|
أقتراح رحلة بالسيارات الى أوربا
منذ فترة ليست بالقصيرة وأنا أضع مخططات وأستراتيجات وخطوط ونقاط ،، رحلة تنطلق من عاصمة الرحلات والكشتات (بريدة) الى كل من شمال السعودية ثم بلاد الشام ثم تركيا ثم بلاد أوربا كافة من أوكرانيا حتى أسبانيا والعودة تكون مرورا بمضيق جبل طارق وبلاد المغرب العربي حتى أم الدنيا ثم الى أرض الوطن.
طبعاً المشوار طويل جداً ، لكن فيه آلاف بل ملايين المناظر والأثار والثقافات والوناسات والكيافات التي ربما تمر عشرات السنين وأنت تتذكر رحلتك هذه . أيضاً الرحلة يبيلها سعة صدر وطول بال ورجال قروم شرواكم ، يحملون في طياتهم :المرح والفكاهه والصبر والكرم والحلم الذكاء والبديهه والمعرفه بجوانب الحياة كافة وأهم شيء المحافظة على شعائر الدين .....الخ وتكون الرحلة على سياراتنا وتكون السيارات من الدفع الرباعي _ طبعاً أقتراح_ ولا نأخذ من ديرتنا الا التمر والعيش فقط . ويكون العفش خفيف وعدة السيارات مكتمل ،، وكل شيء حسب الحاجة فقط ، والقائد يتم ترشيحه من قبل أعضاء الرحلة ويتم توزيع المهام على الأعضاء حسب الرغبة والأتفاقيات بينهم ، وتوضع ميزانية ,,ووووو......الخ ولذا أقترح على جميع أعضاء المنتدى والذي لديهم نفس الشعور ، أن يكتبوا آرائهم ، وهل هو مؤيد أم له رأي آخر ،،، ويتم تحديد مكان يجتمع فيه راغبي المشاركة بالرحلة , يتم خلالة تحديد وقت الرحلة والأعضاء والسيارات والميزانية و و و و و باقي متطلبات الرحلة من تجهيزات وغيرة . والسلام |
|
[size="6"] فكرة رائعة وسجلني يالحد اول واحد... مابقى بالعمر كثر مامضى خلنا نشوف الدنيا والطبيعة والوناسة .والله فكرة رائعة لكن يبيلها وقت طويل وفيز...ووووالخ لكن فكرة رائعة size]
|
خلوكم من الزعبيه وجاي
|
أنا جداً أتمنى مثل هذه الرحلة، ولكن لوجود الكثير من الصعوبات التي ستحصل وغياب المادة وعنصر المال فأعتقد أنه لا يمكن للجميع عمل ذلك..
عموماً تبقى هي أمنية قد تتحق في يومٍ من الأيام.. من يدري!.... |
الأمور المالية وأنا ولد أبوي خلوها علي
|
رحلة موفقة اصبرولي عشان بروح معكم
:d الرحلة جيدة وجيده جداً وخاصة ان الامور المالية عليك :d |
المسألة ليست بالسهلة ، خصوصاً في ظل الأوضاع الدولية الراهنة ، وفي نفس الوقت سهلة إذا توفرت [ الجزمة ] لأن أمثال هذه الرحلات ستواجه صعوبات كثيرة قبل وأثناء الرحلة . عموماً .. بالنسبة لي أستبعد أن أكون في يوم من الأيام ضمن طاقم هذه الرحلة لعدة أسباب ، وبالإمكان ــ إن كنت جازماً ــ الإستفادة من أحد المواضيع الجميلة التي طـُـرحت قبل فترة في هذا المنتدى . بالتوفيق للجميع . |
ليش الناس متخوفة صفت علي انا وياك يا( الحد ) وين التفاعل والمشاركات > غريبة <
|
خط الرحله صعب مره وخصوصا التنقل في دول شمال افريقيا اذا قلنا المغرب عادي وشلون تبي تقطع الجزائر وهي كبر السعوديه وليبيا ومصر ..
