|
استاذ اخوي صار كابوس على قلبي شووو الحل معاااه
مساء الخير في شي حبيت تشاركوني فيه مضايقني وهو يخص اخوي واخوي يدرس في الثانويه وهو كثير هادي خجووول وحبوب كثير بس فيه شي غريب يصير له من استاذه مدرس الرياضه مهتم به كثير حتى يتصل على البيت يسأل عنه وكثير يناديه بالمدرسه يكلمه ويسأل عن اخباره حسب كلام اخوي وكثير يطلب يوصله للبيت مع ان ولد الجيران يجيب اخوي في الاول خفت انه من المدينين الي يخلون الشباب يصيرون ارهابيين بس طلع مو مدين عادي حتى اخوي متعلق فيه كثير يتكلم عنه دووم واحيانا يعطية هدايا من غير مناسبة مثل جوال وكتب قصص وكاميرا رقمية طيب ليه يهديه كل ها الاشياء مستغربه من اهتمامه ومرة دق اخوي بعد المدرسه من جوال الاستاذ وقال بتأخر عازمني الاستاذ وما رجع الا العصر وكثير اشياء تصير مو عارفه سببها بس الي خلاني اكتب الموضوع هي رساله جوال قريتها من الاستاذ لاخوي يقول فيها (تختفى النجوم ويبقى القمر فتتأمل العيون فتتحرك المشاعر حينها يذكرك القلب يا ....) وكاتب اسم اخوي مكان النقط حسيت ان ها الرساله مو نظيفه وحبيت اسألكم شوو الحل مع هذا الاستاذ؟ والمشكله اخوي متعلق فيه وما يبي اي كلمة عليه انا اكبر اخواني وهو الي اصغر مني مو عارفه لمين اشكي ولمين اقول المشكلة المدرس يدق على رقم البيت اذا كلم يسلم ويسأل عن الحال ويطول مين هو علشان يتكلم معاي في ميانه هذا الي ناقص كمان المدرس عمره 25 سنه تقريبا وهو مو من بريده ويسكن شقه لوحده يارب شسوي والمشكله مو قادره اقول لاحد احسه كابوس على قلبي بس مو عارفه شسوي وعمي رجل كبير ما ريح يفهم لواقوله بقول هذا استاذه مو مشكلة ومن هاي الكلام شو رايكم هذا الشي طبيعي من الاستاذ او انه فيه شي غلط يارب اكون بتوهم وما فيه شي وربي اني مهمومه |
ابد ان شاء الله مابوه الا العاافيه
ان بعض الضن اثم بس يمكن الاستاذ بما انك قلتي انه وحيد بشقة يمكن حس ان اخوك نفس طبعه واسلوبه ويحب يفضفض له او اخوك يفضفض للاستاذ وااستاذ مهتم به ولا يمكن اعجـــاب<<هجت به هههههه لاتصدقين عاد لاتوسوسين كثــــــير.. بس انتي حاولي تتقربين من اخوك مررره وشوفي وش عنده بس بطريقة غير مباشرة الله يوفقــــــك.,’ |
بس انتي اذا اتصل خلي امتس ترد عليه
ولا اذا رديتي انتي خليتس رسمية مررررررررره يعني لو سلم سلمي ولو قاال وش اخباركم ((مثلا)) لاتردين بسرعة ابطي شوي همن ردي عشان يحس اتمنى اني افدتس اختس الفتـــــــاة الغـــامضة |
الفتاة الغامضة
ربي يسلمك ويطمنك بس هالاستاذ مافيه شي يطمن وانا ماهمني كلامه معي خوفي على اخوي الي يطلع معاه |
انتي ماتقدرين تحلين الموضوع
صارحي ابوك او اي رجال بالعائله قبل يضيع الولد الله يحفظه |
والله يالغالية ماأدري بس أنتِ متأكدة انه استاذه؟!! -- انا ماأأيد ان الولد يجالس أحد أكبر منه بكثير الا بحالات اما في حالة اخوك وأستاذه [!!!!!!]<<ميسرة على غفلة:).. عموماً... أنتِ حاولي انك تسولفين مع اخوك عن استاذاتك وتسألينه عن أساتذته وتكونين صديقة له علشان يقول لك اللي بخاطره ومايخبي عنك شي ... وبعدين حبيبتي مو دايم تخلونه يروح معه لازم ابوك او امك يحطون حد لطلعات أخوك سواءاً مع استاذه او مع غيره .. وأنتِ يالغلا اذا اتصل وسلّم عليك لاتردين (قولي له نعم من بغيت؟) علشان يدري انك ماتعجبك ميانته .. الله يكون بعونك .. |
مساء الخر
