التسذايب كلها مشتاقتن لك ! عاش مروّس .. طونقا طنقا
 

مرتن من المررايت قريت موضع بحدى المونتديات ، والحقيقة جازلي ..


الناس بهالحياة مادري شلون جايين !
أنا ودي كل الناس يصيرون مثلي .. :)
>> الله يرحم أمك وش تبي أنت بالضبط ! :113:



أقولكم ..


بعض الناس مايعيش إلا بتسذب ، قسم بالله يابعض الناس انه تسذبة تمشي بالشوارع وتاكل عشاء وغداء وفطور >> تقل طالت شوي :113:

مب معقول بعض الناس يتسذب بالهبل ، بالطن ..


يعني واحد تروح أنت وياوه وبعض الشباب للشرقية ويقول واحد سالفة لعمه الي غرق بماء النابدزية طلعته مره بدوية معه حوض معقرب ! وبالرجعه قبل ماناصل بريده يجي واحد يعيد السالفة هي هي بس يقول انه صايرتن لولد جيراننـا ! >> أصل السالفة تسذب وجاء ذا كمّله ! :029:

هذا ودك توقف بأقرب محطة وتمحطه محط .. اعنبوك أنت وشلون عايش ؟ غبي أنت ؟ :076:

زياد ! ooo1
قزم ، نظارة كبيرة ..
إطار بني عريض ..
بدلة حلوة وبرمودا يوم اننا مانعرف هالأمور شاريتن لي أمي من الصناعة بدلة المنتخب خضراء من أولى إلى خامس وأنا البسه لما ضاعت بحدى كشتات الحلقة ..
شعر مكدود ومحدد صح ..
مانشوفه إلا بالأعياد ، كنّا نسلم على أمه .. ندري انه تقرب لنا بس بالضبط مش عارفين .. المهم انهم يقربون لنا ..
زياد هذا مستلمنا تسذب ، مهوووب معقول ..
يعني أشياء كثيرة سمعنااااه ياويلي ياحنا يهالخبوب هاجتن بنا الله يخلف ..
يعني معقولة يقول أبوي معه 16 مره ! :095:
وكلهن يحبنن ! :023:
وكلهن يتهاوشن على تسبيحي !
وكلهن يزمنن ! :eek5
وذيك الي مسوي نفسه نيم وهي وشسمه يوم وشسمه مير وشسمه ..! :eek5
---> حنا وهو يسولف ويوخر الشعر عن عيونه بين كل كلمة وكلمة مغير هاجين اثامينا !
عاد مش حأولكم وش يصير لنا عقب هالحتسي .. ( صورة بزر يقول لأمه تراي أبسبح .. يمه تراي أبسبح .. يمه اسبح ؟ تراي سبحت .. يمه اسبح ؟ :eek5)



حسبي الله عليك يا زياد ..


عاد هذي تهون ..


يوم أنا بسادس أذكر خويي الي ما ابيع بوه ولا أشريبوه ..
قال حكمة يفكر مجلس الشورى انه تكتب على استار الكعبة .. :092:
تقول الحكمة :
" لا تحلت ضرسك لا طاح ، ترى ينبت مكانه حمار "

حرام عليك ياخوي الروح .. الله يجازيك على كوابيس الحمير الي تلحقن وضروسهن كبر وجه أبوآدم ..! :eek5




وش أكبر تسذبة مرت عليك بالحياة وإلى الحين تعاني منه ؟


أنا إلى الحين أعاني من سالفة الضرس ، حتى أني أحيانناً أضطر أقطع إشارة مستوصف العجاجي ! أحس فيه مجموعة حمير طالعة من المستوصف تلحقن ! :eek5





لكم المايك !

أنا على يقين أن أكبر كمية تسذب بالعالم عند الحريم .. حتى تسذب الحريم غير ! مب الي تبي !
أجل ذيك الي تقول ان عبدالمجيد الفوزان راضعن من امي وانه يجي كل خميس يلعب معنا بالإستراحة حقت عمومتي !


