|
كشتاتي وروحاتي وجيّاتي .. [ صوّر وسواليف ] !
السلام عليكم ورحمة الله وبركاته .. << أتحداكم أحد يرد السلام :113: ياهلا والله ومسهلا بالحبايب .. ياهلا والله ومسهلا بطيور شلوى .. عو عو :113: على طاري طيور شلوى ! أذكر مرتن رايحين للصمان وواحد من اخويانا نداوه بالكنود طير شلوى ! عاد واحد نط به يقول طير شلوى السلوقي !! وخويّنا عاد الله لا يوريكم .. ما يبيش وتشب فتيلته ! والله ياهو فشلنا وجاب العيد << ماقلت اسمه :S إيه شوي ويتهاوش هو وذاك ! مير جابن الله معهم وإلا تسان علووووووووم :086: على طاري الكنود .. والله يانا مالي خلق الكنود ! سبحان اللي مكرهن له ! من عقب موقف محرررج صار لي كرهت اللي جابه ! آكاليوم بالنفود الكبير سيارتين حنا ! طبعاً أنا مع السيارة الثانية << الله من زين التعبير :re المهم كنودنا تعلّق ريشته من الشين ! عاد أنا قاعدن أحش بواحد بالسيارة الثانية ويوم قضيت حاش وأمر نضيّع خويانا .. ثم كبست الريشة وناديتهم .. قالوا لي معك كمّل السالفة :098: واااااوك ياوجهي والله ياهي إحراج بعد .. بس مشاه ياحبي لقلبه ذاك الآدمي :eek5 أقولكم والله يانا مبطي عن هالقسم .. من موضوع صلالة اللي طلع بمره ! وهـ بس .. والله يانا أدوخ على هالقسم .. بس بي عجزن ماهوب بأحد .. يحن قلبي للحبايب ويشتاق ** والشوق يرسم طيفهم في خيالي :eek5 الموضوع هذا عبارة عن سواليف مُدعمة بالصور .. يعني أبقعد أسولف لكم عن طلعاتي وسفراتي اللي استانست بهن بس .. وإلا اللي ما استانست بهن منب منزلهن .. تدرون ليش ؟! أنا أقولكم ليش .. لأني إذا ما أخذت الكاميرا تغدي الطلعة نككككككد :( ! الخويا مابهم قصور .. بس تنقهر ودك مايفوتك شيء ! :eek5 وغير كذا .. أنا منب قاعد أسولف بدون صور ومواثيق ... يعني منب منزل إلا اللي مصورهن والكشتة اللي ما أروح بالكاميرا به ما أصور به ولا أستانس به يعني ما أدري وشلون أشرح لك ماتفهم أنت وخشك ؟! :i121 ياكثر قرقه بعد :cool: نبدأ على بركة الله بالرحلة الأولى .. [ رحلة المصابيب ] [rams]http://almobile.maktoob.com/org/uploads/ac97efc067.mp3[/rams] دق سلف الجيب يامال السلامة ** دق سلف الجيب والطرقى طويلة لا ومرته طاعتك غاية مرامة ** أسرع من اللي يصوت له خليله لا وصلت اللي مكارمهم علامة ** شارك أهل الطيب علومـ(ن) جميلة طيب نفس وأريحية وابتسامة ** لا تجي نفسك على ربعك ثقيلة سلم الأمجاد يرقى بالشهامة ** والكرم والطيب تملك به قبيله طاعة الله يا عمر عز وكرامة ** والذي عقب الدهر ساق المخيله الطلعة هذي أحبه مرة مدري ليش .. :eek5 يمكن عشان زحل ماحشره معنا ؟! :113: أفراد الرحلة : 4 نفر زي العسل + العلة أنا ! مدة الرحلة : يوم ونص بس ! المكان : كنا رايحين لحايل وتشاورنا واستخرنا وفرقنا للدهنا وأم عشر والشلة ذيك :098: مشينا من بريدة بعد العشاء يمكن بساعتين .. ووصلنا الدهناء يمكن الساعة 12 بالليل كذا .. على طول ناموا اللي يحبون الدنيا .. أما أنا فاللهم لا رياء قمت أصلي كالعادة ! << يقاله مارقى فوق النفود هو وكنكته يبي يجيب إرسال عشان يدخل المنتدى :096: ! قمنا الفجرية .. وصلينا وكان الجو جمييييييييييييدة ! كسّرنا من هالارطى يالله من فظلك .. وشبينا الضوية .. وشبينا على القهيوة والكيف << يدّعي لا أوطاوه :d ! طبعاً جايبين معنا مصابيب .. أنواع الوناسة ! :118: بعد ماخلصنا متقهوين حميّنا الصاجة وبدينا نصبصب ونبلع من هالمصابيب ! من المواقف :d : اللي بيشره وإلاش لا يحرص يقرى الموقف تراي علمته من الحين لا يطاطي علينا بالرسايل الخاصة .. حنا كاشتين نستانس ونفله << وش جاوه علدز :d أقولكم وأنا أحمي الصاجة قلت لخوياي شوفوا من الحين نبي نبدأ نتكلم فصيح بس ! لا أحد يتكلم عامي ! :113: << طبعاً يوم حنا صغيرين أحياناً يبلانا أبوي يقول هاليوم يوم فصيح ياويل أحد يطلع كلمه عامية .. مثال(1) : استيقض يابني :i125 .. هيّا انهض وصلِ :i125 .. أبشر يا أبي ولكني دائخٌ جداً :eek5 .. هيّا قلت لك استيقض :( .. على رسلك على رسلك لقد قمت :i125 .. الخ :113: المهم قالوا اخوياي زين .. وبدينا نسولف بالفصيح ! عاد واحد من اخويانا خبووووووبي .. وخريج أهليه بالدف والدفيف ! عساوه يجيب الكلام العامي زين ماهوب عاد الفصيح :113: عاد احتمت الصاجة مرة وهو مسكت مانطق ولا كلمة بلش المسكين :113: المهم أشار بيده على المصابيب وقال [ لقد احتمت الصاجة .. هيّا افعل به :113: ] ! << يعني صبه على الصآجة ! آوالله لغة :032::113: والله ياحنا فطسنا ضحك .. الله يغربله هالمنسم :113: ! بعد ماقلنا بالمصابيب ضفينا قشّنا ومشينا لأم عشر .. [rams]http://almobile.maktoob.com/org/uploads/2c0c2f0d72.mp3[/rams] [ وانتهى شحن الكاميرا هنا ] :eek5 ! مايستفاد من الرحلة : 1/ اشحن الكاميرا فُل قبل تطلع للبر وإلا تراك يبي يجيك غثيان بالركبة .. وإلا تدري .. خذ محوّل كهرب !! << تكمل لا صرت ناطله من خويّك أبو آدم حياة الشقى هوووو :p ! 