اتوقع الرحله بالسياره عسره لانك تحتاج الى تامينات كثيره غير الضرايب العاليه و فيه شي افضل تروح بالطياره لحدى الدول الاوربيه وتاخذ رحله بالقطار وتفر اوربا كلها وحتى فيه شركات تسوي لك باكجات رحلات بالقطارات والتوبيسات وزيارات لافضل الاماكن في كل دوله بدون ما تكلف نفسك السواقه والمخاطره في بعض الدول خصوصا العربيه والشرق اوربيه !! موفق خيو |
مجرد فكرة ، واذا تمت الجزمة فان التنفيذ يسهل ، ولا هي صعبة على الرجاجيل القروم .. ماهي صعبه على عيال علي اللي صالوا وجالوا في كل أصقاع الأرض . |
السلام عليكم كيف حالكم ياشباب انا صراحه ماعرف المنتدى هذا ولا كنت اجيه الا عشان موضوع رحلة شباب بريدة الى اوروبا كنت من متابعيه وكنت اجمع المعلومات عن الرحله في كذا منتدى من الكويت لين عندكم يااهل بريدة وانا صراحه كنت مخطط ومجهز رحلتي بالصيف هذا وبالصدفه شفت موضوعك وانا اشد واحد أويد هالفكره الجميله انا من الشرقيه واعتبرني معكم انا وموتري وجميع مايلزم وينقص ابشرو بالسعد طبعا بعد اذن المنظم للرحله ومن ناحية المعلومات فاانا مشبع بالمعلومات بهالرحله من كثر الشباب اللي راحو ومن غير المواضيع اللي متابعها ومن ناحيه الاخوان اللي ردو انها صعبه ماظنتي احد يعرف المسار واللي يجيه وخطة السير ويقول صعبه اي واحد جرب هالرحله تسأله يقول اتمنى اعيد التجربه وبالاخير يااخ الحد سجلني معك بالرحله وتقبلو تحيات اخوكم |
عزيزي steps وعليكم السلام
والله انك ذيبان عزالله انك قدها وقدود ، وأنا أرشحك تكون القايد أو الأمير . ويجب التواصل لكي نخرج بالنتائج المطلوبة والأحتياطات اللازمة . |
عزيزي الحد
أنتم أجزمو وترا اللاندكروزر والم و السواق والمترجم بعد والمين ترا أحتريكم |
مايهزني ريح : كفو ،، تقول وطول . بعدين نبي نرشحك لمنصب مرموق بالرحلة
للتواصل راسلني على الخاص abudari@gmail.com |
يللا متى نروح!..
عطونا الموعد علشان أشتري ملابس وأجدد الجواز وأضبط الميزانية حقتي.. إلا إن كانت على حسابكم فما عندي مانع.. :d |
كفو والله
ونعم بالجميع المهم لو نصفى على سيارتين مافي مشكلة رايحين رايحين الله لايعوق بشر واذا تبي يالحد تنتظر لين يكتمل الردود عشان نشوف العدد او تكتفي لين يتضح العدد لك وعلى كيفك اذا تبينا نتواصل على هالصفحات اوكي واذا تبون على الايميل يكون احسن اعتقد اللي معنا الحين هم:1-المنقهر 2-مايهزني ريح 3-انت الحد 4-اناsteps ان ماخاب ظني ان كل واحد فيهم يسواله ارجال ولا يلتفت يم الرخامه والردى من غير قصور بالجميع اذا تبون التواصل على الايميل فهذا ايميلي w--t@hotmail.com وتقبل تحيات اخوكم |
ياحيا الله الجماااعه .. أنتم صااازين .. << طار بالعجة الصرااحة رقت لاهااتي بس يالله أنتم قولوا وش المتطلببااات من شان نظبط الاموور أنا وخوي الصبااخ وخلو النقاش هوني حتى نقرر .. |
أنا معكم وش المطلوب منا؟
|
قداااااااااااااام >>>>>جازم
|
. |
إذا مريتوا من عند بريطانيا ..
تعالوا لمي ترا لينا حالفتن انكم تاكلون الندومي عندنا هههههه ماشاء اله تبارك الله .. أبداً ياشباب الرحلة .. مهب صعبة .. وبعض الشباب كبر القضية .. الرجال في بادي الأمر .. قال .. اقتباس:
فإذا تواجد العنصر هذا .. الرحلة تكمل .. الله يوفقكم .. انا لو انا في بريدة ماقدرت اروح معكم هههههههههههههه لأني مابي ولا صفه من اللي ذكرت لانب رجال اصبر .. ولانب رجالن قرم ولانب الخ ههههههه اقتباس:
هين ذكي ماعليكم وبديهي لاو الله ياعيال تبون وناااااااااااسه خوذوا ولد اما سيارة ومشاوير .. واطبخ لاتطبخ انا رجال خكري مالي بهالأمرو انا ابي اسافر بالطيارة عشان اصل بسرعه ههههههههههههههههه موفقين يالبياتي انم . والله يتمم عليكم . ويوفقكم يالله شدو حيلكم .. فعلاً لو يتم تحديد المطلوب الآن من مزانية .. وتطلبات يمون بعض الشاباب مابعد تم 21 سنه مثل الصباخ مايقدر يطلع جواااز .. علشان يروح يجدده هههههه هالكلاك ياليت تعطونا جميع المتطلبات |
والله قول وفعل شباب ماعليكم امر ابي اللي صامل بالممشى يدزلي مسج على الخاص عان نشوف العدد وياليت محد يدز اسمه لين يفكر بالامر ويجزم والله يعطيكم العافيه جميع تحياتي للجميع |
ياليت يتم تحديد موقع مناسب يتم فيه الأجتماع والمناقشة والتحضير لبرنامجنا السياحي .