بس ان أمي تدور لي وقايلتن لي حاول تزبط أمورك لأنهم بيسألون عنك .. ولا ودي والله أنحرج قدام الربع يقولون وش هالمعقد الي يسب الحريم ..


موضوعي القادم : { هنا كل العطورات التي استخدمتها في حياتي }
>> لزوم التسويق .. :113:

.





.

اوووووه كثر منهاااا:rolleyes:اذكر اني امي تقووول اللي يعد النجوووم يطلع به ثواليل
وفي رواية اللي يعد مثايل المطازيز
وشبعد ياربي:confused:
اييييه العبس حق التمر اللي يحطه بسلة المهملااات"وخروا عن اللغة العربية"يصيح النخلة:eek5عاااد مشكلة يالنخلة اذا صحتي
يما ويما صحنا
وشبعد:eek:ايييييييييييييييه
لا موب لازم

ياليت الموضوع ماينحكر على خرافات الأولين ..

نبي تسذب خوياكم وربعكم واخوتكم وجيرانكم ..

:113:

أهوهـ

الطويل كاتبن موضوع .. بالسواليف ..
هلا هلا ..

لي عودة مليئة بال ( أوهـ أوهـ أوهـ ) .. أيها الطويل الممغّط :d

طيب كل ذولي يهونن عمركم شفتوا ناس رايحين للرياض بالرجعة بنشر الكفر بالمجمعة ... مادروا بالبنشر الا يوم وصلوا بيتهم ؟

يابن الفلت وش يدريك انكم بنشرتوا بالمجمعة ؟

ويجيك الرد اللي يحوم التسبد ... [ ولد عمتي قابلنا حول المجمعه يقول اننا نمشي مبنشرين ] ....


عـ العموم بكل حي به اثنين ماهنا أكثر من أرانبهم ... والمشكلة كل الحي يدري انه تسذوب ...

!

ههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههه
الله يقلع إبليسك يالطويل :d
والله يانا بتلت أضحك الله يقطعك هههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههه
والله إنك منتهي يالطويل ! :113:
أبديور للموضوع ثانية إن شاء الله !
بس أقام صلاة الفجر ما يمدين :d
برب ! :d

هلا بالطويل ..

عادي ترا يمكن ذاك عمه .. وعم الرجال ولدن لجار اللي قصه لكم تاني .. تحدث في أرقى البلاد <<< http://www.aburenaz.com/smilies/smil...oster_baaa.gif

ممكن توضيح ، أحيانن ما أفهم زين http://www.aburenaz.com/smilies/smil...l_innocent.gif



شف التسذب مرض عند بعض الناس ..

يدري أن الناس يدرون أنه يتسذب .. ومع ذلك يحب يتسذب ..

واحدن من أخويا خويّي .. يسولف عليه يقول أني كاشتن بحدا الشعبان ..
ومن شعيب لشعيب ..
ومن داعوس لداعوس ..
وكان الجو مطر :113: <<< هذي يسمونه الحبكة الدرامية شفت أن التسذوبين مهب بسيطين http://www.aburenaz.com/smilies/smil...ir/Lighten.gif

المهم يقول http://www.aburenaz.com/smilies/smil...kir/shifty.gif

يوم أني قطعت حدا الشعبان .. ( لاحظ موتره ديزل هايلوكس والمطر يرطش ) ..
وأصدم لي عقم ( حبس ) ويروح النور لفوق .. وبديت ما أناظر ألا السماء ..

وأناظر !!
ياللهول وش شفت !!

طيارتين حول يتصادمن ..

وأكبس لهن :d

وأكبس وأكبس وأكبس وأكبس .. وهن كل مالهن يقربن حول يصدمن ..

ليييييين جاء راعي حدا الطيارات ولف وأشوا ماتصادمن :113:

يقول فتحت الرادو واسمع واحد يقول : نشكر الشخص اللي كاشت بالمكان الفلاني على إنقاذهـ للطائرات وتنبيهه لكباتن الطائرة ..