2/ لا تتحدث بالعربية إلا وأنت تجيدها .. حتى لا تقع في محضورات شرعية أو لفضية :096: ! 3/ لا يهون عليك المصابيب بالبر .. والله ياله طعم ماهوب معقووووول .. :eek5 ! التقرير الثاني : [ رحلة مكة المكرمة ] بِمكة قد قضيت جميل وقتي ** جوار الكعبة الغرا مكاني أطوف بها وأسعى لا تراني ** أمّلُ ولا أكلّ ولا أعاني ! اللهم لا رياء طبعاً :096: هالرحلة لها بقلبي مكانة كبيرة :eek5 ! مستحيل أنساها .. !! سالفة الرحلة : كان مافيه شغل يسوى بالمؤسسة .. وفيه حاجة مضيقتن صدري .. وماكنت ناوي أروح وإلا هه .. بس واحدن من اخوياي رايح مع أخوه وأمه لمكه ودق علي وحس إني كسلان قال وراه ماتجي ؟! قلت تراي أسويه :096: ! قال إي والله تعال بس .. حتى أنا أنواع القلق بلحالي << :113: قلت والله إنه جيده .. أشوف لي أحد وإلا كلي بركة ؟! قال بكيفك .. أهم شيء تجي ! قلت ازهله أفا عليك والله ياهو وقتك ! المهم أرسلت لواحد رسالة .. وعلقن يومين ثم قال معليش انشغلت ! عاد أخذت شنطتي وقشي ورحت أشوف كان فيه حجز وإلاش << رحت للمطار على البركة :113: ! إيه وصاروا توهم طايرين ناس .. والرحلة اللي بعده فُل وقالوا نحجز لك انتظار ؟! عاد وأنا واقف عندهم استخرت << :rolleyes: وقلت لا لا شكراً .. ! طلعت من المطار وأنا إلى الحين ما أدري وش يصير علي ! مسكت طريق البكيرية ووقفت عند أول محطة .. ذيك اللي قبل البكيرية يمين عند مفرق الشيحية والضلفعه والشلة ذيك ! إيه شريت ماء وفصفص وفيشار مدري وش اسمه ذاك اللي يجي حاروحلو << والله يانا أدووووووخ عليه ! إيه وقايلن لأميمتي وأبيي بمان الله .. وش أنتظر بس ! ;) والله وأمسك الخط بلحالي :113: إيه وصلت المدينة وأحرمت ودويس لمكة .. دعستن وحدة ! من المواقف : كنت أمشي بين المدينة ومكة .. عاد شفت رادار بالسيد الثاني .. وبديت أكبّس للعالم عشان يهدوووون .. << فاضي بلحالي :096: ! المهم وأكبس لواحد ثم كبس لي ! << يبادلن الشعور :096: ! وأكبّس ويكبس ! ثم طفيت النور وجلست أدق إشارات وكذا يعني حركات مراهقين :113: المهم يوم دريت ويشغّل السوفتي .. وألاااوه أمن الطرق ! :eek5 أنا حسيت إن الحالة غير مستقرة !! :113: يوم مشيت شوي وإلا فيه تفتيش .. :eek5 عاد جلست أدعي أقول اللهم اكفناهم بما شئت :eek5 ! عاد قال لي وين إثباتك ؟! قلت سم طال عمرك .. :i125 قال وراك تكبّس للناس تعلمهم بالرادار ؟! قلت والله إيه هذا الحاصل والله ! قال داري إنه هذا الحاصل .. أقولك وراه ؟ قلت خبرك أحسن إلى الناس تستعبد قلوبهم ! << شلون قلتها مدري ! :113: جلس يضحك ومشااااااان ! والله يانا استانست حسيت بعزة وكرامة المؤمنين ! << :096: لا صدز ياعيال .. سبحان الله ترى هالدعاء له تأثير كبير ! يذكرون إن واحد من الشباب كان عنده مخالفة مدري وشي .. عاد يوم وصل التفتيش قال : اللهم اكفناهم بما شئت .. وقرأ : [ وجعلنا من بين أيديهم سدّاً ومن خلفهم سداً فأغشيناهم فهم لا يبصرون ] << يوم وصل العسكري كان يقرأ هالآية .. ضحك السلتوح ضحكة استهتار وقال [ ماتفلت مني يامطوّع ] !! المهم وقفه على جنب وكتب له المخالفة ويوم عطاوه شقّها وشّق الورقة اللي تحتها << يعني خلاص التغت !! سبحان الله ! طبعاً على رواية واحد من خوياي عسكري يقول المخالفة اللي تحت يحاسب عليها العسكري إذا شقّها ! فصارت براس هالسلتوح .. يستاهل :096: ! ماهوب هذا موضوعنا .. أشوفن قلبته نصيحة ! :d وصلت مكّة واستقبلن خويي ياحبيله هو وشدوقه ! طبعاً دايم أسافر انا وإياوه .. فلّة الفلاتي كلنا نصلح جميع ! بس اللهم إنه ماهوب راعي نت .. ليته يعدين من غير شر << أمي :d صح نسيتآ :113: كان خويي مبسوط قوة لأنه فااضي وماااال وقايل لي تراي منب متعشي أحتريك وكل شوي يدق علي ! بس يوم مريت من بيك المدينة قطر سعبولي ووقفت وطلبت اثنين همرقر لأني ما أحب البروست :eek5 ! عاد يوم وصلت هناك قلت له إني ماتعشيت وإذا قضيت عمرتي نتعشى << أبيه يتخرّط ! :113: عاد أخذ سيارتي يوقفه وأنا رحت آخذ عمرتي .. وإلاي ماضفيت قراطيس البيك << ماكله بالسيارة من العجلة .. وطاح بي قال أجل ماتعشيت يالكلاّك :113: ! صدز التسذب حبلة قصير وعندي مايبيش ويكنشف :S ! من المواقف بمكة :113: ! قاعد أدور أنا وخويي وجانا باكستاني قال يبغى علاج ؟! قلتا وشو ؟ ثم جلس يتلفت ويدوّر حوله أحد وإلا لا !! ثم سحبنا شوي بدواسيس وطلّع من مخباته مرهم مقوي لمدري وشو أضنّه للظهر او زي كذا :S الله يقلع كشرته هالوصخ يحسبنا شيبان ! << ما أعني أحد ! :i125 ماهيب هذي سالفتنا .. المهم إني صوّرت هالعلاج :113: وأرسلت الصورة لواحد من اخويانا بالماسنجر .. ودري إننا بمكة وجلس يلج وراي ماقلت له << طبعاً لو أقوله كان رفض :113: قال بجي لمكم ! قلت تعال الله يقويك :113: الكلام هذا يوم الجمعة الظهر .. يوم جاء المغرب دق علي قال تراي حجزت مرون بالمطار الساعة ست :i125 << تبلش بالجزومين انا أحسبه يستهبل ! :113: طبعاً حاولت أرفع صورة هالعلاج .. بس لمّا يخلص مركز التحميل رافع يقول لا يمكن عرض الصفحة << :113: ! صور من الرحلة : هذا خويي انتبهت بالليل لقيته ظاف اللابتوب وقاعد يفتشه ! عاد تلمست عندي وإلاه الكاميرا عندي وأصوره بدون مايدري إني قمت ! والله ياهو نز من الفلاش واخترش :113: ! أتمنى أدري وش فاتح ! شرط قوقل الصور :113: ! وهذي صورة قعدنا ندور بمكة ونرقى من الدحديرات لين وصلنا هالمكان ! والله ياهو خُراااااااافي !! براااااد فووووق وتشوف كل مكة ! بس القصور الملكية مغطيات على الحرم .. كرررررره ! :(:eek5 قالوا رحت لمكة ؟! قلت إي !! قالوا طيب مريت جدة ؟! قلت لا ! قالوا أجل ما رحت << ماله دخل أدري :d ! هذي صورة من جدة : من المواقف :113: قبل يجي لمنا خوينا الثالث قاعدين ندور بالسيارة بمكة ! عاد جعنا ومرينا من عند مطعم حلوووو شكله .. بس كنّا مسرعين شوي وتعديناوه .. يعني لازم نديور له .. المهم دخلنا الحارة لأن الإشارة بعيدة .. يوم لفينا وإلا فيه قصر أفراح وكان فيه زواج ! التفت على خويي قلت ماتبي نشوف وشلون عروسهم ؟! قال قدّام بس معك عطر ؟ قلت إي دوك ! :113: وصرنا كلنا كاشخين .. وتاكين شمغنا وعقلنا بس اللهم انا منطولات نعالي ومعي نعال امهات عشرتريل :S المهم لبقنا وشخّصنا ودخلنا .. وقلت لخويي لاتحاتسين عشان مايطيحون بنا :d ! والله ياهم فللللللللة .. أويلاه لو عروسنا كذا .. صدز يستانسون بالعرس ! طبعاً مافيه إجتماع وجنب ومدري إيش .. لا كلهم ع القصر .. إذا دخلت به العريس وأبوه وأبو البنت والمعازيب عند الباب .. ثم إذا كملوا الناس يبدون الدواسر .. طم بق طم بق << والله ما أعيّر أحد يابو آدم ! :113: وكل العالم ترقص حتى العريس بالأخير حلّت البشت والغترة ورقص :113: على فكرة .. ترى كنّا سادين إذاننا :S ! دوووكم صورتهم وهم يرقصون :113: : طبعاً فيه مقطع فيديو .. بس تلقونه بالصوتيات << إي والله مشرف :d ! ياحليلهم أبو حجّز ! على طاري العرس .. هذا واحد شفناوه بمكّة من المنتدى .. يقول والعهده عليه :113: مرة واحد من اهل الرياض تطفّل وراح يتعشى بقصر ! عاد وهو بالقصر كان شايب جنبه .. سأله قال أنت ياولد من اهل البنت وإلا الولد ؟! قال الرجّال من أهل البنت ! قال إيه ماشاء الله .. ثم أسكت لين جاء العشاء ! وهم يتعشون كان جنبه هالشايب .. قال له شف ياوليدي .. ترى هذا إجتماع عائلي ماهوب زواج :113: آآآآح ياوجهي .. والله ياهي سطرة :113: طبعاً حنّا ماتعشينا .. بس شربنا ماء وشاهي وطلعنا :d ! تمّت .. :d مايستفاد من الرحلة : 1/ إذا ضاق صدرك رح سافر وفله واستانس ووسع صدرك ولا يهمك إلا راحتك ..! 2/ إذا كذبت على أحد حاول إنّك ماتكذب بهدارة .. يعني إذا فيه فضايح غبّهن :d ! 4/ جميل ان تستكشف المجتمعات وعادتهم في تطفّلك المحمود :113: .. 4/ إذا رحت لزواج بمكة وصار به طق ووناسة سد اذانك واكتفِ بالمشاهدة :d ودّي أكمّل الموضوع مرّتن وحدة وأجدع همّه وترتاحون أنتم .. بس غدين أخليه بكم جزء .. لأني يوم أفتح الموضوع والله ما أدري وش النية ! يعني مانويت أكتب شيء معيّن .. مادريت إنه تبي تطلع رواية ماهوب موضوع ! وأخاف أنسخه مايجي كويّس ويخربن الابتسامات .. وأخاف يعلّق الاكسبلورر ثمن شلّق ثوم ! لزلك .. ستتم التتممة في القزء التاني .. صح وإلا له ؟! :d *** الصور على النية .. ليست من الاحتراف في شيء ! لزلك لا أحد يجي ينقد بذا :(:d ! هذا الموضوع برعاية : 1/ شريط مكشات [ المنشد جاسم المال ] .. 2/ كاميرا .. [ كانون 400d - نيكون d80 - نيكون d300 - جوال n82 ] 3/ لمسات الصوت والصورة :113: ! |
