اللي متحمس بيروح لدبي يدخل
 

باختصار بقولكم قصتي مع رحلتي لدبي ....
كنت متحمس بشكل غييييير طبييعي لرحله الي دبي وذلك لشده مارأيت وماسمعت من اعلانات هناااااك ..وسرنا على بركة الله انا وام العيال<مع العلم انه ماطلعت جواز الا عشان هالرحله>واول ماوصلنا صكتنا روسنا من المملكة كبتل يعني الماني اللي تحس بتطيح عليك قلنا زين هذا اول خير رحنا ندور على سكن وجت الفاجعه الاسعار بالهبل قلنا ماعليش المهم نشوف اللي مايشاف بدبي ,,,,
اليوم الاول رحنا لسوقهم اثر والله ماهنا فرق عن اسواقنا الا اللهم الاسعار
ثاني يوم رحنا للبحر اثر والله ماهنا فرق عن شواطئنا الا هالحريم العاريات
ثالث يوم رحنا للمطعم اثر ماهنا فرق عن مطاعمنا....وان جيت لجوهم اثره موت حر...وبالنهااايه جت المصيييييييبه لقينا اعلانات عن جزيره تحت البحر وفيها شي فوق الخيييال قلنا اخيرا جاك يامهنا ماتمنى وصرنا نمشي مع اللوحات ولااهنا سائق اجره الا سألناه قسسسسم مشينا حول ثمانين كيلو وبالنهاااااااااااايه الموقع ارض بيضا تحت الانشاء بعد عشر سنين وهاللحين يجمعون المساهمات
ويوم رجعت سألت قلت وين الهرج قالوا اذا تبي سينما والارقص تلقا الغراابه على كيفك قلت التووووووووووبه

مالقيت الا دبي؟؟

أنا حالفة ماأطب دول الخليج ,, وأولها الإمارات الله يرحم حالها ,,
ياجماعة هذولي دول بالله ؟؟ ولا لعبة التراكيب الله يذكرها بالخير ,,
حطوا لهم كم برج وضيقوا على الشعب المسكين ,,
دبي زينتها بالتسوق يومين وترجع أما التمشية ولا بفلس ..

بالتوفيق وماهنا غير بريدة الله يحفظها من كل شر ,,

هههههههههههه
مالقيت الا دبي لوو رحت ابها خميس مشيط الباحه الطاايف
وتكشت في السووده ولا الحبله اجوواااء خيااااليه

اولا اللي مايطول العنب يقول حامض

بالنسبه الى الاسعار شكلك اول مرة تطب دبي وماتعرف شي مع الاسف

انا اشتريت قارمن من هنا 2000 ريال

تدري بكم في دبي تبدى انواعه من 400 ريال بالسوق الصيني اذا تعرفه يعين لو غلبت الروم 800 ريال تلقاه

شفت ان مافيه فرق

الفرق يعرفه اللي يروح كثير ويعرف محلات يالغالي

بس تجي وتقول مهنا فرق ماتوقع ولا تعمم يعني ممكن اشياء غاليه عندهم وعندنا ارخص شوي والعكس

بس اللي يعرف الديرة اكيد بيعرف وين يلقى اللي يبيه

على فكرة الماطور الازرق الصغير اللي هنا 400 ريال تراه هناك بالجمله 90 ريال

لو بغيت افيدك وين تلقى اللي تبيه حاضر وراح تصدق يالغالي

انا مع اخوي ابو سالي من حيث البينة التحتية والخدمات اعتقد افضل من هنا اما الجوانب الثانية الله يستر ,,

وحمداً لله على سلامتك ,,



كل الود,,

وهل تقارن الرياض"العاصمة" بدبي من حيث المباني(محطات البنزين - أقل شي - تدل على كلامي) ..
اما الأسعار لاأعتقد ان هناك فرق بل ان من يعرفها سيجدها أرخص من السعودية !!!!

يالمنتهي كلنا نعرف نشررري صيني لكن الرخيص مخيس وانا رحت للسوق الصيني كل اللي فيه تجاررررري اكيد بيصير رخيص لاتسوي نفسك بخصان بالديره قل ارضى بالشي لو مشي حاللك انا مايرضيني الاذا الجوده وحسبتي ابلقاه بسعر معقول واثر ماهنا فرق عن الديره

لا ماظن ترى فيه نوعيات من الصيني ماتجيك هنا يالبخص :091:

اجل اللي عندك كله ياباني كله صيني

انا جربت وشريت والى الان الاغراض الحمدلله ماخربت ولا شي

ولا تبخص الله يرضى عليك تراي اكبر منك بواجد ومن زمان اسافر

وحسن اسلوبك ياخي احترم الردود والمنتدى

عزيزي انت رايح اول مرة وكعادة ربعنا البزعة لاعبه فيكم لعب لو كنت انسان فاهم على الاقل كان بحثت عن المواقع السياحية من النت واما السكن احس انك تدور مثل وصاخة شقق الشامية اللي ان كان غالي ب150 اليوم ياعالم ان كنت بتسافر دور الافضل والانظف والا خلك بارضك اما بالنسبة للجو فمن المعروف ان جوها لايصلح الا في الشتاء مو مثل جونا لاصيف ولاشتاء ولا بتقول ابها والطائف اقول الله يقرفهن من مدن لاخدمات ولا نظافة ولا مافيه مويه ولا امن مثل الناس

طيب مايخالف نلقى دول بنية تحتية وكباااااار مو دبي يالله لك الحمد كبر حوش أمي حصه ,,
الواحد مايقدر يتحرك به ماغير الرقة ورازين الأبراج عليه طول ماطول ماهنا غيره ,,
خيمة وسط الصمان أبرك من ديرة حشر أعوذ بالله ,, على الأقل أشوف فضاء ومساحات خالية ,,

امممم بالعكس حلوة

اخاف انك تجيزمت انت والمعزبه ودقيت سلف وسئلت عن الدرب ومشيت !

يعني ما سئلت عن المواقع السياحية والمعالم اللي تستحق الزيارة دبي احتلت المركز التاسع ان ماخاب ضني
من المدن السياحية عالمياً

صح لسانك شكل ابو الشباب ربط القش ومشى ولا اخذ اي معلومات ما غير عرف وين الطريق

نقطة حبيت افيدكم بها مسئلة الصيني فية صيني احسن من الالماني والياباني ( يقولون بالصين على كثر قروشك تأخد منتج صح ) كولتي

شووف من ناحيه المبااني وشوارعهم مافيه احلى منها
ياخي تكفييك المحطاات تفتح النفس مومثل محطاتنا تنسد نفسك
والغلا عاادي مثله مثل السعوديه العمله مقاربه لنا
واسوااقهم بعضهن مثلنا اسعارهن وبعضهن ارخص وفيه اشياء انا معك انوااع الغلا بس برضه حنا عندنا بالسعوديه اسوواق نيراان
اما جوها طوول السنه حر مايعرفون البرد نهائي
بس ماتصلح لللملتزميين لانه الاوربيين مخربينها
حنا يالقصمان ماتصلح لنا نهائي

حلووه بكل مافيها تستاهل كل قرش يندفع فيها