انتهت القصة :d

عاد شرايك مهب بحلّ يازياد ؟


جازت لي هالجملة :41


ختم تميز ياخلفهم .

لي عودة مع تسذبه العمر ooo1

أنت ما سمعت بسآلفة الي متعلّق بالشكَة !!
والي يسوق خوّية ويمشي [ 120 او 140 ] ما تأكدت بالظبط :113:

ولا الي يلحقونه الشرطة امر يناظر بالمرآية ويشوفهم يطفون السفآتي ويديورون >> يوم دققوّا باللوحة دروا انه عنده واسطه وراحوا عنه [ حسيت انه درآيفر لامنك زيّنت كلمة السر :113: ]

وبــس ! :d

الف شكر لك عزيزي ~ :)

وأخبر يوم حنا بزران .. كان به شايب يصلي بمسجدنا وتوهم ساكنين ..

عاد جاء حدا بزران المسجد وقعد يحلّف لنا أن هالشايب جنّي وأنه تسد شافه يطلع من طبلون الكهرب ..


يا أنا كرهت المسجد وذرقته من هاكـ الشايب ! :049:

.

ما سمعتوا بالشايب اللي بمسابقة للتسذب وش يقول ..؟ :113:


يقول: كنت أرعى الغنم بالنهار ..


يوم غابت الشمس وأقبل الظلام .. إلا وأنا أناظر قطعة من السماء نهار مهب ليل .. <<<< لاحظتوا :d


أمر أجيب العصا وأهش هالقطعة ولحقت خوياته .. :113:


وصارت السماء ( سوداء ) .. :113:


يعني رجع الوضع طبيعي :d




:113:

.

بروق الوسم /

هههههههههه
الله من الخرافات ! :113:



بدون زعـــــــــل /

وشي ذي ..! :eek5
جديدة ذي .. :113:

ههههههههههه اجل يصيح .. :d



أبوآدم /
ياخي الي بصورك ذا عليه نظرات توحش ! :098:
ياخي لا شفته أشك ! :098:



فارس 7 /
هههههههههههههاااااااااااااااااااااااااي
أشوى الي ماقال اننا وقفنا وتفخت الكفر باثمي .. :113:

هههه
الحين هذا وهو يسولف يدري ان الناس تدري انه يتسذب ؟ :09:
أو يتغيفلهم ! :09:
أو وش سالتفه بالضبط !



كربلة النخلة /
أنتظر عودتك ياقميل .. : )



nama-الشامخ /
تصدق جازت لي سالفة الي محني اذانه ! :118:
هههههههههههههههههههه
هههههههههههههههههههههههه
شكلي أبقوله لأخوتي .. :113:




حبة فستؤ /
الله يقلعك أنت ! :D
>> فاهم المنتديات والردود غلط :113:




أبوسر /
كبيرهم الذي علمهم الدلاخة .. :113:

ليش لا ..
هههههههههه
حنا مابلانا إلا اشكالك هالي يحسنون الظن بكل شئ .. :113:

لاتذكرن بالطلاب الي يقعدون ورى بالفصل ولا ينتبهون إلا بدرس الفقه عن النكاح ويسألون عن كل جزئية .. :113:



هههههههههههههههههههههههههههههههههههههههههههههههههه هههههههههههههههههههههههههههههههههههههههااااااااااا ااااااااااااااااااااااي


هذي تسذبة الموسم .. :118:



شقرن ع التميز .. :023:




جرافوووهـ /
ياميت اهلا وسهلا .. :045:




حصان القايلة /
ياخوي أنت بك كمية تصليع مش معأولة .. :096:

شف كل ردك بكوم .. والجملة ذي بكووووم .. :016:

شوي تكفى أبضحك وارجع لكم ..
:073:
:073: :073:
:073::073: :073:
:073::073::073: :073:
:073::073::073::073::073:
:073::073::073::073::073::073:
:073::073::073::073::073:
:073::073::073: :073:
:073::073: :073:
:073: :073:
:073:





ههههههههههههههههههاااااااااااااااااااااااااي



ياخي الجراد ذولا كود نفرد لهم موضوع خاص ..
تكفى تولهم أولاه يابوقوايل .. عطناهم أولاه .. :089:
بس انتبه من سعفة تراوه جرادي لا يقعد يزعل عليك همن يحوس فريقكم الدموي .. ككك :089:





بريدة ستي /
ايه تكفى عطناهـ .. :d




روائع المميز /
ننتظر التقيين .. ooo1



تتش بالقلينزي /
خخخخخخخخخخخخخخخخخخخخ
والله يهالتسعة انه حاشرتن والدينه ! :d
هههههههههههههههههااااااااي

زين انك مشيته له ، أحيانا تستحي تطقه بوجه الواحد .. :113:




وثــاق /
تكفى لاتقوله !
أجل يمشي 120 !



هههههههههههههههههههههههه
ياخي به تسذبات رهيبة توسع صدرك .. :013:
كككك
أجل من لوحته اعرفو ان عندهـ واسطة ..
ههههههههههههههه ياخي هذا منسم ! :013:
هذا ودك تقعد معه تقوله تكفى عطنا من هالسواليف ميخالف خله يولف .. :113:

أجل واسطة من اللوحة !

ماتعرف سالفة الي ينحت بالبطاقة الشخصية !
يقول أعرف لكم واحد ينحت ، قسم بالله يالي يقولي تسلمة وحدة مب زينه لا أخذ رقم بطاقة احواله واعطيه اياوه يجيب أجله ! :113:
شلدز ..نحاته برقم الطاقة !



أبوسر /
هه
أجل طالع من طبلون الكهرب .. حشى بعرصي ذا ! :098:
عاد أنا ماطيدز هالسواليف جن وما جن ! :eek5
وااااااااوك تجين أم الركب لا قالو لي البيت ذا بوه جن ولا فلان بوه جني حتى يوك كنت أدرس ببيروت تعرفت على بنت يوم اكتشفت ان اسمه " جنى " مير أسهجه ! :093:
ماهمتن .. صح انه لاحقتن إلى الخطوط الجوية اترجان اني ما اسافر بس ماعلي منه ..:094:
تذكرت قول ابن فطيس :

تبغي تشوف أشجع رجل في حياتك !
شفني وأنا مقفي ، على كثر ما اغليك ..

:113:
ذذ



أبوسحيييييين /
هلا براعي شقة المـ ... إلخ
ياخيي اسمك طويــــــــل !
مير ع فكرة .. ودك تجيب أكبر تسذبة بالعالم ..
اسدح صورة أخوك الوطب ذا ! :d
صورته بحد ذاته تسذبة ؟
أنا ارشحه ياخذ جائزة فقاش موسم 2010
:113:

ككككك
لايزعل علانا النسيب بس .. ooo1
>> يبي يرقع .. ;)



نبوغ الفكر /

نهارن مب ليل .. :115:
>> جازت لي هالتسلمة ..

تراكم ماتدرون أجمع سواليفكم ذولي واروح اقولهن عند ربعن لي مسوين اتفاقية وشعارهم بالجلسة " صحيح اننا نتسذب بس ميخالف أهم شئ ننبسط ولا لا ياعيال "
>> يلعن ام الشعارات الي زي كيذا ياشيخ :113:


راعي شقة الـ ... /
ههههههههههههههههههه
يازين براءة الطفولة ..! :023:
اجل يوم القيامة .. ههههههههههههههههههه

ما سمعت اللي بالربع الخالي خلص عليهم البنزين
يدعون ويدعون ويزود ويزود لميا صار فُل !