الموضوع حساس جدا ويبي حل سريع وجذري . المعروف لما يكون المعلم معجب بالطالب سوا لجتهاده او لحسن اخلاقه يعطيه هديه عباره عن شهادة شكر وتقدير وتسلم من مدير المدرسه لكي تكون رسميه . اما يطلع معه ويقول بتغدى وبيتأخر هذا شي مقلق جدا والدليل الرساله اللي بالجوال .؟ وبما انتس تقولين ان المعلم عمره 25 ويتصل على البيت ويدخل بالميانه هذا شي غريب . الحل @ يجب ان تتصلي بمدير المدرسه وتحكي له كل ما حصل وتخبريه بالهدايا والطلعات معه @ كان لمعلم رسولا .......... لا للعميم ولكن كثره مشاكل المعلمين تجبرنى على ان نقول بنسه كبيره تغير مسمى مربي اجيال الا مستهتر بالاجيال .. ارجو ان اكون اصبت بالتعليق ....... وشكرا |
اقتباس:
شــــكــلــكـــ مـــاابـــعد عــــرفــــتي الــدنــــيــاا !!! بـــمـا إن العـــلاقــــه بيــــنهم وصــــلت لهـــــاالـدرجــــــــه فعـــــلى الدنــياا الســـــــــلام <<< يـــعنـــي الدعــــوووووه خـــــربــــــاانـــه اللــــه يــــهدي ضـــــاال المســــــــــلمــــين .... دمــــت بــخـــير |
^^^^
مخلين الكبر لك ياااااي |
مالك ياختي الفاضله
الا ان تجعلي خالك يكلمه او احد من اقاربك ويكون بنفس عمره وهذا اللي عندي |
الموضوع حساس جدا لازم احد يكلم مدير المدرسه شكل المدرس استغل عمر اخوك
|
اقتباس:
اناى اكبر مافي البيت واقرب احد لي عمي اوكي اذا اتصل بسوي الي قلتي عليه |
اقتباس:
والله ما اقدر اتصل على المدير اخاااف وبعدين هو ما يعطيه شهادات ولا شي هو مدرس رياضه بس شكرا لك بهاجر |
ياناس أحسنوا الظن
إن شاء الله مابه شي من اللي ببالك بس إذا بتريحي قلبك قولي لأبوكم أو أي أحد كبير عندكم من الرجال يتعرف ع المدرس وتصير له علاقة معه عشان إذا لاسمح الله عنده شي بيستحي من هالرجل وبيخاف وماراح يؤذي الولد والله يستر... بس أهم شي يابنات ياللي تردون انتبهوا هذا عرض لا تقذفون أحد وانتم ماتدرون يمكن يصير برىء فتاخذون إثمه وانتم غافلين سبحانك اللهم وبحمدك أشهد أن لا إله إلا أنت أستغفرك وأتوب إليك،، |
طيب وين أمك او أبوك ؟
شوفي ياحبيلك كل شي عااااااادي مافيه شي الا الرسالة تغزل تقل رجل مرسله لزوجتــه وشو اتأمل العيووون !! مادري هي عفويـه ولا الرجال يقصدها حرفياً <تراي انا قوة أحسن الظن حيل مع أنه بموقف زي ذا الحيطـة والحذر أفضل.! أقولك نبهي مامتك وباباك وأوردي ع أخوك وأدعي له بالهدايـة والحفظ والله يحفظك ويرعاك |
الشاب في سن الثانوي معرض للخطر يجب حل الموضوع وبسرعه والمدرس تنتهي علاقته بالطالب عند باب المدرسه الله يستر على اخوك وشباب المسلمين |
تورتاية
شكرا لك وفكرتك زينه بس مين اقوله وهو اكبر اخواني اقرب شي اولاد عمي وانا ما اظن فيه حتى كلامه معي يطول وهو باي صفه يسأل عن اخباري وصحتي ويقول ليه ما ترجعي لدراسه وزي كذا |
أراسيل سلمان
حتى انا مابحب اظلم احد بس هو كذا شسوي فيه وبعدين ابوي مايت ربي يرحمه واخوي هذا هو الكبير من اخواني والرساله هي الي خلتني اتضايق واخاف على اخوي شكرا لك |
سالفة اخوك مثل سالفة اخوي هو وصديقه---
انا خاااااايفه مثلك---- ربي يحفظهم------------ |
أختي هنا الموضوع لن يحل إلا بطرق عادية .. بخلاف لو وضعتي الموضوع في الساحة المفتوحة ، فالإخوان هناك يعرفون الأمور هذي وأيضا قد عايشوا هالأمر من قبل وقد تجدي حلول جذرية لهذه المشكلة .. والحقيقة أن الأمر إن وصل إلى ما قلتي فهو موضوع يدعو إلى الريبة ،، وقد اخترت رابطين لموقعين تربويين يمكنك من طرح الأسئلة حول أي موضوع ويتم الرد في أقرب وقت ، ولمن أراد تصفحمها فهما ممتعان جدا : موقع المسلم / ويشرف عليه فضيلة الشيخ الأستاذ الدكتور: ناصر العمر موقع المربي / ويشرف عليه فضيلة الشيخ المربي : محمد الدويش أسأل الله أن يلطف بشباب المسلمين .. |
