة طيرت عيونه عليه حنا يالبنات مت من الضحك قالت المدرسة مو تو تسوليفين الداعية ياخزياه شافتن ميتين ضحك اانفشلت وراحت بعده ماجت بس لاحظت تحاول تعرف من حنا بناته الله يحللنا منه بس بعدين طقين صداقه معه وقهوة بس هيبه شوي |
أيتهـا الساخرة :090:
كل هذا معقول :070: !! صادقة انتي !! عجزت استوعب .. <- عادي عادي كلمات متقاطعه :113: وبعدين وراه أبوك ماقال لنا عن خيمتكم :09: وإلا يدري انا مامعنا تصريح :013: <- فضيحة :113: آكملي أيتها المنسمة ! |
قصتك شي ! كملي أنتظر |
خخخخخخخخخخخخخخ ربي يسعدك :صراحه اسلوبك غطى على كل نقاط النقد كملي كملي :073 |
تميّــــــز <<من حضرتي:)
. على فطنات الأخت..:). أراسيل لو كنت بمكانكـ كان اترك فراشي لهالداعية عشان أروح لمشغله ويعطونن خدمات مميزة:) صدز ماعندتس نظرة ثاقبة ومستقبلية .. تقبل الله حجتكـ...<< . . حبيبتي أراسيل تسبدي مب سبيل الدلال تبرعين به بس عاد عزف تستاهل..!!! . |
الف شكراً لمن قام بمراسلتي بهذا الخصوص كتب الله أجره ورفع قدره
اقتباس:
ووالله النيات أنا ما أدخل فيها أنا أنقل واقع مشاهـد فقط |
..........
اقتباس:
|
هلا هلا هلا بأمي أراسيل :106: << :d ـههههههههههههههـ أهم شيء إني عرفت الموضوع من العنوان :072: بس لكل سرد نكهة خاصة :113: ياحبي لك بس أنتِ وأختك :080: المهم أنا جيت أوثق المعلومات بالصور وأهم صورة هي صورة مزنة :024: http://www.mm11mm.com/up/folder1/mm11mm_WBR3EbxkH5.jpg ومرة ثانية لاعمرك تقولين تسذوب :( |
اقتباس:
:eek: :eek: :eek: هوووووووووووووه وشو ذاا أسم الله عنـك من أنتي بنتـه ؟ :( وشو قسمــك ؟ :( <عجوز تخطـب ,,, حياك منور يا قلبـي أنتي ذكيـة وذكرياتيـة ooo1 تسلميــــــــــــن ياروحي بنتي أنتي |
يازينه يسلم قلبه اكيد وسعت اصدوركم مزون والله يانتي مدهشه |
الـتـتـمــــــــــة
((التتــــــــمة)) وكاني تذكرت شي أبرجع :d وأردفت قائلـة :d وأنه مرة جتن بنت تبي تفصل ثوب عاري مرة وأني قلت له خلين أنا أفصله لتس على كيفي .. وتشوفين وش يطلع .. ووافقت البنت صاحبة الفستان .:115:. تقول الداعية اني فصلته له كم طويل ومرة ساتر .. يوم اخذته البنت وراحت به للعرس كلن انهبل عليه قالو أنتي(( نجمة ساطعه)) بالعرس <أهم شي التصوير البياني أخس يالثقاافة ! هما كل الناس عارين وانتي الوحيدة متسترة صار شكلك ملفت وروعه فخم مرة !! :045: ثمن من بكرى .. مخرج خمس طعش صار فيه زحمـه وتوقف السير ؟ ليش ياترى ؟:01: >>أثر كل اللي حضرو العرس أمس جايين للمشغل يبي يفصلون مثل فستان (النحمـة الساطعـة) من زينه وغرابته ..!!! :113: (طبعاً مرت أخوي يوم سمعت سالفة المشاغل اللي ينصح عنهن واللي ماهي الا مقدمـه للدعاية للمشغل..! وصار من بكرى قالو لنا تعالو الداعية تحاضر .. قالت شكله اليوم المحاضرة عن الحياة الزوجيــة .. ثم تبي تقول يابنات قيسن الرز زين وحطن الما لاهوب كثير قوة ولا شوي قوة ولا تكثرن الملح .. وتراي ابيع بهارات من الزين بمخرج ست طعش !!) :113: .. من ضمن القصص الفلتات .. للداعيات.! قصة تقول ان العدسات حرام واتقو الله ومايجوز وكذا واني أعرف بنت والعياذ بالله تستخدم العدسات وانهن انفجرن بعينه :014: <حشى ولا قنبلــه قال انفجررررررن قال !! ;) عاد جت بنت من الحاضرات قالت لو سمحتي ان الشيخ الفلاني يقول ان العدسات مب حرام ..! ردت الداعيــة : هوووه :070: أنا قايله أنهن حرآآآآآآآآآآآآآآآم ؟