وعليكم السلام اتشرف اكون أول من يرد عليك ياسلام ليتي معكم كاشت ولا رايحن لمكة تسلم على هالصور تقبل مروري |
لا اله الا الله عليــــــــــكم وناسه
يعطيكم العافيه اما المصابيـــــــــب روعة |
مالكم داعي ماقلتوا تبون خوي هههههههههه
تقبل مروري |
. حاااارة الصاجة ياولد .. لعلك مستخير .. [ :d ] . . والله يا أنت منتهي .. :113: . اقتباس:
مثل خوينا من الأعضاء هنا .. صادنا رادار بطريق المدينة-القصيم .. وعند التفتيش تليقف اللي راكبن وراء قال الحين ابقردنه لكم .. وفتح الدريشة وقال لو حنا شايفين الرادار كان مهدين .. قال أقول لبق على جنب .. وهاتوا اثباتاتكم .. :S << قال سم طال عمرك .. :42 وصك خوينا بقسيمة مع الجبهة .. :d . . . بانتظار الجزء القادم حبيبنا .. ولا تتأخر علينا .. :p . |
والله روعة ياخلفهم .. صراحة فتحت الموضوع وأنا مستعجل ولا دريت ألا أنا عند إضافة رد ..
بانتظار الجزء الثاني على أحر من الصاجة . |
الصور رائعة جدا الله يعطيك العافية
|
وعليكم السلام ورحمة الله وبركاته شف رديت السلام لاتحدى المرة الثانية << مصدق:d الصراحة انك فلة , قلي وراه , أنا من الناس اللي استانس على راعين المسكات يعني مثل فاتك الطيارة , الله لايعوق رايح رايح لمكة تروح ولا فيش أي مانع وساعة صدر تسذا , بس ماقلت لي , تراي فاضي لاشغل ولا مشغلة << تم حشره :d على طاري المصابيب , بالرحلة الاخيرة يقالي بظبط اموري باخذ مصابيب بس اكبر قهر نسيت كل شيء , اشوى اني مانسيت نفسي << ينكت لاارنعه أبوفارس ننتظرك ان تسانه به ثاني , ولا هنا سحبة عندي قرق واجد بس مشغوووول قوووة بسافر بعد شوي : 12 << صرفه :d |
.
. |
أجل تحش بواحد .. والريشة ( مكبوسة ) :d
هههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههههههههههههههههههه والله من زين الأمور يأبو فارس .. صراحة موضوع دسم قووووووووووووووووووووووووووووووهـ . يبيله قرايه مرهـ ثانية .. |
...
هههههههههههههههههه :113: .. الله يخلف لا صآر هذا مشرف الصوتيآت .. بحل يعضو .. والله الصراحة فله أنت .. لكن اللي قاهرن .. فأحصن السيارة قبل لاتروح عليه ..؟ :098: يآعاهتي .. :096: |
:113:
عليكم السلاام ورحمة الله وبركاته لي عودة إذا كملت حبيت أرد السلااام :) |
:i121
:eek: :oo :eek5 :i125 :S :025: :09: :) :d : 12 ;) يحقلك يالفارس تقووووووولي بدوني تحلو الطلعه اوريك بس :d امااا صاجة ابواحمد للحين حيييه خخخ :d جالس اناظر الموضوع اليوم الصبح بالمعهد يسئلن كولومبي يقول وشو ذا :d يعني المصابيب قلتله زي الخبر بس حلو :d وهش يعني لين اللي شاطبن راسي وشلون رقيت انت والطالب: اسامه :d فوق الجبل بمكه زين ماشافكم احد يظن ظن السوء :025: كمممممل والله انك تووووووسع الصدررررر بس اتمنى انك ماتظلم الموضوع وتبتره زي صلالة :bad واتمنى انو يدووووم طووووووووووويلاً :eek5 الف شكرررر حبيبنااااااااا صديقااااااااااااااااا عمورررررررررري اموووووووووووووووطخ على خدك :d |
وعليكم السلام ورحمة الله وبركاته
:d |
0 أبو فارس يازين سواليفك ..:d أثرك منسم وحنا مادرينا .. رحلات ووناسات ومسكات .. ( يا ليتني كنت معكم ..! *سلم لي على ريفيقك الخبوبي ..!! 0 |
وعليكم السلام ورحمة الله وبركاته .
لا إله إلا الله راضع مع مصري :113: والله تصلحون لي أنت معكم فاين لوكس ooo1 يا فله :017: فإنتظار القزء التاني يازول بالتوفيق :094: |
اقتباس:
يا حبيلك يا أبو فارس ما شاء الله تبارك الله، والله من الحرارة أجل مالقيت حجز ودقيت سلف على طول، أثري منب بعيد عنك ما شاء الله ما تعوق تشغيلة السيارة ومسكت الخط ،الصراحة موضوع فخم بقوة وليتك تبتل تسولف علينا، وليتك ما تسحب علينا وتنسى الجزء الثاني. أبو فارس موضوع رائع وقميل<< جميل، أشكرك على هذه الصور الرائعة، وأشكرك على قرقك الطويل<< منتب مصري أبد ما شاء الله عليك. وتقبل مروري. * ودمت بود. |
وعليكمـ السلام ..