شكرا لك وشكرا على الروابط ان شاء الله بستفيد منهم
|
الصراحة ياختي الفاضلة انا رجال وماني متطمن من علاقة الاستاذ مع اخوك بما الدعوة به هدايا هذا شي يحير الصراحة بس ماللك الا تكلمين ابوك / عمك / خالك/ وانتي اذا ردتي عليه وسلم ردي عليه بالمثل وزيدي بنعم
الله يستر على ابئنانا واخوننا والمسلمين عامة وشكرا |
ليست المشكلة بالرسالة لإني أراها طبيعية ولاتوصل أنها تكون رسالة زوجية ياأراسيل تباً لكِ تراي مرسلته لصديقتي :d
ولكن المشكلة في الخروج مع الأستاذ , شخصياً ماأحب يكون للطالب علاقة قوية مع مدرس لانعلم عنه شيء نحن أهل الدار ,, ياشيخة طقيها بوجه المدرس وقولي أنت وش ناوي عليه <<< خربتها :S >> أكلك عاد وصليها لأحد محارمك الكبار وإن شاء الله يكون خير ,, الله يحفظ الجميع ,, |
شكرا لكل من عقب على الموضوع والي كلموني بالخاص ربي يسعدهم وان شاءالله لقيت حل بمساعدتهم لي ربي يوفقهم وياليت احد المشرفات تقفل الموضوع بليزززز شكرا لكم |
((في الاول خفت انه من المدينين الي يخلون الشباب يصيرون ارهابيين بس طلع مو مدين عادي]))!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!! |
وجوب أخذ الحيطة من بعض الاساتذة هداهم الله
السلام عليكم ورحمة الله وبركاتة
أختي الكريمة يجب عليك إخبار أقرب شخص أليك حول هذا الموضوع قبل أن لا يقع الفأس بالرأس لاني بعض المعلمين هداهم الله ليسو أهل للتعليم وتربية الأجيال ففيي بعضهم من عندة إنحراف في الأخلاق وهذا ما نسمع عن البعض في الوسط التعليمي ، فألأهتمام الزائد وبشخص يصغره في العمر أمر يثير الشك وعلى حد قولك بأن أسلوبه أثناء الاتصال على المنزل كأنه من أحد الاقاراب ايضا غير مرغوب فيه . فأنا أنصحك بعدم التأخير والتردد في إخبار عمك أو خالك بهذا الموضوع .. من أجل السؤال والتحري عن هذا الشخص.. والله يحفظ أولادنا وأولاد المسلمين من كل مكروه وبالله التوفيق |
لازم تعلمين عمك قولي لامك تعلمه اقل شي يتعرف على المدرس والله كلامك يخوف خصوص الهدايا والكميراالرقميه والله هادنيا تخوف ولازم ما نثق باحد وتحركي قبل لايصير شي لا يحمد عقباه
|
ياالله يارب احفظنابحفظك ياكريم
|
اقتباس:
ليه مستغربه !!!!!!!!!!!!!!!!!!!!!!!!! |
اقتباس:
طيب السؤال اللي يطرح هنا : هل اللي يغررون بالشباب هم بس الملتزمين؟؟؟ للأسف هذا ما طبعه الإعلام في أذهاننا ،، الملتزمين هم من يلتزمون بالإسلام هل الإسلام يربي أتباعه على هذه الأفكار( على حسب قولك < المدينين>)؟؟ أتمنى منك الإجابه ،،، |
والله الوضع مايطمئن ابدا
ولو كانت علاقة صداقه فقط لما الرسائل والمكالمات واضح جدا انها علاقة اعجااب والله يستر على اخوك ..والمعلم ايضا صغيره 25 بقمة التهور طبعا مو الكل لكن غالبيه شباب هذا الوقت فلازم تحلي المشكله وتخبري احد يستيطع ان يفعل شيء ايجابيا اسال الله ان يطمئن قلبك ويحفظك اخاك |
احسنوا الظن
الله يسامحك صرتي تخافين من المتدينين اكثر من غيرهم عجب!!!!!!!!!!!1 |
اجل خلوا ثقتكم بشارب الخمر السكير
والمتدين يفتح الله قهررررررررررررررررررر |
اصلا منزله الموضوع ابي حل مع هذا المدرس الي مو مدين
قلت انه انسان عادي مو مدين هو مو انه عادي يصاححب اخوي بالعكس مهمومه منه يارب فهمتوني |
طيب ما تلاحظين كلامك قبل ،، خفتي من الملتزمين قبل غيرهم والله بلاك ،، |
اذا هو ارهابي يبي اخوي يصير مثله بخاف عليه
اذا وسخ بعد بخاف على اخوي منه اوكي |
أرجــــــــــــــــــــوا منك التكرم والإجابه عن أسئلتي في الرد رقم 30،، إذا ممكن ،، |
أخيتي الغالية..