<أحد توحش! أنا ماصيدي بس انهن يضرّن ,,:113: واردفت قائلـة : الله عارفن لك وشوله انتي سودا وتحطين عدسات زرق !! مايناسبك وع ..!!<بدا الغلط.! :i125 الزّرق للبيضان .. الله أعلم لو هو ازين عليتس الازرق كان حط لك زرق!!!!!!!! < أجل الله خلق ناس شينين وراه ماخلقهم زينين يا ذكيـه؟ .! <كلام مايقنع اي وحده فيه ذرة عقل من شد سذاجتــه ايه والقصــة الأكثر تأثير التي تشق الخشوووم وتستدر المدامع هي قصة البنت اللي حواجبــه كثار قووة مشوهاته ومحد يخطبه من شين حواجبـة :eek5 الى أن عنـّسـت وهي محتسبـه الاجر معية تصبغهن!! :eek: <حتى ياكبر أمره ماقالت تنتفهن تصبغهن!! وأنه مرة جا واحد يخطبـة وبس يناظررررررررره وانه ضاق صدرة قالت اكيد يتأمل شين حواجبي.. .. خصوصا يوم شفات حواجب الرجل اشخيطاات( رفيعات) مرة !! بس عيت تطاوعه نفسها تصبغ وتعصي الله !!..فأحتسبت الأجر يوم تزوجت تفاجأت بزوجها يقول لها اني متزوجتس عشان حواجبتس مرررررررررة معجباتن .. وأني مرةة متعقد من حواجبي .!,,<<ياناس اضحكو لمين بتلــه طبعا كلامها عامي مرة يضحك ثمن تخطم كلمة لغة عربية .!! والثقافة بالحضيض ماعنده اي ثقافة ولا مؤهلات أنه تصير داعيـة ! والغريب الانصات الشديد له والدموع الشخاتير من الحريم الكبار تأثر بما تقول لله درها!وأنا وأختي ومرت أخوي ماغير نتناظر وحاجرين الضحكــة شي مايخش العقل أبد .. واللي يقهر أكثر الفيش بتاع المايك المفصول عن الشيخ اللي على سنـع .. عشان أيش .. عشان الداعيات .. هذي دعوة !! أقولها صريحــــــــــــــة ذولي مايخدمن الدين الا يضرّنـه ومن هذا المنطلق .. أنصح أي وحدة تشوف داعية بهالشكل أنه توقفــة عند حده.. وتقف بوجهه بالادلـة القاطعات وله أجر ترى <<قولي قسم؟ قسم ذذذذذذذذذذ كلمــة أخيرة ياناس أتقوا الله بأنفسكم يا أما أدعوا إلى الله على بصيرة وعلم وبحكي منطقي وقصص واقعيـة ماتخالف العقل ولا المنطق ولا أسكتوا اتقو الله بالحريم اللي صافات قدامكم مايدرن وان الله محطهن والبنات الصغيرات اللي عقولهن على قدهن هذا أسمّـيه تظليل وتهميش للعقول يُشعر أي شخـص بالتناقض والريب وتجلب الفساد أكثر من ماتنفع هذا ان كانت تنفع بحال من الأحوال ..! :oo قسم بالله لو يسمعهن حدى الليبراليين أن يجعل منهن فاكهة المجلس ولا يلاااااااااام ..! مادري متى الحريم يبي يصيرن أكثر وعي وعلم ومعرفة شرعية وثقافة .. ولا أعمم ... ولا أخفيكم أن نسبـة 90% من الداعيات (النسوان) اللي أطلعت عليهن اوسمعت أحاديثهن للحين على الاساليب القديمة اللي اثرها مايتجاوز عتبة الباب هذا ان صار له تااثير لان عقول الناس الأن اكثر ثقافة ونضج من السابق!! والسلاااااااااااااامـ على من أتبع الهدى :d |
شكرا لك اما داعيتكم هذي غير الله يصلح الحال |
أضحك الله سنك يانجمة ساطعة في سماء بريدة ستي :)
أجل اقتباس:
. اقتباس:
فالداعيات الله يسلمهن المفروض مب بس يناظرن لنفس الوقت بس والساعة الحاضرة - وهذي مشكلة الحريم- انتي تكلمين بااسم ديـــــــــــــــــــن وقدامك ناس تختلف عقولهم يعني يعرفون الصح والغلط .. وقسمن وحدة تقول شفت دكتورة بجامعة بالرياض تلقي محاضرة والله انه غييييير تهبل وبس تمدح به من شد مدحه له تقول كأنه من هذولا الاوربيين اسلوبه يجذذذب :) <<هذي نهايته مع هالعاميات ..!!! . <<طولت سوري أراسيل .:) . شكريات مرة اشكررررررررررررتس لان خاصتن هالموضوع محمين تسبدي ... |
مشششششششششششششششششششاالله شكلة مهستره وخفيفة دم الله يخليها لكم |
[QUOTE=أراسيل سلمان;1355775][CENTER][SIZE="5"][FONT="Traditional Arabic"][FONT="Traditional Arabic"][COLOR="Teal"]
[وحنا نشرب الفنجال الثاني ولاي اغص ويطق باب الخيمة صوت عجيب >>هادي خيمة الــ , انا دايرة اجلس معاكم هو اصلن ابوكم دلني عليكم ..! يالله حيه يالله حيه < سودانية خخخخخخخخخخخخخخخخخخخخخخخخخخخخخخخخخخخخخ أما السودانيه شي تخيلت شكله خخخخخخخخخخخخخخ بس يوم دخلنا وأثره تنصح عن المشاغل <!! ,, أعتقد أن الحج وقت عبادة وتذكير بالله موب وقت هالحكي.. محاضره عن المشاغل باالحج الحمدلله والشكر صدق ترحموووووووووووووووووووون تشكرات على الموضوع |
والله ياهي مهتسره هالداعيه عفوا اقصد الحرمه الموهقه شكله قاريتن له كتابين همن سمت نفسه داعيه الله يصلحهن بس اما سالفتس خياال بسم الله عليتس احسنتس بنت فله هع اقول يا ام مرسال عنديلتس رااي حكيم وراه ماأبوتس يصادق ابوي همن نحج جميع <<أقتراح مهبول ولا هع ياحبيلكم حجن مقبول يالحبيبه وجغفي لي مزووون هماه هع |
ههههههههههههههههه
بصراحة فففففففففففففففففففففففففله |
ـههههههههههههههههههههههههههههـ << له يومين تذكر سولافة للدعية وتضحك، المبررات لحاله اللي تحمل واللي تنفجر عينه !! البلى انه في ناس متقبلة للي تقوله وتصدقه بكل حذافيره!! وللأسف حتى فيه دعاة نفس الفكرة يطلعون لك كل يوم بالقنوات وكثير متابعينهم ..:/ * على طاري الداعية فيه بنتين -الله يذكرهن بالخير- قالوا لصديقاتهم يوم الاربعاء اذا جينا السبت ميزو بيننا من اللي صلت الليل ومن ما صلت << الاجمل اكيد هي اللي مصلية !! اراسيــــــــل~ تسلم لي هاليدين اللي كتبت بصراااحة كفيتي ووفيتي ،، |
اقتباس:
الله يقلع عدوك ياختي رهييبه حجتكم لا والداعية اللي شكله عنده شهادة دورة بطريقة اختيار المواضيع هذي مثل اللي تسوي مسابقات ومحاضرة بعرس <<على قولتك سيكو |
اقتباس:
منووووووووووورة |
اقتباس:
آآمين الف شكراً ع التواجد المستمر :p |
هههههههههههههههههههههههههههههههه ..
هين انا من امس يوم الخميس... اللي راح قصدي يعني من زمااااااااااااااان .. ميتة من الضحك وعجزتن اصصدق ان فيه ناس كذا .. مدري يمكن محد بدا يسمع لهم ومير انهم يطيرون للحج .؟!! او وشو .... معليش يعني ابد عجزت اصدق... ابموت انا ,,,, اما هذي اللي كلن يسأله عن مكياجه ,,, هذي لحاااااله غيرهن كلهن .. .!! انا بعرس احد بروح ... قلتي بأي مخرج ؟؟ نسيت .!! |
يا أنتِ فلَّة بعد يا آراسيل ..هالتحفة هذا ويني عنه.!