وش رايكم يالشقردية تبغون في مضايفي ماعندي مانع والله مير محييكم . |
:113:..
|
انا عن نفسي بالشرقيه بعيد شوي
ولازم اخذ اجازه كم يوم عشان اجيكم وماودي اخذ من رصيد اجازتي شي عشان ماتنقص علي الاجازه ودي اخذها بالصيف كامله واذا لازم الشكوى لله ندبر سكليف واجيكم بس الحين كامقدمات ودنا بالايميل عشان نعرف حنا متجمعين على اي علم وعلى فكره ترى ضفتك يالحد بالايميل وتحياتي للجميع |
steps هلابك لا لا تأخذ أجازة ، يعجبني فيك روح الحماس ، أنا أقصد ذولي اللي بالقصيم ، لأجل نوزع المهام هذا عليه التأشيرات وهذا عليه تجهيز السيارات وهذا عليه كذا وكذا .
أما أنت اذا انتهينا من جميع الترتيبات فما عليك الا أن تكون ( القايد) دليلة أي الدليل السياحي ورسم خط السير وهكذا ، مجرد أقتراح |
:d ...
|
اقتباس:
|
تراني معكم يارجال
الحد والله كفو بس فيه ناس صغار بالسن مثل الصباخ مايقدر يروح |
ياشباب يالله وراكم كذا سجلوا مع الحد وتواصلوا معه .. قربت الرحلة !!!
|
اقتباس:
:cool: |
والله ياهي تبي جهد مضاعف:04:
|
بصراحة في كثير من الصعووبات
لا سيما الخروج من المملكة والاوضاع الآن كفكرة مناسبة كوقت غير مناسب |
يالربع الحد طرح الموضوع جاد
وانا وغيري يفهم من ردود الرجال هو جازم ولا وده يشارك بس بالصفحه ياشباب ولي يرحم والديكم لاتخربطونا وتخربطون تفكيرنا اللي بيروح وجازم يكلم الحد ويواجهه واللي ماراح يروح يتفضل ويشارك ويامرحبا بااقتراحاته بس لا يقول بروح عقب لاكلمته مارد عليك يعني للحين مادخل المنتدى هالسوالف ماخوذ خيرها ياليت تتقبلون كلامي بنفس حلوه من غير اي مغزى ولا خبث تحياتي للجميع |
.
. .والله كفو قدها وقدود الله يوفقكم . |
السلام عليكم
الحد انا وخمسة من الشباب سوف نقوم برحلة من مدينة بريدة إلى فرنسا ومرورا بأكثر الدول الاوربية على السيارات وسوف تكون الرحلة في 4/7/1430هـ إن شاء الله علما اننا وجدنا راعي رسمي للرحلة .. فإذا كنتم اثنين فأهلا ومرحبا معنا وإذا كنتم اكثر فأتمنى ان يكون شهر 7 إنطلاقتكم من بريدة ... وأنا مستعد لخدمتكم والبحث عن راعي للرحلتكم .. سيارات رحلتنا : جيب شاص 2006 وجيب ربع 2006 .. مع العلم ان معنى في الرحلة واحدرايح من قبل على السيارة وشكرا للجميع |
الرحال
شكراً جزيلاً على الدعوة الكريمة ، وخوة الرجال شرواكم نشريها بغالي الأثمان أشوف الربع مترددين .. بإستثناء أخونا : ( المنقهر) ، وكذلك أخونا : (steps) فهو جاد ومتحمس جداً ولديه معلومات كاملة ووافيه عن دول أوربا |
http://www.awlup.com/up5/get-3-2009-ico36ao3.gif
بنتظااار نتيجه القرار وثمرة تطبيقه http://www.awlup.com/up5/get-3-2009-j5rp1quf.gif |
http://www.awlup.com/up5/get-3-2009-ico36ao3.gif
مؤيدون شدو حيلكم احنا المشاهدون والجمهوور http://www.awlup.com/up5/get-3-2009-j5rp1quf.gif |
يالحد
مادري شلون الحين شبه ضايع بالموضوع مارسينا على بر للحين شالعلم وش ثابت عليه بعدين ماشفت لك اي اضافه لشباب وضح وش صار ولا ضيفني بالايميل بالانتظار..........؟ w--t@hotmail.com |
يالحد وينك عسى ماشر