فعلا يقولون أكبر منك بيوم يعرف عنك بسنة.. أو كما يقولون.. المهم يا أخية .. حاولي بأسرع وقت ممكن تكلمي أحد كبير في العيلة أبوك عمك أحد يكون أخوك يحترمه ويهابه.. أخوك مراهق وأكيد راح يتعلق بأول شخص يبدي اهتمامه فيه.. المعلم هذا لو كان عادي ما كان أرسل الرسالة هذه.. هؤلاء عندهم فراغ عاطفي.. ومثل هذه الأمور تؤدي إلى أمور أعظم خطرا.. وأنتي أكيد فاهمة قصدي.. المهم تقربي من أخوك.. حاولي إنك ما تهاجمين سيرة المعلم قدامه.. حاولي على شوي شوي تذكري له قصص صارت بين اثنين ما يخافون ربهم.. وأن هذه العلاقات تؤدي إلى أمراض خطيرة .. والموت والعار هو نصيب الواحد منهم.. ومثل ما قلت لك لا تجينه جميع على طول.. كذا راح ينفر منك.. خليه يتكلم كوني مستمعة جيدة ومتحدثة لبقة.. وأهم نقطة يا صغيرتي استعيني بالله وأخلصي النية.. فغذا كان عملك خالصا لوجه الله أعانك الله.. وفي حفظ الله ورعايته .. أستودعك الله .. غربة الخاطر.. |
غربة الخاطر
شكرا كثيرعلى كلامك ونصايحك الله يعطيك العافيه |
طيب السؤال اللي يطرح هنا :
هل اللي يغررون بالشباب هم بس الملتزمين؟؟؟ للأسف هذا ما طبعه الإعلام في أذهاننا ،، الملتزمين هم من يلتزمون بالإسلام هل الإسلام يربي أتباعه على هذه الأفكار( على حسب قولك < المدينين>)؟؟ أتمنى منك الإجابه ،،، أذا انتي قد هالسؤال جاوبي عليه صدق هالزمن غريب اللي خلاك تثقين بالشباب الصايعين والمتدين تقولين عنه ارهابي صادقه الاخت هذا ما طبعه الاعلام في ذهـــــنك اخيتي اتقي الله صراحه قهر ليش تخافين على اخوك من رجل متدين :oo استغفر الله الحين الرجال الملتزمين صار ينخاف منهم :confused: |
الملتزم يالله من فضلك..وسال الله الكريم من صالح فضله
اخوي بثالث ثنوي ..تحفيظ قرآن وعنده مدرس ..من حبه له الى ابيات الشعر شعربه ع شان انه ملتزم ماخفنا عليه ولله الحمد...مع العلم ان المدرس عمره 27 سنه الدين كله بركه...نسأل الله الثبات............ |
مافيهم شي المدينين يارب يخليهم لنا
بس فيه ناس شكلهم مديينين وقلوبهم سودا الي نسميهم ارهابيين صح يمكن مابنفرق بينهم لان الي داخل القلوب الله بس بعلمها انا ما قلت شي بالمديينين مع انه كله واحد مدين او لا كلهم يعبدون الله بس الكل يعرف فيه ناس شكلهم مدين وهم منافقين ويخوفون ربي يبعدهم عنا المهم هذا قصدي اوكي |
اقتباس:
والله يستر على اخيتس ويكفيه شر ذا المدرس |
الله يهدي المدرس ,,
نصيحة كل ماطلع اخوك للمدرسه قولي "استودعه الله الذي لاتضيع ودائعه" وان شاءالله مايجيه مكروه لانك امنتيه الله سبحانه ,,اطمئني |
^ صادزه سمر مافيه ازين من ذا الدعاء
|
السلام عليكم ورحمة الله وبركاته ..