بصراحة بعد ماقريت المقطع الأول تمنيت أن تكون القصة مفبركة منك وفي المقطع الثاني تضعين الأسباب ولكن الفاجعة أن ما قلتيه ما هو ألا واقع مُر.! الحقيقة ...أنا أبكتي وأثرت فيّ حكاية اللي حملت بنفس اليوم:113: ماتقي تسدح الطريقة وتفك الحرمَّا من مرارة الأنتظار:113: تتقي الله بالحرمَّا اللي صافات وبكرى يطلع يفتن على حسابه, صحيح بعض المشاغل فيها مخاطر بس ماتصِل لـ هالسذاجة ذي.. لا واللي أضحكني حتى أدمعت عيني أن مشغله أطهر مشغل بالسعوديَّة: ( وأم حواجب حكاية خاصة لا تقل عن صاحبتنا اللي صارت نجمة الحفلة.:113:وأم صلاة الليل:s تبي تنصحي.أنصحي والله بنكون كلنا معاك بس تكلمي بشيء يدخل العقل , بشيء يدل على تعمقك في الدين وليس يدل لـ غبائك في الدين ونشك في نيتك أنك فقط أخرتي هذا التوقيت حتى تروجي عن مشغلك أمام الحشود و بالمجان بعد.! يا هي بعد تصف عقول الحريم مع الأسف.! يا آراسيل لو فعلتن خيّرًا بكن وبنا وتركتن حفلتها غير مأسوف عليها...حقيقة جعلتنا نشكك في النوايا وقد تكون سبب في نسيان البعض أنهم في حج ويستثمروا ساعاتهم.. آراسيل تقبل الله..والله ياجرنا بس على هالعقليات. وماتحجون السنة اللي تجي حتى أغدينا نشوف أبوكم ويستضيفنا:113: واللي ع الخاص تكون هي متنقبة:أأع: |
اقتباس:
الف شكراً يابعد الداعيات كلهن أنتي وأهم شي سبب التعديييييييييييييييييييييييييييييييييل :d أضحك الله حنكتس يابعدهم |
هههههههههههههه سالفتك صارت صدق وأنا توقعتها مقلب والله ياعليس أسلوب شي! حجة مقبوله, |
هههههههههههه والله يانا بتلت اضحك
لا وتعليقاتس بالموضوع يجنن اتخيل اشكالكن وانتن تناظرن ولا تقون تضحن عادذي انواع المعاناة الله يوسع صدرتس مثل ماوسعتي صدري ونحتري القصه الثانيه |
هههههههههههههههههههههههههه
الله يقطع بليسس:d:d:d:d:d:d:d:d |
اقتباس:
:eek: :eek: منهي هي طيب ؟ وحياك خيتو |
[quote=كنز الألوان;1358782]
اقتباس:
الشكر لتس ياروحي منورة قسمن حيااك |
اقتباس:
قصدي منشورات :d والخيال يكتمل بحضورك كوني قريبـة كل ابو دايم ياحبيلك نورتي وشرفتي وانستي |
وش اخبار اراسيل ماطاح الي براسك هههههه
|
اقتباس:
|
اقصد البنت الصغنونة
|
اقتباس:
تسلميـــــــــــن :d ومشكورة ع التوضيح |
اراسيل ..تحرين حجك مقبول غربل الله عدوك ..
عاد الشبتسه تعير المنخل....هالكلام تراه مهب لتس" لي " والله لو اقص عليكم قصة حجنا تسان تقولون بحل يابو اراسيل..حجنا تبع حملة"اهالي القصيييييم" الله يذكرهم بالخير الصراحة نكته تبون مقتطفات من الحج ؟؟؟ ردوأ وانا مستعدة..فاضية بهالعطله |
اراسيل ..معليش اسمحيلي تطفلت على موضوعك ..بس الصراحة انه رهييب وذكرني بحجنا له 6 سنين والا هالحين اضحك لاتذكرته
|
.
ـهههههـ ,الله يقلع ابليسه ههههههه نوكته صراحه هالحرمه :113: دمتي ودام لنا اسلوبك الراقي..~ |
أيتهـا الساخرة
|
رائع خيتو اكملي ...................
بس ياخي غريب بلال مؤذن الرسول صلى الله عليه وسلم كل عمره يصلي ويأذن بالمسلمين .. ويذكرون أنه عبد أسود مع ذلك.! (( ولكن كان نور الطاعه مبين عالوجه )) |
اقتباس:
ايه خوذي وخلي :d حياك قسمن منورتن بالحيل أهم شي أنه اجمل يعني تتغير اشباهه؟ :d طيب نبي نجيب كافر مزيون ومسلم دميم الخلقـة هل نقول الكافر مصلي الليل والثاني ماصلى ؟ ياربيـة بس:075: |
اقتباس:
هههههههههه ايه ياكثرهم اللي يسوون محاضرات بالعروس عن عذاب القبر ومابعد الموت :d منورة ورب الكعبـة |
اقتباس:
تراه هو منوره ياقلبي |
اقتباس:
.. آمين ... كلامك روعه والله كل ابو دايم مري علينا اولااااه :p ووشي اللي على الخاص متنقبة ؟ آآع ؟:rolleyes: وضحي يارعاك الله :cool: |
اقتباس:
ايه صدق وبدون مبالغات هذا الواقع المؤسف الله يخلف علينا بس او أقول الله يخلف بنا :d تقبل الله منا ومنكم تسلمين على هيك مرور خنفشاري |
اقتباس:
وأجمل شي بالحياة عندي هو ادخال سرور على قلب مسلم آمين وياقلبي التكمله تلقينه بالصفحـة الثانيـة :cool: |
اقتباس:
|
اقتباس:
هذي قناعات ووعود وايمان راسخ لا يتبدل :d |
اقتباس:
هههه ايه بنوته ولا كل البنات ياقلبس بس مشكورة نونه |
اقتباس:
وايه حياك عطينا قصـة حجكم يااما هنا او بموضوع خاص عشان كلن يقراه وينتبه له :d |
اقتباس:
|
اقتباس:
تسلمين ياروحي الرقي مايكتمل الا بتواجدك خليك دايم بالقرب :p |
اقتباس:
ثانكس |
هههههههههههههه
اسلوبك مضحك تقطعت تسبدي من الضحك:d اوما محاضره المشغل موووت ياحول عطين اسم مشغل (الداعيه) ماودي اكسر خاطره:oo خلينا نفرحه ونروح له >>>>على احساب مين ياما ما هههههههههه:d الله ذكرتين بأيام الحج صدق فيه تعب بس والله متعه:rolleyes: تقبل الله منك ياوخيه: 12 |
اقتباس:
الله الله يابعدي يسلموو اقتباس:
تسلمين على المرور وأحلى ضحكـــة ياقلبي تشكرااااااااااتي |
حــــــــلوههههههههههههههههههههههههههههههههههمشكوره ياعمري
|
^^
أنتي الحلوووووووة والله |
أسلوب رائع وين انا عن هالموضوع منذ مبطي .. من جد ايام الحج فيها تعب بس المتعة فيها عجيبة سبحان الله .. بس لي عتب صغنن اسمحي لي حبوبتي :p حكيك بالداعيات خطأ صح فيه منهن من تخطي بس هن مجتهدات ولهن أجرين بإذن الله ومايمنع اننا ننتقد بس احياناً الاسلوب يكون فيه قسوة "تطنز" مالها داعي! .. تمنيت انك بعد ماأنتهت المحاضرة تكلمتِ مع الداعية - على انفراد - ووضحتِ لها وجهة نظرك علشان تبتعد عن هالخطأ اللي ضيّق صدرك وتوجرين ان شاءالله .. وبعدين انا دايم اسمع من البنات حكي وهمز ولمز ببعض الداعيات وانهم يخطون ووووو والله اني اتعجب يعني الدنيا مافيها الا هالأخطاء علشان نخليها سالفتنا الدنيا كلها أخطاء مو بس الدعاة اللي يخطون تلاقين رجل متعلم ومثقف ويجيب لك هرج كأنه ابو 8 سنوات .. وبالنسبة للكلام العامي الداعيات حبيبتي مو كل اللي يخاطبونهن متعلمات يعني تلاقين بالمحاضرة الحريم الكبار أكثر من البنات فكيف انها توصل المعلومة لهاللي جايات يبغن الخير , صحيح انه أفضل انها تتكلم بالفصحى بس الأهم انها توصل لقلوب الموجودين وتوصل الفكرة بأي لغة كانت .. شكراً حبيبتي.. تقبلي مروري العطر<<توها متروشه:) : 12 .. |
الحبوبــة ماتهاب اقتباس:
اقتباس:
اقتباس:
بس مايعني هذا أني أوافقك إلى ماذهبتي إليـه ياحبيبتي أنا ماتطنزت بالمشايخ لأن عندهم علم .. وفعلا يحق لهم الإجتهاد ومن يجتهد منهم وبخطئ له أجر ومن يجتهد ويصيب له اجران لكن اللي ماعنده علم ما يحق له الإجتهاد!! واللي يفتي بغير علم هذا آآآآآآآآآآثم والله أعلم وين مكانــه بالاخرة الله يغفر له بس !! وأم انه تقعد تحرم وتحلل على كيفــه .! وتسمي هذي دعوة فلا وألف لا ..! ماتقوم به هو منكر يجب انكاره ودحررررررره بكل السبل والوسائل ولثقتي أن هذه التصرفات لا تمد للدين بصلة ومافعلت الا لجهل مرتكبها وبما أن المشكلـة تعود وتتكرر وتزيد وتتفاقم وبما أنها(( تخص أمر عظيم بل أعظم أمر)) كتبت الموضوع للبنات وكتبته عن قناعـة تامـة بما أقوم به وأعيد وأكرر يا أما تتدعو إلى الله على علم وبصيرة وحجــة وبدون تسذب واستغفال للعقول ! والا تسكت نحن غير مجبرين عليها عندنا علماء ومشايخ كبار.. وأنا شخصياً رغم جهلي وقلـة علمي الا أني أفوق أغلبهن أن لم يكن جميعهن<اللي أعرف وشفت ...