.
|
مبين من الصور كشتتكم ورحلكم فله
وصور مكه رهيبه |
أعذرني ماني فاضي أقرا ..!!! حشا هذا كتاب موب موضووووووووووووووووع !!! تقبل مروري بصدرا" رحب .. |
بصراحه قمة التنسيم .. أما سالفة الكنود ( مطهبله ) |
موضوع اقلاع ابو فارس بانتظار البقية دمتم بود |
وعليكم السلام ورحمة الله وبركاته ~
الله يقلع إبليسك أضحك الله ضرسك :113: أجل هالدواسر شادّين الحيل :d ولافزن الكاميرا بجنبك تخآآآف تتسحت :113: نحتري البادزيآآآت : ) |
وعليكم السلام ورحمة الله وبركاته /
/ أتمنى إنكم ما أكلتوها ( المصابيب ) أو على الأقل أزلتم المحترق منها ! الطعام المحترق خطير جدا ، وأصيب ناس بالسرطان بسببه ! / يبدو أن هناك عداوة بينك وبين حرف (الظاء) لا أعلم سببها ! بالتوفيق . |
ولِلتّنْسِيِمِ أَهْلَهُ :113:
اجل هالـ خبوبي ماكود تسوي مَسَخَرَهْـ معه ... ( مسخرة : باللهجة البنقالية اللعينة ) |
,,
ههههههههههههههههههه أبوفارس يا منسم .. وحش بالعالم ! والله يا ريشة الكنود كبت العشاء :d أجل تقولي الدواسر ضابطين الأمور :113: بانتظار التكمله ,, ,, |
وعليكم السلام ورحمة الله وبركاته
مساك الله بالخير والسرور يالفارس<<لاحد يقول وشلون عرفت اسمه تراي اخذ الدختواراه بالذكاء السطحي :113: تراي لي دهر ونص وسبعة ايام وانا بس اويدز عليكم من فوق الجدار بس مستحي ادخل:p ومير اجزم واسجل واجي اركض ارد على الفارس :094: هههههههههههههههههههههههههههههههههههههههههههههههههه ههههههههههه هههههههههههههههههههههههههههههههههههههههههههههههااا اااااي قل آآمين الله يرجك على سالفة الكنود :d اضحك الله سنك وضرسك يابيي :cool: وكشتكم فللله بس ياخي مانقصكم خوي:d<<<هو انا ادري انكم ناسينن بس معذورين هالمره والمرة الاخرى تراي بتشعمط وبروح معكم لو تقعدونن بالصندوق:eek5 سلمت أناملك وصح لسانك ع هالشخاميط :confused: تقبل خطمتي المتواضعه :rolleyes: |
وعليكم السلام ورحمه الله وبركاته
الصراحه موضوع جونااااان:d اومااا الكنود الصراحه لو انا بمكانك تسان ديورت لم الديره:p ولا الخبوبي هههههه هذا مثل واحدن من مشرفين منتدى بريده ستي نلعب وقال كلمتن مهب زينه وخذ ضحك :d<<يعرف نفسه:rolleyes: بنتظارك ياامصرقع:d سلام |
^
^ ^ الله يهدي الجميع :113: |
8 8 8 امين:rolleyes: ياعيال ودي اقولكم السالفه:d بس يقول ان قلته ابشطب معرفك:oo وش السوااات؟:09: سلام |
هههههههههههههه
ههههههههههههههه هههههههههههه ههههههههههههه مهبول ابو فارس متابع |
اقتباس:
آنآ آعلمك .. لايهمك بس .. همآو يقرب لك .. آول مآتشوفه .. بدون سلام على طول طوط طوط طوط .. :109: :113: |
. . . اقتباس:
. . هيّن أوريك ياعمر قريح.. :( . . . |
اقتباس:
هلا بالغالي .. الله يخليك .. لي الشرف والله وأنا الكسبان ! ومن قال سالم :) الله يعطيك العافية يالغالي .. :) |
اقتباس:
شكراً لتواجدكم .. |
اقتباس:
أنت الخسران !:013: مشكور يالغالي .. :) |
اقتباس:
ههههههههههههههههههههههههههههههههههه ههههههههههههههههههههههههههههههههه سلّم لي على أبو أيوب ياشيخ :113: ! مرورك غير ؛ ياحبي لقليبك :) |
اقتباس:
وهـ بس .. إحراج والله :080: ! عسى الله ييسر .. :) ألف وأربع مية وثلاثين شكر ! :) |
اقتباس:
مرورك شرّفني والله .. الله يخليك .. :) |
اقتباس:
هههههههههههههههههههه تصدّق أطعم السفرات اللي تجي كذا بدون تنسيق مسبق ومدري إيش ! ههههههههههههههه الله يوصلك بالسلامة ياحلو << مشت عليه :d |
اقتباس:
أنت الفلة والله :d هههههههههههههههه ياحبيلك .. من زوئّك يا أمر الدنيا أنت ! :) سم سم .. قريباً ! :) |
اقتباس:
الله يقلعك يابو عص أنت وريشتك فشلتنا عند الرجّال :113: عاد أنا يقالي أبرقعه :d ياحبيلك بعد .. بس لو مايكبر راسك أحياناً :) |
اقتباس:
عارفك يا أبو يمن :113: دايم بمواضيعي تقول سأعود وعليه :d عموماً منب منتظر عودتك :d |
اقتباس:
والله تدري منهوم العاهة ياعاهة أهلك :d يارجال الحافظ ربك ومانقدت على الموتر شيء وما أبطيت معطيه عديش يغيّر الزيت :d معليش نطيت ردك بالغلط والله :p |
اقتباس:
والله إنك حلاة الروحات حرام عليك :eek5 أمّا لابديت تغيبى وتدوّر سروالك النص :113: هههههههههههههههههههههه :d لا ماعليك يوم نرقى كان معنى الطالب سلمان :113: ماتذكر يوم ندق عليك من فوق الجبل ترى :d ياحبيلك بعد .. والله من أهم الأسباب لكتابتي هالموضوع أبوسع صدرك << يقاله ماهوب محسفك :d مير أنت لاقين رزقك يالماخوذ :113: لاتروح بعيد ياحياة الشقى أنت :080: |