أخواتي عــــــذرا لم تفهموا الأخت ( نبض الورد ) هي قصدت بأن الرجل ربما يكون ظاهره ملتزم ولكن قلبه أسود وأفكاره حسوده على المسلمين .. فكم من مشاكل وقضايا حصلت فاكتشفنا أن أصلها أناس يختبؤن خلف ستار الملتزمين .. ونبض الورد قصدت هؤلاء العابثين بمسمى الإلتزام الذين يسمون أنفسهم قولا ولا يفعلون مايفعل الملتزمون وأقول بصوت عاااااال أن الملتزمين والداعين إلى الله هدفهم واحد ومقصدهم واضح وديدنهم لايتغير بتغير الأفكار وإلى الله المشتكى بوجود أناس لوثوا معنى الدين والالتزام بأساليبهم الإرهابيه ,, هداهم الله وأرشدهم إلى طريق الصواب.. وحفظ الله لنا رجال الحق والرشاد وجزاهم الله عنا خير الجزاء ووقاهم شر الدنيا وأذاقهم نعيم الاخره إنه سميع مجيب الدعاء .. .. |
؟
مساء الخير
أختي نبض الورد انتي طرحتي الموضوع لكي تجدى حل . هل اخترتي احدالحلول . من الطرح من الزملاء . ذكرت بالمشاركه السابقه ان احد الحلول ان تتصلي بمدير المدرسه وتشرحي له . او تتصلي بشخص قريب لكم . وقلت لكي اشك بعلاقته من اهدء الهدايا له . وقلت لكي المفروض يعطيه هديه رسميه وتكون عباره عن شهاده شكر ولا مانع من اي هديه بس تكون رسميه وتعطى من قبل المدير والمدرس بنفس المدرسه . ما الهدايا جوال وغيره ومن خارج المدرسه هنا المشكله والرسائل التي يرسل له كما قلتي من قبل والخروج معه . نبض الورد . تشجعي لمصلحت اخاك ولا تنتظري |
//
/ ياقلبي شكلك من كلامك مو من " بريـــــدهـ " والي ماتعرفينه عن اهل بريدهـ ان فيه وااجد علاقه ولد بولد ... و حتى انا مثلك اخوي الي اصغر مني مثل سالفه اخووك ,,, الله يهديهم |
أختي والله تقطع قلبي على اخوك الوضع خطـــــــــــــــير جـــــــــــــــداً
لازم تتحركين لايضيــــــــــــــــع أخوك......... سالــــــــــــــــــــفة اخوك واضـــــــــــحه جـــــدا ياكثر ماســــــمعنا قصص من هالنوعيه كلمي المدير ...أو احد من محارمك ..... أستغرب من العضوات اللي حولوا الموضوع لمتدينين وارهابيين الأخت تبحث عن حل ........ |
مايبي ليه فهم !!!!