>> علم ومعرفـة ووعي ! (ليس لثقتي وااااااااااااالله بما عندي .. ولكنها لثقتي التامـة بجهلهـــن وماليس عندهن ) أقرب شي يقال عما يرى في المجتمعات النسائية أنها مهزلـــــــــة تقوم بيد من لا يميز الحق من الباطل وهو يمثل الدين العظيم !!! ترضين شخص كهؤلاء يمثل الدين ؟!!! ترى هم مايمثلون أنفسهم او يمثلوني أنا أو أنتي.. هم يمثلون شرع الله !!! شرع مين ؟ شررررررررررررررررررع الله .. وهذا أمر عظيم لا يتكلم عنه ولا يفتي الا من كان له علللللللم مبحر فيه اقتباس:
يا أختي أي خطأ بغير الدين خطأ مغفووووووور وعز الله ضعنا اذا أحكامنا الدينية أخذنها من جهلــة وتحقق شرط من شروط الساعـة الكبرى والله المستعان اقتباس:
اقتباس:
الشكر لج موصول وقسم منورة وأشكرك كثير ع المشاركـة عشان أقدر أوضح لك شي مما أراه حق وجل من لا يخطئ |
..:).. حبيبتي اي أحكام تتكلمين عنها انا ماأشوف في موضوعك احكام الا سالفة العدسات وفعلاً العدسات الملونة"الزينة" تكلموا فيها بعض المشايخ وقالوا انها ماتجوز والله اعلم , وبعدين يالغلا من قال اننا ناخذ الأحكام من دعاة الأحكام الشرعية شي والدعوة شي ثاني الدعاة يحتاجون لعلم وهذا امر مايختلف عليه اثنين ولكن مو مثل حاجة العلماء من مفتين وقضاة وغيرهم ولو كانت حاجتهم للعلم واحدة لما فصلوا كلية الدعوة عن كلية الشريعة .. حبيبتي انا ماأنكر ان بعض الدعاة يضرون الدين من حيث لايعلمون ولكن هذولا قليلين ومو أي أحد بغى يصير داعية راح لمسجد والا راحت لدار ومسكت المايك ونصحت لا المسألة مو لعب والا كان ضاعت الطاسة .. وبعدين يالغلا انتِ الله يسعدك عممتِ بردك كل الداعيات انهم ماعندهن علم وووو انا استغرب كيف تقولين هالحكي بس أنا ماأدري عن وضعكم بالقصيم فـ الله اعلم بــ الداعيات عندكم .. حبيبتي ياليتك "للمرة الثانية أقولها:p" مكلمة الداعية ومنكرة عليها هالأخطاء اللي شفتيها .. مشكلتنا اننا نشوف الأخطاء وننكرها بقلوبنا ومانقدر نتكلم على المخطئ أحياناً حياء وأحياناً نقول ماله لزوم اروح وأحاكيها منها تقبّل ومنها ماتقبّل (وهذا اللي يزيد البلاوي عندنا ويزيد قهرنا:i121 ..) .:)... |
اقتباس:
نا كتبت مقتطفات من كلامها ترى مانقلتـه نصا وماخفي كان أعظم وهذا اللي حضرته .. وبقي اللي ماحضرت !! ولو لاحظتي أني ماعممت انما قلت الداعيات اللي شفت وعايشت فقط وراجعي ردي ياحبيلك ثانيا وش انبهها عليه أقولها أنتي كلك غلط بغلط ؟! يعني موب به شي أقدر أعدله هذي مرة كبيرة خلاص تربت كذا ستين سنــة وهي على هالطريقـة أجي أنا بلحظـة أغيره؟! او أصحح مفاهيمــه .. الغلط على اللي ولاها .! وتحس أنه صح وكلش مستحيل تتغير ! وهذا برضوه مايمنع من مناصحتها لنفسها فقط وبراءة الذمـة .. ننصحها ليش لا:rolleyes: ؟ وأنا كمان ابغير البنات اللي أقدر عليهن :) ثالثاً ياخيتي أنا أحاكيك عن واقع شفناه بعيوننا وأظن أغلب اللي ردو برضوه شافوه ! وللمعلوميـة الداعيـات يفتن موب بس دعوة !! تحرم وتحلل حتى بعد المحاضرة الحريم يسألونه هل يجوز ولا مايجوز ولا تحقر نفسه تجاوب !! وحتى القصص فيهن مخالفات دينيــه وفيهن فتاوى مثل اللي ماصبغت حواجبـة وكل القصص الغرض منهن التحريم ! وهذي فتوى ! تكذب في سبيل الدعوة ؟ متى صار الكذب حلال ؟! يعني هل ممكن هذي تصير قدوتنا ؟! وهذا البلى انه ماوصلت مرحلـة داعية تاصل مرحلة مفتيـة عاجبـك اللي قاعد يصير والله الحين عندنا نفور كبير من الداعيات لهذا السبب وهذا والله اللي شفته يعني شي يقهر :oo أنا منب ضد الدعوة بلعكس لو فتح لي المجال مستقبلا ماراح أتردد بالدعوة لكن بعد أن اتأكد من((((((((((((((((( أهليتي)))))))))))))))))))) لها هذا أمر عظييييييم عظيييييييم مو أي شخص مؤهل أنه يقوم به :) مو أي شخص يحق له :rolleyes: عندي كلام كثير جدا لكن أكتفي بهذا |
كلامك حلو حبيبتي بس انا أغلب استاذاتي بالجامعة داعيات ولهن محاضرات داخل وخارج الجامعة وبالعكس كلامهن مره حلو ويتقبلن الإنتقادات عادي , على سبيل المثال<<:115: رحت مره لوحدة منهن معروفة داخل وخارج الجامعة وأنتقدت شي صار وهي المسؤولة عنه وكانن البنات مخلياتها عندي وحش وكنت شايلة هم لمقابلتها بس اقسم بالله عسسسسسل والله انها راحت بنفسها تتأكد ماقالت هذي طالبة كبر بناتي واعطيها وجه ! هذا غير اسماء معروفة مثل رقية المحارب وأسماء الرويشد ومشاعل الشثري وغيرهن كثييييير [وهذولي اللي انا اتكلم عنهن] ولو حضرتي لهن محاضرات انا متأكدة انك بتعذريني لدفاعي عنهن:41 :045: .. و الداعيات اللي يفتن هذولي حبيبتي أتوقع ينقلن كلام العلماء وشغلهن عادي يعني أنا لما يجيني احد يسألني عن حكم أعرفه ومتأكدة منه 100% بسكت!!.. لا أكيد بنقل له رأي العالم اللي سمعت له .. وبعدين حبيبتي بالنسبة للي ماتشقر وحواجبها أعجبت زوجها أحس السالفة عادية ومقبولة وياااااما من الحريم اللي متعقدات من شي ومعجب رجالهن حيل<<هذا اذا كنتِ تحسين السالفة كذب من هالشي , اما ان كان قصدك بالكذب عن حكم التشقير وانها أفتت فيه فـ أتوقع انه مايخفاك خلاف العلماء في حكم التشقير ؟!! ^ ^ حاولت أفهم قصدك من الكذب بس ماأدري أنا يم جادة والا :065:..! (بالنسبة للتعميم حبيبتي عدلتي ردك وانا رديت على ردك قبل التعديل:p) عموماً غلاتي إختلاف الأراء لابفسد للود قضية .. الله يهدينا ونصير داعيات لو عند البويب<<:113: :045: |
لا ماعدلت ردي على شان أغير شي منه ولا غيرت انما اخطاء املائية أصلحتها فقط !!! تأكدي بارك الله فيك
انما أنا أقصد كلامي بالصفحة رقم اثنين قلت ان مو كل الداعيات وراجعي الرد .. ومن ناحية الاسماء اللي ذكرتي أعرفهن ونعم الداعيات وهن من القلـة اللي استثنيتهن من الحديث .! وهن فعلاً قدوااااااااات !! ومن ناحية الفتوى اللي تقولين أنهن ينقلن كلام المشايخ لا هذا مو صحيح انقلي كلام الشيخ صح ونصا ومطبوع ولا لا تنقلين لانك ممكن تكوني فهمتي عكس المراد انقلي الواضح فقط ولا أظن اللي تكلمت(أنا) عنهن ينقلن كلام مشايخ لان مافي شيخ يقول كذا !! |
[size="4"][center][b]
الله يصلح الأحوال !!!.. عموماً الله يقبل منا ومنكم<<صح النوم.. |
آمين
وتشكراتي على الحوار الجميل ياجميل |
انا كنت مارة على الموضوع .. ولفت انتباهي نقاشكم .!