مالك بينه عسى المانع خير ـــــــــــــــــــــــــــــــــــــــــ كيف حالك يالرحال ارجو اضافتي بالايميل عندي استفسارات بسيطه بخصوص الرحله اذا ماعليك امر هذا ايميلي w--t@hotmail.com او ss@hotmail.com ويعطكم العافيه جميع ودمتم بود وسلام تحياتي للجميع |
انا مااادري ليييه
اذا ابتداء واحد في موضوع وشاف التفاعل والردود والصملات راح وخلا موضوعه ولا عاد يرد على احد ويختفي عن الموقع مدري يحس انه مهم او يصيبه غرور لانه يدري في كذا واحد ينتظره وباليوم يدخل كذا مره على الموضوع ينتظر رده بس مااقول الا......؟ ولا امكن انا فهمت غلط ــــــــــــــــــــ على العموم انا خارج المنتدى وانا سحبت نفسي واذا كان احد يبيني بشي الايميل موجود فمان الله w--t@hotmail.com |
بالعقل يا شباب .. المسألة جداً صعبة وخاصة انكم تتعارفون عن طريق النت !
اقترح إذا جزمتوا تعتمرون جميع يومين او ثلاث .. وتشوفون نفسيات بعض قبل المجازفة ..او القيام برحلة بسيطة ... |
اقتباس:
|
اقتباس:
|
وينك يالحد أبي أسجل بهالرحلة متى نتجمع . أو رايحن تكشت ومخلي هالإقتراح
|
السلام عليكم ورحمة الله وبركاته :
شكراً للجميع من قام بالمرور أو المشاهده أو الرد أو التفاعل . أرى أن يكون التسجيل والتنظيم من قبل إدارة المنتدى الموقرة ، أو من قبل المشرفين المختصين .. وشكراً لكم * ملاحظه : خلال الفترة السابقة لم أكن على الجهاز لإني خارج أرض الوطن 33 يوماً . رسالة لمن إتهمني بالسهج والغرور سامحه ربي . |
انا معكم
|
كلام منطقي ماقاله الأخ حد يجب أن يكون التنسيق من قبل إدارة المنتدى الموقرة
|
وش هالكلام ... رحلة الى اروبا ...(( الله يكفينا الشر )) الله يهدينا واياكم ... |
الحين تهاوشتو وانتم مابعد رحتو
هههههههههههه الله يصلحكم تحسبونه لعب كوره بالحاره ساعه وتنتهي ههههههههههههههه اخاف راعي السياره يخليكم هناك مثل شغل بزارين اول ياخذ الكوره حقته اليا كسر او مسك القده عموما يبي لكم اول شي تطلعون فيز لدول الشنغن والسفارات الحين معلنه حالة الطوراى والمواعيد مقفله لاخر اجازة الصيف مليانه يعني يبي لكم علاقااااات مع قنصل السفاره عشان تطلعون بدري ثانيا يبغى كشف حساب لكل مسافر بميلغ 20000 الف ويكون عنده راتب ثابت وتعريف ثالثا ميزانية السفر راح تكلف الشخص 17000 ريال كحد ادنى عسى الله يوفقكم واذا بغيتو معلومات قولو لي يا عقيلات |
اقتباس:
المشاركة الأساسية كتبها فارس 7 بالعقل يا شباب .. المسألة جداً صعبة وخاصة انكم تتعارفون عن طريق النت ! اقترح إذا جزمتوا تعتمرون جميع يومين او ثلاث .. وتشوفون نفسيات بعض قبل المجازفة ..او القيام برحلة بسيطة ... والله انك صااااااااااااااااااادق |
مرآآآآحب ....واحد من قرايبنا كانت أمنيته يوصل أوربا بالسياره فراحو هو خويه بكرولا ورجعو بعد عشرين يوم من مشيتهم والمفاجأه أنهم يوم رجعو ا عداد السياره ماشي حول عشرين ألف كيلوا............
|
إعلان : وتذكير
ستنطلق الرحلة إن شاء الله يوم الخميس 1/8/1430هـ الساعة العاشرة صباحاً الموقع : إستراحة لنكاوي الأخوة المسافرون : الإجتماع والتنسيق النهائي يوم الخميس 23/7/1430هـ بنفس موقع الإجتماع الأول . |
| الساعة الآن +4: 04:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.