اقتباس:
|
اقتباس:
فاقدينك بالمسن ! بشّرنا عنك يابعدي ؟ :p وين الصور والحركتات اللي وريتن ! :eek5 والله ياليتك .. ويبلغ السلام :d |
^^^ ^^ ^ أقوول لايكثر وكمل وعطناا اللي عندكـ ولاتكثر القرق واجد :( ==> :113: أبو فارس :023: ههههههههه ياحبي لقليبك ويازين سواليفك بعد لالالا يلزمنا طلعتن معك ايوالله خل نضحك عليك مير قصدي خل نضحك وياك جميع :113: أمّااا سالفة الريشة ذي تراااهـ مب فضيحة أبد ولاهيب فشيله مير جاب الله لك خويك وصار حبيّب ومشت عليه ولا تسان علووم :113: والله أعجبتن روحك لمكه لحاااالك .. عاااد تصدّق إني أستانس أمسك خط لحالي والله ياهي كيافة خل عنك .سولف على روحك وهيجن واشلع وانبسط >> يبيييييييييك أبو فريد :113: لا عاد صدز والله وناسه تمسك خط لحالك .. >> خلااااص كل تبن :( ==> سم سم :061 سلامي على رجلن رقى عالي الطيب *** سلامي عليك يابو فـــاااارس :113: >> صح لسااااااااااانكــ تف تف ماشاااء الله عليّ بس |
ههههههههههههههههههههههههههه
ياحبيلك يا أبوفارس والله يا أنت متعدي التنسيم عاد أعرف واحد أجودي زيك ودك تغمسه بالشاهي وتاكله يكلم خويه بالجوال ويوم خلصت المكالمة حط الجوال بمخباته ونسى يصك السماعة ومن ردى الحظ والشين وكل علمن ردي جلس يحش بخويه عند الحاضرين وهذااااك يسمع ويرعد ويزبد والظاهر أنه مكود الحش شوي مهب زيك لأن الأمور مامرت بسلااااام وهذا هو أنت وريشك بس أنت يا أبوفارس كلك ملح لو أسمعك تحش بي أستانس لأني عارفن اللي بقلبك يابعد قلبي <== قلب مغازل :d أبوفارس توي قايم وعلى الريق أحس أن بي طاقة سواليف لذلك طول بالك معي , من طول البال جاب الغنايم ,, البارحة ماهي من البارحاتي والله يالبعوض هالحشرة المقيتة أنه تعشت علي لين تاغرت مع عيونه يايديني أنهن غادياتن تقل رادمية كل الليل وانا اتحكحك تقل جربان وش سالفتهن أبوفارس ياحبيلك ووش الحل معهن , أبي حل فوري لو هجمن علي الليلة الجاية .. موب تقول حط ليمون واغرز به قرنفل هذي يبيله فزة من الفراش يعني يبيله رجال والنوم لايقاوم إن خبرت حل علمن وأدعيلك وأبدعيلك لو ماخبرت شي لأني أغليك كتير كتير فهمتا , والتميز حلال عليك :41 |
.
تقل به واحدن سحب علينا :113: |
. . . اقتباس:
. من كثرك مايسحب عليك .. !! :022: . . . |
لا توجد صور .. أتمنى رفعها من جديد ..
|
اصبر السنة اللي تجي :d
|
اقتباس:
هههههههههههههههههههههههههههههههههههههه يبي يجي الجزء الثاني بس الثالث هو اللي أنس :113: |
هههههههههههههههههههههههههههههههه
واللي نساكم :113::080: إن شاء الله قريباً في الأسواق :d |
^^ |
كشته زينه
|
ابوك يالتقنيه حتى الكنكت بالبر
والله فله الموضوع << تصدق عاد بس ياخي الجبل ذا الي فوق مكة منين جبتوه ما عمري شفت جبال يرقن بمكة ولا يبي يعطيكم منشط ههههههههههههه الله يقلعة ينتظار الحلقة اليايه ثانكس . . |
[ رحلة الساحل الغربي ] هالرحلة عاد غير .. ! :eek5 تدرون ليش ؟ اصبروا لين يجون أفراد الرحلة :106: ! وهـ بس والله يانا إلى الحين أتطعّم به !! :eek5 أفراد الرحلـة : المستشار :106: / الجني العبد [ وليف الروح ] :eek5 / المنخـرش :p أبورائـــد :41 / الفــارس :d مدّة الرحلة : ممممم .. اسبوع تقريباً ! هذي الرحلة مليئة جداً بالمواقف والذكريات :eek5 ! وبعض ناس حمّق علي كم مرة بهالرحلة بس المسامح كريم :p وهـ بس ياحبيلك يابو آدم ! :106: طبعاً أنا بصراحة راعي نسيااااان .. لزلك أبسرد اللي أذكره ! واللي ما أذكره زين بوّلف به :113: ! يعني زي الأوقات والله يانا أبذكرهن ! يعني جزاكم الله خير ياخويانا لا يجي أحد ينط بي يقول تكذب :113: ! لأن الرحلة الآن لها سنة تقريباً .. مشينا آخر العصر من بريدة .. وأثاري الكاميرا مع أخوي عدنان هو وخشته ! :i121 وأدقدق عليه ماعنده إرسال :eek5 ضايقتن بي الدنيا يارب ألقاوه :eek5:eek5 ! يوم مسكنا طريق حايل وأشوا ويرد .. لكن المشكلة صار جاي من أبا الدود يعني يبيله 40 دقيقة تقريباً ويوصلنا ! أنا كنت راكب مع ابو آدم وقلت له خل نمشي بس .. وعيّا ياحبي لقليبه ! :eek5 والله إنك عارفن لي ياوليف الروح ! :eek5 أخذنا الكام وتوكلنا على الله لحـــايل حيث العقال المايل ! :d وحنا بالطريق .. وقّف أبو آدم عند بقالة ! المهم شرى اثنين فانتا فراولة قزاز ! :113: يوم عطان إياوه وإلاوه حااااار .. وأنا ما أواطن المشروبات الغازية لوهن بويردات << يعني باردات بس ماهوب قوة وشلون لا صار حار ! المهم فتحته وشربت ربعه يمكن أبسمح خاطره ! وكانت دريشتي مفتوحة .. وأحسبه مفتوحة كله ! وأمر آخذ عزم عشان أحلت الفانتا مع الدريشة ويطلع برا الزفلت :043: يوم جدعته ويصبخ الدريشة وينكب علينا كل أبوه :eek5 :eek5 ! وقفنا وجلسنا نمسح وإلا كل الحوض يخلف الله أحمر ! :eek5 لين وصلنا بريدة والدنيا تدبّق :113: ! طبعاً ماهوب عشان كذا حمق علي وليف الروح :106: ! صدز إنه حليم ياحبي لقليبه :113: ! وصلنا حايل وتعشينا وكذا .. بالمناسبة .. كنت أنا وزير المالية والاقتصاد الوطني :106: ! ثم مشينا ونمنا بالنفود الكبير .. وهنا صارت سالفة الكنوّد :113: ! يوم أصبحنا تقهوينا ومشينا ومرينا جبّه وتمشينا شوي وأخذنا فطور من أحد المقاصف ! عاد تعرفون جبّه وحايل وذيك الديار راعين كرم ووناسة ! طلبنا من المطعم فطور .. وعلى ما يخلص رحنا ندوّر مسجد ! حسرانين بقوة ! :113: المهم شفنا مسجد ما ادري وش الله قايلن به ! وكان جنبه فيه باب مفتوح .. وحنا منعمين شوي يعني منتهين :113: دخلنا من عند الباب على إنه تبع المسجد .. المهم كان معي واحد من الشباب ما أدري أيهم والله .. المراد إنه هو اللي دخل الأول لدورة المياه وأنتم بكرامه ! يود دريت ويطلع علينا رجّال ويناظرنا باستغراااب ! سلمت عليه وقلت هذا المسجد وإلا لا ؟ << اللي بطنه ذا ما ذاك :113: قال لا والله .. هذا بيتنا ! لكن حيّاكم الله ! :S:eek5 قلنا المعذرة والله كنا نحسبه تبع المسجد وكذا قال عادي ادخلوا تقهووا ! قلنا نبي نمشي جزاك الله خير .. قال أبد ماتروحون ولزم مرة ! المهم أنا قلت له سم بس خل أبدخل دورة المياه :113: تقهوينا عندهم شوي ومشينا من جبة ! :d ياحبيلهم هالشمامرة ! صور من النفود الكبير : آمووت وأدري وش يصوّر :113: ! به أحد شاحطه قايله والله يانت جزوم << :113: حبشة :113: المهم وقفنا بالعليم شوي وصورنا مع الغضا وسرينا ! :d وصلنا الجوف مسيّان .. وشفنا لنا مكان بين تبوك والجوف وتقهوينا به وتعشينا ونمنا ! بس والله ياهو مكان .. خطير بالحيل الصراحة .. صور له :d : تبلش بالمراهقين :d بغينا نرجع بدون حوض :043: بعد ما قمنا وتقهوينا .. سرينا متجهين إلى تبوك ! :d الحمد لله ماصار فيه مواقف بهالوقت :113: وصلنا تبوك .. وأفطرنا من بوفية والله ياطعمه إلى الحين براسي ! :eek5 آويليه بس من راح أغطر بتبوك وجاء << :d بعد ما أفطرنا وأخذنا لنا لفتين بتبوك مسكنا خط حقل ! بصراحة الخط رووووووووعة .. يعني وناسة لآخر حد !! مناظر تهول منها العقول :d وصلنا حقل ولا كان اهنا شيء يسوى الروحة .. يعني السفينة ذيك الغرقة والشاطي بس .. بس ولو حلوة :d الموقف اللي قفلت مع أبو آدم علي عشانه .. :eek5 بما إني وزير المالية شريت ثلج عشان نحطه وسط الحافظة ! المهم حطيته وراء مرتبة الحوض .. عشان لا وصلنا أفك الكيس وأكبه بالحافظة .. لعلي نسيته .. ونمنا ذاك اليوم .. يوم ركبنا السيارة الصباح وإلاه وش تشوف :113: الفانتا أسكتنا عنه :eek5 .. بس هذا ماعنه سكوت :eek5 ! إيه وضبطنا الوضغ وشرينا ثلج جديد بس من حابي ماهوب من الميزانية :p المواقف اللي بالرحلة هذي وااااجد .. وفيه شيء ما ينقال :113: لذلك لعل الشباب يساعدونن عليهن << يبي يفتك :d نترككم مع الصور يا خلفاتهم أنتم :106: ! هلا بيك .. سلاح أستغفر الله :d هذي قلعة قديمة نسيت اسمه .. بس حلوة أوي !! << :d وهذي الديسة .. حياة الشقى هي وهـ بس ! :eek5 اقلطوا ح ـياكم الله ! :d ودّي أكمل .. بس لعلي أكتفي بهذا القدر .. والجود من الماجود .. عندي اختبار مقابلة الحين دعواتكم :eek5 ! مايستفاد من الرحلة : 1/ إني متأخر وإذا جيت أعلمكم :113: آسفين على القصور .. وترقبوا الرحلة القادمة ! :p |
ما استفدته من الرحلة هو
إن الصورة ذي http://arabiclenses.com/gallary/data/2/1325.jpg ملقوطتن بالرحلة ثانكس |
اقتباس:
متشكرين أوي يا أمر ! بس وش سالفة اللوكس ؟ :rolleyes: والجميع يارب ! :) |
اقتباس:
واشينك بكل عاير حاشره :d ياخي وش تبي أنت بالين بس ترد علي << نذل :113: أنت الجميل والله .. :p يسلم ألبك ! |
اقتباس:
يا حبنيلك بعد .. أنت أبو التقارير ياشيخ :d إيه وش حنا بلياوه الله يهديك :d يسلم ألبك ياحلو :p |
