|
محطه خط القصيم وما ادراك ما محطه خط القصيم
السلام عليكم ورحمه الله وبركاته حياكم الله وانا راجع من الرياض وقفت بمحطه خط القصيم (كلكم تعرفونه) فذهبت لدورات المياه (اكرمكم الله) فوجتهن في قمه الوصاخه فياليت يكونن دورات مياه منظفه والبيان خربانات والماء ضعيف فالذي عنده علم من راعي المحطه يحط رقمه هنا او اي عنوان عنه ارجو التفاعل ................ جزاكم الله خير |
والله ياخوي اكثر حمامات المحطات كذا
اعتقد لو اعيد اصلاحها راح تتكرر المشكله لأن فيه ناس يستخدمون الشي بلا ضمير ولا ذمه . جزاك الله خير. |
وعليكم السلام والرحمه , نسيت ارد السلام ,
|
يرجال .. جلدن موب جلدك جره على الشوك .. << مـاله دخل :)
|
. وعليكم السلام ورحمة الله وبركاته . |
. ولاا / اشكرك علىا مثل طرح هذه المواضيع والله لايحرمك الاجر... بصرااحه كنت بكتب عن هالموضووع {دورات المياه}اكرمكم الله وابيهاا حمله على مستوى المنتديات بس داامك كتبت فبموضوعك البركه ان شاءالله والله ينفع به ثانياا / سمعت كما سمع غيري انه طلع قرار بتخصيص {عامل} لتنظيف المسجد مع دروة المياه التابعه له والله فرحت فرحه كبيره بخصووص هالشي بس كعاادة القرارات السعوديه تشكيل لجنه للقرار ثم يشكك به ثم يعتمد ثم يدور العامل ثم ..ثم ..ثم وردد ياآآ ثاالثاا/ اتمنى من الاخواات وانا وااحده منهن ان يهتمن بمثل هذه القضيه لاني مااتوقع فيييه قرف مثل قرف دورات مياه النساء لامن نااحية لاصاار الوااحد مساافر ولامن نااحية الاسوااق شي يقهررررررر {قسم بالله انه تنحمس تسبدي لما ادخل واشوف القرف شي مو معقول!!! لهاالدرجه الوحده منا تنصلخ منها جميع القيم والنظافه بالله لوهي دروة مياه بيتكم بتسوين هالشي...ماظنتي..ديتول- وتعقيم- وتعطير- بس مثل مايقلوون جلد ماهوب لك امشبه علىا الشووك } تراه امااااانه في اعنااقتسن يااخواات رابعاا \ والله ودي اقول كل اللي بخااااطري...بس ان شاءالله البركه باللي بيرد بعدي ..... وتنحل القضيه ونشووف شي بمستوىا ديننا اللي اصلاا يامرنا بالنظاافه ..... وشكريا ت . |
، نحن بحاجة إلى وعي المسافرين ... هذا الذي نفتقده ... . |
أعجب ممن يقول ( وعي المسافرين ) حقيقة نحن نطالب بشيء مفقود من الاساس .
الحل يا أخوان تطبقه أكثر الدول المتقدمة ونحن للاسف لم نطبقه . ببساطة تفرض قيمة معقولة وهي ريال واحد لكل من يريد استخدام دورة المياه وليس المغاسل . في تركيا مثلا تدخل الدورة وتجدها نظيفة جدا ويوجد مناديل وكولونيا وجميع المستلزمات التي تخص الحمامات . ويوجد رجل يأخذ ضريبة . العامل الذي يأخذ الريال مثلا هو المسؤول عن نظافة الحمام لأنه سيكون موجودا طيلة اليوم وينوب عنه غيره في الليل حتى الصباح . وفي المقابل سيكسب المال . ونحن سنكسب النظافة . ومن أبى فليقضي حاجته في البر . بعض الأعضاء سيعجب من هذا الاقتراح ولكن كل العجب أن نطلب من الذين لاوعي لهم أن يعوا . |
اقتباس:
مشكور على الموضوع الرائع :41 |
مافيه امل يزين شي راعي المحطه مادام البنزين شغال والبقاله شغاله ( طز ) بالباقي
|
حسب معلوماتي عن المحطة لكثرة تردادي
فإن الدوراة نظيفة أكثر من جاراتها وأن صاحب المحطة معين شخص لنظافة الدوراة لكن ربما وافقة مرورك لظرف ما وأما انا فلم اجد ماقلته |
والله بنسبه لي اذا بغيت اجي لم بريده من الرياض اعبي من هلمحطه
واغلب الوقت حماماته نظيفه وكل ماوقفت اشوف عامل ينظف |
لا تكون تبي تسوي دعاية لمحطة جديدة !!! عجبي.. |
اولاً 90% من المحطات مستأجرة من قبل اشخاص غيرسعوديين ومالك المحطة لايهمه سوى آجارالمحطة.ثانياً اوافق الاخ قانون السيطرة في اقتراحه حيث رأيت في بعض الدول ايضاً نوعين من دورات المياه نظيفة جداً وتكون بمبلغ بسيط جداً واخرىبجانبها (كيف الحال)بلامقابل فلك الاختيار!
|
انا ماعمري دخلت دورة مياه على طريق سريع
الا وهن مقرفااااااااااااااااااااااااااااااااااات |
هلا بالبي .. بعض الرجال ودك تلبسه حفاظة طول الطريق .. ولاتخليه يدخل للحمامات .. يفشلك .. لأنه واردى من البزر .. مايعرف اذا قضى حاجته ينظف الحمام .. زين بعد اذا نظف روحوه .. اكلف ما عليه تسمع طرررررخ .. صوت الربزقة .. ولاتنسى دورات مياه النساء .. والله ياانت تجمع من عندهن مصنع مناديل .. تحلف ان الحمام مابوه ماء من كثر مناديلهن وخرابيطهن .. واللي يقهرك انه كل وحدة منهن تطلع سادتن خشمه وتقول .. ييييييييييع قرف .. اجل منهي هاللي متسببة بالقرف .. ومخليتن الحمام زيطة .. اذا صارن كلهن يقولون قرف .. وبعدين يالبي ولاتنسى حمامات الخدمات البلدية .. مثل اللي على الشواطئ او بعض الحدايق او بعض الميادين .. وهي تشرف عليه البلدية غاديتن زيطة .. تدري وراه .. لأن البنقالي اللي مسئول عن الحمامات مهوب فاااااااضي .. معلقن هالسطل على دركسون السيكل ويحوم ويغسل السيارات .. والحمامات بالهاوي والا بقليط .. مشكور يالبي على هالموضوع .. سي يو .. |
أخي الغالي الهدف
السلام عليكم ورحمة الله وبركاته هل أنت محلوف عليك ماتعدى تلك المحطة؟؟!! |
اقتباس:
|
| الساعة الآن +4: 12:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.