وحبيت اضيف شي من عندي:i125 ,, والله لوبيدي لاعلنته بقناة اخبارية ,! انا طالبةبكلية التربية الادبية ببريدة ,, متخرجة العام .. ودرستنا دكتورة كان تخصصه الادب( مادة ادب الاطفال) معروفة ودااااااااااااااااعية مقدسة الاشوي ... انا كان مرة يعجبببببن مرة كلامه ومرة ماادري شلون تبالغ شوي , المهم .. انه مقدسة الا ثانيتين ومرت الايام والشهور .. وبدت السنة بعد تخرجي المهم اني جزمت ابقدم على الماجستير ,, لو محاولات بس كان لازم اوراق تزكية من دكتورتين من نفس التخصص ...! ويالله عاد موتي ومن بيعطيك :eek5 انا من حسن الحظ لقيتن عندهالدكتورة اخذه ممتاااز بمادته ورحت اقوله ... يعني موقنة الا شوي انه بتعطين ... لان سمعته وكذا ولانه متدينه ,,, (( السلام عليكم دكتورة :),,, لو سمحتي انا طالبة متخرجة العام وانتي درستين مادة ادب اطفال وابي منك تزكية ,,,.!! :rolleyes: اول شي النظر لاتفوتكم :oo... ساعة تفحصصن تقل تفحص خضار من محل الخضر ة... همن قالت معليش يا اخت :..... انا مااذكرك !! مااقدر اعطيك تزكية .!! قلت طيب انا اخذه عندك ممتاز .!!! قالت هي مب على الدرجة ....!!!؟ لايفوتكم اجل وش عليه :i125.؟!!!! قلت شلون يعني:confused::bad .؟ قالت انا مااعرفك ولا ادري شلون طريقتك بالتعامل وكذا ... هل انتي شاركتي بأنشطة المصلى .؟؟؟؟؟؟!!!! قلت الصراحة لااا , قالت اجل مااقدر .!!!!؟:eek: قسم بالله مااقدر اوصف لكم وش جان من مشاعير كثير ة .... جدا يصعب على قلبي الصغير بحجم يدي الصغيرة حملها ..!! < .!:bad:eek5:061: قلت شلون كذا يعني ... خلاص يادكتورة يكفي انك ماشهدتي علي بشي شين .. تكفي شهادة حسن السيرة والسلوك من نفس الجامعة .!! ليش لأ.! قالت مااقدر انتي لم تشاركي بأنشطة المصلى حتى اعرفك .!!!؟ ولا كد شاركتي بالمحاضرة ياناس ... محد مصدقن ان محاضرته سرررد الا اللي درس معنا والردود تقال من كل جهة وماتدري من هن البنات الا اللي مرتزة قدام وجهه بس ,! قسم بالله قلت انا .. يعني لازم اشارك بانشطة المصلى والا لااااا ؟ مافيه تزكية مجهودي وتعبي .؟ دراستي رحت لاني ماشاركت بالمصلى ,!؟ قالت : ا ممم تلعثمت همن قالت لا لا اقصد انك لم تشاركي بالمحاضرة . ومثل ماقلت اسلوبه سرررد قلت شلون يعني اجل معناه كذا محد معطين اذا هي على المصلى ومدري ايش.! قالت : اذهبي لرئيسة القسم وكلمي الدكاترة من الشبكة يعطونك .!!!!!!!!!!!!!!!!!!!!!!!!!!!!؟؟؟؟:eek::eek::oo << هذا اهم شي ...! عجزت استوعب ان هالكلام يطلع من انسانة زي ذي .!! بالاخير تقول انا حرام اعطيك روحي للدكاترة يعطونك ...!؟؟ كل اللي راح يهون عند ذي ,.! هذا غير ان الكلام نصه لغة عربية ونصه سواليف .... قال ايش قال دكتوراه بالأدب.!؟ اجل انا من الكبيرات بالسن عشان افهم كلامه هاه .؟!!!!!!! اعوذ بالله .! ـــــــــــــــــــــــــــــــــــ ماتهاب ... اراسيل معه حق في كل اللي قالته واذا انتي ماشهدتي عل احد بشي لاتفهمين الموضوع من الجانب اللي تبين انتي وبس هذا هي كتبت الموضوع ووافقوه كثيررر ومن ضمنهم موقفي هذا ,! |
اقتباس:
طيب حبيبتي ليه معصبة:confused:!! هذي وجهة نظري انا ومالها دخل بالماجستير تبعك ,,, وانا ماأجبر أحد انه ياخذ بكلامي ولا أجبر نفسي اني أقتنع بكلام غيري ... خلاص عزيزتي الداعيات مايعجبنك بسلامتك بس أهم شي لاتعصبين ترا الدنيا ماتسوى:oo .. : 12 |
هههههههههههههههه اســــلووووووووب راااااااااااااائــــع تــــحــيــــاااتــــي لـكــ |
كوكاو سايل
فعلاً أسلوب ماينبغي الله يهديــه بس اذا هم ماوقفوا معنا من ياقف ؟ مايضيع شي على الله ولا أخفيك بصراحة تصرفها اذا هو دقيق ففيه تزمت مقيت الله يغفر لها بس ماتهاب حياك للمرة الأخيرة وكل واحد يصلح سيارته حصل خير ياجماعـة رياضية دلع هلا وغلا ويسلمو ع المرور الجمييييل ياجميل |
اقتباس:
معليش ردي ... جاء علطول بعد الموقف الانف الذكر .. وصارت الحرة بك .!! اسفة .! صح هي وجهة نظرك ... .! واكيد انا مااقول شي ,! وحنا مانقول الا كل الدعايات كذا عشان تقتنعين غصب و العكس.!! .. هذي مواقف حصلت لنا ... سواء صدقتي واقتنعتي اولا .. في النهاية تبقى حقيقة .! .! |
| الساعة الآن +4: 04:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.