ابوفارس , ودي اخليك مع واحد من خوياي , قسم ان ترجع لاهلك بدون راس << اذا قدرت ترجع
اكتشفت ان الجني حليم , مب عقولة السوات هاللي تسويه به , ارفق عليه ولا لاصار رفيقك عسل الحسه كله << حاقه احسن مابكم هالبيك ياحبي له بعد http://www.herosh.com/up/73952/621249023.jpg http://www.herosh.com/up/73952/621249023.jpg وش الارهاب ذا , اطلع الف ماتصلحون لي |
اقتباس من مشاركة الفارس:
اقتباس:
وبعدين أبسألك سؤال: أنت راضع مع مصرية؟، أعوذب بالله والله يا عليك طول قرق، وما يخلص كلامك تبتل تتكلم، بالع مسجل<< ما شاء الله لا إله إلا الله عليك لا تقعد تقول إني نحتك. استمتع بقراءة ما كتبته عن الساحل الغربي، ولو أنا من أبو آدم كان جادعك ومخليك، ناسي الثلج أنت وخشك. شكررريات خيو على مثل هيك قرق. وتقبل مروري. * ودمت بود. |
كل الشكريات والتقديرات لك يـ الفارس لكوأشكرك على الصورالرائعة في مكة وجدة تحياتي |
والله المواقف يازينه
ابو آدم الله يجزاه خير صابر عليك احس انه عقب الفانتا والثلج طفن به فيوز يبيلهن تغيير من الطبخ<<<<<<< الا يوم تكب الفانتا ما شميت ريحت كتار من ابو آدم |
ههههههههه
رحلات عفوية رائعة .. ياحبيلي للجزومين بعد .. ابدآآع عموري |
أف أف والله يارحلة الساحل رقت لهاتي
واصل يا أبوفارس الله يفتح عليك بس طلبة لاعمرك تحلت الفانتا مع الدريشة عطه أبو آدم وهو يحلته عنك يابعدي وااااوك والله يا أنت قهرتن بذي , المفروض كل ماشفت أبو آدم تحب راسه .. موقف كبير يدل على حلمه وسعة صدره ,, والله أنك بعد منسم وبالية :d |
هذة الصور ولا بلاش ..:058:
ياحبيلتس يالديانا ., تسلم يا أبو فارس ,. وهاذي لكـ خاصة : ;) . http://www.herosh.com/up/73952/621249023.jpg |
|
هههههههههههههههههههههههههههههههههههههههههههههههه
والله يابو آدم شكله يضرس عليكـ ! لكن كفو والله ياهو حليم .. كفو يازميل المهنة :d والله لو أنت معي وتكب فانتا بموتري اني أوقف على جنب وأخليك تمحض المرتبة لين تنظف :d اقتباس:
http://www.herosh.com/up/73952/460680656.jpg أول مرة أشوف مطب له رجلين :d http://www.herosh.com/up/73952/303942452.jpg هههههههه أوما هالشجرة ! تقل هاجة تخاف تقطع :113: اقتباس:
:i121 http://www.herosh.com/up/73952/772830047.jpg :eek5 |
,,
لسان حل الجني يقول : أيا مركبن بالفارس معي نوبة ثانيه :113: خبرة كيسة ثلج تحط ورا المرتبه :( طيب موب لازم تفكه حطه هي وكيستها بوسط الثلاجه وإذا وصلت فك الكيسه << أصلح أروح معكم :d طيب الحين ما تشوف الفانتا يوم إنك تحلت الدريشه << :113: ,, |
طبعاً أنا بصراحة راعي نسيااااان .. لزلك أبسرد اللي أذكره !
واللي ما أذكره زين بوّلف به ! يعني زي الأوقات والله يانا أبذكرهن ! يعني جزاكم الله خير ياخويانا لا يجي أحد ينط بي يقول تكذب ! لأن الرحلة الآن لها سنة تقريباً قوية بس حلوة يعنى ماشاء اللة اللة معطيك موهبة تصوير واسلوب مشوق لعرض احداث رحلاتك ذكرنت بالعبودى رحلتى الى روسيا ياخى طق لك كتاب وشف بكرى وش تصير ان وكالات الانباء كلة تحت بابكم بس عاد مو تكبر علينا لاشتهرت عن جد مقال ولا اروع سلمت وننتضر بفارغ الصبر http://www.herosh.com/up/73952/460680656.jpg ابى دباب او ابنتحر هههههههههههههههههه http://www.herosh.com/up/73952/303942452.jpg سبحان من خلق فابدع |
سواليف حلوووووة ..
تسلم لي أبو فارش .. واصل ،، حماااااااااااااااااااااااااس |
إبداع والله ..
تسلم أبو فارس .. |
|
ابوفارس :p
وينك ياخي ابطيت علينا عاد يوم تحمسنا اومر تعطينا الخامس:eek5 ولا خلصت سفراتك ..؟ :confused: |
يعطيكم العافيه
|
الرد حق الرحله الأوله
وعليكم السلام ورحمه الله وبركاته: 12 ههههههههههههههههههههههههههههاي الله يسامحك:i121 فكي بدى يووووووووووووووووووووووووجعن من الضحك:024: شكلي منزمااااااااااااااااااااااااااااااان ما ضحكت الصراحه أنك فلللللللللللللللللللللله:rolleyes: والصور خطييييييييييره تسلم تقمل مروري |
الرد حق الرحله الثانيه
الرحله خطيييييره:41 بس مجنوووووووووون نايم على الطريق:i125 لو تدعسو سياره تان يندم تسلللللللللللللللللللللللللم على الصور بس فكي يوجعن;) مابي أضحك ههههههه |
كح كح كح .....
غباااار الموضوع ارا يالفرح :( |
رآآآآآآآآآآآآآآآآآآآآآآآآآآآآآآآآآآآآآآآآآآآآآآآئع
|
| الساعة الآن +4: 03:43 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.