ومشوا وتبنشر الكفرات ويدعدون ويدعون وينتفخ وينتفخ لميا صار بهن 30

:113:

موضوع كووايس شكريا بورايــد

:)

عدنا مع حبيبنا أبو رائــد:

أذكر واحد من عيال حا رتنا الله يذكره بالخير مهب كلاك أبد يقول لنا:

كنت أسوق طيارة وكنت أفحط به بالجو ومادريت إلا وأنا أشطف المذنب<< اللي هو كوكب المذنب،

ومير نقعد نضحك عليه قلنا يا كلاك المذنب مرة وحدة، ما يخالف تسوق الطيارة نمشيه لك
أما شاطفٍ المذنب هذي اللي ما تنبلع.

ولعلي أعود مع تسذبة ثانية.

وتقبل مروري.

* ودمت بود.

خالي عزيّز .. تسذوب نمبر ون :113:

يقول منول كانت عندي عنز .. وكانت صديقتي مرررررره ..

عاد لافقدتن بدت تقول : أعديييييز .. أمبااااااا .. وين أنت <<<< بصوت خروفي ..

وحنا مصدقين هايدي وراهـ مانصدق ذي !

هههههههههههههههههههههههههههههااااااي
> ضحكة أبو رايد .. :113:
على فكره أبو رايد لاعمرك تضحك هالضحكه تراه تنرفزن :09:

,

العنوان أعجبن , ياخي فيه كلمات ماهي غريبه علي .. :113:

شسمه :09:
أشنع كذبه الصراحه للحين أتذكره كذبة ولد جيراننا الله يذكره بالخير ..
والله يامسيلمه أنه بطلعة الأحد مع ولد جيراننا ذا .. :d

يوم أنا صغير أذكر حوض بيتهم ينبت به جحّ ! :098:
وحقين الحاره بهم نجاسه أوب معقوله أبدن أبد .. وانا والله وش حلاتي :023:
ومادري منهو اللي لاشاف الجحّه توه طالعه وش حليله جاء وقطعه وحلته بالشارع ! :046:

خويي الذيب شاكن بي .. :oo
عاد جاين لمي يقول شف :09:
ترى أخوي الكبير عنده بيجر , وإذا قطعت أي جحه من هالجحح يرن عنده على طول البيجر ويطلع رقم بيتكم وأسمك .. :092:

هههههههههههههههههههههههههه :113:
أنا مادري وين تصرف هالكذبه .. :113:
بيجر ياولد الـxxxx !! يعني معقوله أنا تربيه فكريه ماأدري أنك تسذب !! :113:
تها الله يقلع مخه والله ياهو كلاك .. :d

,

هيك اللي عندي , وربما أعود ! :d

أجل أم العنزين والذيب :113:


تدخل المخ


أبو رائد تسلملي :023:



:032:

أوهـ
شكراً على الموضوع .,,

وأنا ياحول يوم كنت صغير كنت فهرس التسذايب .,,
كانت أمي تقول لي نم ولا ترا تجيك العافيه تاكلك :113:


لي رجعه وعوده

اسمعوا هالتسذبه هذي

به واحدن وأنا صغير لاعبن علينا:i121 وحنا مصدقينه

يقول أن أبوه لاجوا يتغدون

مسك الصحن اللي به رز وفتح أثمه وكب كل اللي بالصحن بأثمه:eek:
يلحس الصحن عنا.. أما عاد كثر منها

وراه الأخ بلاعه

والله ياهو يلهد لابدا يتسذب:(

ومن ذيك التسذبه وأنا اسميه البلاعه..

شكرا لكم..

هههههههههههههههههههههههههههههه ياخي بعض الناس حتى بالتسذب يحوم التسبد :113:
طيب وراهـ مايقول إني أنا متزوج 16 مره مدامه تساذب تساذب :d
المهم إن التسذاذيب كووثآآر لأن الشعب السعودي للأسف كله خراط :d
شكل مابه إلا أنا اللي ماتسد تسذب بحايته :094: <== لله يثبتن :113:

..


ههههههههههههه كلام قميل قدااً ,,

اللهم زده علماً .. :098: <<أقول رح نم بس

..

الكذبه الي مازلة أعاني منها

لاتاكل وأنت واقف ياكل معك بليس