هذا له غايه |
شكرا لكم وربي يحفظكم |
الموضوع مو حساس خطيييييييييييييييير
لابد من الحل السريع مثل ماقال اخوي بهاجر مالي مقاعيد واشكره فكلامه بمحله واذا اتصل لاترد عليه ولا شي شكرا |
مساءك نور
والله المدرس نيته مب زينه وهذا شي واضح طيب انتي حاولي تتقربين لاخوك ووضحي لاخوك انه كلشي فري عندك وسحبي منه الكلام اذا مانفع ولا مسكتي من اخوك السالفه الله يخلي الوالد لكم وش خانته بلغيه ينتبه لاخوك خاصه اذا تاخر مع الاستاذ اسالو ولد الجيران في شي غريب بين الاستاذ واخوك في حلول كثيره بس انتي استعجلي قبل يروح اخييك <<شكلي جايه متأخره وياليت تقولين لنا وشصار |
انا اتفق مع كل كلمة قالها اخوى بهاجر مالى مقاعيد
|
كلمي الهيئة إذا مانفعت الحلول الأولية
فهم الأخبر بمثل هالقضايا ! |
اسف اختي جيت متأخر لأني توني اشوف الموضوع
الموضوع خطير جدا ولا يحتمل التأخير يجب معالجته فورا والعلاقه بين اخيك والمدرس واضحه مايبيلها تفسير وبحكم اني مدرس يجب ان تنتهي علاقة المدرس بالطالب بعد نهاية اليوم الدراسي اقترح عليكي ابلاغ الهيئه فورا وبدون تأخير |
السلام عليكم
اختي حاولي تسولفين مع اخوكي يمكن يتكلم معاكي وتعرف ايش سالفه هالاستاذ صراحه مشكله الواحد يصادق احد اكبر منه |
كلمي الهيئه وهم يتصرفون
|
الموضوع غير مطمئن ابدا عليكم بمداركة الامر قبل استفحاله
تدااااااااركي اخاك قبل الندم حين لاينفع الندم فالولد في مقتبل عمره وقد يضيع ويصبح مدمنا لمجالسة من هو اكبر منه سنا ولا يخفى ماذا يحدث حينها والقصص في ذلك كثيرة اعانك الله |
الحقيقه الموضوع حساس وخطير
والحل من عدة نواحي اولا اخبار شخص فاهم وعارف ومقرب من اخوك في العائله يبحث معه الموضوع الامر الاخر نقل اخوك من المدرسه بصراحه لا نشك في الرجل لكن فارق العمر وبعض الرسائل والافعال توحي ايحائات ليست جيده امر آخر لاتردي على التلفون واذا رديتي وسالك عن احوالك وصحتك فهذا شيء لايعنيه لاتجاوبيه اخيرا بامكانك الاستعانه بمؤسسات تربويه واجتماعيه واعلمي ان اخاك لايحكي لك عن كل شيء ودمتم بود وسلامه |
لاتصيرين موسوسه أعتقد أنه شي عادي وماراح يحصل له شي ان شاء الله
بس للاحتياط خليك متابعه اخوك وكلميه بأسلوب حلو وانتبهي تقولين له انك شاكة فيه.. الله يعينك وييسر امرك |
مايبيله أحسان ظن ولا شي ..
واحد عمرهـ 25 يماشي واحد عمرهـ 17 أو 18 ، وهدايا ورسايل .. لا وزود مدرس رياضة .. أنا أقول ألحقي على أخوتس ومافيه مجال لإحسان الظن .. الرجال ناوي شر .. المدرس اللي يبي مصلحة الطالب ماياصل لهالدرجة من التعلق ، عموماً بإمكانك مراسلة المدير والاستفسار بشكل بريء عن سبب تواصل المدرس مع الطالب وهل هناك مشاركات خارج الدوام ؟ والمدير راح يفهمه .. أو إخبار الوالد بما يحدث قبل أن يقع الفاس على الراس .. ترى كثير من مدرسين الرياضة رايحين وطي إلا من رحم الله .. |
الحمد لله علاج القضية أسهل مما تتصورين لكن عليك تتطبقين ما أقوله:
في الأسبوع الماضي ألتقى مدير تعليم البنين بأعضاء وررؤساء ووكلاء هيئات القصيم بدورة التميز في قاعة الملك خالد بالحضاري واكد انه هناك تلازم بين الجهتين في الإحتساب ومما دار في الحوار أن أعضاء الهيئة بينوا لمدير التعليم ما يحصل من بعض المدرسين ضعاف النفوس من ممارسات وسلوكسات خاطئة فاجاب بأن بعد التحري والتأكد من تصرفات أي مدرس تتخذ ضده عقوبة صارمة فأن أقول كل ما عليك إلا أن تخبرين الشيخ ماضي الجاسر رئيس هيئة السوق بالخبر وهو يتصرف التصرف السليم بعد التنسيق مع مدير التعليم حيال هذا الموضوع.... رقم هيئة السوق 063240005 و063231256 وربي يستر عليكم ويحفظك بحفظه والسلام عليكم.... |
يارب يخليكم وكلامكم ساعدني كثير وفتح قلبي على اشياء كثيره يارب ينتهي الموضوع
وحجازية يارب اصير مثل ما تقولي شكرا لكم |
لكل الاعضاء الي شاركوا في الموضوع الف شكر وربي ما انحرم منكم ومن رأيكم
وربي اني استفدت كثير من كلامكم يارب يحفظكم والموضوع الحمدلله انحل ومافيه مشكله الحين واتمنى من المشرفات ان يقفل الموضوع ولكم محبتي |
| الساعة الآن +4: 04:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.